مقدرش اغير اللينك ، فيه ناس حافظه اللينك وبتبعتلي ، وانا كمان برد عليهم ع اللينك فهماني ؟
يعني فيه ناس بتاخد رأيي وهي أصلا مش ف القناه ف بالتالي مش بنزلها ع الاتشانل .

لسه ربنا مأذنش ، متيأسش .♥️

مش قادره اتكلم ، ومش عارفه احكي ، مش عارفه اتعامل ، معنديش طاقه ، النفس طالع وداخل لأجل أنه اعيش يومي ويعدي بس .

يا رب الايام دي تعدي بسرعه ، وتجبرني جبر يتعجب منه اهل السموات والأرض.

الحاجه الوحيده اللي قادره اعملها بس ، هي الدعاء❤️‍🩹.

بعيط مع عياطه ، أنا كنت ف حزن ، دلوقت بقيت ف منتهى الحزن والله .

مش قادره استوعب والله ، مفيش حاجه عاوزينها بتحصل .

ليلة حزينه جداً جداً والله ، حقيقي من اول المونديال وأنا بقول يا رب البرتغال ، لاعيبة المنتخب حقيره ، كلها عاوزه اللقطه ، كل واحد بيفكر ف نفسه أنانيه لا توصف والله ، مفكروش ثانيه أنه اخر مونالديال ليه! ( كريستيانو رونالدو سيظل كريستيانو رونالدو ،الدون❤️).

هتفضل رقم واحد ☝🏻.
شكراً ع كل لحظه حلوه كنت سبب لـ سعادتي فيها ♥️.

مش قادره انام ، يا رب منتخب مصر يفرحني بكرا يا رب ، يا رب الليلة متتكررش❤️‍🩹.

الحمد لله ❤️.

يا رب 😭❤️.

ي زيكووووو😭❤️

يا رب لأ

يعني ايه يعني ؟

يخربيت العشم ، يخربيت الحكم ، يخربيت الكوره .

أنا واخويا ماشيين ف الصالة ، بنقول ليه خيلتنا نحلم والامل لمع عيونا ؟
وانا واخويا تكه وهنعيط والله.

بنت اختي اللي ف تانيه ابتدائي ،وانا بعيط ف اخر الماتش ، لقيتها بعياط ، بتقول خليهم يطلعوا عمر شرشور ويدخلوا زيكو تاني ؟
بطلت عياط خلاص .