أولا ربنا مش بيرد حد خائب أبداً، ربنا بيقبلنا دايما بذنوبنا والمعاصي اللي ارتكبنها، متأجليش توتبك وارجعي ل ربك وابكي وابكي كتيررر، وربنا غفار الذنوب، رحمته وسعت كل شئ، ربنا حنان منان علينا جداً، بدايه حلوه انك تفوقي وتعرفي انك ف طريق غلط، بدايه التوبه، ربنا رحيم واسع المغفره.
ثانيا: طول ما انتي بتفكري ف إنك تحبي وتتحبي، يبقى هتفضلي ف الطريق الزباله دا، هتفضلي ضعيفه، هتفضيلي شايفه الدنيا بس ومش واخده بالك من الاخره، شيلي الفكره دي من دماغك اربطي قلبك ب دينك، وحافظي ع نفسك لحد ما تاخدي حلالك.

ثالثا: كل حاجه هتتصلح لما تصلحي علاقتك بربك، اتغلبي ع نفسك وشيطانك، انتي مش ضعيفه، بس للأسف هتبقي ضعيفه فعلاً طول ما انتي بعيده عن ربك، صلي واقرأي قرأن واستغفري.

رابعا: أنسي الماضي خالص وأبدأي صفحة جديدة مع ربنا ومع اهلك ومع نفسك، وافتكري دايما رحمة ربنا، قولي دايما انا مذنب وهو غافر الذنوب🖤.