بيج الجبال اتسيرت :-

يهل العقل والمعرفه
اية صبر ترحل وين
عله الهزله تمشي ميسره
يابسملة طف حسين

•••••••[][][][][][][][]•••••••

ياام العقل شنهو الجرى لولا العقل چا شطيت
ياكعبه حسين الابي انتي الحَجر وانتي البيت
طفت وسعيت بخيمتج شفتج مقام وصليت
وحِجرج صبّح تل نايبه تگربت يمه ولبيت

لابس احرام من الدمه
وزمزم طفوفج من ضمه
وانتي ندبتي فاطمه
ذبحو ييمه الطيبين

•••[][][]•••[][][]•••[][][]•••

قران صاغج خالقج من بحر نور المختار
واياتج البيهن ستر عفه وعفاف وانوار
صفحات مصحف طاهره من فاطمه والكرار
والسجده بيج الواجبه من نقره ايات اكوار

محفوظ مكفول الذكر
بيد الكفل لام الخدر
وخدرج يضل يم الطهر
بعين البذلج چفين

•••[][][]•••[][][]•••[][][]•••

عندج علامه محكمه وماتشبهين النسوان
ام واخت ذاك الكمر اخت الذبيح العطشان
بيج القصص والزلزله بيج النسا والفرقان
يوسف قميصه بيه شفه وبشيلتج يحيي انسان

ام عيسى نسياً امنيه
وانتي فضحتي الطاغيه
هيبة وجلاله من سأل
صبرا جميلا تحچين

•••[][][]•••[][][]•••[][][]•••

بيج الجبال اتسيرت ياغيره من راعي الجود
والورد يحيه بريحتج والموتى تتمنه تعود
تزرعلج دروبج شهد يا طهر رب المعبود
والارض تتگطع وصل لو ظل خيالج ممدود

يافجر اخوج بكل بلد
ياقارعة يوم الشدد
بيج النبأ واخت الرعد
بيج المعارف والدين

•••[][][]•••[][][]•••[][][]•••

احسن قصص گال الذكر يوسف اخوته الباعوه
واعجب عجيبه بمصحفج مسبيه بعد الذبحوه
والاغرب ابليس انتحب وشمر الخنا ما نحوه
عن باب جنة محملج باچر عذاب يذبوه

بديرة غرب نشري الفكر
رحمة من الاهچ للكفر
علمج ينبه كل بشر
ينبذون اميه بكل حين

•••[][][]•••[][][]•••[][][]•••

شانج يبنت المرتضى بنشاب مصيوبه الروح
والطاهر تعاديه تظل عدوانه ترميه جروح
مصحف الاهج بالنبل صوبوه واصبح مذبوح
هذا المقدر وانكتب عند العرش بيد اللوح

خصمج لئيم ويفتخر
ثارت اله بأحد وبدر
وبسوطه يضرب مبسمه
يقصد يبچيلج عين

•••[][][]•••[][][]•••[][][]•••

الخادم احمداللعيبي
ونســـألــكـم الـــدعــــاء
‏https://t.me/Altef1
٢٨ / ذوالحجه /١٤٤٠ هـ

القصيده على غرار لحن قصيدة الحاج ملا باسم الكربلائي (( صاحب يكول لصاحبه))

ياقل هو الله الصمد :-

اكتب رسايل حزن من بُعدي
من ياجرح يحسين بيها ابدي
مدميه تنزف عيني وچبدي

••••[][][][]••••[][][][]••••

شيبت سنيني برماح الغاضريه
وخضرت لوعات حزني بهالمسيه
كل سنابكهم تحولت كيد اديه
خويه بير ادموعي غرگ ال اميه

الحك ياخويه يمته ترجعلي
طبيت مجلس كيدي برجلي
مجرى الفرات تحول بخدي

••<><><><>••<><><><>••

شما اعاين حرگ نمرود بخيامي
وسيف ابن ملجم رجع حز راس امامي
ورجعو احفاد الجمل زيدو ظلامي
ومثل سبي الروم خويه بلا محامي

لو عيسى شايف منظر عيالي
چا گال حتى الصلب اشوالي
ماعندي عيله وي الغرب تحدي

••<><><><>••<><><><>••

خويه من نار الخليل السرت لينه
لاهي برداً لاسلاماً من تجينه
من طحت بمثلث وغرگت سفينه
صرنه من كثر الذعر ليك اعتنينه

برداً سلاماً صفت كل ناره
جدي الخليل الوصلت اخباره
بس خيمتي نيرانها بزندي

••<><><><>••<><><><>••

خويه كل ليلة التمرني بالخرابه
چنها ميقات الله ولموسى وصحابه
عشنه بيها ايام بس كلها غرابه
بيها نسمع صوت صرخات الربابه

يبن الذي من مسجده اسرى
ترضى حميتك اختك مأسره
ينظرها شامت يشتم بجدي

••<><><><>••<><><><>••

جرحي مايهدأ بعد طف الرزايه
من اعاين خويه صرخات السبايه
وراسك برمحه يلوحلي بنهايه
يل چنت مصباح للحق والهدايه

ياقل هو الله الصمد حرزي
ادعي بليالي الفجر والعشرِ
يحرسني راسك بس بقه عندي

••<><><><>••<><><><>••

اخر احزاني يبن سيد البريه
عالطشت ماتت حبيبتكم رقيه
عله راسك والذبحها ابن الدعيه
ماهي مريم تاكل برطبه جنيه

والخضر كونه حاضر ويانه
ياموسى لن تستطع هنانه
عله ام الخدر متفرجه هندِ

••<><><><>••<><><><>••


✍🏻 الخادم احمداللعيبي
ونســـألــكـم الـــدعــــاء
‏https://t.me/Altef1
١٦/محرم الحرام / ١٤٤١ هـ

القصيده على غرار لحن قصيدة الحاج ملا باسم الكربلائي ( اخر رساله )

الامام السجاد ينعى حاله ::

انه مستشهد قبل يوم الوفاة
من تركت حسين مرمي بالفلات
ومن عفت عباس اديه مكطعات
وحين رد مهرك يبويه بالصهيل
..........
وساعه منيتي كربت يوم الشفت
كل خواتي وزينب بناكة مشت
سلبوهن عذبوهن وصرخت
صوت ما ينسمع لن جسمي عليل
.......
ومتت يوم اليسرونا ع الهزل
وعفت ابوي حسين مرمي بلا غسل
ضاكت الوسعه وشمر يحدي الزمل
ويشتم بنات النبي وسيد الدخيل
.......
والاشد واصعب عليه وكفتي
أباب انذال الكفر يامحنتي
والمدامع تجري مني لعمتي
والنهار بعيني اصبح كله ليل
........
ولو تشوفوني ياشيعه بغربتي
الجامعه واحبال حزت ركبتي
ريت ذاك اليوم صار منيتي
ولا اشوفن اختي ماتت بالعويل
.........

بقلمي احمداللعيبي
https://t.me/Altef1
ونســألـكـم الــدعــاء
٢٠/ محرم الحرام /١٤٤١ هـ

لأن دم حسين دمي :-

من اموتن خلو بكبري السهام
حتى احس شلون من مات الامام
وبحصيره لفو جسمي
مثل ابوي ومثل عمي
بيوم عاشر ... بيوم عاشر

•••<><><><>•••<><><><>•••

انه ابو الباقر متت كبل المنيه
حين شفت حسين تحت الاعوجيه
وعمي ابوفاضل عله الشاطي رميه
وعمتي زينب عالهزل راحت سبيه
مطرحة سهام عله جدمي
واخوتي واولاد عمي
بيوم عاشر .. بيوم عاشر

•••<><><>•••<><><>•••

شما اسولف عن مصايبنه وحزنه
كل عقل ما يفهم اشصار بخيمنه
ورده بين النار ورماح وحركنه
ركضت بلايه وعي صوب الكفلنه
تكله عمي ازاد همي
الحك احتركت خيمي
بيوم عاشر ... بيوم عاشر

•••<><><>•••<><><>•••

ارد احلف كل غيور وعنده دين
ترضه لختك تنسبي وماتدري وين
لو يسب امك نذل ويكيد ادين
منك ومن عيلتك وانته حزين
صار هذا وزاد غمي
لان دم حسين دمي
بيوم عاشر ... بيوم عاشر

•••<><><>•••<><><>•••

وصيتي ياالباقر تراها مسجله
بچفني اكتب مات مسبي كربله
وكبري لاترشه بعذب وتبلله
وخل تنوح عليه كل العايله
صير دعبل وانعه جسمي
ميت ومامات هضمي
بيوم عاشر ... بيوم عاشر

•••<><><>•••<><><>•••

واخر وصيه بعد عندك امانه
خلني يم عمي الحسن وانته ورانه
اليوم يحضرني ابويه من مچانه
والزچيه والنبي وحيدر معانه
ويحضر العباس عزمي
وامه ام البنين امي
بيوم عاشر ... بيوم عاشر

•••<><><>•••<><><>•••

✍🏻 الخادم احمداللعيبي
ونســـألــكـم الـــدعــــاء
‏https://t.me/Altef1
٢١ / محرم الحرام / ١٤٤١ هـ

يازوار ابوي حسين ذكروني
رقيه انا يشيعه بغرب تركوني

•••<><>•••<><>•••<><>•••

يازوار عرش الله اوصيكم
ذنوبك تنغسل وهو يزكيكم
طوفوا بكبر ابو اليمه ابواچيكم
اوصلوله سلامي بدمعة عيوني

••••••<><><><>••••••

وصلوله سلامي الما بعد شفته
شفته بحلم واحد وانا عاتبته
بويه خلاف عينك دمعتي سكته
على راسك اهل الدمع خلوني

••••••<><><><>••••••

اهل دمعاتي من دم والعدو يشمت
واشكيلك ايديّ من الحبل ورمت
وجسمي نحل مني منيتي كربت
على راسك يبويه متت اذنوني

••••••<><><><>••••••

اذوني بضرب عماتي واخواني
من النوح بويه اتغيرت الواني
بخرابة يصير اباتن عكب صيواني
ومن انعه يبويه عداگ شتموني

••••••<><><><>••••••

شتمو كل بنات الوحي والهيبه
من حامي الحمه وماراعو الشيبه
وعمتي الحره نادت يااهل طيبه
لحكونه ترى العدوان لوعوني

••••••<><><><>••••••

لوعنه الزجر والشمر بين الناس
من سوگ لمدينه مدنگين الراس
مخزيين من الشوف ياعباس
اشگيلك ياعمي الگوم ضربوني

••••••<><><><>••••••

والاصعب واكلف وكفه الديوان
يزيد علينه يتفرج يصد فرحان
يوم بيوم بدر واحد وشمتان
ومن كلت الحچي ياعمي سبوني

••••••<><><><>••••••

الخادم احمداللعيبي
ونســـألــكـم الـــدعـــ‏اء
https://t.me/Altef1
٢٢/ محرم الحرام / ١٤٤١ هـ

يعتصر گلبي واذوب :-

دمعي ماساعه فتر
علتي ازدادت قهر
من عگب وادي الطفوف
ربي عجل بالحتوف
حتى اشوف حسيني ......

••••<><><><><><><>••••

نيف وتلاثين عام من الحزن ومن الدمع
لا هنه اكلي وشرابي عكب ابوي المنصرع
حتى لو لحظه نسيته بصفنتي يهتف سمع
حسين ما بين الخيول كسور ضلعه تنسمع

ويعتصر گلبي واذوب
يغرگ بدمعاتي ثوب
وتلطم جبيني الچفوف
ربي عجل بالحتوف

•••[][][][][]•••[][][][][]•••

شلون انساه وهو امامي وهو ريحة دنيتي
عشت عمري ويه الدموع وهو چمل دمعتي
والسند للولد والد خيمه يبقى لمحنتي
ثگلت همومي بغيابه وبعده زادت علتي

اخ يامحلى الدلال
والهنا عكبه محال
شفته مفرد بين الوف
ربي عجل بالحتوف

•••[][][][][]•••[][][][][]•••

الثمالي ابوحمزه يكلي تمرد چبدتي
والشهاده وسام الكم اخ كتله مصيبتي
هم شفت حرمه واميره انسبت ويلي وحسرتي
المهدي الها دموع يبچي يصيح فتت مهجتي

سبي زينب والاهل
كبالها راس الكفل
وهي مدميه چتوف
ربي عجل بالحتوف

•••[][][][][]•••[][][][][]•••

ربي صبرك ياالهي شلون اشاهد بت علي
مره تركض من خباها ونوبه صاحت ياهلي
چنت معلول سمعتها عمه حرگو محملي
وكيدوني بالسلاسل گبال راسك ياالولي

اه ويلي عله الهزيله
شلون تركبها العقيله
بعيني هالمنظر اشوف
ربي عجل بالحتوف

•••[][][][][]•••[][][][][]•••

منظر يظل بخيالي عاشر يظل للحشر
لايمر مثله بحياتي بكل رزايا شما تمر
بيها شفت حسين محني عله الاخو لاح الكسر
وشفت اخوتي وكل عمامي مذبحة بذاك الظهر

وشفت انواع البواچي
واختي مسلوبة تراچي
وعمتي بالقتلى تطوف
ربي عجل بالحتوف

•••[][][][][]•••[][][][][]•••

بگبري من طبيت انحب عالشهيد ابن النبي
والملك ناداني رفقاً لاتأذي ام العبي
هاي فاطم بت محمد حاضرة يمك تجي
شعتذر منها واكلها بناتچ بديرة سبي

والداي ظل عالتراب
شيبتة فوگ الحراب
مگطعينه بالسيوف
ربي عجل بالحتوف

•••[][][][][]•••[][][][][]•••

الخادم احمداللعيبي
ونســـألــكـم الـــدعـــ‏اء
https://t.me/Altef1
٢٤/ محرم الحرام / ١٤٤١ هـ

يازاير الحسين :-

تبين الرشدُ من الغي
ان الحسين لم يزل حي
حسين كل موسم زياره
هــو يتلــكه زواره

•••••####•••••####•••••

كل سنه نمشي ونشوف حسين موجود
بيده يستقبل عزانه وشايل الجود
من وُصَلهَ يِحّصل أجره وجنه وورود
والتاخر بس تمنه يزوره معدود

قربة خطواتك يازاير
تحصل اجرك تلكه باجر
بكلبك تظل الحراره
هو يتلكه زواره

•••<><>•••<>•••<><>•••

افواج حجاجك يبن سيد البريه
اغتسلت ولبست الك ثوب العزيه
تسعى وتلبي بنداء الغاضريه
يالثارات الكفل وابن الزچيه

تعتني وبسمك تصيح
لاجل حبك ياذبيح
استمع هذا قراره
هو يتلكه زواره

•••<><>•••<>•••<><>•••

الشهيد بلايه شك حي عند ربه
حسين كل عام اليمر يوگف بدربه
يرحب بزواره والضامي يشربه
ويه اخوه عباس يسقي احباب كلبه

زوره وتعنه لحضرته
وكل محب وقع ورقته
صك امان بهل الزياره
هو يتلكه زواره

•••<><>•••<>•••<><>•••

حسين رايد زايره يعرف مقامه
وكون معروف اليزوره بالشهامه
وكل صلاته وصومه من وحي الامامه
وابد ما حامل عله اخوانه ظلامه

كونك بهاي الصفات
لاتخاف من الممات
باللحد ماكو خساره
هو يتلكه زواره

•••<><>•••<>•••<><>•••

حسين رايد منا نتلكه السبيه
الجايه من اليسر لارض لغاضريه
نفرشلها عيونه ونبچي لرقيه
نواسي بيها حسين ريس الرافضيه

نزور عباس الابي
نطوف كبر ابن النبي
نقبل يمينه ويساره
هو يتلكه زواره

•••<><>•••<>•••<><>•••

من تجي لارض الطفوف اعرف مقامك
انت يم رحمة الباري حسين أمَامك
وكون مثل أنصاره بالطاعه التزامك
زور وادعي يعجل الباري لإمامك

وياخذ بثار الخدر
من يزيد ومن شمر
فايز وتاخذ بشاره
هو يتلكه زواره

•••<><>•••<>•••<><>•••

✍🏻 بقلم احمداللعيبي
ونســـألــكـم الـــدعــــاء
‏https://t.me/Altef1
٢٨/ محرم الحرام/ ١٤٤١ هـ

للسيده رقيه :-

غابت روحها من شمت العنبر
تبچي والخرابه عليها تتحسر
وزينب تنظرلها ولوعة تتفجر
وتسيل دموعها والدمع صار احمر
يبنيتي دكعدي وعاوني الخدر
نومج على الراس بشنهو يتفسر
مشتاكة لابوج وشوفة الاكبر
لاتاذين راس السبط المشكر
نحره منكطع والجسم متوذر
العليل هنانه صاح واعول وكبر
ياعمه ماتت اختي استنجدي بحيدر
اه ياهالخبر والخبر صار اكشر
بخرابه تموت بنت المصطفى الاطهر

•••••••••••••••••••

✍🏻 بقلم احمداللعيبي
ونســـألــكـم الـــدعــــاء
‏https://t.me/Altef1
٢٩/ محرم الحرام/ ١٤٤١ هـ

اه لوجدك يازينب :-

ابد مااريد ابچي وصوتي يطلع
اخاف العدو بينه انوب يطمع
ويعرف بنات الوصي الانزع
ويتشمت بزينب قلعه الدين

••••••<><><><>••••••

وما اريدن تنامن ياخواتي
واخاف الليل يسلبني عباتي
واخاف يشوف عدواني بناتي
ويتصنت علينه يا خواتين

••••••<><><><>••••••

اخذت الدرب دمعاتي وي روحي
ولا اريد العدى تعرف جررحي
ولا ابچي واسمع الناس نوحي
ولا اريد عطف من عكب الحسين

••••••<><><><>••••••

تمنيت الاخو يسمع بوني
ويطيب خاطري ويشيل همي
ويفزعلي ويخلصني ويلمني
بعد فكد الچفيل الراسه نصين

••••••<><><><>••••••

لاچن يوم شفتك ياابوجاسم
صحت بصوت ياباقي الهواشم
لاجن معرفت بت الضياغم
لعب بينا الدهر شتتنا صوبين

••••••<><><><>••••••

عفت اجساد اخوتك والنشامه
تلعب خيل اميه عله اليتامى
جبت باچي الحرم وابن الامامه
بس ظلت رقيه بديرة البين

••••••<><><><>••••••

✍🏻 الخادم احمداللعيبي
ونســـألــكـم الـــدعــــاء
‏https://t.me/Altef1
الاول من صفر /١٤٤١ هـ

مـشــايـــه :-

مشايه كل عام الك مشايه
مشايه ونرفع باسمك رايه
مشايه بدربك نظل وفايه
مشايه .... مشايه

•••[][][][][]•••[][][][][]•••

درب حبك يبوالاكبر بيه عقيده وبيه فكر
والتعنه يزور گبرك حتماً يحصل اجر
لچن لابد من مقامك عارف بحقك يقر
وبخطوته الف عمره وكل ذنوبه تنغفر

كصادك يطلب رضا الله بشوفتك
كصادك زار العرش من حضرتك
كصادك منك يريد عناية
مشايه

••••••••••<><>••••••••••

عام كامل وانه اناطر دربك بشوگ وعشگ
يل عذب اسمك يروي روحي وشفاف الحلگ
افرش عيوني لخدمتك ريت گاع وانسحگ
هذا اكبر شرف ليه لزايرك شمعة احترگ

اقبلني خادم لخدام السبي
اقبلني انعى عله زينب مطلبي
اقبلني امنيتي منك هايه
مشايه

••••••••••<><>••••••••••

مثل عابس باربعينك اخرس حلوگ التضد
وبشعاري حسين باقي وياي من كبل المهد
ابد ما اطيعن الظالم هذا مني اكبر عهد
وبشعاع انوار قدسك وحدت واحد احد

بانفاسي اتنفسك ويه الهوى
بانفاسي عاشگ ذره طف نينوى
بانفاسي ذكرك بگلبي حچايه
مشايه

••••••••••<><>••••••••••

المشى بدربك ربه وفقه للصواب وللصحيح
والتاخر يبو اليمه من بُعد يبقى يصيح
حسين عطلني زماني والنفس بيه شحيح
والله روحي فداك ترخص لچن تعذرني من اطيح

حسراتي من مالفيت لكربله
حسراتي عذريني يم القافله
حسراتي بتأخيري عذر وغايه
مشايه

••••••••••<><>••••••••••

ربي وفق كل موالي يزور ابن سيد الامم
وينهل بشوفة ضريحه ودمعته مصبوغه دم
حتى باچر بالقيامه من يمر راعي الشيم
يگول هذا يزور شفته بدفتري مسجل خدم

توفيقي من انحسب زاير الك
توفيقي وبالحضره ازاحم چم ملك
توفيقي خدمتك بيها هدايه
مشايه

••••••••••<><>••••••••••

كل سنه نجدد البيعه سيدي ونرفع علم
ننتظر طلعة المهدي وناخذ بثار الحرم
ونمشي ممشه وياه كلنه لكربله وندمي الجدم
ويم ضريحك نصلب الطاغوت والباع الذمم

ثاراتك دم التراچي ياالابي
ثاراتك عله المشرعه والمنسبي
ثاراتك من الفرات ومايه
مشايه

••••••••••<><>••••••••••

الخادم احمداللعيبي
ونســـألــكـم الـــدعـــ‏اء
https://t.me/Altef1
٨/ صفر الخير / ١٤٤١ هـ

نعي السبايا :-


ردت ايات الحزن من السبي
يرتلن قران طف ابن النبي
ويقرن بأيات دخان العبي
وختمن قرايتهن بنجمٍ هوى

••••[][][][]••[][][][]••••

كعدن بسورة اتى والفاتحه
عله نفسٍ مطمئنه ونائحه
آه ياعيون النسا المتقرحه
على عرش الله الذبيح بنينوى

••••[][][][]••[][][][]••••

وناحت وياهن تراها ام الحسن
من المدينه تعنت تنوح بحزن
اه يبني شلون جسمك مندفن
بالحصيره موسد وغاب الضوه

••••[][][][]••[][][][]••••

كل خواته يندبنه بالونين
ودم دموع عيونهن نزفن حنين
والعقيله تنشد عله الگبر وين
ويلي معميه بسفرها من الجوى

••••[][][][]••[][][][]••••

ويلي كل وحده لكبرها تعنته
لطمت الخدين صاحت ندبته
انتو نومه واحنه ننعه بحسرته
ياهضمنه من عگب ذاك اللوه

••••[][][][]••[][][][]••••

نشدت السجاد زينب وينه
گبر عمك صاح آه ياحزينه
ويلي يم شاطي النهر تلكينه
مشت ويلي ومره يسندها الهوى

••••[][][][]••[][][][]••••

بس وحده يتمنه محد الها
وماتندل درب غير الكفلها
حميده تريد كبرك يافحلها
تنوح وچنها طير انذبح توه

••••[][][][]••[][][][]••••

الخادم احمداللعيبي
ونســـألــكـم الـــدعـــ‏اء
https://t.me/Altef1
١٢ / صفر الخير / ١٤٤١ هـ

يالوعة الحوراء :-

اراهن صبر زينب يوم ماشت
رغم عدوان عگب الاخو ماشت
يربي راضيه بكل قدر ماشت
تشاء انت واطب ديوان اميه

الخادم احمداللعيبي
ونســـألــكـم الـــدعـــ‏اء
https://t.me/Altef1
١٢ / صفر الخير / ١٤٤١ هـ

ماعرفتوني يخوتي :-

الشيب نادو والشباب
ياهله باأم الحجاب
بكربله تلكو عقيلة حيدره
نفضو تراب الگبر عله المگبره
جسومهم ياويلي ناحت للمصاب

•••[][][]•••[][][]•••[][][]•••

وگفت جسوم الغيارى كلمن بصفه كبر
والتقدم شيخهم راعي الحمايل والصبر
شافو مريه بضعنها تمشي مهظومه بكسر
تعجب حسين واخيه ياهي محنيه ظهر

الوجه ما يشبهه خدرنه
لچن ريحتها من اهلنه
ودمعه منها بللت ذاري التراب
جسومهم ياويلي ناحت للمصاب

••••••••[][][][][][]••••••••

تگربت ذيج العبايه متربه لحد الجدم
والرضيع ينادي بويه كلبي هالساعه انهدم
چنها هاي ام عون عمتي بس عجيبه بلا خدم
وين اهلها مالفوها دموعها مصبوغه دم

وين هاشم غايبه هالساعه
ما تجيها ام الصبر ملتاعه
وكل نساء الضعن مدميه بحراب
جسومهم ياويلي ناحت للمصاب

••••••••[][][][][][]••••••••

روس وياها الغريبه للسمه يشعن ضوه
نزلت ودمعتها جمره ما يطفيها الهوه
محرگه ذيال العبايه يابطل طف نينوه
انه اختكم اعذروني چان ساترني اللوه

وابوفاضل لطم صدره
حسين ظل ينزف بعبره
وراسه من فوگ الرمح صاح بعتاب
جسومهم ياويلي ناحت للمصاب

••••••••[][][][][][]••••••••

ماعرفتوني يااخوتي انه زينبكم تره
السبي غيّر رسومي صرت مااشبه مره
متون زركة وعين حمره شلون اشرح ما جره
چنت كبل الهاشميه هسه حرمه ميسره

مختنگ حتى النفس لبريتي
وگبل چان الهوا يطوف ابيتي
وشوفت اهلي صارت بعيني سراب
جسومهم ياويلي ناحت للمصاب

••••••••[][][][][][]••••••••

تلاطمت ذيج الچثث من سمعت بزينب تگول
گبل محد شاف ظلي ولا لمح من عندي طول
سامحيني يالعقيله صوت ابوفاضل خجول
والحسين ضلوعه حنت وهي مكسوره بخيول

راد يحضن اخته عم سكينه
لا چفوف العنده حتى تعينه
وراسها العباس شافه شلون شاب
جسومهم ياويلي ناحت للمصاب

••••••••[][][][][][]••••••••

نحبت جسوم الصحابه وشهگ نحر الوالي
وابوفاضل خجل دنگ تعرفين بحالي
جاوبت مخنوك حسها تبقه اخوي الغالي
واعذرتكم يانشامه چلمه هاي ابالي

وروسهم من عله الرماح وتعتذر
لسبي زينب بت علي ام الخدر
چنه منحورين مانملك جواب
جسومهم ياويلي ناحت للمصاب

••••••••[][][][][][]•••••••

الخادم احمداللعيبي
ونســـألــكـم الـــدعـــ‏اء
https://t.me/Altef1
١٦ / صفر الخير / ١٤٤١ هـ

ضجت الافلاك غارت بالدمه
والملايك تنتحب وي فاطمه

••••••<><><>••••••

نزل جبريل ونعى بطيبه المصاب
والسما حزنت وصاحت بانتحاب
الليله غاب من الارض سيد الحجاب
والعرش واللوح كلها لاطمه

••••<><>••••<><>••••

غاب نورك سيدي وحيدر ينوح
وراسك بحجره ودمع عينه جروح
تكله صبرا ياعلي ياابوالفتوح
بعدي كسر الضلع بيد الاثمه

••••<><>••••<><>••••

الزهره كامت تندب وتنخه الجمع
ومريم العذراء وياهه بدمع
من السما صوت لخديجه منسمع
تنعى راعي الدين حماي الحمه

••••<><>••••<><>••••

بعدك عله فراشك وكومك تكول
خل نسوي فلان من بعد الرسول
وابوحفصه تعدى يم باب البتول
يريد من اهلك تبايع خادمه

••••<><>••••<><>••••

الخادم احمداللعيبي
ونســـألــكـم الـــدعـــ‏اء
https://t.me/Altef1
٢٦ / صفر الخير / ١٤٤١ هـ

ولد الذي في كفه الاقدارُ
صنو الرسول وناصر المختارِ

قد ظل سبتاً بعد طه المصطفى
في ظل عرش المهتدى الجبارِ

حتى اضاء الكون يوم مجيئه
بشعاع نور المرتضى الكرارِ

تفضيله قد جاء من رب العلا
فإنشقت الجدران للاسرارِ

سر الاله وسر طه المصطفى
صلو عليه واله الاخيارِ

الخادم احمداللعيبي
ونسألكم الدعاء

قال الإمام الكاظم (عليه السلام) يا هشام : قليل العمل من العاقل مقبول مضاعف ، وكثير العمل من أهل الهوى والجهل مردود ...

منولد من الضوه تكفل ضوه
كماط زينب جايبه لراعي اللوى
اذنت باليمنى جربة وبالشمال
خويه منتظرك ترى طف نينوى
بقلم احمداللعيبي

مبارك لكم ولادة قمر بني هاشم