لو هجمت الخيل يتهدم الحيل ياهو اليجينه
بـعــدك يعبـاس امهبطه الراس وختك حزيه
انا اشكي همي ابهايه المن يراعي الرايه

صبري لـو كلولج انه ابلا جفـوف
وطــاح عباسج يزيـنـب بالطفـوف
انتي من بعدي الكفيله بهل ظروف
هذا اصعب يوم ونتي بـين الـوف
لــو شبـت النار بخيام الابــرار ونته برزيه
وخيل العدهاهواي بعـدك يوفاي تفتر عليه

المـن اشكي هـمي بعـدك ياكفيل
بــس حـرم وطفال ظلت والعليل
ولخيـام ارمـاد صارت دنيه ليل
امنلمصايب بعد ماظل بيه حيل
بعــدك يــوفــاي ماعندي كل راي بعـظـم رزيه
من اعضم مصاب دمـكـم بالتـراب هـاي المسيه

انـا عالتل اوعاتـب ويـن اروح
سلبـو خيام العليه وبـس انـوح
والاشد من كل رزيه وهالجروح
عالتراجي ماسلمنه ودم يفـوح
عالتل وناديك يبن امي حاجيك ريتك تجيني
ايتامـك اتريـد تلحكنه يالحيد تعالج رقيه

مــن طحت بـيمن تلكيـت الـرمـال
وجـفـوف امبتره وردهـن محـال
ماتهـمني اجـفـوف طاحن بالقـتال
بـس تهمني ادموع زينب والعيال
عيني اعله الخيام ظـلت واليـتام ساعت مماتي
مـاغـمضت العيـن لمن اجه حسين بالغـاضريه

اعـتـذر منج يخـويه ابـهـل المصاب
بالغـدر طاحـن جفـوفـي اعله التراب
ودري من بعدي شيصيبج من عذاب
كلبـج الله يساعــده وحــق العـتـاب
ومن دونك اشلون بس دمع العيون وصبح وحيده
اولو طاح الحسين كـلـي المفر وين وانه السبيه

خادم خدام اهل البيت الشاعر الحسيني جاسم حميد الاسدي 07703157420

ويلاه ياعباس ويلاه
يصيحن ياكمر عـدنان ويــنك شـنهـي الاخــرك مـاجاوبـتـهـن
اختك تنتضر مو همها بالماي سـالـم كـون انــته تـرجـع الهـن
ينضرن عالدرب ويكولن احاه ياابو فاظـل يخويه من عفتهن
اذا صار الفزع صاحن اويلاه يكولن ويــن اخــوك اوسكتتهن
ويلاه يامغدور ويلاه

اشد منها وبعد وكثر مصيبه سكنه اتريد عمها وعـمها مجـروح
مطبور بعمد ومخضب الراس حيره اشلون اكلهن وهنه بس روح
مايدرن خطيه بعضم مصاب عـمهـن لاجـفـوف وهـوه مـذبوح
وصاني ابوصيه وكلي كلها خـل تعذرني سكنه ودمـه مسفـوح
احاه ياكافلهن احاه

الله يساعــدك ياكـلب الحسين مــن تـرجــع لخيـتـك وشـتـكـلها
صعبه اعليك يامولاي هاليوم وهـيـه تـنـتـضـر ذاك الـكـفـلها
من طاح الكفيل ومات بيديك وحايــر بالعـقيـله اوراح املها
مصاب الي تشوفه يهد الجبال كــل واحــد يـمـوت وتــرجع الها
ويلاه يامولاي ويلاه

اشـوفـك من كسر يحسـين كـلــي شنهي صارخويه الـلون مخطوف
عفت عباس خويه وصعبه اكلج موبس ابـعمد حته ويه الجـفـوف
ورماح وطبر وسيوف عالراس ويلي عله الجره برضج يالطفوف
كسر ظهري اصوابه يهدم الحيل باله اعله الحرم وبـقـلت الشـوف
ويلاه يامظلومه ويلاه

بقلم ادم خدام اهل البيت جاسم حميد الاسدي 07703157420

يابويهراحو كل اهلنه
بس اليتامه ضلت النه
زينب وحيده ومحد اوياها يارت ميته ابموتت الواها
يبويه يبويه

حيره مناسولف عن هلي وبس انه ضليت
ماتـو غــدر كــل اخوتي واصبح بــلا بـيـت
فـكـد الاهـل كلش صعـب وانته الـي وصيت
انضر علينه و شوف ماضل انه
يابـويه ماتحمل امصاب العـدنه
حـته الطيور البالسمه فكـدتـنه
تبجي وتون عله الجره بذبحتنه
المثلي صعبه اتـشـوف اخوها
مـذبـوح راسـه وهـــم سـبـوها
اتـكـله خـويه مـووكـت مـوتـك
شتاكيت خويه الطولك وصوتك
يخويه يخويه

مـن شـفـت ابوفاظـل بــرز يشر بدينه
بلحضت وداعه اوللحرب عينه علينه
اشـكال لحسينه فهمت وشوصه بيـنه
وصه بسكينه وكال خاف يعطشون
لو رحت منهم وسفه وين يضلون
الفركه صعبه وخـاف مـن يفـزون
تـرهبهم العـدوان رهـبـت امجنون
يـكـولـون عـمه ويــن عـمنه
مـن دونه محـد يـفـزع انـه
ذبحـوني مــــن كالــو يعبـاس
ظليت اون والطـم عـله الراس
يبويه يبويه

بياجرح اسـولفلك بعـد وبـيا مصيـبه
قصت سفير الي انذبح قصه غريـبه
اوحيد مسلم بالوغىى وخلص نحيبه
ياريت ابـو السجاد كـون يشـوفه
موبس ذبح قصت سفير الكـوفه
ضحه الحسينه مثل لنطه جـفـوفه
كال انه روحي يم غـريب اطفوفه
يـتـمنه يــــم حسـين مـذبــوح
وراسي اعله ايده وتطلع الروح
بـحبـال جـرو جـثـته وسحبـوها
بخيول اميه وعالـرض داروها
يبويه يبويه

يابويه لو تدري اشجره بمصاب الحسين
ودع شـبيه المصطـفى والـدمعـه بالعين
مشابـك لحـد ثنيي الركب تـوديـع الثنين
ودع وداع الموت اخوي اوبنه
يـدري بعزيزه احسين رايح منه
كله امشي لمك هاي اخـر ضنه
دعـوتها عــد الله سـنـد مامـنه
مــن وصـل ليها وكــف بالبـاب
شـاف العـزيـزه فــوك التـراب
مغـمي عـليها ونايـمه بـونـتها
هاي ام الاكبر غافيه بحسرتها
يبويه يبويه
بقـلم خـادم خـدام اهـل البيت
الشاعر جاسم حميد الاسدي 07703157420

يابويه راحو كل اهنه
بس اليتامه اضلت انه
زينب وحيده ومحد اوياها ياريت ميته بموتت الواها
يبويه يبويه

موتني جاسم من برزواليوم عرسه
بـيـد امه ثوب اوصيته وعنان فرسه
كـل امه سـيـفـي والعـرس موهسه
ابن الحسن واليوم وأفي ابوعدي
روحـي انـذرتها العيلته والجـدي
ثـار الأئمـه وثـاري يــم المهدي
يوم الوعد يضهر وحتمن عـندي
يايـمه صبـري ابهـاذه المصاب
هـوني اعله زينب يـوم الخظاب
ادنـيه دون حسـين ماضل بـيـها
موعرس بالطف بس اسم خليها
يبويه يبويه

حيره من سولفلك بعد ماهي عله البال
كـل امـه عــطشان الطفل وصور الحال
مـن شافه لحسين انكسر وضهـر ميال
حـس الـرضيع وكال روحي بـداله
افـديـله نـفـسي وركبـتي واعياله
المـوت كبله اولا سـبـي الجتاله
اهـــون عـليـه ولا دعــس خيـاله
خلي العــدو يرمي نبـلـته
بـيـد الحسـين وحــز ركبـته
مبـذوح ضـامي ودمه مصفيها
نحرو ركبته ومايهمهم بيها
يبويه يبويه

دون الابــو مالي سنـد كـالت حميـده
ياعـمـيردتـت والـدي صارت بعيده
ياريـتيرجعـلي بـسـلـم والله يعيده
اليفكد اهـله شـلـون يصبح حـاله
ايـظـل يـتـيم وبـعــد مـن يـبـراله
من بعـد ابـوها تمشي وي جتاله
ياحيـف ضلت بـس دمـع هماله
صبحت وحيـده بــذاك الخـضاب
ظـلـت يـتيـمه ابـوكـفـت البـاب
ابجي اعله ابوها لـو عله حالي
بعـضم مصيـبه الـذبـحت الغـالي
يبويه يبويه


حيرني موقف كربله مــــن شـبو النار
وين انطي وجهي الياكتر مالي بعد دار
وطفالي كـلها مشتـته ماتعـرف الصار
تاهو اطفالي اوبل جثث حيرانه
من بعد اخوتي مـن يرد اويانه
نسـوان من دون الاهل حزنانه
اطـفال ظـلـت والحـرم تعبـانه
موقـف صعب هــاي المـسـيه
بـعـــد الاهـــل اصـبـح سـبـيه
من ماتو اهلي اصبح مذبوحه
ويتامي ضلت كلها مجـروحه
يبويه يبويه

يابويه موقـف بعد الي صار ابرقيه
رادت ابـوها ابكربله صاحت عـليه
ياعـمهاريـدن والـدي يـفــزع اليه
جابـو الـهـا وبالـطـشت راسه
صعـبه المصيـبه وهيه حساسه
كـالـت يـه عـمه ويـن عباسه
كـتـلها مات وخـلصـت انـفـاسه
بـاخـر نـفـسـها اتـكـله ويــاك
بـدنـيه ماضـل عـكـب عيـناك
شـانــت عـليها مـــن سـبوها
ماتـت يـبويه بـشـوف ابــوها
يبويه يبويه

بالمعركه شفت الولي يقـره برساله
بـيها عـتب بـيها حـزن منها العياله
من فاطمه الذاك البوه والي الجراله
انكسر ضهـره وهوه يقره بهايه
كلي يـزيـنب شنطي مـن حجايه
عــن حالي تسئل وبكفيل الرايه
وهوه ذبيح وماشرب مـن مايه
شنهي اكلها وعـمها من صاب
وجـفـوفه طـاحـن فـوك التراب
حيره شيكلها اوكـلبه مصيـوب
تـنـتـضرمنه بـعــد مكتـوب
يبويه يبويه
بقـلم خـادم خـدام اهـل البيت
الشاعر جاسم حميد الاسدي 07703157420

يبن الكرار هجموعالدار

دونك يراعي المرجله مـن يفـزع الها
ضلت وحيـده ابـكربـله بعــدك يـضلها
هجمت عليها من اوكعت خيل وزلمها
غيـرك يخـو زينب بعـد محـد يـردهـا
يابــوفـاظــل يـاكـفيـل اعيالها
ياعــزيــز الـكـــوم يـاكــفـالها
ـ ـ انهض الزينب وشـوف شبـيها ـ ـ
حـركـت الكـفـار حـتـه اخيامها
ضلت مولاي ماعـدها افياي من شبت نار

اتخيـل اصـار وجـــره بـعــد المصيـبه
صار الفزع وتـراكضو صوب الغريـبه
وبـس اليتامه والحــرم والمالـه طيـبه
لو راس لو حرك الخيم هــاي العجيبه
كـالـو العــدوان ياالـله اسبـوها
اخـت ابـو فاظـل اولاتـنسـوها
ـ ـ هيـه والايـتـام حركـو اخيامهن ـ ـ
من بعد عباس سلبو اطفالها
دونك مولاي تبقه بلاراي والكل منهار

بس دمعه لو بـس نــوح ظـلـت للطفال
تـتحـســر ابـعبـاس صيـحـات العيـال
لو مرها واحـد مـن بعـد صاحت يخيال
لو شفت ابو فاظل عدل كله الحرم كال
كــوم رد الكـوم يــاشيمت علي
عــن خيـم زيـنب كبـل لاتـنولي
ـ ـ ظـلـت ايـتيـمه تـكـل ايـتـيـمـه ـ ـ
وين عمي تكلها ياهيبت هلي
صاحن مولاي ايـريدن ماي وطفل حتار

حارت يـبوالنوماس ام المصايب
ظـلت وحيده اوليـل بين الغـرايـب
بس حرم والاطفال تبجي وتعاتب
شتكلها زينب يـوم كافلها غايب
صاحت الايتام عمه امشينه
لبو فاظـل العـزيـزه اسكينه
ـ ـ مانريد الماي بس انشوفه ـ ـ
خل نودعه قبل غمت عينه
حارن مولاي بعدك براي بت حامي الجار

من اوكعـت مولاي بعـدك سبونه
لا خيمه لا نبراس وســفه ولـونه
بــس تله والايـتام بعــك خـذونه
من بعدك العدوان حيف اضربونه
ريتك اترد وتشوف المعضله
تنسبي زينب يراعي المرجله
ـ ـ هـاي صعبه وعـد كفيل الرايه ـ ـ
والظـلـم عباس مايـتحـمـله
عكبك مولاي تيهنه الراي وعضم من صار

بقلم خادم خدام اهل البيت
جاسم حميد الاسدي 07703157420

يبو حسين يابويه

عبد الله ضامي اويهمل العين
عطشان جبده اويه النساوين
كلبه نمـرد محد يعينه
بعـد الكفيل وبـس الحسـين
ضيم وقهر يابويه

حـته اليريـد الماي ضلموه
ماكالـو زغيـرون ذبحـوه
وصبرنه بويه وللنهايه
تاليــته بالميـدان دفـنـوه
بذاك الرمح يابويه

محـد سلم مــن فـاركتهـم
كالـو حـرم حركو خيمهم
عالتل اصيح ومحد وياي
جابـولي راسه يم طفلهم
سبي وضيم يابويه

يـوم السبي مالـه نهـايه
مصيبت رقيـه والسبايه
لتريد ابوها يجيبه مذبوح
منغـدر والكفـال هايه
بعد الاهل يابويه

موقف حميده يهـد الجبال
ميت ابوهـا بذيـج الاحبال
من القصر كالـو رميناه
وخوتها تاهو والدمه سال
وبعد موت يابويه

طاحو اخوتي وهجمت الخيل
حـركـو خيمنه وجايـني اليل
وين الكه منهم بس الاجساد
وعـثـر يـبويـه بالمجاتـيـل
وعله انوك يابويه
بقلم خادم خدام اهل البيت
جاسم حميد الاسدي 0770315740

حسين طايح والحرم والينها
بالكـفيـل وزيـنب الله يعيـنها

اه مـنــك ياشمـرمــن ذبـحــت
فوك ضهر حسين ياحيف طبرت
ماكـلـت ايـتـام عـنـده اوبـطـلـت
وفجـعـت زيــنب ابراس احسينها

اجـروح فوك جروح ماصارت ابد
بــس بـبـو السجـاد مالها عـــدد
اسـيـوف ويـه رمـاح والله وحــد
وزيـنب اشاهـد وسـكته اونيـنها

وعـضم من جـروح مـوبس منحره
عـكب راس حسين كطعــو خنصره
ويـلي يازيـنب عـلـى هـذا الجــره
حسين طايح والعده يسلبونها

حيره شكتب من مصاب اتحيرت
صعبه اكول حسين يـوم تخضبت
مـن قـفاه طبرات ويلي ماشـفـت
بس بـبو سجـاد وكـت اسنينها

حيـره يامــولاي ومنيـن ابـتــدي
عكلي مايستوعب ابـهـذه الحجي
طـعــن والطبرات بحـسين الابـي
وزيـنب اعله اتـل تـنادي اكـفيلها

اتصور الحاله يه شيعي بهـل الطـم
والطم اعله حسين وكسر كل عضم
فـوك صـدره الخيـل ياحيـف نضلم
اعـوجـيه اوداسـت ابــكــل حيلها

بقلم خادم اهل البيت
جاسم حميدالاسدي
07703157420

#قصائد محرم ٢٠٢٦

الشاعر جاسم حميد الاسدي

نسألكم الدعاء

زلزل الكوفه يمسلم زلزل الكوفه
كودها اعله العباس خل يطك راس براس

بطل هاشم هد عليها وكادها الطف كربله
وحيد وبزوده حصدها كـفـو مـن هالمرجله
مثل سرب الغنم سوه بطـل وبسيفه اعتله
بغيرته مسلم حصدها وسـيفه بـــدم انمله
صاح وبزود حسين عــاد الهــم صفيـن

طبها وزود بيمينه والـزلم مخطـوفه
صــاح وبزود الحميه يارعـات الكـوفـه
جنه ملك الموت بيها وصولته المعـروفه
مو زلم كدامه صارت خـاطف امن شـوفه
ريح صرصر من غضب سـيـفه ابذبح الركب

صاح بالكوفه ونذرها والـزلـم محـتـاره
ويـن منه تروح بـيها لو سحب فـقاره
مايرد لكرابه سـيـفه لـو يموت ابـداره
يحصد وطوعه التهلهل مـن تجيه الغاره
كام يردمهم ردم خيل وسيوف اوزلم

بيده رافع رايه مسلـم مــن يـصل لحـدوده
كلهم امــن حسين انا وكــام يحجي بزوده
قسور وشد بـال اميه وعالمنـايه يـكــوده
غيـم وصرصر عليهم صاعقه اوموعـوده
نزلت ابـذاك الامــر حركة اعوان الشمر

طكها راس ابراس مسلم والزلم كلها اخـتـفـت
طبـهـا نبراس الصميـده صكرعالصيده وجفت
حتمن الموت ابضربـته ريح صرصر وقلعت
تاخــذ الروس الجـهـنـم من ابو الغيره اصبحت
طبها وشتـد القتال فرت اشباه الرجال

بقلم خادم خادم الحسين جاسم حميد الاسدي رقم 7703158420

زيـنـب ابعباس الله يعيـنهـا
من بعدها اشوف ذبح حسينها

حيـف بت خيـر العمل بطف تـشـوف
بالحـرب عـباس طـايــح والجـفـوف
عالارض سيل الدمه برض الطفوف
واليتامه اصيح هاشم وينها

شحـال زيـنـب والكـفـلها اتــودعـه
ولحـضه ويـكـولون مات ابـمصرعه
بالعــمـود انـصـاب ليــث المشـرعه
ابهالمصيبه وزينب الله بعـونها

صعبـه يامـولاي كـــل هــذه الجــره
ومـن بعــدها اشـوف حـزت منحـره
طبره فــوك الطبـره والدم عالـثــره
وخنصره يكطعونه ويشتمونها


والاشـد منها وبـعـد وصعـب مصاب
اخيـول اميه ادوس والـدم عالتـراب
عـله صـدر حســيـن وي دم الشباب
وزينب اشوف الذبح بعيونها

ياهو مثلج بالخلك يمشي ويه اخـوه
راسه مذبـوح وسبي وشتمت ابـوه
عالرمح ياحيـف واليـبجي اضربـوه
ومن تكول احاه هم يولونها

هـجـمـت الخيـل واهـلها امـذبحيـن
عـكـب روح الكافـل ومـوت الحسين
كصدت التل واليـتامـه اصيـح ويــن
عـمه زينب والعـده يسلبونها

بقلم خاد خدام اهل البيت جاسم حميد الاسدي 07703157420

سابع يوما والطف يشهـد

هــد صكارهـا المامثله صكار
عنيد اوبل حـرب خلاها طشار
يحـصد وزلــم لاذت بالكـتـار
كفيل ام عون هذه وبيده فقار
صح من كال ماكو رجـال لتكابل كفيلي
مين ايفوت وهوه الموت وتحده اليجيلي
جيش بحاله بالطف ينعد

هــــد ورجالهـم صارت مذاليل
مثل ظربة عـلي واحجار سجيل
طـــك ارجالها والخيـل بالخيل
مهـرب ماكو الهم بس العـويـل
هــد وحسين صاح الماي يـاكافــل ظـعـنه
شطك هــــذ يـاوفـاي ياعزنه وفخرنه
بيدك مايه وبجفك مـد

هد وحسين صاح العين بالعين
زامـط بالكفيل وحــك الحسين
يعـرف كـافـل اخـته بالميادين
سـبع الكنطره وعـدال سبعين
صال وجال بالميـدان وتحـــده الكـتايـب
خله الخيل تسحك خيل ويموت اليحارب
هوس بيها وبكيفه الـرد

يقـلـع بالـزلم جـن قـلعـة البـاب
صولة حيدره واليوم اله حساب
مثل الموس سـيفه بكطع الركـاب
يطلب ثـار ابــوه وثـار الاطياب
يحصد كام بضـلام وبـكيـف الكفلها
طـك الخيل بالخيال وتضاعف اجلها
بيده الرايه والطف خـلـد

غـار اعله السرايه وصاحو ادخيل
كرها ابزود ابوه ودمومها اتسيل
مثل طحن الرحه والطوكها اثكيل
سواهـــم رذاذ وبالهـــوه تشيل
مـن اخـتاض عالعدوان شوف ابن الصميده
فوك الروس كام يدوس والينحـرهــا بـيـده
شال الرايه وتعـده الحد

صاحـو ياحسين وكلهم حسين
شـرب فنجانكم عباس هالحين
مثل ضربة علي بسوح الميادين
سـيفه اعـله الكـفـر ماثنه بثنين
جف عباس بس عالراس يطبرهم يمينه
هــد وكــال ماكو ارجـال لي كابلني وينه
كلها بكيفه والطف يشهد

خادم خدام اهل البيت جاسم حميد الاسدي 07703157420

شيعتكم  تون كل يوم    مازال النفس بيها ***
اه   يحسين   ومصابه   اول  كلمه  نبديها
 
للموت احزن ابكـل يــوم  ونصب مأتمك يحسين
عاشور اصبح ابكل بيت   لمصابك دمع  وونين
عبره  بكـل كـلب مولاي   ثارك مطلب بكل حين
نلــطــم عالصدر  وراس    لـمن تغـمض العينين
ثار حسين ماننساه         او مهديـنه اليصفيها ***
 
 
حي اعله الصلاة للموت   تحلف شيعـة الزهره
ماتـنسه الجــره العباس   ومصابه وكـطـع نحره
اون ونت الطير اعـليك    يــاعباس    وبحسره
مثل اخت الكفلها ومات    ماتـت وهيه  تنتضره
الله يعينها بـهـل  يــوم    الماتـو  اهـاليـهـا     ***
 
حيــف المالطم لحسين    شـيكـل فاطمه بيومه
بالمحشر يصير اعتاب    منها  وهـاي مفهـومه
ماذنب الجفوف اوراس   كطعه اوسيلت ادمومه
يــارب  العباد  اشلـون    زينب تبـقه مهـضومه
احضر مجلس مصابه    اوكل اقرايه امر  ليها  ***
 
 
شيعـتكم تـــون وتكــول    يحسـيـن بضمايـرنه
واويلي اعـله ذاك الصار   ننعه بـكـل  مجالسنه
وي زيـنـب لطـم للموت   شيعـه اوكل عشايرنه
ثار المهدي واهل البيت   ننتضره عله موعدنه
كـل جـمعـه وعـد رمضان   يــوم الـثـار  اسميها  ***


 بقلم خادم اهل البيت الحسيني جاسم حميد الاسدي 07703157420

شيعي انا والطم عله  حسيني
وانـدب المهدي ودمعتي بعيني
*
كل سنه ابعاشور الطـم للرسول
عالمصاب الصار واولها البتول
ومن بعدها سيدي افحل الفحول
وعادو الطبره ودمعتي بعيني
  *
ماكـفـاهـم  سـيـدي  ذاك  الـجــره
عـادو اعـله حسـين حــزو منحره
فوك صدره خيول وهوه اعله ثره
افتخر سيـفـك يجـي ايواسيني
 *
ياحسافه بـيـوم غــدرو  بالكـفيل
سيدي وزينب تنوح اويه العليل
تـنتـضر كافلها  والمدمع يسـيل
تلطم اعله الـراس اصبي عيني
*
يابوصالح ننـتضر طـول السنين
يـومـك ويــم المـنـادي ياحـسين
نرضي روح الطاهره وام البنين
 ثار واحد وانه عد اسنيني
*
شيعـتـك مـولاي كـلهـا اتـنادي
ياعـزيـز المرتـضى  والهـادي
يمته تظهر مــن مغيب الوادي  
سـيـدي اليـومـك اظــل بونيني
 
  خادم خدام اهل البيت الشاعر جاسم حميد الاسدي 07703157420

صاح ابـو الاكبـر عـلي  ياهيـبه
راس ابـن غـانـم يكون  اجيـبه
 
 
اتـوكـل وبركابهـم حــد صارمه
ومن كثر سيل المطر سال دمه
جنه بركان وزعـل حامي الحمه
هوس اعله حيودهم  بالموزمه
كله صار اومن حمل   جنه حيدر من زعل
مثل عمه صال وكت النيبه
 
كله يـبني الحيد  اطبـرهـم طبـر
هذه يومك يبني ونحرهـم نحر
لا تـثـني بـظـربـتك مثل الكـمـر
جيب راسه وهوس وبيها فتخر
خلي ميدان الحرب   عاصفه وموت ورعب
اجيش كله  سوه بيه امصيبه
 
هجمو مـن اربع جهـات ابكربله
كام يـطرد بـيهـم اوسـيفه اعـتله
هــذه الاكبـر ياخـلك  وزود  اله
طبك جيش ابجيش وطـف انمله
علي الاكبر من هتف   ظل الف يسحك الف
مثل عمه صار وهوه اهديبه
 
جـاب راسـه وكال هذه مو مهم
ونــعــم مـنـك  يـبـويـه   ونـعــم
العـنـده مثلك مايهاب امنل الزلم
تخطف ارواح العـده مثل السهم
وكفته بطف كربله         مثل راعي المرجله
اليوم يومه واليكصده ايصيبه
 
ودع امـه اوللحـرب  رد بـغـضب
هذه الاكبر بالـوغه كلش صعـب
حيـر العـدوان مــن كـثـر اضـرب
جـن حجـر سجيل يـرعبهم رعب
كام يحصد بزلم    الشهم وبن  الشهم
حيد ابو السجاد هذه وطيبه
 
صاح الاكبر يــوم شـد احزامه
يهـد  لكـن مـو  زلـم   كـدامه
كـــام  يـتخيـر بـطــك  الهـامه
كالـو  العباس هــذه  اولامــه
مثله ابكـل الصفـات     يطعـن من اربع جهات
هذه سبع الكنطره وترتيبه
 
بقلم خادم خدام اهل البيت الحسيني جاسم حميد الاسدي 07703157420

طبها حبيب وحير الخياله
الرايه بيده والعزم برجاله

كل للحسين ارخصني يبن الزهره
شـيـخ العشيـره وهالحرب تنتظره
لجـلك امـوتـن والاهل مفـتخـره
ابـكيـفه كـله وهـاجــم العيـاله

ادري بحبـيب الكـوم مايخـشاها
يتفاخـر بسيـفه ويـــود ملـكـاها
الفيـن بـعـد الفيـن زود ويـاها
شيخ الانصار اوصعب من يدناله

الـرايـه بـيـده وللحـرب هد بيها
اتــلاكـه وي عباس هوس بيها
اتـنخه بـنصاره ويــزامط بيها
كل ابـو فاظل عالعـده جتاله


كـله الحسيـن وهـاي مني الرايه
اتنومس حبيب وكله اخـذ حجايه
اليــوم يـومي والـه ادك الثـايه
اطرد الجيش وشوف هاي الحاله

خلي الرمح بصدورهم وكسرها
بصولاتـي ارجـال العـده حيرها
بضربة علي اليوم الرجس ذكرها
من اهـد عليهم خافـو منخياله

مــن سمع زينب نادت ابنصاره
حيهم يكول وهاي احله ابشاره
يــم خيمة العباس ســل بـتـاره
انضحي لحسين اولك وعياله

خادم خدام اهل البيت الحسيني
جاسم حميد الاسدي 07703157420

طبها عباس الكمر            بغيضه رايح  للنهر
يطبك الجيش اعله جيش ويكطع الروس
 
من برز نجـل الصميده    بـين الجـيـش انكسر
بين خوفه وبـين رهبه   وكـف اكـلوب البشـر
بطـل بـيه غيرة امامه   من يصول اعله الكفر
صاح والسيف ابيمينه   مثل ابوه طك  وشطر
مدد صاح اعله الكفر           جن علي ابطك انحر
يطبك الجيش اعله جيش اويكطع الروس
 
هذه ابـوه قالع الخيبر   وبـنه سـبع الكنطـره
هذه ابن ردد شمسها    والضربـتـه المكـدره
هذه ابن قتال مرحب     وابـو فاظـل قسـوره
نيـزك البطـف خسفها    وسوه بـيها الماجـره
فـرت امنطـف زلم              من برز راعي العلم
يطبك الجيش اعله جيش اويكطع الروس
 
صاحو اوكـال ابـوفاظـل   حـان وكت المشرعه
ظـل يغــور ابكيـفه بيها   وصال صوله موجعه
بيده سيف اوبـيده رايـه  اومنه كـلها امـروعه
كـوه جـاب المـاي كـوه   اوسـوه بيهم فاجـعـه
كله الحسين اوكفو              كـله اسويهم طفـوه
يطبك  الجيش اعله جيش اويكطع الروس
 
صاحو اعله ايزيد ريض    طبها ابن حامي الحمه
واحــد   اوالاف   ضـده    جن نيازك مــن  سـمه
شـدتت اوشـتـد عـليـهـا    ســوه  نهـر امنل دمه
هذه يـــوم الثــار هـذه    الوكعـت امـــه فاطـمه
نكس اشباه الزلم                       كفو منه ونعم
يطبك الجيش اعله جيش اويكطع الروس
 
املاكه صارت عالشريعه   وهوس ابروس الزلـم
مثـل هـب الريـح سـيـفـه    يـطـرد بكيـفه   اويـلم
كـــور اجـيـوش افـزعـته    وصاحو ادخيل الشهم
ميه ميه  ايـجـول  بـيهـم    جن علي ورافع عـلـم
سيف ابو فاضل عله                  امزامط ابطف كربله
ابكيفه من طب عالكتايب يكطع انفوس
 
 
بقلم خادم خدام اهل البيت جاسم حميد الاسدي 077057420
 
 طبها عباس الكمر            بغيضه رايح  للنهر
يطبك الجيش اعله جيش ويكطع الروس
 
من برز نجـل الصميده    بـين الجـيـش انكسر
بين خوفه وبـين رهبه   وكـف اكـلوب البشـر
بطـل بـيه غيرة امامه   من يصول اعله الكفر
صاح والسيف ابيمينه   مثل ابوه طك  وشطر
مدد صاح اعله الكفر           جن علي ابطك انحر
يطبك الجيش اعله جيش اويكطع الروس
 
هذه ابـوه قالع الخيبر   وبـنه سـبع الكنطـره
هذه ابن ردد شمسها    والضربـتـه المكـدره
هذه ابن قتال مرحب     وابـو فاظـل قسـوره
نيـزك البطـف خسفها    وسوه بـيها الماجـره
فـرت امنطـف زلم              من برز راعي العلم
يطبك الجيش اعله جيش اويكطع الروس
 
صاحو اوكـال ابـوفاظـل   حـان وكت المشرعه
ظـل يغــور ابكيـفه بيها   وصال صوله موجعه
بيده سيف اوبـيده رايـه  اومنه كـلها امـروعه
كـوه جـاب المـاي كـوه   اوسـوه بيهم فاجـعـه
كله الحسين اوكفو              كـله اسويهم طفـوه
يطبك  الجيش اعله جيش اويكطع الروس
 
صاحو اعله ايزيد ريض    طبها ابن حامي الحمه
واحــد   اوالاف   ضـده    جن نيازك مــن  سـمه
شـدتت اوشـتـد عـليـهـا    ســوه  نهـر امنل دمه
هذه يـــوم الثــار هـذه    الوكعـت امـــه فاطـمه
نكس اشباه الزلم                       كفو منه ونعم
يطبك الجيش اعله جيش اويكطع الروس
 
املاكه صارت عالشريعه   وهوس ابروس الزلـم
مثـل هـب الريـح سـيـفـه    يـطـرد بكيـفه   اويـلم
كـــور اجـيـوش افـزعـته    وصاحو ادخيل الشهم
ميه ميه  ايـجـول  بـيهـم    جن علي ورافع عـلـم
سيف ابو فاضل عله                  امزامط ابطف كربله
ابكيفه من طب عالكتايب يكطع انفوس
 
 
بقلم خادم خدام اهل البيت جاسم حميد الاسدي 077057420

عبد الله يبني عبد الله يبني
روحي خذتها من رحت يا الولد يبني

هــدمـت حيـلـي يـا الخـذاك البـيـن
بــرمـح تاليـتـك بحضن ابوك حسين
الـمثـل عبـد الله بـعــد اجيـبه منيـن
فـركـته صعبـه دونـه تـعـمه العـين
كلبي حن اعليك كلت شوف اشبيك
موتي احسه افركتك مـن رحت عني

فركـتـك صعـبه وبالـرمح مـذبـوح
بـيـدي كـمطـتـك وانـته يـمـه تنوح
جـن تكـلي بهاي ويه ابـوي الروح
موعطش قـصده كلبه هـم مجروح
زادت اجـروحي يابـعـد روحي
بكماطه ويرد منذبح وامـره حيـرنـي

جنت احسب احساب يـرجـع وناغيه
جـابه الـــي منحـور شنهي المسويه
ذنـبه لــن عـطشان بالنبل يــرويـه
رف رفيــف الـطيـر مـــن ذبـح تاليه
بيد ابوه شافوه بنبل نحروه
ياريته بكليبي الجره ولا مصاب ابني

يانـبـض كـلبــي وسلوت حسيني
ليش عني اتروح من نضر عيني
بـعــدك ابـدنيـاي مـــن يـباريـني
يارضيـع امــك لا تخـليـني
وسفه مني تروح بالنبل مـذبــوح
بعدك اظل طول العمر كلبي ياذيني


ياهو مثل احسين فجعـت اوليـده
بيده مـن انصاب وامــــه اتـريــده
يـرجـع بـياحـال والـدمــه ابـيـده
صاح اعله زينب دفــنـه بالبـيـده
لا تنضري اعليه ميـت اتشوفيه
من شفت بكماطه اندفن دهري دوهني

ياهو مثلي اتشوف الجــره وشـفـتـه
الجـنـت الـوليـله وبـيـدي كـمطـته
وكلي يـمـه المـاي والظمه بشـفته
وهـــز كـاروكـه وضـنـي نـيـمـته
وسفه مابيه روح دمه المسفوح
ريت انه يمه المنذبح والجره ابعيني

بفلم خادم اهل البيت
جاسم حميد الاسدي 07703157420

ليش يازيـنـب وحيده   وين راعي الكنطـره
كل اخوتي اليله موته   والاجـسـاد  امــوذره
 
شـرد اسـولفلك  يـبويه   حيـرة اول  يامـصاب
عالجـفـوف  البتـروهـا   والـدموم  اعله  تراب
ريت ميته اويه الكفلني   ولا اظـل  ابهل عـذاب
كـمت ادور بـيـن  موته   بليل واهمس عالشباب
مـن كثر لـوعة اخـوتي    بـويـه اظـل محيـره
 
جيـت اودعهـم يـبـويه   الكـفــل ويــه الحسـين
اعثرت والجف لخوتي   صحــت يا ام  البـنيـن
هذه جـف الي كفـلني    جــن يكـلي  مذبـحيـن
مايريد اشوف اخـوهـا   مخـضب بـدون اليمين
عالوطيه بـدم  وريـده    وانا  اظــل  اميسره
 
صعبه يابـويه امنـكـلك    مـن لـكيـته  ابمصرعه
ابخنجر اموذر  يـبـويه   وانـه روحي ملوعـعـه
يـنضر الخيـمت اخيـته    مـن وكــع عالمشرعه
عينه عالخيمه برمحها    ومـن اخـوه  ايـودعه
كـلـه زيـنـب واليـتامـه    والـكلب شـيصبره
 
 
لمن اوصلت العـضيدي   صحت ياحامي الحمه
امنين اجيبن كافل اخته  الميـت ابـفيـض الــمه
نكطعت الضنه ويه اهلنه  وكلبي مات مـن الظمه
حـضرو نـوك الهـزيله  وعاليسر بـت  فاطـمه
ودعــت اجساد اخـوتـي        والجثث فوك الثره
 
من وكع وحسين جاله    كـله خـويه  لومتـت
لا  تـوديـني  الخيـمـنـه   تدري انا  شواعـدت
السكنه والباقـي اليتامه   بماي والجربه نجفت
اعـتـذر منهـن   بـدالي   وكلهـن  انا  اصوبت
خل تسامحني  العـقيله         والجـفـوف امبتـره
 
ومـن بعـد كل الجراله   ماكـفاهـم  هـذه ابــد
شـبـو  النـار  بخيـمنه   صاحـو اعـناد اوبـعـد
ثـار نطلب مــن عليكم   يـومـه بـدرن   واحـد
من شطر مرحب ووده   الماتـو  بضربة اسـد
نسبي اونـذبح اخوتـج    كالـو الـزيـنب  تـره
 
بقلم خادم خدام اهل البيت جاسم حميد الاسدي 07703157420

ندبت حسين بالدموع   اوحماي الحمه
هلهلت بس طوعه                المسلم المفجوعه
 
ساعـتـك هـاي يمضلوم يبو طاهـر تـره
جـتـك الكــوم  يجيدوم  يعـمـك  حيدره
رفعـت ارمـاح والخيول عليك  امكوره
ابيومي هاليوم تشوفين جيوش محيره
بزود عمي المرجله             خلي هاي المسئله
فدوه الحسين   تكولين   ابهاي الموزمه
 
ضهضب وكال تشوفـون الـواحد لوحمل
نزف ادموم عله الخيل وكدها مـن زعل
تسحك خيول عله اجسام كرب منها الاجل
لجـل الحسـين اضحـي ابـروحي  وحتمل
طوعه صاحت ياهله              مثل راعي المرجله
جيتك هاي عله الراس  يراعي  الملحمه
 
مايهـم  جيـش يـطـوعه ولا واحــد يـرد
اطــرد الكـوم للبيوت مثل راعي  المـدد
اذبح  احيود للحسين وشوفي مـن اهـد
مذبحه اصير عله الكوم وكولن هم بعد
بزود عمي المرجله              حسبي هاي المسألهه
بسيفي هاليوم تشوفين نزف سيل الدمه
 
شد عله الكوم يا الوحيد مثل عمك علي
هــد عله الجيش يمضلوم قبـل لا تنولي
شـوفـي شيصيـر بلنذال يـطـوعه ادللي
اسحل الجيش للبيوت وضحي الكل هلي
ماهم من ذوله                       اومنج الهلهوله
طالع ابزود للرجاس وسل سيفي بدمه
 
هـجمـت الكوم  يـمولاي تلكاها  الاسد
كـلي  مناه  ويردون وكلهـم  هـم بعـد
شفت الدموم عله الخيل ولا واحد يهد
صاحـو ادخيـل ينبراس يـكـلهـم ماأرد
يصيح مارجع بعد              خل يزيدون العدد
لجل الحسين يطوعه اموت منل ضمه
 
هجمت الكوم  يمولاي  يـراعي المـوزمـه
حيـد الحســين  يـصنيـد يــثــار  الفـاطـمه
شد عله الكوم  يجيدوم مثل حامي الحمه
اذبح اوكول يكرار يمغوار انا السيل الدمه
وذبـح المتبخـتـره                     منهم او مستهتره
ونصر الدين احب  كون مثل حامي الحمه

بقلم خادم خدام اهل البيت الحسيني
جاسم حميد الاسدي
07703157420

هتف عباس وتوصط بيها
مثل حيدر لو هتف يفنيها

من برز زينب تباهت بالحـرب
اتكلهم الكفال يرهب من يطب
صولة العباس موقفها صعـب
ياهو منهم زلمه ويلاكيها

بـشري يازيـنـب لعيـد الكنطـره
حسبي اسبعين والف اعله ثره
الـه اخليـهـم جثـث متـوذره
والضحايه حتار الي لـم بيها

زلزلت حيـدر واكيـد ازود الك
انته كدها وهـوه مـــن الكفلك
يدري شنهي يصير بيه وكلفك
بالطفوف امصيبتي يحس بيها

هجمت الالف ضد راعـي العـلم
ترس بيها الوادي ويـلم بالـزلم
وعالنهـر اجسـادهم خـلاها دم
اليومك التاريـخ سـولف بيها

امري يازينب يبت حامي الدخيل
لا يهمج كـثـره وبعيـني قليل
هـاي ساعتها يـبو حمـل الثجيل
بني اميه اليوم اهوس عليها

غـضب عباس وسـحــب بـتاره
ضهضب وبالجيـش فرغ نـاره
خـلـه الالف الـزلـم محـتـاره
كـفهـم اوصوب النهـر يوليها


بقلم خادم اهل البيت
جاسم حميدالاسدي07703157420