بسنة ٢٠٠٠ واكف بالباب انتظر صديقي محمد شافتني جيرانه ام رافي كلتلي علي الله يخليك تعال طلع هاي البزونة من البيت فايته كبل للمطبخ تركض وراها، رحت اشوفها وين حتى أطلعها طلع عتوي رصاصي صغير ، بدون مااتعب والزمه اجه وكف يم رجلي ، طلع للشارع فات ببيت ابو كاظم ، طلعتله اكل المرحومة ام كاظم ، انسانة گلبها اطيب من خبز التنور ، حركات العتوي الصغير خلت الفرع كلها تحبه وتضحك على حركاته واذا يختفي كلها تسأل علّي ،
اهم مايميزه حبه للحياة
يمشي بصف الطالبات ساكت ورافع عينه عليهن هن يخافن منه يركضن ويركض وراهن ، يضحكن على حركاته فيسمحن يبقى يمشي وياهن الحد نهاية الشارع يعوفهن ويكعد بباب ابو المخضر ابو ليث.
يغيب ساعات طويلة ،
اكو كهوة شعبية قريبة على بيتنا يحجيلي ميخا المسيحي اليشتغل بيها :هذا العتوي محبوب قبل يومين جنت انظف الكهوة الفجر تسلل يم ركن قريب عالمبردة مد جسمه ونام على صوت فيروز اليجي من الراديو .
عتوي صغير صار نجم المنطقة ، اعتبرناه شارد من اهله وجنّه نتساءل ليش اختار هذا الشارع وبَقى بي بالذات ؟ الحد مااختفى تماماً ، سألنا اكثر من واحد الحد ماجاوبنا بشار عنده محل البان وطرشي ، كال اجتي مجموعة من البزازين شفته وياهم ، تصورت بشار ينطيني نهاية منطقية حتى يريحني بس تذكرت بيوم فجر سمعت صوت عركة بزازين كلت النفسي بشار ماجذب وصوت البزازين جان نقاش عائلي انتهى برجوع العتوي العائلته الي عاش تحت ضغط وياهم واختار حياة خاصة بي مشتري بيها حريته ولعبة وحبه للبشر وبنات الفرع
مر وكت طويل من غيابه الى ان شفته بيوم نايم جوه سيارة ، اجه عليه كعادته بس جان يعرج ويعاني يرفع رجلي من الكاع، وعرفت رجوعه للحياة المارادها ماجان سهل أبداً.
لـ علي بيرهوف
اهم مايميزه حبه للحياة
يمشي بصف الطالبات ساكت ورافع عينه عليهن هن يخافن منه يركضن ويركض وراهن ، يضحكن على حركاته فيسمحن يبقى يمشي وياهن الحد نهاية الشارع يعوفهن ويكعد بباب ابو المخضر ابو ليث.
يغيب ساعات طويلة ،
اكو كهوة شعبية قريبة على بيتنا يحجيلي ميخا المسيحي اليشتغل بيها :هذا العتوي محبوب قبل يومين جنت انظف الكهوة الفجر تسلل يم ركن قريب عالمبردة مد جسمه ونام على صوت فيروز اليجي من الراديو .
عتوي صغير صار نجم المنطقة ، اعتبرناه شارد من اهله وجنّه نتساءل ليش اختار هذا الشارع وبَقى بي بالذات ؟ الحد مااختفى تماماً ، سألنا اكثر من واحد الحد ماجاوبنا بشار عنده محل البان وطرشي ، كال اجتي مجموعة من البزازين شفته وياهم ، تصورت بشار ينطيني نهاية منطقية حتى يريحني بس تذكرت بيوم فجر سمعت صوت عركة بزازين كلت النفسي بشار ماجذب وصوت البزازين جان نقاش عائلي انتهى برجوع العتوي العائلته الي عاش تحت ضغط وياهم واختار حياة خاصة بي مشتري بيها حريته ولعبة وحبه للبشر وبنات الفرع
مر وكت طويل من غيابه الى ان شفته بيوم نايم جوه سيارة ، اجه عليه كعادته بس جان يعرج ويعاني يرفع رجلي من الكاع، وعرفت رجوعه للحياة المارادها ماجان سهل أبداً.
لـ علي بيرهوف
قلة الأقبال هالفترة عالمطاعم تؤكد ان العراقيين رغم كل التحديات التعصف بيهم عدهم وعي ويدرون كلش زين مطعم بلا نركيلة هي والعدم سواء .
اليوم اتفاجئت صديقين احبهم واحترمهم واحد لاغي صداقة الثاني، برغم علاقتهم صارلها سنين زاد وملح وطبة وطلعة و وكفات حلوه،
ردت اعرف السبب منهم طلع الموضوع اختلاف رأي بشخص ، واحد منزل بوست الثاني راد علّي،
ذاك زعلان ومتنرفز كبل لاغي صداقته وبالاخير اثنينهم متشاوفين بالاسواق ولأول مرة محد مباوع بوجه الثاني .
طبعاً انقهرت وحالياً بطور اخليهم يرجعون مثل قبل لان هذا التصرف برغم ماتعتبره يمس كبريائك وشخصيتك بس هو تصرف صبياني ،
طبعاً اذا جان الموضوع اختلاف آراء . بس الاتهام والتجاوز ونكران العشرة لا هذا اضربه بلوك واسحل بي كاع الحياة بالتجاهل بعد .
احنه مرات نروح الملعب ، كل من يشجع فريق بس نكعد سوه وتنتهي اللعبة ونرجع مامختلفين
نروح الكلية نكعد ونقره ومتراهمين على حسب الأصول .
نروح الكهوة ونفتح موضوع مانتراهم ابد ، بس مع هذا مااخلي الموضوع ينهي صداقتي للأبد ،
اذا تصير هالحالة يتبين لو آني صديق مو حقيقي لو عقلي صغير اتخذ قرار بوحي اللحظة،
وهاي مشكلتنا النعانيها ، بأي لحظة مستعدين نتخلى ونسب اذا واحد يختلف ويانه بموضوع او رأي،
بحيث البارحة ولد كلي علي شنو رأيك بالصار البارحة كتله اعذرني ماعندي اجابة ، كلي يعني فرحان !
ردت اركعه راشدي بس الدنيا حاره ، مع العلم هو شكد خوش ولد بس بأمور ما احبه بيها بس يبقى صديقي مامجبور اخسره لا بالفيس ولا بالواقع
لتعارفوا بعضكم ، ان اكرمكم عن الله اتقاكم
التقوى هي اتقبلك وتتقبلني هذا دستور الهي
ما تعترف بي ما اعترف بيك وبسنت ما اشتريك .
لـ علي بيرهوف
ردت اعرف السبب منهم طلع الموضوع اختلاف رأي بشخص ، واحد منزل بوست الثاني راد علّي،
ذاك زعلان ومتنرفز كبل لاغي صداقته وبالاخير اثنينهم متشاوفين بالاسواق ولأول مرة محد مباوع بوجه الثاني .
طبعاً انقهرت وحالياً بطور اخليهم يرجعون مثل قبل لان هذا التصرف برغم ماتعتبره يمس كبريائك وشخصيتك بس هو تصرف صبياني ،
طبعاً اذا جان الموضوع اختلاف آراء . بس الاتهام والتجاوز ونكران العشرة لا هذا اضربه بلوك واسحل بي كاع الحياة بالتجاهل بعد .
احنه مرات نروح الملعب ، كل من يشجع فريق بس نكعد سوه وتنتهي اللعبة ونرجع مامختلفين
نروح الكلية نكعد ونقره ومتراهمين على حسب الأصول .
نروح الكهوة ونفتح موضوع مانتراهم ابد ، بس مع هذا مااخلي الموضوع ينهي صداقتي للأبد ،
اذا تصير هالحالة يتبين لو آني صديق مو حقيقي لو عقلي صغير اتخذ قرار بوحي اللحظة،
وهاي مشكلتنا النعانيها ، بأي لحظة مستعدين نتخلى ونسب اذا واحد يختلف ويانه بموضوع او رأي،
بحيث البارحة ولد كلي علي شنو رأيك بالصار البارحة كتله اعذرني ماعندي اجابة ، كلي يعني فرحان !
ردت اركعه راشدي بس الدنيا حاره ، مع العلم هو شكد خوش ولد بس بأمور ما احبه بيها بس يبقى صديقي مامجبور اخسره لا بالفيس ولا بالواقع
لتعارفوا بعضكم ، ان اكرمكم عن الله اتقاكم
التقوى هي اتقبلك وتتقبلني هذا دستور الهي
ما تعترف بي ما اعترف بيك وبسنت ما اشتريك .
لـ علي بيرهوف
اليسأل ليش اكو عالم ماتلتزم بالحظر ؟
الخوف من الجوع اقوى من خوف كورونا
العالم محتاجة بس عدها كرامة ماتمد ايديها
شعب تعود من سنين عالأمراض والموت
والمستشفيات التعبانة ميهمه الموضوع بعد
الفقر يفشل والجوع مايرحم ،
الناس ماتخاف من كورونا الهالسبب يكول مموجود ،
خرافة لو مؤامرة ، العوز مايعترف بالمنطق
تريد هيج ناس تلتزم ؟
كله جهالك طالع مصرفهم وماراح يجوعون
كله ماريد فلوس ايجار الحد ماالله يفضها وترجع الشغلك
طمنه ليشيل هم عالتقسيط وخل باله يرتاح
طمنه ماراح يعيش بالظلام لأن محتاج فلوس مولدة
ساعتها راح تشوف شعب واعي وملتزم.
الخوف من الجوع اقوى من خوف كورونا
العالم محتاجة بس عدها كرامة ماتمد ايديها
شعب تعود من سنين عالأمراض والموت
والمستشفيات التعبانة ميهمه الموضوع بعد
الفقر يفشل والجوع مايرحم ،
الناس ماتخاف من كورونا الهالسبب يكول مموجود ،
خرافة لو مؤامرة ، العوز مايعترف بالمنطق
تريد هيج ناس تلتزم ؟
كله جهالك طالع مصرفهم وماراح يجوعون
كله ماريد فلوس ايجار الحد ماالله يفضها وترجع الشغلك
طمنه ليشيل هم عالتقسيط وخل باله يرتاح
طمنه ماراح يعيش بالظلام لأن محتاج فلوس مولدة
ساعتها راح تشوف شعب واعي وملتزم.
ان شاء الله وره العيد الحياة ترجع الطبيعتها
ساعتها كورونا كبر ويكدر يعتمد على نفسه
ساعتها كورونا كبر ويكدر يعتمد على نفسه
قبل شوية جان عندي شغل كملتة ، كعدت اباوع عالستلايت اكلب بالقنوات، بالاخير استقريت على قناة ناشيونال جيوغرافيك ، مطلعين تقرير على حياة الصقور ، يكول اكو نوع من الصقور توصل العمر الأربعين تموت ، اظافيرهن تشيخ وتوكع ماتكدر بعد تلزم فريستها ،الريش يقل بالجنح بالتالي مستحيل بعد يكدر يطير،
نادراً تلكه صقر يموت بالكاع ،يطير الحد مايوصل اقرب قمة جبل يبقى هناك ويموت بهدوء ،فئة قليلة من الصقور تبقى عايشة ومتستسلم الهذه المصير ،هذه النوع شيسوي ، يبنيلة عِش جبير فوك قمة جبل يحاول يصطاد وينقل للعش اكبر كمية من الأكل يعيش عليها بالفترة الجاية ، ينتف الريش بمنكارة شكد مايكدر ، يضرب منكارة بالصخر حتى يعدلة ، يضرب اظافرة قوي حتى يتكسرن كلهن ،
يبقى 4 اشهر بدون أظافر وريش ومنكار ،وياكل من المخزون العندة ، تدريجياً بمرور الايام يطلعله ريش وأظافر ومنكار ويكدر يعيش بعد 30 سنة الحد مايصير عمرة ستين او 70 ،
احنه النختار حياتنا شوكت تبدي وشوكت تخلص ،الناس الداير مادايرك مالهم علاقة بقصتك ،انت صاحب القرار ،العالم حبال اذا ردت تتغطى بيهم تبقى عريان ، محد يساعدك بكد نفسك ومتهتم احد يوكفلك اذا عندك ثقة بيك ، نظرتك على نفسك تعكس نظرة الناس عليك ،
الحب قدر ، السعي عطاء ، الثقة اختيار.
لـ علي بيرهوف
نادراً تلكه صقر يموت بالكاع ،يطير الحد مايوصل اقرب قمة جبل يبقى هناك ويموت بهدوء ،فئة قليلة من الصقور تبقى عايشة ومتستسلم الهذه المصير ،هذه النوع شيسوي ، يبنيلة عِش جبير فوك قمة جبل يحاول يصطاد وينقل للعش اكبر كمية من الأكل يعيش عليها بالفترة الجاية ، ينتف الريش بمنكارة شكد مايكدر ، يضرب منكارة بالصخر حتى يعدلة ، يضرب اظافرة قوي حتى يتكسرن كلهن ،
يبقى 4 اشهر بدون أظافر وريش ومنكار ،وياكل من المخزون العندة ، تدريجياً بمرور الايام يطلعله ريش وأظافر ومنكار ويكدر يعيش بعد 30 سنة الحد مايصير عمرة ستين او 70 ،
احنه النختار حياتنا شوكت تبدي وشوكت تخلص ،الناس الداير مادايرك مالهم علاقة بقصتك ،انت صاحب القرار ،العالم حبال اذا ردت تتغطى بيهم تبقى عريان ، محد يساعدك بكد نفسك ومتهتم احد يوكفلك اذا عندك ثقة بيك ، نظرتك على نفسك تعكس نظرة الناس عليك ،
الحب قدر ، السعي عطاء ، الثقة اختيار.
لـ علي بيرهوف
تريد وحده عدها شهادة، أتقدم الوحدة عدها شهادة
تريد وحدة حلوة، اتزوج وحده حلوة
تريد وحدة محجبة، اتزوج محجبة
تريد وحدة تشتغل، دور وأتزوج وحدة تشتغل
تريد وحدة انطوائية، ارتبط بوحدة انطوائية
تريد وحدة بمواصفات معينة دور الحد متلكاها،
بس لتتعلق بوحدة مو محجبة وتريد تحجبها،
كل شي ميجي بأقتناع داخلي ماراح يصير ،
لتسعى الشي تريد تصلحة وبالاخير تكسره
ماعندك مرونة وسعة صدر خليها الغيرك يقبل بهذه وضعها
لتفرض شي على انسان،
لو تقبلة وتعيش وياه
لو تعوفه بحال سبيلة
التمّلك وحده ميقيم بيوت،
بكد مايسويها الاحترام والتقدير .
لـ علي بيرهوف
تريد وحدة حلوة، اتزوج وحده حلوة
تريد وحدة محجبة، اتزوج محجبة
تريد وحدة تشتغل، دور وأتزوج وحدة تشتغل
تريد وحدة انطوائية، ارتبط بوحدة انطوائية
تريد وحدة بمواصفات معينة دور الحد متلكاها،
بس لتتعلق بوحدة مو محجبة وتريد تحجبها،
كل شي ميجي بأقتناع داخلي ماراح يصير ،
لتسعى الشي تريد تصلحة وبالاخير تكسره
ماعندك مرونة وسعة صدر خليها الغيرك يقبل بهذه وضعها
لتفرض شي على انسان،
لو تقبلة وتعيش وياه
لو تعوفه بحال سبيلة
التمّلك وحده ميقيم بيوت،
بكد مايسويها الاحترام والتقدير .
لـ علي بيرهوف
مااعرف ليش أكثر الشباب العدنا واليشتغلون بيومية ينحصر طموحه وتفكيرة بس بموبايل آيفون وملابس جديدة،
انت صاحب دخل محدود تبذل جهد كبير يلا تحصل أجرتك على غفلة تبطل وره أسبوع تفلس تبيع موبايلك وترجع من الصفر ماسويت شي،
بهالوكت هذا تصير عندك ثقة من اكو فلوس بجيبك الشخصية القوية مرات العامل المادي يسويها مو بس تعتمد عالسلوك،
ثق بالله والأئمة والخلفاء الأربعة والصحابة وكل ضريح ومقام اذا ماتجمع الألف فوك الألف لا صديق يريدك ولا أخ يحتويك ولا اخت يظل بالها عليك.
انت صاحب دخل محدود تبذل جهد كبير يلا تحصل أجرتك على غفلة تبطل وره أسبوع تفلس تبيع موبايلك وترجع من الصفر ماسويت شي،
بهالوكت هذا تصير عندك ثقة من اكو فلوس بجيبك الشخصية القوية مرات العامل المادي يسويها مو بس تعتمد عالسلوك،
ثق بالله والأئمة والخلفاء الأربعة والصحابة وكل ضريح ومقام اذا ماتجمع الألف فوك الألف لا صديق يريدك ولا أخ يحتويك ولا اخت يظل بالها عليك.
انرزقت هواي بحياتي ، وممتن لله على لطفه بعباده حتى يكدرون يستمرون بهالحياة الصعبة .
اشكره على رزق العمل والصديق الوفي والصبر والتريث والهدوء والستر . كل هالأمور رزق نستحق نشكره عليها ونتمناها تستمر .
بس اهم رزق ماذكرته بهالامور هو رزق شريك الحياة
شريك الحياة اليسندك بكل مجريات حياتك ويبقى متمسك بيك لأن شايفك انت الانسان الصح بحياته
انت الصح برغم كل أخطاءك المتقبلها واليشوفها امور طبيعية بيك
شريك الحياة الصورته تجي بعينك من تعصب وتنغث ويه ناس سنت مايسوون ، صورته التكلك جوابك الهم انت مو بقيمتهم ولايستحقون حجايه منك ،
صورته تجي بعينك وتحس بداخلك ثقة ماعايشها بعز قوتك وايمانك بنفسك .
شريك الحياة اليصيرلك أمان من تحط راسك عالمخده وتنام ، عن صديق تحجي كل شي كدامه
عن انسان يكلك باجر الله كريم اريدك بس ترتاح
عن كل لحن تسمعه يصير حلو وكل اغنية تسويلك واهس للحياة لأن هو بيها .
عن طيبة گلبك الزايده الماتعرف منين ، عن حبك للأطفال والمحتاجين ، عن تواضعك للبشر والحجر
كل هالأمور تجي بس منه ، العين والروح والگلب والنفس الأخير والحب الأبدي الي اسمه (شريك حياة )
والله يرزقنه ويرزقكم هيج انسان ❤️
علي بيرهوف
اشكره على رزق العمل والصديق الوفي والصبر والتريث والهدوء والستر . كل هالأمور رزق نستحق نشكره عليها ونتمناها تستمر .
بس اهم رزق ماذكرته بهالامور هو رزق شريك الحياة
شريك الحياة اليسندك بكل مجريات حياتك ويبقى متمسك بيك لأن شايفك انت الانسان الصح بحياته
انت الصح برغم كل أخطاءك المتقبلها واليشوفها امور طبيعية بيك
شريك الحياة الصورته تجي بعينك من تعصب وتنغث ويه ناس سنت مايسوون ، صورته التكلك جوابك الهم انت مو بقيمتهم ولايستحقون حجايه منك ،
صورته تجي بعينك وتحس بداخلك ثقة ماعايشها بعز قوتك وايمانك بنفسك .
شريك الحياة اليصيرلك أمان من تحط راسك عالمخده وتنام ، عن صديق تحجي كل شي كدامه
عن انسان يكلك باجر الله كريم اريدك بس ترتاح
عن كل لحن تسمعه يصير حلو وكل اغنية تسويلك واهس للحياة لأن هو بيها .
عن طيبة گلبك الزايده الماتعرف منين ، عن حبك للأطفال والمحتاجين ، عن تواضعك للبشر والحجر
كل هالأمور تجي بس منه ، العين والروح والگلب والنفس الأخير والحب الأبدي الي اسمه (شريك حياة )
والله يرزقنه ويرزقكم هيج انسان ❤️
علي بيرهوف
الناس الي توزع البسمة على التعرفه والمتعرفه
الي دائماً تشوفه يضحك بوجهك
ويكلك اني كلش زين ومرتاح ،
الي كل همه يسمعك وميريد يحجي كلمه ،
الي انت متعرف ليش هيج يسوي ،
الي تشوفه مقهور على امور بنظرك تشوفها تافهه،
الي دائماً يكلك باجر عكبة تفض لتهتم ،
الي يكدر يفهمك ويستوعبك
من نبرة صوتك وملامح وجهك ،
الي يحبك وماعنده وياك مصلحة،
ويساعدك بدون مايريد مقابل ،
الي اذا ضحكت يضحك من كل گلبه
واذا حزنت يحزن وياك
هالناس اذا انكسروا منك ،
لتحاول تصلحهم ماراح تعرف
بس تعرف شي واحد
" مو كل شي تشوفه بعد يتكرر بحياتك "
لـ علي بيرهوف
الي دائماً تشوفه يضحك بوجهك
ويكلك اني كلش زين ومرتاح ،
الي كل همه يسمعك وميريد يحجي كلمه ،
الي انت متعرف ليش هيج يسوي ،
الي تشوفه مقهور على امور بنظرك تشوفها تافهه،
الي دائماً يكلك باجر عكبة تفض لتهتم ،
الي يكدر يفهمك ويستوعبك
من نبرة صوتك وملامح وجهك ،
الي يحبك وماعنده وياك مصلحة،
ويساعدك بدون مايريد مقابل ،
الي اذا ضحكت يضحك من كل گلبه
واذا حزنت يحزن وياك
هالناس اذا انكسروا منك ،
لتحاول تصلحهم ماراح تعرف
بس تعرف شي واحد
" مو كل شي تشوفه بعد يتكرر بحياتك "
لـ علي بيرهوف
منى عمرها 27 سنة،
تكول ولا مرة شفت ابوية يبوس امي او هي تبوسة ،
27 سنة ولا مرة شفتة جابلها هدية او كلها احبج او راحوا بمطعم يكعدون ،
دائماً تكول لأمها اذا اتزوجت ولا اريد اصير مثلج انتي وابوية،
وره سنة منى اتزوجت بيوم زواجهم والحضور طلبت منة يبوسها كدام الناس ،
هو استحة كدام العالم لأن جانت عيونهم كلها علّي
بمرور الوكت والسنين اتبينلها زوجها طلع نسخة من ابوها وهي بمرور الوكت صارت مثل امها ،
ولاتتذكر فد يوم كعد بصفها وكلها احبج ولعب بشعرها ،
او جابلها باقة ورد بس هو بداخلة يعشق كل حرف من اسمها وكل ذرة بيها ،
جانت اذا تختنك وتريد تبجي يجي يحتويها بلمسة ايدة على رجليها وابتسامة تخليها مرتاحة طول الوكت.
اول حمل الها بآخر ايام ولادة طفلها جان يبقى وياها 24 ساعة يكعد بالكاع كبالها هو وحجمة الضخم وكرشة يسويلها حركات حتى يضحكها ، من وره صوتة العالي مرة طردوا من الغرفة .
بالاخير انرزقت منى بولد سمّته ابراهيم، هو وبحضنها وعين زوجها بعينها، عرفت واتأكدت هو بگلبها مهما صار .
كلمة احبك بمجتمعنا صارت اسهل شي .حتى من شخص يريد يسلم عليك او عليج اول مرة تشوفه راح يحشر كلمة حبيبي بالنص ،
فيصل الموضوع هو الفعل مو الحجاية .
من يصير الفعل طاغي الكدامك بعد ميحتاج اَي كلمة ،
ذاك اليوم داأقرة بكتاب اسمة الملك وصل يكول : لم اسمعه مرة يكلمها عن الحب، ولاسمعتها هي تتكلم عنهُ ، ولكنها حين كانت تسانده على ان يلبس معطفهُ ، حين تسند ظهره لتسقيه ،حين تدلك له ذراعه وقدميه بأصابعها ، كانت هذه الاصابع تنطق شيئاً يتجاوز الحب ذاته.
علي بيرهوف
تكول ولا مرة شفت ابوية يبوس امي او هي تبوسة ،
27 سنة ولا مرة شفتة جابلها هدية او كلها احبج او راحوا بمطعم يكعدون ،
دائماً تكول لأمها اذا اتزوجت ولا اريد اصير مثلج انتي وابوية،
وره سنة منى اتزوجت بيوم زواجهم والحضور طلبت منة يبوسها كدام الناس ،
هو استحة كدام العالم لأن جانت عيونهم كلها علّي
بمرور الوكت والسنين اتبينلها زوجها طلع نسخة من ابوها وهي بمرور الوكت صارت مثل امها ،
ولاتتذكر فد يوم كعد بصفها وكلها احبج ولعب بشعرها ،
او جابلها باقة ورد بس هو بداخلة يعشق كل حرف من اسمها وكل ذرة بيها ،
جانت اذا تختنك وتريد تبجي يجي يحتويها بلمسة ايدة على رجليها وابتسامة تخليها مرتاحة طول الوكت.
اول حمل الها بآخر ايام ولادة طفلها جان يبقى وياها 24 ساعة يكعد بالكاع كبالها هو وحجمة الضخم وكرشة يسويلها حركات حتى يضحكها ، من وره صوتة العالي مرة طردوا من الغرفة .
بالاخير انرزقت منى بولد سمّته ابراهيم، هو وبحضنها وعين زوجها بعينها، عرفت واتأكدت هو بگلبها مهما صار .
كلمة احبك بمجتمعنا صارت اسهل شي .حتى من شخص يريد يسلم عليك او عليج اول مرة تشوفه راح يحشر كلمة حبيبي بالنص ،
فيصل الموضوع هو الفعل مو الحجاية .
من يصير الفعل طاغي الكدامك بعد ميحتاج اَي كلمة ،
ذاك اليوم داأقرة بكتاب اسمة الملك وصل يكول : لم اسمعه مرة يكلمها عن الحب، ولاسمعتها هي تتكلم عنهُ ، ولكنها حين كانت تسانده على ان يلبس معطفهُ ، حين تسند ظهره لتسقيه ،حين تدلك له ذراعه وقدميه بأصابعها ، كانت هذه الاصابع تنطق شيئاً يتجاوز الحب ذاته.
علي بيرهوف
اغلب احلامنا تموت وتنتهي
بسبب الناس شراح تكول علينا ؟
ولأن عيب ومايصير وحرام ولأن فلان ياخذ موقف وعمو تتغير نظرتة وخالة سعاد تزعل،
ولأن اتربينا نفكر بالخطوة وتفصيلة التفصيلة قبل لانسوي شي ولأن رايدين بس نفوز وما مستعدين نتحمل تبعات الخسارة،
ولأن نحب الأمان ونكره المجازفة حتى لو هو الامر الوحيد الوصول للتريده،
ولأن اتعلمنا نتفرج عالحياة ومانعيشها مع العلم احنه بشر مو ملائكة ولا قديسين،
نضعف ونخطأ وكلبنا يتصرف ضد ارادتنا وغريزة البقاء بداخلنا تتغلب على كل تفكير ومنطق عقلاني،
لو الله رايد ناس ما تخطأ وما تكوم من على سجادة الصلاة،
ناس انقياء مثل ما الكتب السماوية تكول جان خلق هيج ناس وفضها،
الله نزلنا بهذا الأوبشن لان رايده بينا،
وحتى تبقى العلاقة بينك وبينه، رايح جاي، خطأ ومغفرة، ثواب وعقاب،
الله ما يزعل من عدنا ولا واكفلنا عالخطأ
كد ما البشر يراقبنا ومنتظر من عدنا غلطة.
بسبب الناس شراح تكول علينا ؟
ولأن عيب ومايصير وحرام ولأن فلان ياخذ موقف وعمو تتغير نظرتة وخالة سعاد تزعل،
ولأن اتربينا نفكر بالخطوة وتفصيلة التفصيلة قبل لانسوي شي ولأن رايدين بس نفوز وما مستعدين نتحمل تبعات الخسارة،
ولأن نحب الأمان ونكره المجازفة حتى لو هو الامر الوحيد الوصول للتريده،
ولأن اتعلمنا نتفرج عالحياة ومانعيشها مع العلم احنه بشر مو ملائكة ولا قديسين،
نضعف ونخطأ وكلبنا يتصرف ضد ارادتنا وغريزة البقاء بداخلنا تتغلب على كل تفكير ومنطق عقلاني،
لو الله رايد ناس ما تخطأ وما تكوم من على سجادة الصلاة،
ناس انقياء مثل ما الكتب السماوية تكول جان خلق هيج ناس وفضها،
الله نزلنا بهذا الأوبشن لان رايده بينا،
وحتى تبقى العلاقة بينك وبينه، رايح جاي، خطأ ومغفرة، ثواب وعقاب،
الله ما يزعل من عدنا ولا واكفلنا عالخطأ
كد ما البشر يراقبنا ومنتظر من عدنا غلطة.
بزمن صدام وضع اهلي جان كلش تعبان خصوصاً بعد وفاة والدتي بسنة 1996 ، كل اخواني واني من ضمنهم تغيرت حياتنا رأساً على عِقب ، والوضع المادي يوم عن يوم بده يسوء صرت من ابن مدلل لانسان لازم يعتمد على نفسه بعد ،
لزمني ابوية الله يرحمه كلي علي البارحة جانت امك يمك وراحت باجر عكبة الله ياخذ أمانتي وتبقى وحدك ، لازم تشتغل وخلي شغلة ببالك اذا ملكيت شغل انت اصنعة ،
بقيت يومية اطلع الصبح افتر عالمحلات مال جملة بالغدير ، افتريت بشارع فلسطين والمنصور والكرادة ، لأن عمري صغير وممشتغل قبل مارادوني ، يومية ارجع للبيت متروس احباط الحد مايوم طلعت بمنطقتنا شفت جيرانه عنده سياره كرونا شفته يغسل بيها ،
وكفت يمة كلي ابني علي براس الشارع اكو ابو اصباغ هاي 750 دينار جيبلي صبغ فضي وفرجه اصبغ بي الويل مال سيارة، رحت جبتله ورجعت كتله اني اصبغهن الك ، ماطولت صبغتهن اربعتهن ، من شفتهن طلعن حلوات اجتي ببالي فكرة اشتغل بيها ، اشتري صبغ وفرجة واروح للصناعة مال تصليح سيارات اَي واحد اشوف وَيْل سيارتة مزنجر اروح اكله تصبغهن، اشتريتهن حسب الأصول وخليتهن بجنطه وياهن وصله امسح بيها ، اول يوم طلعت جنت متردد استحي اروح ، الحد مارحت الواحد عنده برازيلي كتله تصبغ الوياله ؟ كلي اَي اريد اصبغهن شكد تاخذ ، كتله الف دينار كلي يلا اتوكل،
صبغتها وكملت اخذت الفلوس منه صارلي دافع رحت الغيره
اهل المحلات صاروا يعرفوني يوم عن يوم ،
صرت ماارجع للبيت اذا مو بجيبي 5000 لو 6000 دينار يومية كلش هواي بذاك الوكت ، بقيت انطي مصرف لاهلي وأجمع ، الحد مااشتريت ماطور بخاخ للصبغ طورت شغلي بي
صارت يوميتي تزيد يوم عن يوم ، الحد ماالله وفقني وأخذت محل بصناعة البياع وحدي صبغ سيارات، بهاي اليومية عاشوا اهلي احسن عيشة وره فترة اتزوجن خواتي كل وحده صارت ببيت وبقيت وحدي عايش كل هالسنين معتمد على نفسي ،
قبل فترة بالليل جنت ممتعشي كلت اروح قريب عالمسرح الوطني يبيعون مشويات ، كعدت تعشيت اجتي ببالي فكرة ، كلت من اكمل اروح ادور على شغل اني ممحتاج شغل بس ردت اسوي تجربة ، من وصلت للكاشير كتله استاذ متحتاجون عامل هنا وياكم ، كلي حالياً منحتاج بس خلي رقمك يمنه
شكرتة وعفته رحت المحل بصفه يبيع نراكيل ومعسل ولد شاب ومرتب ، كتلة اخوية شلونك ، اني كاعد بدون شغل اذا تحتاج عامل وياك هذه رقمي بأي وكت تكدر تخابرني ، رجعت للبيت ، وره يومين خابرني ابو النراكيل كلي تكدر تداوم باجر ؟ كتله تدلل بس راح ادز غيري وعلى مسؤوليتي ، اشتغل شخص دازلي رسالة بالفيس جان محتاج شغل ،
ابو المشويات خابرني وره اسبوع كلي اريدك تجي هسه ، رحتله صدك وحجيتله الموقف ، كلش حبني وهسه كلما اريد اتعشى اروح يمه .
اليريد يعيش ويشتغل مايفكر يطلع يشتغل من اول يوم
ولتوصي واحد يدورلك شغل وانت كاعد فاتح نت
اطلع دور وأسعى ولتيأس اذا ملكيت
الشمس من تختفي تطلع ثاني يوم.
لـ علي بيرهوف
لزمني ابوية الله يرحمه كلي علي البارحة جانت امك يمك وراحت باجر عكبة الله ياخذ أمانتي وتبقى وحدك ، لازم تشتغل وخلي شغلة ببالك اذا ملكيت شغل انت اصنعة ،
بقيت يومية اطلع الصبح افتر عالمحلات مال جملة بالغدير ، افتريت بشارع فلسطين والمنصور والكرادة ، لأن عمري صغير وممشتغل قبل مارادوني ، يومية ارجع للبيت متروس احباط الحد مايوم طلعت بمنطقتنا شفت جيرانه عنده سياره كرونا شفته يغسل بيها ،
وكفت يمة كلي ابني علي براس الشارع اكو ابو اصباغ هاي 750 دينار جيبلي صبغ فضي وفرجه اصبغ بي الويل مال سيارة، رحت جبتله ورجعت كتله اني اصبغهن الك ، ماطولت صبغتهن اربعتهن ، من شفتهن طلعن حلوات اجتي ببالي فكرة اشتغل بيها ، اشتري صبغ وفرجة واروح للصناعة مال تصليح سيارات اَي واحد اشوف وَيْل سيارتة مزنجر اروح اكله تصبغهن، اشتريتهن حسب الأصول وخليتهن بجنطه وياهن وصله امسح بيها ، اول يوم طلعت جنت متردد استحي اروح ، الحد مارحت الواحد عنده برازيلي كتله تصبغ الوياله ؟ كلي اَي اريد اصبغهن شكد تاخذ ، كتله الف دينار كلي يلا اتوكل،
صبغتها وكملت اخذت الفلوس منه صارلي دافع رحت الغيره
اهل المحلات صاروا يعرفوني يوم عن يوم ،
صرت ماارجع للبيت اذا مو بجيبي 5000 لو 6000 دينار يومية كلش هواي بذاك الوكت ، بقيت انطي مصرف لاهلي وأجمع ، الحد مااشتريت ماطور بخاخ للصبغ طورت شغلي بي
صارت يوميتي تزيد يوم عن يوم ، الحد ماالله وفقني وأخذت محل بصناعة البياع وحدي صبغ سيارات، بهاي اليومية عاشوا اهلي احسن عيشة وره فترة اتزوجن خواتي كل وحده صارت ببيت وبقيت وحدي عايش كل هالسنين معتمد على نفسي ،
قبل فترة بالليل جنت ممتعشي كلت اروح قريب عالمسرح الوطني يبيعون مشويات ، كعدت تعشيت اجتي ببالي فكرة ، كلت من اكمل اروح ادور على شغل اني ممحتاج شغل بس ردت اسوي تجربة ، من وصلت للكاشير كتله استاذ متحتاجون عامل هنا وياكم ، كلي حالياً منحتاج بس خلي رقمك يمنه
شكرتة وعفته رحت المحل بصفه يبيع نراكيل ومعسل ولد شاب ومرتب ، كتلة اخوية شلونك ، اني كاعد بدون شغل اذا تحتاج عامل وياك هذه رقمي بأي وكت تكدر تخابرني ، رجعت للبيت ، وره يومين خابرني ابو النراكيل كلي تكدر تداوم باجر ؟ كتله تدلل بس راح ادز غيري وعلى مسؤوليتي ، اشتغل شخص دازلي رسالة بالفيس جان محتاج شغل ،
ابو المشويات خابرني وره اسبوع كلي اريدك تجي هسه ، رحتله صدك وحجيتله الموقف ، كلش حبني وهسه كلما اريد اتعشى اروح يمه .
اليريد يعيش ويشتغل مايفكر يطلع يشتغل من اول يوم
ولتوصي واحد يدورلك شغل وانت كاعد فاتح نت
اطلع دور وأسعى ولتيأس اذا ملكيت
الشمس من تختفي تطلع ثاني يوم.
لـ علي بيرهوف
ما اكدر اتعامل ويه شخص بداخلة قسوة تجاه البشر،
صديق، گرايب، عمل، متأكد علاقتي بي بطريقها للنهاية او اضعف الأيمان راح تصير علاقة سطحية على كد السلام وأحاول اتجنبه اذا المواقف جمعتنا،
ما اعرف اتعامل ويه واحد عنده قلة ذوق
وما يغفر ويتشمت بمصيبة غيره
حتى لو ابن عمي يصير،
الناس الما يرمشلهم جفن
من يصير سبب بحزن وضيق غيره
ما اكدر اتعامل وياهم مهما بلغت درجة قربهم مني.
صديق، گرايب، عمل، متأكد علاقتي بي بطريقها للنهاية او اضعف الأيمان راح تصير علاقة سطحية على كد السلام وأحاول اتجنبه اذا المواقف جمعتنا،
ما اعرف اتعامل ويه واحد عنده قلة ذوق
وما يغفر ويتشمت بمصيبة غيره
حتى لو ابن عمي يصير،
الناس الما يرمشلهم جفن
من يصير سبب بحزن وضيق غيره
ما اكدر اتعامل وياهم مهما بلغت درجة قربهم مني.
ماكو شي بالحياة اجمل من السمعة الحلوة
ودائماً بحياتك تلگه ناس تريد تشوه صورتك
بس يختفون ويفشلون ويعيشون بنقص منا اليوم القيامة،
شكد ما تنجح وتشتغل وتداري روحك وتضمن مستقبلك ما راح تلگه كنز احلى من نظرة الله الحلوة والناس عليك
الله من خلق الشجرة وخلاها تثمر الفضل ميعود للفلاح من يحصد، يرجعله الفضل من ينطيها ميي ويداريها وحتى لو عافها ومحد وصلها راح يوصلها المطر وتواصل حياتها،
الانسان هم هيج ويه كل فعل وحجاية يحصد تقدير الناس واذا الناس ما قدرته الله يقدره ويرفع شأنه،
وهنيال النيته صافية ويحبه الله
بعد يا تقدير يهتمله
ويا بشر يخلي يسهر الليل
ويا شكل يعجبه،
غير واحد يشبهه بهالصفات.
علي بيرهوف
ودائماً بحياتك تلگه ناس تريد تشوه صورتك
بس يختفون ويفشلون ويعيشون بنقص منا اليوم القيامة،
شكد ما تنجح وتشتغل وتداري روحك وتضمن مستقبلك ما راح تلگه كنز احلى من نظرة الله الحلوة والناس عليك
الله من خلق الشجرة وخلاها تثمر الفضل ميعود للفلاح من يحصد، يرجعله الفضل من ينطيها ميي ويداريها وحتى لو عافها ومحد وصلها راح يوصلها المطر وتواصل حياتها،
الانسان هم هيج ويه كل فعل وحجاية يحصد تقدير الناس واذا الناس ما قدرته الله يقدره ويرفع شأنه،
وهنيال النيته صافية ويحبه الله
بعد يا تقدير يهتمله
ويا بشر يخلي يسهر الليل
ويا شكل يعجبه،
غير واحد يشبهه بهالصفات.
علي بيرهوف
قبل سنين عجبني اشتري بنطرون وقميص , تغيير الملابس كل فترة او تغيير بشكلك ,لحيتك او شعرك مطلب مهم للنفس ترغب بالتجديد بشي معقول بدون مبالغة
افتريت بالربيعي دخلت كم محل واطلع اشوف غيره شوية نحس بالأختيار
فتت بمحل جديد مفتح بوكتها , صاير بقيصرية بصفه محلات يبيعون ملابس واحذية رجالية اثناء مااتفرج واكلب بالملابس شفت شاب صغير يريد يشتري ملابس , الحياة قاسية وياه من خلال ملامحه وعيونه الناعسة البداخلها الف حلم مهدور
عيون المحروم قوية الملاحظة , خايفة ومرتبكة تنطي ايعاز للملامح تبتسم بوجه اي واحد بس تفتقر للذوق المطلوب لأن صاحبها ماصارتله فرص يختار بكيفه بالحياة
ركزت وياه وكالعادة محد مركز وياه من اليشتغلون بالمحل لازم يمشون غيره يلا يمشوه ,لازم يخلوه ينتظر ويتشبع من ضحكاتهم واقناعهم المزيف الغير زبون
وبعد ماصرفوا وباعوا للشايل سلاح بخصرة اجه واحد علي بغير وجه : كول حبيبي شرايد؟
رايد تشيرت وبنطرون
طلعله تشيرت ملون مال تنزيلات وبنطرون لونه صارخ كله كدر ذني
وبدون مايكلهم ماريد هذا اللون او هذا الموديل فات للمنزع لبسهن وطلع يستحي يباوع بوجهه بالمراية
كلهم مرتاح بيهن , نزعهن وخلاهن اله بعلاكه
هذا نفسه اليروح الصيدلية ماخذ اسم الدوه بورقة والصيدلاني ميباوع بوجهه
ونفسه اليعلق على ناس يشوفهم مشاهير ويحبهم وهم مادايريله بال
ونفسه الينطيك ملابسه اذا شافك بردان
ونفسه يشيلك اذا وكعت بالشارع , ونفسه اذا واحد يسيء الك يفوت يرده
ونفسه الي انكساره صارلك رزق وموفقية ونجاح
ونفسه الي نقصك التعاني كملته بسلوكك تجاهه
وشكد ما قاسية الحياة وياه يبقى احلى واصدق منك
ومثل ما كال حامد الشمري
من دون الجروح تخبل جروحك
لـ علي بيرهوف
افتريت بالربيعي دخلت كم محل واطلع اشوف غيره شوية نحس بالأختيار
فتت بمحل جديد مفتح بوكتها , صاير بقيصرية بصفه محلات يبيعون ملابس واحذية رجالية اثناء مااتفرج واكلب بالملابس شفت شاب صغير يريد يشتري ملابس , الحياة قاسية وياه من خلال ملامحه وعيونه الناعسة البداخلها الف حلم مهدور
عيون المحروم قوية الملاحظة , خايفة ومرتبكة تنطي ايعاز للملامح تبتسم بوجه اي واحد بس تفتقر للذوق المطلوب لأن صاحبها ماصارتله فرص يختار بكيفه بالحياة
ركزت وياه وكالعادة محد مركز وياه من اليشتغلون بالمحل لازم يمشون غيره يلا يمشوه ,لازم يخلوه ينتظر ويتشبع من ضحكاتهم واقناعهم المزيف الغير زبون
وبعد ماصرفوا وباعوا للشايل سلاح بخصرة اجه واحد علي بغير وجه : كول حبيبي شرايد؟
رايد تشيرت وبنطرون
طلعله تشيرت ملون مال تنزيلات وبنطرون لونه صارخ كله كدر ذني
وبدون مايكلهم ماريد هذا اللون او هذا الموديل فات للمنزع لبسهن وطلع يستحي يباوع بوجهه بالمراية
كلهم مرتاح بيهن , نزعهن وخلاهن اله بعلاكه
هذا نفسه اليروح الصيدلية ماخذ اسم الدوه بورقة والصيدلاني ميباوع بوجهه
ونفسه اليعلق على ناس يشوفهم مشاهير ويحبهم وهم مادايريله بال
ونفسه الينطيك ملابسه اذا شافك بردان
ونفسه يشيلك اذا وكعت بالشارع , ونفسه اذا واحد يسيء الك يفوت يرده
ونفسه الي انكساره صارلك رزق وموفقية ونجاح
ونفسه الي نقصك التعاني كملته بسلوكك تجاهه
وشكد ما قاسية الحياة وياه يبقى احلى واصدق منك
ومثل ما كال حامد الشمري
من دون الجروح تخبل جروحك
لـ علي بيرهوف
اكو فرق جبير بين زعلك ومسؤوليتك
ماترهم تزعل من صديقك وتصير عنده حالة وفاة ماتروحله او صار اختلاف ويه زميلك بالعمل لصالح العمل تروح تحجي علي
او زوجتك مضوجتك تكطع عليها المصرف وتموت جهالك من الجوع او تكطع بأخوك وتدري عنده ظروف
الزعل شي وواجبك تجاه ناسك شي ثاني
فترة زعلكم تعدي بس الطرف الثاني يبقى خايف منك لأن بلحظة سلبت منه الأمان
ماترهم تزعل من صديقك وتصير عنده حالة وفاة ماتروحله او صار اختلاف ويه زميلك بالعمل لصالح العمل تروح تحجي علي
او زوجتك مضوجتك تكطع عليها المصرف وتموت جهالك من الجوع او تكطع بأخوك وتدري عنده ظروف
الزعل شي وواجبك تجاه ناسك شي ثاني
فترة زعلكم تعدي بس الطرف الثاني يبقى خايف منك لأن بلحظة سلبت منه الأمان
قليل صرت اشوف شخصين محبتهم واهتمامهم متبادل بنفس النسبة والحرص والأمنية
دائماً تشوف واحد حريص يسأل ويخاف ويطمن ويسعى للمقابيل والطرف الثاني ميبادله نفس الشعور بحيث اقتنعت اكو عالم عدهم الصدق والتضحية استفزاز لحياتهم مايحب يعيش بطمأنينة وأمان ويسعى جاهداً الواحد يذله او يهينه ويخلي يسهر الليل ودمعته بعينه .
وين اكو انسان يرفض الحب الحقيقي وراحة البال غير شخص متعلم عالرذيلة والرغبة والأنانية الشخصية التهلكه وتخلي العالم تشوفه مجرد غريزة ومشروب طاقة يستهلك وينذب لاأكثر
الأنسان المرتب بالذات لتحاول تثكل علّي
تقارنه ويه غيره او تتأخر علّي بالرد ، تستغل نقطة حبه وتتجاهله ، ذني الأمور كلها تجيب نتائج عكسية وتكره المقابل بيك مهما جنت تتصور انت غالي علّي ، تجي لحظة بعد مايصيرله استعداد يتعامل وياك نهائياً
فلتخسره .
علي بيرهوف
دائماً تشوف واحد حريص يسأل ويخاف ويطمن ويسعى للمقابيل والطرف الثاني ميبادله نفس الشعور بحيث اقتنعت اكو عالم عدهم الصدق والتضحية استفزاز لحياتهم مايحب يعيش بطمأنينة وأمان ويسعى جاهداً الواحد يذله او يهينه ويخلي يسهر الليل ودمعته بعينه .
وين اكو انسان يرفض الحب الحقيقي وراحة البال غير شخص متعلم عالرذيلة والرغبة والأنانية الشخصية التهلكه وتخلي العالم تشوفه مجرد غريزة ومشروب طاقة يستهلك وينذب لاأكثر
الأنسان المرتب بالذات لتحاول تثكل علّي
تقارنه ويه غيره او تتأخر علّي بالرد ، تستغل نقطة حبه وتتجاهله ، ذني الأمور كلها تجيب نتائج عكسية وتكره المقابل بيك مهما جنت تتصور انت غالي علّي ، تجي لحظة بعد مايصيرله استعداد يتعامل وياك نهائياً
فلتخسره .
علي بيرهوف
للأسف اكو ناس متعلمة وعدها شهادات لحد الآن مصدكه صاحبهم راح يجيبلهم جدر قيمة وهريسة لباب البيت ، اصحوا شوية