عمري عشته ابسمتك :—

وين ماامشي اشوفنك وراي
شايل الرايه وتضلل مستحاي
تغطي ظلي برايتك
فدوى اروح لغيرتك
ياابوفاضل ... ياابوفاضل

####••••••••####

اوفيت خويه بالكفاله بحق يراعي المشرعه
منين مااندار اشوفك من جهاتي الاربعه
تباري نجمات الضعينه بهالبراري الشاسعه
ومن يطر فجر الله تقرة قل اعوذ الفاجعه

آ ينور عيون خدري
مدلله بزودك ياذخري
وانه اعلم غايتك
فدوى اروح لغيرتك

===###===###===

كاتب اسمي جوه درعه وانه ادري محبته
خايف الوادم تشوفه واخته صارت سلوته
عمره ما ناداني يختي وخجل دوم بجلسته
گبالي لو رايدله حاجه بعينه يطلب حاجته

يابعد روحي ياحرزي
انت اخوي وانت عِزي
عمري عشته ابسمتك
فدوى اروح لغيرتك

===###===###===

بجال اخوها الاخت تبقى شامخه مثل الجبل
تحلف الناس بخدرها بزود عباس البطل
خويه يوم الغبت عني صحت وينك يااجل
عكب چلمات الشماته اللاحت اسمك يافحل

مچتفه وخصمي هضمني
ومن صحت راسك سمعني
شلون تغفى مروتك
فدوى اروح لغيرتك

===###===###===

شكد تمنيتك يخويه يوم رحنه باليسر
وادري راسك ما تحمل واختك بوليه شمر
شفت رمحك انحنالي تكلي اوصيج الصبر
اعذريني وانا راسي عليج يبچي ومنقهر

لا اديه وهذا عذري
چا ذبحت الشمر يختي
ادري كد حچايتك
فدوى اروح لغيرتك

===###===###===

ادري كلبك ما تحمل والشماته جرحته
من شتمني النذل عمداً وانت تعرف جرأته
وبالعناد كبالي راسك شفت رمحه وقصته
ومن نظرت لرمح راسك عليه بانت لوعته

وين عباسج يبت طه الامين
وحدج دخلتي لقصر ذاك اللعين
بغربه صارت عيلتك
فدوى اروح لغيرتك

===###===###===

الخادم احمداللعيبي
https://t.me/Altef1
٢١/ ذوالحجه /١٤٤٣ هـ
ونســألــكـم الــدعـــاء

اغتنم فرصه قبل يوم الحساب
لايغرك مال لا عز لا شباب

<><><>•••••<><><>

صحتك قبل السقم قبل الوهن
استغلها بيوم لو صارت محن
افدي لاجل الدين روحك والوطن
ما ينولك سخط لا هم لا عتاب

••<><><><><>••

المال يُورث لو حوادث تاكله
والغنى الاكبر شهادة بكربله
تنجني من اهوال دنيا زائله
تفوز بالجنه وتنجو من العذاب

••<><><><><>••

والشباب بعمرك وقبل المشيب
خلصة بالطاعه ومجالس للغريب
الطم واذرف دموعك للخضيب
لاجل زينب والخدر واهل النقاب

••<><><><><>••

تعلم من الاكبر بيوم الطفوف
عاف كلشي وبرز ما بين السيوف
ابد ما هزه جمعهم والصفوف
وموقفه مذخور عد رب الارباب

••<><><><><>••

برز متنكب وسيفه بيمنته
حارت العدوان بيه وصولته
هذا حيدر لو محمد جهلته
وصال بيهم والسلم منه مُعاب

••<><><><><>••

صاح انه الاكبر وابن الطيبين
عمي العباس ابن فارس حنين
اليوم اراويكم منو يعادي الحسين
بيوم حشره ما يظل عنده جواب

••<><><><><>••

تكاثرو ويلي على ابن فارس مضر
بالسيوف وبالنبال وبالحجر
صاح بويه حسين هذا اول خطر
والعطش ثاني على ابنك والرباب

••<><><><><>••

انشده كلب حسين وابيض راسه
شافه يلفظ ويلي باقي انفاسه
شلون حال الابو وشنهو احساسه
يعاين وليده صريع عالتراب

••<><><><><>••

بعد قوه ما بكت عند الحسين
يحمل وليده وبچه وهملت العين
صاح شيلو الاكبر والله المعين
بكلب امه وعمته ام الحجاب

••<><><><><>••

الخادم احمداللعيبي
٢٥/ ذوالحجه/١٤٤٣ هـ
https://t.me/Altef1
ونســألــكم الـــدعـــاء

ساعه اختفى جماله :-

يضحك دخل للمعركة وبچفه صمصام
ما همته كثرة عدى لو كثرة سهام
مثل الكمر تلاله
شاب وبعث رساله
روحي فدى الدين

<><><>•••<><><>

طب شامخ بفتوة نصر عنده من الايمام
ان تنكروني ابن الحسن والاسم جسام
افنيكم اليوم الظهر يازمرة الشام
وارجع بنصري لخيمتي هذا اعظم وسام

لو چانت القصه حكم لو شورى تدعون
ما چان خنتو المصطفى والكل يسمعون
وتحزم بفعاله
شاب وبعث رساله

•••<><><>•••

هذا الوقت افضل وقت نشر الحقيقه
والعاده جدي المرتضى زمره السحيقه
الكله بخً بالامس تيهه طريقه
ونكرو وصية المصطفى سيدالخليقه

لو هي صدقاً صدقت قول النبي شلون
تنكر وصيته وتختلف وبالطف ينزلون
واجتمعوا بنذاله
شاب وبعث رساله

•••<><><>•••

بيبان ربك مشرعه للتوبه والناس
لكن قبل ذبح السبط وعضيده عباس
ومن قبل جسم ابن النبي بالخيل تنداس
كلمن قراره بنيته والعقل بالراس

ما هيه الا ساعهً والحور تهتف
هذي الجنان تفتحت للعنده موقف
لحسيني ولجلاله
شاب وبعث رساله

•••<><><>•••

عكب الوعظ والموعظه وجمله كلامه
تحزم بصايه والده ودرع الامامه
وجهه الكمر لمن طلع تارگ خيامه
وحسين عمه ينظره وكله السلامه

العذر يبني لوالدك لو نالك السيف
لكن وحق چبد الحسن انه اخذ الحيف
ساعه اختفى جماله
شاب وبعث رساله

•••<><><>•••

صال واوكع لكن صرخ ياعمي راحل
سلم على امي وعمتي وعمي ابوفاضل
يحسين لو عندي نفس بيه ابقى اقاتل
وافديك انه وافتخر يبن البواسل

لكن منيتي استعجلت والملتقى هناك
نحضى بسعاده وبهنا يم جدي الكاك
هذي فلا محاله
شاب وبعث رساله

•••<><><>•••

الخادم احمداللعيبي
٢٦/ ذوالحجه/١٤٤٣ هـ
https://t.me/Altef1
ونســألــكم الـــدعـــاء

ابوفاضل قسم يجعلها رماد
فزع طشرهم مثل طش الجراد

••<><><>••<><><>••

ابوفاضل من هجم زلزالها
واخرجت جيش الكفر اثقالها
التمت عليه ال اميه شمالها
يصيح بيهم بيدي هاليوم الحصاد

••####••####••

إنّا انزلنا ابو فاضل بالطفوف
يحامي العباس عن خدره ويطوف
بالف فارس چنه فرق هالصفوف
بيده يحمل جربته وفتوى جهاد

••####••####••

الحومه ما هيه ترى فرت كعب
من فرس عباس ما بيها تعب
شردت الفرسان موقفهم صعب
وصاح بيهم والثبت اصبح جماد

••####••####••

مَلك صاح لمَلك طير بهالفلا
لا يجرحك سيف ابن عقد الوله
مغضب العباس وينادي بـ هله
منهو يدنى وانه ابن سبع الشداد

••####••####••

نزلت املاك السمه من السمه
حي اخو زينب ضربته مسممه
الشجاعه فنون عنده معلمه
حيدر الكرار غذاه برشاد

••####••####••

برز والعسكر تحير وارتعب
منين يشرد والكمر سد درب
من جهه الاكبر وهو اعلن حرب
ياهو يوصل للخيام وللسياد

••#####••#####••

غاص وسط الحومه يشطرهم شطر
چنه ابوه حيدر اذا يطبر طبر
وسط جيش العدى ماعدهم مفر
وظلت الخيل التدور ع الطراد

••#####••#####••

منهو يدنى وانه ابن ذاك القتل
ابن ود ومرحب واسمه الفحل
ساعه لن الجيش صاح بكل عجل
هجمو وكلهم عليه زلم وجياد

••#####••#####••

وكع وتكنطر وسط جيش الكفر
نادى خويه حسين حدي واعتذر
من العقيله وسكنه وباچي الخدر
وصل يمه حسين واعلنها حداد

••#####••#####••

الخادم احمداللعيبي
٢٩/ ذوالحجه/١٤٤٣ هـ
https://t.me/Altef1
ونســألــكم الـــدعـــاء

حسين بالدم يشتريك :-

ابد ماصدك نهر
يحني طولك ياكمر
رفع روحه لچف اديك
راد يتبرك يجيك
ياابوفاضل .. ياابوفاضل

••••••<><><>••••••

الكمر كاصد للنهر يرويه ترى
كمر هاشم يوم حل بنينوى
مااصدك راح يتروى بروى
راح كاصد للفرات وللهوى

اختنكت الدنيا وعطش حتى الفرات
بچفه ابوفاضل غدى ينطي الحياة
موت متحقق وشيك
راد يتبرك يجيك

#####••######

كمر هاشم عمره ما يحني الظهر
كلها تحني الروس كدام الكمر
اليريد يكول طأطأ وانكسر
كله شوف بكلبك واقره الخبر

مد چفوفه لشاطي مذبوح بحزن
وبچفوف الكافل انعاد الوزن
بنفسي انه معتنيك
راد يتبرك يجيك

#####••#####

كافل الحره اعتنه وشد الفرس
صال بيهم زلم مخلوسه خلس
صوته يكفي والثبتله بلايه حس
سيفه يبتر صولته اعظم درس

ما تهمه جموع لا سيف ورعب
هذا ابوه حيدره قتال العرب
حسين بالدم يشتريك
راد يتبرك يجيك

#####••#####

فدوى للعباس كل روح ونفس
حسين ابواليمه نطى هذا الدرس
كله خويه بروحتك روحي تحس
بروحتك كل الحراير تنتكس

وانه ادري بغيبتك شملي شتات
العالم الله والنهاية عله الفرات
بروحي انه مفتديك
راد يتبرك يجيك

#####••#####

جربة العباس مليانه زلال
تصيح للشط هذا سقاي وتعال
مد جروفك واعتني لچف الدلال
اخذ غرفه واعتني صوب العيال

أمر من الكمر للشاطي ويطيع
يعتني لسكنه ويرويه الرضيع
لايحسبونك شريك
راد يتبرك يجيك

#####••#####

الخادم احمداللعيبي
٢/ محرم الحرام/١٤٤٤ هـ
https://t.me/Altef1
ونســألــكـم الــدعـــاء

لهفي لكِ يارقيه :-

على عيونك اسلم والرمح جاي
عكب ظلك ادور بويه الفياي
بويه يامذبوح .. بويه يامذبوح

====••••••••====

تعبت وانه ادور ويلي اعليك
وذر متروس گاع الطف من ايديك
عبايتي زغيرة ما توسع واغطيك
كمت غطيت بيها بويه چفيك

وانه بوناتي وحسراتي واهاتي
وانه بجمراتي ولهفاتي ولوعاتي
وانه نيران من فراكك بلهاتي
يامذبوح

••##••##••##••##••

عله التربان بويه شلون غافي
اجيتك والجدم من عندي حافي
سمعت من النحر چن صوت دافي
يزيد جرحي ونج بويـــه كافي

بويه ليهسه ما ناسي جمراتج
بويه اتچوه من اسمع حسراتج
بويه لخيامج ردي يم عماتج
يامذبوح

••##••##••##••##••

طلعت من الخيم والخيل اجتني
اشرد وين منهن يلحكني
واحد بعد ما سلب شتمني
غير النار باجدامي چوتني

تعنيتك ملهوفه لحضانك يحسيني
تعنيتك مرعوبه ومفزوعه من سنيني
تعنيتك لعيونك ولصدرك ناديني
يامذبوح

••##••##••##••##••

سمعت حسين ابوي يلوج عطشان
صحت چا وينه عمي گمر عدنان
يعوف حسين ضامي بوسط ميدان
اكيد الجربة طاحت منه بمچان

ويلي لشفافك ولصدرك وعيونك
ويلي من الماي يحرموني يحرمونك
ويلي نهر الكوثر يبچي لجفونك
يامذبوح

••##••##••##••##••

ما بين الچثث شفت المراره
اشوف الروس بس دم اتجاره
حرت ياهو ابوي بهالمعاره
صحت عله الشمس كافي حراره

غيبي متغير حسيني ورسومه
غيبي مااعرف اوصاله من دمومه
غيبي لاجل امه ولاجل اخته المالومه
يامذبوح

••##••##••##••##••

يبويه من القهر جرحي تورم
وكام السوط يضربني عله الدم
وين حسينج يكلي وتبسم
كلت هيهات اذلن بويه واندم

ويلي متغير وحجاره بنص راسك
ويلي واعرفتك يابويه من احساسك
ويلي ومن نحرك ناديت لعباسك
يامذبوح

••##••##••##••##••

الخادم احمداللعيبي
https://t.me/Altef1
٤/محرم الحرام /١٤٤٤ هـ
ونسألكم الدعاء

بكائي چان تفسيره :-

يفداك العمر يحسين ست اشهر واقاتلهم
مو شرط الدرع والسيف بكماطي واكابلهم

###••••••••••###

العقيده شما علت بانسان ما يخشى الخطر دومه
ويتعنى المنايا بزود يترك عيشته ونومه
واحنه بحب ابوالسجاد مثل انصاره بالحومه
والعادانه خله يشوف يلعن ساعته ويومه

ما نرجع وننصر دين
واحنه بها الامر ماضين
عكب انصارك السبعين
ولو بيدي الامر يحسين
ساعه ما امهلهم

••••••<><>••••••

رقم صار العمر يحسين يمك وانظر الغايه
متساوي العبد والشيخ كلهم نفس الحچايه
واحد تركي متعني ونصراني حمى الثايه
وكمر هاشم فخر عدنان بيده يحمل الرايه

شيب وشاب بالميدان
وانه اصغر ولد عدنان
افديك بكلب ولسان
بكائي چان تفسيره
خل تظهر بواسلهم

••••••<><>••••••

من الخيمه طلعت للكوم شايل همة اجدادي
ادافع عن حريم حسين وصوتي بكربلا صادي
منعتو الماي عن حسين ظنكم ينكسر عادي
متوهمين والكوثر بيده وامه تنادي

هاگ الشرب يوليدي
جبت الماي الك بيدي
لوت هالحرم جيدي
ادعي بكل وقت انه
تتهدم منازلهم

••••••<><>••••••

اقوى من جهاد السيف چلمه بوجه كل حاكم
جهاد النفس عكب السيف اكبر يفهم العالم
اخذ منه السيوف هواي الكمر والاكبر وجاسم
ودوري صار وكت الطف ابكائي افضح الظالم

اصيح واعلن الثوره
عله كلمن حارب العتره
اردد چلمتي واقرا
بدمعي وعطش خواني
اهدم كل معاولهم

••••••<><>••••••

مو قصده الشرب للكوم ابوي بيوم قدمني
لكن حجه على العدوان يوم المحشر يخصني
ذبحتو اليرضع بعدوان ما ضاك الشرب ابني
وراسي وياه للشامات امشي وياه متعني


احمي براسي سكينه
وتنادي حسين چا وينه
وينظرني الابو بعينه
چنه يكلي ياوليدي
برمحي وانا انازلهم

••••••<><>••••••

الخادم احمداللعيبي
ونســـألــكـم الـــدعـــ‏اء
https://t.me/Altef1
٧/ محرم الحرام/١٤٤٤ هـ

عتاب المهدي

ليش عفتوها المجالس ياشباب
انا مهديكم واريد اسمع جواب

================

ارد اعاتبكم ياشيعة حيدره
ليش عفتوها مجالس زاخره
بيها دين الله ومعالم فاخره
تعلمو من سيره الحق والنقاب

================

ليش صار الدين عدكم بس لطم
لو درب مشايه عاري من الفهم
هذا درب محمل هموم والم
بية امشي وعمتي ام الحجاب

================

كال مولاي الرضا وذاع الخبر
لو ردت تبچي لعزيز من البشر
ابچي لحسين الذبيح من النحر
واعتني لمجلسه تحصل بيه ثواب

================

صرح بهذا الخبر لابن الشبيب
كله جدي حسين مذبوح وسليب
وجسمه من كد الدمه اصبح خضيب
وخيل داست چثته والصدر عاب

================

ليش صار الدين عدكم بس شعار
طول لحيه ومسبحه وهذا انتشار
لها السبب كثران عدكم الانتحار
غاب منكم محتوى لب اللباب

================

الدين لاتقيسه بتصرف من وضيع
يكول هذا الدين بلسانه بديع
وهو ما يعرف القيء من الرجيع
يبتغي من هذا يحصل اضطراب

================

وبعض منكم رايد اسلام العصر
مو شريعة جعفر وكل الطُهر
يريد كل الدين افراح وسفر
وغفل عن شبهات ربك والعتاب

===============

والبعض راد الاراده للعقل
بدون حجه لاهل ياسين ونقل
ادرس وحقق كتابات الثقل
واعرف المضمون لاتبني بسراب

================

الدين مفهوم وتعبد واعتقاد
مو صلاة وصوم كل هذا اعتياد
خاف ربك واحسب ليوم المعاد
كون ناجح تطلع بيوم الحساب

================

ارد احذركم خطر اكبر مرض
لاتسبون الشرع طول وعرض
انتو لولا الحجه ساخت هالارض
وچان خلصتو مثل عود الثقاب

================

انتو لولا رحمه الباري اللطيف
وبدعائي كل وزر يصبح خفيف
چان كل اعمالكم تصبح خريف
ولاعمل مقبول لا جنه وثواب

================

الخادم احمداللعيبي
ونســـألــكـم الـــدعـــ‏اء
https://t.me/Altef1

شوط كربلائي

اختلف حتى النفس يحسين .. بيوم العاشر بعاشور
شهيق اتنفس الدخان ... وزفيري چن لهيب يفور
•••••••@@••••••@@••••••

زينب ياعلي احتارت ،، مابين الخيم والماي
نوبه تسكت الاطفال ،، وتمسح دمع ذيج وهاي
ونوبه تطفي بالنيران ،، والعسكر عليها جاي
ومذهوله تصيح بصوت ،، الحك لينه ياوفاي

#انه اخت الكمر عباس
عليه تنظر الارجاس
حرمه ابين هاي الناس
يخويه شعطلك عني .. ومن عندي الظهر مكسور
•••••<>•••••<>••••••<>•••••

شسولفلك ياماي العين ..غريبة ابين هالاجناب
احرس خيمه بناتك ،، ونوبه احرس الاطناب
ومن چلچل عليه الليل ،،صلاتي بكعده فوك تراب
وما بين الزلم والخيل ،، يستر وجهي طرف ثياب

#واحاذر لايشوفوني
وغبار الكون بعيوني
وسالت مني جفوني
فز فص النظر ينعاك .. اختك بالهظم والجور
••••••<>••••<>••••<>••••••

مصابك ياابوالاحرار ،،، حَيّر كل لغات الكون
عطش چبدك يوزع روح،، لضمير العالم المسنون
اوجهك غابت انواره ،،واخذ قوس الله منك لون
ولجلك كل سمانه بنوح،،وصبح حتى العرش محزون

#احمر صفت دنيانه
وروحك ويلي خلصانه
وثوبك باكو اردانه
وشمر حز النحر ياخوي .. وكلبي من الالم تنور
••••••<>••••••<>•••••<>•••••

كتب عني الدهر يحسين ،، بلوحة دمه من متوني
سوط من الهظم يرسم ، بلون العطش بعيوني
ويعجز يكتب الحالات ،حين العدى سلبوني
ورماد الخيم يبن امي ،، بعباتي لمن اخذوني

#وتتفرج عليه الشام
واشوفن روسكم جدام
يضربني النذل بسهام
من ينظر بنات حسين .. ولا واحد عليّ مقهور
••••••<>•••••<>••••<>•••••
شامت يحجي ويه شامت ،، خوارج خرجت عله يزيد
تشب نار بدليل اختك ،، ومشدود الحبل بالايد
واعاين نظرة الطاغي ،، وخواتك لاويات الجيد
وتصد عيني لكمر عدنان،، وللرايه اشوفه يريد

#وين المرتضى وينه
يسكن روعة سكينه
يزيد تستر بدينه
وبناته باليسر باتن .. وعبيده ساكنين قصور
••••••<>••••<>••••<>•••••

✍🏻 الخادم احمداللعيبي
ونســـألــكـم الـــدعــــاء
‏https://t.me/Altef1

ندبة العقيلة لصاحب الامر ( عليهما السلام ) :-

وينه فخر الامم
خل يحامي الحرم
اجونه .. لفونه .. سلبوها الخيم

*******^^^^^^^*******

بعالم الذر وشهدت الواقعه
دموعي تنزل چن حريم مكبعه
شفت ظهرج قوس وانتي مروعه
كلتي يالمهدي اخذ ثار اربعه
اخذ ثار العرس
من يزيد الرجس
اوريدي ،، وعضيدي ،، واخذ ثار الزلم

...@@@...@@@...@@@...

يبني يبن العسكري عندك مصيبه
من تشاهد جدك بشيبه خضيبه
وخد ابواليمه يامهدينه تريبه
وخنصره مكطوع وثيابه سليبه
يمه ام الحسن
تنحب وماسكن
ومحمد ،، تمدد ،، والوصي بالالم

...@@@...@@@...@@@...

يبني يالقائم اريدنك حمايه
بكربلا تبقى حرس يم الضحايه
وحين توصل كافلي صاحب الرايه
لاتخبره ياولي بچوي العبايه
لاتّطول الشرح
خوفي لا ينجرح
عيونه ،، وجفونه ،، غيرته تنلچم

...@@@...@@@...@@@...

اه يبني من تصل طف نينوى
أجساد غايب منها ياعمه الضوه
سهام ورماح ونبال عله اللوى
عايل علينه ترى حتى الهوى
ينصت حسرتي
ويلچم ابنيتي
بإلمها ،، وحزنها ،، تنخه يهل الشيم

...@@@...@@@...@@@...

آه ياالمهدي لون تدري بهضمنه
مكيدين حبال بدينه وركبنه
والشمر بالسوط يضربنه ونظرنه
يدعي ربنا يعجل القائم فخرنه
چا صرخت العجل
من تشوف الهزل
يتامي ،، وايامى،، ويلي بيد الخصم

...@@@...@@@...@@@...

شيل يامنصور امت رايه نصر
واخذ ثار اجدادك ودم النحر
اوجهي مثل امي الزچيه منسطر
وكافلي واكبر حسين المنطبر
وبعد ثار المهد
الما روى من الشهد
وصحابه ،، وخرابه ،، وأخذ ثار الورم

...@@@...@@@...@@@...

✍🏻 الخادم احمداللعيبي
ونســـألــكـم الـــدعــــاء
‏https://t.me/Altef1

#القصيده على لحن قصيدة الحاج ملاباسم الكربلائي
صاحت اخت الكمر .....

ياحسين وخدمتي لطفك قليله
(والذنوب هواي چفتها ثچيله)
ابتغي دوما رضا الباري وشفيعه
(هذه أرائنا فيه جميعه)

••••••<><>••••••

هنا ياهل تخدم امامك فكر وافهم وقرر
لو تريد الدنيا هذه لو تريد الجنه واكثر
ان چان قررت السعاده فوز بالخلد وي الاكبر
وانبذ الدنيا الدنيه صير عابس فاز وابشر

واخدم بدمك للحسين وعياله
ولا تدور شهره لا مال وكماله
بالتواضع خدمتك تصبح فضيله
( والذنوب هواي چفتها ثچيله )

••••<><><><>••••

آه لو تدري شيجازي المولى عبده عله الخدامه
وانت مولاك الحسين الابي مصباح الكرامه
شلون تغفل سنه كلها عن وصاياه وكلامه
وتندبه بس يوم عاشر هاذي ابدن مو علامه

للعشك لحسين والحب والعقيده
واليحب محبوب مايترك عضيده
هم شفت صاحب نسى بليله خليله
( والذنوب هواي چفتها ثچيله )

••••<><><><>••••

موشرط كل اليخدمه مقتدر وفلوس عنده
اكو يخدمه بدمعه منه تنزل بحركة على خده
لو بشربة ماي بارد لو بچف يلطم لوحده
اخدم بكلمه رحيمه الزهره تشفعلك وجده

احضر المجلس بعنوان العزيه
مو لجل سمعه اوجاهه دنيويه
حسين رايد دمعه منك للعقيله
( والذنوب هواي چفتها ثچيله)

••••<><><><>••••

ابد لاتحسب خدمتك بيها منه وشرف علناس
اعذر الماعنده خدمه ولا تجرحه بهذا الاحساس
احمدالله على الخدامه وهذا توفيقك ونبراس
وكل خدمتك ماتساوي بتر چف الغالي عباس

الخدمه اذا مقبوله صكك بالقيامه
تنقبل كد طاعتك سيد الامامه
هناك يتوضح ابوالخدمه الجليله
( والذنوب هواي چفتها ثچيله )

••••<><><><>••••

ياحسين انه الفقير وكل غنى الدنيا بخدمتك
انت يل ضحيت روحك والثمن دم ركبتك
حتى تبقى بعزها باچر بالقيامه شيعتك
شلون ما اخدم واوسي سبي الخدر عيلتك

لليريد حسين يشفعله ويسره
من براثن نار وبكبره يحضره
يحضرك بالبرزخ وهو الوسيله
( والذنوب هواي چفتها ثچيله )

••••<><><><>••••

من يحضرك بالقيامه تبتشر تنسعد روحك
تظل تعاين لابواليمه وما تبالي بهول يومك
ينادي المنادي للجنه كل عبد خادم جروحك
ماتطاوع روحك تفارك عزيز الزهره نورك

للجنان وسوقاً تقودك ملايك
لان ربك اذن تگعد عله الارايك
تستقر نفسك فلا تبقى عليله
( والذنوب هواي چفتها ثچيله )

••••<><><><>••••

الخادم احمداللعيبي
١/ ذوالحجه / ١٤٤٤ هـ
ونسالكم الدعاء
https://t.me/Altef1

آه ياعباس ياحزام الظهر :-

شلون ارد لخيمتي وبنيني
وماي ماعندي ولا چفيني

••••<><><><>••••

شلون اردن والسهم صاب النظر
وماي ماعندي وصواويني بخطر
وكمت احس بحسين مكسور الظهر
وزينب تحشمني ياضي عيني

••<><>••<><>••

محني ظهري وراسي مصيوب بعمد
الجربه تنحب يمي چن فكدت ولد
الماي ابنها الراح ما ظنه يرد
وضاعت بطيحتنه كل سنيني

••<><>••<><>••

اه يازينب وكع مني العلم
جفوفي طاحت يختي ما بين الزلم
بعيني سهم النايبه ودم والم
وحشمي باسمي بكل وكت تلكيني

••<><>••<><>••

فكري مشغول بخدر ام العلا
وصوت عدواني ملكنه كربلا
هجمو يلا بخيلكم ظل بالفلا
وانه اصيحن ياجدم عينيني

••<><>••<><>••

كل شهيد اليرتقي يم فاطمه
ماي من كوثرها يروي من الضمه
كالت اشرب لچن روحي مألمه
كلت مااشرب وضامي حسيني

••<><>••<><>••

آه يبن المرتضى وسيد الورى
مني ليك اخر تحيه ومعذره
مات اخوك وراح سبع الكنطره
وحين تلفيني برفق تچيني

••<><>••<><>••

يبن ابوي اعذرني طايح منهدم
شلون اشوفك والنظر غطاها دم
سهام جسمي ثكلت مني الجدم
عليك امك عله الترب خليني

••<><>••<><>••

بعد ساعه وجسمك يظل بالترب
وراسك عله السمهري يطوف الدرب
بعد عينك خويه لا يهنه الشرب
السبي عكب الطف جمر يچويني

••<><>••<><>••

الخادم احمداللعيبي
٢ / ذوالحجه / ١٤٤٤ هـ
ونسألكم الدعاء
https://t.me/Altef1