يماما ،وش ذا الشرس ؟

‏معندناش طاقة للبدايات والله و لا فينا حيل للنهايات بردو.

المرأة التي تستشير زوجها في كل صغيرة وكبيرة ولا تخرج بدون إذنه ولا تفشي أسرار بيتها..
تسمى زوجة صالحة وليست (مذلولة) !!

كل الاماكن مش بتاعتي عموماً.

الرسمية بعد المحبة شيء سيئ جداً جداً، بتحسسك إنك غريب ، مع أنك حافظ أبسط التفاصيل.

"كُلما كبرنا أدركنا أن الإسلام لا يُقيدُنا بل يحمينا."⁦♡⁩

قَد خاف عُمر بن الخَطاب من جهنم وهو المُبشر بالجنَّة.
فَكيفَ تَأمن أنت،
وأنتَ أنت !

‏حوار إنك تفوق مرة واحدة وتتشال الغشاوة من على عقلك وعينيك وتبدأ تستوعب مدى سوء اللي انت ارتكبته ف حق نفسك وبعدها تسأل نفسك سؤال واحد

هو أنا ازاي قبلت علي نفسي كده !
عقلي كان فين وقتها ؟

‏- شخص معاك ف ال chat ومش بيخرج منه
- شخص بعد ال seen تلاقيه typing
- شخص بيحب النكش طول الوقت
- شخص بيشاركك ال memes
- شخص لو غبت شويه تلاقى منه call
- شخص بيحب المشى والخروجات العشوائية
- شخص حنين ميهونش عليه زعلك ولا يسيبك لدماغك .

يجماعه ، بجد أنا نفسي اتكلم ف موضوع مهم جداً.

ي بنات هو انتوا بتوافقوا ع العريس المتقدم أزاي ؟
بجد والله يعني غير فكرة القبول .

يعني ايه اللي يخلي الواحده تقدر تستغنى عن عيشتها مع اهلها وتروح وتعيش مع واحد العمر كله ؟

بجد الموضوع بالنسبالي كبير جداً 😂.

يعني أنا مش عاوزه اتجوز واحد لمجرد أنه بيحبني ، أو عشان فيه بينا قبول عادي.

معظم الناس بتختار جوزها ، ع أنه مثلاً شريك كويس ومناسب ليها .

بس أنا بدور ع حاجه أكبر بدور ع (أب لعيالي ).

يعني هل الشخص دا هيكون أب بكل ما تحمله الكلمة من معنى ؟

هل فيما بعد أقدر اقول الحمدلله أخترت أب سوي لعيالي ، هل أسمع جملة من بنتي تقولي ( أنا لما اكبر عاوزه اتجوز واحد زي بابا كدا )

والله يجماعة الموضوع أكبر من طرحة وفستان وشوية دهب و بدلة، الموضوع بيت وسكن ومعيشه وعشرة ، ومودة ،ومسؤوليه وصبر.

لازم الواحد تختار اللي أقوى منها ف الدين ، هو اللي يبقى قوام ، قوام فعلاً ف الدين ، وتربية اطفال سوية ، مينفعش الواحده تختار واحد أقل منها ف معرفة الدين ، مينفعش تختار واحد ع أساس( ربنا يصلح حاله بعدين)

لازم تختار الشخص الكريم ، الكريم دا بيبقى كريم ف كل حاجه ، الحنيه ، اللطف ، الاحتواء ، المال .

أنما البخيل ،بخيل ف كل حاجه ( وعموماً البخل محرم ع الرجال).

لازم تختار اللي وجهته نفس وجهتها ،نفس الأهداف نفس التفكير ، عشان الاولاد فيما بعد متقولش ( بابا ولا ماما صح ؟ ).

تختار واحد يبقى فاهم طبيعة المرأة.
يعني مثلاً ميشوفش أنه الاسكين كير دا حاجه دلع أو رفاهية ، لأ الانثى بطبعها تحب تهتم بنفسها وتشوف نفسها حلوه ،حتى لو هو شايفها دايما جميله ،هي الانثى ربنا خلقها كدا ، ف يقدر دا .

زي ما انا بردو اقدر أنه يحب يقعد مع أصحابه ع القهوة ، يقعد براحته طالما مفيش ذنوب ولا ضرر ،يبقى يعمل الحاجه اللي تبسطه حتى لو أنا مليش نصيب فيها .