ليلة الوداع

الی مولاتی زینب صلوات الله علیها
رئیسیه


لآخر نجم تشمر حلم زینب العقیله
ظل لا تزم لیلك يتم ينسه كل رحيله

كل لحظه من ليل الغرب تاخذ شخص يوجع گلب
زینب العقیله
-----------
لیلة اوداع الاهل تكتل ابزينب أمل
تبگه العشیره

تنطي لليل العبي اتگله طول و اصطبي
حال الأميره

لو نگص منک خدر یعني زينب بليسر
تنگاد أسيره

حتى لنجومك گلت و بلأخير اتوسلت
لو عنده غيره

گتله ابحزن بلچن یحن لو نظر دلالي
يسمع أون غاب و أظن بس بچه اعله حالي

ما يدري هلغيبه ابرعب تاخذ شخص يوجع گلب
زینب العقیله
-------
اشما جزت لحظه و مضت وصله من زینب گضت
یا لیل الوداع

اشما تحد شوف النظر تنظر اچفوف و نحر
مرمیه علگاع

من تگوم اتخر مثل واحد امصوب کتل
ما ینتهي ابساع

تسمع امناگل بچي و چلمه توجع بلحچي
معناها الضياع

باچر سبي و حيرة عبي لو هوه المحامي
و الأجنبي عگب الأبي يعرف الأسامي

كل كسره من اسمي و نصب
تاخذ شخص يوجع گلب
زینب العقیله
-----------
گصدت اخیام النسه خیمه خیمه امأيسه
من الحشيمه

تحچي سكنه اعله اليتم اتگول سموني ابأسم
سكنه اليتيمه

و الرباب اعله المهد شاطت و بيه الولد
صاحت هظيمه

يمه فز بيك الألم اعليك ألولي اعله السهم
حيره الأليمه

تدري الولد ما يغفه أبد
مابگت تلالي
اتهز المهد لاچن بعد
چن تهزه خالي

دمعة رباب ابدم تصب
تاخذ شخص يوجع گلب
زینب العقیله
---------
امن الخیم طلعت هظم تمسح الدمعه و تظم
حالة ألمها

بس تحس يمها ابحزن طفله ما تنحب تون
سابيها همها

لن رقيه ابلاوعي يمها وگفت تندعي
لچفوف عمها

ما حچت بأمر الضلع منها باچر ینصدع
لو حل یتمها

باچر تفر من الخدر بس نست وضعها
تدري الكسر باچر یمر بیها و بضلها

لمن تفر صوب الحرب
تاخذ شخص یوجع گلب
زینب العقیله
--------
لحظه و اللیل انجله اللیل فارگ کربله
و زینب غریبه

هده چن هد الصبح والشمس صعدت رمح
تصرخ نهیبه

لحظه و الکافل غفه و بدره یم زینب طفه
و شهل مصیبه

و الشمر فوگ الصدر یذبح احسین الظهر
خضب مشیبه

بید الرجس راس الشمس
منذبح ولیها
زینب تحس لآخر نفس
تنتهي ابسبيها

جثة اخوها التضطرب
تاخذ شخص يوجع گلب
زینب العقیله
--------


💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean


💠⚜قناة قصائد نسائيه⚜💠
👇👇👇
🔰شاعرات ام ابيها⚜🔰

@ya_katealkafen

💠⚜منبريون عشاق ام ابيها ⚜💠

👇👇👇👇

🔖¦رابـط الـمـجـمـوعه 💯
🌿¦ 🕋🕌منبر عشاق ام ابيها🕌🕋 :

https://t.me/joinchat/JKHHEkRwqL1RnVJYX7kfaA

اشتركوا 👇هنا رابط المجموعه
الشعراء والرواديد

https://t.me/joinchat/JKHHEkRwqL1RnVJYX7kfaA

آه عالمظلومة آه

.............

تبچي زينب ع الجره و دمعتها دم
لا اخو ضل عدها بالطف لا خيـــم
حسين راح منيدها وراعي العلـــم

اخو ما ضل عدها وتگوم بحماه

......

آه يوم العاشر وذاك النهـــــــــــار
الكفلها بلا يمين ولا يســـــــــــار
وين تمشي و بالخيم مشتعله نار

تشوف طايح بيرغه وطايح لواه

......

عالمخيم تنظــــر بنـــــــــــار احترگ
وصدر أخوها بحافر الخيل انسحگ
شهل مصاب الما جره لكـــل الخلگ

من المصايب لونها بلون العباه

.......

وسفه بت حيدر تروح أعلى الهزل
فوگ ناگه وچفها مشدود بحبـــــل
عالمتن بالصوط يضربها النـــــــذل

فراگ أبو فاضل احس ظهري حناه

........

ميته ريت ولا عشت هاي الحيات
شلون أطبن بالخرابه وبيها ابــات
بوكت ابو فاضـــل بناتي مدللات

شبيدي ع الموت الگطع بيه وخذاه

........

خويه بيه شسوه دولبني الزمان
بقصر طبيت وشفت ذاك المكان
يضرب براســـك لگيته بخيزران

على شفافك يا وسف تضرب عصاه

........









حسين الفیصلی


💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean


💠⚜قناة قصائد نسائيه⚜💠
👇👇👇
🔰شاعرات ام ابيها⚜🔰

@ya_katealkafen

💠⚜منبريون عشاق ام ابيها ⚜💠

👇👇👇👇

🔖¦رابـط الـمـجـمـوعه 💯
🌿¦ 🕋🕌منبر عشاق ام ابيها🕌🕋 :

https://t.me/joinchat/JKHHEkRwqL1RnVJYX7kfaA

في ليلة العاشر من المحرم وهي الليلة الأخيرة التي باتت بها العائله على حزنٍ شديد ولوعة وخوف كان الامام الحسين ع مشغول ببناته وعياله تارة يصّبر هذه واخرى يمسح دموع تلك! حتى افتقد الحوارء زينب ع لم تكن مع العائله فصار يفتش عنها بالخيام خيمة تلوى الاخرى حتى وجدها قد اخذت من خيمتها مقعداً تأن به بصوت شجي والدموع تنهل من مدامعها خاشية يوم الغد والم فراقه.. وبعدها جلس عندها اخيها الحسين ع وصار يمسح دموعها بكمه ويقول بلسان حاله…

هـا يـبـعـد اعـيـوني شـو مـالچ خـلـگ
أشسامعه أم عون احچي لحسين الصدگ
خـاف زينب سـامـعـه بـطـاري الـحـرگ
أو خاف الـمـخــوفـچ زعـيـج أرجـالـهـا

تـدري ما أظم اعله اخـوتـي أتعودت
لاچـن حسـين الـصـدگ يمكن خـفـت
يـاهــو بـاچــر للـحــرم لاون مـتـت
ويـاهـو الـيـعـدّل الـبـنــات إظـلالـهـا

سـكـته صـبـت دمـعـة أم عـون أوبچـت
ومـن نشـدهـه أستـحـت زينب ماحـچـت
وتالـي گـامـت عن ابو اسكيـنـه أومشت
زيـنـب أويـكـسـر الـخـــاطـر حـالـهـا

حسـين ظـل مـحـتار شيـرد واشيـگـول
ايشـوف زيـنـب حـيل ماخـذهـا الذهول
خايـفـه امـن الـعسـكـر وركض الخيـول
بـاچــر الـتــفـــزع تـدوس اطـفـالـهـا

وده الـحـسـين اعـلـى عـبـاس واجـاه
أويـم مـچـان المشـت بـيـه زينب خـذاه
وعـن وضـع باچـر الكـافـل حـچـه اوياه
زيـنـب امـن الـصـبـح خـايـف بـالـهــا

روح طـمـن اخـتـك يـراعـي السـايـمـه
صـار يـومــيـــن اتـهـــم ومـا نـايـمـه
تــفـــتــر أبـيـن الـخــيـام و هـايـمـه
الـبـــاچــر اخـوتـهـا تــنـام ابـجـالـهـا


راح عـبــاس ولـبـس درعـه الـثـجـيل
ويـامـن ايـصـبـح الصبح وأيّغـدي اللـيل
گـام يـزعـگ بالـخـيـم وأيـصـيـح حــيل
الـيـوم انـكـــس كـربـلـه واحـوالــهـا

بــيــن مــا زيـنـب تــون ون الـنــدم
لـن خـطــف عـبـاس يـم راگ الـخـيـم
سـمـع صـوت ابطـاري شيال الـعـلـم
ويـن ابـو فـاظـل عـظـيـم اجـــلالـهـا

صــاح لأم الـفـضــل عـبـاس ورجـــع
واشـتـمـر عـن الـخـيــم غـاد وطـلـع
زينب بطاري السبي اتـسـولف سـمـع
ورايـتـه ابـچـفه خـفـگــها اوشـالـهـا

شــال بيـده الـرايه وانوه اعله الحرب
وگـام مـابـيـن الصـواويـن ايـخـطـب
حسين خويه ارخصني للعـسـكـر أطب
واحـط بـرگـاب الارجـاس اغـلالـهــا


حسـين من شاف الگمر عبـاس گـال
خويه اخـذلك خفگه عالحومه وتـعـال
ابال زينب خـاف أخـيتك خـوف ظـال
خل تشوف اخـتك اخـوتـهـا افـعالـها

نـزل واتـشـابـچ رمـحـهـا أويالنبال
وأبو فاضل صـاح حـي اعلى النـزال
نهر من كثر الخفگ من سيـفه سـال
أو رتعت أوحـوش الفـلـه برجـالـهـا

أخـذ سيـفـه اوفـوگ المطهم صـعـد
وبـيـه طـگ عـرج آل هاشم وارتـعـد
اتـمـوت لازم كـربـلـه مـاخـذ عـهـد
الـزيـنـب ويـوفـي أبچلمته الگـالهـا

رجـع يـم زيـنـب وهـوس بـالـعـلـم
والـهـلاهـل تـرسـت اطـنـاب الخـيم
وداعـتـچ مـحـد يـبـت حـيـدر سـلـم
گـامـت اتـلـوذ الزلـم بـخــيــالـهـا

نسألكم الدعاء

لخادم الحسين سيد حسين الياسري



💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean


💠⚜قناة قصائد نسائيه⚜💠
👇👇👇
🔰شاعرات ام ابيها⚜🔰

@ya_katealkafen

💠⚜منبريون عشاق ام ابيها ⚜💠

👇👇👇👇

🔖¦رابـط الـمـجـمـوعه 💯
🌿¦ 🕋🕌منبر عشاق ام ابيها🕌🕋 :

https://t.me/joinchat/JKHHEkRwqL1RnVJYX7kfaA

مـا بـقـه بـالـطـف يـا عـلـي أنـصـــار ... بـالـغـاضــريّــــه
والـخـيـمــه شـبّـت يــا عـلــي بـنـــار ... مــن آل أمــيّــــه
خـــدري بــالـطــــف يـنـولــــــــي
شـلــــون تــرضــــه يــا عـلـــــي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مـن بـعـد ذيــج الـمـآســـــي الـبـلـهـظـــم بـيـهــه عـشـــت
عـصـرة أمـي وطـبـرتــك والـجـبــده بـعـيـونــي شـفــــت
يـا عـلـي بـطـف الـنـوايــب هـولـــه مـن عـدهــه خـفـــت

بـطـبـرتـك جـــان أكــــو حـمّـــــاي ... يـنـغــــر عــلــيّــــــه
وهـسـه وحــدي مـتـيـهــه الـــــراي ... شــفـــت الــمـنــيّــــه
حــيـــــره وآنـــــه بـــــلا ولـــــي
شـلــــون تــرضــــه يــا عـلـــــي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

للـطـفــوف بـهــيـبـــــة أخـــواني طـلـعــت أويــه الــحـــــرم
وفـــوكَ راسـي أيـرفــرف بـغـيــرة أبـــو فــاضـــل عــلـــــم
ويـوم عـاشـر شـو جـفـونـي يـا عـلـي وصـبـــري أنــهـــــدم

مـنـهـو أللـي يـحمـي هـــاي الأطـفـال ... بـيـت الـزجــيّـــــه
مـجـتـوفـــه يـا حـيــدر بـالــحـبــــــال ... هــــم أو أذيّــــــــه
وصـــوت زيـنـــب مــعــتــلــــــي
شـلــــون تــرضــــه يــا عـلـــــي




ريـت بـالـعـاشــــر تـجـيـنــــي يـا عـلــي يـا حـيـــــدره
تـشـوف بـعـيـونــك يـبـويـــه زيـنــب الـبـيـهـــه جــــره
وحـدي عـالـغـبـره تـهــاوت كــل أخـوتــــي أمـــــوذّره

كَـلـــب الـفــواطـــم بـالــهـظـــم نـــاح ... صـارت سـبـيّـــــه
خــدري ودلالـــــي يــا عـلــــــي راح ... مـن بـيــن أديّـــــه
كَـلـبـــــي بـالــهـــم مـمـتـــلــــــي
شـلــــون تــرضــــه يــا عـلـــــي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

مـن أخـوتــي مـا رد عـلـيّــه واحــــد بـيــوم الــطـفــــوف
واحـد أعـلـه الـشـاطـي شـفـتـه أمـكَـطـعـه مـنّـه الـجـفـوف
واحـــد بـنــص خـيــل أمـيّــه أمـــوذّر بـحــد الــسـيـــوف

عـالـمـشـرعــه ظـل صـاحــب الــجــــود ... حـامــي الـثـنـيّـــــه
لــو تـــدري بــويـــه بـكَــطـــع الــزنــود ... وجــروحـه مــيّــــه
شـــوف صــرّعـــه كـل هــلـــــي
شـلــــون تــرضــــه يــا عـلـــــي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

آنـه زيـنـب يـا عـلـي بـت فـاطـمــه الـزهـــره الـشـمـــس
وآنـه أخــت عـبــاس ذاك الـكـلـهــــه مــنّــه تـنـخـــلــــس
شـلـون تـرضـه عـالـيـتـامــه أيـصـول ويـجـول الـرجــس

راحــو مـن أجـفــوفـــي يـضـــرغـــــام ... حـسـيــن أو أخـيّـــه
يـا حــيـرتـــي مــن أمــشـــي للـــشــــام ... هــــاي الـبـلــيّــــــه
والــهـظـــــم مــا يـنـجـــــلــــــــي
شـلــــون تــرضــــه يــا عـلـــــي

الشاعر السيد علاء الحيدري



💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean


💠⚜قناة قصائد نسائيه⚜💠
👇👇👇
🔰شاعرات ام ابيها⚜🔰

@ya_katealkafen

💠⚜منبريون عشاق ام ابيها ⚜💠

👇👇👇👇

🔖¦رابـط الـمـجـمـوعه 💯
🌿¦ 🕋🕌منبر عشاق ام ابيها🕌🕋 :

https://t.me/joinchat/JKHHEkRwqL1RnVJYX7kfaA

شوط كربلائي


على نوگ السبي زينب أشوفج ثورة منتصره
وقبل ما أذرف العَبره واجب أخذ العِبره

.
.
.

وحگ چفين ابو فاضل يضل اسود الچ ثوبي
اولازم تلطم الچفين حته اتطيح أذنوبي
وحگ الخاء الِبخدرج يبقه احسين محبوبي

وحگ احسين ووداجه
العطفج روحي محتاجه
اجيت وطالب الحاجه
شفتج سبب متصله بسماء العاليه شجره

.
.
.

صور من معركة عاشور ابوجه الشام عفتيها
وشيبه من علي السجاد طاحت وانتي شلتيها
تره الناگه استحت منج صعدتيها وسترتيها

النِعم منچ آ ياحرمه
تسويلج الف زلمه
الشمر خل يحترگ دمه
الهيبه تلوگ الچ والله يابت فاطمه الزهره

.
.
.


بالحب زينب وعباس منو الأكثر نِچِي الزينب
ياهو الي بِديه الماي وگبلچ گله ما أشرب
صعد راسه الرمح مو خوف يريد يشوفج وينحب

چانت دمعته و همه
يموت وما تعرف امه
زينب تنسبي يَمَه
ابو فاضل لَمَنْ تمشين يباوع حته من ظهره

.
.
.

حِچيتي وسجل التاريخ اعظم خطبه مكتوبه
لو سامعها الچ فرعون يمچ اعلن التوبه
سِتار الكعبة يازينب عباتج هايه محسوبه

الگمر الكم گمر هاشم
وجبريل النِزل خادم
ماهزج هَرج وادم
اذا اخوتج على الارماح تره چدمچ على شعره

.
.
.

النبي عيسى لمن تهموه رد ودافع المريم
وانتي بمجلس ابن ازياد حيدر "شُبه" اتقدم
انا القاب الوصل قوسين تِكلمتي وتره تكلم

لا زينب تره صعبه
ثغر السبط ويضربه
دمعج يسوه الف جربه
مو وكت البچي وتبچين ليش العين الچ حَمره

.
.
.

السبي أثر على ارسومج يزينب صايره اچبيره
تسدين السمع والعين لو طبيتي كل ديره
شتم والضرب بحجاره على الناگه شترد حيره

وانتي الخاطر احسينج
ماكفيتي بونينج
ايدج لاطمه عينج
لجل التسعه بچفوفه انتي لاطمه العشره


الشاعر محمد الظالمي

💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean

💠⚜منبريون عشاق ام ابيها ⚜💠

👇👇👇👇
https://t.me/joinchat/CApOYURwqL2iw16sbbtBOgج

راح أبــو الــسـجـاد...لـو يـرد لـيـنـه
قصيدة للشاعر : الشاعر المرحوم الشيخ كاظم منظور الكربلائي
ألاداء الاول للرادود المرحوم حمزه الزغير
وقد قراءها الكثير
واليوم نعرض عليكم المبدع المله خضير عباس الشكري
من مدينتي المشخاب

گلــلـي يـالـمـيـمـون...ويـن والـيـنـه
راح أبــو الــسـجـاد...لـو يـرد لـيـنـه
آنـه يـالـمـيمون...بيدي جدمتك...وانخمش گلبي
مـن رحت بحسين.... بالله ودعتك... والباري حسبي
وبگت روحـي تلوج...وانتظر جيتك....وعيوني ترمي
جـيـتـنـي خـالي...حسين چا وينه...راح من إدينه

بالله يـالـمـيـمون...رد علي جواب...وخفي ونيني
سرجك المگلوب.. صاب گلبي صواب....واثگل حنيني
هـذا دم حـسـيـن... لو حمر خضاب... ما تدليني
هـمـهـم الـمـيمون.. وهملت عينه...راح من إدينه

دم يـا هـالميمون.. وجهك خضابه.. والگلب عطب
مـن وريـد حـسين.. لومني صوابه.. وجهك تخضب
گلـهـا سـهـم البين.. بالگلب صابه.. شمالج يزينب
دم أخـوج حـسـيـن.. مـا تعرفينه...راح من إدينه

لـيـش يـالـميمون... مندهش شحالك... مجبل عليه
تـجـر بـلـجـامك... تصهل شمالك...ونتك خفيه
جـيـتـنـي خـالـي....وين خيالك....عفته رميه
ويـن أخـوي حسين... عن صواوينه...راح من إدينه

بالله يـالـمـيـمـون... لهفتي ردها... وهود عويلي
گلـوب هـالأيـتـام... لا تـمردها...هدمت حيلي
هـاي سـكنه تريد... مني والدها.....وفجعت دليلي
چن أخـويـه حـسـين...يتم سكينه...راح من إدينه

لـيـش يالميمون.... سيـّـبت حالي...وهدمت داري
وگطـعـت بـيـنا... بطيحة الوالي....آه ينكساري
واگطـعـت گلبي.. بسرجك الخالي... وهيجت ناري
حـرم ظـلـيـنـه....ومـن يحامينه...راح من إدينه



💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇

https://telegram.me/Alhseean


💠⚜قناة قصائد نسائيه⚜💠
👇👇👇
🔰شاعرات ام ابيها⚜🔰

@ya_katealkafen

💠⚜منبريون عشاق ام ابيها ⚜💠

👇👇👇👇

🔖¦رابـط الـمـجـمـوعه 💯
🌿¦ 🕋🕌منبر عشاق ام ابيها🕌🕋 :

https://t.me/joinchat/JKHHEkRwqL1RnVJYX7kfaA