مكنتيش تسمعي كلامها، المرأه ف الإسلام يسعى إليها وهي لا تسعى نهائي، يخطي لها بلاد وهي لا تمشي خطوه، عارفه انها غصب عنك حبتيه، بس أي كان مكنش ينفع تصارحي بمشاعرك، الواد عادي لكن البنت لازم تصون قلبها لحد ما يكون زوجك حلالك، طيب تمام انتي اعترفتي وانتهى الحوار الحل اي؟!

إنك تتعاملي عادي زي ما انتو ولاد عم، وهو مغلطش انو رفض لانو دا حقه وجدع انو مكذبش او قال تمام ودخلتوا علاقه، لأ ولا كرامتك ولا حاجه عدي الحوار واتعاملوا زي ما انتو، ادعي ربك لو من نصيبك وليكي فيه خير يجعله دايما ف تفكيرك، لو مش من نصيبك يبعده عن تفكيرك، وحاولي متركزيش ف كل حاجه معاه ومتهتميش بكل تفاصيله ولا تمشي ورا حد يوديكي طريق مش كويس تمام!

"‏كُل سُبل الأرض لا تقف أمام خير أرادهُ الله لك"

فاطمئن🤍

عندي فكره كدا بما اني مش ليا نفس اذاكر دلوقتي وأنا انسانه فاضيه، ف حابه اقضي وقت معاكم ويكون مفيد.. 🖤

البوست دا عباره عن مع كل ريأكت حد يعمله هقول صفات الإنسان اللي لازم تكون موجوده فيه واللي مش لازم تكون موجوده فيه، هقول مشكله اتكررت كذا مره مع كذا حد واي حلها زي مثلا مشاكل صراحه كدا.. وإن شاء الله احاول ألخصلكم يعني اي الحياه وتجاربها..

بلاش بقا تتطنشوا وكله يعمل ريأكت♥.

من أهم الحاجات اللي ف دنيا لازم تكون قريب من ربنا ومتقصرش ف حقه أبدا، تصلي، تقرأ قرآن، تجاهد ف طريق ربنا دايما 🤍.

تاني حاجه لازم تكون قريب بقدر الإمكان من أهلك من عيلتك عشان طول ما علاقتك بأهلك كويسه صدقني حالتك هتبقى مستقره، هتحس بالإمان والسكينه برغم انو ممكن انت مش قادر تشاركهم اسرارك او وجعك بس ريلي وجودهم بيخليك تشعر بالدفا وانك مش لوحدك♥.

تالت حاجه اتعلم تكون صادق ف كل حاجه متخفش من حد، اوعا تكذب حتى لو كذبه صغيره بالرغم انو مفيش حاجه اسمها كذبه صغيره كله كذب، اتعلم تخاف من رب الناس مش من الناس، اتعلم تكون صادق ♥.

رابع حاجه ومن اهم الحاجات، اوعا تحط الدنيا هدفك ونزواتها، اجعل هدفك ف الدنيا وبتسعى إليه الجنه واوعا تتوهه اهو بقولك بلاش توتهه.

خامس حاجه خليك دايما تدور ع تحقيق ذاتك فكل مكان يبقى ليك كيان أنت مش قليل لازم يكون ليك وجود ويكون وجودك مريح ومفيد ♥.

هصلي العشاء يكونوا عملتوا ريأكت ي حبايب🌚♥.

سادس حاجه، لازم اي علاقه ف حياتك تكون مستريح فيها وتكون مستقره ومش مضغوط ولازم يكون فيها تقدير ليك، سواء صداقه او حب او حتى شغل لازم تكون مرتاح♥.

اوعا تاخد قرار وأنت مبسوط اوووي او زعلان اوووي او متعصب، عشان غالبا هيكون قرار خطأ، عشان لما اخدت القرار دا أنت مكنتش ف حالتك، انت حالتك كانت غير مستقره تمام، اي قرار لازم تاخد وقت ف التفكير فيه وتدرسه كويس وتعرف نتايجه اي حتى لو كان صغير♥.

متقبلش أبداً بقلة التقدير، أنت حاجه كبيره، تمشي من اي مكان مفهوش تقدير ليك، اوعا تكون ف علاقه مش عارف فيها راسك من رجلك، مش عارف تقرب ولا تبعد، مش عارف بيحبك ولا بيكرهك، مش عارف انت اي بالنسباله، تاخد بعضك كدا وتمشي دا مش مكانك ♥.

درس ليك ولازم تتعلم منه 💙.

حاضر وشكرا لأهتمامك♥♥.

خليك مقتنع انو مفيش حد فينا كامل، كل واحد ناقصه حاجه، ف اللي معندهوش عيله، فيه اللي معندوش مال فيه اللي معندوش صحه فيه اللي معندوش صحاب، فيه اللي معندوش جمال ، لو ركزت مع كل واحد هتلاقي كلنا عندنا نقص ودا لأن الكمال لله وحده ♥.

شكرا جدا 😂❤️
انا هروح اذاكر شويه تكونوا عملتوا ريأكت او عادي أكمل عشان لقيتكم مهتمين🌚❤️
اللهم آمين جميعا يا رب♥.

خليك صادق ف مشاعرك وقدر العلاقات وقبل ما تنطق بكلمه لازم تبقى عارف نتيجتها اي، لازم تدي الأمان للشخص اللي قدامك خليك ناضج مش تبقى شخص مراهق كلمه توديه وكلمه تجيبه♥.