رجعت بكسرة ما مكسورها انسان
علي الچنة الهوه ايصيحولة دفّان؟
اعله گبرچ طاحن اعيوني ... ارد كلما يشيلوني
~~
الدمع زاتوت العيون … عله الدافن حياته
أنه اول فاگد ايصير ... الدمع يفصل صلاته
رجعت امنّگِب الليل ... بسلف ينگط شماته
الملائِك من الاگبور ... علي ما شايلاته

بتَرَاباتي رجعت احچي اوي الاتراب
وعلي لو ما فشل سويتك انگاب
اموتن لا توخروني .. ارد كلما يشيلوني
~
السفينة التدفن اشراع… چذب يعدل ظهرها
اذا ما شافتچ حيل ...اعيوني بإيدي اجرها
هذا يا خشب طاح .… عله اضلوعچ كسرها
أنه اهمومي نهر ماي… وطحت گطرة بنهرها

عدل بعد الاحسين وحلفت العين
يأم احسين اگعدي بروح الاحسين
تره ولدچ يصيحوني .. ارد كلما يشيلوني
~~~
تابوتچ سهم حاد .. وظهري القوس صاير
طحت وي طبت البيت .. مثل طيحة مناير
تجدح شگة الزيج ... ووجع لعيوني عابر
بخسرتچ افرش افراش .. بعد واحسب خساير

مو دخلة عرف راح ادخل الدار
كرهته ومن اطب ادخلّة خطار
صرت بعدچ يتچوني .. ارد كلما يشيلوني
~~
امن اسلم يم الاگبور ... سلامي يردلي و ابرد
اسلم ما تردين .. وسلامي واجب الرد
الوجع بضلوعي بعدچ .. بيت احزانه شيَّد
اگعدي وسولفي وياي… عليچ بدم محمد

وحگ العيشة ذيچ وذيچ الايام
علي من البچي يم گبرچ اينام
اگلهم لا تگعدوني .. ارد كلما يشيلوني
~~~
احاول امشي للبيت .. وترد رجلية تزلف
حيلي بإيدي مدفون .. بعدچ ياحيل اكلّف
ادبنه مَثَل للناس… وبي گام الله يحلف
اسولف من تسكتين .. وتسكتين امن اسولف

تصلين اعتبر ما رايح انعاچ
لإن بس بالصلاه ما احچي وياچ
بعد إنسه يوصوني .. ارد كلما يشيلوني
~~~
تطم البير للراس .. دموعي الطيحتها
الصيحة الطلعت اعليچ .. عله امي ما صحتها
بإم بيتي يهل ناس .. المگابر صبحتها
رمدة الگاع والگاع .. بثوبچ كحلتها

ترة احروب الهجر ما بيهن اسباع
بله اشلون هسه بعملة الگاع
ارحموني وادفنوني .. ارد كلما يشيلوني
~~
✍️علي هادي الخزعلي



قناة تخص خادمات الحسين


محاضرات

قصائد

معلومات
https://t.me/Alhasasn18

لطميه للزهراء سلام الله عليها

الدار عكبج يم حسن

حزنانه مانهواها

➖➖➖➖➖➖
دارج حزينه مكدره

عفتيهه نمتي بمكبره


احا ينارج مسعره

والزهره ضيعناها

➖➖➖➖➖➖

شلنه ييمه بدارج

ياذينه حيل غيابج

خالي ييمه مكانج

روحي تون لجفاها

➖➖➖➖➖

روحي تون تكدرت

تون وتريد الحملت

ثلثين من حيلي خذت

ما صح رفك وياها

➖➖➖➖➖

حال الكدر ياحالي

صبح مكانج خالي

هالفركه ماهي ابالي

والزهره فاركناها

➖➖➖➖➖➖

بفراكج نصاب الكلب

يايمه نمتي اعله لترب

للدار مانلفي ونطب

حيل الحزن غطاها

➖➖➖➖➖

اليوم الحزن غاطيهه

حس امي ماهو بيهه

اخلافج فلا طب ليهه

ومكدره شفناها

➖➖➖➖➖

الفركه حيل اطويله

فركاج مالي حيله

زينب تون نحيله

هالفركه ماردناها


حزنانه // يادار الزهره

ياراعيته //والبيت يون


تمت ✍️ الشاعرة والمله ام حسين العامري

من ديوان زينب والطفوف الجزء الاول

غير مبري الذمه من يحذف اويغير اويتلاعب بكلمات القصيده وينسبها له


قناة تخص خادمات الحسين


محاضرات

قصائد

معلومات
https://t.me/Alhasasn18

*🍃اللهم صل على محمد وآل محمد🍃*
(من ديوان عبرات وأنين في رثاء الطاهرين الجزء الاول خاص بالزهراء عليها السلام)
*قصيدة فزاعية للزهراء (ع)*
❥━──➸➽❥❂❥━──➸➽❥❂
الزهرة معنونه من غير عنوان
هاي ام الذبيح المات عطشان
❥━──➸➽❥❂❥━──➸➽❥❂
هاي معنونه و ام الديانات
على ام حسين علنهه الونات
وي زينب نون كلنه محزنات
ويا يوم الزچيه يذوب الابدان
❥━──➸➽❥❂❥━──➸➽❥❂
هاي ام الحسن هاي ام آلحسين
تستاهل لطمنة ونعمي العين
بت سيد الرسل ومأسس الدين
وماننسه العقيله الفگدت احنان
❥━──➸➽❥❂❥━──➸➽❥❂
الزهره امعرفه من غير تعريف
صدر ديوان ابوها وسبع ومخيف
يصوبها العدو ياحيف ياحيف
عضيم امصابها ويهز الاكوان
❥━──➸➽❥❂❥━──➸➽❥❂
عضيم امصابها وزلزل الكونين
ستر الله سترها وبيتها الدين
وسفه ام الحسن تنضرب عالعين
وتحرگ بيتها اعليمن العدوان
❥━──➸➽❥❂❥━──➸➽❥❂
ليش الطاهره حرگو نزلها
هاي الكون كله يخضع الها
بت المصطفى ومعروف اصلها
واهلها اسباع لو طبو الميدان
❥━──➸➽❥❂❥━──➸➽❥❂
ممنونين الچ يا فاطمة الزهرة
اقبلينه خدم يم الحسن نقرة
اعله مصابچ نون ونسچب العبرة
وانتي بالكرم هم الچ بيبان
❥━──➸➽❥❂❥━──➸➽❥❂
*بقلم شاعرات اهل البيت*
*العلويه مريم النور*
*العلويه هجران الياسرية"بنت المله ام هجران العمارچيه"*

*🍃نسألكم الدعاء غير مبري الذمه وغير مسامح أمام الزهراء من يقوم بحذف الاسم:*🍃



قناة تخص خادمات الحسين


محاضرات

قصائد

معلومات
https://t.me/Alhasasn18

 
لطميه للوالده (خل احب امي برجلها)


خل احب امي برجلها      هاي جنه ولامثلها
لاتشيلون الضعينه          خاف زعلانه الحنينه
سامحيني اليوم اگلها      هاي جنه ولامثلها


سامحيني… خاف زعلانه عليه
سامحيني… يمه ياجنه وزهيه
سامحيني… وريضي خل نگعد شويه
سامحيني… ارد اشد راسچ بديه
خل اشمچ خل احضنچ     يمه ماشبعيت منچ
اسوالفچ حلوه اشيملها     هاي جنه ولامثلها


سولفينه… وياچ حلوات السوالف
سولفينه… يمه يالكلچ عواطف
سولفينه… غير وجهچ مانوالف
سولفينه… گلبي من الموت خايف
آه يالموت الخذاچ       عافني اتحسر وراچ
صوب الروح وخذلها    هاي جنه ولامثلها


هاي روحي… امهدمه وتسأل عليچ
هاي روحي… وين اشوفنچ واجيچ
هاي روحي… كون احب راسچ واديچ
هاي روحي… والرمل شيسوي بيچ
كون اضمچ بالدليل      لليتم مابيه حيل
عشرتچ مابيه افلها      هاي جنه ولامثلها


والله حلوه… عشرتچ ماكو احله منها
والله حلوه… ريحتچ خل اشمنها
والله حلوه… وشيلتچ بيدي اعدلنها
والله حلوه… سبحتچ راح اضمنها
والعبايه اتغطه بيها        من احن واشتاگ اجيها
امي امي وين اگلها       هاي جنه ولامثلها


بس عباتچ… راح تبقه اوياي ذكره
بس عباتچ… وبالگلب سبعين عبره
بس عباتچ… من يحن اشلون اصبره
بس عباتچ… يمه وتحضرچ الزهره
لايضل مكسور ضهرچ      فاطمه الزهره تحضرچ
تسند المايل حملها           هاي جنه ولامثلها
ــــــــــــــ❀•▣
شاعرة اهل البيت
ام هجران العمارچيه
غير مبري الذمه من يمحي الاسم او يغيره



قناة تخص خادمات الحسين


محاضرات

قصائد

معلومات
https://t.me/Alhasasn18

يمه يا زينب وصيتي      كبل لا تكرب منيتي
لمن يجي حيدر ما يكدرخدي ينضره
غطينــي بالشيله وكليله أمي امسافره
.............................................
يا ضوه اعيوني وحياتي وحلم عمري
أتقربي وخلينـــي اضمج فوك صدري
آنه صح مكسور ضلعي وحتى ظهري
ردت آخذ صوغه عطرج لحـد كبري
زحمه اطب الكبري يمه بهذا عطري
خوفي لا حيدر يشمني وشنهو عذري
يمه والدخان بيه    طابع ويمسح بديه
من أحترك بابي ..بحجابي..ضل طابع أثر
والخاطر العفه..أهو وفه..او وياي انعصر
عفتي أحجابي وهويتي
يمه يا زينب وصيتي
......................................................
يمه يا زينب أوصيج ابوصيــــه
من يجي حيدر تعالي لزمي اديـه
وبعد كليله الجره والصار بيـــــه
ولا تكليله أعله خدي وهاي هيـه
خوفي من ايشوفني يوكع عليـــه
علي من يدفن علي انعوفج سويه
أثنينه ألله خلقنــــه    عافيه ونمطر محنه
نشهك نفس واحـد والشاهد حب المصطفى
تاريخ ابو الحمله عليه صلى وبفراشه غفه
وفاطمة كله بحميتي
يمه يا زينب وصيتي
....................................................
ال وأن يا يمه بالــــج يدري بيها
حيدر ابروحــه الوصية مشتريها
يمه كليليه امي من هجموا عليها
يا علـي صاحت دخيلك ما تجيها
أمــــي خلف الباب والنار أبأديها
طاحت وضل يابس بخدها بجيها
ولا تكليله اعله خدي     لحد ما يضهر المهدي
بيمينه فقاره وبثاره يرجع حكــــــــــي الي
شما طالت المده وحك جده ابو الحمله علي
يضهر ويبنيلي بيتي
يمه يا زينب وصيتي
.......................................................
يمه زينب نشفــــي دمعج يالحنينه
وكومي شوفي والـــدج يايمه وينه
وصلت النار الحجرنه ومــا يجينه
هــــذا مو من طبعه الا محاوطينه
يمه آنه أشتم علــــي واسمع ونينه
يمه أي يمه هـــــــــــذاك امكيدينه
بالحبل يا يمه شفته      مجتف ويهمل دمعته
أسمع صده الحسره وبصدره يمه مختنك
معقوله أنه حيدر أسد خيبر بيتي يحترك
واعثر بميلة مشيتي
يمه يا زينب وصيتي
..................................................
يمه أوصيج اعله اخوتج يمه بعدي
فاتحة عاشور ضلعي ولون خـــدي
لو ذبح لـــــو سم حياة أولادي تبدي
يمه خل عينج بعينــــي وهذا وعدي
يمه لو شفتــــي الحسن يا يمه ردي
بالطشت دم جبده يوكـــع لا تصدي
دمعتج عازتها عازه     بكربله تصبح جنازه
من الكفى احسينج ضــــي عينج يمه ينذبح
وهذا الدمع وكته يجي سكته يمه وما يصح
ذخر ضميه العزيتي
يمه يا زينب وصيتي
..........................................
خادم خدمة الحسين
الشاعر
محمد الموالي



قناة تخص خادمات الحسين


محاضرات

قصائد

معلومات
https://t.me/Alhasasn18

يا فرحة أسنيني     ألمن تعوفينـــي
يا يمه حاجيني
يمه    يمه
..........................................
زهرة أيامي    وعالم أحلامي
مثل ألهوه
مالكه أنفاسي     وديرة أحساسي
وشفتج ضوه
يمه نار الباب ذبحت كــــــــل حلم
وخطوه خطوه تعثر أنفاســي واشم
كل عضو بجسمي أحس بــي ينهدم
يالشوفتج نعمة    حاجيني لو كلمة
حا جيني يا يمه
يمه     يمه
..............................................
حسرتي ونوحي     وطلسم أجروحي
كسرة ضلع
بعيني من شفته      بحركـــه لازمته
مات الدمع
أسمع أبأذني صدى صوت الهضم
ودفعة البــــــسمار وصلت للعضم
يمه زينب أنــــــــه واشلون أنحرم
يا أغله كل غالي       حال الدمع حالي
بعدج أضل خالي
يمه     يمه
.................................................
صيحة العصره       والضلع كسره
ناتج طفل
ما بده عمره      وانختم عمره
واقع قتل
محسن وعمره بـــده نار وحطب
ومثل عيسى دمه عالباب انصلب
يمه جذع الباب ماضل بيه رطب
مثل النــــدى بعده     ما حضنته الورده
خده انجوه خده
يمه      يمه
.........................................
والـــــــــدي حيدر    يمه خل يحضر
لا ننولي
طبوا الداره     وانه محتاره
يمه وعلي
يمه ادري والـــدي عنده أمر
ياكل ابـروحه مثل نار الجمر
يا علي صيحي دخيلك ينتضر
جلمة وأن بذني     يا يمه تذبحني
يا فرحتي وحزني
يمه      يمه
...........................................
سطرة أعيونج      غيرة لــــــونج
ضلت أثر
والقلع خيبر    بالحبل ينجر
لمن حضر
لوله الوصيه والدي واكف جبل
بذوالفقار أجسامهم تصبح وصل
أه واشجم أه يا خيــــــــر العمل
بروحه دفن روحه      يا بلسم أجروحه
الفكدج كثر نوحه
يمه    يمه
.................................................
خادم خدمة الحسين
الشاعر
محمد الموالي

قناة تخص خادمات الحسين


محاضرات

قصائد

معلومات
https://t.me/Alhasasn18

الليله من اصعب ليالي اسنيني
ادري باجــــر فاطمه اتودعيني
موتي فرگـاج        يم الحسين
اخذيني وياج        يم الحسين
ـــــــــــــــــ
ياهديتي   وذخري من رب السمه
معوّد انه    عله عيونـــــج فاطمه
نتقاسم النسمات وبنبضه وحده
والسد هوه الله اعليج عن ريتي سده
صرتي روحي بكلشي شاركتيني
شلون اعيشن لَوَن فارگتينــــــي
ينطفي اضواج     رايد البيـــن
اخذيني وياج       يم الحسين
ـــــــــــــــــ
يافرحتي    ليش اشوفنج جـرح
ضام همي  لجن شيبي المنفضح
خل عينج بعينـــاي بلكت ارد شــاب
واركض وابشر الناس جرح الگلب طاب
ادواي صوتج كلمه بس حاجيني
سطرتج حجبت سمـــاع اونيني
حمره عيناج       ياضوه العين
اخذيني وياج     يم الحسين
ـــــــــــــــــ
جيت وحدي    حتى كلهن ينحجن
الضامّتـــهن    الخاطر اعيوني البجن
ماشفت سطره وسوط لاشفت رفسه
بس كل وجع ياذيج بالروح احسه
من كثر مامنجــرح شوفيني
ثوبي اذا لاحه الهوه يأذيني
انظر ادمــــاج        اعله الحياطين
اخذيني وياج       يم الحسين
ــــــــــــــــــ
ظهري بعده       مايل اعله المصطفه
شلون باجر        بيّه اذا ضيّج طفه
ايتامج ايموتون خايف عليـــــــــهم
لوطحت حيل امنين راح الگه ليهم
يالحنينه ابنظرتج داوينــي
محترك من كل كتر طفيني
حيــره لولاج       التفت ويـن
اخذيني وياج      يم الحسين
ــــــــــــــــــ
يالنحيـــله    الگاعد ايودعج نحل
القلع خيبر    ايدوّر اعله التجوه ظَل
ماادري راح شلون تخلص حياتي
وينك يملك الموت عجــل وفاتي
هسه وانتي بدفنج اتوصيني
ادعي بيدج باجـــر اتدفنيني
اليدفن اضواج    يصبر منين
اخذيني وياج     يم الحسين
ـــــــــــــــــ 

#علي محسن الزيادي


قناة تخص خادمات الحسين


محاضرات

قصائد

معلومات
https://t.me/Alhasasn18

نخوه لبو فاضل  العباس ع

ازامط بيك     مازامط  بالخوان
هله بنومس اخته ومات عطشان
-------
اريدن فزعتك يالبيك غيره
وزامط بيك يابدر العشيره
وهمومي يبوفاضل جثيره
وتدريه الاخو من الاخت عجزان
-------
ادري ابغيرتك وادري بفعلهه
روحي انته العشيره وانته اهلهه
همومي اعله الفحل اشمر حملهه
كل ضيم اليمرني بفزعتك هان
--------
يعباس ونعم  منك   وكدها
المهظومه النختك    مادرتها
اتزامط بيك ياعزه  وسندها
يابدر العشيره وكمر عدنان
--------
كفو ونعمين من صيتك يعباس
الك وكفات يالسموك فراس
بسمك زامطت يارفعت الراس
نخيتك والدمع بالعين جروان
--------
هله بعبا س  ياراعي الكفاله
عجيد الكوم  واتنومس  بجاله
وانه ابيتي  اوديله  رساله
واكلك خادمك  هاليوم  حيران
-- ----
غيور وشاع  بين الناس صيته
خصوصن لو  بزينب  حلفيته
تدخن كبته   وتدوي  ثنيته
براهين الفزعته  موش برهان

✍ام زينب كربلاء غير مبري الذمه من ياخذ الكلام وينسبه له او يحذف الاسم


قناة تخص خادمات الحسين


محاضرات

قصائد

معلومات
https://t.me/Alhasasn18

قصيده حزينه للزهراء ع

يا باب  شنهي العذر/  كسّرت منهاالصدر
ابسمارك انته اغدرتها
ضلع الزجيه اطحنتها
ياباب شنهي العذر
............................
ياباب شنهي العذر  سولفلي اعله الجره
موتدري هاي الزجيه بت النبي الطاهره
شني هالجساره عليهاحته الضلع تِكِسرَهَ
وشلون كلي اعصرتها
ضلع الزجيه اطحنتها
دمع الزجيه يدر...ياباب شنهي العذر
........................
تعصرها ليش الزجيه رادت ابسدك حجاب
منك ومن الاعادي شافت مرار وعذاب
جاوبني شنهي القضيه منك ردت هالجواب

وين الحقيقه ردتها
ضلع الزجيه اطحنتها


من اجت كوم الكفر// ياباب شنهي العذر
..........................
جاوب الباب وحجه مو بيدي كسر الضلع
حركوني كوم العده وناري طفت بدمع
واسمعت صدر الزجيه طك والضهر منوجع
اضلوع الحنينه اكسرتها
ضلع الزجيه اطحنتها
امن  الزهره انه اعتذر....ياباب شنهي العذر
............................
وشحال كلب العقيله من شافت ام الحسن
عالعتبه طاحت تنادي وحن الحمامه تحن
عالمحسن وعالعقيله ضل الكلب مرتهن
والعين تنضر لبتها
ضلع الزجيه اطحنتها 
والصدر شافت يدر... ياباب شنهي العذر
......................

صدر الزجيه يدر حنيه لجل الولد
مارضع من اللبن لانام وسط المهد
فوك الترابه شهك آخر انفاسه بعد
بس يا زمن دولبتها
ضلع الزجيه اطحنتها
غصنه ترف وانكسر...ياب شنهي العذر
..............................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات


قناة تخص خادمات الحسين


محاضرات

قصائد

معلومات
https://t.me/Alhasasn18

قصيده للزهراء عليها السلام

المستهل👇👇

امي يانسمة هوى محلاها
راحت امي والكبر ضماها

آ يضلع المنكسر
ماخذ امي للكبر

اه يمي الماخذتني اوياها
راحت امي والكبر ضماها

•───✧◐🕊🌻🕊◐✧───•

امي من اتجر نفس يوجع ضلعها
باب من اجذوع عالزهره ودفعها
يامحمد صاحت وجدي سمعها

خدها ياجد انسطر
وانكسر منها الظهر

بعيني شفت الظالم الأذاها
راحت امي والكبر ضماها


•───✧◐🕊🌻🕊◐✧───•


امي من راحت طفتلي اعيوني
دمعتي ماتبطل امن اجفوني
يم كبرها لوضعت  تلكوني

اشكي اهموم الدهر
بشوفة امي استقر

العافيه اويه امي مشت نلكاها
راحت امي والكبر ضماها


•───✧◐🕊🌻🕊◐✧───•

اندفنت امي ابليل وبعز الظلام
وتركت بكلبي جرح ينزف هيام
بزغري عافتني اون وَن الحمام

افراكهه يكسرظهر
بعد لينه ماتمر

يشهد الله اعلينه اذا ننساها
راحت امي والكبر ضماها

•───✧◐🕊🌻🕊◐✧───•


اشلون انسه احجاية امي الدافيه
اتلمس امن ايديها كل العافيه
تدعي جانت امي ألي ماغافيه

يمه كاتلني السهر
كلبي اعليج انكسر

ساعه لو ترجع الي اتمناها
راحت امي والكبر ضماها

•───✧◐🕊🌻🕊◐✧───•


بعدج باأول  عمر وارحلتي عنه
وراحت اوياج السعاده والمحنه
هي جانت خيمه وبجفه تلمنه

اعليج مايحله الهجر
ردي يالوجهج كمر

البيت ظلمه وحجرتج عفناها
راحت امي والكبر ضماها

•───✧◐🕊🌻🕊◐✧───•

والله يوجعني الكلب لواصيح يمه
وماتردين اعله صوتي والله هظمه
لوكتلني الشوك اجي لثوبج واشمه

اشيل ثوبج وانعثر
ادعي من الله صبر

الجنه تحت اقدامهالكيناها
راحت امي والكبر ضماها

•───✧◐🕊🌻🕊◐✧───•


بقلم ✍🏻المله والشاعره ام علي الأماره
غير مبري الذمه اليحذف اسم الشاعره وينسب الكلام له

اهدي ثواب القصيده الى روح والدي ووالدتي والى روح الحجيه ام حيدر خادمة الحسين


قناة تخص خادمات الحسين


محاضرات

قصائد

معلومات
https://t.me/Alhasasn18

موشح للزهراء عليها السلام





حگـه حيدر لـــــو يِّشَيِّب راسه
دافن الــــــرّيه ويتيمه انـفاسه
........................

حگــه حيدر لو يّــذب اعـمامِـتَه
بالــگلب نار اعلى فــــرگة جنِّـته
لا  محمد  عنده  ظل  لا  بَضعتَه

حزنه الف يعگوب اظن مقــياسه
........................

حگه قالع خيبر ايــــــــگوم ويطيح
شالت امن اعيونه اُم وجه الصبيح
( بَعدَكِي  عَيشي )  يگــلـلّـها  قَبيح

وبيتي  يَم  بيتي  انهدم  من ساسه
........................

تغفه عينه اشلون ابو الحمله ويّچن
وذكريات ام الـــــحسن ترس الجفن
يگعد  ايـــــــــگوم  ايتذكرها  ويّحن

ويذكر الــــــــــضلع الكسير الـــجاسه
........................

صوره بعيونه لـــــــــكسر ذاك الـضلع
ولـــــجفنها   بعينه  چن  شاتل  شمع
المره الاولى ايون علي ابـون ينسمع

ويضرب  اخماس  الحزن  بـ اسداسه
........................

مو عجب  حُزنَاً  على الخدها انسطر
شاطر الـــــــهامات  اذا  گلبه  انشطر
اشحاله  من  شاف  اعله المتون الأثر

زرگه  شاف  امتون  اعز  كل  نــــاسه
........................

شيّـــــــعاهه  ابليل  واخفاه  الگبر
بعدچ  ايگـــــــللـها  لا  طال  العمر
كسري  يَـ اُم  زينب بعد  ما ينجبر

وبـاليتم  هسه  اعرفت  واحساسه
........................

من رجعت امن الدفن يا حيدره
بثوبك وُ  وجهك  تراب  المگبره
صبّــــرتها  اشلون  زينب  يا تره

يمكن ابـــــــــ طفها وعزم عباسه
........................

بالصبر  مثلك  فلا صابر صَُبَر
تنظر  الـچتال  وتغض  النَظَر
ما تحرك ساكن ابوجه الجِسَر

علـــــــبتوله وباب بيتك داسه
........................

لـ اُم حسن حزنك ولا قبله وُ وراه
گلبك  ٣٠  عام  ومـــــــــــــا  نساه
من  گبل  موتك  تون  : وا فاطماه

بالــــــــبشر مثلك شخص ما قاسه


ــــــــــــــــــــــــــــــــــــــــــــــ
سيد علي عبدالزهره الناجي



قناة تخص خادمات الحسين


محاضرات

قصائد

معلومات
https://t.me/Alhasasn18

#الطميه_بديوان_بحر_الولاء_الجزء_١٣_.


لطميه للزهراء عليها السلام


توجع ضربت البسمار يا يمه او حملتيهه
اتخزن بلترابه خايفه اعليهه
❥━──➸➽❥💔❥━──➸➽❥💔
اتحملتي الم يلشلتي احزينه
شلج بلكبر يمه او تنزلينه
اصوابج يازجيه حيل ياذينه
اتون اعليج زينب ليش عفتيهه
❥━──➸➽❥💔❥━──➸➽❥💔
احا يا ضربت البسمار هدمتني
اون الليل كله اعليج خلتني
واجروح الصدر يايمه لجمتني
ضلمه المكبره يمه او شلج بيهه
❥━──➸➽❥💔❥━──➸➽❥💔
اخاف ايخزن اصوابج يمهضومه
يلشلتي نحيله او حيل مالومه
شلج بلكبر يا يمه واعلومه
علتج جايده او جا بيش اداويهه
❥━──➸➽❥💔❥━──➸➽❥💔
ادري بلجرح خزن على اصوابه
كلساعه تلجمج يمه الاترابه
اريد اوصل لعد كبرج وافك بابه
وازيح اتراب من علتج الياذيهه
❥━──➸➽❥💔❥━──➸➽❥💔
اريد اكعد واداوي كسرت اضلوعج
وامسح يازجيه بيدي ادموعج
بلكت بيه اهدي اشويه من روعج
او هاي اعبايتي فوكاج اخليهه
❥━──➸➽❥💔❥━──➸➽❥💔

*تـــمت والـــــفضـــ🤲ـــل لله تعالى*
*بقلم✍الشاعره أميره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*


قناة تخص خادمات الحسين


محاضرات

قصائد

معلومات
https://t.me/Alhasasn18

لطمية للزهراء سلام الله عليها



مالگيتچ          بلنزل يلوالده
جيتچ ومحد نشدني شرايده
///////////////////////////////////
جيت مشتاگه واگول اشلونچ
فدوه يايمه رحت لعيونچ
ثاري ميته وراحو ايدفنونچ
بعد لطمي  اعليچ مابيه فايده
مالگيتچ   بلنزل يلوالده
///////////////////////////////////////
بعد شنهي الفايده من اعتابي
يمه هاي المااجت بحسابي
حيل متندمه واعض بنيابي
ليش دوم ويلحزن  متواعده
مالگيتچ.  بلنزل يلوالده
//////////////////////////////////////
ياحنينه الماگدرت انساها
جيت اريد انسولف انه اوياها
بس لگيت الدار ومصلاها
وسال دمعي والهضايم زايده
مالگيتچ    بلنزل يلوالده
////////////////////////////////////
سال دمعي اعليچ وانتِ اعيوني
وين اكولن شلتي لو نشدوني
يمه گبرج وين. مادلوني
انه روحي. اليوم يمچ رايده
مالگيتچ   بلنزل يلوالده
//////////////////////////////////
يمچ اگعد يمه وتنشديني
لو گلتلچ ماشيه تعطليني
يلرضيتي ابدارچ. اتخليني
گومي انشديني اعله گلبي شمارده
مالگيتچ.   بلنزل يلوالده
////////////////////////////////////
انمرد گلبي مرد بغيابچ
هل دمع عيني اعله سدت بابچ
يلمشيتي وفارگيتي احبابچ
جيت اسئلچ.  علمحنه وراده
مالگيتچ.    بلنزل يلوالده
//////////////////////////////////////
جيت انشدچ عليالي. الماضيه
يمه فارگتي جبر لو راضيه
وارد اودعنچ. لگيتچ. گاضيه
ليش ترضين اعله بتچ باعده
مالگيتچ.   بلنزل يلوالده
جيتچ ومحد نشدني شرايده
//////////////////////////////////////////


*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي قضاء الرفاعي*
*صاحبه ديوان📚الدموع الزينبيه*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام


قناة تخص خادمات الحسين


محاضرات

قصائد

معلومات
https://t.me/Alhasasn18

مجلس لدفن  الزهراء ع 

ماذا عَلَى من شَمَّ تُرْبَةَ اَحْمَد
اَنْ لا يَشَمَّ مدى الزَّمانِ غَوالِيــا
قُلْ لِلْمُغيَّبِ تَحْتَ اَثْوابِ الثَّرى
اِنْ كُنْتَ تَسْمَعُ صَرْخَتى وَنِدائيا
صُبَّتْ عَلىَّ مَصـآئِــبُ لَوْ اَنَّهـا
صُبَّتْ عَلَى الاَْيّامِ صِرْنَ لَيالِيا


لماذا اوصت الزهراء ع  بدفنها سراً واخفاء قبرها يكشف عن أكثر من حقيقة:
أن يتساءل المسلمون عن السبب الذي لاجله لم تحظ الزهراء (عليها السلام) بما حظيت به نساء عصرها من أن يكون لها قبر مع أنها المرأة الاولى في الكون فضلاً وتقوى وهدى.
- موقفها تجاه الذين ظلموها وغصبوا حقها وباعوا آخرتهم بدنياهم.
- التعبير الحقيقي عن مرارة الأحداث التي تجرعتها ممن ظلمها.
ثالثاً خوفا من أصحاب الغدر ينبشون القبر ويخرجون جسدها الطاهر لكي يصلون عليه
وهذا ماجرى عليها عندما اخرجها الإمام علي ع
مع قليل من أصحابه وبني هاشم  اخرج جنازة
في منتصف اليل تقول الروايه ذهب مع الجنازه الحسن  والحسين  عليهم السلام
وماكان حالهم  عندما ساروا بنعشها كأني بالحسن  والحسين ينادون اماه يافاطمه
الى اين عنا

فائزي
هان عليج  يم حسين ترحين وتخلينه
راحو بالنعش يمشون كلمن دمعته بعينه

حسين  التفت لبن امه  ويصيح  بصوت
هم  اتظن ترد امنه ويرجعها  علينا الموت

هل دمعه الحسن ويصيح لايحسين يبن امي
ماضنها علينه  اتعود وتكعد  يمك   ويمي

بعد هيهات لينه تعود   وترد  لدار  ويانه
عكبها  نعيش بالونات  وسوده  تصير دنيانه 

ابوذيه

يوم  امي  لعند  الكلب   مارد
غير احظانها   يحسين مارد
بعد وجه الحنينه عليك مارد
حل  يوم الوداع وهاي هيه
.............
اما زينب  عندما حملوا نعش الزهراء ع في  منتصف اليل صاحت يمه يايمه

ياليل  الموادع  كتلني
هدم ضلوعي وزاد وني
يجناز  وين تريد  بامي 

........
يالماشي بضعون الحنينه
ريض شويه وحن علينه
اريد  الكلب تسمع ونينه
.........
تسمع ونتي وتكول تانو
وتصيح يولادي  تعالو
بأمي الحنينه بليل شالو
.........
من شالو  بنعشج شفتهم
اتريضوا  شويه   صحتهم
ماتن  اجدامي ومتبعتهم
..........
حمل ضعنها كبال العيون
اصيح اتريضوا يامن تشيعون
بأمي  الحنينه وين تردون
...........
اخذوني  كبل نزلت كبرها
عد راسها  الونات   اجرها
بس هاليل  خلوني بكترها
...........
اليلة  نون وياج   كلنه
يالفاكده حظن المحنه
خله يسيل ويزينب دمعنه

✍ام زينب كربلاء غير مبري الذمه من ياخذ الكلام وينسبه له او يحذف الاسم  من كتاب الجزء الثامن عشر المآسي الفاطميه



قناة تخص خادمات الحسين


محاضرات

قصائد

معلومات
https://t.me/Alhasasn18

مربعه للزهراء عليها السلام


تون امچ يزينب ماسمعتيهه
چنهه اتريد ترحل ماتعطليهه
❥━──➸➽❥❂❥━──➸➽❥❂
تون امنلظلع والظلع اذاهه
شلون اتشيل وتفارك يتاماهه
هاي ام المحنه ووين منواهه
تريد اتشيل عنچ لا تخليهه
❥━──➸➽❥❂❥━──➸➽❥❂
نحيله الزاجيه ونت الوحدهه
عالقبلة تريد الي يوسدهه
هليله تشد برحالهه اشعدهه
شو چنهه المنيه گربت ليهه

بقلم ✍ الشاعرة الملة أم محمد الكناني
❥━──➸➽❥❂❥━──➸➽❥❂

زينب گمي لمچ محسن أشحاله
طاح أعله الأرض والگاع تنعاله
وأمه أتعاينه وتنحب على أحواله
هاي أمچ يزينب گومي وأسيهه
❥━──➸➽❥❂❥━──➸➽❥❂
يابت فاطمه جيناچ ننعاهه
ونلطم عالمتن وعله الجره أوياهه
أو ما نندل گبرهه أبطيف زرناهه
أبدگات النبض جينه نباريهه
❥━──➸➽❥❂❥━──➸➽❥❂
بسمار الكسر ضلع الحنينه أمچ
وأخذتهه المنيه أبسرعه من يمچ
ونيتي عليهه أو زاد كل همچ
وما تحله المجالس الا نرثيهه

بقلم ✍ الشاعرة نشوان الكناني
❥━──➸➽❥❂❥━──➸➽❥❂

*لخادمات الأمام الحسين 《ع》*
*الشاعرة ✍ الملة أميرة أم محمد الكناني
*والشاعرة ✍ نشوان الكناني*
*غير مبرء الذمة كل من يتلاعب بلقصيدة*

الأثنين / ٤ من شهر ربيع الثاني
الموافق / ٢٠٢٢/١٠/٣١
                         
قناة تخص خادمات الحسين


محاضرات

قصائد

معلومات
https://t.me/Alhasasn18

ام جعفر:
قصيده ثكيله حول الزهراء




*ابليله وحده وفاركتني.  والگبرها ماخذتني*

*امي وياي ردتهه. امي وياي*




شالت بليله وضحاها. وماتجيني ولا اجيهه
شلي بل دنيه واضلن  وامي روحي وكلشي بيهه
انه من يوم الشفتهه. راحت واعتب عليهه

*بل مصايب ودعتني.  والكبرها ماخذتني*

*امي وياي ردتهه امي وياي




راحت وكلشي بحياتي.  راح وياها الحنينه
وسهمي بس نوح وبواجي. وانتضر بلكت تجينه
هم اشوفنهه تردلي.  وهم اكلها شكد بچينه

*والصور ما فارگني.  والگبرها ماخذتني*

امي وياي ردتهه امي وياي



بس صور ظلت اليه. وانضر وماكو بنزلهه
لا اشم عطر المحنه. ولا احس واحد مثلهه
امي بس هيه الحنينه. وما شفت والله بشكلهه

*امي هيه الدللتني.  والگبرها ماخذتني*

امي وياي ردتهه امي وياي




دللتني وماكو منهه.  اشكد عزيزه ام المحنه
لو ترد وانه اشتريهه. بل عمر شمعة نزلنه
واسمع الجانت تگوله. اسم الله هيه تعوذ النه

*بل دعاء هيه تخصني.  والگبرها ماخذتني*




بليلة ظلمه وراح كلشي.  وبس حزن انه البگالي
كلشي فارگته منهدهه. وفارگت بيهه دلالي
شالت وخلتني ابجي.  ومن صحت يمه تعالي

*فرگتچ والله عمتني.  والگبرها ماخذتني*

امي وياي ردتهه امي وياي*


*لخادمة الزهراء.   العلويه ام جعفر*
غير مبري الذمه من يحذف الاسم وياخذ الكلام وينسبه له



قناة تخص خادمات الحسين


محاضرات

قصائد

معلومات
https://t.me/Alhasasn18

ام جعفر:
فزاعيه حول استشهاد الزهراء


يوسفه مشه باليل بيهه
اتنگب علي وحده عليهه
عراضه وبيارغ ما تجيهه


نزله

*ليش ابليل.    داحي الباب وداچ*

*ما طلعت عراضه. وراحت وياچ*



تسوين البيارغ يم الحسن
يعلويه وهلچ تاج الصلاطين
نعشچ ليش ما وياه مشيعين
*بس حيدر على بالنوح زتاچ*



زتاچ الصميده وراح باليل
وحده بغير عوانه وحماميل
مخنوگ بعبرته حامي الدخيل
*وبنص الكلب يالزهره ينعاچ*


ينعاچ بحزن يا بت الحيود
منگب من خذاها ولابس السود
صوب المگبره وبس هوه موجود
*يبجي وكالهه ماحمله فرگاچ*



خذاها ابليل ما وياه عراضات
ودمام النعشهه وكون رايات
جدام الصميده اتلوگ هوسات
*ويلوك الحزن لو رحتي احذاچ


عليج اتلوگ يالزهرا العراضه
يالرحتي بزعل موش بمراضه
ليش اتشيل بت اهل الفراضه
*ابليل المرتضى يالزهره شالاچ*



*لخادمة الزهراء. العلويه ام جعفر*
غير مبري الذمه من يحذف الاسم وياخذ الكلام وينسبه له




قناة تخص خادمات الحسين


محاضرات

قصائد

معلومات
https://t.me/Alhasasn18

فزاعيه  مواسات الزينب ع اتعم كل الحضور


انريد نتكابل سوة  والزينب انعازيها
زغيرونه  تبجبي عالضلع   مابيها

........
لطمي ومكابل  ننوح  وياها
ضعن الحنينه سدر وخلاها
معدل لطمها وهاي بضعت طه
ميدان سوي ولطمتج  شديها
.........
يم عون لمج خادمه وممنونه
والما بجالج ريت عميه عيونه
شلون  ننسه الغربت  محزونه
نوبات ونات الضلع  سويها
........
مكابل ونلطم عله  المهيوبه
شلون شالت بضلع مصيوبه
وبتها  ضلت بنزل منكوبه
افراك الحنينه بالكلب جاويها
........
حوريه انتي وللطم تسوينه
ميدان لمج زينب  اتريدينه
بيرغه نجيبه  اولمج تشيلينه
اليوم بالبيرغ  نهوس عليها
........
خدام ومن الطم ماملينه
دوم نبجي ولهلج تعازينه
دخيل عندج يم حسن حضرينه
اليوم كلمن  عازتج   سجليها
.......
                 هوسه

(   يم عون امج  / تسوه الهوسه)


✍ام زينب كربلاء غير مبري الذمه من ياخذ الكلام وينسبه له او يحذف الاسم


قناة تخص خادمات الحسين


محاضرات

قصائد

معلومات
https://t.me/Alhasasn18

قصيده وصية زينب ع عند رحيل الزهراءع

يمه يازهره عالهونج  ارداوصيج بوصيه
جان مالج بعد رده  عودي لرض الغاضريه

لاتخليني وحيده
والوعد منج اريده

عودي لرض الغاضريه
........
ادري بالسفره طويله  وماتمرين عالدارج
ولاالج يوصل خبرنه والابعدنسمع اخبارج
يمه ونضل بحزنه وتضل حدر الضلع نارج

يمه ودروبج بعيده
والوعد منج اريده
عودي لرض الغاضريه
.............
انه زينب يمه اسمعي منج ارد اطلب طلبتي
لو سمعتيني صحت الج  لاتخليني بغربتي
ابكه ما بين الاجانب وتسجب عالخد دمعتي

ومحنتي محنه شديده
والوعد منج اريده
عودي لرض الغاضريه
..............
التفتي ليه يالحنينه وكولي يمه ارجع عليج
يوم توليج المصايب من الكبر احضرواجيج
لوصحت يمه تعالي وبحزن كلبي انتخيج

شيلي حسين وعضيده
والوعد منج  اريده
عودي لرض الغاضريه
.........
جني اسمع صوت امي من صحت ردت عليه
انتي وصيتي يزينب انه هم عندي وصيه
يمه لو ودعتي اخيج  بالنحره حبيه اليه

يمه شميه بوريده
والوعد منج اريده
عودي لرض الغاضريه
............
صحت يمه امودع الله رحتي مهظومه يزهره
يمه يومج كسر كلبي وابد ماينجبر كسره
شال من الدار نعشج وانه بعيوني انضره

والضعن كاطع البيده
والوعد منج اريده
عودي لرض الغاضريه
..........
✍ام زينب كربلاء

غير مبري الذمه من ياخذ الكلام وينسبه له او يحذف الاسم




قناة تخص خادمات الحسين


محاضرات

قصائد

معلومات
https://t.me/Alhasasn18

طور الموشح





ياعلي هاليوم ماتت فاطمه
اشلون حاللك ها يحماي الحمه


اشلون حالك من اجوك بهل الخبر
سيدي ومولاي هم ضلك فكر
ودعت هاليوم بت سيد البشر


يعينك الله هايليث الموزمه




من وصلت الدار شنهو الي شفت
فاطمه الزهراء ممدوده وغفت
لجن بغفوه طويله اتاخرت

صحت صيحه رجت املاك السمه




اه يافاطم ليش عنه راحله
وزينب تون من هضمها ناحله
البيت بعدج يمه صحرا قاحله

يبت طه بعدج الدنيا العفه




ارجوج كعدي يمه لاتيتمينه
البيت مانهواه ترى ضلينه
ولكعدتج يم هلا اشتاكينه

من حنانج ماشبعنه فاطمه




ماش بعنه من حنانج يم حسن
عكب عينج جار ويانه الزمن
ينحب حسين ويونلج الحسن


حيدر محزن مصابج هاضمه





تمت بقلمي ✍  ام ساره ناصريه


٣جماد الاخر يوم المصيبة



قناة تخص خادمات الحسين


محاضرات

قصائد

معلومات
https://t.me/Alhasasn18