بشراكِ ياام البنين بمولد
شق الظلام بنوره الوضاء
غارت نجوم الكون ليلة مولد
العباس قرة عينها الحوراء
ورث العلا من حيدرٍ ووصية
ذاك الزكي وبضعة الزهراء

بقلم احمداللعيبي
https://t.me/Altef1
مباركين بولادة القمر من ال علي ..

‏هبت رياح الجنان ودنت عطايا الرحمن
‏وقوافل العتقاء أوشكت على الرحيل
‏أسأل الله العلي القدير أن لا يغادرنا شهر رمضان إلا وإسمي وأسماؤكم في صحيفة العتقاء من النار ووالدينا ومن له حقً علينا والمسلمين أجمعين
‏وأن يسعدكم ويوفقكم ويحقق أمانيكم..

الخادم احمداللعيبي ...

يالوعه محرم :-
يامحرم ابچي بمحاجر من دمه
يامحرم انحب واساعد فاطمه
هلالك ياشهر الحزن
موت وعذاب ومحن

••••••••<><><>••••••••

ياهلال شجم مصيبه من يهل هذا الشهر
شهرك البيه دم عزيز الزهره بالوادي انتشر
جفني ما هاني بسعاده وزينب بذل اليسر
وروحي ياهلال المحرم يشهك ويزفر جمر

بكل محرم // الطم عيوني وجبيني
بكل محرم // لا ما يبطل ونيني
والدمعه لا ما تچن
موت وعذاب ومحن

••••<><><>•••••<><><>•••••

يامحرم كلبي نازف حين شفتك بالسمه
وفاطمه نشرت قميص حسين يشكي من الضمه
الدنيا كالدهان صارت حمره من كد الدمه
واسمعت ونه محمد وينتحب حامي الحمه

والملايك // واصلها دخان الخيم
والملايك // شهكتها تشبه حمم
وتواسي ام الحسن
موت وعذاب ومحن

••••<><><>••••<><><>••••

دمعي ياهلال المصايب فايض لوادى طوى
ارد اواسي دموع زينب من وكع حامي اللوى
وملوحت بيه رموشي لطفله مسلوبة هوى
نار وبكلبي جواتي من اسمعت طفل انچوى
والمعاره // فايضه نحور وزلم
والمعاره // رادت لجسمه تلم
وحارت بعين وجفن
موت وعذاب ومحن

••••<><><>••••<><><>•••••

من يجي شهر المحرم يصرخ المهدي بالم
يكول جدي مات ضامي ونسبت ذيج الحرم
وعمي العباس مدمي وعينه مصيوبه بسهم
وطفله من ايتام جدي تصيح ياراعي الشيم

واليتامي // تحت الحوافر والنبل
واليتامي // تشكي الشماته والحبل
سلبو تراجي الاذن
موت وعذاب ومحن

••••<><><>••••<><><>••••

انه حاير آه يازينب شلون حالت مهجتج
من سمعتي حسين نادى ردي خويه لخيمتج
لا تجين تشاهدين الشمر يذبح بخوتج
ولا تشوف عيون طاغي خويه ظل عبايتج

لاتجيني // ردي لعيالي بعجل
لاتجيني // صوبني خويه الاجل
ودمومي نطقن حچن
موت وعذاب ومحن

••••<><><>••••<><><>•••••

عمري كله بس محرم مو شهر اعلن حداد
وعمري جبته بلا سعاده ولابس عليك السواد
ما نسيتك حتى اذكرك وصدرك ترضه الجياد
انه لو مره نسيتك كون بعيوني الرماد

امنياتي // خدمتك يبن النبي
امنياتي //حقق الهي مطلبي
واندب لغربة ضعن
موت وعذاب ومحن

••••<><><>••••<><><>••••

✍🏻 بقلم احمداللعيبي
ونســـألــكـم الـــدعــــاء
‏https://t.me/Altef1

القصيده على غرار لحن لطميه الملا باسم الكربلائي (( تدري لو ماتدري ))

لهفي لك ياحسين :-

ويل حالي حسين ما بيه كل نفس
يجرد البتار ينطيهم درس
كاع شلوه وبالجرح كامت تحس
وعينه تربي عله النهر وخيامه

===•••===•••===

شلونه حاله وحال جرحه المنلچم
من تراب الطف ياويلي ومنهشم
من العطش ماعنده مهجه ومنثلم
ينادي زينب لو علي من الآمه

===•••===•••===

لون ما طايح على الشاطي الخليل
چان اجاني اليوم عباس الكفيل
چا دفع عني السهم واروى الغليل
وما جسر ظالم عليه بأثامه

===•••===•••===

بالونين اسمع ينادي فاطمه
يمه سلبوني وفتك بيه الظمه
حاضره تشوفين ابن حامي الحمه
ضامي مطروح وكضت ايامه

===•••===•••===

ظل يون على الارض ساعه وفتر
صوت ماعنده وعليه ظالم جسر
يرفسه من صفاحه ويلوع النحر
وفوك صدره تربع عله سهامه
===•••===•••===

الخادم احمداللعيبي
‏https://t.me/Altef1
ونسألكم الدعاء
ليلةالاول من المحرم /١٤٤٣ هـ

لابي الفضل :-

كمر لو ماي .. تحير هاي
الفكر محتار ...ويتيه الراي

//////()()()()()()//////

نورك من ضوه جبينك محد يكدر يشوفه
كاتب عالنهر موقوف الا بلمسة چفوفه
ملكت الشاطي بروحك حكمته بمايه وجروفه
تكدر كل نهر جاري توكفه وهايه معروفه

يظل بيك الكلب هايم
كلت مااشرب وصايم
واخوي حسين بالخيمه
يناطر جيتي وعيناي

———————

جربتك ياابو الغيره متروسه عطف واحساس
تنكط غيره للوادم عطرها يترس الانفاس
من ايدك خذت شمره وكرامه ياابو النوماس
تحارب مثلك وي حسين هذه جربة العباس

الجربه تلونت لونين
ماي وكمر لجل حسين
ارتعدت ساعه العسره
مثل عباس اظل وفاي

———————

صفاتك كلها من حسين وراية طفك الايه
اية خوه ياعباس وشجاعه وبيها الحچايه
بنفسي من حچاها حسين اركب تشرح الغايه
فداك الكون يبن الحيد عكبك مالي تچايه

عمد بيتي ياتاج الراس
ماكو بالبشر عباس
انخلق من نور قدس الله
اخوي وعسكري ولواي

———————

چفك من وكع عالگاع راسم اية الخوه
وچفك الاخر من يطيح تطوفه الناس كالمروه
وسهم عينك اجه خطار ضيفته بهله ونخوه
ومن كصتك خجل تنزف لان زينب متتروه

اعتذرت لاختك الحره
بدمع من عينك الحمره
اجاني الموت يازينب
تنعه راكب ومشاي

———————

تاريخ الزلم نقطه كبالك يازعيم الجود
من بعد الحسن وحسين وحيدر والنبي المحمود
شجاع وكافل الحره واخو بكل الشدد موجود
مثلك بيه رفعه راس بيك المرجله والزود

مفاخر تترس الخزنه
ماي لاخته ولسكنه
شهم مهيوب بالميدان
وبالجنه يظل سقاي
______

الخادم احمداللعيبي
https://t.me/Altef1
٤/ محرم الحرام /١٤٤٣ هـ
ونسألكم الدعاء

علي الاكبر :-

بچفوفه شحلات السيف بچفوفه
شباب ثمنطعش بالمعركة نشوفه

======••======

مدلل سيفه بيده وطلع من زمجر
چن حيدر وسط ميدانهم واكثر
حارو بيه حيدر لو علي الاكبر
كل واحد تقدم رجع لصفوفه

====••••••====

شايل راية واسمه يرعب العسكر
ابن حسين هذا يقاتل اهل الشر
اشجعم ثبتله موذر مطشر
خله رجالهم بالچفن ملفوفه

====••••••====

شما يبرز جمع ما يوكف كباله
يحصدهم حصد رجفت الخياله
صاحو منهو يبرزله وتدناله
ابن غانم برزله وعاجل زحوفه

====••••••====

من حيدر اخذ صولاته والشمره
ومن حسين ابوه اوارث البذره
هو بميمنه وعباس من يسره
اليشرد منه يم العلكمي حتوفه

====••••••====

شاب وكل حياته وقف لاجل الدين
مثل حسين ابوه ونعم من حسين
سيف ورمح بيده وحاوط الصوبين
ما يلحك يفر العدو من چفوفه

====••••••====

چنه الحوم اكبل والعدى فرت
ما تلحك تضم الروس لن خرت
اشجعهم شرد وعمامته انحلت
يلحكهم يكول اليوم ماعوفه

====••••••====

صال وجندل الصنديد وتعنه
لصوب حسين بويه بماي اتهنه
كله حسين بويه الماي بالجنه
يم المصطفى والكوثر حروفه

====••••••====

رد لحومة الميدان چن طاير
وابوه حسين من عنده الكلب حاير
خايف والدموع اعبار تتطاير
وكلب امه عليه بولهه ملهوفه

====••••••====

طاح وصاح بويه حسين اعذرني
حد عمري وصل والموت داهمني
جدي هنا سقاني وصاح آ ياابني
ويلي على الذبيح سيوف وتطوفه

====••••••====

الخادم احمداللعيبي
https://t.me/Altef1
٥/ محرم الحرام/١٤٤٣ هـ
ونسألكم الدعاء

لعريس الطف :-

عمري مااصدك خريطه
انت عندي اربع جهات
منين مااندار اشوفك
حسين ياسر الحياة

••••••{}{}{}{}••••••

انت ياعمي اتجاهي منين مااندار اشوف
صرت كعبه لكل مقاتل وعلم ما بين الصفوف
ياربيع الكلب انت حسين ياشيخ الطفوف
بدون روحك تجف روحي وتختلف عندي الضروف

يحل خريفي وانكسر
انت رية كل بشر
عكبك يحل القهر
الدنيا من دونك ممات
حسين ياسر الحياة

____•••••____

عمي ارخصني ارد اقاتل بين ايدك وانقتل
وابد لاتحرمني منها بجاه زينب والكفل
الشهاده وسام فخري والف هنياله الحصل
على لمسه من چفوفك والدمع منه هطل

انت ياباچي عضيدي
من الحسن انت وحيدي
عليك يبني يطك وريدي
الفاركك ما ظن يبات
حسين ياسر الحياه

____••••••____

رخص دموعه الشفيه وانحنى يودعه بحزن
الملتقى يبني بجنانه هناك يم ام الحسن
هناك زفه والملايك تنشد اطوار ولحن
جسام ياضنوتي تنقره عليك بشجن

ينتهي هنانه العمر
بعد ساعات الصبر
والورد عكبك كسر
يبن حيدر والصفات
حسين ياسر الحياة

____••••••____

برز ليهم شاب چنه الكمر لو خط الضلام
درع ما لابس بصدره وطوله چن طول الحسام
ما ركع للظلم ساعه ولا قبل يخذل امام
هذا من بيت الشجاعه والبخل عدهم حرام

الجود عدهم بالنفس
تعلموه اول درس
وبذل روحه والعرس
وخجل من عنده الفرات
حسين ياسر الحياة

____••••••____

ما ثبتله جندي واحد من دخل بيهم هتف
اليوم اخلي السيف يذبح كل نذل صال وحلف
تعبت الفرسان منه وانتهى منها الزحف
عاينوه يشد نعاله وصار ليهم كالهدف

والغدر عدهم سمه
ابتدا بضربة فاطمه
وهسه نيران وظمه
وابد ماعدهم ثبات
حسين ياسر الحياة

____••••••____

الخادم احمداللعيبي
https://t.me/Altef1
٦/ محرم الحرام /١٤٤٣ هـ
ونسألكم الدعاء

معاناة السيده زينب عليها السلام

عمري .. ينزف بطول الدهر.. عمري
خلص بس هم وقهر.. عمري
من الزغر كلبي انفطر .... عمري
#######•••••••######

عمري شمعه وذابت باول مصاب
بكسر ضلع الزهرا راعية الحجاب
من شفتها طايحة بعتبة الباب
وانا اناديها ولا اسمع جواب
ظليت.. انظر لكسر الظلع
ظليت.. اهمل دموم الدمع
ظليت.. انزف المدمع جمر . عمري
•••••••••#####•••••••••

عمري خلص ياخلك بس بالهظيمه
ياحريمه وياحريمه وياحريمه
من بعد عودي الولي اصبح يتيمه
وراح اشاهد بالطفوف اعظم جريمه
ناديت.. وين اخوتي الحاطمه
ناديت.. على الكفلني بصارمه
ناديت.. ماشفت يفزع بشر ،، عمري
••••••••########••••••

شفت اخوتي مذبحه بالغاضريه
وما شفت راحم يحن كلبه عليه
وانا بت حيدر علي واصبح سبيه
ومن بعد عزي اصيرن خارجيه
والله.. شفت نجمات السما
والله.. نزلن بحامي الحمى
والله.. انا بكليبي كسر ، عمري
•••••••#######••••••••

عمري عين بلا جفن ذوبها دمعي
من المصاب اللي جرى بس ابچي وانعي
صيحة رددها الشمر شايلها سمعي
ياحزينه بلغي الكافل او ودعي
كلبي.. ظل على اخواني بوجع
كلبي.. ابد ماساعه هجع
كلبي.. شايل هموم السفر ، عمري
•••••••######••••••••••

عمري شجره وماتت بفركة اخوتي
ميسرة على الناكة وتمنيت موتي
صحت ياعباس خويه بعالي صوتي
افزع انا بحاجتك وانت سلوتي
وينك.. ياشبل حامي الحمى
وينك .. ذاب كلبي من الضما
وينك ، اختك بلايه خدر ، عمري
••••••••######••••••••

من بعد خدري مشيت بلا غوالي
وسفه ياخويه انكشف مني خيالي
وبخرابه بتت ايام وليالي
وراسك كبالي وتشوف اللي جرالي
راسك.. شفته ايدير النظر
راسك.. على بناتك والكمر
راسك.. يكلي يازينب قدر ، عمري
•••••••######•••••••••

خلص عمري اهات وبغربه دفنتي
بلايه كافل محملي ويحضر غربتي
متت من الهظم ياويلي وحسرتي
وغابت عيون الاهل وانه بحفرتي
السجاد .. لوحده وبلايه احد
السجاد .. نزلاني للـ لحد
السجاد .. مودعه يااخت الكمر ، عمري
••••••••#######••••••••

✍🏻 الخادم احمداللعيبي
ونســـألــكـم الـــدعــــاء
‏https://t.me/Altef1


اللطميه على غرار لحن لطميه الملا باسم الكربلائي (( يمه .. لحظه وداع وسفر))

النفس المطمئنه :-

عزاء حسين يبقى بكل سنه دايم
لحد طلعه الحجه المهدي القائم

<><><><>••<><><><>

بسم الله مجراها ومرساها
مجالسنه البتوله حاضره وياها
بدايتها بعزاء المصطفى طه
واعلنها المأتم وابقى الك خادم

<><>••••••<><>

كاف وهاء ياء وعين ثم الصاد
رحمة الله مذبوحه بشتم وعناد
ضلوع مرضرضه والنسوة لابن زياد
والحادي تحضر للسبي عازم

<><>••••••<><>

الف ولام ميم والم بيه يجول
يا ذاك الكتاب اتهدم ومقتول
انه بلا ريب عندي الهدى وسط خيول
وخنصر منكطع وتسلب الخاتم

<><>••••••<><>

كل الأنبياء محزونه لجل حسين
شلون تريد ماالطم وادمي العين
على حسين وبنينه واخوته الطيبين
عمري بالمأتم ماضي وقادم

<><>••••••<><>

النفس المطمئنه بنينوى تُقضى
عجيبه شلون ربك ما خسف ارضه
ارجعي يارحمتي لجنتي ارضه
مرضيه لجنان الباري الحاكم

<><>••••••<><>

كل قران ربك اوضح اللوعه
من اول الم للناس مجموعه
ضد حسين آه يحسين وضلوعه
ونساء مسلبات بوليه الظالم

<><>••••••<><>

ختم ربك المصحف بالفلق والناس
وزينب ودعت اجساد وبلا راس
هوت من على الناكه تصيح ياعباس
وأشد من القتل شامت باثر شاتم

<><>••••••<><>

الخادم احمداللعيبي
https://t.me/Altef1
٢٠/ ذوالقعده/١٤٤٣ هـ
ونسألكم الدعاء

حسين ياماي الطهور :-

حسين ديني وقبلتي وكعبة هيام
بكل محرم روحي تتنفس خيام

••••••••••<><><>•••••••••

قبله للعشاگ ابن حامي الحمه
لجله ترخص روحي بضعة فاطمه
الما يحب حسين مات من الضمه
حسين ماي ونور من رب الوئام

••••••••••{}{}••••••••••

حسيني ياماي الطهور لكل فرض
بدون حب ال النبي يصبح نقض
كل عمل مردود من اهل البغض
وكل عباده بدونهم تنعد حرام

••••••••••{}{}••••••••••

ارد اطوفن سيدي بكبرك واكول
شلون بالطف صدرك ترضه الخيول
لون بالطف روحي چانت ماتنول
سيوف منك لا رماح ولا حِمام

••••••••••{}{}••••••••••

امي ربتني على حب الطاهرين
من رضعت بدر لبنها بكل حنين
چانت تلوليلي واسمع صرختين
صرخه عيون وكلب تقلع ظلام

••••••••••{}{}•••••••••

وكبرت وبعقلي بس صوت اللطم
وصوت قاري المقتل وحرك الخيم
وركضت النسوان من جور الهظم
ومن رجع يصهل جوادك باهتضام

•••••••••{}{}•••••••••

الما يعيش وي الحسين وغربته
كل حياته بلايه معنى وفاتته
اليعشك العباس وامه واخوته
بيوم حشره لايخاف ولايضام

•••••••{}{}•••••••••

ريت ياربي بحفرتي هم عزاء
ويحضر بيوم الدفن سيدالولاء
وام بطل ساقي الحرم سيدالوفاء
وفاطمه الزهراء بت خير الانام

•••••••••{}{}•••••••••

مااخاف البرزخ ويوم الحشر
لني لحسين السبط لاطم صدر
وتهمل عيوني اذا اسمع خبر
كسر ضلع ام الحسن بيد اللئام

•••••••••{}{}•••••••••

كلها تتنطر تشوفك يافخر
حسين يطلع لچن مكطوع النحر
وامه فاطم شايله عباة الخدر
والچفوف وطفله مذبوح بسهام

•••••••••{}{}•••••••••

ننفجع يحسين نصرخ بالونين
من نشوف الطف بمرآة اليقين
والنبي مكسور ياويلي وحزين
وحيدر الكرار ينحب للكرام

•••••••••{}{}•••••••••

وبالقيامه ما نعوفه مقتلك
هناك رادود اللطم يصبح ملك
كلها بالمحشر تون تبجي الك
حين تسمع شهكة من ام الامام

•••••••••{}{}•••••••••

✍🏻 بقلم احمداللعيبي
ونســـألــكـم الـــدعـــ‏اء
https://t.me/Altef1
١٤/ ذوالحجه/١٤٤٣ هـ

بكلمة يــاعــلي :-

اكتب ياقلم .. حرگ الخيم
وقتل الامامه
بت خير العمل .. بعد الكفل
تعلن قيامه
انه الما هبت .. جيش بلا ولي
اهزمهم انه .. بكلمة ياعلي

••<><>••<><>••<><>••

جيشك وانصارك .. والراضي وشارك
بجدمي اسحكهم جدام العَالم
انا المهيوبه ..بالطف مصيوبه
صح مسبيه وافضح كل ظالم
اتقدم اني .. اول مو ثاني
عالحق أبدن لا ما ساوم
متراجف خصمي .. من يسمع باسمي
چلمة زينب هيه الحاكم

عنوان الشرف# بيه انعرف #
وانه السفيره
حسين بلا نعش # اسقط عرش #
بهاي المسيره
زينب تنطلق .. واسمع ما يــلي
اهزمهم انه .. بكلمة ياعلي

••••••••<><>••••••••

يبن امي الرايه .. اندكت والثايه
بين خيامك بين الكافل
العسكر جدامه .. عليت الهامه
وبخطواتي للشاطي تمايل
شفتك ياضامي .. تهتف كدامي
خدرج والثوره اهو الفاصل
صوتج بت حيدر .. ينبع من مصدر
عالظالم ينزل چا الوابل

دورج بالسفر # ينشر خبر #
يفضح حكومه
متسلطه بظلم # اشباة الزلم#
ضاعت رسومه
ضد الاجنبي .. صوتج يعتلي
اهزمهم انه .. بكلمة ياعلي

••••••••<><>••••••••

بدفتر عنواني .. اتهدم صيواني
شاهد ظلت طول سنيني
اكتب يا لوحي ..متخدره جروحي
والله الشاهد قبل حسيني
واطفال انسحكت .. والغاره الحلت
بجمرة طفي الكل يچويني
صوتي يظل عالي .. وانشد ياغالي
يمك حسرة وجمرة عيني

من سائل سئل # اخت الكفل
وين العشيره
صحت بلا خجل # اخذ الجُمل #
انه النصيره
للدين نذرت .. روحي وكل هلي
اهزمهم انه .. بكلمة ياعلي

••••••••<><>••••••••

راد يذلوني .. راد يقهروني
شفتي اخوانج وبلا منحر
جاوبت بعالي .. شفت اليحلالي
هناك الفرحه بيوم المحشر
كتله بكل هيبه .. ذول اهل الطيبه
الموت عله الحگ اشرف واذخر
قرباني لــ الله .. اشرف كل خلقه
مو لجل المال وسلطه ومفخر

انه مثل النسر # لو بالأسر #
ما يحني راسه
انه لبوة علي # الما يلوي #
واصل الفراسه
انت وكل هلك .. باچر تصطلي
اهزمهم انه .. بكلمة ياعلي

••••••••<><>••••••••

تاريخ يسجل .. مسبيه بلا ظل
نور الباري وعرشه ظلالي
محميه بخدري .. والكافل يدري
مهيوبه من الله وچفالي
بصبري وايماني .. ذلت عدواني
واكبر شامت خاف كبالي
متحزمة بصبري .. والدمعه التجري
عالنسوه الصارت يالغالي

اندب بالاهل# يمته العجل #
وامي الشريفه
يهدم چم عرش # لاهل البطش
واهل السقيفه
بجيشه وصولته .. الهم ينجلي
اهزمهم انه ..بكلمة ياعلي

••••••••<><>••••••••

الخادم احمداللعيبي
https://t.me/Altef1
٢٠/ ذوالحجه/١٤٤٣ هـ
ونسـألــكم الــدعـــاء

اللطميه على لحن لطميه ملا محمدالجنامي
(( عاشق محترف ))

عمري عشته ابسمتك :—

وين ماامشي اشوفنك وراي
شايل الرايه وتضلل مستحاي
تغطي ظلي برايتك
فدوى اروح لغيرتك
ياابوفاضل ... ياابوفاضل

####••••••••####

اوفيت خويه بالكفاله بحق يراعي المشرعه
منين مااندار اشوفك من جهاتي الاربعه
تباري نجمات الضعينه بهالبراري الشاسعه
ومن يطر فجر الله تقرة قل اعوذ الفاجعه

آ ينور عيون خدري
مدلله بزودك ياذخري
وانه اعلم غايتك
فدوى اروح لغيرتك

===###===###===

كاتب اسمي جوه درعه وانه ادري محبته
خايف الوادم تشوفه واخته صارت سلوته
عمره ما ناداني يختي وخجل دوم بجلسته
گبالي لو رايدله حاجه بعينه يطلب حاجته

يابعد روحي ياحرزي
انت اخوي وانت عِزي
عمري عشته ابسمتك
فدوى اروح لغيرتك

===###===###===

بجال اخوها الاخت تبقى شامخه مثل الجبل
تحلف الناس بخدرها بزود عباس البطل
خويه يوم الغبت عني صحت وينك يااجل
عكب چلمات الشماته اللاحت اسمك يافحل

مچتفه وخصمي هضمني
ومن صحت راسك سمعني
شلون تغفى مروتك
فدوى اروح لغيرتك

===###===###===

شكد تمنيتك يخويه يوم رحنه باليسر
وادري راسك ما تحمل واختك بوليه شمر
شفت رمحك انحنالي تكلي اوصيج الصبر
اعذريني وانا راسي عليج يبچي ومنقهر

لا اديه وهذا عذري
چا ذبحت الشمر يختي
ادري كد حچايتك
فدوى اروح لغيرتك

===###===###===

ادري كلبك ما تحمل والشماته جرحته
من شتمني النذل عمداً وانت تعرف جرأته
وبالعناد كبالي راسك شفت رمحه وقصته
ومن نظرت لرمح راسك عليه بانت لوعته

وين عباسج يبت طه الامين
وحدج دخلتي لقصر ذاك اللعين
بغربه صارت عيلتك
فدوى اروح لغيرتك

===###===###===

الخادم احمداللعيبي
https://t.me/Altef1
٢١/ ذوالحجه /١٤٤٣ هـ
ونســألــكـم الــدعـــاء

اغتنم فرصه قبل يوم الحساب
لايغرك مال لا عز لا شباب

<><><>•••••<><><>

صحتك قبل السقم قبل الوهن
استغلها بيوم لو صارت محن
افدي لاجل الدين روحك والوطن
ما ينولك سخط لا هم لا عتاب

••<><><><><>••

المال يُورث لو حوادث تاكله
والغنى الاكبر شهادة بكربله
تنجني من اهوال دنيا زائله
تفوز بالجنه وتنجو من العذاب

••<><><><><>••

والشباب بعمرك وقبل المشيب
خلصة بالطاعه ومجالس للغريب
الطم واذرف دموعك للخضيب
لاجل زينب والخدر واهل النقاب

••<><><><><>••

تعلم من الاكبر بيوم الطفوف
عاف كلشي وبرز ما بين السيوف
ابد ما هزه جمعهم والصفوف
وموقفه مذخور عد رب الارباب

••<><><><><>••

برز متنكب وسيفه بيمنته
حارت العدوان بيه وصولته
هذا حيدر لو محمد جهلته
وصال بيهم والسلم منه مُعاب

••<><><><><>••

صاح انه الاكبر وابن الطيبين
عمي العباس ابن فارس حنين
اليوم اراويكم منو يعادي الحسين
بيوم حشره ما يظل عنده جواب

••<><><><><>••

تكاثرو ويلي على ابن فارس مضر
بالسيوف وبالنبال وبالحجر
صاح بويه حسين هذا اول خطر
والعطش ثاني على ابنك والرباب

••<><><><><>••

انشده كلب حسين وابيض راسه
شافه يلفظ ويلي باقي انفاسه
شلون حال الابو وشنهو احساسه
يعاين وليده صريع عالتراب

••<><><><><>••

بعد قوه ما بكت عند الحسين
يحمل وليده وبچه وهملت العين
صاح شيلو الاكبر والله المعين
بكلب امه وعمته ام الحجاب

••<><><><><>••

الخادم احمداللعيبي
٢٥/ ذوالحجه/١٤٤٣ هـ
https://t.me/Altef1
ونســألــكم الـــدعـــاء

ساعه اختفى جماله :-

يضحك دخل للمعركة وبچفه صمصام
ما همته كثرة عدى لو كثرة سهام
مثل الكمر تلاله
شاب وبعث رساله
روحي فدى الدين

<><><>•••<><><>

طب شامخ بفتوة نصر عنده من الايمام
ان تنكروني ابن الحسن والاسم جسام
افنيكم اليوم الظهر يازمرة الشام
وارجع بنصري لخيمتي هذا اعظم وسام

لو چانت القصه حكم لو شورى تدعون
ما چان خنتو المصطفى والكل يسمعون
وتحزم بفعاله
شاب وبعث رساله

•••<><><>•••

هذا الوقت افضل وقت نشر الحقيقه
والعاده جدي المرتضى زمره السحيقه
الكله بخً بالامس تيهه طريقه
ونكرو وصية المصطفى سيدالخليقه

لو هي صدقاً صدقت قول النبي شلون
تنكر وصيته وتختلف وبالطف ينزلون
واجتمعوا بنذاله
شاب وبعث رساله

•••<><><>•••

بيبان ربك مشرعه للتوبه والناس
لكن قبل ذبح السبط وعضيده عباس
ومن قبل جسم ابن النبي بالخيل تنداس
كلمن قراره بنيته والعقل بالراس

ما هيه الا ساعهً والحور تهتف
هذي الجنان تفتحت للعنده موقف
لحسيني ولجلاله
شاب وبعث رساله

•••<><><>•••

عكب الوعظ والموعظه وجمله كلامه
تحزم بصايه والده ودرع الامامه
وجهه الكمر لمن طلع تارگ خيامه
وحسين عمه ينظره وكله السلامه

العذر يبني لوالدك لو نالك السيف
لكن وحق چبد الحسن انه اخذ الحيف
ساعه اختفى جماله
شاب وبعث رساله

•••<><><>•••

صال واوكع لكن صرخ ياعمي راحل
سلم على امي وعمتي وعمي ابوفاضل
يحسين لو عندي نفس بيه ابقى اقاتل
وافديك انه وافتخر يبن البواسل

لكن منيتي استعجلت والملتقى هناك
نحضى بسعاده وبهنا يم جدي الكاك
هذي فلا محاله
شاب وبعث رساله

•••<><><>•••

الخادم احمداللعيبي
٢٦/ ذوالحجه/١٤٤٣ هـ
https://t.me/Altef1
ونســألــكم الـــدعـــاء

ابوفاضل قسم يجعلها رماد
فزع طشرهم مثل طش الجراد

••<><><>••<><><>••

ابوفاضل من هجم زلزالها
واخرجت جيش الكفر اثقالها
التمت عليه ال اميه شمالها
يصيح بيهم بيدي هاليوم الحصاد

••####••####••

إنّا انزلنا ابو فاضل بالطفوف
يحامي العباس عن خدره ويطوف
بالف فارس چنه فرق هالصفوف
بيده يحمل جربته وفتوى جهاد

••####••####••

الحومه ما هيه ترى فرت كعب
من فرس عباس ما بيها تعب
شردت الفرسان موقفهم صعب
وصاح بيهم والثبت اصبح جماد

••####••####••

مَلك صاح لمَلك طير بهالفلا
لا يجرحك سيف ابن عقد الوله
مغضب العباس وينادي بـ هله
منهو يدنى وانه ابن سبع الشداد

••####••####••

نزلت املاك السمه من السمه
حي اخو زينب ضربته مسممه
الشجاعه فنون عنده معلمه
حيدر الكرار غذاه برشاد

••####••####••

برز والعسكر تحير وارتعب
منين يشرد والكمر سد درب
من جهه الاكبر وهو اعلن حرب
ياهو يوصل للخيام وللسياد

••#####••#####••

غاص وسط الحومه يشطرهم شطر
چنه ابوه حيدر اذا يطبر طبر
وسط جيش العدى ماعدهم مفر
وظلت الخيل التدور ع الطراد

••#####••#####••

منهو يدنى وانه ابن ذاك القتل
ابن ود ومرحب واسمه الفحل
ساعه لن الجيش صاح بكل عجل
هجمو وكلهم عليه زلم وجياد

••#####••#####••

وكع وتكنطر وسط جيش الكفر
نادى خويه حسين حدي واعتذر
من العقيله وسكنه وباچي الخدر
وصل يمه حسين واعلنها حداد

••#####••#####••

الخادم احمداللعيبي
٢٩/ ذوالحجه/١٤٤٣ هـ
https://t.me/Altef1
ونســألــكم الـــدعـــاء

حسين بالدم يشتريك :-

ابد ماصدك نهر
يحني طولك ياكمر
رفع روحه لچف اديك
راد يتبرك يجيك
ياابوفاضل .. ياابوفاضل

••••••<><><>••••••

الكمر كاصد للنهر يرويه ترى
كمر هاشم يوم حل بنينوى
مااصدك راح يتروى بروى
راح كاصد للفرات وللهوى

اختنكت الدنيا وعطش حتى الفرات
بچفه ابوفاضل غدى ينطي الحياة
موت متحقق وشيك
راد يتبرك يجيك

#####••######

كمر هاشم عمره ما يحني الظهر
كلها تحني الروس كدام الكمر
اليريد يكول طأطأ وانكسر
كله شوف بكلبك واقره الخبر

مد چفوفه لشاطي مذبوح بحزن
وبچفوف الكافل انعاد الوزن
بنفسي انه معتنيك
راد يتبرك يجيك

#####••#####

كافل الحره اعتنه وشد الفرس
صال بيهم زلم مخلوسه خلس
صوته يكفي والثبتله بلايه حس
سيفه يبتر صولته اعظم درس

ما تهمه جموع لا سيف ورعب
هذا ابوه حيدره قتال العرب
حسين بالدم يشتريك
راد يتبرك يجيك

#####••#####

فدوى للعباس كل روح ونفس
حسين ابواليمه نطى هذا الدرس
كله خويه بروحتك روحي تحس
بروحتك كل الحراير تنتكس

وانه ادري بغيبتك شملي شتات
العالم الله والنهاية عله الفرات
بروحي انه مفتديك
راد يتبرك يجيك

#####••#####

جربة العباس مليانه زلال
تصيح للشط هذا سقاي وتعال
مد جروفك واعتني لچف الدلال
اخذ غرفه واعتني صوب العيال

أمر من الكمر للشاطي ويطيع
يعتني لسكنه ويرويه الرضيع
لايحسبونك شريك
راد يتبرك يجيك

#####••#####

الخادم احمداللعيبي
٢/ محرم الحرام/١٤٤٤ هـ
https://t.me/Altef1
ونســألــكـم الــدعـــاء

لهفي لكِ يارقيه :-

على عيونك اسلم والرمح جاي
عكب ظلك ادور بويه الفياي
بويه يامذبوح .. بويه يامذبوح

====••••••••====

تعبت وانه ادور ويلي اعليك
وذر متروس گاع الطف من ايديك
عبايتي زغيرة ما توسع واغطيك
كمت غطيت بيها بويه چفيك

وانه بوناتي وحسراتي واهاتي
وانه بجمراتي ولهفاتي ولوعاتي
وانه نيران من فراكك بلهاتي
يامذبوح

••##••##••##••##••

عله التربان بويه شلون غافي
اجيتك والجدم من عندي حافي
سمعت من النحر چن صوت دافي
يزيد جرحي ونج بويـــه كافي

بويه ليهسه ما ناسي جمراتج
بويه اتچوه من اسمع حسراتج
بويه لخيامج ردي يم عماتج
يامذبوح

••##••##••##••##••

طلعت من الخيم والخيل اجتني
اشرد وين منهن يلحكني
واحد بعد ما سلب شتمني
غير النار باجدامي چوتني

تعنيتك ملهوفه لحضانك يحسيني
تعنيتك مرعوبه ومفزوعه من سنيني
تعنيتك لعيونك ولصدرك ناديني
يامذبوح

••##••##••##••##••

سمعت حسين ابوي يلوج عطشان
صحت چا وينه عمي گمر عدنان
يعوف حسين ضامي بوسط ميدان
اكيد الجربة طاحت منه بمچان

ويلي لشفافك ولصدرك وعيونك
ويلي من الماي يحرموني يحرمونك
ويلي نهر الكوثر يبچي لجفونك
يامذبوح

••##••##••##••##••

ما بين الچثث شفت المراره
اشوف الروس بس دم اتجاره
حرت ياهو ابوي بهالمعاره
صحت عله الشمس كافي حراره

غيبي متغير حسيني ورسومه
غيبي مااعرف اوصاله من دمومه
غيبي لاجل امه ولاجل اخته المالومه
يامذبوح

••##••##••##••##••

يبويه من القهر جرحي تورم
وكام السوط يضربني عله الدم
وين حسينج يكلي وتبسم
كلت هيهات اذلن بويه واندم

ويلي متغير وحجاره بنص راسك
ويلي واعرفتك يابويه من احساسك
ويلي ومن نحرك ناديت لعباسك
يامذبوح

••##••##••##••##••

الخادم احمداللعيبي
https://t.me/Altef1
٤/محرم الحرام /١٤٤٤ هـ
ونسألكم الدعاء

بكائي چان تفسيره :-

يفداك العمر يحسين ست اشهر واقاتلهم
مو شرط الدرع والسيف بكماطي واكابلهم

###••••••••••###

العقيده شما علت بانسان ما يخشى الخطر دومه
ويتعنى المنايا بزود يترك عيشته ونومه
واحنه بحب ابوالسجاد مثل انصاره بالحومه
والعادانه خله يشوف يلعن ساعته ويومه

ما نرجع وننصر دين
واحنه بها الامر ماضين
عكب انصارك السبعين
ولو بيدي الامر يحسين
ساعه ما امهلهم

••••••<><>••••••

رقم صار العمر يحسين يمك وانظر الغايه
متساوي العبد والشيخ كلهم نفس الحچايه
واحد تركي متعني ونصراني حمى الثايه
وكمر هاشم فخر عدنان بيده يحمل الرايه

شيب وشاب بالميدان
وانه اصغر ولد عدنان
افديك بكلب ولسان
بكائي چان تفسيره
خل تظهر بواسلهم

••••••<><>••••••

من الخيمه طلعت للكوم شايل همة اجدادي
ادافع عن حريم حسين وصوتي بكربلا صادي
منعتو الماي عن حسين ظنكم ينكسر عادي
متوهمين والكوثر بيده وامه تنادي

هاگ الشرب يوليدي
جبت الماي الك بيدي
لوت هالحرم جيدي
ادعي بكل وقت انه
تتهدم منازلهم

••••••<><>••••••

اقوى من جهاد السيف چلمه بوجه كل حاكم
جهاد النفس عكب السيف اكبر يفهم العالم
اخذ منه السيوف هواي الكمر والاكبر وجاسم
ودوري صار وكت الطف ابكائي افضح الظالم

اصيح واعلن الثوره
عله كلمن حارب العتره
اردد چلمتي واقرا
بدمعي وعطش خواني
اهدم كل معاولهم

••••••<><>••••••

مو قصده الشرب للكوم ابوي بيوم قدمني
لكن حجه على العدوان يوم المحشر يخصني
ذبحتو اليرضع بعدوان ما ضاك الشرب ابني
وراسي وياه للشامات امشي وياه متعني


احمي براسي سكينه
وتنادي حسين چا وينه
وينظرني الابو بعينه
چنه يكلي ياوليدي
برمحي وانا انازلهم

••••••<><>••••••

الخادم احمداللعيبي
ونســـألــكـم الـــدعـــ‏اء
https://t.me/Altef1
٧/ محرم الحرام/١٤٤٤ هـ

عتاب المهدي

ليش عفتوها المجالس ياشباب
انا مهديكم واريد اسمع جواب

================

ارد اعاتبكم ياشيعة حيدره
ليش عفتوها مجالس زاخره
بيها دين الله ومعالم فاخره
تعلمو من سيره الحق والنقاب

================

ليش صار الدين عدكم بس لطم
لو درب مشايه عاري من الفهم
هذا درب محمل هموم والم
بية امشي وعمتي ام الحجاب

================

كال مولاي الرضا وذاع الخبر
لو ردت تبچي لعزيز من البشر
ابچي لحسين الذبيح من النحر
واعتني لمجلسه تحصل بيه ثواب

================

صرح بهذا الخبر لابن الشبيب
كله جدي حسين مذبوح وسليب
وجسمه من كد الدمه اصبح خضيب
وخيل داست چثته والصدر عاب

================

ليش صار الدين عدكم بس شعار
طول لحيه ومسبحه وهذا انتشار
لها السبب كثران عدكم الانتحار
غاب منكم محتوى لب اللباب

================

الدين لاتقيسه بتصرف من وضيع
يكول هذا الدين بلسانه بديع
وهو ما يعرف القيء من الرجيع
يبتغي من هذا يحصل اضطراب

================

وبعض منكم رايد اسلام العصر
مو شريعة جعفر وكل الطُهر
يريد كل الدين افراح وسفر
وغفل عن شبهات ربك والعتاب

===============

والبعض راد الاراده للعقل
بدون حجه لاهل ياسين ونقل
ادرس وحقق كتابات الثقل
واعرف المضمون لاتبني بسراب

================

الدين مفهوم وتعبد واعتقاد
مو صلاة وصوم كل هذا اعتياد
خاف ربك واحسب ليوم المعاد
كون ناجح تطلع بيوم الحساب

================

ارد احذركم خطر اكبر مرض
لاتسبون الشرع طول وعرض
انتو لولا الحجه ساخت هالارض
وچان خلصتو مثل عود الثقاب

================

انتو لولا رحمه الباري اللطيف
وبدعائي كل وزر يصبح خفيف
چان كل اعمالكم تصبح خريف
ولاعمل مقبول لا جنه وثواب

================

الخادم احمداللعيبي
ونســـألــكـم الـــدعـــ‏اء
https://t.me/Altef1