يا دنيا هاي اجروحي
مهضومه ظلت روحي

اخر انفاسي خيم محترگه بيه
ركضة التل من يجن ليلي عليه
*******************************
منتظره يلفيني الگمر.....والدمعه تحچي ابعيني
والحسره عاشت بالگلب..عالفرگه تمشي اسنيني
شيبني دهري وحدبت.......نار الهجر تچويني
والعدهه راس عله الرمح......ليش الدهر
يسبيني

تانيته حامي اضعوني
محنيه حسره امتوني

كون هسه الكافل يعاين اليه
ركضة التل من يجن ليلي عليه
*******************************
شتريد منطيتك گمر.......يادهري ارحم بيه
والعايشه اسهام وخيم.....تگضي العمر مسبيه
والغربه صارتلي وطن.......زينب تظل محنيه
وزعته عمري ابكربله..........لسه الچوي ابرجليه

اتمنه كون احلامي
اگعد واشوف الضامي

حسين هذا اگبالي ياروح الزجيه
ركضة التل من يجن ليلي عليه
*******************************
يذبحني مرات الحچي....والونه تحني اظلوعي
مالحظه ناسيته السبي.....يشرح هضم موضوعي
والناگه چانت قصتي........اتبين عذاب ادموعي
والچانو وياها الاهل .......طفوها ليش اشموعي

اشچم مره تهوه الناگه
ابعبره وطحت خناگه

ليش لا عباس وانه اصفج بديه
ركضة التل من يجن ليلي عليه
*******************************
نار المخيم ما طفت........صارت رماد اخيامي
لسه واعيش ابحسرتي....شفت المطهم دامي
والحافر الجايب صدر......ياويلي ذبح احلامي
وحسين نایم عله الگفه.....مرمي حبيبي الضامي

دمعي يسولف حاله
عشره الشفت خياله

تسحك بصدره يويلي الاعوجيه
ركضة التل من يجن ليلي عليه
*******************************
شفت المثلث والچبد...... وگبالي مابطل يون
والحافر بصدره انكسر....يذبحني تاليته الحزن
لسه بأذاني چم ظلع.....بالكسره اسمعنه
يرن
وجروحي ماتنعد بعد.....ماغمض اعيونه الجفن

اصحه وافز بس خيمه
محترگه وسط والهيمه

حسين خويه اتعذب وانه برزيه
ركضة التل من يجن ليلي عليه
*******************************
چم مره عانيت الهزل......والناگه تعثر بيه
اتلفت اشلونه الضعن......مثلي وهوت علويه
كل ديره مابيها رحم......تنظر عجيبه اعليه
مادنگت راسي وعلي........ربنه جعل قدسيه

ياليلي تحچي اجروحي
ميته اشكثر يا روحي

اه من طاري السبي شوغاته بيه
ركضة التل من يجن ليلي عليه
*******************************
ذابحني يا ناس السبي..........ماتنسي سالفته
لاكافل اليمي حضر ....يبچي ويون يم اخته
خلصته عمري بالغرب......وشكد هضم شايفته
تاليته امشي اميسره... ..بالشام اصبح ميته

اليفگد شملهه اعزازه
مامش وراه جنّازه

وانه اريد الكافل بيوم المنيه
ركضة التل من يجن ليلي عليه
*******************************
تمت بعون الله تعالى
#خادمكم........ يوسف الفتلاوي

#تراث

نادت زينب الحره .... لاچن تجذب الونه
شلون اهنى بشراب الماي.. وحسين إنحرم منه
ــــــــــــــــــــــــــــــــــــــ
شلون أشرب وضوگ الماي.... وحسين إنچتل عطشان
حسين المرد دلالي.. من شفته على التربان
يلوج ينازع بروحه... سلبوه وبگى عريان

شلون انسى الگظى ضامي ... بن أمي حسين المچنى
شلون انساه.... الماي شلون اشربنه
ــــــــــــــــــــــــــــــــــــــ
مصاب حسين مثله مصاب ... لا صاير ولا يجره
ياهو الگبل ابو اليمه... ظامي وانگطع نحره
وادي كربلا والماي ..... مهر الزاچيه الزهره

وحسين إنذبح عطشان..... والماي إنمنع عنه
شلون انساه .... الماي شلون اشربه
ــــــــــــــــــــــــــــــــــــــ
آنه أم الحزن زينب .... ونيران الحزن بحشاي
تسري وعگب عين حسين... ماريدن بعد دنياي
آنه الفارگت جثته ... ورحت ميسره ويا عداي

خليته وردت جسمه... بيدي الگبره أنزلنه
شلون انساه ... الماي شلون اشربنه
ــــــــــــــــــــــــــــــــــــــ
آنه اللي شفت نارين ..... لاچن نار أشد من نار
نار الحرگت خيمنه .... ونار حرگت باب الدار
آنه اللي شفت صدرين ... واحد صوبه البسمار

واحد كربلا تخبرك.... شلون الخيل رضنه
شلون انساه... الماي شلون اشربنه
ــــــــــــــــــــــــــــــــــــــ
چم مصاب دهري الصاب ... گلبي وانجسم نصين
آنه الحزن ذوبني .... وآنه الشاهدت طشتين
چبد الحسن واحد بيه ... واحد بيه راس حسين
وسهام الدهر گلبي... بفگد حسين صابنه
شلون انساه ... الماي شلون اشربنه
ــــــــــــــــــــــــــــــــــــــ
آنه اللي وگفت مرتين..... والمرتين أذني
وگفه بمجلس إبن زياد... متشمت نشد عني
وگفه الثانيه بمجلس.... يزيد الكسرت وني

وماظل من هلي واحد ... بذيچ الساعه احشمنه
شلون انساه ....الماي شلون اشربنه
ــــــــــــــــــــــــــــــــــــــ
آنه اللي فجعني البين ... بهلي وصرت مفجوعه
آنه الشاهدت چفين ........للعباس مگطوعه
آنه الشفت اخويه حسين ..... كلها مكسره ضلوعه
ــــــــــــــــــــــــــــــــــــــ
آنه المانسيت حسين..... آنه زينب الكبرى
آنه البالصبر مثله..... وصبري نبع من صبره
آنه الدهر دولبني.... وبحسين شعمل دهره
ما خلاني ويا حسين.... لمن طاح اودعنه
شلون انساه .... الماي شلون اشربنه
ــــــــــــــــــــــــــــــــــــــ
إنجان السهم فت گلبه... أنا مصيبتي بالسهمين
آنه الشاركت همه .... حسين الشارك بهمين
آنه الرضعت وياه ..... وغذاني حليب أمي

شبيدي لو مايطح بيد.... جرعة ماي أشربنه
شلون انساه... الماي شلون اشربنه


الشاعر الشيخ جبار البناء الكربلائي


#الناشر@Alittio99

#فزاعيات. أربعين مولاتنا زينب (عليها السلام)

أجه يوم أربعيني وماهم أخواني
لا مـنهم خـبـر لا نـاعـي يـنعـانـي
لو مدفونه يمهم چا غربتي تهون
بيـن أگبورهم لـو صـاير أمچاني

(بالشام السباني.. أندفن تاليها)

يل بـاريت ظـعـني ردت تـبرالي
أجـه يـوم أربعيني ومـاهـو كفالي
لا رايه الترف لا جاني أخوي حسبن
مـن ياخـذ أبـثاري الـشام كـتالي

(غربه وبس شماته.. الشام والبيها)

صعبه ياهلي وماتنحچي الصعبه
مـحـد عـالغريـبه يـنـكسر گـلبه
بگلبي أكثر جرح يلچمني حد اليوم
لسه ياهلي وما خلصت الغربه

(ألما يمها أهلها ...الغربه تاذيها)

أنه وميته وسمعهم حچو عني
الشماته بموتتي وما بطلو مني
ما وياها رايه أسمعهم يگولون
حتى وبعد موتي الشام هاظمني

(شو محد أجاها ..وين أهاليها)

بالغربه أربيعني ويكسر الخاطر
تمنيت وي اخوتي الموته بالعاشر
بگبري وحن دليلي وگلت هلبت عاد
وي زواري أشوف من اخوتي زاير

(كون أظعوني تجبل.. ويه واليها)

✍️حسين حمدان الدلفي

بيوم اربعين ام عون حيره
ماحضرو  اخوان  الأميره
التتيسر امن الخيم للشام
حته ابگبرها تضل اسيره

اليوم اربعين ام عون     وين اخوانها
،،،،،،،،،،،،،،،،،،،،،،،،،،،،،،،،،،
محد حضرها اليوم وسفه
بس  جيت  الخوان  كلفه
يحضر گبرها شلون الحسين
ويمسح گبرها الماكو جفه

ماناشف  الهل  يوم     جرح احزانها
اليوم اربعين ام عون   وين اخوانها
،،،،،،،،،،،،،،،،،،،،،،،،،،،،،،،،
كل ميت  ابيوم  اربعينه
يزورونه كل اهله وحزينه
بس اربعين ام عون ياناس
محد مشه الگبر الحنينه

هاي  ابحزنها  الصار     محد عانها
اليوم اربعين ام عون   وين اخوانها
،،،،،،،،،،،،،،،،،،،،،،،،،،،،،،
ابعيدين حلوين المحاجي
لو حضرو اطيح الخواجي
يتهدلون اخوانها اهدال
تستاهل ام عون البواجي

كلش  جبير  ايصير     عدهم شانها
اليوم اربعين ام عون   وين اخوانها
،،،،،،،،،،،،،،،،،،،،،،،،،،،،،،
بايگ سواد الطف عمرها
فراگ الأهل كاسر ضهرها
وين الهواشم مايحضرون
زينب ولا سيد  حضرها

ابضيمه الوكت ياناس    زينب خانها
اليوم اربعين ام عون   وين اخوانها
ابوفايز الرافضي

يسالوفة ضوه بعِزّ الضلام
وشحلاة السالفه الما تنكطع

انتَ اول بشر كطعوله راس
وضل يسولف ع الرمح بين الجمع

راس رتل بالكهف باحساسه ذاك
وشحلاة الصوت لمن ينسمع

رغم كطعوا راسك ودمك يسيل
وجهك امخضب ودمك ضل يشع

راسك اول راس ضلت روحه بي
ورمحك اول رمح يرفض يندفع

روح صارت بالرمح من لامساك
وراسك ايضوي عليه مثل الشمع

يعين راسك سيدي كلبك يصير
تعطش اختك وي بناتك ، والجمع

مو بعيده وما اضن تصعب عليك
ما اشك بهاي اذا رمحك يطك الهن نبع



الخادم حسن الكريماوي ✍️🏻.

الرحمه والخلود الى روح الشهيد
حسن نصر الله 




الله اوياك ... يالعازت وجهك ماتنسد
ما ننساك ... نيران افراگك ما تبرد
كون حذاك ... بگبرك يانصر الله توسد

طحت طيحت مناره امن الجوامع
بجيتك بجيت المن أمه ضايع
يبوهادي منو يعوضك هضيمه
بوكت قلت زلم بس انته طالع

يبو هادي ... يواحد بالفعل مالك بعد ثاني
يبوهادي ... سلملنه اعله ابومهدي وسليماني
الله اوياك    الله اوياك
،،،،،،،،،،،،،،،،،،،،،،،،،،،،،،،،
رايح وين ... مانحمل هجرك وحزانه
دمع العين ... موتك شيوخر نيشانه
مثل حسين ... مولاي امحير الدفانه

اليحبك مختنك بالفرگه صوته
بوداعك عشنه يانصر الله موته
مثل جدك صفت هاي المصيبه
اشكثر شماته متشمته ابلوته

يبوهادي ... يمولانا وصدگ كسرة ضهر هايه
يبوهادي ... طحت لاجن الك ضلت ترف رايه
الله اوياك    الله اوياك
،،،،،،،،،،،،،،،،،،،،،،،،،،،،،،،،
ليش تروح ... وضل فراغ مولاي امجانك
تنطي الروح ... ولا واحد يوصل جيرانك
بيك اجروح ... كلها وماعايف ميدانك

هضيمه المثلك اندفنه هضيمه
منو السامع  گبر يدفنله  غيمه
عزائك بالگلب مو بس جوادر
خريطة موطنك صارت يتيمه

يبوهادي ... عفتنه وجم جرح ضل عايش ويانه
يبوهادي ... عليك اشجم گلب ماتبرد احزانه
الله اوياك    الله اوياك
،،،،،،،،،،،،،،،،،،،،،،،،،،،،،،،،
مات الحيل ... والثوره خلافك مجفيه
گمره بليل ... وجهك جان يسولف ضيه
دمعه يسيل ... حشد الله وعين الحوثيه

ضهر شيعت علي بموتك كسرته
طحت وشجم گلب بعدك عصرته
اسد اذني واگولن بالگي بعده
ونداء الفرگه اضل عايش حسرته

يبوهادي ... عليك الشيعه ماتگطع نعاويها
يوهادي ... تره بتشييعك ايضل الوجع بيها
الله وياك     الله وياك

ابوفايز الرافضي
الفاتحه على روح والدي

اهـلا يـا مـوت الـمـشـيـب
يــا حـب الـمـالـه حـبـيـب
ڪل مـا طـولـت المـغـيب ... عـمـري يگصر
.....................................
مـن بـعـد اذنــك احـچـي وي گلبك
اڪثـر مـن الـهــم والله انه متعبك
نـــادراً ابــچــي و دائــمـاً اضــحـك
و انـتـه يـومــيـه واحـد يـذبــحـك

لا انـه فـازعـلـك فـده و لا انـه حـارگ دمـي
بـالـي وي نـاس مـهـاجره ناسيك بالك يمي

مـن شـفـتـك دم گـلـبـي گـال
بـــس هـــذا حـــبـــه حـــلال
ومـا انـطـي لـروحـي مـجال ... تعشك اكثر
🥡🥡🥡🥡🥡🥡
الـڪـون بـعــيـونــك اقــل مـن ذره
والــمـثـل حــالـي يـــمـك شــزغــره
چـا شــجـاه گـلـبــي ماعــرف قدره
والـعـجـب يـنـسـه وانـتـه الـتـذكره

مـن عـمـيـه عين الما تره اتنه الرقيب عليها
و تَـبَـاً لـهـل دنـيا اذا مـا احس وجودك بيها

دنـيـا بـلا مــهـدي تـصــيــر
ديــن بــلا يــوم الـــغــديــر
والـبـلـضـاهـر چـنـهـا حـرير ... وبـيـهـا اعثر
🥡🥡🥡🥡🥡🥡
امـنـيـتـي انـدلـك و اعـبـر غـيـابـك
و اڪشف اوهامي برؤية اصحابك
حـتـى اذا تـعـدني مـو مـن احبابك
بـس اريـد اگـضـي عـمري يم بابك

ارد ابـچـي يمك عالسبي الما ينحمل طاريه
يذبحك اذا نـاعـي نعـه زينب مشت مسبيه

ڪل خـطـوه طـفــلـه تـطيح
ڪل لـيـلــه حـرمـه تـصــيـح
وحـسـيـن بـرمـحـه ذبـيـح ... وجسمه بالبر
🥡🥡🥡🥡🥡🥡
غـفــلـتـي و ذنــبـي عـنـي بـعـدنـك
وبـس الـيـعـرفـك يــگـدر يـثـمـنـك
مـلـتـهـي بـغـيـرك وانـته وي حزنك
چـــا تــلاگـــيـــنـــا لــو احـــبـــنــك

الـوادم قـصـايـد مـو الـك ما اسـمع اليقراها
بـس القصيده التذكره روحـي تـروح ويـاها

الـــبــابــك مـا عــندي سـواه
لـــو نــــــار يــضــمــني وراه
مــن نـــبـــرة رزقـــي هـــواه ... زوده اسعر
🥡🥡🥡🥡🥡🥡
حـچـوا عن ضـعـنـك ما وراه رجعه
سـيـد اسـألـمـن و وادمـي مـضيعه
واگـف الـجـيـتـك عـالـرمـش دمعه
ڪون ايـامـي ڪلــهـن الــجــمـعـه

فضـلك عليّ ما ينحچي واهبلي راي و رايه
منطيني من عمرك عـمر حتى ادرك المشايه

صــايـرلـك ضــهـري هــلال
يـڪـمـل لــو گـتـلـي تـعـال
هـــذا اول واخـــر ســــؤال ... يـمتى تضهر
......................................

#الشاعر_ياسين_حميد_الصالحي

#الناشر@Alittio99

(مـوش مـن اهـلها الـشـايـلـيـن الــتـابـوت)
(حرمونا نبچي ابابها الجابوها گوه علهزل)
.....................................
مـايـل يـا وڪـت بـأم الخـدر مايل
خاواها الحبل من عگب ابو فاضل
لا هـيـه المـيـته يمه و لا هوه جناز
بـديـار الـغـرب و تـمـضـحك العايل

(مـو يـم اخـوهـا انـدفـنـت بـنـص شـمات)
(سدو درب زوارچ يم عون وحدچ هلسنه)
🎟🎟🎟🎟🎟🎟
و لا واحـد بـچــاهـا و مـحــتـرگ دمه
ولا يــم الــجــنــازه تــــبــارو الــذمــه
بسكتـه اندفنت و مامش عليها ثقيب
و عالـتــابـوت زلـمــه تـنــادس بـزلمه

(هـاي الــجــنـازه مـبـيــنـه هـاي الــجـنـازه)
(يم عون بطلي من النشد محد يجي من اخوانچ)
(لو بيدي ابد ماعوفچ يم عون اعذريني السنه)
🎟🎟🎟🎟🎟🎟
صاحت لابن اخوها بمـدمع تهله
يـعـمـه بـاچـر الـديوان مـا طـبله
اموت هنا و لا امر عالزلم مرتين
طبـت السوگ علعلويه مو سهله

(عـمـه ارد امــوتــن مـالـي حـيـل الديـوان)
(ولا واحد تهل عينه يم بابي الاخضر هل سنه)
(ما لاطمه عله اخواني يم عون للطملج لطم)
.....................................

#الشاعر_براق_الخاقاني

#الناشر@Alittio99

ويـنـك يا راحـة بـالـي و سـر الـمـا يـنـگـال
وينك گالوا ناسيني وتحچي الناس اشكال

يمته ... يمته اڪسـرلك خـاطر
يمته ... يمته تـرجـع يـمــسـافـر
........................................
الضـلـت لـسـه اتـانـي 𒊹︎︎︎ وعيونك هاي اني
مـتعـوده بأهـلا يـأم عـون لـسـانك تلـگـاني
وحشه و موتي بداري 𒊹︎︎︎ هم تاذيك اخباري
خويه و همك اكسر خاطركم لو عايفني بداري

يـلـمـگـطـع وذر و عــيـونـك تـرابي
چنت خايف شمرهم يوصل البابي

حاول تمسـح دمعـتها المـهضــومه بلياك
حاول تتفهم وضعي وتاخذ روحي وياك

يمته ... يمته تـتـلــگـه الـحـايـر
يمته ... يمته تـرجـع يـمــسـافـر
🎗🎗🎗🎗🎗🎗
گـالولـك يالـغـالـي𒊹︎︎︎ انــسـب اول تالي
جاوبني وليش من اتشتم وجهك يتراوالي
وين البيهم غيره 𒊹︎︎︎ ديره تذبني بديره
ضاگت بعيوني و گمت اشعر كل گاع الله زغيره

لا ردت الــدلال و لا قـصـر عـالـي
ردت الليل يرحم كسرتي و حالي

ويلي غربه و عطـشانه و لا رايه و لا راي
ويلي اذكرها اشفافك كل ما شوف الماي

يمته ... يمته تـخلــص يالعاشر
يمته ... يمته تـرجـع يـمـسـافـر
🎗🎗🎗🎗🎗🎗
صعبه عله العلويه 𒊹︎︎︎ تـتـگـيـد يـومـيـه
والتتسمه ام عون بوكتك سموها المسبيه
و الما شافوا ضلها 𒊹︎︎︎ هسه انشافت كلها
ارجع بس طفيها خيامك و ايد ابنيتك فلها

امـسـح راسـها و گللها مأجـوره
عشناها و رقيه بنفـس المروره

واحد غافلني و طگـهـن و يشتمهن ذاك
واحد سوطه عله موتني من يمك لهناك

يمته ... يمته يـرحـمـنـي الـحـافر
يمته ... يمته تـرجــع يـمــســافـر
🎗🎗🎗🎗🎗🎗
متوذر يا صيتي 𒊹︎︎︎ يلــتـفـتـر بريـتي
مثل البيرغ چنت بنصكم و بنصهـم تاليتي
اعثر من تـتلاگه 𒊹︎︎︎ الروس وي الناگه
ما مشـتاگه لعـون بگد ما لعيونك مشتاگه

افـهـم عـلـتـي و تـصـور الـبيه
اخــتك مـا تعـيـش بغير حنيه

الحيره ارجع يم صدرگ لو ابقه يم الراس
حيره بـيـمـن تـتـنخـه الـمـا عـدها العباس

يمته ... يمته يــبـــرد دم فـايـر
يمته ... يمته تـرجـع يـمـسـافر
🎗🎗🎗🎗🎗🎗
اذڪر ذيــچ ايـــامـي 𒊹︎︎︎ گــعدتكـم گدامي
هسه واحدكم متوذر شابع دوس وضامي
دمعه ووخاف ابچيها 𒊹︎︎︎ شمات اتانيها
خويه و حتى المشتاگتلك اتغشه و احجيها

ڪثرانه الـشمـاته الـوادم شبيها
گبل تعمه الشـوارع من نمر بيها

ليله مـحد يـفـهـمـهـا و لا عـايـشـها انسان
ليله وصــلــت تــتـچـــتـف ايــات الـقـران

يمته ... يمته تـلـگـالـك ناصـر
يمته ... يمته ترجـع يمـسـافر
🎗🎗🎗🎗🎗🎗
الفاگد الله يعينه 𒊹︎︎︎ شيخلصها سنينه
طبع الموت يتاني الوادم بس احنا متانينه
الماچوم تعرفونه من يتغير لونه
تلگون الفاگد وجهه اصفر و تفضحه عيونه

اذا مات الـعزيـز يـمـوت اعزازه
هوه اليـنـدفن بـس انه الجنازه

طولي حدب مـن طـاحـت رايتكم للگاع
طولي من تالي ينشاف وي الراس انباع

يمته ... يمته تـسألـنـي شـصـاير
يمته ... يمته تــرجـع يـمـسـافـر
..................................

#الشاعر_محمد_رسول_الحميري

#الناشر@Alittio99

خادم جيتك ...يالحبيتك ..بس كونك تقبلني
ويه الوادم...اصبح خادم...والزهره اتسجلني
اه يحسيني اونضرة عيني
خادم لترابك خليني
بس كونك تقبلني ...بس كونك تقبلني
========@@@======
خدمتك مشتريهه سيدي ابروحي
يابلسم شفه اونازل على اجروحي
انه العمري گضيته ابونتي اونوحي
عليك انته اوعله امصابك يمذبوحي

الدنيا بدونك...لاوعيونك...ماتسوى بلا انته
امشي بزودك..لجل اوجودك..كل العالم عفته
يامعشوگي الما ناسيني
خادم لترابك خليني
بس كونك تقبلني ..بس كونك تقبلني
=========@@@======
زغيرة الدنيا عندي اشما اتأملهه
اوجودك ياعزيز الزهرة جملهه
اريدآ خدمتك دوم احتمي بضلهه
اضحي ابكلشي بس كون انته تقبلهه

خادم لجلك...لاما ابدلك...يالساكن دلالي
صاحب كلفه...والمد چفه ...لامايرجع خالي
مولاي ابخيرك غاطيني
خادم لترابك خليني
بس كونك تقبلني ...بس كونك تقبلني
========@@@========
ذله كل خدامه سيدي أدريهه
الك بس ابكرامه ايعيش راعيهه
الحياة ابلا نفع لو انته مابيهه
اوجنة مرقد وين انه الگيهه
بيش ابديلك..وارد احچيلك ..وابروحي المختنگه
اتهيج اجنوني...او تبچي عيوني ..لوطولة الفرگه
لاما اعوفنك تدريني
خادم لترابك خليني
بس كونك تقبلني ..بس كونك تقبلني
========@@@========
الوجه عنك ادريره بيا خِلگ أگدر
تقبلني اقل خادم يبو الاكبر
اريد ابچي اعله ضلعك وابچي عالمنحر
اومن اذكر مصابك فاطمه تحضر
الخيل الهاجت...روحك لاجت..واضلوعك داسنهه
زينب صاحت...يمك طاحت..ون الكون الونهه
يمضحيلي امضحي لديني
خادم لترابك خليني
بس كونك تقبلني .بس كونك تقبلني
========@@@==========
انه المخلوق يحسين اويعاشورك
اويشرفني تراب اليمشي وايزورك
يمن عينك عليه وايقَن احضورك
ضلمه دنيتي بس ضاويه ابنورك
واعله المنبر...لسَه اتذكر..چلمه لسيد
جاسم.
بيك اتچلب...بسمك تندب ..هيچ ايحث الوادم.
اوبيك امچلب طول اسنيني
خادم لترابك خليني
بس كونك تقبلني ...بس كونك تقبلني
========@@@=========
عهد لمك نطيته وهالعهد للدوم
ابد والله ما انسه حُسينآ يوم
ياعطشان يامذبوح يامضلوم
ال ايحبك يحب الباري القيوم
ساكن گلبي ...امنور دربي..وانته الكلشي بعمري.
گلبي ايطوفك...لاما اعوفك...مولاي انته التدري
عطشان انته بس راويني
خادم لترابك خليني
بس كونك تقبلني بس كونك تقبلني

الشاعر
ابو عبدالله الشمري

حي الله نوماس الحروب
بالحومه حط ليهم اگلوب
ابن الشلع خيبر ابأيد
وطلعها شمس الله الغروب

ابوالغيره ادخيله .... ورث حيدر حيله
ابن قالع خيبر  ....  النهر ناوي يشيله
حي الله عباس  حي الله عباس
،،،،،،،،،،،،،،،،،،،،،،،،،،،،،،،،
ابطن امه  ويرافس  الزين
من يسمع ابطاري الحسين
حضن امه ماكفه للحيد
يغفه اعله عطر الصواوين

كفل اخته بزوده .... ونهر سوه زنوده
النهر جابه بمايه .... ونبع گصته ابجوده
حي الله عباس  حي الله عباس
،،،،،،،،،،،،،،،،،،،،،،،،،،،،،،،،
من لونه لون الشمس صار
من زغره ويسولف اكبار
ماثنه طگاته عالروس
حار ويحب ملگت الحار

الحرب ماينطيها .... البرزخ امراويها
يادخيل الساقي .... المعركه امحليها
حي الله عباس  حي الله عباس
،،،،،،،،،،،،،،،،،،،،،،،،،،،،،،،،
عباس ابوالغيره معروف
سامع ولا يعرف الخوف
مكفيته ريشاته عالهام
تكتل ولا حاجه السيوف

ابوالغيره القائد .... ابد ميرد واحد
لو نخيته ابشده .... گلبك يضل بارد
حي الله عباس  حي الله عباس
العبد ... ابوفايز الرافضي

قصيدة اربعين زينب ع••♕
ثگيل حزن


ارد اعاتبكم يخوتي وبزر گلبي العل ثره
ليش ماواحد لافني وروحي ضلت حايره
•••••••••••••••••••••••••••••••••••••••••••••••

عادت الميت يخوتي لو وصله للااربعين
تلفي يمه أهل بيته وتصرخ بهم اونين
ليش زينب ماتجوهه ومالفه يمهه حنين
عون يبني امك انه ودري بالصار وجره

•••••••••••••••••••••••••••••••••••••••••••••••

اربعيني اليله هايه وصحني فارغ ياهلي
محد ابدمعه لفاني وزار زينب بت علي
بموتي محد شال نعشي لا بنيني وكافلي
حيل مشتاگه ابغربتي والنواضر دايره

•••••••••••••••••••••••••••••••••••••••••••••••

محد الرش اعله گبري ولاشربته بخيمتي
الماي خله بيه عله وتعب واصل هامتي
لشام غربه وهاي غربه لماوصل يم حضرتي
الشام تعبني وكتلني وخله روحي مدهوره

•••••••••••••••••••••••••••••••••••••••••••••••

وصعبه من تضل غريبه زينب بهذا الوضع
لطلع من ظهري جفاني وگبري باقي بلادمع
بلسياط وبالشتايم گلب زينبكم وگع
لغربه تكتل ياال هاشم حالي صعب لفسره

•••••••••••••••••••••••••••••••••••••••••••••••

ارد اناشدكم يخوتي وكل بنيني لبطفوف
گبري اظلم والمصيبه محد اعليه يطوف
ادري بيكم عالوطيه موذرين بهل سيوف
لاجن انه بغربه وحدي ونار بيه موجره

•••••••••••••••••••••••••••••••••••••••••••••••

منيتي تلتم العشيره كلهه يمي اعله الگبر
وترجع المه الحنينه وماكو غربه ولايسر
تلجم يروحي المصيبه وراحت ايام العمر
اربعيني وماكو واحد يبچي يم هاي لمره

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1447ه‍
تمت//2025/2/21

قصيدة غربه وربعينيه••♕
نزال حزن


گضه كل عمري غريبه ولاحنين
ومحد من خواني سوالي اربعين
•••••••••••••••••••••••••••••••••••••••••••••••

ومحد من اخوان زينبكم لفه
ادري بالعباس عالنهر انجفه
بين غربه وشام كل داري طفه
لانعي ولاصوت منكم لا ونين

•••••••••••••••••••••••••••••••••••••••••••••••

وحدي ومظلومه تالي بهل گبر
روحي يم الباب ظلت تنتظر
ظلمه كلهه وماكو بالشام لگمر
انه اختكم ليش ماتبچيلي عين

•••••••••••••••••••••••••••••••••••••••••••••••

طاهره وعلويه بت اشرف نسب
وگبل چان الوحي يستأذن يطب
وسفه يم گبري تجي اجناب وغرب
صحني فارغ يخوتي من لزائرين

•••••••••••••••••••••••••••••••••••••••••••••••

ومحد اعله لگبر رش بچفه ماي
عگب چفك يالگمر يلهب ضماي
وين چانت خويه مضمومتلي هاي
بهيچي غربه أبد مامرت سنين

•••••••••••••••••••••••••••••••••••••••••••••••

خويه احاچيكم تجوني لحضرتي
روحي ملت من ونيني وفرگتي
لشام صلفه وماكو رحمه يخوتي
مثل عملت كربله وحال الحسين

•••••••••••••••••••••••••••••••••••••••••••••••

المغرب ايسدونه بابي ولاضوه
نشلع گلبي بخيمتي وهسه نچوه
ملح صارو عالجرح ونتم دوه
گبري صار عليه چن واحد سجين

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1447ه‍
تمت //2025/2/16

قصيدة حال لغريبه زينب•♕
ثگيل حزن


ظلمه جن ليلة لوحشه حضرتي بيهه لظلام
لا خواتي ولا خواني وبيهه دخان الخيام
•••••••••••••••••••••••••••••••••••••••••••••••

يمه يالزهره الحنينه شوفي زينبكم تعاي
البيه صاير عذباني وهمي كاسرلي گفاي
بغربه كل عمري ييمه وماتهنيت ابصباي
كربله شلت احوالي وصعبه بالهيمه ننام

•••••••••••••••••••••••••••••••••••••••••••••••

عگب ذيج المه كلهه وحدي تاليهه صبحت
يمه هد حيلي چفيلي زين مني وماتت
عذباني حسين جرحه جرح گلبي وشيبت
بين شمات وعساكر بقت زينب للسهام

•••••••••••••••••••••••••••••••••••••••••••••••

ذاب حيلي وراح لوني والجره ماخله حيل
حرمه بالخمسين عمري حايره والدنيا ليل
امشي وي چتال اخوتي حرمه ولوادم تعيل
هم چفيله بالاايتامه وهم سبيه بلا مقام

•••••••••••••••••••••••••••••••••••••••••••••••

صعبه ونرافگ شماته والهواشم عالرماح
مچتفات اعله الهزايل وبيه ماتهده لجراح
لغربه تكتل عگب اخوتي محد لبينه ستراح
سهام نضرتهه لشماته ومايعرفون الحرام

•••••••••••••••••••••••••••••••••••••••••••••••

التعباني السوگ يمه وفرجه خلوه الضعن
وسفه تاليهه الغريبه تمشي وي اهل لفتن
الشام كله مرمراني شوفي يايمه الصحن
عذبونه بكلشي عدهم وقري عالدنيه اسلام

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1447ه‍

قصيدة شجاعة زينب ع••||


يازينب يازينب
يازينب يازينب


زينب الحره العفيفه الطاهره
من حچيهه مثلت كل حيدره
يزيد طاح گبالهه من الرعب
يامره زينب اتلحگچ يامره

رغم ذاك الحزن فوگ متونها
ورجفت كل الحدو بضعونها

يازينب يازينب

•••••••••••••••••••••••••••••••••••••••••••••••

فخر فاطم والزجيه امعتبره
وبالقصر وگفتهه سبع الگنطره
شالت احزان الطفو ف متونهه
صابره اعله لصار بالكون وجره

هاي اخت عباس وخت حسينها
وبالعلم من طاحو امحزمينها

يازينب يازينب

•••••••••••••••••••••••••••••••••••••••••••••••

شگد عضميه وفاهمه بت النبي
ماكسرهه السير لا حادي اجنبي
وبالشجاعه چنهه عباس الگمر
أنه بنته الهاشمي والطالبي

عنبر ابكل صوتهه لطيح زلم
ومن سترهه الگاع غطهه بهدم

يازينب يازينب

•••••••••••••••••••••••••••••••••••••••••••••••

مخدره ومهيوبه زينب عالكفر
شامخه بزود الهواشم والگمر
هايه بت الشرف مامنهه مثيل
من جلالتهه القصر كله انسطر

يمهه راس حسينهه وكفالهه
راس طگ ابراس من خيالهه

يازينب يازينب

•••••••••••••••••••••••••••••••••••••••••••••••

وشرد اوصفنچ بعد يالعالمه
هيبة الله وسيرتچ من فاطمه
صابره بزود وعلم عگبه خوتچ
وتبدي منچ مرحلتهه الملحمه

هجت القاده بزلمهه وشارده
چن علي وعباس زينب راده

يازينب يازينب

•••••••••••••••••••••••••••••••••••••••••••••••

چلمة الله وبيچ لازم تنحچي
والزلم من خوفهه شبعت بچي
الشام وهل شام منچ حايره
لشرف كله عليچ حاط ومنتچي

حضرتج بالشام ضل عنونها
ونتي شجرة هاشم وميزانها

يازينب يازينب

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1447ه‍

رمضــان هل بس ماكو الحباب
ومصــــــابهم بيه اعظم مصاب

الدنيه لحــــــــــضه بساع ودور
والبيــــت اشوفه تكول مهجور
راحو هــــــــــــلي ونامو بلكبور

وعتب بعد شيســــــوي العتاب

دارت الدنيــــــــــه وهاي اليام
وشــــكد فرق عن كعدت العام
ياوسفه هســــــــه وصرنه ايتام

وبكل مســــــــــــيه ندور اجواب

الميت بعــــــــــد لا ماضن يعود
بوكت الفطــــــور الباب مسدود
نعيد تره بــــــــــــهدومنه السود

وخلي الگلب بمــــــصابه ينعاب

گلبي وذكر كعــــــــــــدتكم وياي
وهسه الحــــــــزن ليمرد جلاي
بهــــــــــداي اون كل يوم بهداي

وحزني الگــتلني بــهاي السباب

اذكر گبــــــــــــــــل نكعد سويه
وهــــــــــــسه بحزن محد اليه
بوكت الســــــــــحور افرك بديه

بحســــرات اكولن حدر التراب


ابو سلام الجابري