كيف حالك

الحمد لله في نعمَ الحَال، كيف حالَك أنت؟

اهلاً وسهلا بيك نورت القناه كنان

النُور نُــورك

اترك لك مساحه للحوار و تنورنا بالمعرفه 🎤

بسم الله الرحمن الرحيم والصلاة على أشرف الخلق والمرسلين نبينا محمد صلى الله عليه وسلم وعلى آله وأصحابه أجمعين...

حوارنا لهذا اليوم يتحدث عن مشكلة تواجه الكثير من الطلاب وهي "إدارة الوقت ومشاكل الضغوطات خصوصاً مع قُرب أوقات الامتحانات" فنبدأ على بركة الله في تبسيط هذا الأمر وتسهيله على جميع الطلاب وتقديم بعض النصائح المجربة والمفيدة.

1.استراتيجيات إدارة الوقت وبعض التقنيات والأفكار المعروفة عن إدارة الوقت

تعتمد استراتيجية الوقت على مقولة اعمل بذكاء وليس بجهد... وإليكم بعض هذه التقنيات:

تقنية الضفدع:
أساس التقنية هذي أنك تبدا بأصعب شيء يعني ابدا بأصعب درس عندك أكثر درس يسببلك قلق هو ابدأ فيه أول واحد وانهيه أنت هكي زي ما نقولك خشيت لمود الدراسة بقوة بحيث إنك قريت أصعب شيء فلما أنت تبدا في الجاي تلقاه ساهل ويمشي بسرعة

التقنية هذي لإقناع النفس في الدراسة فملهش علاقة بتنظيم الوقت أو إدارته

التقنية المشهورة البومودورو:
أعتقد الكل يعرف التقنية هذي فكرتها بحيث إنك تاخذ فترات راحة تشحن فيها طاقتك وتقدر أنت تعدل فيها لكن أفضل شيء أنك تدرس 50 دقيقة بدون مشتتات وترتاح 10 دقائق برضو بدون مشتات ... ديما لما تبدأ تقرا حط حياتك وراك انسا كل شيء مشتتات لا حتى في وقت راحتك ابتعد عن الأجهزة الإلكترونية والملهيات ... التقنية هذي تساعدك على حفظ طاقة العقل بدون ما تستنزفه

مبدأ باريتو 20/80

التقنية هذي مش مهمة للي يبي يتفوق لأنها تعتمد علر أنك تركز معظم جهدك في أهم الأشياء لأن المتفوق يركز على كل شيء موجود في منهجه

تقنية فاينمان
بعد تحفظ موضوعك تخيل أنك تسمع فيه على حد أو تشرح فيه من فهمك لي حد تخيل بس هكي أنت تثبت المعلومة ختى لو نسيتها أنت فاهمها تقدر تصيغها من عندك ولو ما عرفتش تشرح جزئية معينة معناها أنت هكي مش حافظ أو مش فاهم فا رد عليها راجعها
أنت هكي ضربت 3×1
راجعت و حفظتها كويس و فهمت الجوهر بحيث حتى لو نسيت تتذكر وتصيغ الإجابة من عندك

المراجعة النشطة:
الفكرة هذي تشبه الفكرة الي قبلها بحيث أنك لما تحفظ صفحة سكر كتابك واسأل نفسك فيها واشرحها لنفسك لو في حاجة نسيتها راجعها

الارتباطات الذهنية "نعتبر فيها مش مفيدة واجد"
التقنية هذي تفيدك في حالة في حاجات متلخبطات أو أكثر من شيء نعطيك مثال عشان تفهم أكثر
لو قتلك احفظ الكلمات هذين بالترتيب :
شجرة_تسلق_رجل_سلاح_تفاح_اختفاء_خروف_عشب
اقراها 10 مرات مش حتحفظها لكن لو قتلك غمض عيونك وتخيل في مكان فاضي أنت تمشي فيه لقيت شجرة "الشجرة"وبعدها أنت تسلقت عليها"تسلق" لما تسلقت لقيت رجل"الرجل" تحت داير سلاحه"سلاح" عليك وضرب طلقة أصابت التفاحة "تفاح" وبعدها الشجرة والرجل اختفوا "اختفاء" وبعدها طلعلك خروف "خروف" ياكل في عشب"العشب"
تعال سمعهن علي مستحيل تغلط فيهن لأنك ربطت كل شيء بحدث

المراجعة المتباعدة:
وهذي أقوى تقنية في الحفظ لكن تبي وقت طويل بحيث أنك مثلا تحفظ اليوم 5 صفحات "كمثال" اليوم الثاني تقراهم 10 مرات بعد يومين أخرى تقراهم 5 مرات وبعد أسبوع تقراهم 3 مرات لمدة يعني مراجعة متقطعة شوف روحك بعد شهر تلقا روحك حافظها زي سورة الفاتحة ...

أول شيء قبل ما تبدأ تنظم وقتك أنك ترتب أولوياتك بحيث أنك ترتب أول شيء علاقتك بربك: صلاتك قرءانك أذكارك بعدها صحتك: نومك وغذائك وبعدها مهامك المنزلية وواجباتك اليومية وبعدها دراستك وبعدها هواياتك
أنت هكي كملت 50% من جدولك ونظمت روحك وعرفت شن لك وشن عليك بعد ما تكمل ابدا احسب الوقت مثلا الصلاة والقرآن والأذكار خصصلهم وقت واحذفه من 24 النوم ووقت الغذاء كذلك وبعدها المهام اليومية كذلك وبعدها الباقي قسم أغلبه للدراسة وخلي منه لهواياتك بعد ما تكمل تنظيم جدولك دير قائمة مهام يومية بحيث أنك تديرها في الوقت الخاص بكل حاجة مثلا أنا اليوم نبي نقرا حزب ونبي ندرس باب من الأحياء ونبي نلعب مباراة شطرنج ما تحطهنش وتديرهن في جرة بعضهن دير كل وحده في وقتها الحزب في وقت القرءان وباب الأحياء في وقت الدراسة ومباراة الشطرنج في وقت الهوايات

وديما قسم مهامك بشويش وما تحبطش لو ما أنجزت اليوم لأن التراكمات الصغيرة "الدائمة" هي الي تصنع النجاح بعد التوكل على الله وحسن الظن فيه وزي ما يقول المثل رحلة الألف ميل تبدأ بخطوة

وبما أننا توا على أبواب الامتحانات ومزال معانا وقت فتقدر أنك تعود بقوة للدراسة وتقدر تبدأ من اللحظة هذي مش من بكرة وتبدأ رد بالك تقع في ما يسمى بِـ"فخ الوقت المثالي" والفخ هذا زي ما نقولك أن توا الساعة 9:48 تقول حنبدا الساعة 10 ... لا رد بالك ال 12 دقيقة وين راحت؟ أفضل وقت تبدأ فيه أي شبء هو لحظتك الي توا من وأنت تشزف في الحوار ... هانت خلاص قريب تنتهي السنة تقدر أنك تزر روحك الشهرين هاذم سواء أنت نقل أو شهادة وتبدأ تعود ولو بخطوة فهي أفضل من لا شيء وزي ما قلتلكم ابتعدوا عن المشتتات وقت الدراسة ما نقولكش سيبه وسيب اللهو واللعب لا لكن في وقت القراية والجد انساهن امحاهم من راسك

⁣💌 وصلتك رسالة جديدة
⏱ وقت الرسالة: 2026/04/16 - 11:45:51 PM
----
كم عمرك
----

- تبرع لإستمرار عمل بوت صارحني 🎁

16 سنة

⁣💌 وصلتك رسالة جديدة
⏱ وقت الرسالة: 2026/04/16 - 11:46:46 PM
----
أبدعت...
مُوفّق يا ربّ
----

- تبرع لإستمرار عمل بوت صارحني 🎁