الشعر مهنه والمحبه مواهب
والخبره اعضم من دراسة مناهج

والحكمة افضل من جميع التجارب
مايمتلكها شخص وانسان سامج

صاحب يكفي خير من الف صاحب
والخير مهما دام زالج وزالج

ولا فتى الا علي ابن طالب
مهما ابرزو غيره بكثر الحوايج

والقبيله ما هي بكثر المناصب
والكبر لا قد جاك كم باتعالج

وانا انصحك حاسب من الوقت حاسب
واحذر من الانذال داخل وخارج

نضف ضميرك من جميع الشواهب
واحذر غضب نفسك إذا كان هايج

النفس لاماشي عليها مراقب
بتجعلك انسان سيى وداهج

اشمخ شموخ الحيد وقت النوايب
والفوز لك مضمون وقت النتائج

من صاحب أهل الشر شاف المصائب
لايمكن أنه يوم يخرج بناتج

الشاعر( النمر)محمد النهام

هـذه القصيـدة من كلـمات الشاعر القـدير الشاعر أبوصقر عبدالحكيم العنتري
التاريخ: ٠١‏/٠٤‏/٢٠٢٣

طبعاً مناسبة القصيدة تأخر الشاعـر قبل يومين من كتابة القصيدة هــوا و احـد اصـدقائـه بالضالع و صلوا صلاه المغـرب بالمسجد خرجـوا يتعشــوا شفــوت في البـوفيــه بسبب انقــراض القبيلــه في المنـاطـق الجـنـوبيــه

ويليه رد شاعر عمران وبعدها يليه رد الشاعر النمر محمد النهام

بدع العنتري

حتى بشهر الصوم حالي مهموم
والضغط في صدري ارتفع عن حدَّه

والفقر يطعني بخنجر مسموم
يلعن ابوه الفقر يلعن جدَّه

وفوق ضهري ثُقل اسهرني النوم
سوق الفرج يارب بعد الشده

بأرض الجنوب ماحد يقل لك معزوم
يخرج من المسجد يعشا وحده

الجود في شرع الجنوبي معدوم
والبخل موروث الحفيد من جدَّه

الغريب بالمسجد يمسي مرجوم
مايعزمه واحد يعشاء عنـــــــده

.................................................
ـــــــــــــــــــــــــــــــــــــــــــــــــــــــــــــــــ
الــــرد
الـــرد مـن كلمـاتي مــن بــلاد الكــرم و الجــود في محـافظـه عمــرآن.

الصبر بعد الصبر تصبح منعــوم
اصبر ولوجارت هموم الشــده

ربي وعدنا وعد وعده محتوم
بعد الشدايد تنفرج من عنده

جـا عندنا تخــرج معــزز مكروم
في شهر رمظان والشهور ذي بعده

لاشي لفانا ظيف نقوم باالملزوم
مانتركه نعطيه وايش مابــده

القبيله جود وكرامه مرســـوم
في عندنا وللضيف بعده بعده

لاشي غريب مابانخليه مرجوم
يشوفه الطارف يشله عنــــده

ياحيد اخوك بالله عندي مــعــزوم
شهرين ثلاثه جي وشوف الجـوده

............

وهذا رد الشاعر النمر محمد النهام

فكيت كمن حر شاجع صمصوم
خسران من صدق حكومة عبده

قد كنت في حجر المعزه منعوم
هذا يقول عشه وهذا غده

لكن شل الدرس هاذا مفهوم
ورجع بلادك بعد طول المده

خلاص يكفي قد بلغ الحلقوم
تستاهلوا مادام سرتم عنده

باينصف المظلوم حيٍ قيوم
والخير يرجع بعد كل الشده

من الخطأ لكن محد معصوم
العيب عند الي تجاوز حده

قصيدة مرسله إلى شاعر المناطق الوسطى
الشاعر القدير#عبدة_درينه السلامي
كلمات الشاعر (النمر) محمد النهام ويليه جواب الشاعر
عبده درينه السلامي

بدع الشاعر (النمر)محمد النهام

اين جاء درينه علينا غابت اشعاره
من بعد ما انصار ربي شلوا الفاخر

هل الوقايع خفيه حول انضاره
ولا لقي غيرهن ذي يسحر الناضر

ولا تعرقل وهو في خط مشواره
وهو على ماجنى له واقعه صابر

له قدر عالي وله بالشعر مقداره
لكن بعض المشاعر تغلب الشاعر

وهاكا الايام حول الخلق دواره
ولا سلم منها مسلم ولا كافر

ياماسك الخط طمني على اخباره
ورد لي بالخبر من صبحه الباكر

لا وسط وادي قداره حيث ماداره
ذي يبهج الخلق طلت وجهه الساحر

يا ليت من عاش بحضانه ومن زاره
شداه روحي وزهره سلوت الخاطر

ولا وياليت من شم ريحت ازهاره
ذي في الانسام يظهر جوها العاطر

او عيب ان الخوي يسأل على جاره
ماكان في ماضي الاجداد والحاضر

عمر الذهب بايضلي باهظ اسعاره
وفاتر الاصل يبقى دائما فاتر

هذا صمودي صمود الشعب واحراره
ذي صنع البدر والبركان والقاهر

وكل زارع لحبه يجني اثماره
والناس تجار وانته مثلهم تاجر

قولوا لعبده درينه يجمع افكاره
ويرسل الرد من فضله على الطاير

واختم صلاتي على طه وانصاره
وال بيته عدد ماشن بالماطر

....جواب الشاعر الكبير
عبده درينه السلامي

يا مرحبا الف حيا من وصل عطرة
لا وسط داري وخلى عرفها عاطر

مرحب بشاعر ابن شاعر فتح صدرة
وجاء يناقش عن الماضي مع الحاضر

عبدةدرينة صديقك ضيعة فقرة
وضاع شعرة وضاع الهاجس الزاخر

لما انتهى سوقنا الفاخر قضي إمرة
وأصبح اليوم لا راتب ولا فاخر

قد كان معي سوق من الصاروخ إلى الإبرة
وضيعوة بالمخيم والسبب ياسر

واليوم لاسوق والديزل غلي سعرة
وصاحب البير حق الماء يبا حاضر

كنتو بصيرة منعم افرش السفرة
وروس الاعجال عندي سلوت الخاطر

واليوم لا عاد به خبزة ولا فدرة
والجوع حلى بنا الستر يا ساتر

حتى عيالي عصوني هانت العشره
ادو لنا كعك قالو وضعنا فاتر

وأصبحت بالخرف مدروب داخل الحفرة
والدين يزداد من بكرة إلى باكر

والشيخ حزام وعبدة عندهم قدرة
يعالجوا وضعنا الرابح مع الخاسر

لأنهم ذي علينا شدو الشترة
وعاقبونا عقاب المجرم الفاجر

تقول لهم ارحمونا فكو الشفرة
حرام عليكم هلكنا وضعنا جاير

والعفو مطلوب من ذي عندة القدرة
وانتم كبار والكبير من يرحم العاثر

ذا فصل اول والثاني وجب ذكرة
ما نريد بركان يضلي تحتنا ثائر

نوحد الصف جمعه نعتبر أسرة
والاخ لخوة لا خائن ولا ماكر

ومن غلط او تجنا نجعلة عبرة
والله بعونة يعين المؤمن الصابر

ذا رأي شخصي اذا مايعجبك بصرة
والحكم لله وحدة حكمة القاهر

صلوا على المصطفى والال يا خبرة
ما حن رعدة وعد مايهمل الماطر

شفيعنا يوم نشتكي الضيق من حرة
الأنس والجن والمؤمن مع الكافر

للانضمام للقنواتي ومجموعتي اظغط على الروابط التاليه واشترك
رابط قناتي في التلجرام
https://t.me/Alniham

رابط مجموعتي في الواتساب  https://chat.whatsapp.com/Dr6KlUhK3BK0aeyXhboqN1

رابط مجموعتي في التلجرام
   https://t.me/+XYaNmLAJJmRjNWM0

ر ابط مجموعتي بالواتساب مناقشات https://chat.whatsapp.com/KoHWHSIfmRFI3AQzxJd7Gk

#قصيده_على_المفاوضات_الجاريه

حرب ولا سلام

في حرب ولا سلام ومفاوضة واقتحام
خير الخطوط الامام والمعنوية حديد

فلا اقدروا بالحروب ولا اقدروا بالكلام
لن يستطيعوا لنا لو يعصدوها عصيد

في نهج عبدالملك لو روّحونا عظام
مانرتضي الذل وعاد الدم وسط الوريد

فوق العدو نقتحم في عيد ولا صيام
وعيدنا داخل الجبهات هو خير عيد

والله لو تستمر الحرب مليون عام
والأرض تحرق وتتوقد علينا وقيد

مانرتضي الذل في نهج الكرام الكرام
احنا اليمانين والبأس اليماني شديد

لاثارت الحرب نتقدّم خطوط الامام
ويشرد الخصم وعاد الموت منه بعيد

نهجم بظهر الجيوب والصافنات القدام
والمرتزق ياخزاه يهرب وطقمه جديد

اذا العدو ماحترم كامل بنود السلام
العاقبة للقوي ماهو على ما يريد

واحسن له أنه يغادر منها بحترام
ويحتفظ بالذي باقي معه من رصيد

ولانزفّه على نعمة رشيق القوام
في يوم حامي عليهم مثل يوم الوعيد

مواله الموت وابياته ملان الحزام
يعزف لهم من جحيم الموت أعذب نشيد

هذه نصيحة لهم عُضماء من ابن النهام
حتى لو النصح ماينفع مع ابناء يزيد

تاسع سنة ماتحقق لتحالف مرام
وبالهزائم يريدوا عادهم لا مزيد

الحرب عادتنا نهيم فيها هيام
وحربنا حرب بالميدان نوعه فريد

لاقد دعتنا المعارك ننطلق كالسهام
ونحترق فوق ظهر الأرض لا ما تميد

مابانبقي لهم في الإرض كيلو جرام
نبقى عليها او لا الظلم يبقى وحيد

نتعلم الحرب والتمشيط قبل الفطام
والام بأرض اليمن ماتحمل إلا بجيد

مثل الإسود مانعيش الا بظهر اللكام
وعندنا الشهم ذي يسقط الاولى شهيد

لقد غزانا عدو ماعاد نذوق المنام
لو نرسل الموت له مرسال عبر البريد

نفدي علمنا ابو جبريل علية السلام
ذي منهجه نهج أهل الحق  وقوله سديد

وجدّنا ذو يزن وتبّع وحمير وسام
فكيف يكمن بظهر الأرض نحيى عبيد

في ماضي العصر بددنا عروش الظلام
إقرأ تواريخنا ياورع باتستفيد

والختم صلوا على المختار خير الانام
واله بيته وقائدنا حفيدي الحفيد

الشاعر #محمد_النهام
للانضمام للقنواتي ومجموعتي اظغط على الروابط التاليه واشترك
رابط قناتي في التلجرام
https://t.me/Alniham

رابط مجموعتي في الواتساب  https://chat.whatsapp.com/Dr6KlUhK3BK0aeyXhboqN1

رابط مجموعتي في التلجرام
   https://t.me/+XYaNmLAJJmRjNWM0

ر ابط مجموعتي بالواتساب مناقشات https://chat.whatsapp.com/KoHWHSIfmRFI3AQzxJd7Gk

يوم القدس

صوت اليمن علا بيوم القدس لبا واحتشد
ولا ميادين الشرف والعز لبتنا الحشود

والدم يجري في وريد الحريه ماقد برد
مادام والقدس المغذي للمسيرة والعمود

والناس يوم القدس لايمكن يعدوا بالعدد
كأنهم كل الذي في الأرض هاذه والوجود

وشعبنا الميمون جنب القدس وحّد واتحد
ووحدة الشعب اليماني زادت الإمه صمود

والقدس لايكمن يضلي في حياته مضتهد
او بايضلي تحت اقدام النصارى واليهود

فكيف يبقى الرأس عايش دون مايبقى جسد
والقدس نبراس القضيه للمسيرة كالعمود

لابد نتوحد ونبقى دائما يداً بيد
ونتحد في صف واحد بعد توحيد الجهود

ياقدس باتبقى قضيتنا الكبير للأبد
والكون لايمكن ينعم دون ماخيرك يسود

ولا قلق ياقدس دام احنا على العزه نجد
وأنصار ربي في ميادين الوغاء مثل الإسود

ومسجدك مهما علينا بالمسافات ابتعد
لابد مايرجع على ايدينا ولازم مايعود

#يوم_القدس_العالمي
#الشاعر_محمد_النهام

الإختلافات

من صاحب الفسل يتعلم طباع الفسول
ومن يصاحب رجل يتعلم المرجله

والعز ماهو بقدر العرض ولا بطول
وما كل انسان بالغ يعرف القبيلة

رغم اختلف البشر ورغم اختلاف العقول
مازال بعض البشر قلوبهم مقفلة

الناس انواع والوقت المعاصر فصول
والاخره عاقبتها ليس ما الاوله

وكل انسان متحاسب على مايقول
لاتأخذوها بكثر الكذب والمهزله

ومغادرة بعض الاشياء ليس مثل الدخول
في فرق في مسأله  وفرق في مسأله

والله دايم لوحده وكل شي بايزول
والأرض باتفتني حتى ولو طوله

الكبر نكاس لصحابه وبعض الفضول
يقتل صديقه إذا تعود على الهروله

كثره المشاكل في العالم وقله الحلول
كم قتله من ضحاياها وكم جندله

لايمكن الله يأيد شخص خامل كسول
لانصر كلا ولا تأييد مع البهطله

الحرب كم عرفتنا بالرجال الزحول
وكم من أصحاب بانوا ساعة الغربلة

والختم صلوا على طه النبي الرسول
وال بيته صلاة الله لهم مرسله

الشاعر محمد النهام

للانضمام للقنواتي ومجموعتي اظغط على الروابط التاليه واشترك
رابط قناتي في التلجرام
https://t.me/Alniham

رابط مجموعتي في الواتساب  https://chat.whatsapp.com/Dr6KlUhK3BK0aeyXhboqN1

رابط مجموعتي في التلجرام
   https://t.me/+XYaNmLAJJmRjNWM0

ر ابط مجموعتي بالواتساب مناقشات https://chat.whatsapp.com/KoHWHSIfmRFI3AQzxJd7Gk

الفرق بين الناس

قارنت وشوفت الفرق بين الناس
لما الحقائق شيّبه راسي

بعض البشر شفته عديم أحساس
وانا معه في كامل أحساسي

وبعض البشر شاجع شديد الباس
شفته معيا وسط متراسي

والبعض بس جثه وماشي راس
وناس رأسه كالجبل قاسي

وناس يشبه حامل الترباس
يقرح معيا مثل ترباسي

والبعض ماله بالشرف مقياس
وناس وقت الحرب عباسي

والبعض يغدر مثل ماجساس
والبعض عرضه والشرف ناسي

شربت مر الوقت ملان الكأس
على يدين الهين الخاسي

عيني أبد ماتعرف النعاس
حتى ولو حال الزمن قاسي

والبعض يتقن مهنة الجلاس
ويعجبه اصحاب الافلاسي

يلحسك لانته عسل لحاس
حتى لو انته ظهر جواسي

هل الزمن عايب أو الا الناس
لاتجعلوني أفقد احساسي

#الشاعر_محمد_النهام

قصيده مرسله إلى
الشاعر القدير #احمد_علي_الحالمي_ابومجدي
من كلمات الشاعر #محمد_علي_احمد_النهام

اين جاء احمد العجل ذي قفى ولا زاد رجع
كملي اخبر عليه وسأل عليه اين ضاع

ناديت بالصوت يا احمد محدا لي سمع
وكل ساعه يزيد القلب فيه التياع

احنا معه لاضمي واحنا معه لا جوع
واحنا النماره بوقت الحرب واحنا السباع

لاخير في من يدور صاحبه لاشبع
ولا جوع صاحبه فكا و فلت وضاع

اركب على الموج يااحمد قبل ماتصطرع
قاموا بشده ولا تطرح بنفسك بقاع

والعجل ياعجل ماهو مالقيه ردع
اخاف تصبح فريسه طارفه لضباع

ومن ضرب لك على الطاسه معه تبترع
ولا تميز بأن البعض لابس قناع

وذي مضى به ضروري يابطل تنتفع
تكفي العبر ذي لقيناها بطول الصراع

هذا نزل من على القمه وهذا طلع
والحرب ماتأكل إلا كل مؤمن شجاع

واحنا الذي مارتجف بالحرب ولارجع
للخلف خطوة ويده قابضه بالكراع

وذي بقي للغزاه اليوم ماقد بقع
حاضر وماضي في العالم وكل البقاع

وموقف الخصم بالعدوان هين بشع
ردا له الشعب بالصاعين ألفين صاع

كابر وكابر حتى النخس حقه قطع
ثم خضع لليمن والأمر نفذ وطاع

وانت يا احمد لأحداث الزمن مطلع
قرابت العقد ماهي يوم ولا سواع

ماقد شرحتوش لك بالحرب حتى الربع
وما عطيتك سوى جانب من اصل النزاع

وانا اعرفك شاعر اسطوري وقلبك ورع
وشعرك الحر ياشاعر في الكون شاع

في صف واحد ضروري كلنا نجتمع
نبقى مع الحق ومن عاداه لاضاع ضاع

هذا هو البدع وانته قدر ما تستطع
انهظ وشمر وجهز عدتك والمتاع

جيتك وانا مقتبع وهاجسي مقتبع
قابظ على بندقي والعين فوق النصاع

انا أحسبك اخ لا تقلق ولا تفتجع
طبع الوفاء بيننا باقي ابد مايبع

والختم صلوا صلاة الله ماتقتطع
للمصطفى وال بيت المصطفى كل ساع

عيدكم مبارك وكل عام وانتم بخير وعافيه وصحه وسلامه
نبارك للامه العربيه و الاسلاميه
بمناسبه حلول عيد الفطر المبارك

كل عامً وانتم🌹 يالحبايب بخير
عادكم ربنا 🥀بالخير في كل عيد

اليمن 🌷عيدها والود والحب غير
يابلاد الشرف والعز عيدش سعيد

الشاعر محمد علي النهام

العيد والمتراس

العيد عيد الشرف والعز والناموس
يوم المجاهد معيد وسط متراسه

جعالته من كبود أعدانا والروس
والعطر من بغمه البندق وترباسه

ذي ماعرف تأريخنا يبحث على القاموس
الدهر ( امجادنا ) قد شيبه  رأسه

حب الوطن والعلم وسط الكبد مغروس
اصبح بصدق الولا من فوق مقياسه

بانجعل ابن الملك يسمر على فانوس
اذا استمرى ونقلبها على رأسه

ياينسحب بالرضى أو نخرجه مدعوس
ونقتلع ملك بن سلمان من ساسه

مقدر يأثر علينا سمه المدسوس
وفوق رأسه رجع بالمعركه فأسه

حاصر وطنا وخلا شعبنا محبوس
في وقت قاسي وضل أوضاع حساسه

لكن شعب اليمن بعين القوي محروس
فلا اخضعوا تربته ولا اخضعوا ناسه

الشاعر محمد النهام

ماعزني وقتي

ما عزني وقتي سوى في صاحبي
لا تشتكي ياذيب لاصحابك نسوك

مع اصدقائي دوم افعل واجبي
وافعل معك ذي مافعل لجلك ابوك

ماصاحبي الا الوفي في جانبي
ماهو صديق الواتساب والفيس بوك

حمى على دقني وحمى شاربي
لاضيعوني مثل ما أنته ضيعوك

هاتوا سلاحي والرصاص الذايبي
أفزع معك ضد الغزاة الي غزوك

وصاحبي هو خير لي من راتبي
واعضم من المال الذي وسط البنوك

يا صاحبي يا صاحبي يا صاحبي
ماهم جميع الناس مثل امك وابوك

لاصاحبك وقت الشديد غايبي
ناديت للي ساعه الفزعه يجوك

أهل الوفاء والجود كمن ضاربي
ذي مايعيبوا بك ولا بايخذلوك

هذا  الزمان مايخذا  الا الطيبي
ذي اغلب اعداك ودكاهم دكوك

صاحب يبعك نقد وصاحب يختبي
وكل مالدنيا تسابر لك دعوك

بعض البشر لا هو رخاء هو صاحبي
ووقت الشديد مافزع جنبي بهوك

احذر يبيعك الصديق الأقربي
يمكن يبيعك بالزمن هذا اخوك

وصاحبي ذي كنت اضنه مكسبي
قد باعني وأصبح ضحيه للشكوك

لا سامحك ياذا الزمن العايبي
خليت الانذال الهين صاروا ملوك

دقي على راسي وغني واللعبي
يادنيتي ويازماني لعن ابوك

اعمى عيوني ذي حسبته حاجبي
فحذر من اصحابك وربعك يغدروك

كلن وله مذهب وانا لي مذهبي
وزوك لك ياوقت فوق الناس زوك

أصحا وصحصح لا تضلي لك غبي
ذي شعيوك ياصاحبي هم ذي رموك

#الشاعر_محمد_النهام

العيد بالجبهة

اعيدت والعيد بالجبهة افضل
في سبيل اللّه شفنا السعادة

بالتهاليل صوت الاثنعش جلجل
وهو موضّع فوق ظهر القعاده

والكلاشنكوف توجه وسربل
فوق الاعدا يعبد اللّه عباده

والمعدل لتكابير  رتل
وجنبه الفلكان يفعل إعاده

قل للاعداء غير ذا الحل لا حل
لن نفرط بالشرف والسياده

والتحالف مامعه غير يرحل
من ارضنا ولا دخلنا بلاده

آه محلا العيد وجنبك معدل
فوق الاعداء نصر ولا شهادة

جرعوهم جرعت الموت الازول
من لضا الشبّاب عسكر وقاده

في سبيل اللّه نقاتل ونقتل
وكل يوم نزيد عزم وإراده

من هدى القران والآل ننهل
وفي سبيله نصر ولا شهاده

وصل الابيات ياطير مرسل
لرجال  الي لها الحرب عاده

قلهم قالوا رعاء من تجمل
ومن تخلف باتشله صياده

والعدو يفشل ويفشل ويفشل
كل ماحاول يحقق مراده

من جهلنا عننا المجد يسأل
او يخبر بايشوف الإفاده

كم لنا التأريخ سطر وسجل
من ملاحم نصر من ذو الولاده

الشاعر #محمد_النهام

قوافي الشعر تشتي شخص شاطر
ولايعرف دروب الذل والياس

حروفه مثل ما  روس المعابر
ولا يضرب سوا بالقلب والراس

انا صابر وانا  مازلت صابر
وقلبي كم تحمل باطل الناس

فلا تغتر باصحاب المظاهر
فقد يطلع نحاس ذي تحسبه ماس

حنيني مثل ماحن المسافر
وما هبا نسيم الفجر نسناس

ومش من ساغ سته ابيات شاعر
لان الشعر له ميزه ومقياس

وانا شاعر قوي باطن وظاهر
وتعرفني العرب في كل متراس

بوقت الحرب كالبركان ثاير
في الجبهات كم دعّس وكم داس

ومن يوقف بوجهي دوم خاسر
ادومه دوم ماهم التبخاس

تعدت الخطر رغم التأمر
وراسي مثل راس الحيد ملاس

فاخذر لاتصاحب شخص فاتر
يصير الفأس ياخلي على الراس

الشاعر محمد النهام