احتضر وحسين اشوفه ... حاير ايضل بالغرب
مني احفظ هل وصيه...يابو فاضل بالگلب
حسين يوم اطفوفه
وحده لتعوفه
....................

انه الحسن يابو الفضل اسمع كلامي بنوحك
فكد الاخوه ماينحمل بگلبك يخلي جروحك
بغيابي الك اول سهم من الزمان ايلوحك
نعشي يخويه لو طلع تتمنه تطلع روحك

شايل بروحي اذيه.. وراح اروحن للأبد
تسري نيران بدليلي.. وجبدي ياخويه انمرد
شوفني آخر شوفه
وحده لتعوفه
..................

سامع انه من والدي ومن جدي هذا مصابي
خويه وكرب مني الأجل والموت هل دك بابي
انته وحسين بدفنتي تمشون يغله احباني
وتوسدوني بحفرتي وينهال فوكي ترابي

كلبي يم حسين يبقه... ومنضره اتخيله
جاي اشوف ايده اعله ضهره.. يضل غريب بكربله
بقصته المعروفه
وحده لتعوفه
...................

عباس خويه الكربله من تمشي ويه اضعونك
مهيوبه كل القافله والرايه فوك امتونك
زينب امانه بركبتك اختك تحير بدونك
لاتنسه هاي ام الخدر خليهه بين عيونك

مدلله زينب اميره.. لايمر بيهه الألم
يابو فاضل اني أريدك.. انته حارس عالخيم
خدر زينب طوفه
وحده لتعوفه
..................

شهر المحرم من يهل بالعاشر امن ايامه
يكسر حسين امن الهضم وعينه تضل لخيامه
وينضر أولاده ووخوته امذبحه كدامه
براس الحسين امن الضرب لاماتضل اعمامه

كلها تفتر اعله نحره.. الجدي باسه بدمعته
والشماته هواي خويه... ويفرحون بذبحته
بروحك الملهوفه
وحده لتعوفه
......................

ايطيح الحسين اعله الارض وتخيل انته النمظر
وثنعش طبره ينطبر ويسيل دم المنحر
ضنوة الزهره بلا رحم بسيوفهم يتوذر
بحر الشمس جسمه يضل فوك الرمال معفر

عله صدره الخيل تلعب... عشره خياله الترض
وجسمه من كد الحوافر... ينفرش فوك الارض
ودمه يصبح حوفه
وحده لتعوفه
...................

حبكم يضل وسط الگلب ياخويه ما انساكم
آخر لقاء بدنيتي هل يوم إليه وياكم
وبروحي مو هين ابد مثل الجمر فركاكم
وصيت جاسم بالشدد تلكونه عد عيناكم

واصل السم الجبدتي... وبالطشت الفظ دمه
راح اروح بهذا حالي... واشكي لمي فاطمه
بدمعتي المذروفه
وحده لتعوفه


محمد هادي العقابي

أنه الزهره... وبلوعت مصابي
فكد ابني... زيدلي عذابي
.............

شجاها الناس خلتني أهل دمعه وانه البضعه
عله خدي بعد آثار للصفعه
يطيب شلون ضلعلي وانه بس انعه صعب وضعه
لجموا گلبي ياهو الي يجي ايفجعه

اضل انعى... بدمعات انتحابي
فكد ابني... زيدلي عذابي
.................

الحسن هل يوم طاح وكثرن الأمي بجفن دامي
اصدله وهوه فتشت عيني وايامي
اشوفه ايلوج واني انهدمت احلامي الولد ضامي
السم حار ودليله ايذوب كدامي

عليي ردو... هم اندفع بابي
فكد ابني... زيدلي عذابي
...................

حضرت اهناك من حطو طشت يمه وخذت شمه
وتكطع كلبي من حزنه وكثر همه
الولد صعبه لون طاح وتشوفه امه النضر يعمه
إذا كدامها وتعاين الدمه

الحسن شفته... وبدموعي جوابي
فكد ابني... زيدلي عذابي
..................

طبك عينا ابين احبابه وإخوانه وشفت انه
زينب فوكه تنحب اخته لهفانه
يخويه تصيح اكعد احجي ويانه الحزن جانه
يبو ملگه الحلو من اتلگانه

اجيت الهم... من فركت غيابي
فكد ابني... زيدلي عذابي
...................

طلع نعشه ورموا بسهام اشوفنهم ولاجنهم
ميت بالنعش بس ماخلص منهم
وره التابوت اخوته وينسمع ونهم مشه عنهم
موت ابني الحسن ياناس كاسرهم

بهضم روحي... وايام اغترابي
فكد ابني... زيدلي عذابي
.................

تحوم الروح يمه وهالوا اترابه وعله غيابه
الهواشم كلهه حزنانه عله صوابه
بدمع العين رشوا كبره احبابه ولهابه
نار اكلوبهن للحسن ومصابه

انه بهمي... وللمحشر خطابي
فكد ابني... زيدلي عذابي



محمد هادي العقابي
***
قناة القصائد المنبريه: @Alittio99

قناةمحاضرات ونعي: @ahmqpo

قناة تر‌آ‌تيل آ‌لآ‌ن‌تظ‌آ‌ر‌: @aaiuq

المصابك يالحسن مانشفت عيوني
عليك أمن الدمع يمه نخطف لوني
..................

نخطف لوني يلون امك يفرحتهه
تعال وشوف روحي شكبر حسرتهه
يومك زيد بروحي مصيبتهه

مثل اليوم ذاكه البيه عصروني
عليك أمن الدمع يمه نخطف لوني
................

مكسورة ضلع ماينجبر ضلعي
يوميه عله واحد يهل دمعي
يبني مايطمنك لو شفت وضعي

فوك الهظم كل ساعه يجرحوني
عليك أمن الدمع يمه نخطف لوني
.....................

الك يمه سوالف ضلت ابالي
يافتشة عيون امك يدلالي
بيك الناس يبني شيبت حالي

سهام النعش من صابوك صابوني
عليك أمن الدمع يمه نخطف لوني
.................

بمصابك اني اجيت ويعتلي وني
وطشتك من نضرته حيره حيرني
شفت جبدك بنصه وصحت آ يبني

تره الاذوك كبلك اني اذوني
عليك أمن الدمع يمه نخطف لوني
................

ياجرح الاعوفه وياجرح ابدي
وليليه الدمع نايم عله خدي
بمصابك يالحسن والله انمرد جبدي

ردو يمه إليه اردود كسروني
عليك أمن الدمع يمه نخطف لوني
...................

طلع نعشك ييمه وزادت احزاني
عليك الدهر انعى بحركه خلاني
مضلومه وزماني هواي بجاني

إليه بكل وكت ناس اليعادوني
عليك أمن الدمع يمه نخطف لوني
..................

گلب امك الزهره ماكو احن منه
كل مجلس عليك بدمعي اتعنه
ايدي اعله الضلع ومعاشره الونه

لجموني بمصابك مايداووني
عليك أمن الدمع يمه نخطف لوني


محمد هادي العقابي
***
قناة القصائد المنبريه: @Alittio99

قناةمحاضرات ونعي: @ahmqpo

قناة تر‌آ‌تيل آ‌لآ‌ن‌تظ‌آ‌ر‌: @aaiuq

الاخو حزام الضهر
مشه وضهري انكسر
من عينه يحرمني الدهر
امن اديه.. راح امن اديه
...................

ونفتح باب الحزن.. ودمعه ضلت بالجفن
للاخو گلبي يحن.. كون اشوفه
بروحي شيعت الحسن.. ودفنت بيدي وطن
الهيبه ياناس اندفن.. شلون اعوفه

گلبي يوجعني بغيابه امن الألم ذاب الگلب
وصار دربي للمكابر راد رايح بالدرب
الفاتحه اقراهه يمه ودمعة عيوني تصب

العشت ويا سوه
انحرم شم الهوه
الجان بحياتي أجمل ضوه
امن اديه.. راح امن اديه
......................

امن الوكت دمعي يصب.. ماخذ عزاز الگلب فراك التحبه صعب.. من تودعه
الدنيه ماترحم احد .. لااخو ايضل لاولد
ايروح منك للأبد.. بلايه رجعه

مصابنه يختلف والله احنه ضنوة فاطمه
نعش اخوي اكبال عيني شفته بسهام انرمه
الوادم اعلينه شجاهه والذبحنه محزمه

وبعد هذا الجرح
يجي طف الذبح
والحسن يمي مايصح
امن اديه.. راح امن اديه
......................

محني ضهري امن الألم.. زلمه اخوي وماسلم
حسين انه وگلبي انلجم.. شلون زينب
تشوفني من انذبح.. وراسي ينشال برمح
وجرح نايم علجرح.. والله تتعب

كربله تخليني دامي بلا غسل وبلا جفن
ومايضل ضعن الهواشم ينسبي كل الضعن
وعله مصابي اني ادري بگبره وينوح الحسن

انه بولية غرب
اطيح امن الضرب
وشم الهوه يصبح صعب
امن اديه.. راح امن اديه
......................

من بعد ما انولي.. وعيني لخيامي وهلي
وني صوته يعتلي.. وتثكل ايدي
اه من ذاك الضهر.. ايخلي بيه شجم كسر
والشمر اه الشمر.. ايحز وريدي

الساني يابس من ضماي وگلبي ميجيسه البرد
والحوافر فوك صدري تلعب تروح وترد
جروحي الف وتسع ميه اليا جرح زينب تصد

يضربوني بحجر
ويخلي بوجهي اثر
وزينب تصيح امن القهر
امن اديه.. راح امن اديه
........................

الدمع من زينب يهل.. اه ياثكل الحمل
كبالهه ايطش الشمل.. بالصحاري
هاشميه مدلله.. حايره تضل بلفله
بين غربه بكربله.. وبين ناري

نار فركاي وحشتي ونار تلهب بالخيم
وحافيه تلم باليتامه والجمر جوه الجدم
والألم مو من سبيهه من يشتموهه الألم

المصايب تستمر
وبدايتهه اليسر
آ ياضعن ام الخدر
امن اديه.. راح امن اديه


محمد هادي العقابي
***
قناة القصائد المنبريه: @Alittio99

قناةمحاضرات ونعي: @ahmqpo

قناة تر‌آ‌تيل آ‌لآ‌ن‌تظ‌آ‌ر‌: @aaiuq

كد كيدك يزيد……..سويتك درس
ابغربيلك تريد…..تنظم الشمس

نحارب عن رسالتنه… وفديناهه ابعمرنا
ناصب جهدك وحاول….فلن تمحو ذكرنا
كد كيدك يزيد
…………………..
اصحى واترك أحلامك….. وافهم ياهي گدامك
ومن تحچي انكسر
واعرف حقدك شزادك ……ضلينه احنه اسيادك
ماهزنه اليسر
مال اتذلنه بالديوان هاي اوهامك انساها
شوچنك نسيت الزود محجوز النسل طه
احنه النغصب التاريخ باچر بينه يتباها
بسمنه الدنيا الله يريد مجراها ومرساها

انضرلك اسير…..وانه ابموطني
وهذا الما يصير….زينب تنحني

خل يسكت عطر قصرك…..اذا سولف عطرنا
ناصب جهدك وحاول….فلن تمحو ذكرنا
……………………………………..
اصغر طفله بالمحمل…..من تنظرلك اتعدّل
واوكف واستعد
وحدتهن علگ حضرة…….حراير وامهن الزهرة
وانت امك هند

ينطفه اموزعه اعلى الروس……وي ريحة علي اشعندك
ماكو ابمجلسك رداد……..رقيه ابقصرك اتردك
وفك حبلك عن السجاد…..لا بحبالك ايشدك
احنه النرشد اعلى الدين……يالشيطانك ايرشدك

انضر للبعيد……… شيطيح النجم
ولو رايد نطيح……احذر تنرجم
اخفظ راسك وصوتك……واذا نحچي انتظرنه
ناصب جهدك وحاول….فلن تمحو ذكرنا
…………………………………………
السبي وسوط العلى امتوني…….جميلا شافته اعيوني
ضحينه الأهم
عزبنا اعلى حب الله………وما ضمينه عبد الله
من حر السهم

اسعى واجتهد شتريد…..مستنقع ضحل قدرك
وطگ اشفاف ابو السجاد طلع الغل البصدرك
صفر عاليسره ما معدود…….مالك قيمه ما ازغرك
كتاب الله احنه محفوظين……ما نتحرف ابقصرك

محفوظ الكتاب……من كل البشر
وباجر بالحساب…..دورلك مفر
لا انت ولا غيرك……..يجي يصير ابكبرنا
ناصب جهدك وحاول….فلن تمحو ذكرنا
………………………………
فكرك واضح ابرايه….. وبس افهم هالحچايه
يالمالك علم
وكلش أنسه التريده الگاع اعلى السمه ابعيده
وبعد انته افتهم

انه احجيلك المطلوب كله واني مسبيه
وانه العاليه اعلى الكون ويسموني علويه
من كونك ابن ديوان ركز واعرف شبيه
وخطبة زينب الحوراء بذنك خلها ترچيه

لا تحسب محال……..يكسرني السبي
ولتظن بالحبال……تنذل بت نبي

گوم استأصل الشأفه………جذب فعلك يضرنه
ناصب جهدك وحاول….فلن تمحو ذكرنا
…………………………………
رد واتعلم الفاتك واتخيرها چلماتك
واحچيهن همس
سهله ولاتخلينه نردك وانته تدرينه
ردينه الشمس

موش احنه النضم الغيض لين البينه كافينه
احنه انكتر المخبوط يمك والنه صافينه
ليش اتطلع المضموم گوه واحنه خافينه
احنه الدنيا من اتميل نعدلها ابچفافينه

هذا اخر كلام……….مالك اي قدر
وعن ذبح الامام…..دورلك عذر

وخلي اشياخك اتشاهد…….حجم غاية نصرنه
ناصب جهدك وحاول…….فلن تمحو ذكرنا
…………
علي البوحمد الموسوي

عِبره وعَبره خل انصير….نسمع ، نلطم ،ونبچي
ولازم نكشف المستور…. عن صلح الحسن نحچي
الصلح حكمة…..المنو يفهمه…عقائد هالقضية
……………………………….
هذا الصلح خنفصله……وانجاوب اعلى الاسأله
والماله داعي انعوفه
تتنوع ادوار الصلح…..والهدف واحد يتضح
كل ابن انثى ايشوفه

الصلح غايه…..ابمعانيه…..ابد ما بيه مذله
رضا ابظالم…شنو النيه….اكيد يراعي جهله
مثل صلح ال…حديبيه…..النبي مسويها قبله

امامان الرسول ايكول….ان قاما وان قعدا
كهف نفهمهم المفروض….ونتبع امرهم رشدا

الحچي ايلمه…..المنو ايفهمه….عقائد هالقضية
………………………………………………………..
اول سبب نعتبره رد……لا عدّه يملك لا عدد
كلمة شرف نحجيها
ما يكدر ايكمل الدرب ……وانصارة من تبدي الحرب
مو مالت ايهد بيها

حرب يعلن…اذا جنده….اهل سمعا وطاعه
تجي البابه وتحج عنده…..وتضحي ابكل شجاعة
سمع منهم …حجي ابحدّه….وتنازل عن قناعة

قبل لا يهتز الغربيل…….تهمش وانكر فضله
مذل المؤمنين انكال…….عنه وهوه وجه الله

الصبر نعمه……المنو يفهمه……عقائد هالقضية
………………………………………………..
هذا الحصل وياه نعم…….واتقارن الدر بالفحم
هذا الزمان وحقده
وطف كربلا امن انعرفه…..نص النصر بالعاطفه
وهاي الحسن ما عنده

ولا واحد …..قبل يطلع…..ينصره اعلى الضلامه
الحسن قائد …..يهد ..يرجع…..يضل رمز الامامه
شرف الها…..تجي وتركع……تحت جدمه الزعامه

الحرب مو بالضرورة اتقوم…..اذا جان السلم اوله
نعم شاف الصلح مطلوب…..بيه يحقن دماء اهله
انكشف علمه……المنو يفهمه……عقائد هالقضية
…………………………………………………..
خل يفتهمني المعترض……صمت الحسن ثورة رفض
حرگت ورقته الظالم
وجمر الصلح يتقبله…….تمهيدا الطف الكربله
وسجل حضور ابجاسم

امس حيدر سكت مجبر…….على الهم والاذيه
الحسن يرفض……نعم يكدر….مشه ابفعل التقيه
وثمر هذا…..الصلح خظّر…..زلم للغاضرية

اليطعن بالحسن معروف…….جاهل يحجي من كيفه
الجمل والنهروان اشهود…….من ذل الزلم سيفه

الحسن اسمه……المنو ايفهمه……عقائد هالقضية
……………………………………………
جان النبي ايسمي الحسن……المصلح اليطفي الفتن
نص واضح وبيه معنى
عن موقعة الرسمي انسحب…..بس ما ترك دم الشعب
لهل السياسه الرعنه
الحسن حجه…..اصطفاه ربه……على ارضه وسماءه
الحسن خيمه ….وستر گلبه ……..الحسن واضح عطاءه
انسحب لاكن……علن حربه……..مثل سورة براءة

معاهدة الصلح يا ناس…….ثورة وفضحت الجاني
انكشف ظلم ابن ابو سفيان…….بين القاصي والداني

منو ايهزمه…..المنو ايفهمه……..عقائد هالقضية
……………………………..
علي البوحمد الموسوي

درب السبي ماينحمل
والمشكله نوگ وهزل
مايرهم اعليهن طفل
ياباالفضل ياباالفضل


على نوك الهزل لمن مشينه( 1)
وحده تعاين بوحده وبجينه
شكثر بينه حجي بسما حجينه
الهضيمه احبالهم تاكل بدينه
بچفوف اخيتك جم حبل ياباالفضل ياباالفضل
*
اول تالي فرجه نصير للناس( 2)
ليطيح من الهزل بالخيل ينداس
شي خلص الدرب من دون عباس
زينب ياخو زينب دنكت راس
درب السبي ما ينحمل. ياباالفضل ياباالفضل
*
ركضنه بلاوعي ولوادم هواي (3)
كاتلنه العطش وبعازت الماي
سحكنه شكد جمر ماندري حفاي
ارض صحره وشمس ومنين الفياي
والمشكله نوك وهزل. ياباالفضل ياباالفضل
***
يسبونه وحجيهم كله تجريح( 4)
من كثر السياط نكوم ونطيح
ولافزاع ينغر لمن نصيح
كل هذه وكضينه اليل تسبيح
وسكينه دمعتهه تهل. يابا الفضل ياباالفضل
****
يشمرونه بحجر من كل الكتار (5)
وحنه بنص شماته وزحمت النار
نركض بل براري زغار وكبار
نكعد مدري نوكف والرمل حار
كلش صعب لم الشمل. ياباالفضل ياباالفضل

عاشق العباس حسين حميد
***
قناة القصائد المنبريه: @Alittio99

قناةمحاضرات ونعي: @ahmqpo

قناة تر‌آ‌تيل آ‌لآ‌ن‌تظ‌آ‌ر‌: @aaiuq

#قصائد_منبريه
#استشهاد_الامام_الحسن_المجتبى_ع
موشح نجفي


يالحسن باب المضيف وعتبته
ماكو خطار انتظرهه فتحته
.............................
عادت اليكَصد لبيت اهل الكرم
يطرق الباب وسمع جلمة نَعَم
وانت بابك ماتسده ولا خَدم
عندك وانت اليخدمه صحبته
.............................
كعدتك بالباب تنتظره اليمر
والجفوف من الكرم صارن سمر
خلص عمرك بالمضيف وتنتظر
فرحة الخطار ساعة جيته
.............................
لا تدور صيت لا مال وذهب
بالكرم وجه الله رايد هالسبب
كبل ما سائل يسولف بالطلب
اتكرمه واكثر ما يريد ابطلبته
.............................
يبو محمد وانت تدري بهالامر
بس جفن واعمال تمشي للقبر
والكريم العاش ماراد العمر
هذا دنيه واخره انحب عشرته
.............................
ياحسافه ايحاربوك اهل الرجس
بدل ميوافوك لعمالك أمس
سمموك الجانو اضعاف النفِس
وانت زادك بالبطون الخانته
.............................
جبدك اتفتت يمسموم بألم
عمرك ابسِم ياحسافات انختم
ولاكو واحد منهم ايحس بالندم
كلهم السموك ذكرك ضدته
.............................
بروحك الفاضت لوجه الله ومشت
جم ألم واحزان عالفقره البقت
واليتامه بعدك انت اتيتمت
جا ابوهم انت من دم طيبته
.............................
حسين ينظر فكَدك ابلوعه وجرِح
يبجي لفراكَك يبو ملكَه السمِح
شال نعشك والتوه الطوله رمح
وتوكع اعله الكَاع من دم دمعته
.............................
مارضو بارض المدينه تندفن
وبسهام ارموك نحجيهه ابحزن
كل سهم بالنعش واصل للمتن
وانت ميت والاعادي جرحته
.............................
وانت الموصيهم ابحقن الدمه
ماكَدر عباس يجدح صارمه
جان يكَطعهه الرؤوس المجرمه
وبالمدينه اتصير غصبن دفنته

الشاعر ياسر العارضي
***
قناة القصائد المنبريه: @Alittio99

قناةمحاضرات ونعي: @ahmqpo

قناة تر‌آ‌تيل آ‌لآ‌ن‌تظ‌آ‌ر‌: @aaiuq

بويه .. بويه حيل طكاني الشمر
بويه .. بويه شيبت من الزغر
راح اموت راح اموت

طكني بالسوط وصحت .. أخ يابويه اندبت
زاد بسياطه عليه .. عافني لمن طحت
بويه والضربه ع راسي .. منه ابدآ ماشفت
بويه ماضلت تراجي .. انه رقيه تسلبت
ايدي حيل مورمه ....... بويه كاتلنه الضمه
بويه..بويه...........
@@@@@@@@@@@@@@@@@@من يمس روحي الخطر .. بصدرك ايكون المقر
هسه برماح اندفع .. من الرمح ضهري انكسر
جنت احط راسي ع صدرك .. راسي بالسوط
انحفر
بويه مشتاكه لشبكتك.. كون ابوسك بالنحر
لا اكو أم ولا دلال ...... بويه بس انت تعال
بويه بويه........
@@@@@@@@@@@@@@@@@@
من اطيح كباله يركض ...عمي ويذب عمامته
حيل يشبكني ويكلي .. رقيه وتصب دمعته
باليسر طحت عل وجهي ..نزف دم من ركبته
لوخفت للرمح اركض .. يغطيني عمي بغيرته
عمي بعيونه يضمني.... هسه بعيونه السهام
بويه..بويه .....
@@@@@@@@@@@@@@@@@@
امشي واليشكف بدالي .. عمتي زينب ورمت
اذكر بسوك ودخلنه ..من الضرب عمتي وكعت
هيه خيمتنا التلمني .. متون عمتي تشلعت
من ادور عله التراجي ..انظر لعمتي بجت
هاي زينبنه اسيره.... والشمر ماعده غيره
بويه بويه.....
اسالك الدعاء

الخادم ساجد العكيلي
***
قناة القصائد المنبريه: @Alittio99

قناةمحاضرات ونعي: @ahmqpo

قناة تر‌آ‌تيل آ‌لآ‌ن‌تظ‌آ‌ر‌: @aaiuq

تحزمنه او نشد رايه
لبو السجاد مشايه
____

لبو اسكينه تحزمنه
زحف مشايه للجنه
مشي الما ينشبع منه العزيز الروح والغايه

لبو السجاد خدامه
اليمشي مو عله اجدامه
او علي نمشيله علهامه نگله اوياك وفايه

اجينه الشوگ يحدينه
واذا تعبانه رجلينه
نزحفله عله ايدينه مهما تبعد الثايه

معشوگ الگلب هوّه
انه من غيره ما هوّه
ضامي اومنه اتروه ياماي العذب مايه

يماي اولا وكت ينضب
تسوه التعب من نتعب
گلبي الحبك اولا حب غيرك ماقنع رايه

اجيتك شايل اجروحي
يمعشوگي يمذبوحي
احس ابهل درب روحي چنها اعله العرش جايه

اجيتك زاير او خادم
يسيد گلبي والوادم
مشاي ابگلب هايم لطم كل دربي واقرايه

اقرالك واهل دمعه
وعلى ذاك الخدر انعه
الها ابهل وكت رجعه تجيك اجروحها اهوايه

امن اقطار الارض جينه
ابمدامعنه او بواچينه
انتلگه الحره واسكينه نسوي الهن افيايه

اجينه بربعينيتك
نزور او نخدم ابيتك
اوتضمنه انريد خاچيتك يرحمة الله والآيه

_____

ابو فاطمة الطائي
***
قناة القصائد المنبريه: @Alittio99

قناةمحاضرات ونعي: @ahmqpo

قناة تر‌آ‌تيل آ‌لآ‌ن‌تظ‌آ‌ر‌: @aaiuq

احنه خدام الحسين
احنه خدام الحسين
🌹🌹🌹🌹🌹🌹🌹🌹🌹🌹🌹🌹
علئ حسيني. بدمع عيني. اهل دموع
ولا زلمه. يبو اليمه. بقه مفجوع
اهل غيره. بقه بحيره كسر لضلوع

احنه خدام الحسين
احنه خدام الحسين
🌹🌹🌹🌹🌹🌹🌹🌹🌹🌹🌹🌹
لجل نحرك. نحنه ضهرك. اوكع خنصر
طلع روحي. بده جروحي. لجل منحر
الك لسنين. اه يحسين. علئ الطبر


احنه خدام الحسين
احنه خدام الحسين
🌹🌹🌹🌹🌹🌹🌹🌹🌹🌹🌹🌹
كضه عمرك. وحك كبرك. يبو اليمه
انه بكلشي. وكع رمشي. بحرك خيمه
انه بدمعي. نكسر ضلعي. بضرب حرمه

احنه خدام الحسين
اخنه خدام الحسين
🌹🌹🌹🌹🌹🌹🌹🌹🌹🌹🌹🌹
وحك زينب. عليك انحب. وكضي سنين
بدمع ابجي. وفلا احجي. الك يحسين
بدمع عيني. مع سنيني. كضه بيومين


احنه خدام الحسين.
احنه خدام الحسين
🌹🌹🌹🌹🌹🌹🌹🌹🌹🌹🌹
حرك خيمه. بضرب حرمه. فلا اصبر
الك عمري. وي ذخري. الك انذر
شفت زينب. بمتن يضرب واتحسر


احنه خدام الحسين
احنه خدام الحسين
🌹🌹🌹🌹🌹🌹🌹🌹🌹🌹🌹
يبو فاضل. بالمحامل. صدك زينب
مع رقيه. كضه عليه. بدمع انحب
م‌ـــِْن يسبي. خدر عالي. واترتب


احنه خدام الحسين
احنه خدام الحسين
🌹🌹🌹🌹🌹🌹🌹🌹🌹🌹🌹
لخادم الحسين ع.
الشاعر والرادود سيد عون الداوودي
***
قناة القصائد المنبريه: @Alittio99

قناةمحاضرات ونعي: @ahmqpo

قناة تر‌آ‌تيل آ‌لآ‌ن‌تظ‌آ‌ر‌: @aaiuq

فزاعيه.. نزال.. رجوع الضعن السبايا لكربلاء بعد غياب ٤٠ ليله((الاربعين))

گوم يا شارب علي تلگانه
من هضمنه نعثر ابممشانه
ـــــــــــــــــــــــــ
گوم ياعباس اريــــــــــد احجيلك
من هضمنه خويه اجيت  اشكيلك
يضـــــــــــــربوني لو درو ابجيلك

جبنه راسك يالگمر ويــــــانه
گوم يا شارب عــــلـي تلكانه
ـــــــــــــــــــــــــــــــــــــــــــــــ
گـــــوم خويه عليك امشي الزهره
أربعيـــــن امـــــــــــن الليالي يبره
ضعن هاشم بيــــــد ضالم أمـــــره

خويه وانواع الشتم سمعانه
گوم يا شارب عــــلي تلگانه
ـــــــــــــــــــــــــــــــــــــــــــــــــــــ
كرهت روحي خويه مـن گد الهضم
ويا ضـــربهم والحبل رضلي العضم
دهري ع الوعات وقــــــعلي وبصم

الفرگه خــويه والــدرب تعبانه
گوم يا شارب عــــــــلي تلگانه
ـــــــــــــــــــــــــــــــــــــــــــ
الفرگه يا عــــــــــــباس ألي چتاله
ومثل دمـــــــــــــــك دمعتي هماله
حالي يهضم لو تشوف الــــــــحاله

الشيل خويه نگعت من ابچانه
گوم يا شارب عـــــــلي تلگانه
ــــــــــــــــــــــــــــــــــــــــــــــــــــ
لفت زينب يالاخـــــــــــــو تلــــگاها
المـــــــــــوش زلمه زينبك طگــــاها
عني انــــــــــــــــواع الحچي گالاها

بالخـــــوارج يا وسف صاحانه
گوم يا شــــــــارب علي تلگانه
ــــــــــــــــــــــــــــــــــــــــــــــــــ
تمت
بفضلهم ورزقهم. صلوات ربي عليهم
الملا ياسر الزيادي
***
قناة القصائد المنبريه: @Alittio99

قناةمحاضرات ونعي: @ahmqpo

قناة تر‌آ‌تيل آ‌لآ‌ن‌تظ‌آ‌ر‌: @aaiuq

آه واويلا رقيه..يتيمه إوحيده
كلفه علويه سبيه..وتطر البيده
زغيره بالعمر..وتطب وسط القصر
یتیمه اوحیده
..........................................
طفله ما تعرف شنو معنات الوداع
طفله متعوّده تمشي بهيده عالگاع
وتالي تگضي كل وكتها ركاض كلساع
وبركضها تحط اديها فوگ الاضلاع

طفله ماضاگت الحیره..رقیه شتجرع!!؟؟
زغيره وايديها زغيره..الشگف ما ینفع
السطر فوگ الوجن..وسياط إعله المتن
يتيمه إوحيده
..........................................
طفله وحّدها تنوح إتصيح يا ويل
ومن بعيد إتصد سواده بظلمة الليل
ضنّت إحسين إلها يركض....وصاحت إدخيل
ما تلاگت وي ابوها تلگّت الخیل

فتحت إيديها وتنادي..يبويه إحضنّي
خايفه من الأعادي..تِزَيّد ونّي
تمد ايدك اريد..الحزن مدّالي إيد
يتيمه إوحيده
.........................
طفله ما ضاگت ابد نوم العوافي
ما غفت بس الحبل بيدها غافي
من عله الناگه إصرِخَت يبست إشفافي
امن التعب طاحت رقيه إبجدم حافي

غافيه چانت واجاها..زجر گعّدها
فزّت وسوط إبگفاها..وسطرها بخدها
عليها ما يحن..الزغيره تنحضن
يتيمه إوحيده
..........................................
زغيره بس چلمة ترافه إعليها التلوگ
و بعمر اربع إسنين وچفها محروگ
وبرجلها شوك وبنصّ الگلب شوگ
شبعت آهات إو شماته وركب عالنوگ

طفله كبرت بالسبي ليش..وصفت محنيه
وبالخرايب صارت إتعيش..اعز علويه
الدمع ياكل وجن..الگلب يشرب حزن
يتيمه إوحيده
..........................................
بالخرابه بدم اذنها ترسم إحسين
وتنظر اشفافه زرگ ويزداد إلونين
تبچي و إتگطّر ابشفته دمعة العین
تگله بويه احضني إو ترسمله چفین

رادت إتقبّل چفوفه..لچنها نادت
خنصر ايدك ما اشوفه..المناحه زادت
وإذا ترسم صبع..تشوفه ينگطع
يتيمه إوحيده


(يتيمه وحيده)
محمد اياد السعد
2018

والدي حي بعد ما مات
وحدي ما يتركني هيهات
گلي ماعوفچ يبنتي للابد
حتى لو راسه يضل ابلا جسد
........................................
آنه يا حادي رقيه وهاذ ابوي اعله الرمح
چنت عنده اشگد عزيزه واعز مني ما يصح
يفك عينه بعيني چان بكل مسه وبكل صبح
مستحيل يعوف بنته وَإن مرمي ومنذبح

گلي يا بنتي رقيه
ما اعوفچ للمنيه
ما يفارگ بنته وانطاني وعد
حتى لو راسه يضل ابلا جسد
........................................
اربع اسنين آنه عمري ها يحادي شهل عذاب
آنه ورده بالخرابه وينسگي عودي بسراب
منهو سامع متن ورده يبقه غافي اعله التراب
بويه ما يقبل يحادي هيچ يتأذى الحجاب

حسين ادريبه يحبني
وادري ما يرضه تسبني
لا تگلي حسين ميّت وابتعد
حتى لو راسه يضل ابلا جسد
........................................
بيد (مَن هَبَّ ودَبَّ) خدر ابو اليمه غده
اميسّره اوياك امشي كلفه والعمر عمر النده
الزلمه وي زلمه ايتحارب شعدهم اوياي العده
والله ما ترهم يحادي بحبل طفله امگيّده

اصغيره وايديه صغيره
والحبال اشگد چبيره
والدي يبچي لون لحبالي صد
حتى لو راسه يضل ابلا جسد
........................................
هاشميه مو سبيه مو ذليله مدلله
يا ضمير اليرضه طفله حافيه اتطر الفله
ولون تتعب گوّه تصعد على ناگه هازله
ابلا غطاء إو لا وطاء الناگه تمشي مايله

الينضرب بيها المثل چان
بكربله ضربوها عدوان
حسين يدري خدره عالناگه صعد
حتى لو راسه يضل ابلا جسد
...................................
ارحمني يا حادي المصايب راح اموت امن القهر
شفت انواع النوايب بأقل حتّى من شهر
اخذ قرطي اخذ عمري لچن خلّيلي النظر
التقي بحسين ابويه بيوم خامس من صفر

افتح اذراعي بالونين
وبالطشت اتلّگه لحسين
احسين أَنِدها و والله لو ميّت گعد
حتى لو راسه يضل ابلا جسد



(والدي حي)
محمد اياد السعد