🌷🌷غزل نمبر اکسٹھ تا اسی🌷🌷



🌴🌴بال جبریل🌴🌴


61✍ رہا نہ حلقہ صوفی میں سوز مشتاقی

62✍ ہوا نہ زور سے اس کے کوئی گریباں چاک

63✍ یوں ہاتھ نہیں آتا وہ گوہر یک دانہ

64✍ نہ تخت و تاج میں، نے لشکر و سپاہ میں ہے

65✍ فطرت نے نہ بخشا مجھے اندیشہ چالاک

66✍ کریں گے اہل نظر تازہ بستیاں آباد

67✍ کی حق سے فرشتوں نے اقبال کی غمازی

68✍ نے مہرہ باقی، نے مہرہ بازی

69✍ گرم فغاں ہے جرس، اٹھ گیا قافلہ

70✍ مری نوا سے ہوئے زندہ عارف و عامی

71✍ ہر اک مقام سے آگے گزر گیا مہ نو

72✍ کھو نہ جا اس سحر و شام میں اے صاحب ہوش

73✍ تھا جہاں مدرسہ شیری و شاہنشاہی

74✍ ہے مجھے یاد نکتہ سلمان خوش آہنگ

75✍ فقر کے ہیں معجزات تاج و سریر و سپاہ

76✍ کمال جوش جنوں میں رہا میں گرم طواف

77✍ شعور و ہوش و خرد کا معاملہ ہے عجیب

78✍ انداز بیاں گرچہ بہت شوخ نہیں ہے

79✍ رہ و رسم حرم نا محرمانه

80✍ ظلام بحر میں کھو کر سنبھل


Https://t.me/buttgeem

🌷🌷پیر و مرید🌷🌷



🌴🌴بال جبریل🌴🌴


141



مرید ہندی

چشم بینا سے ہے جاری جوئے خوں
علم حاضر سے ہے دیں زار و زبوں!

پیررومی

علم را بر تن زنی مارے بود
علم را بر دل زنی یارے بود

مریدہندی

اے امام عاشقان دردمند!
یاد ہے مجھ کو ترا حرف بلند

خشک مغز و خشک تار و خشک پوست
از کجا می آید ایں آواز دوست،

دور حاضر مست چنگ و بے سرور
بے ثبات و بے یقین و بے حضور

کیا خبر اس کو کہ ہے یہ راز کیا
دوست کیا ہے ، دوست کی آواز کیا

آہ ، یورپ با فروغ و تاب ناک
نغمہ اس کو کھینچتا ہے سوئے خاک

پیر رومی

بر سماع راست ہر کس چیر نیست
طعمہء ہر مرغکے انجیر نیست

مرید ہندی

پڑھ لیے میں نے علوم شرق و غرب
روح میں باقی ہے اب تک درد و کرب

پیر رومی

دست ہر نا اہل بیمارت کند
سوئے مادر آکہ تیمارت کند

مریدہندی

اے نگہ تیری مرے دل کی کشاد
کھول مجھ پر نکتہء حکم جہاد

پیررومی

نقش حق را ہم بہ امر حق شکن
بر زجاج دوست سنگ دوست زن

مرید ہندی

ہے نگاہ خاوراں مسحور غرب
حور جنت سے ہے خوشتر حور غرب

پیررومی

ظاہر نقرہ گر اسپید است و نو
دست و جامہ ہم سیہ گردو ازو!

مرید ہندی

آہ مکتب کا جوان گرم خوں!
ساحر افرنگ کا صید زبوں!

پیررومی

مرغ پر نارستہ چوں پراں شود
طعمہء ہر گربہء دراں شود

مرید ہندی

تا کجا آویزش دین و وطن
جوہر جاں پر مقدم ہے بدن!

پیررومی

قلب پہلو می زندہ با زر بشب
انتظار روز می دارد ذہب

مریدہندی

سر آدم سے مجھے آگاہ کر
خاک کے ذرے کو مہر و ماہ کر!

پیررومی

ظاہرش را پشہء آرد بچرخ
باطنش آمد محیط ہفت چرخ

مرید ہندی

خاک تیرے نور سے روشن بصر
غایت آدم خبر ہے یا نظر؟

پیررومی

آدمی دید است ، باقی پوست است
دید آں باشد کہ دید دوست است

مرید ہندی

زندہ ہے مشرق تری گفتار سے
امتےں مرتی ہیں کس آزار سے؟

پیر رومی

ہر ہلاک امت پیشیں کہ بود
زانکہ بر جندل گماں بردند عود

مرید ہندی

اب مسلماں میں نہیں وہ رنگ و بو
سرد کیونکر ہو گیا اس کا لہو؟

پیررومی

تا دل صاحبدلے نامد بہ درد
ہیچ قومے را خدا رسوا نہ کرد

مرید ہندی

گرچہ بے رونق ہے بازار وجود
کون سے سودے میں ہے مردوں کا سود؟

پیررومی

زیرکی بفروش و حیرانی بخر
زیرکی ظن است و حیرانی نظر

مرید ہندی

ہم نفس میرے سلاطیں کے ندیم
میں فقیر بے کلاہ و بے گلیم!

پیر رومی

بندۂ یک مرد روشن دل شوی
بہ کہ بر فرق سر شاہاں روی

مرید ہندی

اے شریک مستی خاصان بدر
میں نہیں سمجھا حدیث جبر و قدر!

پیررومی

بال بازاں را سوے سلطاں برد
بال زاغاں را بگورستاں برد

مرید ہندی

کاروبار خسروی یا راہبی
کیا ہے آخر غایت دین نبی ؟

پیررومی

مصلحت در دین ما جنگ و شکوہ
مصلحت در دین عیسی غار و کوہ

مرید ہندی

کس طرح قابو میں آئے آب و گل
کس طرح بیدار ہو سینے میں دل ؟

پیررومی

بندہ باش و بر زمیں رو چوں سمند
چوں جنازہ نے کہ بر گردن برند

مرید ہندی

سر دیں ادراک میں آتا نہیں
کس طرح آئے قیامت کا یقیں؟

پیر رومی

پس قیامت شو قیامت را ببیں
دیدن ہر چیز را شرط است ایں

مرید ہندی

آسماں میں راہ کرتی ہے خودی
صید مہر و ماہ کرتی ہے خودی

بے حضور و با فروغ و بے فراغ
اپنے نخچیروں کے ہاتھوں داغ داغ!

پیررومی

آں کہ ارزد صید را عشق است و بس
لیکن او کے گنجد اندر دام کس!

مرید ہندی

تجھ پہ روشن ہے ضمیر کائنات
کس طرح محکم ہو ملت کی حیات؟

پیر رومی

دانہ باشی مرغکانت برچنند
غنچہ باشی کود کانت برکنند

دانہ پنہاں کن سراپا دام شو
غنچہ پنہاں کن گیاہ بام شو

مرید ہندی

تو یہ کہتا ہے کہ دل کی کر تلاش
طالب دل باش و در پیکار باش

جو مرا دل ہے ، مرے سینے میں ہے
میرا جوہر میرے آئینے میں ہے

پیررومی

تو ہمی گوئی مرا دل نیز ہست
دل فراز عرش باشد نے بہ پست

تو دل خود را دلے پنداشتی
جستجوے اہل دل بگذاشتی

مرید ہندی

آسمانوں پر مرا فکر بلند
میں زمیں پر خوار و زار و دردمند

کار دنیا میں رہا جاتا ہوں میں
ٹھوکریں اس راہ میں کھاتا ہوں میں

کیوں مرے بس کا نہیں کار زمیں
ابلہ دنیا ہے کیوں دانائے دیں؟

پیررومی

آں کہ بر افلاک رفتارش بود
بر زمیں رفتن چہ دشوارش بود

مرید ہندی

علم و حکمت کا ملے کیونکر سراغ
کس طرح ہاتھ آئے سوز و درد و داغ

پیررومی

علم و حکمت زاید نان حلال
عشق و رقت آید از نان حلال

مرید ہندی

ہے زمانے کا تقاضا انجمن
اور بے خلوت نہیں سوز سخن!

پیر رومی

خلوت از اغیار باید ، نے ز یار
پوستیں بہر دے آمد ، نے بہار

مرید ہندی

ہند میں اب نور ہے باقی نہ سوز
اہل دل اس دیس میں ہیں تیرہ روز!

پیر رومی

کار مرداں روشنی و گرمی است
کار دوناں حیلہ و بے شرمی است

Https://t.me/buttgeem

🌷🌷جبریل و ابلیس🌷🌷




🌴🌴بال جبریل🌴🌴



142



جبریل

ہمدم دیرینہ! کیسا ہے جہان رنگ و بو؟

ابلیس

سوز و ساز و درد و داغ و جستجو و آرزو

جبریل

ہر گھڑی افلاک پر رہتی ہے تیری گفتگو
کیا نہیں ممکن کہ تیرا چاک دامن ہو رفو؟

ابلیس

آہ اے جبریل! تو واقف نہیں اس راز سے
کر گیا سرمست مجھ کو ٹوٹ کر میرا سبو

اب یہاں میری گزر ممکن نہیں ، ممکن نہیں
کس قدر خاموش ہے یہ عالم بے کاخ و کو!

جس کی نومیدی سے ہو سوز درون کائنات
اس کے حق میں 'تقنطوا' اچھا ہے یا 'لاتقظوا'؟

جبریل

کھو دیے انکار سے تو نے مقامات بلند
چشم یزداں میں فرشتوں کی رہی کیا آبرو!

ابلیس

ہے مری جرأت سے مشت خاک میں ذوق نمو
میرے فتنے جامہء عقل و خرد کا تاروپو

دیکھتا ہے تو فقط ساحل سے رزم خیر و شر
کون طوفاں کے طمانچے کھا رہا ہے ، میں کہ تو؟

خضر بھی بے دست و پا ، الیاس بھی بے دست و پا
میرے طوفاں یم بہ یم ، دریا بہ دریا ، جو بہ جو

گر کبھی خلوت میسر ہو تو پوچھ اللہ سے
قصہء آدم کو رنگیں کر گیا کس کا لہو!

میں کھٹکتا ہوں دل یزداں میں کانٹے کی طرح
تو فقط اللہ ھو ، اللہ ھو ، اللہ ھو


Https://t.me/buttgeem

🎋🎋🎋اذان🎋🎋🎋



🌴🌴بال جبریل🌴🌴



143



اک رات ستاروں سے کہا نجم سحر نے
آدم کو بھی دیکھا ہے کسی نے کبھی بیدار؟

کہنے لگا مریخ ، ادا فہم ہے تقدیر
ہے نیند ہی اس چھوٹے سے فتنے کو سزاوار

زہرہ نے کہا ، اور کوئی بات نہیں کیا؟
اس کرمک شب کور سے کیا ہم کو سروکار!

بولا مہ کامل کہ وہ کوکب ہے زمینی
تم شب کو نمودار ہو ، وہ دن کو نمودار

واقف ہو اگر لذت بیداری شب سے
اونچی ہے ثریا سے بھی یہ خاک پر اسرار

آغوش میں اس کی وہ تجلی ہے کہ جس میں
کھو جائیں گے افلاک کے سب ثابت و سیار

ناگاہ فضا بانگ اذاں سے ہوئی لبریز
وہ نعرہ کہ ہل جاتا ہے جس سے دل کہسار!


Https://t.me/buttgeem

🌷🌷🌷محبت🌷🌷🌷



🌴🌴بال جبریل🌴🌴


144



شہید محبت نہ کافر نہ غازی
محبت کی رسمیں نہ ترکی نہ تازی

وہ کچھ اور شے ہے ، محبت نہیں ہے
سکھاتی ہے جو غزنوی کو ایازی

یہ جوہر اگر کار فرما نہیں ہے
تو ہیں علم و حکمت فقط شیشہ بازی

نہ محتاج سلطاں ، نہ مرعوب سلطاں
محبت ہے آزادی و بے نیازی

مرا فقر بہتر ہے اسکندری سے
یہ آدم گری ہے ، وہ آئینہ سازی


Https://t.me/buttgeem

🌷🌷ستارے کا پیغام🌷🌷



🌴🌴بال جبریل🌴🌴



145



مجھے ڈرا نہیں سکتی فضا کی تاریکی
مری سرشت میں ہے پاکی و درخشانی
تو اے مسافر شب! خود چراغ بن اپنا
کر اپنی رات کو داغ جگر سے نورانی

Https://t.me/buttgeem

🌷🌷جاوید کے نام🌷🌷


🌴🌴بال جبریل🌴🌴



146



دیار عشق میں اپنا مقام پیدا کر
نیا زمانہ ، نئے صبح و شام پیدا کر

خدا اگر دل فطرت شناس دے تجھ کو
سکوت لالہ و گل سے کلام پیدا کر

اٹھا نہ شیشہ گران فرنگ کے احساں
سفال ہند سے مینا و جام پیدا کر

میں شاخ تاک ہوں ، میری غزل ہے میرا ثمر
مرے ثمر سے مےء لالہ فام پیدا کر

مرا طریق امیری نہیں ، فقیری ہے
خودی نہ بیچ ، غریبی میں نام پیدا کر!




@buttgeem


Https://t.me/buttgeem

🌷🌷فلسفہ و مذہب🌷🌷



🌴🌴بال جبریل🌴🌴


147




یہ آفتاب کیا ، یہ سپہر بریں ہے کیا!
سمجھ نہیں تسلسل شام و سحر کو میں

اپنے وطن میں ہوں کہ غریب الدیار ہوں
ڈرت ہوں دیکھ دیکھ کے اس دشت و در کو میں

کھلت نہیں مرے سفر زندگی کا راز
لاؤں کہاں سے بندۂ صاحب نظر کو میں

حیراں ہے بو علی کہ میں آیا کہاں سے ہوں
رومی یہ سوچتا ہے کہ جاؤں کدھر کو میں

جات ہوں تھوڑی دور ہر اک راہرو کے ساتھ
پہچانت نہیں ہوں ابھی راہبر کو میں




@buttgeem


Https://t.me/buttgeem

🌷🌷یورپ سے ایک خط🌷🌷



🌴🌴بال جبریل🌴🌴


148



ہم خوگر محسوس ہیں ساحل کے خریدار
اک بحر پر آشوب و پر اسرار ہے رومی

تو بھی ہے اسی قافلہء شوق میں اقبال
جس قافلہء شوق کا سالار ہے رومی

اس عصر کو بھی اس نے دیا ہے کوئی پیغام؟
کہتے ہیں چراغ رہ احرار ہے رومی

جواب

کہ نباید خورد و جو ہمچوں خراں
آہوانہ در ختن چر ارغواں

ہر کہ کاہ و جو خورد قرباں شود
ہر کہ نور حق خورد قرآں شود


@buttgeem

Https://t.me/buttgeem

🌷🌷نپولین کے مزار پر🌷🌷



🌴🌴بال جبریل🌴🌴


149



راز ہے ، راز ہے تقدیر جہان تگ و تاز
جوش کردار سے کھل جاتے ہیں تقدیر کے راز

جوش کردار سے شمشیر سکندر کا طلوع
کوہ الوند ہوا جس کی حرارت سے گداز

جوش کردار سے تیمور کا سیل ہمہ گیر
سیل کے سامنے کیا شے ہے نشیب اور فراز

صف جنگاہ میں مردان خدا کی تکبیر
جوش کردار سے بنتی ہے خدا کی آواز

ہے مگر فرصت کردار نفس یا دو نفس
عوض یک دو نفس قبر کی شب ہائے دراز!

''عاقبت منزل ما وادی خاموشان است
حالیا غلغلہ در گنبد افلاک انداز''!


@buttgeem

Https://t.me/buttgeem

🌷🌷🌷مسولینی🌷🌷🌷


🌴🌴بال جبریل🌴🌴


150



ندرت فکر و عمل کیا شے ہے ، ذوق انقلاب
ندرت فکر و عمل کیا شے ہے ، ملت کا شباب

ندرت فکر و عمل سے معجزات زندگی
ندرت فکر و عمل سے سنگ خارا لعل ناب

رومتہ الکبرے! دگرگوں ہوگیا تیرا ضمیر
اینکہ می بینم بہ بیدار یست یارب یا بہ خواب!

چشم پیران کہن میں زندگانی کا فروغ
نوجواں تیرے ہیں سوز آرزو سے سینہ تاب

یہ محبت کی حرارت ، یہ تمنا ، یہ نمود
فصل گل میں پھول رہ سکتے نہیں زیر حجاب

نغمہ ہائے شوق سے تیری فضا معمور ہے
زخمہ ور کا منتظر تھا تیری فطرت کا رباب

فیض یہ کس کی نظر کا ہے ، کرامت کس کی ہے؟
وہ کہ ہے حس کی نگہ مثل شعاع آفتاب!



@buttgeem

Https://t.me/buttgeem

🌷🌷🌷سوال🌷🌷🌷



🌴🌴بال جبریل🌴🌴


151



اک مفلس خود دار یہ کہتا تھا خدا سے
میں کر نہیں سکتا گلۂ درد فقیری
لیکن یہ بتا ، تیری اجازت سے فرشتے
کرتے ہیں عطا مرد فرومایہ کو میری ؟


@buttgeem

Https://t.me/buttgeem

🌷🌷پنچاب کے دہقان سے🌷🌷



🌴🌴بال جبریل🌴🌴


152



بتا کیا تری زندگی کا ہے راز
ہزاروں برس سے ہے تو خاک باز

اسی خاک میں دب گئی تیری آگ
سحر کی اذاں ہوگئی ، اب تو جاگ!

زمیں میں ہے گو خاکیوں کی برات
نہیں اس اندھیرے میں آب حیات

زمانے میں جھوٹا ہے اس کا نگیں
جو اپنی خودی کو پرکھتا نہیں

بتان شعوب و قبائل کو توڑ
رسوم کہن کے سلاسل کو توڑ

یہی دین محکم ، یہی فتح باب
کہ دنیا میں توحید ہو بے حجاب

بخاک بدن دانہء دل فشاں
کہ ایں دانہ داردز حاصل نشاں


@buttgeem


Https://t.me/buttgeem

🌷🌷نادر شاہ افغان🌷🌷


🌴🌴بال جبریل🌴🌴


153



حضور حق سے چلا لے کے لولوئے لالا
وہ ابر جس سے رگ گل ہے مثل تار نفس

بہشت راہ میں دیکھا تو ہو گیا بیتاب
عجب مقام ہے ، جی چاہتا ہے جاؤں برس

صدا بہشت سے آئی کہ منتظر ہے ترا
ہرات و کابل و غزنی کا سبزۂ نورس

سرشک دیدہ نادر بہ داغ لالہ فشاں
چناں کہ آتش او را دگر فرونہ نشاں!


@buttgeem

Https://t.me/buttgeem

🌷🌷خوشحال خاں کی وصیت🌷🌷


🌴🌴بال جبریل🌴🌴


154



قبائل ہوں ملت کی وحدت میں گم
کہ ہو نام افغانیوں کا بلند

محبت مجھے ان جوانوں سے ہے
ستاروں پہ جو ڈالتے ہیں کمند

مغل سے کسی طرح کمتر نہیں
قہستاں کا یہ بچہء ارجمند

کہوں تجھ سے اے ہم نشیں دل کی بات
وہ مدفن ہے خوشحال خاں کو پسند

اڑا کر نہ لائے جہاں باد کوہ
مغل شہسواروں کی گرد سمند!
---------------------------


@buttgeem


Https://t.me/buttgeem

🌷🌷تاتاری کا خواب🌷🌷


🌴🌴بال جبریل🌴🌴


155



کہیں سجادہ و عمامہ رہزن
کہیں ترسا بچوں کی چشم بے باک!

ردائے دین و ملت پارہ پارہ
قبائے ملک و دولت چاک در چاک!

مرا ایماں تو ہے باقی ولیکن
نہ کھا جائے کہیں شعلے کو خاشاک!

ہوائے تند کی موجوں میں محصور
سمرقند و بخارا کی کف خاک!

'بگرداگرد خود چندانکہ بینم
بلا انگشتری و من نگینم '

یکایک ہل گئی خاک سمرقند
اٹھا تیمور کی تربت سے اک نور

شفق آمیز تھی اس کی سفیدی
صدا آئی کہ ''میں ہوں روح تیمور

اگر محصور ہیں مردان تاتار
نہیں اللہ کی تقدیر محصور

تقاضا زندگی کا کیا یہی ہے
کہ تورانی ہو تورانی سے مہجور؟

'خودی را سوز و تابے دیگرے دہ
جہاں را انقلابے دیگرے دہ''


@buttgeem

Https://t.me/buttgeem

🌷🌷حال و مقام🌷🌷


🌴🌴بال جبریل🌴🌴


156



دل زندہ و بیدار اگر ہو تو بتدریج
بندے کو عطا کرتے ہیں چشم نگراں اور

احوال و مقامات پہ موقوف ہے سب کچھ
ہر لحظہ ہے سالک کا زماں اور مکاں اور

الفاظ و معانی میں تفاوت نہیں لیکن
ملا کی اذاں اور مجاہد کی اذاں اور

پرواز ہے دونوں کی اسی ایک فضا میں
کرگس کا جہاں اور ہے ، شاہیں کا جہاں اور


@buttgeem

Https://t.me/buttgeem

🌷🌷ابوالعلا معری🌷🌷


🌴🌴بال جبریل🌴🌴


157



کہتے ہیں کبھی گوشت نہ کھاتا تھا معری
پھل پھول پہ کرتا تھا ہمیشہ گزر اوقات

اک دوست نے بھونا ہوا تیتر اسے بھیجا
شاید کہ وہ شاطر اسی ترکیب سے ہو مات

یہ خوان تر و تازہ معری نے جو دیکھا
کہنے لگا وہ صاحب غفران و لزومات

اے مرغک بیچارہ! ذرا یہ تو بتا تو
تیرا وہ گنہ کیا تھا یہ ہے جس کی مکافات؟

افسوس ، صد افسوس کہ شاہیں نہ بنا تو
دیکھے نہ تری آنکھ نے فطرت کے اشارات

تقدیر کے قاضی کا یہ فتوی ہے ازل سے
ہے جرم ضعیفی کی سزا مرگ مفاجات!



@buttgeem


Https://t.me/buttgeem

🌷🌷🌷سنیما🌷🌷🌷




🌴🌴بال جبریل🌴🌴



158



وہی بت فروشی ، وہی بت گری ہے
سنیما ہے یا صنعت آزری ہے

وہ صنعت نہ تھی ، شیوۂ کافری تھا
یہ صنعت نہیں ، شیوۂ ساحری ہے

وہ مذہب تھا اقوام عہد کہن کا
یہ تہذیب حاضر کی سوداگری ہے

وہ دنیا کی مٹی ، یہ دوزخ کی مٹی
وہ بت خانہ خاکی ، یہ خاکستری ہے


@buttgeem


Https://t.me/buttgeem

🌷🌷پنچاب کے پیرزادوں سے🌷🌷



🌴🌴بال جبریل🌴🌴


159



حاضر ہوا میں شیخ مجدد کی لحد پر
وہ خاک کہ ہے زیر فلک مطلع انوار

اس خاک کے ذروں سے ہیں شرمندہ ستارے
اس خاک میں پوشیدہ ہے وہ صاحب اسرار

گردن نہ جھکی جس کی جہانگیر کے آگے
جس کے نفس گرم سے ہے گرمی احرار

وہ ہند میں سرمایہء ملت کا نگہباں
اللہ نے بر وقت کیا جس کو خبردار

کی عرض یہ میں نے کہ عطا فقر ہو مجھ کو
آنکھیں مری بینا ہیں ، و لیکن نہیں بیدار!

آئی یہ صدا سلسلہء فقر ہوا بند
ہیں اہل نظر کشور پنجاب سے بیزار

عارف کا ٹھکانا نہیں وہ خطہ کہ جس میں
پیدا کلہ فقر سے ہو طرۂ دستار

باقی کلہ فقر سے تھا ولولہء حق
طروں نے چڑھایا نشہء 'خدمت سرکار'!



@buttgeem


Https://t.me/buttgeem