يعيال نصايه و هاجي اصيح ف موضوع مهم موت🙈.

عموماً لو لاقيت اقبال ع الموضوع هصيح ، لو ملقتش هصيح بردو نيهاهاهاهاها.

قعدت ف البلكونه وعملت الحاجه السخنة ، عشان نصيح ع روقان 🙈.

عاوزاك تقعد مع نفسك كدا ، وتشوف اللي انت بتسعى وراه هيوصلك لأيه كدا ؟

وهل لو كان هدف دنيوي ، ناسي الاخره ولا بتسعى بردو ليها ؟

طيب الحاجة اللي بتسعى وراها دي ، بتسعى لأجلك انت ، ولا لأجل تقول للناس أنا عملتها ؟.

عاوزاك يبقى عندك يقين تام ، أنه ربك العظيم الكريم ، مخلي كل حاجه تحصل ف الوقت المناسب ، وكل حاجه متشاله للوقت المناسب حتى لو تأخرت ، هي نصيبك وهتاخدها كدا كدا .

برغم أنه مش بحب الكيكة ، إلا أنه اكلت قطعة منها ، عارف ليه ؟

(عشان هي من نصيبي ).

من اول ما اتعملت الصينيه ، وربنا كاتبلي أنه القطعه دي أنا اللي اكلها !!

يمكن المثال بسيط بس هو اللي كان ف ايدي .

اللي عاوزه اوصهولك ، أنه رزقك هتاخده حتى ، لو الكوكب كله كان عاوز ياخد ، بس ربنا كاتبه ليك ، يبقى أطمئن كدا 🤍.

متجريش ورا الحاجه بمجرد أنه لاقي ناس كتيره بتجري وراها .

(اجري ورا الحاجه اللي انت عاوزاها ، اللي انت هتلاقي نفسك فيها).

هدخل ع موضوع تاني مهم جداً جداً بجد ولازم كل شويه نتكلم فيه .

(الصلاة يصديقي)

مينفعش تكون مش بتصلي.

يعني متخيل السحله والمدعكة اللي انت فيها ومش متهني ، عشان مثلاً تجيب فلوس ، أو عشان تجيب مجموع ،او اي كان الهدف ، وتكون مبتصليش.

(خسرت دنيا و آخرة❤️‍🩹)

الصلاة الصلة الوحيدة اللي بينك وبين ربنا .

انت مفكر إنك مش بتصلي بمزاجك ؟

أنا شوفت جملة بتقول .

تارك الصلاة دا ربنا مش عاوز يشوفه !!

متخيل ؟

ربنا الكريم مش عاوز يشوفك ؟

ليه عملت ايه عشان توصل للمرحله دي ؟

مستني ايه تاني ؟

هتخسر ايه تاني ولا هتنزل ايه تاني اكتر من المكانه المهينه اللي انت فيها ي تارك الصلاة ؟

هتصلي من الاسبوع الجاي ؟
طيب هتصلي من بكرا ؟
طب اديني دليل واحد أنه ليك عمر ل بكرا يسطا ؟

قوم صلي ، قوم صلي الهلس اللي هنا ف الدنيا مش هينفعك يصديقي ، قوم صلي ربنا مش هيردك ابدا مكسور.

بتبقى عامل بلاوي الدنيا وتروح تقول يا رب وتعيطي ، بيتقبلك يصديقي ❤️‍🩹.

قوم اتوضى ،وصلي الفروض كلها ، أو الفرض اللي مكسل عليه ، أو القيام ، المهم صلي ، اعمل الحاجه اللي هتنفعنا دنيا وآخرة والله ❤️‍🩹.