لأ دا حكم الله الأول والاخير .
طب ازاي ؟
القاضي الحكم اللي حكمه دا ، بالظلم هو كدا كدا هيتحاسب عليه دنيا وآخرة.

بس الحكم اللي حكمه هو الله اللي كاتبه ، عشان مثلاً تكفير ليك وأجر ليك .
فاهميني ؟

معنى كلامي أنه لما ترتب حياتك ، ع قاعدة أنه كل أمورك بيد الله هتستريح .

أنت مش تحت أيد حد ، ولا حد ف الدنيا دي كلها يعرف يأذيك بحاجه إلا وربنا كان كاتبها فعلاً تحصل، ف مينفعش تخاف من مخلوق أبدا ، لأن كل أمورك ف يد الخالق!

جزء من وصية النبي ﷺ لابن عباس: «...وَاعْلَمْ أَنَّ الأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ، وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ، رُفِعَتْ الأَقْلَامُ وَجَفَّتْ الصُّحُفُ».

أنت لو تدبرت الحديث دا وفهمته كويس جداً ، وطبقته هترتاح جداً.

أنت امورك كلها متعلقه بيد الله ، مهما حاولوا ينفعوك وربنا مش مقدر دا يبقى مش هينفعكوا ، وكذلك مهما يحاولوا يضروك وربنا مش مقدر دا ، مش هيعرفوا أبدا.

ف متقولش أنا ليه مأخدتش دا ، أو أنا ليه حصل كدا ؟
دا الأفضل دا الاعظم ، لو علمت ما ف الغيب لأخترتم الواقع ، انت متعرفش لو أخدت الحاجه دي كان ممكن يحصل ايه ؟
أنت متعرفش أصلا هي خير ليك ولا لأ .

سلم أمورك كلها لله ، بجد هتزعل ليه ف دار فناء ؟
هتزعل ليه وانت ناصيتك بيد الله ، ربنا عز وجل أحن عليك من امك ،ف استحاله تحصلك حاجه تأذيك ، ربنا رحيم ومحب لعباده .

(يعني روق كدا وأشرب كركديه ساقع).

خلاص تركت أموري كلها لله ، هل يعقل أفضل أعيط و أحزن و أنا عندي رب رحيم كريم ؟

هل يعقل أخاف ، وأنا ناصيتي بيده وماض ف حكمه ، وعدل ف قضاءه !

دا الدنيا كلها لا تساوي عند الله جناح بعوضه ، ف قولي تخاف من ايه ؟
ولا من مين ؟
قول بس !

دا يوم القيامه ، النار لما تفضل تقول هل من مزيد ، ربنا يقولها خلاص متشوفيش نفسك ع عبادي ، ف تقوله قط !

يعني خلاص اكتفيت.
ربنا رحيم وروؤف بعباده.

دايما قصة سيدنا سليمان هو وملك الموت بتخليني كل مره أعجز من التفكير وأنبهر والله.

ملك الموت كان بيروح يقعد ما سيدنا سليمان كتير جداً ، وبيظهرله طبعاً ع هيئة بشر ، ف المهم مره راح عند سيدنا سليمان لقى سيدنا سليمان مع شخص قعد يحكوا سوا .

ف المهم ملك الموت فضل مبرق للراجل كتير ، والراجل لاحظ نظراته .
ف مشي ملك الموت ، ف راجل قال لسيدنا سليمان من هذا ؟

قاله ، هذا ملك الموت .

الراجل قال يا ربي شوفت نظراته ليا ، ي نبي الله خلي الريح توديني أبعد البلاد (عشان يعني ملك الموت ميقبضش روحه ).

ف سيدنا سليمان أمر الريح أن يحمله ويوده .

المهم بعدها علطول جيه ملك الموت ، ف سيدنا سليمان قاله قولي انت كنت بتنظر للراجل كدا ليه ؟

قاله كنت مستغرب ، أصلا أنا بعد لحظات موكل بأمر من الله أنه أقبض روحه و ف بلد بعيده جداً جداً عن هنا ، ف كنت بفكر أزاي هيسافر ف اللحظات دي المسافه الطويله دي ؟

سبحان الله ، تعجز قدام قدرة وترتيب الله ، يعلم السر وما يخفى .

يعني مهما تلف ودور ، مش هتاخد غير نصيبك ، ومتعرفش أبدا تهرب من القضاء ، هو الموت الذي كنتم تفرون منه ، فأنه ملاقيكم .

يا رب اجعل القرآن ربيع قلوبنا ونور صدورنا وجلاء حزننا وذهاب همنا 🤍.

يا رب تكونوا فهمتوا مني حاجه 🤍.

أَلَمْ يُحْسِنْ إِلَيْكَ وَأَنْتَ تَعْصِيهِ ؟

أَيُضَيِّعُكَ وَأَنْتَ تُطِيعُهُ !

رمضان هيجي ويخلص وانا مستنيه عمو بتاع العطارة يديني طلباتي لرمضان =

بنوته اديتني دا وانا ماشيه 🥹🤍.