لهفي لخدركِ المنهوب :-

علينه يبن ابوي النار تنهاب
وبخدري العدى يحسين تنهاب
بلا والي العقيله شلون تنهاب
واهلها مذبحه بالغاضريه

الخادم احمداللعيبي
ونســـألــكـم الـــدعـــ‏اء
https://t.me/Altef1
٧/ ذ- ق/ ١٤٤١ هـ

ياهلال الحسين بك نحيا :-

يهل شهرك يبو الاحرار
بلا مجلس بلا دمعه
نموت وداعت الكرار
اذا ما نلطم وننعه

••••••<><><>••••••

يبو اليمه الكلب شاجر عله المجلس عله الونه
ربينه بماتمك يحسين فلا يهدا الكلب حنه
وقميصك شفته بكليبي وعاشت بالكلب طعنه
وعزاكم ياابوالسجاد يعنيلي الف جنه
واذا ماابچي لمصابك تظل الروح متلوعه

••••<><>••••<><>••••

اناظر للسمه كل يوم اتاني هلال المحرم
بلا خيمه وسبي ونيران عمري عليه خل يحرم
عليك بداعت الحره ومتنها ذاك التورم
وعليك چفوف راعي الماي ولوه العباس المكرم
تحنن ربك المعبود يفرجها السمه السبعه

••••<><>••••<><>••••

رضعت حبك يبو الاكبر بحليب امي وعلگ طفك
ومشيت بدربك زغيرون وبعقلي انطبع عرفك
لان من عالم الاصلاب شفت صورة نزف حتفك
وصحت بصوت آمنا الفوز وياك وبصفك
فلا اعقلها تنساني وتتركني مثل شمعه

••••<><>••••<><>••••

يارحمة اله الكون وياعشگي وهوه الريه
انا بلياك چن مجنون يصلي وفاقد النيه
فلا ترهم حياتي بدون مجلس ياابو رقيه
نخيتك وادري بيك تجود عليه وايدك سخيه
تردني بعاشر محرم لضريحك ياابو التسعه

••••<><>••••<><>••••

ترى العاشگ فلا يصبر اذا ما شاف محبوبه
يضيع ولا فكر عنده يمشي وتايهه دروبه
الشافك والبچه يحسين يظل يشكك بثوبه
لان انت الوسيله هناك بجالك تغفر ذنوبه
يخو العباس فلا ننساك كتبنه عله الچفن رقعه

••••<><>••••<><>••••

الخادم احمداللعيبي
ونســـألــكـم الـــدعـــ‏اء
https://t.me/Altef1
٩/ ذ- ق/ ١٤٤١ هـ

دللول :-

دللول الولد يبني يامذبوح
راسك عالرمح تنعاك الجروح

====<><><>====

الوليلك يايمه وابقى ما نام
بحضني اتخيلك وتزول الالام
من جابو الماي ركضت جدام
هلبت يدر صدري ياهوى الروح

••••<><><><>••••

عمرك يمه بعده شهور مو عام
تتركني وتروح وگلبي محتام
ييمه شلون نحرك شايل سهام
ما صدك اشوفك يمه مطروح

••••<><><><>•••••

ييمه شلون اشرب كبلك الماي
وانته النفس ليه ونظر عيناي
ندهت عمتك ييمه تدورك وياي
اشمك واعرفك ياعطر ويفوح

••••<><><><>•••••

دللولك بطول الدرب للشام
ليش تعوف صدري بكبرك تنام
وجهك ما اشوفنه بالاحلام
حرام النوم عندي ودمعي مفضوح

••••<><><><>•••••

دللولك فلا انساها عمري
ياريت بدال نحرك چان نحري
عطشانه اظلن طول دهري
وحمام الدوح مني تعلم النوح

••••<><><><>••••

دللولك يايمه چنها بسمار
يدك بصدري كلما شفت الصغار
راسك بالسبي يمشي ويه الكبار
كدام الحرم بالرمح ويلوح

••••<><><><>••••

دللولك ييمه بعد ما تعود
صرت مسبيه يمه بوليه يهود
متوني مورمه واصرخ يامعبود
سجل ياالهي صبري باللوح

••••<><><><>••••

الخادم احمداللعيبي
ونســـألــكـم الـــدعـــ‏اء
https://t.me/Altef1
١٢/ ذ- ق/ ١٤٤١ هـ

مانترك عزاكم ياابوالسجاد :-

كون مطمن يمن بيك الحزن
ما يمر عاشور سكته وما نِوِنْ

============

مايمر عاشور دون اهل العزاء
وماله طعم الحزن الا بكربلاء
سيدي ننخاك ياحبل الرجاء
بجاه ضلع الزاچيه وذاك الجفن

============

مااظنك سيدي تترك عزاك
وبيه تحضر فاطمه وتلطم وراك
ويصعد الرادود بـ الاه ونعاك
حسين ما ننساه ابد طول الزمن

============

حتى لو ميتين نندب ياحسين
وكاتبين عله الچفن شوگ وحنين
الك يابوسكينه بس دمعة العين
وللمشت مسبيه في ذاك الضعن

============

ما يمر شهر المحرم من سكوت
الا بيه اعلامنا بكل البيوت
والمجالس نحيه بيها احنه ونموت
حسين ما ينسانه واحنه عليه نحن

============

نحلفك براس العقيله الـ شيبت
وبعبايتها اللي بالنار لهبت
وآه يامكبر حزنها من انسبت
وراس كافلها على اخته ظل يون

============

ردنه لعتابك يبن سيد المله
خلنه ننحب للمشت بالقافله
ولبناتك نبچي واولاد العله
آه ياليلة محرم من تجن

============

عمري ما يخلص اذا ما بيه لطم
وموكب وزنجيل يم باب الحرم
ودرب مشاية يبن سيد الامم
نواسي حيدرنا علي وام الحسن

============

الخادم احمداللعيبي
ونســـألــكـم الـــدعـــ‏اء
https://t.me/Altef1
١٥/ ذ- ق/ ١٤٤١ هـ

شكوى ليلى للاكبر :-

بدون الاكبر ليلى حل كسوفها
چن غصن مكسور من نشوفها

<><><>••••<><><>

هذا حال ام الولد لمن مست
بلا ضوه الاكبر وليلى تحيرت
تبات مشدوهة فكر وتلوعت
تحاچي ابنها عالرمح وحروفها

<><><>••••<><><>

حروفها من الالم نزلن حزن
يمه عدمن ودعتني بهالزمن
ما كلت حرمة وچبيرة بهالضعن
ليش يبني بهالسفر و تعوفها

<><><>••••<><><>

تعوفها ويحدي بخدرها ابن الخنا
يروع بإمك عكب ذاك الهنا
صوتي ما يطلع ييمه من العنا
الصوت بح اورم فوگ چفوفها

<><><>••••<><><>

چفوفها متورمه وبيهن حبل
من اديها لكيد عمتك يانفل
اه يا لوعه هضمها والخجل
هم اساره وذله عيني تشوفها

<><><>••••<><><>

تشوفها وغاطيها دخان الخيم
من الجدم للراس وي كل الحرم
چنهن من الروم لو اهل الذمم
والمشت للشام شنهي ظروفها

<><><>••••<><><>

ظروفها شنهو المشت وبلا اهل
بالسبي وبس بدمعها تبتهل
ربي بابني الشاب وحسين الكهل
اخذ روحي وخل تجيني حتوفها

<><><>••••<><><>

الخادم احمداللعيبي
ونســـألــكـم الـــدعـــ‏اء
https://t.me/Altef1
١٦/ ذ- ق/ ١٤٤١ هـ

حال العقيله زينب بعد مصرع الكفيل :-

كمت ما وچد جنوبي شمالي
واشوف الدرب صار اظلم شمالي
غدت بس يمنتي تصفگ شمالي
عكب وكعت چفيلي الكطع بيه

الخادم احمداللعيبي
ونســـألــكـم الـــدعـــ‏اء
https://t.me/Altef1
١٨/ ذ- ق/ ١٤٤١ هـ

اقبلني يمك انتحب :-

ما ظنك بليله تچن
دمعك يهل يبن الحسن
ويزيد نوحك سيدي
لمن يهل شهر الحزن

••••••••••••••••••••••••••

شحالك يامولاي ويجي شهر المحرم بالسمه
دمعك يفيض على الذي مات بعطش من الضمه
ماتشرب الماي العذب تذكر مصايب عارمه
وتنادي ياجدي النبي بدموعي اواسي فاطمه

وصوتك يرج كل الارض
جدي حوافر بيه ترض
وعماتي ما بين العدى
يصبن دمعهن كالمزن

[[[[[[[[[[[[[[]]]]]]]]]]]]]]

آ ياشهر وشجم جرح محفور الك طول العمر
موت وسلب نار وخيم وحسين مكطوع النحر
واطفال هامت بالفلا تعثر لون سوط بسفر
والخدر يدورن ستر وراعي الشهامه على النهر

وزينب تصلي بلا ستر
وعليها حارس ينتظر
وسجادكم ناحل مرض
والعيله بالبر تستچن

[[[[[[[[[[[[[[]]]]]]]]]]]]]]

بيا ارض نوحك سيدي بطف كربلا لو في طوى
بالشام يم ام الخدر لو يم نهر شاطي اللوى
لو يم محمد تنتحب لاچني ماشوف الضوه
ودي اشارك دمعتك خانكني مولاي الهوى

اقبلني يمك انتحب
وامسح عيونك من تصب
على المنذبح وام الصبر
روحي بهواكم بس تون

[[[[[[[[[[[[[[]]]]]]]]]]]]]]

معقوله يانبع اللطف تحرمني احضر جلستك
ادري بذنوبي ومستحي محلفك بغربة عمتك
تطردني حاشا سيدي واقسم قسم بمحبتك
مولاي لو شفتك ترى ينصلح حالي بنظرتك

خليني اكسر اضلعي
وياك لو قاري النعي
يذكر مصايب للخيم
وسكنه ورقيه لو بچن

[[[[[[[[[[[[[[]]]]]]]]]]]]]]

ماعندي شك ولا ظفر تحضر يبن فارس مضر
بنص كربلا وي شيعتك تلطم جبينك والصدر
لابس الاسود سيدي لاچن اشوفنهن حُمر
من كعدتك تحت الشمس چن عمتك وكت اليسر

كل شيعي ناصبلك علم
مأتم تعازي بكل قيم
ينتظر جيتك سيدي
وركب السبايا من يجن

[[[[[[[[[[[[[[]]]]]]]]]]]]]]

✍🏻 الخادم احمداللعيبي
ونســـألــكـم الـــدعـــ‏اء
https://t.me/Altef1
٢٠ / ذوالقعده/ ١٤٤١ هـ

القصيده على غرار لحن قصيده الحاج ملا باسم الكربلائي (( صاحب يكول لصاحبه ))

بلاية مجلس :-

بلايه مجلس عيني عميه وتنقهر
واختنك بالعبره لو شفت النهر
بجاة امك والكمر
والعقيله ام الخدر

•••{}{}{}{}{}•••{}{}{}{}{}•••

عدنه ماتمكم دوة العين وكحل
والمريض بدون دمعه ماله حل
اللطم والنوح دستور المقل
سيدي بجاه امك وسيد النحل
دمعه مني محزمه
ارد اواسي فاطمه
بدون دمعه شلون يخلص هالعمر
بلايه مجلس عيني عميه وتنقهر

•••••<><>•••••<><>•••••

من الزغر ربتني امي بهالطبع
الطم على مصابك وبيه انفجع
بالمهد وكبالي چن شفت الضلع
وچبد اخوك مگطع ودفنه انمنع
من الدفن يم النبي
وحزني چن هودج سبي
والله لو ما احيي امرك عمري مُر
بلاية مجلس عيني عميه وتنقهر

•••••<><>•••••<><>•••••

دخيل صدرك والحوافر والخيام
وراسك المرفوع وجروحك سهام
والعليل وصبره والصحبة الكرام
لا تردنه وخلنه نلطم ياامام
وبيكم احنه نستعين
يبن اميرالمؤمنين
بكل شددنه وداهيه طول الدهر
بلايه مجلس عيني عميه وتنقهر

•••••<><>•••••<><>•••••

الدنيا وحشه وچن ضمه بيها يعس
بدون مجلسكم احس ظلمه انترس
الرية مختنكه وزيارتكم نفس
ياعرش ربنا اللي زارك هالامس
اليوم محرومه الملا
من زيارة كربلا
مانريد يطول بُعدك هالشهر
بلايه مجلس عيني عميه وتنقهر

•••••<><>•••••<><>•••••

الدنيا غابة وبس مجالسكم امان
صرنه نبچي دموع يوسف هالزمان
ارواحنه ذبلت ويحييها الحنان
لو ضريحك لو حسينية المكان
ننتظر عشك الدرب
باربعينك لو گرب
نبات بالموكب ونتلكه الطهر
بلايه مجلس عيني عميه وتنقهر

•••••<><>•••••<><>•••••

الخادم احمداللعيبي
ونســـألــكـم الـــدعـــ‏اء
https://t.me/Altef1
٢٢/ ذ- ق/ ١٤٤١ هـ

آه ياحزني :-

انت كلشي
شلون تمشي
يبني يالاكبر ياريحانة حياتي

••••<><><>••••<><><>••••

انت لا مو جزء مني كلي يبني انت صرت
شيبت رموشي برباتك وانتظر يوم كبرت
بگلبي صاير نبض تسري وابد مالحظه غبت
لچن راحت مني روحي يوم من ايدي رحت

انت ريتي ... وعمد بيتي
صحت عالدنيا العفا وغصه بلهاتي

••••••<><><>••••••

روحي چن ورگه بخريف غابت انسلت الروح
ياشبيه الغالي جدي بشوفتك انسى الجروح
شما ردت انهض واشيلك والله ايدي ماتلوح
طاح حيلي انهدم ركني چن دمع من كثر نوح

آه ياحزني ... شيلو ابني
وياه راح العمر كله وامنياتي

••••••<><><>••••••

طولي محني عليك يبني وجدمي يوكع مره يعثر
شما ندهني ونادى واحد وينك انت يابو الاكبر
نوبه اعاين سهم نحرك نوبه اشوف اللحم نثر
حسرتي وجمره لهيبي ابد ما يوم اتخثر

شفته واكع ... جسمي راكع
بطيحتك يالغالي لاحتلي وفاتي

••••••<><><>••••••

محدبه الدنيا وحزينه وغاب من بعدك ظهوري
ايدي تصفك ايدي الاخرى ذابل وغايب الجوري
بشوفتك لو حزن مرني ينجلي بيك وسروري
تالي مو اكبر لكيتك موذر ويادنيا غوري

ليلى تنشد ... ابني ما رد
عمتك عالباب تنحب وي بناتي

••••••<><><>••••••

اليفكد ابنه يحس هظيمه ينرسم حزنه بجفونه
وانا فاكد بدر يضوي مطبر ومختلف لونه
والاشد ضامي ومحمد والبتول يشربونه
هاي ماانساها والله شفته من غمض عيونه

آ يدهري ،، تالي عمري
بلا ولد ظليت وانا بـ نايباتي

••••••<><><>••••••

صبري يخلص ساعه ساعه ينتهي كطره بكطره
وانت بيك جروح كثره نبله فوگاها الف طبره
عمت عيني والمناظر غدت كلها بعيني حمره
يچمل مصابي عضيدي لو وكع منكسر ظهره

نحري يبقى .. برمحه يرقى
رحتو مني وغبتو يااجمل صفاتي

••••••<><><>••••••

الخادم احمداللعيبي
ونســـألــكـم الـــدعـــ‏اء
‏https://t.me/Altef1
٢٣/ ذ- ق/ ١٤٤١ هـ

القصيده على غرار لحن قصيدة الملا عمار الكناني شال رايه

يالــوعَـة مُصــابـي :-

من حَمّل عيالَه ... دم عيني هَمّالَه
آنه العَليلَه بلا ضَعَن يادهري خلّوني
ناديتَه يالغَالي ... ما حَسّبِت تالِي
تتركْنِي وَحدِي بدِيرِتي والدَمعَه بِعيونِي

••••<><><><><><>••••

تودِعُونِي وانه بويه الهَم ذِبَحنِي
ليش مِن دون الخَلَك وَحدِي عِفِتني
ماني بِنتَك مو عَزيزة آه ياحِزنِي
حتى لو ماكوا ضَعَن بالجِربَة خَلنِي

يالوعَة مُصابي .. مَحّد يدك بابي
وحدِي بقيت بحَسِرتِي وبجَمرَه تِركوني

••<><>••<><>••<><>••

بويه صَدّك عِلّتي ماهي ثِچِيله
خذني خَدّامه لهَلَك ياأبُو العَيله
بهَدوَةِ الليل لرَضيعك أَنتِخِيله
بكُل صَلاة وكُل قنوت آنه اندِعيله

واخدِم خِدِر عَمتِي... واحرِس خِيام اختي
وافرش إلك سَجّادِتَك بِرمُوشي وجفونِي

••<><>••<><>••<><>••

شِفنَه يابويه اليِسافِر يِدِز مَكتُوب
حتى لو حَرفين مِنَّه تِهدَى الكلوب
رِحتُو عَنّي وصار حِزنِي شِبِه يَعگوب
لاقميصك لاجَه عَمّي وكلبي مَرعُوب

نار الگلب تِسعَر ... فراكِ الأُبو يِقهَر
عيني اصبَحَت بيضَه بغِيَابَك وانخِطَف لونِي

••<><>••<><>••<><>••

تِدري كُمْت أحسِب ثَواني وأعِد نَجمَات
هَم يرِدلِي حسين ثاني ردُود هيهات
البيت مُوحِش مِن عُكُبكُم زاد حَسرات
كُمِت مِن أندَه يِرِدلِي الصوت آهات

أَبچي وصدى صوتِي .. ماتَو هَلِچ مُوتي
الدنيا اختفى بيها الكُمَر والنجِم شَيعوني

••<><>••<><>••<><>••

شِفِت غُصّة بأثر غُصّه والكلُب ذاب
لَن وِحيدَه وهَم عَلِيله والبدر غاب
والله يِلچمني الهوى لو مـر عَلَه الباب
لني اكومن زَحِف أحسِب جَتني الاحباب

هالحاله يوميه ... أزحَف عله ايديه
كُل ساعه احس بكِل كِتِر أهلي يِنادوني

••<><>••<><>••<><>••

قِصّتِي خِلصَت يبويه بدمعه وونين
اختنكت انفاسي وادير الوجه لاوين
بدنيتي ماظن بعد نتلاكة يحسين
هناك بالجنه أشوفك ياضوه العين

ياگلبي واشواكة ... لخواني مِشتاكة
أهناكَ عند امي الزچيه الكل يلاكوني

••<><>••<><>••<><>••

الخادم احمداللعيبي
ونســـألــكـم الـــدعـــ‏اء
https://t.me/Altef1
٢٤/ ذ- ق/ ١٤٤١ هـ

القصيده على غرار لحن قصيده الملا عمار الكناني ( ياراهب الدمعه)..

عالم ذو بصيره وراي :-

ترسانه وطن عباس
مو دوره النهر والماي
نوره من السما للگاع
چفه لكل خيمنه فياي

••••<><><><>••••

من ياطين من يانور
صاغك ربك المعبود
بتكوينك عطر فواح
ولأم البنين يعود
روح من الوصي الكرار
وفوكاها محمد زود
بلا شك وانت بالاصلاب
مكلف بالخدر والجود

#يا سر الله وانواره
من الذر شاعت اخباره
كافل زينب الحره
مولود بصفة وفاي

••••<><><><>••••

يامسك الجنه والافلاك
يبن الطور والقران
يابوصلة طف حسين
بيك الكرم والاحسان
ياخو زينب لقب معروف
فارس من بني عدنان
انت الماي وانت الروح
ماصدك متت عطشان

#جنت بلسم للمخيم
وكل معلول ومتيم
چفوفك جزء اوصافك
مقبلها علي مولاي

••••<><><><>••••

شكثر اضداد مجموعه
بشخصيتك ياابو النوماس
جهنم بيك من تغتاض
لهلك عاطفه واحساس
يوميه الخلك كلها
تذكرك بالصلاة الناس
من تقره بتشهدها
عبد صالح ترى العباس

#بمصاف الانبياء موجود
وياهم صرت معدود
وهذه منقبه من الله
عالم ذو بصيره وراي

••••<><><><>••••

بفضايل خصك الباري
كمر ربك اخذ رسمك
وحسين الاخو يفداك
لمن ينتخي باسمك
وثالثها الوفه والطيب
من الزاكيه امك
وشجاعه من الوصي الكرار
بعينك زينب تشمك

#ومن حيدر خذت شمره
طايع للاخو بامره
وزينب ربتك لليوم
وتسميك لب حشاي

••••<><><><>••••

ياايه ومصحف منزل
عله صدر الخيمه ياجيدوم
ترتلك زينب وسكنه
ورمله وليلى وام كلثوم
بايات الحرب صمصام
وبايات الصبر معلوم
يبن النبأ والفرقان
بيكم كل امر محسوم

#بيك الزلم ما تنقاس
غيمة ورايه يانبراس
لاچن عله العدو ضاري
بصولاتك شهدلك هاي

••••<><><><>••••

وارث كل صفات حسين
ترفض شمرة اخوالك
شمرة حيدر من يصول
غيرة ومرجله افعالك
كاشف چم الف عالماي
بسيف وبيرق لحالك
بيوم المحشر ينادون
ساقي وهي تحلالك

#وفاطم تنشر الچفين
تطالب بيهن وبحسين
وسبي النسوان عالهزل
وركضهن عالرمل حفاي

••••<><><><>••••

الخادم احمداللعيبي
ونســـألــكـم الـــدعـــ‏اء
https://t.me/Altef1
٢٨/ ذ- ق/ ١٤٤١ هـ

عفت العرس :-

بدمي ارتفع عذر اليجي بعدي
جاهدت وانه وصيتي بزندي
طبقت دين المصطفى جدي

••••••••<><>••••••••

الفروض الخمسه كلهن طبقتهن
وكل حرام الشرع يادنيا عفتهن
حتى مكروهات ربي تجنبتهن
ذني من عمي وابوي اتعلمتهن

مكطوع شسع النعل واصلحته
مكروه هذا الامر وسمعته
ماهبت كل جيوشهم وحدي

••••{}{}{}••••{}{}{}••••

جاهدت والجاهدتهم عن قناعه
ويه ابن المرتضى تكمل الطاعه
لايردك عن نصرته اي اشاعه
وبسفينه حبه تحصلك شفاعه

يارحمة الله حسين ياعمي
موصيني بيك الوالد وامي
كبلك يطيح عله الترب خدي

••••{}{}{}••••{}{}{}••••

مااطاوع روحي لو رادت ترافه
انه منذور لابن راعي الكلافه
هذا طبع اللي ربى بدار الضيافه
يفدي روحه لاجل امامه بلا حسافه

معزب يعمي بروحي كدامك
شديت همتي بهمة حزامك
يحسين لا تمنعني من وعدي

••••{}{}{}••••{}{}{}••••

ما يمنعك عن جهاد الله ونبيه
صغر سن لو زهوة الدنيا الدنيه
اخذ عبرة من شباب الغاضريه
بكبر عمري واصغر نضحي سويه

ست اشهر حسين انذبح ابنه
ونصراني وي تركي دفع عنه
عفت العرس وتطوعت جندي

••••{}{}{}••••{}{}{}••••

يل تحب حسين ابواليمه وجهاده
كون صادق بالتعامل والعباده
لاتدور مركز وقيمه وقياده
تموت في حبه كمن نال الشهاده

خط الشهاده بحبه مختومه
ألتزم شرع حسين وعلومه
بالجنه اكيد تحصل الشهدِ

••••{}{}{}••••{}{}{}••••

الشهاده بحب ابواليمه سعاده
ماينولك غير حب الله اوداده
من تطيح على التراب بلا وساده
يحضرك حسين الابي راعي السياده

لمن حضرني وچتل چتالي
وعله الصدر ناداني ياغالي
عذري لخوي الزكي من عندي

••••{}{}{}••••{}{}{}••••

الخادم احمداللعيبي
ونســـألــكـم الـــدعـــ‏اء
https://t.me/Altef1
الاول من ذي الحجه/ ١٤٤١ هـ

القصيده على غرار لحن قصيده ملا باسم الكربلائي ( اخر رساله)

آ يشهر الموت :-

من اشوف الدنيا امست مظلمه
چن قميص حسين نشرت فاطمه

###{}{}{}###{}{}{}###

تنشر الزهره قميصه وينهمر
دمع كل شيعي لجل هذا الامر
وتشتعل ماتنطفي لوعة جمر
من تشوف الحزن غَيّم بالسمه

••••••<><>••••••

آ يشهر الموت يومك لا گرب
بيك ابن سيد الرسل مات بغرب
طفله بچفوفه يموت وماشرب
عذب ماي وبس لسانه يترجمه

••••••<><>••••••

ما يمر بالناس مثل مصيبتك
يــاذبيح ويــاسليبه چثتك
ما سمعنه ولا قرينه بقصتك
ابن ساجي الكوثر يموت بضمه

••••••<><>••••••

منهو سامع نهر مكسور الظهر
ياهو شاهد طفل مات من القهر
طفل جمره برجله ويدور نهر
ونسوه مصبوغات كلهن بالدمه

••••••<><>••••••

جفني ما يرتاح ينزف چالمطر
لخيمة اختك ياابن فارس مضر
من عكب عينك سبيه بهالسفر
چنها سبي الروم وهي العالمه

••••••<><>••••••

شنسه شذكر ياجرح من كربله
من الحرگ فرت نساكم بالفله
بسوط زجر وشتم تمشي العايله
وراسك يعاين يبن حامي الحمه

••••••<><>••••••

شلون انسى چفوف عباس الكمر
ورايته وراسه التهشم وانطبر
وجاسم العريس حنته من النحر
وطيحه الاكبر بيدين الاثمه

••••••<><>••••••

تبقى نار بكلبي ماتخمد ترى
شما اعاين طفل يمشي بظل مره
ومن اشوفن خيمه نار مسعره
روحي تطلع تبكه بيكم هايمه

••••••<><>•••••

الخادم احمداللعيبي
ونســـألــكـم الـــدعـــ‏اء
https://t.me/Altef1
الاول من ذي الحجه/ ١٤٤١ هـ

لسان حال العليله روحي فداها :-

شال ضعن الاهل وانه بحسرتي
وضوه يرچب ضوه وتهمل دمعتي

<><><>••••••<><><>

كوكب اليامر كمر شيلو الضعن
وستر عرش الله عليه يتقدمن
نجمه تتبع نجمه وياه ركبن
ومحد من اهلي يهدي لوعتي

~~~~••~~~~

ليوث هاشم كلمن بهودج كفل
وطفى نور الدنيا لاجل اهله وحمل
وزينب وي حسين نادته بخجل
منهو حارس خدري ياضي دنيتي

~~~~••~~~~

كلها ياام عون الزلم لاجلج خدم
منهو تردينه تخيري من الشيم
كالت العباس شيال العلم
كافلي العباس هو وصيتي

~~~~••~~~~

شال چفه وغطى كل نور السمه
انا خادم خدر ضنوة فاطمه
حارس المحمل يبت حامي الحمه
ركبي وانتي بشاربي وبعهدتي

~~~~••~~~~

حسرتي تسابك نفس ريتي وترد
وگلبي طك وكل خواتي بس تصد
ليه ساعه ومره لحسين العمد
وانا اقره بعين اهلي غربتي

~~~~••~~~~

روحي من الدمع ثكلت ما تجن
گلبي يعصرني ونفس شفتي يِون
استحي من الوالد اركب للضعن
وما سمعته يكول كومي بهمتي

~~~~••~~~~

سدرو والليل غطاكم ظلام
والمنام بدونهم اصبح حرام
كمت اناجي الباري رجعلي الامام
ارتاح من همي واشوفن اخوتي

~~~~••~~~~

الخادم احمداللعيبي
ونســـألــكـم الـــدعـــ‏اء
https://t.me/Altef1
الثاني من ذي الحجه/ ١٤٤١ هـ

مسلم وكفى به سفيرا :-

حي ابوطاهر اجه وشايل علم
وصل للكوفه سفير اهل الشيم

####••••••####

دخل مسلم والحشود تلكته
بايعته على العهد من كالته
صلى بيهم بيّن الهم خطبته
وكال دين الله عطش رايدله دم

••••##••••##••••

بدر شع بيناتهم چنه الكمر
استانسوا لمن وصل هذا الخبر
حسين دز مرسول ابن سيد البشر
نبايعه لاجل المبادئ والقيم

••••##••••##••••

لچن وسفه صار يومك چالامس
بسرعة البرق اختلف هذا النفس
چنه عمه المرتضى خانوه همس
وكلمن لداره شرد واصبح صنم

••••##••••##••••

ظل ابو طاهر وحيد بمحنته
شابة المجتبى يوم الطعنته
زمرة من الكاتبوه وبيعته
صاح ياهلناس ما عدكم ذمم

••••##••••##••••

انسدت الكوفه عليه من كل كتر
بكه حاير چنه چف ومنبتر
وحيد لاناصر اله وبيه ينتصر
نادى يارب بيك اشدنها الهمم

••••##••••##••••

مسلم من العطش ذابت چبدته
شاف حرمة اباب وهي شافته
طلب منها اميه يروي مهجته
تكله اشرب لكن ابعد هالجدم

••••##••••##••••

نادته عكب الشرب جدمك ثكيل
عيب توكف وانه حرمة بلا چفيل
محلفتك بالوصي حامي الدخيل
روح عني بجاه فاطم والحرم

••••##••••##••••

من سمع بالزاچيه وعمه علي
كلها ياحره غريب ولا الي
ناصر بهالبلد ماهم كل هلي
يحچي وياها اوسط گلبه الم

••••##••••##••••

صاحت اه يافشلتي وياخجلتي
انت مسلم كال حيرة حيرتي
تفضل عله الرحب واقبل خدمتي
واجري يامولاي من رب النعم

••••##••••##••••

ضيفته بيوم عرفته السفير
حضرتله الاكل مدتله السرير
كلها مثل حسين اظل عله الحصير
ومثل دمه يسيل دم كل الزلم

••••##••••##••••

الخادم احمداللعيبي
ونســـألــكـم الـــدعـــ‏اء
https://t.me/Altef1
الثالث من ذي الحجه/ ١٤٤١ هـ

نعي في شجاعة السفير :-
على وزن البحر الطويل .....

مسلم فرع من جده ابوطالب الحامى الدين
ذاك بالشِعِب دافع عن المصطفى بسنين
وهذا الرخص دمومه ويلي ودفع عن حسين
كفو منك يبو طاهر وحيّد ابينهم ترهب

•••~~~•••~~~•••~~~~•••

حارب كل جموع عداه ما رفتله طرفة عين
يحصدهم حصد سيفه چن نيران چن سجين
ذكرهم بصولاته بفارس خبير وصفين
حاطوه بنبل وسيوف وكلبه من العطش يلهب

•••~~~•••~~~•••~~~•••

حاوطهم وچن صياد ذب شبچته عله طيوره
ما ينهزم منهم حِيّد الا ولاحته حروره
من سيفك وطوعه تصيح چنك عمك بصوره
من يطبر تصير اثنين چثه الكابلتها تذب

•••~~~•••~~~•••~~~•••

منو يدنى سفير حسين وماخذ شمرة من عباس
واجتمعت عليه صوبين بحجار وحديد الناس
ما واحد گرب منه يعرفونه شديد الباس
غير بحفره لمن طاح چتفوه ويلي المهيب

•••~~~•••~~~•••~~~•••

من طاح وغدو كثره بصوت يصيح ياطوعه
سلامي للاهل كلها وحميده عكبي بلوعه
لو شفتي سبي نسوان وبيهن بنت مربوعه
كولي مسلمج من طاح كلبه عليج يتلهب

•••~~~•••~~~•••~~~•••


الخادم احمداللعيبي
ونســـألــكـم الـــدعـــ‏اء
https://t.me/Altef1
٥/ ذوالحجه/ ١٤٤١ هـ

بروحنه نفدي العقيده :-

الصداقه ماهي فتره
كون تسال الف مَره
منهو للموقف يحافظ
يقبل بحِلْوَكْ ومُرّه

••••••••

الصحبه مو عشره ياسامع لاهي طول ولا زمن
بيها كثره شروط لازم وافتهمهن تطمئن
هذا امامك هل يوضح جوهر الصحبه الحسن
كون صادق كون مخلص ماكو اوهام وحزن

وأحذر تصاحب جماعه
بلا تجارب لا قناعه
واخذ من الدنيا عِبره

••[][][][][]••[][][][][]••

تمثلت كل الصداقه بكربله وشوف الجرى
واحد ينافس الاخر عله الموت ومعبره
الشيخ والعريس قاتل كالاضاحي مجزره
ومن بعدهم ال هاشم ضربو اعظم مفخره

لجل دين الله ونبيه
سور وكفو للثنيه
وكربله سووها حمره

••[][][][][]••[][][][][]••

ذوله ما يحصل مثلهم بكل زمان وموقعه
الله خالقهم مخصص للحسين ومصرعه
ابواليمه شهد ليهم والاوصال موزعه
صحبتي كالنجم ذوله كتاب ليهم وقعه

وزينب تكله التفت
كلبي كارصني وخفت
وهو جاوبها وجوابه فسره

••[][][][][]••[][][][][]••

الله من طينة موده خالق الصحب الكرام
اوفه زارع بالضماير حتى تنصان الخيام
تعاهدو بالذر عليه حسين قائدنا الامام
ترخص نفوس البرايا ولا يمس خدرك لئام

وريس الانصار نادى
يله حي عله الشهاده
تكطعو ميت الف وذره

••[][][][][]••[][][][][]••

اظن ربك من خلقهم خله بيهم غيمه
تمطر على حسين وابنه وسط ذيج الهيمه
شعارهم يوم الطفوف نموت لاجل الخيمه
ولايصل خدر العقيله بيوم عاشر ضيمه

بروحنه نفدي العقيده
يبن فاطم والتريده
وبالنفس ماتظل حسره

••[][][][][]••[][][][][]••

بلهفه كلهم للمعاره تهافتوا مثل الشمع
ذايبين عله الشهاده الك كل طاعه وسمع
تركو الدنيا وعذرهم لابو اليمه بالدمع
نخجل نخليك وحدك أبين كل هذا الجمع

وما نتركك لا محال
مفرد ابين الرحال
موسد ومكطوع نحره

••[][][][][]••[][][][][]••

لون عدنه ارواح ميه نفدي لجلك كل نفس
ولاتظل عله التراب مترب بحر الشمس
ولا لعين يحز ركبتك فوك صدرك من جلس
ولا تجرت خيل عشره تطحن بجسمك رفس

رد عليهم منحره
نلتقي بالاخره
وتفتخر بيكم الثوره

••[][][][][]••[][][][][]••

الخادم احمداللعيبي
ونســـألــكـم الـــدعـــ‏اء
https://t.me/Altef1
٨/ ذوالحجه/ ١٤٤١ هـ

يرب زنجيلي حاضر :-

يارب ارزقني حافر
يدوس بصدري ويجول
اواسي ام الحسين
بابنها الداسته خيول

••<><><>••<><><>••

اماني عندي هواي عفتهن لجل الحسين
اريدن رزقي دموع لحد ما تنعمي العين
ياربي بحرمة الال وامهم وام البنين
تخلي اللطم سلواي بإدي ذني الاثنين

يرب وفقني بهاي
اموت بحسره الماي
واروي شفتي هناك
بـ معين وابد مايزول

======••======

يرب وفقني للنوح وانوحن طول عمري
وندبتي لابوالسجاد لحد طلعة الفجرِ
جروحي بيهن ايتام وخيم بالنار تسري
ودمعي لمن يطيح مثل نيران جمري

بجاه الوصي الكرار
اريد اخدم الاطهار
واريد دموعي للموت
عليك يصيرن سيول

======••======

وبعد عندي اماني بعد ذيج البدايه
ازورن كربله بيوم ترد بيه السبايه
واشيلن راية حسين واردد هاي الايه
الموده للقرابة واجر ها هالهدايه

وليالِ العشره والطور
واقبل ذيج الگبور
واطوفن بالحضرتين
واحصل اذن الدخول

======••======

ياربي بجاه عباس اريدن فزعته وياي
فلا تحرمني حاضر مجالس هالسنه هاي
اريد العطش يچوي مهجتي ولبة حشاي
واحس شلون الحسين ضامي وما شرب ماي

يرب زنجيلي حاضر
ادك على الخواصر
والبس ثوب حزني
بمأتم ابن الفحول

======••======

يربي وانت مولاي عله كلشي انت قادر
تأجل موتي ساعات لمن يخلص العاشر
وبركضة طويريج اظل احيي الشعاير
واموت وانه اسعى وسط ذيج المناير

يرب حقق مرادي
يظل هايم فؤادي
على حسين وعترته
الكضو شبان وكهول

======••======

الخادم احمداللعيبي
ونســـألــكـم الـــدعـــ‏اء
https://t.me/Altef1
١٣/ ذو الحجه/ ١٤٤١ هـ