فزاعي

يا ابا عبد الله يا ابا عبد الله
وسفه يبن الزهره طايح اعله الغبره
تبقه دونك زيـنب حايـره اومنتظـره
يا ابا عبدالله
بعدك ايشتموني خويه ويسلبوني
زينب ابياه حاله ياعزيز الزهره
يا ابا عبدالله
وسفه رضو صدرك وسفه حزو نحرك
ريت انه المطبوره ياعلي ابهل طبره
يا ابا عبدالله
خيمتي حـركـوهـا والاطفال اسبوها
بس عليل اوحيده وانا بس العبره
يا ابا عبد الله
بويه كطعو راسه حسينك اوعباسه
وسلبوله اثيابه ودامي ضل عالغبره
يا ابا عبد الله
خنصره يكطعونه حيف ويسلبونه
لأن خاتم عنده مثل حزة نحره
يا ابا عبد الله
الطم العباسك يالله دك ابراسك
راح اكول امصابه ياكفيل الحره
ياابا عبدالله
طاح اخوي اودامي عالنهراوضامي
ماشرب من مايه لجل دينه وصبره
ياابا عبدالله
خادم خدام اهل البيت(ع) جاسم حميد الاسدي
07703157420

طور نسائي

الحكني ياخويه تره حركو خيمنه اعلينه

بعــدك اظــل محيره
وينك يسبع الكنطره
ياحيف اظل ميسره
بين العـده المخدره
بعدك نسه ظلينه محد بعد يحمينه

اسكينه تندب ياعلي
عباس طاح اوتنولي
وين اليجينه من هلي
بس اليتامه اظل الي
وتصيح يابوه اسكينه دون الكفل ظلينه

الخيل هدت عالخيم
الحــك يشيال العـلم
اخلافك ابوليت زلم
صعبه الفواطم تنظلم
لا انته لاوالينه ياوسفه صارت بينه

اشلون طـايح عالثره
ابـن البتول الطاهـره
وياحيف حزو منحره
ويتامه تبقى امحيره
وسفه نذبح والينه والكوم هد اعلينه

اهل العده يسبونه
دونك نظل اظعونه
حيف الكفر يسبونه
بصياطهم ظربونه
بالحبل كايد بينه ياوسفه ويجر بينه

زينب تنادي البسمه
ياربي من حر الظمه
عطشانه وتسيل الدمه
يبس شفايفهه الظمه
وسفه الشمر يولينه بصوط ظل يحدينه

بقلم خادم اهل البيت جاسم حميد الاسدي 07703157420

رجوع السبايا

يابويه وين انطي الوجه وين
رديــنـه لاكـن دون الحـسـيـن
ولوتدري بالحال شدكول الاطفال

ارد اكـلك عـــــــن رقـيـه من بعد هاذه الحرب
تبجي واتنوح اعله ابوها بس بواجي وتنظرب
اتـكـلي ياعــمه الحـكيـني ويــن ابوي ابهل درب
اشلون نرجع وهوه يقبل تمشـي ويانه الغــرب
ماهي عله البال

كمت اسولف ويه روحي مــن مصايب كربله
حرت يابويه ابغـربـتي مـــن ونين العايله
واحـــــد ايــكــلي يـعــمـه وين ابوي ابهل مله
واحــــد يـكـول انولينه ويــن راعي المرجله
وتنوح العيال

حـرت بـويه ابـهـل يتامه كل فرد يشكي اله
ايـريـد مـــــن يسئل اكله بسبب هل معضله
يـكـلـي ليـش اصار بــيـنه وضحيلي المسئله
اشلون اشرحله المصيبه حايره بطف كربله
بس دمعي همال

اعـتـذر مـنـك يـبـويـه مـــن اكـلك عالجـره
عــن خوتي صار بيهم والدموم اعـله الثره
انه بس نوح وبواجي من شفت هالمجزره
كطعو اجفوف ابو الغيره بعـده انــه ميسره
وكطعتالامال


حايــره وشـلـون اكـلك ونته اول بالمصاب
امنين ابدي ويامصيبه بالكفل لو عالشباب
ابدي من عريس دامي الدمه سايل عالتراب
لـــو بالكبـر والجـراله لو ابعبد الله اورباب
ورحنه ويه جتال

تدري بالعدها مصايـب تـشـتكي الـــم اوبو
اولـو يتيمه مـــن اهـله بـعــد ابوها للئخـو
اولو فرضنه الاخوه ماتو والعـيـال اتـسلبـو
هـاذه حالـي بالجـرالي وكل اخوتي اتخظبو
بسيوف النذال

بقلم خادم خدام الحسين جاسم حميد الاسدي 077057420

للرضيع(ع)

الولـد عطشان بلكي اتشوفهم
زغير بعده ويكسرالنه كلوبهم
تفاجئت بالصار لمن مأخذاه بالرمح ياحيف هالحاقد رماه

من رجعلي حسين رد محني كـفاه
والطـفـل مذبـوح ودمـومه ابـهـواه
وسـفه رد حسين يمشي ابلا ضواه
نــور عبد الله طـفه ومحــد اجـــاه
كلي هاذه الطفل وعيونه طفن عدل اخذته وجبته ميت للظعن
خويه من شافوه صلفه عيونهم

خـويـه لـــو تـدريـن الشافه ابـوه
رف رفيــف الطيـر لـمـن يـذبحوه
كسر ظهري الاكبر وعاد من اخوه
اتصــور الدم ماي لكـــن مــارووه
مثل الاكبر صار والموقف صعب بالكماط ايموت مذبـوح الكلب
بغضاً يكولون ثار اجدودهم

كلت بـعـده زغيـر ويعوفونه
مـادريـت ابكربـله يـذبحـونه
مثـل محسن لنهــم يحسبونه
ثــار عـدهـم كالو يـوصفونه
الصبر يخت حسين بديار الغرب لو متت اطفالج اتضيع الدرب
كافل انتي ابهاي من يسبونهم

اشلون كل لم الرضيع ابكربله
لو درت بصار من اهل البله
ويـــن عبد الله تـكـول العايله
شرده اكلهم والرمح من حرمله
وسفه رد مذبوح بكماطه الطفل ايست من هاي وكطعت الامل
بس دمع ظليت انه بدونهم

ياهو مثلي الشاف لوعات والم
دون اهلي وانه توليني الزلم
حلم صار انشوف شيال العلم
بس ابو السجاد باقي ابهل ظلم
وحيد بين اعداه ينظر للعليل يكلي يازينب بعد انتني الكفيل
لومتت ياخويه انتي ابعونهم

بقلم خادمكم جاسم حميد الاسدي 07703157420

#بقيعنا_مطلبنا
#٨شوال
#فاجعة هدم قبور أئمة البقيع

بسم رب الحسين (ع)
بتوفيق من سيدتنا ومولاتنا الزهراء(ع)
برعاية صاحب العزاء مولانا الحجة(عج)

#قصائد محرم #١٤٤٥ه‍ ٢٠٢٣م

نسأل من الله التوفيق والقبول

#نسألكم_الدعاء

#شجاعة علي الاكبر(ع)

حيو الكبر من برز للحومه
مثل عمه الحيد صار ابيومه

هذا سردال الحرب وكت النزال
مثل عمه وحيدره ابيوم القتال
اتحزم احزام الكفيل اعله الرجال
ونعم صاحة ياعلي المهضومه

الجيش حاير من برزسوح الوغى
جاب راس ابـن الرذيله منـلتـغى
كله بـويـه حسين هــذا المبـتغى
واليزامطني الك بدمومه

كــل لبو السجـاد منك للنهر
اذبح العدوان وانا اعله المهر
وحك جدي اليوم ادهرهم دهر
وليلاكيني تجيك اعلومه


الكوم شردت من الاكبر بالحرب
خيم اعله ارجالها وسد الدرب
ضكت العـدوان ودور الهـرب
وكلهم اتنامون هاي النومه

كله ابو سجـاد ياشبه الرسـول
اليوم يومك ياعلي الثار البتول
مثل جدك حيدره فحل الفحول
اخذ ثار اجدادك المضلومه

خلي سيل ادمومهم فوك الثره
مثل عمك صير سوه الماجره
ابعركة الصفين كض الكنطره
اليوم يومك ياعلي الجيدومه

بقلم خادم خدام اهل البيت
الحسيني جاسم حميد الاسدي 07703157420

#العقيلة زينب مع اخيها العباس(ع)

اه يعباس اه يعباس
بعدك الروح تنملي اجروح
يانضر عيني لا تخليني بين الارجاس

خويه مـن بعـدك اضن باجــر سبيه
وخـوفــي الاف الزلم تـنـضر عـليه
ومـــن بعـدكم انـولـي بالغـاضريه
بـيـن شامت بـيـن ظـالــم لال ميه
بحيره وبنوح خويه وجروح
لا تخليني وحدي بسنيني بين الارجاس

خويه تذكر من سرينه اوشوعـدتـني
كـتـلـي يازيـنـب كـفيـلج وكـفـلـتـني
واعـدت سـكنه اورقـيه مــن جبتـني
المـاي لخيمجن اجـيــبه اوطـمنـتي
بعدك اشلون تعمي لعيون
ياضوه عيني لا تخليني الفرجـت الناس

كمت احشم ياهلي وحيرتنه حيـره
طــاح عباس البطل وانـا اليسيـره
ياهو ياخذني وشوف العنده غيـره
مـن يدليني عـله اهــلال العـشـيره
بس نساوين خويه ماشين
من يدليني من يمشيني اه ينوماس


شلون ياعباس نايم عالوطيه
من بعدكم ياهلي شيصير بيه
مايـرحمون السـبايه الهاشـميه
بغضن ايكولون من حامي الحميه
بعد الحسين وين اضل وين
ظربو امتوني بدمعت اعيوني اه ينبراس

خويه كـلـي اشلون ارجع للمدينه
مــــن تلاكيني ام البنين الحـنـيـنه
لون تسألني اعله اخوك احسين وينه
شرد اكلها او بالــسيوف امطبرينه
اوالها المصاب خويه وعتاب
زينب احجيلي انهدم حيلي زاد الحساس


خادم خدام اهل البيت
الحسيني جاسم حميد الاسدي
0770317420

#شجاعة مسلم بن عقيل(ع)

طوعه تحيي بهله بالجاي من كربله
يـاحيـد هله هله مسلم ينبراس

خلي الجيش يصيح ادخيل مـــن ركبهم دم يسيل
كــــام الخيل يطــك بالخيل من فجر الله لحد اليل
والكوفه ضلت محتاره

مـثـل الاكـبــر والعبـاس كـام يطكهم راس براس
وحده وكابل ذيج الناس مثل حسين اويه العباس
يم طوعه يحركها ابناره

مـــن الكوفه لحد حسين مسلم حارب بالجفين
اليشرد منه يروح منين ميت ميت من اثنين
بالكوفه يشهــد بتاره


صاحو حيدر بالميدان صار مـراكـض للوديان
ماظلت منهـم شجعان حته الواكف ظل حيران
من سيفه يحركها بناره

طوعه زامط وهوه يطيف تكل المسلم اخــذ الحيف
تهيه للفـنجــان الـسـيـف يكطع روس القاده بكيف
بالكوفه يحصد بتاره

كال الجيش احسله يروح مايـرجـع والـكـل مذبوح
احتار بيومه وظـــل ينوح حته اليشرد هم مجروح
دمايه مسلم سواها

شحده اليشرد وهــوه الموت كاطع دربه منين يفوت
ضربة سيفه بسرعة صوت اليكصد يحجزله تابوت
حيرها مسلم بفكاره

يمكن واحــد مـوش ثنيـن للكوفـه امـوديـه الحسين
مـايــدرون ومتـوهـميـن ظربة سيفه اطـفي العين
والكوفه ظلت منهاره

كـالــو مسـلـم مـو نبراس كلهم ملكه وراس ابراس
جيش ابواحد عده حساس يذبح بيها ويكطع ساس
خلاها مسلم محتاره

كل الطوعه اتكل لحسين ماكو ارجال اتريد الدين
بـبن ازيـــاد اومتكيفين مايدرون اغـراب البين
كلفها مسلم بوصيته

بقلم خادم خدام الامام الحسين جاسم حميد الاسدي 07703157420

#شيخ الأنصار حبيب بن مظاهر الأسدي

طبها حبيب وحيرالخياله
الرايه بيده والعزم برجاله

كل للحسين ارخصني يبن الزهره
شـيـخ العشيـره وهالحرب انتظره
لجـلك امـوتـن والاهــل مفـتخـره
ابـكيـفه كـله وهـاجــم العيـاله

ادري بحبـيب الكـوم مايخـشاها
يتـفاخـر بسيـفه ويـــود ملـكـاها
الفيـن بـعـد الفيـن زود ويـاها
شيخ الانصار وصعب من يدناله

الـرايـه بـيـده وللحـرب هد بيها
اتــلاكـه وي عباس هوس بيها
اتـنخه بـنصاره ويــزامط بيها
كل ابـو فاظل عالعـده جتاله


كـله الحسيـن وهـاي مني الرايه
اتنومس حبيب وكله اخـذ حجايه
اليــوم يـومي والـه ادك الثـايه
اطرد الجيش وشوف هاي الحاله

خلي الرمح بصدورهم وكسرها
بصولاتـك ارجـال العـده حيرها
بضربة علي اليوم الرجس ذكرها
من هـد عليهم خافـو من خياله

مــن سمع زينب نادت ابنصاره
حيهم يكول وهاي احله ابشاره
يــم خيمة العباس ســل بتاره
الخذه يومه ابهل حرب هنياله

بقلم خادم خدام اهل البيت الحسيني جاسم حميد الاسدي 07703157420

#شجاعة العباس بن علي(ع)

دخيلك يا ابوفاظل صاحت الغاره

كالـو هــذا حيدر سبع الكنطره والكـل يعـرفـونه
اعيد امجاد خيبر بالـوادي الـزلـم الــي يلاكــونه
شايل رايـة الدر يرهب جيش اميه الحيد بعيونه
حــارت بالـوغـه منـك يـعبـاس
خله الجيش حاير صابه وهواس
حيدر مثل حيدر شال بتاره

يجيب الماي لـو هـد كوه اعله الزلم الجربه يمليها
كسرها خشومهم رد يزامط والعده الخوف كاضيها
نار ابسيـفه تـرعـد اهـديـب وطلبـته مانام راعيها
هذا اربات حيدر ويه لحسين
اول مـن يطـب سوح الميادين
يـذبـح بالعـده ودمـوم تتجـاره

اشرد صاحو اشرد من سيف ابو فاضل غصباً عليها
اشهد ياعلي اشهد ابـنـك بالطـفـوف ايـعيـد ماضيها
خيـل وزلم يحصد سبع الكنطره جن حيـدره البـيها
مو عجبه الشرد من سيف عباس
سـواهـا كبل وتـعـرفـه كــل ناس
وجيوش الكفر خلاها محتاره



طبها بسـيــف حيدر والرايه ابـشماله ويـمنه فـقـاره
يجــر ابجيشهم جــر يسحلهم سحـل والباقي محتاره
صار المـوت الأحمر حتمي ابكـربله عالحاقـد بناره
سـبـع الكنطـره ابكـل الميادين
ضحه بكربله بجفوفه لحسين
ماهاب المنيه ويدري بأقداره

كلهم وين ترحون خله الكاع حمره بـدمه عـدوانه
منـه ماتـشـردون ابكيفه المعركه وكـربله ميدانه
شفتو بيوم صفين سبع الكنطـره تـتباها خوانه
الكـافــل وحـيــد ابهـدة الخـيـل
من شافو ضربته صاحو ادخيل
وعدوان ابو فاظل كلها منهاره

شـد والكوم ترجـف خيل ابخيل طكها وجتف القاده
كـف ارجالهم كـــف مــن ايــده الجهنم ياهـو يتماده
بيومه تشهد الطف مثل صولات حيدرعاد وامجاده
اخـو زيـنب كـفـو بالطعنه فراس
من ضهر المطهم يكطع الراس
يفرسهم فرس وتهوس أنصاره

بقلم خادم خدام اهل البيت
جاسم حميد الاسدي07703157420

#القاسم بن الحسن (ع)

عريس امه يصيح ويلاه
كـللها عـمي محـد وياه

كله يعـمي ارخصني واليك
اوحيد انـته وخـوفي عـليك
عريس انته وصعبه وديـك
امــك شكـلها مــــن تناديك
جاسم يخويه وين الكاه

ياعــمـي ارجــع كثرت الكـوم
احـلـه الشهاده دونــك اليوم
ثــوب الحرب ياعمي مضموم
انـصرتــك يـتـصبغ ادمــوم
لجلك اموت افخر اهناه

صاح العزيزه حسين عمي
انا انـوليـت وســال دمـي
مـوتـك يـغـالـي زاد هـمي
ياعمي ارد وصيك بـمـي
كللهه مات وما دفناه

كل لمه راح وعـرسي بعـدين
مـطـروح عـفـتـه بالمياديـن
كالت مصاب شوم يا حسين
لطـمة عليه وهـملت العين
صاحت ييمه احاه بحاه

خليني اودعه وعندي عتاب
لو متت يبني حاسبه حساب
بـيدك يـروحي تهيـل التراب
ماحـسبـيـت ابـوكتي غياب
يصعب عليه اليوم فركاه

يحسين خويه اشهل مصيبه
ابـن الحـســن خـلـص نحيـبه
مات بشرف ونتي الغريبهه
كثرت جـروحه وماله طيبه
مصابك ياجاسم مانسيناه

بقلم خادم خدام اهل البيت الحسيني جاسم حميد الاسدي 07703157420

#بطل العلقمي

لاكيها ابـو فاظل خـويـه لاكيها
هد والجيش بيدك هوس اعليها

كلها ادللي وطب للحرب وحـده
صار الجيش بـيـده وللنهـر رده
كض المشرعه واليوصل شحده
هـذا اربات حيـدر محـد ابـكـده
وعداد الكتايب مايهم بيها

الخيل اشما تهد كسر حوافرها
حاط ارجالها اوبتر سواعدها
والاف العساكـر حارت ابردها
اتكل لبو فاظـل كـافي ماهـدها
كلهم والجهنم انتو تاليها

انتو اهل الشجاعه والحرب فنكم
ونـتو اولاد حيـدر والفـخـر الكم
متوهم الجـيـش ايـريــد يكصدكم
سـبع الكـنـره واليوم دمرهم
ذكرهم يخويه اوعيد ماضيها

هــاي الزلـم جنها تريد خانكهم
وبوادي الطفوف اليوم كمطهم
جندل روسها وبالملح حنطهم
جيش بجيش طكها وحيل حيرهم
ابسيفك والجهنم خويه وديها


هد عباس وحده وكمت ماشوفه
ثاريته ابـو فاظــل ردها للكوفه
صارت ملحمه ووجوه مخطوفه
اتلاكه ويه مسلم عايف اطفوفه
طوعه هلهلت وتكول يفنيها

ياحيـد الـزلـم يـاهيـبة احـسينه
ياصكر السمه الماتنخمد عيـنه
يـادرة عـلـي فـقـاره ويمينه
ياكافـل خـواته ومايـه السكينه
ياجيش اليكصدك ذكر ماضيها

بقلم خادم خدام اهل البيت الحسيني جاسم حميد الاسدي 07703157420

#حامي الضعينه

هتف عباس وتوصط بيها
مثل حيدر لو هتف يفنيها

من برز زينب تباهت بالحـرب
اتكلهم الكفال يرهب من يطب
صولة العباس موقفها صعـب
ياهو منهم زلمه ويلاكيها

بـشري يازيـنـب لعيـد الكنطـره
حسبي اسبعين والف اعله ثره
الـه اخليـهـم جثـث متـوذره
والضحايه حتار الي لـم بيها

زلزلت حيـدر واكيـد ازود الك
انته كدها وهـوه مـــن الكفلك
يدري شنهي يصير بيه وكلفك
بالطفوف امصيبتي يحس بيها

هجمت الالف ضد راعـي العـلم
ترس بيها الوادي ويـلم بالـزلم
وعالنهـر اجسـادهم خـلاها دم
اليومك التاريـخ سـولف بيها


امري يازينب يبت حامي الدخيل
لا يهمج كـثـره وبعيـني قليل
هـاي ساعتها يـبو حمـل الثجيل
بني اميه اليوم اهوس عليها

غـضب عباس وسـحــب بـتاره
ضهضب وبالجيـش فرغ نـاره
خـلـه الالف الـزلـم محـتـاره
كـفهـم اوصوب النهـر يوليها

بقلم خادم اهل البيت
جاسم حميدالاسدي07703157420

#رقية والحسين (ع)

يحسين شوف اشبيها يـم راسك امخليها
باخر نفس تلكيها ياخويه يحسين

ابياكلب تندب رقيه وهوه بس راس
اتكله يابـويه ضربوني دون عباس
حـته ترجيتي اسلبوها بويه لرجاس
وانه يــم راسـك اون ابكلب حساس
ماجان هذا ابالي مذبوح اشوف الغالي
اتروح وتخليها بس دمعة العين

ياعلي حيرني دهـري ابهـل مصيبه
طفله رادت شوف ابوها موعجيبه
مخـضب اومـطبـور ومأيـس طبيبه
بالطـشـت مـذبـوح ومخـلص نحيبه
طفله وتريد الوالي تكله اذبح شل حالي
ياخويه رد عليها ياخويه يحسين

بـويـه ماريـدن حياتـي وانـته مذبـوح
كلبي بـس اونين باقي وينبض ابـنوح
من شفت عمي وجفوفه وكل الجروح
ريــت ربي يحـن عليه ويـاخـذ الروح
ماضل نفس تشتمه اتصيح عمه عمه
اخر نفس باقيها ياخويه يحسين

انـا زيـنب والمصايـب حيـرتـني
شـيـبـة راسـي يخـويه وموتتني
بحيره خـلانـي زماني يـه العفتني
الشمر يدفعني خويه وصاب متني
الماتت قهر احسلها ولظلت يشتمها
وسفه الشمريحديها ياخويه يحسين

خويه مـــن ماتت رقيه تـفطـر حشاي
هيه هـم عطشانه مثلك خـويه بالماي
من تشوف ادموم راسك تعبت هواي
ريت يم راسك امـوت احسلي بهـواي
منين اجـت لمصيبه تروح وظل غريبه
ياخويه روحك بيها ياخويه يحسين

لــو تـشـوف اصار بـيه مــن شلتها
عينها اعله الراس ظلت وي نـفسها
اتـكـلي ياعـمه اتركيـني وفسرتها
ويــه ابـوي يكـون دفــني حسبتها
دون الجـفـن دفـنيـنـي بـثـوب الحزن خليني
هذا الجره وحل بيها ياخـويه يحسين

بقلم خادم خدام اهل البيت الحسيني جاسم حميد الاسدي 077033157420

اليوم اوداع الحباب زينب ويه الطياب
احس كسر الخواطر بـيه يصير باجر
اظل انا غريبه وحدي ابهالمصايب


احـلـم هــاي الايـام اشوف اوداع الايتام اخواني الظعـنكم
اكلهم لاتـودعـون احس بيكم تموتون وانه بعيده عنكم
خويه لوفرض صار مـــن يـردني للـدار ويــاي الـوطنكم
اظل بالحسره والاه اخوي وروحي وياه بس نوح ويختكم
محرومه امن الحسين باجر بالميادين
هاي اخر وصيه لتفارك حبايب

زينب كلها لحسين اشـوفـنج تـدورين يــم كافـل عمامه
للخيـمه وتـرديـن مثلي هــم تـونين عليج وعل يتامه
هليله العمر ضاع من اسمعت الوداع بـفـراك انـدامـه
بـس انـوح ويـاي فكـدك فـطـر حشاي من كثر الملامه
اشوفك بيه حيران سبيه وبين عدوان
خويه بعدي اشلون مابين الغرايب

هـليـله ارد وصيــج كلبي خايف عليج بعدي ابهل قضيه
سكنه وفاطمه اعـليـج بعدي مــن اخليج صبري للـوصيه
صبري شلون يحسين لوصرتو مجاتيل كـلـي انـه سبـيه
بـعـدك مايـضـل راي محتـاره بـيـتامـاي والاصعـب رقيه
وين انطي الوجه وين لا كافل ولا حسين
مايحمل هل مصاب كلبي بضيمه شايب

زينب بعد الحسين ظـلـت بـس الـونيـن عالمـات ابـجـربـته
طايـح دون الثـنين لايـسره ولا يـمين وعيونه اعله اخيته
بعدك ياهو بحماي سكنه بعـازت الماي وتـكـلـي انتـظـرته
حـركو كـل الخيـام محتاره ويه الايتام وعليلي ابحسرته
عمي يصيح وينه اسمع بس ونينه
مايتحمل الصار كل هاي المتاعب

ياعاشورالجـروح بـيك حـسـين مـذبـوح وهــلال العـشيـره
بكلبـي خـله تـذكـار مـوت هـلـي والانصار واني هـــم اسـيره
اظل بالحسره والاه مـنـك صحـت ويـــلاه وجهي ويـن اديره
طـايــح بالميادين اخوي ابن امي الحسين يشلـونه بحصيره
مصابه يهد الجبال وانــه بـدمـع هـمال
ماضلتلي وليان بيك اولا كرايب

بقلم خادم خدام اهل البيت الحسيني جاسم حميد الاسدي 07703157420

ندبة حسين بالدموع اوحماي الحمه
هلهلت بس طوعه المسلم المفجوعه

ساعـتـك هـاي يمضلوم يبوطاهـر تـره
جـتـك الكــوم يجيدوم يعـمـك حيدره
رفعـت ارمـاح والخيول عليك اصوره
ابيومي هاليوم تشوفين جيوش محيره
بزود عمي المرجله خلي هاي المسأله
فدوه الحسين تكولين ابهاي الموزمه

نزفت ادموم عله الخيل وكدها مـن زعل
كـلهم اليـوم تشوفـون الـواحـد لـوحمل
تشرد الكوم عله اجسام كرب منها الاجل
لجـل الحسـين اضحـي ابـروحي وحتمل
طوعه صاحت ياهله مثل راعي المرجله
بجيتك هاي يمظلوم وسوت ملحمه

مايهـم جيـش يـطـوعه ولا واحــد يــرد
اطــرد الكـوم للبيوت مثل راعي المـدد
اذبح احيود للحسين وشوفي مـن اهـد
مذبحه اصير عله الكوم وكولن هم بعد
بزود عمي المرجله حسبي هاي المسأله
بسيفي هاليوم تشوفين نزف سيل ادمه

شد عله الكوم يا الوحيد مثل عمك علي
هــد عله الجيش يمضلوم قبـل لا تنولي
شـوفـي شيصيـر بلنذال يـطـوعه ادللي
اسحل الجيش للبيوت وضحي الكل هلي
ماهم من ذوله اومنج الهلهوله
طالع ابزود للرجاس وسل سيفي بدمه

هـجمـت الكوم يـمولاي تلكاها الاسد
كـلي مناه ويردون وكلهم هم بعـد
شفت الدموم عله الخيل ولا واحد يهـد
صاحـو ادخيـل ينبراس يـكـلهـم مارد
يصيح مارجع بعد خل يزيدون العدد
لجل الحسين يطوعه اموت من الضمه

هجمت الكوم يمولاي يـراعـي المـوزمـه
حيـد الحســين يــصنديـد يــثــارالفـاطـمه
شد عله الكوم يجيدوم مثل حامي الحمه
اذبح اوكول يكرار يمغوار انا السيل الدمه
وذبح المتبختر منهم او مستهتر
ونصر الدين احب كون اموت من الضمه

بقلم خادم خدام اهل البيت الحسيني
جاسم حميد الاسدي
07703157420

#يوم العاشر

يابو الحسن حسين طاح وعباس

وسفه طاح حسين وســفه ودمــوم اعـله الثــره
والشمــر يـطبـرعـزيــزك ياعلي وحــز منحـره
فــوك صـدره الخيـل جالت والضلـوع امـكـسـره
شـحـال كلبج يـا العـقيـله دون سـبـع الكـنـظـره

طاحو سوه ياعلي وفجعوها بعــد الهـل حتمن يسلبوها
راعي الـوه مكطعات اجفوفه بس الظعـن ظلت ومخطوفه
ظلت تون والطم فوك الراس

ماكفاهم حــز وريــده ولا كفاهم مــن طبـر
رادو يـشـلـون راسه عالرمح هــاذه الامر
حته زينب تنضرالهم يـــوم يحديها الشـمر
وينمرد جبـد وكـلبها مــن تـمر اعله الكمر

ياهضمتي صاحت المضلومه جفه نكطع ونـتـرك بدمومه
ياهــو الي بعده اظل مهمومه ابـــلا خيم ظلت المضلومه
بس الحرم سلبوها الرجاس

ياهــضيـمه ياهـضيـمه شفت اخوي ابعيـني
مــن توادع ويه الكبر كسر ظهــر حسيـني
كله لــــو ذبحوني بـويه ريـتــك اتـخـليـنـي
خـاف امي اشوف حالي وصعب عدها ونيني

ياحسرتي يوم شفت اوليده مو بس جرح ياهضيمة ليله
يالوعـتي من شفت طعناته حـــــك البـو لو تهدم حيله
ماضل والي ويه زينب فراس

مـن بعــد طيحت وليها الخيل هجمت والزلم
حـركـو خيـام العـقيـله من وكع راعي العلم
بـس عليل وبس يتامه ظـلـت وبــس الالـم
جـن حلم ياريـت هـاذه اصار بطـف والضلم

عالي جــره هـاي ماهـي ابالي مـوت اخوتي بويه صار كبالي
ما كو شهم يحمي باقي عيالي عالتل وصيح ياهو ينظر حالي
بعد اخوتي منين اجيب انبراس

يارســو الله هـضـمـنه عالجــره بـطــف كربله
والاشد من هاي وعضم مـــــن مصيـبت حـرمله
ماسـلـم عبد الله مـنـه بحـضن ابــوه اوجندله
راد مــــــاي الله وكـبــر بالـسهـم ذبـحـوه اله

ذبح الطفل بالـحـرب ســوها والــي تـون كـامــو يـظـربـوها
ماكو رحم مخدره ويسبونها ياله الاسف بت علي يصيبونها
حته العليل كيدوه النجاس

كامت اتـنوح اليتامـه ياعلي لعـضم مصاب
لاكفيل وبـس حرمه اوالحسين اعله تـراب
دامي ومذبـوح راسه ويــه الكبـر وشباب
جاسم العريس وسفه زفته سيوف الخضاب
بـس الحـرم ظـلـت وفـجعـوهـا صاحت علي والخيم حركوها
ياله الاسف صاحت المضلومه ماكـو رحـم عالهزل يحدونها
كلهم غدر ماتو ابكطع الراس

بقلم خادم خدام اهل البيت الحسيني
جاسم حميد الاسدي07703157420

واويلي اعله زينب محد وياها
تودع بالكفلها وشايل الواها

اشلون الـي مثـل عباس يـتــودع وداع المـوت
وباجر لوفرضنه ايصير يهجـم عالخيم طـاغـوت
اتناديمن ابـهـذا الحـال من كثرالبجي ولا صوت
حيره وبس عليل حسين كـــل ميت وصط تابوت
وباجر ياهو الها ومن يواسيها

تظل بين الغرب ياحيف هـــاي ابالمـن جانـت
وهيــه مـدلـلـت عباس دنيه اعله الحرم مالـت
اظلن بس حرم وطفال مــن بعـد الحــرب هامت
اناشدمن بعـد وحسـين الخيل اعله صـدر جالـت
زينب والسبايه وسفه كادوهها

وسفه من وكع عباس حـته الخيـم حــركـوهـا
ظلت بس تدير العـين بـس اطــفـــال خـلـوها
تاهو منها ولـد اثنين مـــن مسـلـم اوماجوها
ذبحوهم غـــدر ياحيف والهـا الــروس ودوهــا
زينب بس يتامه ومحد اوياها

محتاره العــقـيله اليــوم بالايـتـام وخــوتــهـا
اتظل ويه الجسد وروس ياهـو اتهـمه دفـنـتهـا
بس محرومه مــن ثنين راس وجـسـم خلـتهـا
ومـــن تسل رقيه شلون وتـكـلها عـله والدهـا
شافت راس ابوها اوبالطشت جاها

زيـنبكـم تـضل يحسين بـس الـروس ويـاهـا
تـنـدب ياعـلـي الكـرار محـتـاره ابـيـتاماهـا
يحديها الشمر ياحيـف ماتـدري بـنوايـاهـا
بس النوح والحسرات ظـلت تـمشي ويـاها
ظلت دون أهلها ابوليت اعداها

كالــو عالهـزل ماشين ويـــن الـراي مـاأدري
والاكلـف وشــد منهاي روس عله الرمح تحدي
والنوك الهزيله ابهاي وانــه مكيـده ابـمـري
ريظـلي يحـادي النوك يــم عبـاس هــم مـرني
الكاطع راس اخوها ويمشي وياها

وسفه بس حرم وطفال محـد يـرجـع وياهـن
بعد حـسـين والعبـاس جـاياهــو التـلـكـاهـن
بـس ام البنين اهــنـاك حزنانه عله فركاهـن
عدها الاربعه ويحسين نفس الحزن تنعاهـن
رجعت للمدينه دون والياها

بقلم خادم خدام اهل البيت الحسيني
جاسم حميد الاسدي
07703157420