شايل علم عاشورك بديوان
احن وگلبي لمصابك بديوان
احلفك بيش بالطبّت بديوان
تسجلني عبد ناگة رقيّه

محمد الجماسي

يحسين الگبر ضيّج نفسما
يصحلي وآنه يالتدري نفسما
همّ اتزورني بگبري نفسما
أزورنّك چنت بالغاضريه

.
گُومو لينه اليوم اجينه
نشفوا مدامعنه التهل نزلونه من ظهر الهزل
ــــــــــــــــــــــــــــــــــــــ
يـاريـحـــة أمـنـه والابـو .. الشوفتكم اشتاگينه
خلصت مسافــات السفر .. وامـن اليـسـر ردينه
سومر دمعنه امن البچي .. وأتـورمــت رجـلينه
هـاي الـربـاب وام عـلـي .. ورمله اجت واسكينه

بس رقيه أشگد خطيه
سافرت من هذا الشمل نزلونه من ظهر الهزل
ــــــــــــــــــــــــــــــــــــــ
جيناكم ابجـرح اليسر .. وانصيح أمِت يامنصور
وشفنه مگابركم ضوه .. وجــابــر لگــيناه ايـزور
واحنه عله ظهور الهزل .. نــقــره زيارة عاشـــور
نقره السلامُ اعله الگمر .. واعلى الإمـام المنحور

السلامو عالخيامو
انحلفكم ابدم الطفل نزلونه من ظهر الهزل
ــــــــــــــــــــــــــــــــــــــ
هاذي حرمكم عودن .. وگلب المفارگ محروگ
شافنكم ابهيمه وبگن .. يتساگطـن من الــنـوگ
بس ماكو شيله مايله .. ولاثوب منهن مشگوگ
كـضـن الرايه العالنهر .. وضلن يسونهه أعلـوگ

يالنحبكم وابدربكم
ظلينه بس سوط وحبل نزلونه من ظهر الهزل
ــــــــــــــــــــــــــــــــــــــ
اهنا يالفـواطم بالسره .. يم الحـسـيـن امشنه
للجنه كل مؤمن يطب .. واحسين هوه الجنه
خنسوي مجلـس للطم .. يمه ونكـثــر الـونــه
ويالـهـاشمـيـات النعي .. وصوت البچي علنه

اليبچي يمه ايفرح امه
يالمطرت اعليكم نبل نزلونه من ظهر الهزل
ــــــــــــــــــــــــــــــــــــــ
وانروح يـم الــمـشـرعـه .. عدنه اخــو نمشيله
وانصف عبينه امن الشمس .. يستاهل انفييله
وانگع أچــفــوفـه ابدمع .. والفــاتــحـه نهديله
ويم گبره كل احنه سوه .. خل نگعد ونشكيله

خل نگله الفرگه ذله
بس الهواشم ماتذل نزلونه من ظهر الهزل
ــــــــــــــــــــــــــــــــــــــ
ويم جاسم انوج الشمع .. وللاكبر انسوي فياي
وعبـد الله ناخــذله لبن .. وانبلل اشفافه ابماي
السجــــاد هـــو اليعُتبر .. اول الــوادم مـــشاي
وانتن وراه بالقـافـلـه .. والمهدي هم باچر جاي

وبظهوره ايلالي نوره
وانصاره لمن تكتمل نزلونه من ظهر الهزل


#العبدالحسيني_محمدالجماسي

يارحمة الزهراء
ارزقني عاشوراء
ــــــــــــــــــــــــــــــــــــــ
اذا رايد دمع تبچيه عله العطشان
أتوجه بإنكسار وحشم السلطان
گلّه يالرؤوف ابرأفتك طمعان
لا تنطيني خيمه انطيني بس دخان

باب الرضا باب الرزق
باب الرضا باب العشق
باب الرضا ماينغلق

يارحمة الزهراء
ارزقني عاشوراء
ــــــــــــــــــــــــــــــــــــــ
گله ياعلي بن موسى يا مولاي
بدّيني اعله نار الخيمه طاسه ماي
الـمغرب صار وادموعي اجن حفاي
اريد اوياك اظل وانته تظل وياي

باب الرضا چن كربله
باب الرضا اشتاق اله
باب الرضا ابعيني حله

يارحمة الزهراء
ارزقني عاشوراء
ــــــــــــــــــــــــــــــــــــــ
لوحسيت گلبك جامد اشويه
روح ابواهسك لاقرب حسينيه
واگعد ويه روحك وأقره لطميه
أقره الراح اگوله ابخالص النيّه

باب الرضا لو بي تدگ
باب الرضا ايوزع عشگ
باب الرضا باب الصدگ

يارحمة الزهراء
ارزقني عاشوراء
ــــــــــــــــــــــــــــــــــــــ
گله يالرضا امجدي اعله بيبانك
مثل ابن شبيب اچويني باحزانك
يامُحسن آتاك اليطلب احسانك
واذبحني ابجرح واحسبني قربانك

باب الرضا اشگد بي اجر
باب الرضا حلم العـمر
باب الرضا للحب جسر

يارحمة الزهراء ارزقني عاشوراء
ــــــــــــــــــــــــــــــــــــــ
حاضر بالعزاء وما تهل عبره
اعيونك چـا بعد ياحرگه منتظره
عيب امن الامام الـــمهدي والزهره
المجلس هم مقدس يعتبــــر حضره

باب الرضا بي ينجمع
باب الرضا نحـر وصبع
باب الرضا ايچملك دمع

يارحمة الزهراء
ارزقني عاشوراء
ــــــــــــــــــــــــــــــــــــــ
من بـاب الرضا ربّك يفكلك باب
ادموعك من ذهب والباقي كلهه اتراب
الضـامن هو يضمنلك اجر واثواب
وايسجلك محب ابدفتـر الاحباب

باب الرضا من السبي
باب الرضا حراره بي
باب الرضا هم زينبي

يارحمة الزهراء
ارزقني عاشوراء

#العبدالحسيني_محمدالجماسي

وين بدموعچ يزينب رايحه
احسين فاتحته بعد ماطايحه
ــــــــــــــــــــــــــــــــــــــ
كل عزيز اينام وسط المگبره
اتلث ليالي الناس تنصب چادره
بالدفن ماچنتي زينب حاضره
عفتي اخوچ اورحتي وي الذابحه
ــــــــــــــــــــــــــــــــــــــ
هسه ردّاچ القدر بالاربعين
خاف من هاي الـمواكب تستحين
راح نرجع وانتي نوحي أعله الحسين
احسينچ امتانيچ من البارحه
ــــــــــــــــــــــــــــــــــــــ
راح تفرغ كربله وناسچ تروح
تخلص الخدمه وتظل بس الجروح
حتى محّد يسمع المرأه التنوح
ولانشوفچ عالمگابر طايحه
ــــــــــــــــــــــــــــــــــــــ
ظلي يمّ احسين يومين وثلاث
اقريله عاد أمن النعي بس التراث
صيحي يامدرك الامه وياغياث
الدين يالكل يوم وجهه انصابحه
ــــــــــــــــــــــــــــــــــــــ
چنتي عالناگه ونويتو أعله اليسر
وعالجثث متقصد الحادي يمر
واعتذرتي وچان مقبول العذر
احسين كلبچ عالغياب امسامحه
ــــــــــــــــــــــــــــــــــــــ
هسه ظلّي ابراحتچ والجو خلي
وخل بواجيّچ يزينب تعتلي
وصيحـي قد حان اللطم يابو علي
ودمعة الغالين توگع مالحه
ــــــــــــــــــــــــــــــــــــــ
صيحي يالجسمك سليب وعاري
اوي الخرايب كمّلت مشواري
وشفت يمّك جابر الأنصاري
اعمه بس خطواته كلش واضحه

محمد الجماسي

هذا حسين
عوف الوين ذاك احسين هذا احسين
ابگلبي وگلبك وكل عين
وين اتروح تلگه احسين
احسين امن العطش مخلوق مو من طين
احسين امن الذهب مصنوع ما مغشوش
احسين ابكل گلب منقوش
احسين ايريد وادم خوش
ميريد البشر وجهين
ميريدك تحب اثنين
ايريد الخادم امعدل چبير اخوان
وايريدك نهر عطشان
ايريدك تفهم القـرآن صاحب دين
احسين الشيخ والماذب جرش وياه
للخدمه ابد ميلوگ
مثل فقه العشائر تنكسر عصاه
الماحط فلس بالصندوگ
وبذنك حطهه ترچيّه
ماتصعد بلطميّه
هي الشغله مو موكب چبير ابنص حسينيّه
احسين ايريد واحد عاثر بنص سوگ
ايريد ابالك الخيمه وگلبك عالطفل محروگ
اريدك عله المنبر كون تتخيل مسير النوگ
مايصعد المامسحوگ
وما يعله اليريد الجاه والسمعه
حلاة العشگ من يصير بين الحضره والدمعه
عابس بالجنون اتجاوز العاقل
الماحب كربله امسوي أمر باطل
الماسامع ابخطبة زينب الحوراء
نعتبره شخص جاهل
والشك بالشعاير علي ايشور بي
وايسطر بدون اچفوف ابو فاضل

محمد الجماسي

أَفَإِن مَّاتَ أَوْ قُتِلَ انقَلَبْتُمْ عَلَىٰ أَعْقَابِكُمْ

حسب هاي الآيه
نسأل الوفّايه
محمد ... ماتَ أو قُتل
ــــــــــــــــــــــــــــــــــــــ
بعض العاشو بخيره لا حمداً وله يشكرون
چانلهم وطن للحب وچانو ضده يتحدون
لاعدهم علم ينفع ولايرضون يتعلمون
وادم بالضبط دخّان بس تنفخهم ايطيرون

الوجوه إتآلِف
والإگلوب إتخالف
محمد ... ماتَ أو قُتل
ــــــــــــــــــــــــــــــــــــــ
قال النبي مامنا لو مسموم لو مقتول
وهوه منذبح يعني مسموم الحقيقه اتگول
نسألمن احتارينه وياهو عالجرم مسؤول
ابذولاكه نذب الصوچ اتقوم القايمه عد ذول

حگنه من انّاشد
هذا مو اي واحد
محمد ... ماتَ أو قُتل
ــــــــــــــــــــــــــــــــــــــ
بسكم لا تظلمونه محمد بيكم ايشوّر
ولتمجدون بالثاني الگايل عالنبي يهجر
الچانت تنقل الأخبار لبوهه وماتضم السر
هاي المرأه جاسوسه والقتل النبي اتدبّر

عالجمل وايگلهه
حيدر ويسألهه
محمد ... ماتَ أو قُتل
ــــــــــــــــــــــــــــــــــــــ
ما أوذي نبي مثلي كما أوذيت گايلهه
ولاية علي وامحبته الكل الناس وصلهه
نسأل عالنبي ومحد هاي المسأله يحلهه
انقتل لو مات موت الله وياهو الجثته غسلهه

علي شيّع روحه
وكاتب أعله اجروحه
محمد ... ماتَ أو قُتل
ــــــــــــــــــــــــــــــــــــــ
إذا انتم اخلاّئه شو محد بچه ابموته
ماشفنه ولا واحـد منكم شال تابوته
محد شگ علیه ثوبه ولا ون وانسمع صوته
معقوله محمد صار يونس وابطن حوته

هيچي واتضيعونه
وبالعجل تنسونه
محمد ... ماتَ أو قُتل
ــــــــــــــــــــــــــــــــــــــ
هذا الجابكم للخير وعليكم منحني ظهره
من الكعبه للاقصى بي رب العرش أسره
مات بسم عدو الله غريب اتمدد ابگبـره
ابفاتحته علي وسلمان وجبرائيل والزهره

المهدي وايطالبكم
وباچر ايحاسبكم
محمد ... ماتَ أو قُتل


#العبدالحسيني_محمدالجماسي

مناجاة غائب

طول غيابك حيل
ياحاني ظهر الليل
ــــــــــــــــــــــــــــــــــــــ
طاري السبي أمأذيك وثاراتك اتّانيك
واسوالف الخيمات ظلن يچوّن بيك
الف وبعـد ميتين وماندري عايش وين
واتصورك موجود هسه ابضريح احسين

احسين اليشبه الزهره الخيل الداستـه عشره
حديد الحافر ويعني صدره انطبگ وي ظهره

گوم احني ظهر الخيل
ياحاني ظهـر الليل
ــــــــــــــــــــــــــــــــــــــ
اتخيلك متعوب ابعينك نبي مصلوب
ياهو انته يـامولاي الـمهدي لو يعگوب
چنك شخص كبران ماملتقي بإنسان
قادم من المجهول ومن عالم النسيان

امفّصِل للعطش غيمه رايح جاي بالهيمه
تسمع ركضة الحوراء لمن حرگو الخيـمه

وبيهه الشماته اتعيل
ياحاني ظهر الليل
ــــــــــــــــــــــــــــــــــــــ
وين انته يامولاي بالطف توزع ماي
يبن الحسن لوجاي من النجف مشاي
تمشي بدرب مسحوگ وعماتك أعله النوگ
ماندري طبّن وين هسه ابقصر لو سوگ

والـمسبيه عمّاته دم اتصير دمعاته
يوسف طلع من البير ويوسفنه ابمعاناته

راح العمر تأجيل
ياحاني ظهر الليل
ــــــــــــــــــــــــــــــــــــــ
من داخل الشباك صوت الطفل ناغاك
ماي أو دفو أو كاروك يالمهدي جيب اوياك
ابصدر الابـو تلگاه حط اذنك أعله اشفاه
همساته هيچ اتگول لبيكَ ثار الله

ومن نحره السهم طلعه وبلّل ريجه بالدمعه
وراسه البالحبل شدوه بيدك للجسد رجعه

واغسل رگبته ابهيل
ياحاني ظهـر الليل


#العبدالحسيني_محمدالجماسي

ياهلا ابزوار اخوي العسكري
بالدرب شابح عليكم ناظـري
سيّد محمـــد يصيح
گلبي يالزاير ضريح
ــــــــــــــــــــــــــــــــــــــ
بالدجيل اهناك سيد طيب وكلش حنين
سُفرته ابگد الـمحنّه العد علي وام البنين
مثل ما ابن مظـاهر كتب زوار الحسين
سيد محمد كتبنه اليوم من الزائرين

اينادي عالمشاي أجرك مايضيع
اليوم سامـــــــراء وباچر للبقيع
اتفضل اهنا واستريح
گلبي يالزاير ضريـــح
ــــــــــــــــــــــــــــــــــــــ
عينه تحرس بالمواكب لو شخص بيهم يعيل
وجهه يشبه غبشة الله وشاره بي كتاله حيل
والله رحمه وشوف ربك خله للشيعه دليل
ابكربلاء سبع الشريعه وهذا هم سبع الدجيل

اچفوفه ممدودات للراح واجه
يقضي الحاجه المريض ايعالجه
ماي وجهك مايطيح
گلبي يالزاير ضريح
ــــــــــــــــــــــــــــــــــــــ
عد أبو جاسم معاجز بيهه چم واحد شهد
المرأه لو كاروك تنذر رأسن اتخلّف ولد
باب سامره العظيمه صاير ابديرة بلد
حاضن الناس ابعباته حته لو زاد العدد

ايگول من العام للعام انتظر
افرح وارتـاح إذا موكب يمر
الخير يمي مو شحيح
گلبي يالزاير ضريح
ــــــــــــــــــــــــــــــــــــــ
الميت ابفاتحته توگف أهله لازم والعمام
وفاتحة سامره بيهه واكف الـمهدي الإمام
وَبما أنَ المواكب ضجّه صارت بالمقام
سيد محمد صواني الزاد سواهه ازدحام

اعبر التاجي ويسبگولك خدم
أمن الدجيل الحد بلد رف العلم
والمقام اشگد مريح
گلبي يالزاير ضريح
ــــــــــــــــــــــــــــــــــــــ
سيد محمد كأنه ايگول ياشيعة علي
انه مو معصوم افهمو وآنه مو آخر ولي
المهدي هو العالي يبقه وفوگه محد يعتلي
ومن تقدمولي التعازي بس اسمعو مايلي

لاتگلولي البگه ابراسك لأن
البگه ابراس المهدي هو ابن الحسن

لو تريدون الصحيح
گلبي يالزاير ضريح
ــــــــــــــــــــــــــــــــــــــ
من وره الشباچ چفه ايمدهه ويوزع ثواب
للرجال أخلاق ينطي وللنساء ينطي الحجاب
ايصيح يازوار واسو الـمهدي في هذا المصاب
وگـولو يا الله نحلفك بالعليله وبالرباب

يمته نسمع يالثار الشهداء
اهواي مشتاگين يايوم اللقاء
وانه وياكم اصيح
گلبي يالزاير ضريح


#العبدالحسيني_محمدالجماسي

ملك ملك زمانك أبو أبو ابحنانك
بالاعيون رسمتك يبو اليمّه
يظل يظل غرامي الك الك يضامي
بالاعيون رسمتك يبو اليمّه
ــــــــــــــــــــــــــــــــــــــ
ضايع واجيتك لگيتك تدليني بيّه
حُبك ملكني وجعلني ابضريحك ثريّه
وياك أقّصر وادوّر ثـواب أو هديّه

آسف كل يوم اجرحك واعترف
آسف يالموخشن گلبك ترف
آسف ياولفي واغله كل ولف

منو منو ابحلاتك وحگ وحگ غلاتك
فلا اعوف طريقك يبو الخدمه
عشگ عشگ واطوفك شمس شمس اشوفك
بالاعيون رسمتك يبو اليمه
ــــــــــــــــــــــــــــــــــــــ
يايوم افهمك واخدمك واسلمك حياتي
مصباحي انته العشگته وسفينة نجاتي
بالروج أخذني وسحبني بحر سيئـاتي

تايه وماعندي عنوان وسكن
تايه وگالولي بس گلبك وطن
تايه يالــــمن گلب امي أحن

تحن تحن عليه مثل مثل رقيه
يمولاي يمن خدمتك نعمه
عبد عبد صرتلك مشي مشي رحتلك
بالاعيون رسمتك يبو اليمه
ــــــــــــــــــــــــــــــــــــــ
شكراً حبيبي ونصيبي ترس چفي خيرك
بيك ارتباطي وصـراطي ومصيري بمصيرك
كضني امن اذاني وشجاني امن اروح اعله غيرك

قابل ادّبني بس ابرحمتك
قابل كنّاس اصير بحضرتك
قابل بس اكون اظل بخدمتك

جمر جمر ادوسه عطر عطر ابوسه
اعله شباچ ضريحك يبو الرحمه
رزق رزق عزائك حلم حلم لقائك
بالعيون رسمتك يبو اليمه
ــــــــــــــــــــــــــــــــــــــ
حبك نشيدي ابوريدي احس يجري بالدم
ياكـل حياتي ونجاتـي حسين ومحــرم
الماعنده دمعه توگعه ذنوبه ابجهنـــــم

حُبك مومستحب حُبك فرض
حُبك خضر مواكـــــب بـلأرض
حُبك وي دمي احس يركض ركض

الوفه الوفه شعاري خذت خذت قراري
الهوه الـمو حسيني فلا اشمه
اجي اجي اعله بابك اشم اشم ترابك
بالاعيون رسمتـك يبواليمه
ــــــــــــــــــــــــــــــــــــــ
رازقني ذكرك واشُكرك واصيح انعم الله
مجلس الحرگه اعشگه وفلا أنسه فضله
ياسر وجودي اعله مودي طحت وصله وصله

اختك مواختي راحت للسبي
اختك ام العفـــــــاف الزينبي
اختك چنهه عله النـــــاگه نبي

ابسبي ابسبي خذوهه وعلي علي ابوهه
وتناديك يخويه اليسر زحمه
الشمر شمر سباني غصب غصب خذاني
وبالاعيون رسمتــك يبو اليمه
ــــــــــــــــــــــــــــــــــــــ
بيك اعتزازي وشجازي چثيره العطايه
ويوم القيامه الخدامه تصير الحمايه
ارزقني قصيده جديده بخصوص السبايه

تصرخ زينب يمحبوب الگلب
تصرخ الحگلي گوم امن الترب
تصرخ طاحت امتوني امن الضرب

بعد بعد شتاني البچي البچي عماني
والاسياط علي چلچلن لـــمه
قصر قصر اطبله الرمح رمح اگله
بالاعيون رسمتك يبو اليمه



#العبدالحسيني_محمدالجماسي

السلامُ عليكَ..ياقتيلَ العَبرات
السلامُ عليكَ.. ياكثيرَ البركات
....

سلامي اعليك من اول زياره
سلامي عالضريح وعالمناره
اجيك ومن اجي دمعي ايتجاره
وكما قال النبي ابكلبي الحراره

السلامُ عليكَ.. ياأمامَ الكائنات
السلامُ عليكَ.. ياكثير البركات
.....

يباب الله والرحمه الجبيره
صدك يحسين شالوك ابحصيره
وخواتك بالسبي واشلون حيره
أسيره ضلت اتلوذ ابأسيره

السلامُ عليكَ... ياأسيرَ الكربات
السلامُ عليكَ... ياكثيرَ البركات
....

شوكي الكربلائك تارس العين
حلاة الكعده ما بين الضريحين
يسألوني واكللهم كلمتين
هوّه احسين دلاني عله احسين

السلامُ عليكَ.. ياأميرَ التعزيات
السلامُ عليكَ.. ياكثيرَ البركات
....

ولو مو عابس آنه ولا مثل جون
وأبالغ لو كلتلك بيك مجنون
ولاكن عندي لطمه اوي اليلطمون
واشوفك بالكلب لو تعمه الاعيون

السلامُ عليكَ... يامحباً للحياة
السلامُ عليكَ.. ياكثيرَ البركات
....

سجودي ابتربك افضل عباده
تربه انخلطت ابدم الشهاده
النبي ماجان يسجد عالوساده
وأنه جبت اعتقادي امن اعتقاده

السلامُ عليكَ.. ياملاذي والنجاة
السلامُ عليكَ.. ياكثيرَ البركات
....

ابشباجك رضه الباري لكيته
وعله اعيونك كلام الحب قريته
المايهواك آنه ماهويته
بعت كلشي وهوه الحضره شريته

السلامُ عليكَ.. والدموعُ جاريات
السلامُ عليكَ..ياكثير البركات
....

محمد الجماسي

ياعمة الجواد انتي الكريمه انتي الكريمه
كل العمر سراب والدنيه هيمه والدنيه هيمه
وفقيني الخدمة الحسين
ــــــــــــــــــــــــــــــــــــــ
وفقيني يامعصومه واحييني بالشعائر
من بركاتچ طــالب بس خدمة الــمنابر
ابنار الخيم حزّميني عالداسته الحوافر
اعمه واشوف بگلبي علمني هيچي جابر

ابجاه الرضه رضاچ هاليوم اريده هاليوم اريده
مايفشل الاجــاچ وايمدلچ ايده وايمدلچ ايده
ذكريني ابگلبـــچ الحنين
وفقيني الخدمة الحسين
ــــــــــــــــــــــــــــــــــــــ
اختاريلي مجلس وادري ايفرحني اختيارچ
أبيّت الرضه چـــن قاري من اقـرأ ابمزارچ
ابشبــــاچچ آنه امچلب زيديني من وقارچ
ياعالمة وچـم عالم اندفنـــــو بجوارچ

قُم الشريفه هـاي أجمل مدينه أجمل مدينه
مثل البحر تموج وانتي السفينه وانتي السفينه
نجّيني جـــــارت السنين
وفقيني الخدمة الحسين
ــــــــــــــــــــــــــــــــــــــ
سجليني من زوارچ مولاتي هالمسيّه
اتگول الروايه الزارچ چن زاير الزچيّه
اسجد وجوب ابابچ والله نــذر عليّه
يالرحتي بس ما رحتي متچتفه او سبيّه

نمتي ابگبر وسيع مو بالخرابه مو بالخرابه
وفگد الرضه چبير آيا عذابه آيا عذابه
طشيني ابمـرقدچ ونين
وفقيني الخدمة الحسين
ــــــــــــــــــــــــــــــــــــــ
ياعالمه إوعلميني اشلون احضر المجالس
موبس جسد واچفوفي تتباهه بالمحابس
احضر اريد ابگـلبي ويهمس بذاني عابس
وايگلّي حلوه الخادم لو بالعشگ ينـافس

واليمشي بالصحيح واضح طريقه واضح طريقه
ابدرب العشگ يصير عابس صديقه عابس صديقه
وانطيني للبواچــي عين
وفقيني الخدمة الحسين
ــــــــــــــــــــــــــــــــــــــ
انتي الكريمه إوچفّــي ظل منتظر عطائچ
هم افرح ابميلادچ واتفجّـع العزائچ
نجمة عشگ خليني غافي بحضن سمائچ
يمّ البخت واجروحي شافيهن بشفائچ

دكتورة الجروح عطرچ يعـالج عطرچ يعالج
ابجاه الرضه اخوچ اقضي الحوائج اقضي الحوائج
شمليني ابرحمة السجين
وفقيني الخدمة الحسين
ــــــــــــــــــــــــــــــــــــــ
إسمچ اشتقّه الكاظم بالزاكــيه الشريفه
والكـرم هم ياخذني للمجتبه ومضيفه
معصومه معصم زينب ماينگـطع نزيفه
ياعُش محـمد وآله يالحــرّه ياعفيفه

ياكعبة الأمان والحضره جنه والحضره جنه
بي ريحة البتول گبرچ كأنّه گبرچ كـأنّه
رزقيني احلـى ركعتين
وفقيني الخدمة الحسين


#العبدالحسيني_محمدالجماسي