كله كوم ، وانك موقفه عبادتك قوم تاني ، أنك مش قادره تأدي عبادتك بشكل كويس جداً دا كوم تاني ، بصي حبيبتي ، 25 سنه مش كبيره ، خصوصاً واحده متعمله زيك قصدي انك كنتي منشغله بدراستك ، ف متفكريش نفسك إنك عجزتي يعني ، لأ عادي لسه ، وملناش دعوه باللي اتجوز واللي خلف ،دي أرزق ووقتها جيه ، أما بقى حوار انك بتكلمي خمستلاف راجل ، ليه مفكرتش انه مثلاً ربنا بيعاقبك بالتأخير ف الجواز عشان يختبرك هل هتفضلي محافظه ع قلبك ولا هتضعفي ؟


الدنيا مش بالمنظور دا خالص ، لا أنا ولا انتي ضامنين بكرا ، عشان موقف حياتنا وعبادتنا ، بتدفني نفسك بالحيا ليه ؟

عشي حياتك وعيشي سنك واعبدي ربنا حق عبادته ، حبي نفسك وحبي شكلك ، عشان لما يجي الشخص المناسب ف الوقت المناسب تبقي سويه وتعرفي تحبي ذاتك معاه وتبقى حاسه إنك كامله مش أقل من حد .