ياحسين اتمنه اصيرن خادم
بصوت الرادود فارس الكربلائي
للشاعر حسين الفيصلي

اهواك هايم بجنونـي
اهواك خلي يلوموني
اهواك عبدك سمونـي

يحسين .. يحسين
.............

لمصيبتك ما تنشف دموع العين
ما ينگطع سيل المدامع يحسين
يالمنذبح بسمك نردد كل حيــن

للموت ما ننسى اخيامــك
للموت أنضل خدامـــــــك
للموت نبچي أعله ايتامك

يحسين .. يحسين
.............

كل ما يمر شهر الحزن و الآهــــات
تدري أعله فگدك ما تجف الدمعات
ما ننسى يومك لا وحقك هيهـــات

هيهات ما ننسى المنحر
هيهات همنا شما يكثـــر
هيهات عنك نتغيـــــــــر

يحسين .. يحسين
.............

كلشي يتغير بالهوى كلشي يصيـر
بس انت حبك ما قبل بالتغييـــــر
لو ما بچت لمصيبتك عيني تحير

غالي وترخصلك روحي
غالي لجلك كل نوحـــي
غالي وتشافي جروحي

يحسين .. يحسين
..............

ثوب الحزن البسلك بكل عاشــــــور
گلبي اليودك ما يعوفك مجبــــــــور
عشت بخدمتك يا ابو الأكبر مشكور

خادم لتراب أقدامــك
خادم واخدم خدامك
خادم حاضر گدامــك

يحسين .. يحسين
.............

شيسوه العمر لو ما خدمتك مولاي
تنذبح ضامي وما ضگد طعم الماي
ما تسوى كلشي بلا عزائك دنيـــاي

دمعات تجري أعله امصابك
دمعات تنزل بغيابــــــــــــك
دمعات بعيون أحبابـــــــــك

يحسين .. يحسين
.............






حسين الفيصلي

هلالك لو يهل شفته .. جرحي تبدي سالفته
محرم بيك اودع حسين
وكفيلي أعله النهر عفته
~~~~~~~

يا هلال الحزن جيتك تاذينـــــــــي
من اشوفنك تضل تهمل دمع عيني
ما احمل بعد تعبانه تدرينــــــــــــي
افگدت عباس بيك وفاگده حسيني

شيسكن لوعة وحزني .. ابد ما ينگطع وني
يا شهر المحرم ليش
دمع عيوني نزلتــــه
~~~~~~~

شما اشوفن هــــلالك يا شهر يجبل
تزيد جـــروحي بيه وحسرتك تكتل
من اشوفنك تهل دمع النضر ينـــزل
تخلي عيوني دم مو بس دمع تهمـل

عذابي ولـوعتي منك .. وانته تهل ولا چنك
من عندي بعد شتريد
وانته الرته حصلتـــه
~~~~~~~

اودع حسين و الدمعات تتجاره
وگلبي بهل هجر ما تنخمد ناره
بقيت بحسرتي من بعده محتاره
نايم عالترايب هو وأنصــــــــاره

خليته علــــى الغبـــره .. ضامي و منگطع نحره
راسع اعله الرمح مرفوع
ومسبيه ويا الغرب اخته
~~~~~~~

بعد عباس دنياي أصبحت ظلمــه
وفگدت الأمل بعده ولا بقت همـه
جرحي من تهل بهــــــلالك تلجمه
الكافل مني راح وراح ابو اليمـــه

محرم زيدت حزني .. وفگد أحبابي عذبني
مــن مثلي انشدنك
هيچي بهمه عذبته
~~~~~~~

من بعد الأهل بين الغرب واحدي
مفجوعه بمصابي ولا صبر عدي
انوح ودمعتي ما فارگت خــدي
منو شايف قهر يا دنيتي بگدي

سبيه دهري مشاني .. غريبه وفاگده اخواني
لكل منهم على التربان
بفگدهـم گلبي مرمرته
~~~~~~~





حسين الفيصلي

من احچي ظيم البيه
تنهظم كـــــــل علويه
أنا العقيلة أم الستـــر
تالي العمر مسبيــــــه
...............

جاري ما سامع أبد فد يوم صوتـــــي
بالعبايه اتگبع من اطب إخوتــــــــــي
شرايده العباس يعرف من سكوتــــي
النسمه تسترخصني يالله يگلها فوتي

حتى الهوى الاشتمـــــــــه
يدخل غرفتي بعلمـــــــــه
ملازمني أخوي بكل وكت
مثل الگمر و النجمـــــــــه
.................

هاي يا عين الگبل تلمح خيالـــــــي
عن يميني كافلي ومره بشمالــــــي
كلمته أتذكرها لي هسه على بالـــي
گلي بس سترچ يزينب عندي غالي

شتردين خويه يگلـــي
ياهو الگدر يوصلــــــي
بالظلمه ما يشعل شمع
خاف الغرب تنظرلــــي
....................

بلايه ما أنادي يجي و يگول أئمــــــــري
ما يخوفه الموت كل خوفه أعلى ستري
بسمي ما ناداني كله يگلي عمـــــــــــري
مو فقط چفيني الچ انطيچ نحـــــــــري

عباس يمشي بزوده
ياهو اليمس حدوده
شمحلاها راية كافلي
فوگ الزند مشدوده
...................

بروحتك كلشي انتها يا ابو الحميه
مو فقط شافوني لا جسرو عليـــه
هيچي تاليها بحبل مشدوده إديه
آه منچ كربله شسويتي بيــــــــــه

لوحدي أدير بعينـــــــي
ما ضل أخو يحامينــي
مستعجل وطب الخيم
يريد الشمر يسبينـــــي
....................

انا فوگ الهزله وانته أعلى الترايــــب
آه من هذا الزمن سوه العجايـــــــــب
بسوطه يصربني الشمر لن انته غايب
عيوني بدروب السبي شافت مصايب

جرح الهظم شيروفـــــه
فوگ الهزل مچتوفــــــه
بلون العبايه من الضرب
تمنيت متني تشوفــــــه
................




حسين الفيصلي

لا ما نسيتك لحظة يالغالي
تضل ذكرياتك ساكنه أبالي

دمعي و حنيني
ما تغفى عينــي

تضل ذكرياتك ساكنه أبالي
...............................

يالرحت عني و عفتني .. تعب عيوني السهر
بغيابك كون تــــــــدري .. اللحظة تنعد بشهر
شلون لو طول غيابك .. يعني اموت من القهر

يالخذت مني الهـــــــوه
الدنيا ظلمه بلا ضــــوه
لجرحي ما يحصل دوه
بهجرك شسويت بيه

سهرانه بعدك عيني ليليه
بلكت ترد يالما إلك جيــه

يالما تجيني .. ما تغفى عيني
تضل ذكرياتك ساكنه أبالي
...............................

روحي مشتاگه لحنانك .. هلبت تمرني بحلم
لحظة ما نمت برحيلك .. يشهد اعليه النجم
خاف كل سور البنيته .. بريح هجرك ينهدم

عني لمن سافــــرت
بدربك شگد ناطرت
تدري بيه تعذبـــــت
صرت اتمنى المنيه

وينك صحت يالشاغل ضنوني
اتمنى اموت و تغمض عيوني

زايد و نيني .. ما تغفى عيني
تضل ذكرياتك ساكنه أبالي
...............................

شلون بعدك يهده بالي .. بيك ما ادري شجره
ما تنام الليل عينــــــي .. حگها تبقى مساهره
عمري هذا شلون اخلصه.. وأنه روحي امرمره

وين وداك الزمـــــــــن
عيوني من گد ما بچن
بغيبتك تدري نعمـــــن
الدهر ما رحم بيه

بعدك أحس بروحي مهضومه
صفنة يتيم بعيني مرسومـــه

تخلص سنيني .. ما تغفى عيني
تضل ذكرياتك ساكنه أبالي
...............................

ما دريت شلون حالــك .. ما رجع منك خبـــــــر
من كثر ما تبچي عيني .. من الدمع خدي نحفر
انه شمسويه لزمانــــي .. و هيچ عذبني الدهــر

غيبتك كسر بجمـــع
وياك ابد ما انجمـــع
راح أضل بس للدمع
للمناحه وصوت وني

تضل بالصدر تتكسر العبره
مشتاگه اصدلك ولو نظره

ألهم معتنيني .. ما تغفى عيني
تضل ذكرياتك ساكنه أبالي
...............................

طفلة مهضومه و عليله .. لوحدي بديرت غرب
نتظرت شگد واتانـــــي .. و عيني تنظر للدرب
عني شاحچيلك واخبرك.. حالي من بعدك صعب

يالخذت مني العـــزم
حيل ما ضل بالجسم
اعثر بنگل الجــــــدم
بعد ما ضل حيل بيه

مقسومه اعيش بهمي و آهاتي
اگضي العمر أنه و معاناتــــــي

الون مشتريني .. ما تغفى عيني
تضل ذكرياتك ساكنه أبالي
...............................










حسين ألفيصلي

لاچمني گلبي هـــواي
ضل يالحنين ويــــاي
لا تمشي صوب الماي
لا تمشي صوب الماي
.................

عوف طاري الماي خويه و رد عليه
للنهر لا تمشي احلفك بالزچيــــــــه
خويه ضل يم الخيم يا ابو الحميه
انا أموت بدونك وداعة رقيــــــــه

كلك وفه و إحساس
لا تمشي يا عبــــاس
فگدك يشيب الراس
فگدك يشيب الراس
.................

خويه عوف الماي خلينه بعطشنه
نعطش ولا تحترگ بعدك خيمنــه
يابو فاضل خويه يالشايل علمنه
خاف من تروح يتفرهد ضعنــــه

من تمشي يا ستـار
يضل الگلب محتار
تشب خيمنه بنـــار
تشب خيمنه بنـــار
.................

من گلت رايح گلتلك خويه خــــــــدري
ودعتهن خيمه خيمه ودمعي يجــــــري
انا معذوره من اخلي ايدي أعلى ظهري
كسرة الجامه برحيلك هيچي كســــري

دومك تضل عالبـــــال
جرحك صدگ چتـــال
بيا حال أشد كل حال
بيا حال أشد كل حال
.................

تاخرت وانا اسأل العباس وينـــــــه
خاف اخوي انگطعن ايساره ويمينه
شلون لو گالو سهم صوبها عينــــــه
يابو فاضل خويه معناها انسبينــــه

يا خويه گلي شلون
بيه الكفر يمشــــون
ما تبقى عدي متون
ما تبقى عدي متون
.................

بضعنك انظر يابو فاضل ماكوا رأيه
الشمر مشانه من بعدك سبايــــــــــه
بصوطه يضربني اذا انظر ورايـــــه
متني صار أسود مثل لون العبايـــه

عذبني درب الشام
تدري الكفر ظــلام
بضعني بس أيتام
بضعني بس أيتام
.................







حسين الفيصلي

*يا عباس يالبسمك يحلفون*
..............................


أخافن لو رحـــــت بختك يعيلـــون

بـــــس منك يابو فاضل يخافـــون

مخورسهم چنـــــت گامو يصيحون

لتخلينـــــي وحدي ويا اليكرهـــون

عـــــد أهل الغدر لا تترك أم عــــون

يتلوه الشمر صوطه أعلى المتــــون

بزينب يا شهم ضلوا يشتمـــــــــون

الخيم حرگوها واسمعهم يضحكون

أعلى النوگ الهزل يسبوني يــردون

شاجاوبهم اذا عنك يسألــــــــــــون

تقبل يابو فاضل انذل شلــــــــــون

من تغضب يخويه يظلم الكــــــون

من بعدك يهل دمعي أعلى الجفون

لاخيتك لو عدل فنهم يگربـــــــون

عني لو مشيت اطش الاضعـــــون

ما ترضى الشماته بضعني يمشون

على اخيامي شيردهم من يهدون





حسين الفيصلي

محرم هل وجتنه أيام الأحـــزان
خل نبچي ونون عالمات عطشان

تصب العين دمعات .. على الراحن سبيات
محرم .. محرم
..........

الثوب الأسود خل نحضره وصلت أيام الدمع
من يهل شهر المحرم گلب زينب ينفجـــــــــع
الحره من يرحون أهلها حيره تبقى بيا وضع
باچر اخيام العقيله تحترگ مثل الشمــــــــــع

لا كافلها ضل ولاكو رايــــــــه
صفت محتاره زينب بالسبايه

بگلبها شگد معانات .. على الراحن سبيات
محرم .. محرم
..........

كربله وعاشر محرم احنه ما ننساها ابــــــد
يا مصيبة شچان ذنبه نذبح حتى البالمهـــد
حسين ضل ميمونه يصهل للمخيم خالي رد
أصبحت زينب غريبة اخو ما ضل لا ولــــــد

راحوا كل أهلها بزينب شلــــــون
ما ضل عدها بس دمعات العيون

حزنها يفكها هيهات .. على الراحن سبيات
محرم .. محرم
..........

آه يحسين ومصابه مثله ما صار وجــــــره
عياله بالبر اتراكض والخيام موجــــــــــــره
الشمر گاعد فوگ صدره ويلي ويحز منحره
فوگ هذا الصار كله من يده گطعو خنصره

زينب عالتراب تشوفه نايـــــم
ما ضل شي بعد بحسين سالم

تشوف بعينه نضرات .. على الراحن سبيات
محرم .. محرم
..........

حيره محتاره بوضعها زينب بذاك المحـــل
حسين ماكوا يفزعلها و ماكوا عباس الكفل
عينها تصد عالمخيم شافته بنار اشتعــــــل
للسبي رايح ضعنها عدها ما ضل كل أمـــل

تصد زينب تشاهد روس اهلها
الشمر حاديها من بعد الكفلهــا

تون كل المسافات .. على الراحن سبيات
محرم .. محرم
..........

كون مو لجلك عليمن روحي أعلمها الونيـن
هو بس انت بحياتي انا مثلك الگه ويــــــن
العين اذا ما تبچي لجلك ابد ما اسميها عين
يا ابو ارقيه وحياتك ما شفت مثلك حنيــن

عليك أبعد ولا تزعل عليــــــه
من اطيح بشده ابد مترد إديه

دوم بروحي آهات .. على الراحن سبيات
محرم .. محرم
..........






✍حسين الفيصلي

ولائي .. ندائي .. حسيني كربلائـــي
وفائي .. عزائي .. الك ترخص دمائي

أبا عبد الله .. حسين
................

بالگلب نار .. جمر صار .. مثل نار الخيـــم
آ يمظلوم .. ولا يـــوم .. ترك روحي الألم

للأبد يحسينــــــي .. انته دمعة عيني
لو متت ما اعوفك .. خادمك تدريني

حنيني .. انيني .. إلك ناذر سنينــــي
يعيني .. ونيني .. اشوفك انته ديني

أبا عبد الله .. حسين
................

لفگدك انـــوح .. يمذبوح .. يمحزوز النحــــر
تجري دمعات .. و الآهات .. مثل سيل المطر

اي وحق ابدورك .. يبقى مشعل نورك
لا تضن يالضامي .. ينسي عاشــــورك

مجالــس .. مدارس .. درسنه وصرنه عابس
شينافس .. اشاوس .. عليك نشگ ملابـــس

أبا عبد الله .. حسين
................

بخدمتـك دوم .. يمظلوم .. يصاحب روحي
ماكوا موضوع .. بالدموع .. تطيب جروحي

شلون اردلك ديني .. بفضلك مغطيني
گبــــل لا احچيلك .. سيدي تنطينــــي

حياتــي .. مماتي .. صرت صومي وصلاتي
أمنياتي .. صفاتي .. يشاغل ذكرياتـــــــــــي

أبا عبد الله .. حسين
................

شتنفع العيـن .. للحسين .. دمع ما بيهــا
لو يصح كون .. العيــون .. عليك اعميها

روحي فدوه لروحك .. يالچبيره جروحك
غافيات دموعـــــــي .. فززتها بنوحــــــك

بطفوفك .. چفوفك .. غريب شلون اعوفك
حروفك .. أشوفك .. صرت كعبة واطوفك

أبا عبد الله .. حسين
................

كل السنــــــين .. يالحسين .. الك انطيها
شتسوى دنياي .. يرجواي .. لطم ما بيها

بس بالحسينيــــه .. روحي أحس مرضيه
انسى كلشي أبالي .. من أسمع اللطميـــــه

زماني .. بلاني .. بعشگ ما مثله ثاني
اتاني .. اجاني .. سهم حبك رمانــــي

أبا عبد الله .. حسين
................






✍حسين الفيصلي

اندهولي أبو فاضل زينب بحيره
.........................

مثل نار الخيم يلهب گلبهـــــــــا
الشمر بالسوط كل ساع وضربها
من الظيم ما شافت دربهــــــــــا

فروها الكفر من ديرة الديرة
.........................

تمشي وبالدرب يعثر جدمهــــا
من ظيم الطفوف شكبره همها
لا لحسين لا عباس يمهــــــــــا

محتاره وتحشم وين ابو الغيره
...........................

راح الچان كافلهــــــــا وسندهــــــــا
زينب بالغرب ضلـــــــت وحدهـــــــا
احتارت بت علي وچفها أعلى خدها

راحوا مناها أهلها وموحشه الديره
...........................

دروب بعيد تمشي بناگه هزلـــه
الراب تصيح ساعة تصيح رمله
اذا مال الحمل ياهو اليعدلـــــه

وجها شلون زينب المن اديره
..........................

حسافه بچفها زينب شدو احبال
حال الظيم شافت حال العيـــال
شمات بظعنها وهزله الجمــــــال

بس الظيم بالطف ما لگت غيره
..........................






حسين الفيصلي

جرح گلبي بغيابك .. أدب الطف
صلاة وداع اشوفه .. أدب الطف
كفو من ابو فاضل .. أدب الطف
شيل لبسها زلم الغاضريه
ــــــــــــــــــــــ
حسين الفيصلي

من الطفولة
الملا مرتضى الميساني
الشاعر حسين الفيصلي
تصوير ومونتاج رائد المحمداوي
https://youtu.be/YaN0UA3hFwY