مطلوب منك انك تسأل ع الكل وتسمع الكل..ولما تيجي تعاتبهم يقولوا معلش أصلا احنا ف ضغط ع اساس انو انت حياتك فل الفل... 🥀🖤

إذا لم تفعل بك العلاقات من حولك كما يفعل الربيعُ بالأزهار اهجرها ؛ يارفيقي هي حياةٌ واحدة!🖤🥀

"ف مره بيقولي.. افرحي زعلانه لي مالك
دي لسه موقعتش اسنانك... دي هينه احزانك... ظاهر اوووي انهزامك...
ردت وقولت ي جدع دا انا سابوني الاحباب انا مش بسيب انا اللي بتساب واللي يقهر انو بدون اسباب.. بتقولي افرحي وبتتكلم كأن الفرح ف جواب ومحطوط قدام الباب وانا اللي مش راضيه افتح ... دا انا لو ضحكت ثانيه التانيه ف حزني بسرح...لوحدي بحارب... وبرغم الوجع بساند.. ولو خدو بالهم انو تعبانه يقولوا مالك..
ولا تزعلي خير... وانا بقيت غرقانه ف قاع البير.. بير الحزن والالام.. ومش بابين الاستسلام... ولما مش قادره اخبي اكتر بتتريق ع الكسره والاحزان... مهو فعلا اللي ايده ف الميه مش زي اللي ايده ف النار... والله احنا كلنا اسرار.. ومتكتفين بيها برغم ان ربنا خلقنا احرار... بقيت اتمنى الاقي وقت اقف فيه اصرخ وانهار..متقولش اوجاعك سهله وبسيطه... دا الحزن والوجع بقا عندي فريضه.. تعال مكاني واتكلم... هتشوف قد اي بتألم... وبردو مش بسلم... فعلاً ظاهر انو تعبانه... عشان واضح ع ملامحي البهتانه.. قولي انتي قويه وهتقدري.. ومن حزنك هتتخلصي... خوضي المعارك ومش هتندمي.. قولي بعد الصبر لحلمك هتوصلي.. لكن متقولش زعلانه لي واحزانك هينه.. لأ خليك رقيق والفاظ كلها لينه... متخليش طريقتك قاسيه خليها حنينه.." 🥀🖤
#by Dina🌚🤍

مش عارفه اجبهالك ازاى..!
بس انت مجبور تكمل ف الحياه دي ومتقولش جبت اخرك عشان لسه الطريق طويل اصلا الحياه كلها مشاااوير بقولك اهو مجبور تكمل ومتتعبش ومتتعبش.. 🖤🖇

القطايف قريب هتاخد مركز تاني كأفضل نوع حلويات بعد عيونه.. 🌚❤️🖇

فشل اي وبتاع اي في 20سنه منهم 10طفوله وزيهم مراهقه اي النجاح الباهر اللي ممكن تكون عملته في مرحله رضاعه وتغيير بامبرز وطفوله أ ارنب ب بطه ومسيره 16سنه تعليم
صاحب بدايه العشرينات انت لو فكرت شويه هتلاقي طباع في شخصيتك وصفات متعرفهاش عن نفسك غير لما تميت 20سنه متحبطوش نفسكو بكلام بايخ وتجرو ورا شويه بوستات خايبه خدو كل مرحلة في حياتكو من غير تكليف اعلي منها ع الفاضي
ربنا سبحانه وتعالي قادر يخلق الكون كله باشاره بس خلقه في ست ايام ع مراحل للحكمه
انت بقا المخلوق اللي بتمر بمراحل وتجارب في حياتك كل يوم عايز تتولد بتشتغل وناجح مره واحده جايب الدنيا من فوق وتحت
مش في لسه مرحلة تعليم واهداف بتسعالها عشان توصلها وتنجح بقا وتكبر مش لازم تكون فاهم نفسك الأول وعارف بتعمل اي ورسالتك في الدنيا اي وقدراتك اي
ركزو ع شخصيتكو وطورو فكروكو وغيرو الطباع المكتسبة من الزمن اللي احنا عايشين فيه
حددو اهدافكو الاول وبعدين نشوف حوار النجاح والفشل ده بعدين الندب الفاضي ع السوشيال مش هيفيد بحاجه..🖤🥀

اولاً وثانيًا واخيرًا لاتنتظر مني ما لا أجده فيك .!🥀

__ف ناس كل مهمتهم ف حياتك انهم يتعبوك.. يتعبوك ازاي بقا.. ف حجات كتير يتعبوك بيها... كل مهمتهم يضغطوك اكتر، مش واخدين بالهم انك مدغدغ من جواك، ان قلبك متكسر، انك ع تكه، انك مش عايز حد يتكلم اكتر من انك عايز حد يسمعك، وممكن تكون عايز حد يفهمك حد يحس بيك يقدر اللي بتمر بيه... مبتبقاش عارف الناس عايزين منك اي.. زي صحبك مثلا... بعد السلامات وعامل اي يقولك انت مبتسالش عليا لي.. سؤال ملوش اي معنى مبسالش عليك عشان مش عايز اسال بس طالما رديت عليك يبقى انت مهم عندي،، مش لازم لما تلاقونا مبنتكلمش ان احنا اتغيرنا لا عادي احنا مش كارهنكم... بس مش حابين نتكلم يوم تلاته اسبوع بس بنحبكم... العيب فينا احنا ناس موديين شويه كل وقت بحال... فبلاش تيجو علينا...🖤✨

فتره العشرينات دي كلها تعب نفسي انا عاوزه ارجع تالته ابتدأي تاني.. 🙂

يا رب فك الكرب يا رب هون علينا اي صعب... انت اللي قادر ع كل شئ... تقلب الموازين.. وتقول للشئ كن فيكون.. 💔

تؤلمنا الأيـام ونقول غــداً أجمـل ، ويأتـي الغد وندري أن الأمـس کـان أرحم ..🖤🥀

يا رب رجع كل غائب ل بيته يا رب😢😢💔

يا رب انت اللي عالم بينا يا رب... هون اي صعب.. انك قادر ع كل شئ 🥺🥺💔

برآوز قديـﮯمـ ومـتلصـمـ وآلعمـر بيـﮯجريـﮯ ويـﮯخصـمـ جروح بتلمـ وبتبصـمـ تسـيـﮯب جو آلقلوب علآمـآآآت.. 🖤🥀

مفيش حزن هيبقي دايم فـِ حياتك، مفيش مشكلة مش هتبقي ليها حل، مفيش إبتلاء إلا لَه عوض، مفيش صبر إلا ونهاية سكته جبر، والدنيا فيها ده وده محتاجين بس ندور فـِ أبسط الحاجات اللّ حوالينا اللّ هتفرحنا ونخلي عندنا يقين فـِ ربنا ونحسن فيه الظن إنها هتحصل ونبطل نفكر فـِ اللّ خسرناه عشان لسه فـِ كتير هنـكسبه ولسه فيه عوض من ربنا جاي هتشوفه وهتفرح بيه من قلبك بجد✨🖤

يا رب ف ليله اخر جمعه ف شبعان اسألك الفرج من عندك وتزيح اي هم من علينا ملناش غيرك يا رب 💔🥺و رد الغائب كما رديت يوسف ليعقوب🥺💔ونجي الغائب كمان نجيت يونس من بطن الحوت💔🥺اسألك يا الله النجاه والرضا🥺💔

وع سبيل الفرحه...
بكرا اول صلاه تراويح ف المسجد.. واول سحور.. يا رب اجعل دخلت رمضان المبارك علينا بالخير.. ويطيب الجروح والالام.. 🥺🖤✨

رمضان مبارك علينا وعليكم 🖤🖇

-أهلي عمالين يتناقشوا في قرار مصيري وبيدوروا عليا عشان ياخدوا رأيي
=أنا في البلكونة مع الأطفال الي بتعلق الزينة:

شكرا ع البرود اللي زرعتوه فينا من ناحيتكم بعد ما كانت عنينا بينُط منها الشغف🖤🥀