'صلّىٰ اللهُ عليْك..!

"إيَّاكَ أيُّها المُفتَقِرُ أنْ تُعرِضَ عَنْ بابِها بأيِّ نَحوٍ
فَنُحاسُ الوُجودِ يغدو ذهبًا علىٰ يدِ خادمتها فِضّة"🖤

-آيةُ الله الغرويّ الأصفهانيّ.
ــــــــــــــــــــــــــــــــــــــــــــــــــــــــــــــــــــــــ
* أو: فَـ خادمتها فضَّة تُحيلُ نُحَاسَ الوُجُودِ ذهبًا.

"مُسْتَجيرٌ بِكُمْ"🖤.

اللّـهُمَّ إِنِّي أَسْأَلُكَ مُوجِبَاتِ رَحْمَتِكَ, وَعَزَائِمَ مَغْفِرَتِكَ, وَالنَّجَاةَ مِنَ النَّارِ وَمِنْ كُلِّ بَلِيَّةٍ, وَالْفَوْزَ بِالْجَنَّةِ وَالرِّضْوَانَ فِي دَارِ السَّلامِ, وَجِوَارَ نَبِيِّكَ مُحَمَّدٍ عَلَيْهِ وَآلِهِ السَّلام

أنا بقية من آدم وذخيرة من نوح
#الامام_الحجة_عجل_الله_تعالى_فرجه
السلام عليك يا مولاي يا صاحب الزمان...

#قريب_كلمح_البصر
أو
#هو_اقرب

#شور

صلى الله عليكِ فاطمة

------ 1

فاطمة يم الحسن ثارج يرد
ثارج بكل يوم عدنه ينولد
انت بس امري الزلم متحضرين
والله من باجر نسويلج حشد

فاطمة
والزلم هداده
كلها جيش وقاده

فاطمة
نجيبه لا منتاني
ثارج من الثاني

صلى الله عليكِ فاطمة

------- 2

راية الثار بسمانه ترتفع
نكضه ونحركه الكسر منج ضلع
فتوى مايحتاج انتي فاطمة
يازعيمتنه بحوزة الدمع

فاطمة
الله من سواها
يعادي من عاداها

فاطمة
الله من سماها
كوثر وبت طه

صلى الله عليكِ فاطمة

-------- 3

الله كايل كوثر بحجي السمه
والدليل الواضح اسمع وفهمه
وخلقنه من الماء كل شيء
يعني امنه احنه اسمهه فاطمة

فاطمة
امنه نفخر بيها
نموت يم طاريها

فاطمة
ياملاك وطاير
كلشي بسمج حاير

صلى الله عليكِ فاطمة

-------- 4

ولد حيدر هدو بغيرة وعزم
باجر العاداج لازم ينعدم
هزه صارت بالارض جاشنهي صار ؟
المهدي جاي وجايب وياه الزلم

فاطمة
المهدي هد لثاره
اجه وجاب انصاره

فاطمة
رفرفت اعلامج
هوسو خدامج

صلى الله عليكِ فاطمة

-------- 5

باجر يزيل الظلام ويالظلم
باجر المهدي يكسر جم عضم
يطلعنه القبر ونشيد ضريح
وكل سنة نسوي مجالس اللطم

فاطمة
يصيح كبرج باجر
ياهلا بالزاير

فاطمة
وبالضريح هوايه
تصيح المشايه

صلى الله عليكِ فاطمة

---------

الشاعر حسين الجنوبي

🔹الـقنــاة الـثـانيـة @Hassoun_10
🔸قنـاة قصائـد حسينية @Alialoussawi
🔺الركب الحسيني @aLRukab_313

#فزاعية
#لمولاتنا #الزهراء ع

بين الباب والبسمار ام حسين عصروها

---------

ويـنـك ياعـلـي ابـابـك ازلام ونـار ؟؟
العصابه الحاربتك هـجمت عالدار !!
لحگ ياعلي بالزهره تدري شـصار ؟
سطره عالـوجه وعالـضلع بـسمار

وبنار حركوها الدار عالزجيه

---------

طاح المحسن الماشاف وجـه امه !!
والـدنيا ع زيـنب صبـحت ضـلمه
الهجمو على الزهره من الزلم غمه
مو زلمـه اليمد ايده على الـحرمه

وسفه وبت محمد عالو عليها

---------

زيـنب تـبجـي وامها امـدده يـمهه !!
صـغيره وماتـعرف منـين تـلـزمهه ؟
الجانت زينب من الصبح تشتمهه
منيـن تـميل ضلت ضلع يلجـمـهه !!

حيل مابيها والكافر دفعها

---------

الحـسن يـركض اجه عـالدار تـالـيـهه
وعمت عيني ع زينب ترجف ايديهه !!
الحـسـين بصوته كـام يصيح عليهه ؟
ييـمـه الـدنـيـا بـعـدج نـفـع مـابـيـهه

لاتعوفينه ييمه الطف ورانه

---------

مصيبة فاطمة تخلي الگلب مفتوت
عمرها اثمنطعش شـالوها بالتابـوت !!
على الورده يـوادم مايـلوگ الـموت
ام صوت الحنين امـدده بلا صـوت ؟

ماتت فاطمة وماتت محاجيها

--------

الشاعر حسين الجنوبي

🔹الـقنــاة الـثـانيـة @Hassoun_10
🔸قنـاة قصائـد حسينية @Alialoussawi
🔺الركب الحسيني @aLRukab_313

علي الاكبر. ياحيل الحسين
علي الاكبر. طر الميادين
علي شمحلاته وكفاته مراجل شايل
فات للعيله وخلاه دماهم سايل
شيكدر جفوف وبزوده عليهم عايل
ردم جاب الروس بيده وغاير
دخل مدنف حيل مغضب فاير
جيش واحد على واحد ضل يصيح
فوت يمه وتلكه راسك طاير
دك ناس. دك علي وسطراته
توجع حيل. هاشمي وطكاته
………
خزرت عيونه. يعرفونه. شهم مايلوي
حيد ومعتبر مايفتر لو صار الدوي
تعرف الوادم بلحومه طكاته علي
علي تحلاله المعارك زوده
حسين يضحك شاف صولة عوده
حسين صاحاله علي يحفظك علي
وصاح بيها وغيمه طاحت سوده
وين الحيد. ماوكف كدامه
حارو بي. من يشد لثامه
……
بكيفه طباها. سواها. جثث يم النهر
زوده من جده شيرده. علي ماينكدر
داس جم شارب بلحومه وجر بيهم يجر
حيل هاشم كله صار بحيله
حير القاده شني تسويله
خاف عبالك يشد حيله بحزام
حسين شد بضهرة شيلة ليله
انت هواي. ولحرب ما راهمه
طاح وضاع. البسيفك لاطمه
……
ردم عسكرها كسرها وساحلهم سحل
الشرده من ايده بلحومه صدك مو سهل
وليدي ورباتي. شيمني من شفته نزل
نزل بيها وغضب فوك الروس صاب
علي اسمه راد وسط لحومه باب
علي جي اسمه علي يهوا الثكال
علي صكر الوغى كالبها كلاب
ناس تصيح. اسد الله النازل
مكفه حسين. وجه جنه الكافل
……..
الشاعر حسن الموسوي

🔹الـقنــاة الـثـانيـة @Hassoun_10
🔸قنـاة قصائـد حسينية @Alialoussawi
🔺الركب الحسيني @aLRukab_313

#خطاب_مولاتي_الزهراء
#لمولاي_علي_بعد_مصابها

ضيعتني = ضيعتني = والعمر ماي وتِبَده
ضيعتني = ضيعتني = وياك ردت الموته وحده
ضيعتني = ضيعتني = وضاعت ايام الموّده

درب الگبر مابي ضوه
تانيني خل نرجع سوه
بدونك ولا متعوده ابد
ومنا ورايح نفترگ

اخر لقاء النه الدفن
وسولفنه عن كلمة ( وأن )
بالدار فاطم من سمع
گلهم وأن خل تحترگ

من غسلتني يا تُره
شفت الضلوع امكسره
وحسين كسروا خاطره
___________________________
ودعتني = ودعتني = اوداع المفارگ منيه
وتعبَتني = تعبَتني = طگت البسمار بيه
ودعتني = ودعتني = شبيدك انته وشبديه

ع الضلع ايدك خل تظل
وشوف الدفع بيه شعمل
يا علي وغسلني بدمع ، ،
شفته عله خدودك نزل

ماريد اسولف ع الوضع
جذوع وثكيلات ودفع
عصرت الحايط يا علي
ما خلت المحسن كمل

تبجي جرح تنزف الم ، ،
من اجدامك الحيل انعدم
لمن شفت ضلعي انهشم
___________________________
ما شفتني = ما شفتني = دمي ع الحايط علامه
ما شفتني = ما شفتني = وعلى خد الكاع شامه
ودعتني = ودعتني = كمر ومضيع ظلامه

لمن شفت كمت وطحت
هنا يا علي كتلك متت ، ،
وانترس جفك كله دم
الله يعينك ع الفگد ' '

ما سولفتلك ع الجره
والباب صار المگبره
من الدمه وگطعان النفس
ظل الهوه يروح ويّرد

جذوع الخشب ما تنشگف
صارت نتائجهن نزف
ويا علي لونك مختلف
___________________________
تفارگينه = تفارگينه = من بعد عشرتنه عفتك
شكد بچينه = شگد بچينه = وبرحيلي شكد لچمتك
ما عفتني = ما عفتني = بانكسارك بيه شفتك

روحين عشنه وما تصح
واحدنه للثاني جرح . .
بسمار باب البيت اجه
وخلانه كل واحد كتر

ابيض حجينه البي الم
ومصبوغ صاير كله دم
شجاب المسافه والبعد
ما يحتمل فرگه العمر

جا يا علي صارت بعد
واحدنه على الثاني ابتعد
وضاعلنه بالعصره ولد
_________________________

⁃ علي مهدي المالكي



🔹الـقنــاة الـثـانيـة @Hassoun_10
🔸قنـاة قصائـد حسينية @Alialoussawi
🔺الركب الحسيني @aLRukab_313

((وبعدني بحبك))





وبعدني بحبك اتهجه ماواصلّ جرح بالشوگ
شسوي و ذاتي يشكيلي كلشي البيه ضل مخنوگ
أكتبلك هيام الروح وأتحسس وطن محروگ
ومملوح الغزل وياك أريد اكتب ويطلع سوگ

على جروحي .... أتاني النسمه منك بيت
شگد انطيت ما خليت
ماي من الضمه سويت
يل من العطش ونيت

يالمنطي ألم من شوگ
ضعن لمن رحت مخنوگ
وبعدني بحبك ومحبوس
وانت من الگلب محروگ

صرت بس انت بالعين
أنته وبس يالحسين .... يالحسين

****************

وبعدني بحبك متاني ومتمني الجرح بالروح
وشجون اللهفه اتمنى وكلام البيه مامشروح
أمامي وسيدي ورجواي ابو دموعي وحليف النوح
يرفس گلبي الطاريك گلبي من العشگ مذبوح

يبو أيامي .... أصوغلك سهر تواب
من المحراب للمحراب
وأترجه عفو المرتاب
يالناذر خيم للباب

يالتسمع سكوت الصوت
احبك من صميم الموت
وأتعثر عذر خجلان
يونس وأختباري الحوت

صرت بس انته بالعين
أنته وبس يالحسين ..... يالحسين

*************

بابك راحةْ المهموم اشمه وأنسه كلمن چان
وأعفر دمعتي يحسين بالبيبان بالحيطان
وأشوفك ملجئ الحيران وللماله سند عنوان
والضامي يشوفك ماي بس انته الصدگ عطشان

على جروفك ..... غفه چم حاضر وماضي
چم متهوم يالقاضي
بكفالةْ صدرك الگاضي
اعرفك بالدمع راضي

يَصَديق وشهد أمرك
(قَدَوْ) من گفه نحرك
وسرك مختفي بروحك
وحرگو بالخيم سرك

صرت بس انته بالعين
انته وبس يالحسين .... يالحسين

*************

چنت من الذبح اسمى لذلك خدك مترب
تتصفح وجه مبهوت بالگوه اعرفت زينب
تريد تصيح بس خجلان وخطوةْ هم الك تقرب
أخي من للنسه يحسين الخيم من الذبح اصعب

غفت عينك ... وتتحسس جمر خيمه
وعينك بالمطر غيمه
وگلبك شاجر بضيمه
تحس العيله بالهيمه

چم زغيره وزغيره
الضعن ناوين تأسيره
وتسمع عالهزل صعدن
السبي معروف بالسيره

صرت بس انته بالعين
انته وبس يالحسين ..... يالحسين

****************

الينام اعله الهزل يوگع اليبحر يفتح اشراعه
بس ضعنك يبو اليمه أعلن قمةْ اضياعه
خوله من الجفن تنشاف گلبها كَسر اضلاعه
طاحت والدمع مسموع لهفه عليك مرتاعه

مشت زينب...... مشت وتودع بهمسه
وداع السكته وتحسه
الدمع من الگلب أمسه
لذلك ينسمع حسه

التسكت هاي مصيوبه
الچانت حيل محبوبه
بس هسه الحبل بل إيد
الدرب الشام مطلوبه

صرت بس انته بالعين
انته وبس يالحسين .... يالحسين



عبد زينب
محمد الابراهيمي

🔹الـقنــاة الـثـانيـة @Hassoun_10
🔸قنـاة قصائـد حسينية @Alialoussawi
🔺الركب الحسيني @aLRukab_313

اللهم العن ظالمي حق فاطمة ...

#قصيده لسيدة نساء العالمين السيده فاطمة الزهراء عليها السلام

(المستهل) 👇


لاذت وره الباب ٢
خافت علحجاب ٢
والباب حيل اندفعت ... ضلوع الزجيه انهشمت
لاذت وره الباب ٢

❥✿┈┈• {🥀} • ┈•✿❥

لاذت ورا الباب وتصيح حجابي
تمهل شويه يالتشب ابابي
احذر يضالم لاتدوس اعتابي ٢

بداري الرساله انختمت
ضلوع الزجيه انهشمت

لاذت وره الباب٢
❥✿┈┈• {🥀} • ┈•✿❥

عگبك يبو ابراهيم شنهي ياليجره
لاذت وره الباب وتصيح بعبره
ارجع يناكث ماني گد العصره ٢

وبحقد بابي احترگت
ضلوع الزجيه انهشمت

لاذت وره الباب ٢

❥✿┈┈• {🥀} • ┈•✿❥

نكرووصيتك يالنبي وخانوها
وحرمة علي بالدار ماراعوها
ثارات عدهم بالعجل طلعوها ٢

وعين البتوله انسطرت
ضلوع الزجيه انهشمت

لاذت وره الباب ٢

❥✿┈┈• {🥀} • ┈•✿❥

شيريد من عدها اللأيم شغرضه
يم عتبت الباب اسمعت بالرضه
طاحت ونادت بالعجل يافضه ٢

وروحي عله ابني نمردت
ضلوع الزجيه انهشمت

لاذت وره الباب ٢

❥✿┈┈• {🥀} • ┈•✿❥

يافضه لا يسمع علي لحگيني
غطي الجنين وبالعجل سنديني
بس حمره صارت مااشوف بعيني ٢

بينه الصحابه شسوت
ضلوع الزچيه انهشمت

لاذت وره الباب ٢

❥✿┈┈• {🥀} • ┈•✿❥

كامت وطاحت حيل ماضل بيها
ثكله ويتيمه والفگد ماذيها
هاي الامانه ينبي احضر ليها ٢

باللوعه والهم ضلت
ضلوع الزجيه انهشمت

لاذت وره الباب ٢

تمت بقلم خادمة الزهراء عليها السلام
الشاعرة
✍️#ام_زينب_المواليه
لا أجيز حذف اسم الشاعرة وحقوق النشر محفوظة عند الزهراء عليها السلام
ونسألكم الدعاء

❥✿┈┈• {🥀} • ┈•✿❥

🔹الـقنــاة الـثـانيـة @Hassoun_10
🔸قنـاة قصائـد حسينية @Alialoussawi
🔺الركب الحسيني @aLRukab_313

من عندي كسروا چم جِنِح .. فاطم
فـوگ الجـرِح حطـوا جـرِح .. فاطم
كلشي إندِفَن .. چنتي الوَطَن .. فاطم
ــــــــــــــــــــ
مو زينه هسّه اخباري
عايش غـريب إبداري ..كل لحظه اشم حرگ
شمسوّي يومچ بيّه
دفعوا الدنيا إعليّه .. وكلسـا . ضلع يطـگ
خلافچ علي مو طيّب
حاسب سـويّه انشيّب .. ما گِلنـا نفتـرگ
بعيوني أضمچ حالف
ضلت ابروحي إسوالف .. ولا جفني ينطبگ

ضل يركض إركاض العمُر .. فاطم
بابي انطفه وضل الجمُر .. فاطم
سنيني إنتهن .. چنتي الوطن .. فاطم
ــــــــــــــــــــ
صبري بغيابچ وشّل
مـو ذاك حيلي الأول .. گوه انگل الجِدَم
قرآنچ من أنظــرله
فاگدلي مُصحف مثله .. وآياته كلها دَم
ليهسه صوتچ بِذْنِي
امسح دمعتي إبـرِدنِي ..وترس الگلـب ألم
اقره السِوَر واتحسّــر
بصوتچ جميله الكوثر .. والكرسي والقلم

قُرآنچ الضـل ينتحــب .. فاطم
وآياته تصرخ آنـه أحب .. فاطم
وسمعته وَنْ .. چنتي الوطن .. فاطم
ــــــــــــــــــــ
گاضيها بس اتحسّر
والرحّى چي ماتفتر .. كتلتني رحِّتِچ
كلساع أصيحن بسمچ
باقي بغرفتچ رسمچ ..يالعـازه عـازِتِچ
يـا رودة الله التـرفه
يالزهره كلشي إبكفّه .. وبكفّه سطرِتِچ
محّد يسـد إمچانــچ
بس الله يعرف شانچ .. ما أنسه وگفِتِچ

من بعدچ إثگيل الحمِل .. فاطم
حيـدر ولا يشْبَـه قَبِل .. فاطم
ميّت لأن .. چنتي الوطن .. فاطم
ــــــــــــــــــــ
ما رحتي چن موجوده
وسـجادِتِـچ ممـدوده .. والتربه ما غُفَتْ
تسأل السِبحَه تريدچ
يالما تطيح من إيـدچ .. مو سبحتچ بِچَتْ
چبير الجرح ما ينْضَم
محرابچ الصـار أظلَـم .. والشمعه شو طفَتْ
كلشـي بغايبـچ خَنگه
يالرحتي عينچ زرگه .. من السطره ورّمَتْ

كون الله لا ينطي الوكِت .. فاطم
وحـدچ خَـذاچ و ما متِت .. فاطم
عيونچ غُفَن .. چنتي الوطن .. فاطم
ــــــــــــــــــــ
يم الحسين وهسّـه
حته الهوه مو نفسه .. چا شنهي عِيْشِتِي
كلشي اختِلَف من بعدچ
محّـد يزهزه يعوّضِـچ .. ويردلِي وحْشتي
خَصم الكلام العنـدي
عايش الدنيا الوحدي .. ومتاني دَفنِتِـي
بس الگبر يجمعنه
والمُلتَقَـى بالجنّـه .. وترجعلـي وَردِتِي

وين الله هيـچ ونلتقي .. فاطم
والفرگه باچـر تنتهي .. فاطم
بجنّة عَدَن .. چنتي الوطن .. فاطم
ــــــــــــــــــــ

مهدي التقي

🔹الـقنــاة الـثـانيـة @Hassoun_10
🔸قنـاة قصائـد حسينية @Alialoussawi
🔺الركب الحسيني @aLRukab_313

( وزن الميـمر ) للزهــراء (ع)


إلـ چلمة وإن .. خَلّك فَطِن
لَتْجامل إعله الزهراء .. ضِلّ إلعَن الحاچيها
ــــــــــــــــــــــ
حبل الچذب كلش گصير إبطبعه
لا تسمع الگال إعله محسن بدعه
باب الزچيه إثگيل موش إتدفعـه

لـ أمّ الحسن خَلّك عون .. مو عايِّزَه وتآذيها
ــــــــــــــــــــــ
أضعف الإيمـان إبلسـانك دافـع
وللينفي كسر الضلع خلك رادع
كسّر إسنونه الگال حـيدر رابع

الله وعلي وياك إيصير .. واثق خُطاك إمشيها
ــــــــــــــــــــــ
ألف وخمسمية سنه إيحرفوها
كافي الزچيه إگبالك إيضربوها
هُمَه وخليفتهُم صدگ مصخوها

والما سِكَت والعباس .. إطوال اللِّسن نچويها
ــــــــــــــــــــــ
بْكتـاب (إبـن القـيس) لووِّح بيـدك
وگِلّه الصِحَاح المو صحيحه تفيدك
خصمـك تره إبمـاء العَكِر لَيصيدك

عاشت يمين إبن القيس .. واللعنه عَالينْفِيها
ــــــــــــــــــــــ
چَذِّبوا چِذبه و صدِّگوا چذبتهم
السُنَّه إحنـه وچـذبه كل سِنَتهم
مو شـيعي إليجـاملهـم إبفعلـتهم

باچر يّحضّر لَه جواب .. خل يحسب إلتاليها
ــــــــــــــــــــــ
صاحب المبدأ صير .. تاني المُنقِذ
سلمان صاحب .. لا تصاحب قُنـفِذ
صبرك على قبض الجمُر لا ينفِـذ

إيدك بِدين المُقداد .. ياهو الـذي يلويـها ؟
ــــــــــــــــــــــ
دنياك مثـل الگنطـره وإنتــه ادره
مگضيّه كلها و كِلنا تـالي إبحـفره
خَلْصانه خلّصها . ويه رَبْع الزهره

بلون الچِفَن وجهك مُوت .. وأم الحسن واليها
ــــــــــــــــــــــ

مهدي التقي

🔹الـقنــاة الـثـانيـة @Hassoun_10
🔸قنـاة قصائـد حسينية @Alialoussawi
🔺الركب الحسيني @aLRukab_313

يـ أول حملـه طلعت للزياره
لِمولانه علي أو ولده الغياره
بِسْم أمّ إلبنـيـن
والمُرشِد حُسَيْن
ــــــــــــــــــ
إبحلمها ام البنين وشاهدت گبــر الزچيّه
إجت يمّ الحُسَيْن ونادِتَــه عندي قضــيّه
حلم عندي چبير وانته بــس لتفسره ليّه
اليشوف أمك بخيت وهسه أضن وجبت عليّه

تِوَكّل (سجّل إسمي) و إنتــه بــادِر
إنترخص (من ولينه) ونمشي باچر
لـ أم گلب الحنين
والمرشد حسين
ــــــــــــــــــ
انتوكل للجنان الـ من بعيد إنشم عطرها
تِصير الدنيا ليل ونمشي مشايه الگبرها
يهنيال التراب البي غفـت آيه إشكُبرهـا
نزور أم الشهيد العذبوها ومخفي سـرها

صدگ و (النيّه شنهي) إمن اوصل إلها
نَوَيْـــتُ ( أنْ أزوُرَ ) الجنـّــه كلهــا
إزيـاره وركْعِتين
والمرشد حسين
ــــــــــــــــــ
إشكبر بخته اليزور ويندب الآيه الكريمه
صحت (مَاذا عَلَى مَنْ شَمَّ) تُربتها العظيمه
گبر أم الوجـود إبلايه گُبه شگد هضـيمه !
گبرها إويه التراب ومبني گبْر الماله قيمه

ييمه و (صبـري باچر) عدنه زلمه
گبرها (ايترسه شيعه) فدوه لإسمه
و يبني المرقدين
والمرشد حسـين
ــــــــــــــــــ
حُسَين انته الدليل وانته دلينه اعله محسن
لِعِد گبره الزغير إنصلّي عنده ونگعِـد إنـوِن
هذاك الـ سِتْ شهور وما لحگ چَفّ إمه يحضِن
يَـ طير من الجنان وهسه حضن الزهره موطِن

الينام (إبعتبة أمّه) ومهـده خـالي
أخييّك (عمره لحظه) وجاها عالي
زِرنَــه إزيارِتِيــن
والمرشد حسـين
ــــــــــــــــــ
خِلَص يمّه نعود العُوْده كون ونرجع إلها
ولا العهد الأخير و الله لا يحرمنا ضِلها
ولو هيّه الجنان البيـها أمك ؟ مـا نِمِلها !
يمُرشِدنا العظيم وحملتك ماكو إبمثلها

زياره (ماكو منهـا) وعظّم أجـرك
يكون (العوده ليها) وحيل أشكرك
يِحْصَل منها وين
والمرشد حسين
ــــــــــــــــــ

مهدي التقي

🔹الـقنــاة الـثـانيـة @Hassoun_10
🔸قنـاة قصائـد حسينية @Alialoussawi
🔺الركب الحسيني @aLRukab_313

يم الأحزان .. موعدچ حان
خل نسولف عالخيام
بابي أسـهل ذاكَ شـام
ــــــــــــــــــــ
يمه گعدي وخل نسولف نِقسِم الهَم
العتبه سهله النـار الأكبر للمُخـيّم
الدخنه باچر يمه أضن بالكوفه تنشم
محسن أهون باچر الطف ينترس دم

هناك طولچ ينعرف .. هناك تَلّ ما ينوصف
بي تصعدين
هنا زغير الـ ينعصُر .. هناك هيبه الينّحُر
ما تلحگيـن

موقفچ وين .. ذاك إلحْسين
خيل البصدره إزدحام
بابي أسـهل ذاكَ شـام
ــــــــــــــــــــ
يمّه حصتچ باچر أكثر منّه كلنه
حزنچ أكثر وانتي گلبـچ مو مثلنه
إنتي آخر وحده تبقـين إبشـملنه
ثگل حملچ خمس مرات إبـ حملنه

ضلعي يمچ شي سهِل .. نحچي لولا عالهزِل ؟
من يِصَعْدوچ
الشام خنگه ودربه مُر .. بگده رايدلچ صبُر
من يــودّوچ

الهودج إنشــال .. ولاكـو كفــاّل
وماكو إخوه ولا عمام
بابي أسهل ذاكَ شـام
ــــــــــــــــــــ
يمه آنه أنضرب أهون يمي حيدر
عدنه مالك عدنه عمّــار و أبو ذر
يمه بفراش آنه أنامن وانتي بالبر
إنتي حصتچ يمه ناگه بسوگ تفتر

قنفذ أسهل من شمر .. بابي أهون وإنستِر
بابي خشبات
إنتي كسرچ مو ضلع .. بشامچ إنتي اليندفع
باب سـاعات

إبنص الأجناب .. وخلفچ الباب
ونظرت الشامت سهام
بابي أسـهل ذاكَ شـام
ــــــــــــــــــــ
يمه آنه لبيتي هجمَوا و إعْصِرُوني
ولا أمُـر ذيــچ الخـرابه ويآخِـذوني
ولا دواويــن الشــماته إيدخّلـوني
وياي فضّـه وإنتي وحـدچ يا عُيوني

هناك لونچ ينخطُف..الحچِي إحجار وينگطُف
موش چلمـات
بيش مَتْنِچ يستِنِد .. فضّه مامش بس هِنِـد
والخَجَـل مات

نِسوَه أعداء .. ماكـو (أسماء)
كلهن يشـبهن قِطـام
بابي أسـهل ذاكَ شـام
ــــــــــــــــــــ
يمه صبري وآنه يمچ عنـدي جيّه
آنه أبچي لمحسن وإنتي اعله أخيّه
إحنه كلمن دوره بس وحده القضيّه
و دوري بالباب أنعصر وانتي السبيّه

الله شاء إبحكمته .. وهاذي كلمن حصِّتَه
مــن البـلاءات
باچر اتذكرين أمس .. بيوم طفچ ينترس
إختبـــارات

وعالـ يِمُر بيچ .. گــدها أدريـچ
إنتي زينـب والسلام
بابي أسهل ذاكَ شـام
ــــــــــــــــــــ

مهدي التقي

🔹الـقنــاة الـثـانيـة @Hassoun_10
🔸قنـاة قصائـد حسينية @Alialoussawi
🔺الركب الحسيني @aLRukab_313

(( گعديـّـــه ))


چذّبوا چذبـه .. وصدّگـــوا بيها
لحيـدر الرتبه .. وركضوا إعليها
والصَدّگ الچِذبه .. إبّاله الأمر لعبه
ما تعب بيها ومن تالي جاها
ــــــــــــــــــــ
چانت اثگيله الخلافه وچان بس حيدر وزنها
الناس چانت طرشه عالحگ كل أصابعها بذنها
والكحيله تريد واحد لو صعد يندل رسنها

وادم عيوب إمترّسه
ناس اتعرف ومغلسه
والخلل واحد أسسه ..وطابت إعليه عياب چنها

راح أمثّلهـا .. إبواحد إمفلِّس
إو وادم إتگلّه ..صيرنّه ريّس
وسوّه الذّي إيعجبه.. إباله الأمر لعبه
ما تعب بيها ومن تالي جاها
ــــــــــــــــــــ
وصعد بيها الماعرفها وعالحفر ضل يمشي جدمه
وگام يحرگ درّت الله بكيفه ويقدّس له فحمه
هم شفت واحد مهندس جاهل إيقوده ويعلْمه

تريد اليعرف المصلحه
مو بالمحابس والـ لِحَه
مو ما يعرف الفاتحه .. وما يفسّر منها چلمه

المغتسل فارغ .. هوسه السقيفه
اليوصل الأول .. صـار الخليفـه
المتونس إبحزبه.. إباله الأمر لعبه
ما تعب بيها ومن تالي جاها
ــــــــــــــــــــ
عافوا اكتاب الله كله وعلى الحاجب عين صعدَت
خذوا بس چلمة الشورى إتگول بس هالچلمه نزلَت
إموصّى چان بجيش اسامه وللسقيفه اجدامه ركضَت

الگال الله عنهم شرذمه
الكرسي الحكم متحزّمه
فرهدوا كلشي لفاطمه .. تحالفوا والسبحه كملت

الوادم إلتمّـت .. محّـد يهمّـه
والحقد فايض .. والغِيره أزمه
وحطباته عالعِتْبَه .. إباله الأمر لعبه
ما تعب بيها ومن تالي جاها
ــــــــــــــــــــ
الما عرف حجمه عليمن حاطيله ألقاب كومه
واللّي يصعد على أسياده بفلس واحد مانسومه
كلها تنفخ ما لگاله اخمسطعـش واحد يلومه

شايف أميـر بهالشـكِل ؟
يصفن شهر من ينسئِل
والحطّه ربـك ينعـزل .. وقُنفُذ إيشكّل حكومه

غَمها من دنيا .. النازِل تِرُفْعَه
اليامر وينهـي .. خالد وربعـه
و الـ مو إله إيسِلْبه .. إباله الأمر لعبه
ما تعب بيها ومن تالي جاها
ــــــــــــــــــــ
وعلي يگلهم هالخلافه امفصله تفصال إعله گدّي
أگدر أگلبها بدقيقه يضيع ذكره اليدنه حدّي
بس بختكم بالوصيه وچي محمد گلي عَدِّي


وهالمنصب يلوگ إلـ هَلَه
الـ يعرف مواسـم سنبله
مو يِحِش ورده إبمِنجَلَه .. وحقده إليجيب ويُوَدّي

ويحرگ الورده .. هيه وإبنها
والصِعَد بيها .. تيّـه رسنها
ونكبه بأثر نكبه .. إباله الأمر لعبه
ما تعب بيها ومن تالي جاها
ــــــــــــــــــــ

مهدي التقي

🔹الـقنــاة الـثـانيـة @Hassoun_10
🔸قنـاة قصائـد حسينية @Alialoussawi
🔺الركب الحسيني @aLRukab_313