وعليكم السلام ورحمة الله وبركاته، الحمدلله جداً بعد بالمسج دي بقيت فرحانه أخر حاجه، برافو عليكي بجد، تستاهلي بوسه كبيره، لأشطر بنوته وأقوى بنوته واللي بقت تدور ع رضا ربنا بس الأول، جدعه استمري ع كدا واحمدي ربنا كتير، انا كمان بحبك 💗🎀.

صعب تخرج من اللي فات سليم .

بكره أول تراويح
بكره أول سحور
حبوا بعض
الحياه جميله💗🎀.

الصوره دي حنينه جداً جداً بجد💗🎀.

لأجل أننا مُسلمون
وتعظيم شعائرِ الله فريضة؛
رمضان مُبارك، وكل عامٍ وأنتم بخير🥹🤎🤎.

بجد اسفه جدا لسه شايفه المسج دلوقتي، اللهم بارك والله 😩💗، فرحتلك رغم انه مش عارفاكي، لو روحتي بيه الصلاه يكون افضل، بس بكرا الجامعه عادي بردو، المهم انك هتلبسيه، حقيقي فرحت جداً من المسج، هدعيلك حاضر والله 🥹💗💗💗💗💗💗.

يوه، أخر رمضان ليا وأنا طالبه🙈😂.

💗🎀.

يجماعه صحصحوا كدا فوقوا كدا معايا وركزوا هاا، ركزوا.

أحنا كبرنا، وكل ما الإنسان بيكبر بيعرف قيمة شهر رمضان، كشهر كله غفران ورحمه، شهر التوبه، شهر بنصلح فيه كل حاجه باظت طول السنه.

مش مجرد شهر عادي، بنسهر واللمه والضحك.

ف أنا قررت إن شاء الله بلا مقاطعه نستغل الشهر.

نستغله سوا ونستفاد مع بعض.

يعني أولاً كدا أنا هقفل سوشيال.

نيهاهاها بهزر.

هحاول إن شاء الله انزل كل يوم معلومات دينيه تفيدنا، نحاول نعمل لأخرتنا، ونشوف معجزات رمضان الحقيقه.

والله احنا احلى من غيرنا بكتير، أنه بلغنا شهر رمضان، بس عايزين نبقى قدها ونعرف نستغله بجد، ونشوف نعم ربنا علينا قد ايه.

كل سنه وانتم طيبين يجماعه💗🎀. "

أعاننَا اللّه وإياكُم على صِيامه وقيامِه وجعَلنا فيه من المقبُولين🤎💫.

بابا وماما مستغربين اخويا اللي ف الجيش بيعرف كل حاجه أزاي...

أنا مع اخويا كل يوم =

النهارده حصل موقف محرج بشكل😭.

رايحه مع ابن اختي يكشف عشان تعبان، ف مره واحده قال عاوز بسبوسه، وقاعد يعيط، سبته مع مامته ونزلت اشتريتله، كل ما أروح عند واحد يقولي مفيش بسبوسه ويضحك، روحت عند كذا حد وبردو يقولوا مفيش ويضحكوا، ف انا مستغربه ليه كل ما أسأل حد يضحك ليه، راح واحد بقوله عاوزه بسبوسه قالي بعد المغرب، وضحك قالي عاوزه بسبوسه ف نص نهار رمضان  ما يجي ع الخمار اللي انتي لابسه ي عسل !!!