بِئس العبد أنا..
كثيرُ الشكوى، قليل النظر، كثير التعلُق بالأشياء.

نِعم الرب أنتَ..
واسِع العطاء، جميل الستر، تتوالى نعمك حتى لا أكاد أحصي ما ظهر منها !

أنا عارفه انها تزعل،عشان بذلتي مجهود واتعودتي،بس انتي لو مقتنعه اقتناع تام أنه الخير ربنا هو اللي بيختاره لينا،الموضوع هيهدى ف دماغك ،والحقيقه أنه كلام الناس انتي اللي حاطه ف دماغك ،لو متجاهله فعلاً مش هيفرق معاكي ،عشان مش اول ولا اخر واحده تفشكل ،فوقي كدا عشان مستقبلك وامتحاناتك وشغلك ،محدش هينفعك خالص ،كلامهم حقيقي ملوش ستين لازمه،ربنا يقدملك اللي فيه الخير ويجبر بخاطرك ويقويكي.

لَا أدرِي لِأي دَارٍ أرتَمِي
كُل الأمَاكِن لَيسَت مَوطِني.

سبحان الله ! 💗.
ربنا جميل جداً وتدخلاته دايماً مبهره وعجيبه.

بيبقى حبيب قلبي وعيوني 💗.

لو أنك تدري
كم تسوء الأمور من ناحيتي،
كم أصلح شيئًا فتفسد
آلاف الأشياء

وكم أحاول، وكم أركض
في كل اتجاه،
في كل اتجاه ولا أصل !

‏الحقيقة ان حتي اهالينا متعرفش القصة كاملة، ميعرفوش لحظات انهيارنا ولحظة ما اتعرضنا للرفض ولحظات ما الدنيا اتقفلت في وشنا ولحظات فشلنا ،ولحظات انك حاسس مفيش ركن واحد دافي،ولحظات أنه دماغك بتغلي م كتر التفكير.

واحده بتقول كنت بشتري حواوشي ففي بنوتة واقفة جنبي طلبت اتنين وبتتكلم في التلفون بتقول: (أنا جعانة بغباء مااكلتش طول اليوم فهجيب حواوشي عشان بحبه أوي ممكن أكل منه أربعة من حلاوته)

أنا خدت طلبي وهي خدت روحنا المترو والحاجة في شنطتنا لسة ماطلعنهاش يعني مش عاملة ريحة اصلا
لاقينا بنت شكلها ١٣ سنة بتتكلم مع مامتها: نفسي مرة ناكل كفتة أو أي حاجة من اللي بنشم ريحتها دي ومش بنشوفها، مامتها شتمتها وقالت لها وطي صوتك هنجيب شيبسي واحنا ماشيين، أنا الكلمة فطرت قلبي أقسم بالله

لقيت البنت اللي اشترت جنبي وكانت هتموت من الجوع طلعت الكيس كله من غير ماتفتحه ولا تاكل منه حتة وراحت مديهالهم وقالت بالنص للصغنونة: أنتِ بنت حلال أنا كلت وشبعت أوي وكنت بقول حرام يترموا كدة، والبنت كانت هتموت من الفرحة ورب الكعبة لمعة عنيها خطفت قلبي
البنت عشان ماتحرجهمش راحت آخر العربية بعيد عنهم

روحت وراها عشان ناكل سوا (أنا كنت شارية واحد) بكل أريحية كلنا نص رغيف كل واحدة وشبعنا جامد جداااا
ولاقيتني وأنا نازلة بحضنها وبتقولي شبعت كأني آكلة ألف واحد ❤❤❤

(لن تنالوا البر حتى تنفقوا مما تحبون)
"الخير في أمتي إلى يوم الدين"

صعب ،عشان زمان مش زي دلوقتي ،كل واحد بيتغير ،ومش بأيده يرجع ،عشان هو اتغير نتيجة الصدمات أو التجارب ف مش بإيدك ،حاول بس تدور ع حاجه بتحبها ،ودايما تدور انك تحسن م نفسك .

البنات لا تحب التلميح، التلميح ليس من شِيَم الرجال.
كما قال المنفلوطي: " يُعْجبني من الفَتَى الشَّجاعة والإقدام، ومن الفتاة الأدبُ والحياءُ، لأن شجاعة الفتى مِلاكُ أخلاقه كلِّها، ولأن حياء الفتاة جمالها الذي لا جمال لها سواهُ." 💗

مسج مدت ايديها عليا والله ❤️‍🩹.

ادعي ربنا كتير ،اطلبي م ربك يحنن قلبه ويصلح حاله ،وكمان انتي حاولي تصاحبيه وتبقي هاديه،ومتتعصبيش لما يطلب حاجه .

حقيقي بحس الام عليها ذنب كبير ف الموضوع دا،ف الغالب هي اللي بتخلي الاخ عصبي أو ميعبرش عن حبه لأخته.

انتي ف الحاله دي محتاجه تغيري صحابك ،مش انتي اللي تتغيري،انا بحب الإنسان اللي بيدعم جداً ،لان كل حاجه مأجور عليها ،بس انتي اللي معرفتيش تصاحبي،ابعدي عنهم حتى لو روحك فيهم،انتي حقيقي لازم تتقدري،لازم نستغنى اللي مش مدينا مكانتا ولا عارفه القيمه،اتعودي تبعدي ،هتلاقيهم ظطبوا معاكي ،حتى لو مظبطوش هما أساساً ميستهلوش وجودك ،وجودك غالي عليهم.

الصداقة مع حد سوي نفسياً، لين، سهل و عاقل من مكتسبات الحياة فعلاً.