عاوزه اصييييح.
جاهزين ؟
حتى لو مش جاهزين هصيح بردو هعهعههع😂.

من حقك تزعل ، ومن حقك تنعزل ، ومن حقك تفصل عن العالم دا شويه كل فتره.

بس مش من حقك خالص ، إنك لما تطلع م الفتره دي تبقى أسوأ !!

لازم ضريبة زعلك و انعزالك دا تبقى انضج وواعي أكتر.

كلنا بيجي علينا فتره مش أحسن ، فتره متبقاش مستحمل نفسك خالص ، فتره بتبقى عيونك بس ع نص الكوبايه الفاضي.

بس مش كلنا لما نطلع من الفتره دي بنكون استفادنا.

الشاطر بس اللي بيستفاد وبياخد باله كويس جداً من اللي مر بيه ، وبيقرر مينفعش اقع ف الغلط دا تاني ، يعلم ع الحاجه اللي وصلته لكدا ويتعلم .

لما الإنسان بيبقى مكتأب مبيبقاش باصص ولا ف دماغه حاجه اسمها بكرا ، وبكرا هيبقى أحسن !.

أكتشفت أنه فعلاً شخص واحد بس اللي يطلعك من أصعب فترة وأصعب اكتئاب ف الكون (هو أنت )
مش حد تاني والله .

اه لما يكون معاك حد فاهمك وبيحبك الموضوع بيبقى أخف شويه.

بس أقسم بالله محدش يعرف يطلعك من الفتره دي غير انت.

انت اللي عارف ايه اللي هيبسطك وهيرجع النور تاني ف عيونك .

انت اللي عارف غلط ف ايه قبل كدا .
انت اللي عارف اصلا ايه اللي وصلك لكدا ، انت بس !

اقولك حاجه تحفه .

خلي دايما فيه العمل خفي بينك وبين ربنا .

زي مثلاً قراءة ورد قرآن ، أو ذكر كتير ، أو تطلع صدقه دايما ، وصلاة ف جوف الليل ، أو دعم ناس من غير ما يعرفوا.

العمل دا هو اللي هينجيك من مهالك أنت ممتخيلهاش.

حاجه كمان .

انت مش منافق، يعني مثلاً لما تعمل ذنب ، وبعد كدا تعمل خير بعده عشان تكفر أو عشان ضميرك ، انت كدا مش منافق .

" إِنَّ الحَسَناتِ يُذهِبنَ السَّيِّئَاتِ "

المعادلة البسيطه خالص .
لو مش قادر ان تتخلص من معصية فحاصرها بالطاعات !
لو هزمك الشيطان مرة فهناك ألف عبادة ترد له بها الصاع صاعين !
فما دمت تذنب وانت منكسر
وترجع الى الله وانت في خجل فاطمئن فإنك على خير ي صديقي والله .

متسمعش لكلام الناس ، وملكش دعوه خالص ب علاقة العبد و ربه ، دي حاجه بينه وبين ربه ،ف خليك ف علاقتك انت مع ربنا وبس !

و يالا السلام عليكم ورحمه الله وبركاته ، كلمتين كانوا محشورين ف زوري🫵😂.

و اه صح
إلقاء السلام سنه ، و رد السلام فرض 🤍.

🔒 هذه همسة سرية للجميع يمكن للجميع رؤيتها

ممكن تيجي يوم القيامة وتتفاجئ إن عندك ذنوب كتير ماكنتش فاكرها ولا توبت منها !

وعشان ما نقفش الموقف ده، علّمنا النبي ﷺ دعاء نقوله يمسح كل الذنوب:

“اللهم اغفر لي ذنبي كله، دقه وجله، وأوله وآخره، وسره وعلانيته، ما علمت منه وما لم أعلم.”

خلي الدعاء ده ورد ثابت ليك، وابعته لغيرك، يمكن يكون سبب إن ربنا يغفرلك وله.

بحب الناس الطيبة، اللي كلامهم طيب، ومعاملتهم طيبة، ووجودهم خفيف
وعشرتهم حِلوة
واللي بتراعي ربِّنا في كلامها وأفعالها قبل مراعاة وتلقِّي ثنَاء الناس..

ويحضرني حديث: إن في الجنة غُرفًا لمَن أطاب الكلام.

بحب كل حاجه طيبة بجد الله يرضىٰ عن الناس دي ويطعمهم من الجنة ويتقبل منهم ويجعلنا منهم ")💗

صعبة دي.

"حمل الليالي خفيف لما يشيلوه اتنين"
حمل الليالي بتاعي لما أشيله واشيّله لأهلي ولتسعة من صحابي كمان :

‏حتى لو بتسمع اغاني , متبطلش قرآن
‏
حتى لو بتعصي ربنا , متبطلش صلاة
‏
حتى لو متستحقش , متبطلش تدعي
‏
حتى لو عيشتك ضياع , متبطلش خير

﴿ وَآخَرُونَ اعْتَرَفُواْ بِذُنُوبِهِمْ خَلَطُواْ عَمَلاً صَالِحًا
وَآخَرَ سَيِّئًا عَسَى اللَّهُ أَن يَتُوبَ عَلَيْهِمْ إِنَّ اللَّهَ غَفُورٌ رَّحِيمٌ ﴾