مسلم نزل ........والكوفه تهتز بقت
حيد وحمل ......كدامه ناس نحنت
بيده العزم ...... من حيدره مايرد
دم مايجل .... تارس قصور وبدت

تفتر رحي حرب السيوف
مسوي حرب لاكه لطفوف
بس عوزه جان اهوه لكفيل
يگطع اجدام وي جفوف

عسكر اجه
خيل وزلم كلها اجت
خيل ترد
نص ضايع ونص ذبحت
كافي ذبح
خلي زلم للطف تضل
شردت زلم
للضل تكض وشمرت
_
فوگ شمس .... ... شمر زلم من يهد
كالاها اس ........ ماكو رجال الترد
بس دمه ..... .... تارس داروب لقصر
جفه خلس .... ... كلمن تفاخر مجد

كباله شردو لامو رجال
محد كدر جاك بنزال
تكض سهام الي تجي
وسيفك بعد شابع دلال

شابع دمه
وصيت الزلم يمك فقط
بلكوفه شح
كل شجاعه صارت قحط
بس انته بس
بلكوفه سويت العجب
مامش كلف
بس مسلم ب
____
صلى على ....... .. ألشد حزامه بحرب
رب العلى ... ...... امعلمه يبرز غضب
منطي درس ...... حيدر علي علزلم
من كربلا ...... ... ابزغره بلموت لعب

ويه الكمر ولا ماهده
بذر حجه حربه بده
لسه بقه صيته شرف
اسمه دخيل أنردده

مسلم أمام
الغيره والزود البي صبح
عنده دخيل
يلكل عطائه ماهو يشح
يعطي دخيل
وأنه دخيله وعبد الضعن
ارجاه وكول
يطيني من الطف جرح
____

لكوفه ها .... كلها حجيها همس
انته لها ....... واضح كأنك شمس
كلو علي ..... اتراجفو وجن غنم
كلن بها ....... مايكدر يجر نفس

صنطه وفقط صوته يلوح
ليحجي صبح ماعنده روح
صلة اله رماح وسيوف
تحجه بشرف نزف الجروح

نصها ركض
وخوف لكتل هدم التذب
سوه عمل
بلكوفه جن حيدر يطب
بيها صفت
دور جسم بيها ركضت
روس لبعض
تفتر تدور بس رگب
__


بيده عصر ...... جيش وفناها زلم
جنه لگمر ....... الكوفه طاحفها دم
سيفه ظرب ...وطشرت روس بهوه
وبكل كتر .... وصلت لحاميها شيم

روس تطش نذر وفده
وريح لحرب لطف بده
تسلم على مالك كلب
ساكن ضعن بي من حده


تسلم دمع
وتسمع اله لحب يون
تقره فلا
نسوة علي اليجتفن
وهنا يجي
اطهر خدر بين الزلم
ياوسفه بس
وبجم رمح من دورن

#الشاعر_مسلم_الحلفي
#یاامیرالمومنین_علے

عباس النزل لو علي الطباها
@@@@@@@@@@@@@@@@@@@@
صفرت ونطوت من نزل خالسها
وضاك الهوه وضكت ونخمد حسها
رعد والخيل رجبها بفوارسها
وسبعين الف كر الغنم كراها
@@@@@@@@@@@@@@@@@
دارت والخيول ترادمت حدرة
وصف ضل يطك صف وختنكت الوعرة
صاح ويمنه كامت تردم بيسرة
زلزل كاعها ونكس رواياها
@@@@@@@@@@@@@@@
دك صدره وجهبها وضهضب عليها
صرخ والزلم ركضت عكس رجليها
كام يرجب المهره عله راعيها
سبع وحلوك ذيج الزلم شكاها
@@@@@@@@@@@@@@@@
نشمي ومايهم لو مو تهد سبعين
طشر روسها وفرسانها بصوبين
سف سفاها والله وكفو بضهر حسين
حارت والتجهبه يضيع منواها
@@@@@@@@@@@@@@
ضكت حدره وحيود طبكت بحيود
يستنكيها قاده وما يطك جنود
ركضو جن اجاهم يومها الموعود
زلزلها اخو النشميه وتولاها
@@@@@@@@@@@@@@

الخادم .... علي الموسوي

ن حال السيدة زبنب تخاطب الحسين (ع)

احس بروحي ماضل حيل واتعنيتك بلهفة
ونمت وياك طول بطول بلكي بجسمك اتشفة
كوم الحك ولتنة الخيل حرمة بنص زلم وسفة
حرمه ملاجية السبعين مهي عند العرب كلفة
وحيدة خلافك ضعوني .... اناشغ يل تسمعوني
حيهم وين اهل عدنان .... اصياط مهدلة متوني
@@@@@@@@@@@@@@@@
وادور بجثث يحسين ماميز عرف غربة
حدب ضهري من فركاك وهموم الوكت صعبة
براسي الشيب مثل الغيم صب السحب جن صبة
التحيطة النار من كل صوب شلون يوجد بدربة
وعلينة دارت السبعين .... حيهم ما بقه النة معين
ناديتك بعالي الصوت .... عدل لو مو عدل يحسين
@@@@@@@@@@@@@@@@
انادي وما سمعت نداي نايم يا ستر خدرك
ومن كد السحك يحسين كلبك طلع من ضهرك
وسهم الفاطر الدلال متوجد وسط صدرك
شيب حتة رمشي بيوم رد يصهل علي مهرك
عمت عيني نذبح خدري .... وحدب عضم البضهري
يحسين وردها تصير ..... يم كبرك واحط كبري
@@@@@@@@@@@@@@@@
وعمت عيني عليك الناس جيمة تشم بجيمة
مجفي عله الرمل يحسين وبناتك طرن الهيمة
كوم ورد عبي النسوان يعز اختك يبو الشيمة
الدرب يحسين وبلياك عسه الله كون ميديمة
يعزي ومعصبي وشوفي .... يبعد اعيوني وطيوفي
اكلك لو اضم عليك ..... يخويه حتركت جفوفي
@@@@@@@@@@@@@@@@@
الدرب طول يشوف العين وبان التعب برسومي
فوك الحرك والنيران عله طولي صايرة دمومي
ومن كد الضرب يحسين عله متني لازكة هدومي
وعلي تمنيت كون يصير كبل يومك يخي يومي
عله هزل فاجدات الراي ... خويه شلون ترضه بهاي
بلا محمل تراها النوك .... ونمشي بشمس مو بفياي
@@@@@@@@@@@@@@@@@@

علي الموسوي

خيل بخيل طكها وهوس عليها
سبعين الف ضاعت عن تواليها
@@@@@@@@@@@@@@@
سجر كاعها ونكس رواياها
سبعين الف كر الغنم كراها
شما مالت الحومة تمايل وياها
مو عباس هذه النزل داحيها
@@@@@@@@@@@@@@
صكت والزلم تيهت شردتها
ضكت ماتميز درب ردتها
زمجر والزلم من زيجها يعتها
ركضت ماتوجد درب رجليها
@@@@@@@@@@@@@@@
دخن والالوف تنوخت حدرة
جدحت نار عينة وياهو اليكدة
حمل وتبريدت من زمجر الشكرة
صال وركست الكاع برواسيها
@@@@@@@@@@@@@@
هد صفوفها وطشها عله كل مكان
خيل بخيل صار مرادم الميدان
ركضه وصوت واحد طبها ابن عدنان
جن حيدر الطبها وذب خواجيها
@@@@@@@@@@@@@@@
شولشها ولواها وزمجر عله الخيل
ناخت والنهار نكلب بيهم ليل
كاع الله نجفت لو ما جنح جبريل
جا زلزل الكاع وخسف واديها
@@@@@@@@@@@@@@

الخادم ....علي الموسوي

غضب والمهرة عثرت بعنانها
ونزل للحومة وشلع بيبانها
@@@@@@@@@@@
شد عليها وصال بيها تحزم والشد العزم
شنف ردانة ابن ابوة وطب عليهم معتزم
ضهضب وصاح بجمعها وضل زلم تردم زلم
هوس ودج بصدرها وشك حلك شجعانها
@@@@@@@@@@@@@@@
نزل ليها المايهاب ودوه ب العسكر دوي
ناخت السبعين حدره وبيها ضل يلوي لوي
نطت عروجه وتمايل هلا بزود العلوي
شما تميل ارحاها ردها وكص ركب فرسانها
@@@@@@@@@@@@@@@@
غاص بصدور الكتايب ولتوه وصال ورعد
حيهم وسبعين صاحت هذه ملك الموت شد
دخن وضهضب عليهم والشرد منهم شرد
ضاكت الوسعه بزلمها وهز جميع اركانها
@@@@@@@@@@@@@
صال والحومة كلبها وعجت سموم وتراب
زمجر وصف ردم صف وضاكو انواع العذاب
تكول حيدر نزل ليها مدلهم يدورله باب
وشلع بيبان المعارة وهوس بميدانها
@@@@@@@@@@@@@@@@
هوس وشردت كباله وفرت اشباه الرجال
ويمنه ع يسرة كلبها ومالت وياها مال
مو السبعين الف عالت بل كمر عدنان عال
والحيود كبالة فرت وعثرت بثيابها
@@@@@@@@@@@@@@
الخادم ..... علي الموسوي

رفرف بيرغه العباس وهتزت عواليها
شد ونجفت حدره الكاع ونخسفت بهاليها
@@@@@@@@@@@@@@@
فرع واليجهبة يموت والكاع نجفت حدرة
شد والخيل طكها بخيل وتراب عتله الغبرة
صال وهوس عله الكوم والزركه كلبت حمرة
جرد صارمه وشجعان ضاعت عن تواليها
@@@@@@@@@@@@@@@
زمجر وارتعد والجيش شافه وتاهت صفوفة
ضكت فرد ضكه وكام يصفر كلمن يشوفة
ركضو مادرو لاوين حد ما وصلو الكوفة
شايل قارعه بجفه كتايبهم وهك بيها
@@@@@@@@@@@@@@
دارت والجهبهم حيد شد وحمرت عيونة
دخن ورتعد وختاض وضاك الدرع بمتونة
طبها وزوم طك بزوم والعسكر شبح لونة
فرت ما توجد وين ركضت عكس رجليها
@@@@@@@@@@@@@@@
صال وخيل داست خيل عثرها بجماجمها
سبعين الف راس براس طكها وطفحت بسمها
ركضت ماتوجد وين ركضت سابحه بدمها
وخيره كومهم من صال ذبت هدم العليها
@@@@@@@@@@@@@@@
ضاكت والصفوف الغوث صاحت من وصل حدها
كامت ناس تردم ناس تاه الدرب من عدها
غيم واغضب وصوبين بضهور الشكر شدها
سجرها ورعد والكاع زلزلها برواسيها
@@@@@@@@@@@@@@@@@
الخادم ...... علي الموسوي

هايحسين .... كوم الحك حرمكم طرن الهيمة
ها يحسين .... يتكاودن من خيمة لعد خيمة
نسوان ... مابين الغرب يتعثر وسفة
علويات كدام الزلم يتراكضن كلفة
جاوين الكفل ضعن الهواشم مايلحك سترهن
وحدة بضهر وحدة يركضن ركاض ومفرهد خدرهن
يتهطرن وسفة بوكت الغروب حيهم وين اهلهن
وعباس اخوهن ع النهر طايح
باجر ضعنهن لليسر رايح
@@@@@@@@@@@@@@@
للشام .... باجر رايحات بنص ضعن غربة
للشام .... نوك بلا محامل عل الخدر صعبة
حيهم ها يحسين يا عباس الحكولي
وحدي مابين الثجالة وهادلة حمولي
من كل صوب اجتنة هايمه الخيل تتراكض علينة
وين نروح و بنص الخيم نار وحتركت عبينة
فوك الهزل باجر فاجدة الراي ياخويه شبدينة
بنص النار احشم خويه الحكوني
ب السوط زرك وموره متوني
@@@@@@@@@@@@@@@@
بلا حيل .... فرينه وخيمنة حتركت علينة
بلا حيل .... خوية ونارهم وجرت بعبينة
فريت من كل صوب اجتنة الزلم عناية
ياحيف خلافك عله الشاطي محركة الراية
همت بصحرة خوية بذاك الغروب واندبكم يهلنة
باجر ع الهزل تحدي النساوين ويحمل ضعنة
بسياط وحبل مجتوفة الجدام عكب اهل المحنة
والليل لو جلجل يخيم فوكنة الحادي
بلا راي بس نسوان خويه وطايرة الوادي
@@@@@@@@@@@@@@@@@@
تمنيت .... يمي واشكي كل هموم البصدري
تمنيت .... كبل منحرك خوية ينكطع نحري
تانيت تفز من نومتك وتعاود ضعوني
ضليت انشغ ب البواجي وطافيه عيوني
جا ليمت ترد ياشهكة صباي ياعزي ودلالي
اكومن وانهطر ضليت بجفاك مانفزع يوالي
خلافك غيم صار الشيب براس خويه وضاك حالي
بلا راي اطك راح عله راح وفرهدو خدري
يحسين بفركتك حدبت ونشل عظم ضهري
@@@@@@@@@@@@@@@@@@
ياريت .... اشوفنك متوني شجاير عليهن
ياريت .... اراويك الزراك وكل اثر بيهن
ياحيد كوم ولم بناتك طرن الحومة
من ابعيد اشوف الناس هدت كومة وي كومة
مامش زلمة يوكف يحمي الخيام ويرد النساوين
فرن ب الصحاري بذاك الغروب ويندبن يلحنين
هدت فرد هده الخيل والنار شبت ب الصواوين
ناديت افزعولي يهاشم ضاكت علية
وباجر احدي وي الشمر بضعون مسبية
@@@@@@@@@@@@@@@

علي الموسوي

(زينب بالغاضريه)

هاي زينب الزچيه
تنوح برض الغاضريه


الوكت رد بيها اردود
اتصيح وين اهل الزود
يخوان صرنا فرهود
أهناه أهناه يهل الحميه


وين أخوي الغالي
أنت اٌلذخر والوالي
لون تدري بحالي
اشگف الطگه بديه


أهناه وينك يحسين
فرني عگبك البين
أفزعلي ياضي العين
حرگو الخيمه عليه


أهناه وينك عباس
ترضى خدركم ينداس
وصلانا جيش الارجاس
نيته يجعلني سبيه


أهناه وينك يكبر
السجاد اخوك محير
وامك تگوم وتعثر
وسكينه اتصبر رقيه


اهناه وينك جسام
يل طحت بيد الظلام
امك تعد الايام
لعرسك ونفرح سويه


أهناه وين اهل الكون
محمد أولادي وعون
منكم گطعت الظنون
امكم بديره أجنبيه

أهناه وين الانصار
يصحاب شنهي الصار
اشلون عفتوها الدار
واٌصبحت وحشه وخليه


( جمعه الديلمي)

ام الاكبر
اوليدي الغالي .ييمه. اوليدي الغالي
عِزي ودلالي. ييمه. عزي ودلالي
يمه يالاكبر دگوم
يمه مو وكته النوم
يمه گصدتنا الگوم
وانت متبالي ييمه وانت متبالي
يمه ابوك لوحده
حايطه بيه العده
لزوم انت تساعده
مخيمك خالي. ييمه. مخيمك خالي
يمه انت ضنوتي
وانت فخري وعزتي
يل چنت تِحسن عِشرتي
انظر الحالي. ييمه. انظر الحالي
دموع عيني وشلت
فرحتي بيك اتبدلت
للحزن والهم حولت
وانشده بالي. ييمه. وانشده ابالي
اسمعني يمه يل ولد
عگبك شعندي بعد
انت حيلي والسند
وسدي العالي. ييمه. وسدي العالي
يمه رد لي ياعلي
يمه فك عينك الي
يابعد روحي وكل هلي
گلي اشبگالي. ييمه. گلي اشبگالي
ربيت المن كبرت
ياريتني انا ماصرت
اليوم بيك اتحيرت
خابت آمالي. ييمه. خابت آمالي
ظنيت تحضر دفنتي
تقرأ العديله ابموتتي
وياهو اليشيل جنازتي
گربت آجالي. ييمه. گربت آجالي
** . {جمعه الديلمي}

#قصيدة_شور
#خطاب_زينب_لامير_المؤمنين_ع


يالمطلع يونس من الحوت گوم
التمو الوادم على ابنيتك تعال ،
عطشوني وعذبوني وسوط سوط
وركضوا اعله امتونه اركاض الجهال

بعيد درب النجف بويه
- يريد حيل وتعبونه
ومالت الله انلغت عدهم
- برمل فاير ركضونه ،

- دخيل بختك گوم = غراب گام يحوم
- ضايعات ارسوم = زينبك حاچيهه ، ،
_________________________________
رد يرداد الشمس رجع الناس ،
احجارهم مثل المطر عالخيم طاح
انا ادور حيل كوم انطيني حيل ، ،
القوي راس ابنك تره اخشاب الرماح

ياعلي وطبت الوادم ،
- خذو جفيتك الخضره
عيونهم فزعت علينه ،
- ورتبو ركضة الصحره

- شوف هاي الناس = الذبحو العباس
خدري هم انجاس = رايتك وديهه ،
_________________________________
گوم عملة كربله متعبتني حيل
والعبايه اتخط وراي وحيلي راح
الطفل من تصرخ بوجهه يفز اكيد
بوجه هاي اطفالك انطش الصياح

ياعلي الهضمه الچبيره
- اذن دمهه يجر وراها
بنتك العلويه بويه
- الناگه مو من مستواها

- صوبو جنحاي = واحرموني الماي ،
راح امد يمناي ، == صوبكم وانطيهه
_________________________________
بويه شربوا من حلات حسين هاي
وگطعوا العنگود وانطش الرطب
بويه المتعب الوادم تعبوه ، ،
يشيل رجله اتطيح ايده من التعب

طفله طفله يعطشوها
- وكلهه تسأل وين ابوي
ابنك حسين اعله غبره
- بويه رايح حيل اخوي

- السبي والناگات = مو لعلويات ،
- بحضن هيمه نبات = بتكم وداريهه
_________________________________

- علي مهدي المالكي ،،

❗️❗️للاشتراك بلسته دعم القنوات الدينية 👇❗️

@o_1997

الاخوة خدام الحسين ع
اليحتاج لحن قصيده او يحتاج قصيدة يدخل عل مناقشه وينضم للمجموعة ليتسنى من الاخوه الرواديد والشعراء مساعته 💚💙

للعليلة



ليش خلوني بدمعتي الطايحة
عود حضرت الغراض البارحة
شلون اضل بدونهم
وين اشوف عيونهم
***********
شفت الهوادج من مشت
وعيوني من دم دمعت
وضليت وحدي وراحو
محد مسح من دمعتي
وماكالو الله بطيحتي
وشو من طحت ماطاحو
طفلة انه لاكن شيبت
وشكد عليهم صيحت
جا شو علي ماصاحو

شلون روحي ما تروح وياهم
هلي بعدو بعد وين الكاهم
منو يكلي شلونهم
وين اشوف عيونهم
***********
جا وين اشوفنهم بعد
ضعن الاهل شفتة ابتعد
جا وين انه الكاهم
ضليت اشم مو بل هدم
باثارهم ضليت اشم
كلشي رحل وياهم
بس كلبي ماضل بي اثر
مثل الدمع وصط البحر
ودمعي ولا بجاهم

بروحي حيل دكوم تخنك هاية
كلهة راحت ماكو وادم جاية
هم تغير لونهم
وين اشوف عيونهم
***********
وحدي بقيت بلا ربع
ضل صاحبي بس الدمع
كلش صعب ياروحي
روحي بقت حيل بضعف
مثل الرسالة بلا ضرف
ياهو اليقدر جروحي
بس الحزن بية بقة
وانه الجروح مصادقة
ومحد يعرف بنوحي

دورت عن والدي جا وينه
وانه هسة امنيتي اشوفن عينة
اسأل تعرفونهم
وين اشوف عيونهم
***********
كدامي شو كله غرب
وانه وحيدة بنص درب
وجدامي بل هم تعثر
بل روح ماضل كل صبر
وهواي ضليت انتضر
وروحي بعد ماتكدر
مو هين فراك الاهل
دمعي خلص كد مانزل
وشكد بقيت اتحسر

هاي ويامن بعد جاصايرة
انه طفلة وهيج اضلن حايرة
كولو اذا تلكونهم
وين اشوف عيونهم
***********
بل غربة شفت انه العجب
بوجهي ملامح للتعب
يسألوني ياهية انتي
انه الزغيرة الشيبت
وباثار اهلهة اتعثرت
هاي انه كل سالفتي
جم هودج بعيني رحل
ومحد مسح دمعي النزل
وسألوني المن طحتي

شلون الوح النوك كلش عالية
وحدي ضليت بدياري الخالية
اهلي هسة شلونهم
وين اشوف عيونهم
***********

كرار اياد

خـادم الـحـسـيـن ع

سيـد مـرتضى سيد طـالب

هايمسلم هد عليهم هلهلتلك طوعة

هد عليكم يبو طاهر وانت راعي الراية
مايهمك جيش امية فوك المسناية
والتجيلك لا تهمك واعتنيهة عناية
انت عمك علي حيدر وافتهمهَ الغايه
ابد لاترضه عليهم لاجل كسر اضلوعه


$ $ $
هايمسلم هد عليهم وابرز انواع العذاب
خلي سيفك يكضي يومه عايش بكص الركاب
انته شاب وضيمك اكبر من شباب
ابقه مرمي الورده تنبت بالتراب
كوم ليهم صيح يمه بكل حنين ولوعه
$ $ $
روح ليهم يمه مسلم مثل موت العافيه
لاتخلي عيون عدهم وسط راحه وغافيه
للحسين شماتِكَتل جيش ابد موكافيه
اخبط لجيش ال اميه وانته اشرب صافيه
روحي بعدك مثل وركه امنالغصن مكطوعه
$ $ $
انته مسلم انته قائد مايمض بيك الالم
موبرمله براس اميه روح نبت هالعلم
خلي روحك روح شاعر واكتب الجيش بقلم
جبل واليصير تحتك هوه مو انته انهدم
غيرتك من ذات نفسك ابد مامصنوعه
$ $ $
منالحسين الله يمسلم ادري ماخذ طينك
جا حسين تصير مثله لو عده مكطعينك
تشبه العباس صاير لو سهام ابعينك
طوعه طبت للحرايب يمه تصرخ وينك
طيح ميت يمه لاجن لاتطيح ادموعه
$ $ $
جرح الحسين ويه جرحك يمه حطه وروفه
وجيب للكافل معين وحط بديه اجفوفه
رمح راس حسين شيله لو قريب تشوفه
مومثل كربله يمه كلهه غدر الكوفه
مو وردتي عليك يمه ارويحتي المكطوعه

علي نبيل الكربلائي

جروح مولاتي حميدة بنت مسلم ع💔


كل ليلة جانت بي تشم .. وتغفة اعلى ايدة
اول يتيمة ابكربلة .. صارت حميدة
اويلاه .. اويلاه .. يا بوية اويلاه
****
بت مسلم وجاها الخبر
بلكوفه طاحلها كمر
ضلت تدك اعلى الوجه
شمرو ابوها امن القصر
غربة .. وكطعو عليه الماي يا ناس
غربه .. ذولي زلم ما عدهم احساس
غربة .. عطشان واتذكر العباس
بس تبجي ضلت يا خلك .. مسلم تريدة
اول يتيمة ابكربلة ... صارت حميدة
اويلاه .. اويلاه ..يا بوية اويلاه
*
شبكتها زينب وانتهت
وياها كعدت هم بجت
هية اليروحلها ابو
كلهم يصيحون انسبت
صعبة ... ضل وحده ما بين العساكر
صعبة ..واحسين باجر فوكة حافر
صعبة .. واتريد ابوها ليوم عاشر
ما تدري مسلم ما يجي .. و كلش بعيدة
اول يتيمة ابكربلة .. صارت حميدة
اويلاه اويلاه يا بوية اويلاه
**
حست ابوها ما يجي
بعيونهم طالع بجي
يحجون بسمة وتنتبه
ضلت تون اعلى الحجي
ويلي .. مشمور ابوها اعلى الترابة
ويلي .. واتصورت احسين ومصابة
ويلي .. باجر وراهن جم خرابة
كل يوم مر واهمة سوة .. تكعد تعيدة
اول يتيمة ابكربلة .. صارت حميده
اويلاه اويلاه .. يا بوية اويلاه
*
سكنة ورقيه اتكابلن
وية حميدة اشكد بجن
باجر ابوهن ينذبح
علترب بس ابلا دفن
صاحت .. يا بوية مسلم رد الية
صاحت .. رايدتك اتصعد رقية
صاحت .. باجر تطيح اعلى الوطية
اتمنت تموت وتلحكة ..وتصبح شهيدة
اول يتيمة ابكربلة .. صارت حميدة
اويلاه اويلاه .. يا بوية اويلاه
**
ذكرت ترة عشك الامس
يحضنها واتحضنه بهمس
واتصيح بخلافك بعد
من عسى لا تطلع شمس
صرخت .. نامت وحلمت بي لكاها
صرخت .. شافتة موجوع واجاها
صرخت .. واحسين فز تبجي لكاها
گللها بنتي اتصبري .. من حل وعيدة
اول يتيمة ابكربلة .. صارت حميدة
اويلاه اويلاه .. يا بوية .. اويلاه

علي العبادي البصرة

نزلة لمولاي مسلم بن عقيل


فات مسلم علجيش ... كلة غيرة ومرجلة
سرفن اردانة وصاح .. ابن عم زينب هلة
شاد ريشت عباس .. منو اليكدر يوصلة
والجثث حيل هواي .. وصلت لحد كربلة

عاف الماي.. ضل اهواي .. بيهم يردم
غيرة وجود .. ما موجود .. بس ابمسلم

صكر الحومه معروفة ..
مسلم صكار الكوفه ...
مسلم يا غيرة علي .. مسلم يا شارب علي
*
ابن عم العباس .. نزل والكون ارتعد
سحب سيفة الفقار ... والشرد منهم شرد
اتذكر احسين وفات .. ابلايه عدة ولا عدد
الجان قائدهم عود .. ابحضن امة شو لبد

هيبة وكام .. شد احزام .. محد جاسة
طب وفات .. والريشات .. بيرغ راسة

خلة الدنيا مخسوفة .......
مسلم صكار الكوفة ........
مسلم .. يا غيرة علي _مسلم .. يا شارب علي
*
طب ابو راس الحار .. وسوة عملة بلعدة
حارة الدلة اهواي .. وجانت اهية اتقلدة
الطف الاول من فات .. دگت اطبولة وبدة
يشبه اهوة العباس .. وجان جيش لوحَّدة

من غدروه .. ما كدروه .. فات ابطولة
امدربة احسين .. كلش زين .. ميكدرولة

وامرجفتهم احروفة
مسلم صكار الكوفة
مسلم يا غيرة علي .. مسلم يا شارب علي
***
حاوطو من كل صوب .. واهمة حاوطهم رعب
ابد ما يرحم لا .. ابو طاهر لو غضب
اتورطو والله اوياه .. اصعب اهوة امن الصعب
والبرز من ابعيد .. بنظرة منة ينگلب

صاد ارواح .. بس ما طاح ..ضل ايقاتل
بيرغ جان .. بلميدان .. مسلم كافل

سيفة ايكسرة وايروفة
مسلم صكار الكوفة
مسلم يا غيرة علي .. مسلم شارب علي
*
الكاع متروسه ادموم .. وضل يطشر صارمة
وصار بلكاع اهناك .. ام العوافي امن الدمة
هوة شگ عين الكاع .. وطكت اعيون السمه
مطرت وباوع هيج .. شاف نزلت فاطمه

زلمه و حيد .. هيج اتريد .. كلش زلمة
امقصر خاف .. باوع شاف .. كتبت اسمة

حطت غيرة بجفوفة
مسلم صكار الكوفة

مسلم يا غيرة علي .. مسلم يا شارب علي

علي العبادي البصرة

مصيبة مسلم اجبيرة
ابسلف ما بيه اجاويد
ومن فوك السطح ذاكه
انشمر واتكيد ابكيد
.. اشفافة اميبسة جان ...اويلاه اويلاه
... يكلهم والله عطشان .. اويلاه اويلاه
.. وحيد وما اله اخوان .. اويلاه اويلاه
مسلم غريب ..مسلم غريب
*
بين اهل الغدر مذبوح
من فوك القصر صاح
ابن عم الحنين احسين
اتكسر ويلي من طاح
.. مسلم ينشمر ليش .. اويلاه اويلاه
ابلاية احسين ميعيش .. اويلاه اويلاه
وحدة ايكابل الجيش ..اويلاه اويلاه
مسلم غريب .. مسلم غريب
*
من طكة الضمه واحتار
غريب وكلها عدوان
دم حلكه نزف علماي
جي محبوبة عطشان
اعلى مسلم دارت الناس .. اويلاه اويلاه
غريب وماكو عباس .. اويلاه اويلاه
ومن طاح اهوة علراس .. اويلاه اويلاه
مسلم غريب .. مسلم غريب
****
من كد ما يحب احسين
قبلة اتسمة مجتول
خاطر لا يشوف اهناك
احسينة اتدوسه لخيول
راح وشابع اونين .. اويلاه اويلاه
ويتفرجون صوبين .. اويلاه اويلاه
حركو گلب الحسين .. اويلاه اويلاه
مسلم غريب .. مسلم غريب
*
غدرو بلوعد وياه
ورادو همة نحرة
معقوله الرجوله اتموت
ما مش ناس خيرة
وطوعه اتاني علباب .. اويلاه اويلاه
كلبه وجسمه منصاب .. اويلاه اويلاه
وضل مجفي اعلى لتراب .. اويلاه اويلاه
مسلم غريب .. مسلم غريب
*
طوعه اتون عليه واتنوح
وجابتلة اجت ماي
امنين اتكضه ينزف حيل
واجروحة ترة اهواي
اغلى من الضنة اتكول ... اويلاه اويلاه
مثل احسين مجتول .. اويلاه اويلاه
بس ما داستة اخيول .. اويلاه اويلاه
مسلم غريب .. مسلم غريب

علي العبادي البصرة

ها يمسلم حياك طب ليها

كوم طب ليها يمسلم خلهم يشوفونك
اسد يزئر بالحرايب كلهم يعرفونك
عمك المغوار حيدر علماك فنونك
السيف ماتحتاجه يكفي مخوزرات عيونك
والمنايا للجاك راويها

كوم هاي الكوم ليك اتعنتك جتاله
وانت هذا السيفه حاضر والمخدر دلاله
وهمه اشجعم تراه يخاف من خياله
ما تهمك هالسيوف وكثرة الخياله
والشجاعة معروف راعيها

يابو طاهر كوم طبها و حير عقول الزلم
وعيد صولات الهواشم يله ياحيد وشهم
مثل عمك صول بيها فوت واردمهم ردم
اليوم يومك يبو طاهر تكوه والله والنعم
الحومة طي الفراش اطويها

كوم يازود الحسين البيك رفعة راسه
اخلاف عينك يابو طاهر ما تظل انفاسه
ياسفيره وعونه انت وياشبه عباسه
والرجل ينعرف طبعه بالوغى ومقياسه
هالمراجل يالحوك حاويها

كوم طب يحيد بزود فل الثامك
وكون رايات الاعادي تدوس بيها اجدامك
يله خلي ازلام اميه ترتجف جدامك
وانت معروف العجيد الشهم عد اعمامك
وانت باولها وموش تاليها

مصطفى باسم الغزي

مولاي مسلم


مسلم بالحرب ليكابله منين
وأمضى من سيفه هو خزره العين
لذي واجه عيونه رجع مصيوب
ابن عم ابو فاضل هو وحسين

كام هوس بيها .. وعليها.. فر خيله
رادو يلاكونه .. وبعيونه.. رد جيله
بالحرب خلاسها... وهوواسها وذب حيله

*

العسكر بالحرب رادو يشردون
مامش كل درب واحتارو شلون
عكد جفيه خظره ونزل خيال
شال الحومه بيده ورجف الكون

تريس على الكوفه ... وبجفوفه... شالاها
الكاع مالت بيهم ... وعليهم ... ذباها
تخيلاها بيومه ... وعلومه ... محلاها

* ****

مغضب بالحرايب زلمه خيال
اذا تسطر جفوفه تكول زلزال
اذا عمه علي جا يطلع شلون
الي مصاحب كفيل يصير كفال

كام طر حطيانها .. وميدانها.. وشلامها
سوه بيهم جوله.. وجم صوله.. بزلامها
بيها سوه الغاره .. كنارها.. بعلامها

**
كبيدي وعالطريده يفتر يحوم
الحرب مابيها زلمه يكابله اليوم
ماتو والشرد ينحسب رجال
اليسطره بجفه ميت ماضن يكوم

صفك بيها جناحه بالساحه. دك ثايه
حيل الله بزوده. بزنوده رف رايه
دخيل رب الغيره شك ديره بحجايه

*


علي غسان المياحي