ربنا يجبر بخاطرك ويراضيكي ويرضى عنك،اللي عشان ف ربنا عمره ما هيتخذل🥹💗.

لسه فاتحه المسدج ،يا رب تكوني بخير وأحسن حال دلوقتي ،ان شاء الله مفكيش حاجه ،هي لما الخبطه جامده شويه.

ابدأ صلح من نفسك وصلي واقرأ قرأن، وطور من نفسك وخليك انسان حنين وابعد عن الناس🤍.

يروحي ،ربنا يجبر بخاطرك ويقر عينك بما تتمني ويراضيكي ويرضى عنك ويوفقك يا رب وسدد خطاكي ،متقلقيش كرم ربنا واسع 🥹💗💗💗💗💗💗.

سبحان الله، الإنسان هو هو، نفسيته المطمئنة تتيح له إنجاز مليارات الأشياء، ونفسيته القلقة تصيبه بالشلل ! اللهم لا تكلنا إلى أنفسنا طرفة عين.

‏﴿ قَالُوا أَتَعْجَبِينَ مِنْ أَمْرِ اللَّهِ ﴾
"رحمة الله إذا تداركت الإنسان أدهَشته.. اللهُمّ أصلح حالنا، اللهُمّ استجابةً لنا .. اللهُمّ آمين🤍."

‏عندما تدرك أخيرًا أن سلوك الآخرين يرتبط بصراعاتهم الداخلية أكثر من كونه متعلقًا بك،
تتعلم الترفّع والتسامح.

حوار حادثة المنوفيه ،وأنه 19 بنت راحوا عمرهم ،بسبب إنسان معندوش ضمير وسايق ف الطريق المخالف ،حادثة مرعبه بكل المقاييس ،من ناحية أنهم طول اليوم طالع عينهم عشان يوميه ب 130 ج متعملش أي حاجه ف الزمن دا ،من ناحية أنهم بنات والبنت بطبعها ضعيفه مش حمل الضغط والبهدله ،بس هما اختاروا أنهم يساعدوا ف البيت عشان هما بنات متربيه صح ، ومرعبه من ناحية أنهم كانوا عادي طالعين من بيتهم ،بس بعد كدا مرجعوش البيت تاني ،ف لحظه انتهى دورهم ف الدنيا دار الفناء،وراحوا ل دار الحق.

هل هما بقى كانوا يعرفوا كدا ؟ لأ طبعاً.

ف الحادثه دي تخليك تفوق ،أنه ف لحظه عمرك ينتهي.

تخليك حاطت ف دماغك وانت طالع م بيتك هل هترجع ولا لأ ؟

هل عامل واجبك ناحية ربنا عشان تقابله ولا لأ ؟

حوادث كتير جداً بتحصل يومياً بيحصل.

فيهم اللي كان مش بيصلي.
واللي كانت متبرجه .
واللي حاطت الهاند فري ومشغل أغاني.
واللي قاعد يكلم البنت بتاعته ف الحرام.
واللي بيعمل ذنب ومش قادر يبطله .
واللي مخلي أهله مش راضيين عليه .

هما بقى لما جاهم الموت قالوا لأ استنى نتوب احنا مش جاهزين ؟

جهز نفسك دايما ف إنك تقابل ربنا ،جهزك نفسك دايما للموت، الدنيا يحبيبي مش دارنا ولا مكاننا ،احنا ف لحظه بنختفي منها ،ف خليك ف طريق ربنا وجاهز دايما تقابل وجه الرب الكريم❤️‍🩹.

لسه عارفة من شويه إن فيه شخص
الأمل زعّله جداً، كان راسم رسمة مُعينة في دماغه،فالقدر مسحها له بكُل هدوء
وعايزه أقول إني مجربه الشعور ده وعارفه مرارته وتُقله على النفس !

يا رب..
ماتحُطش في قلوبنا أمل لحاجه مش هتحصل.

ياربِّ،
هذِّب في نفسي تسرُّعها واندفاعها،
ووسع في قلبي ليتقبَّل الناس على اختلافها،
واصرف بصري عما صرفته عنه، ووجِّهه لما كتبته له،

وارزقني الرويَّة في الأمور كلها،
واجعل رزقي في حكمةٍ بالغةٍ،
وخطوةٍ هادئةٍ،
وقلبٍ يحتمل الحبَّ والشوكَ.")♥️

إنّ كلَّ داعٍ يُستجابُ له، لكن تتنوعُ الإجابةُ،
فتارة تقع بعين ما دعا به، وتارة بعوض.

- ابن حجر .

صلاة الفجر والدعاء لإخواتنا ف غزه والدعاء للطلاب الثانويه 🤍.

رغم ان ثروتى تجاوزت ال50 جنيه الا اننى لا اشعر بالسعاده، حقا السعاده ليست بالمال.

وعليكم السلام ورحمه الله وبركاته 🤎.
الحمدلله ،ببساطه انتي جاوبتي ع نفسك ،قولتي انها علاقه توكسيك ،وهي فعلاً توكسيك ،والعلاقه اللي زي دا الواجب أنه تنهيها م حياتك ،او تسطحي العلاقه معاها،غيرك كدا هتفضلي تتعبي وهي تقلل منك ،ومينفعش الإنسان يقبل ع نفسه كدا.

حتى وأنا أمكثُ في مكاني
كُلّ ما بداخلي في مكانٍ آخر..

الأشياءُ ثابتة؛ وروحي تركض.'))

ربنا يوفقك ويجبر بخاطرك ح،حسابات ربنا دايما احلى 💗.

لا تُقلّل مِن دُعائك أبدًا فقط لأنّك تظُن أنّك مُذنب أو لا تَستحق ، أنت تدعوا ليس من أجل من أنت بل أنت تدعوا من أجل من هُو ربّك ، هو الله الذي لا حُدود لِرحمته وحُبه لك.

صلاة الفجر ،والدعاء لأخواتنا💗.

بصي
مفيش حاجه بتوقف راجل مكتمل الرجوله لو عايزك؛

لا مسافات ولا سن ولا ماديات ولا رأي مجتمع ولا اتجوزتي قبله ولا عندك عيال ولا كلام امه ولا تحكم أبوه ولا أي حاجه على سطح الأرض؛

فطرة الراجل في الإقدام وتذليل العقبات خياليه المهم رجولته تكون مكتمله وفعلا عايزك💗")

كان سكوتي مليان خيبة وكلام.