قصيده بحق الامام السجاد ع
((وزن خدري الجاي ))
☆☆☆☆☆☆☆☆☆☆
خننصب مأتم * ويه الزهره هليوم

ونساعدها ياشيعه * عله الي مات مسموم

لخلص عمره وجعان
وينحب عله العطشان


ويه الزهره هليوم

☆☆☆●☆☆☆●☆☆☆●☆☆●

خلص عمره بنوح * عله ابوه السحكته الخيل

وابد مايوم ينساه * ولا من باله يشيل

لحد يوم المنيه * دمعه عله الابو يسيل

خلص عمره بأهات
ويذكرها المسنات

ويه الزهره هليوم

✍العلويه ام نور الميسانيه

☆☆☆●☆☆☆●☆☆☆●☆☆●
يبجي ولاسكت يوم دوم يسيل دمعه

من عاين الضامي وشاهد كسر ضلعه

يطلب ماي عطشان والعابد يسمعه

اثر دمعه علخده
ويموت وياه وده

ويه الزهره هليوم

✍ام مرتضى الخفاجيه


☆☆☆●☆☆☆●☆☆☆●☆☆●

گضه سنين عمره كله نحيب وآهات

راحه ابد ماشاف عيونه تجري دمعات

على الگطعوا وريده بأرض الغاضريات

وسفه غدرته اعداه
والسم يجري وياه

ويه الزهره هليوم

أم صــــــ✍️ــــادق المنصوري

☆☆☆●☆☆☆●☆☆☆●☆☆●

وسفه غدرته الگوم ابو الباقر نگلــــــــه

عليل. وجبده مسموم خلصوا قتل اهلـــــــه

تصعب قصته ياناس فراگ الاهل سلــــــه

يزهره يعظم اجرج
الساجد عاد كسرج

ويه الزهره هاليوم

ام وليــــــــ✍️ــــــد الموســــــــوي

☆☆☆●☆☆☆●☆☆☆●☆☆●

مكدره الشيعه هاليوم لمصاب ابو الباقر

الگضه عمره حسرات ومنه الگلب شاجر

يبجي الوالده حسين وعماته الحواسر

ماينسه سبيهن
يهل دمعه عليهن

ويه الزهره هاليوم

ام منذرالحجار

☆☆☆●☆☆☆●☆☆☆●☆☆●

بآخر لحظه وایصیح یاعمه انسبیتي

یعمه ابیوم ضربوچ صرت اعشگ منیتي

ویــنادي یالـمـــنـیه. اشو توچ اجیتي

انه روحي الحزینه
ماتت مـن سبـــینه

ویه الزهره هالیوم

✍️ام ضیغم المحنا
☆☆☆●☆☆☆●☆☆☆●☆☆●
حضرت تون هاليوم ام الحسن ياناس

على العابد المسموم وتلطم هيه عالراس

اتشيعه بنوح وب اه وطشت عالنعش ياس

تصيح بلهفه ويلاه
سم الچبد آذاه

ويه الزهره هاليوم

رؤى السلامي ✍🏻

☆☆☆●☆☆☆●☆☆☆●☆☆●
❌تمت بااقلام خادمات الزهراء في رابطه دموع العقيله لانجيز شرعاً حذف الاسماء مشكول الذمه امام الزهراء ع ❌

https://t.me/Aleulawiuhamnuwr

⚫️ياويلي عله السجاد
گضّه العمر بالاحزان
⚫️من عگب اليسر والهم
سار بولية العدوان
@@@@@@@@@@@@@@@@@
شسولف عن ابو الباقر
وآلآمه الغدت كثره
عليل وجسمه ظل منحول
ولجله نسچب العبره
عله مصاب الولي ننحب
نجر حسره باثر حسره
آه اعله الگضه مسموم
بدال الدمع نجري دموم
حزنانه السمه هليوم
يانار القهر والضيم
من عدها الچبد خلصان
&&&&&&&&&&&&&&&&&&&&&&&
يوسفه راح ابو محمد
لاچن شاف هضم وجور
يصيح حسين خليته
عطشان الگلب مفطور
من بعد الچتل داسوه
وصدره مرضض ومكسور
محزوز النحر دامي
نايم عالترب ظامي
وراسه يلوح جدامي
من فوگ الرمح ياناس
وشفاهه ترتل القران
&&&&&&&&&&&&&&&&&&&&&&&
ياشيعه لون تدرون
يوم النوگ جابوهن
عماتي وخواتي شلون
من رادو يركبوهن
حراير والخدر عنوان
تالي بيسر يسبوهن
صحت ياعمي ياعباس
ياهيبه ويرفعة راس
لحگ شوف هاالارجاس
ما عدهم رحم ويلاه
عل الاطفال والرضعان
&&&&&&&&&&&&&&&&&&&&&&&
أذكر من سروا بينه
ومرونه عله الأحباب
حسين اعله الوجه مطروح
ياوسفه وسليب ثياب
وزينب تنظر الهلحال
ومن عدهه الدمع سچاب
تصيح شلون ياعمه
آآ ياهضمة الهضمه
خليني أظل يمه
گلتلها لون تبقين
منهو يباري النسوان
&&&&&&&&&&&&&&&&&&&&&&
يوم اثلثطعش من جيت
گاصد دفن ابوي حسين
جسمه مگطع بلاراس
حضنته وبس تهل العين
لاچن خنصره مگطوع
وايدينه بلا چفين
لن صوت النحر مسموع
گلبي ياعلي مفجوع
عبد الله تراهو يلوع
عله صدري دوسده بساع
تراني اعله الطفل لهفان
&&&&&&&&&&&&&&&&&&&&&&
بعد شحچي اعله ذاك الگيد
ورگبتي تسيل منها دموم
آنه وعمتي مچتوفين
بحبال الكفر والشوم
آآ يا عملة اهل الشام
ماتنوصف هاي الگوم
لاغيره البگت عدها
ويزيد الي يحشدها
وبگصره يواعدها
وآنه لوحدي ظليت
لا وليان لا خوان
&&&&&&&&&&&&&&&&&&&&&&&
أعيش بلوعه من اتمر
صورة كربله ابالي
لا اگدر اضوگ الماي
اويلوم اللايم بحالي
ولا أنسه الفجايع ذيچ
تبقه وياي للتالي
ما بطل البچي والنوح
يظل مني الدمع مسفوح
وبگلبي چثيره جروح
وآنه من الالم موجوع
أعيش بمحنتي حيران
@@@@@@@@@@@@@@@@@

#سمير_الصالحي
#النجف_الاشرف

قصيده فزاعيه بحق الامام السجاد ع

☆☆☆☆☆▪︎☆☆☆☆▪︎

الجو اضلم ::: عله السجاد هاليوم

ابو الباقر كظه ياويلي مسموم

☆☆☆●☆☆☆●☆☆☆●☆☆●

الجو اضلم على الساده الامجاد

كظه مسموم هالليله السجاد

يون وينوح واهله عنه ابعاد

كظه عمره يون والحيل مهدوم

✍العلويه ام نور الميسانيه

☆☆☆●☆☆☆●☆☆☆●☆☆●

اضلم كونها وعاليها الغبار

دنيانه مچدره وتنعى الاطهار

وگلب الباقر اليله اشتعل نار

ضل ينعه على ابوه بكلب مالوم

العلويه ام مرتضى الموسوي

☆☆☆●☆☆☆●☆☆☆●☆☆●

والسجاد انودعه بدمعه وب اه

ونخسفه الصدر ونصيح ويلاه

مصابك بينه جمره وحاشا ننساه

وسفه الليله شايل بحر العلوم

رؤى السلامي ✍🏻

☆☆☆●☆☆☆●☆☆☆●☆☆●

مالوم الــگلب حــزنان ومــكدر

عالمسموم ويلي الرايح محسر

گضى دمعاته للمحزوز بالمنحر

الــباقر عالابـــو هليله ملــجوم

أم صــــ✍️ـــادق المنصوري

☆☆☆●☆☆☆●☆☆☆●☆☆●

ملجوم ويــــون وبعالي الصوت

مستعجل يبو الباقر على الموت

گلبي اعليك اه يلغالي مفتوت

وكل الگون صبح الك مهموم

ام عـــــ✍🏻ـــــلي البابلي

☆☆☆●☆☆☆●☆☆☆●☆☆●
صبح هلیوم کل الکون محزون

والساده عله امصابه یونون

ممروده چبدته ودارالعیون

ویتذکرمصاب المات محروم

✍🏻المیرزا ام لیلی الخاقانی

☆☆☆●☆☆☆●☆☆☆●☆☆●
❌تمت بااقلام خادمات الزهراء في رابطه دموع العقيله لانجيز شرعاً حذف الاسماء مشكول الذمه امام الزهراء ع ❌
https://t.me/Aleulawiuhamnuwr

قصيده لمولاي زين العابدين
على طور خلنه يرتاح توه الشمر خلص ذيح
________
يازين العباد /مولاي شنهي معذبك
يازين العباد/اويه الدمع خالط مشربك
ومنكوع زادك بالدمع
ونتك بره وتنسمع
يازين العباد
_______________
مولاي خبرنه شحصل.ليش الدمع منك يهل
مو علمتنه عله الصبر .ياسيدي شنهي الحصل
شرفكم الله عله البشر.وامن الله مكتوب القتل
يكله القتل عاده صدك.بس مو مره تركب هزل
هم سامع بيوم /عند العرب حرمه انسبت
هم سامع بيوم/بديوان نسوان اوكفت
سوط عله حرمه ينرفع
ونتك بره وتنسمع
يازين العباد
......................
عماتي ركبن ع الهزل. ويه الغرب وسفه مشن
للسوك طبوا بالضعن.لهل الكفر فرجه اصبحن
بين الشماته والحرم .لمن مشن يتكاودن
خافن يعثرن بالحبل.منهن عبيهن يوكعن

من طبن السوك /محد رضه يغض النضر
من طبن السوك/ترميهن الناس بحجر
مايستقر هذا الوضع
ونتك بره وتنسمع
يازين العباد
........................
كيد الحبل بالجامعه. لجفوف عماتي وصل
واني عليل وربطوا .ضهري على بطن الجمل
لو ناكه عثرت بالدرب يوكع اويلي شجم طفل
لو ثكله ناحت تنضرب .تشبع مسبه من النذل
من الله مكتوب /النه الشهاده والقتل
من الله مكتوب /مو حرم تمشي ع الهزل
من حقي كلبي ينصدع
ونتك بره وتنسمع
يازين العباد
.......................
راس الحسين اويه الضعن .شاركهن بدرب السبي
ينهضم لو شاف الحرم.يزمخ عليها الجنبي
وبعين حمره يلتفت صوب الشمر راس الأبي
ويكله لو انه عدل ما توصل البنت النبي
هاضمني عباس /فوك الرمح راسه احترك
هاضمني عباس /ياغيرته تكفي الخلك
يعاين اخيته ومنفجع
ونتك بره وتنسمع
يازين العباد
........................
حد ساعة الموت وابد مابطل من عنده الحزن
ياويلي بالسم انغدر والجبد من عنده انسحن
بهالحاله وتذكر ابوه.بالخيل جسمه منطحن
يتذكر الدم والعضم ويه الجلد كله انعجن
يتذكر حسين /حتى بأخير انفاس اله
يتذكر حسين /ودموعه ضلت هامله
ماتهم بالسم والوجع
ونتك بره وتنسمع
يازين العباد
................... ....
بقلم العلويه
ام مرتضى الموسوي

قصيدة في رثاء الامام علي السجاد عليه السلام


بين الحزن والنوح ابچي بگلب مجروح
عالـوالـد المـذبـوح. ياحسين ياحسين


ياشيعه ذكروا مصيبتي السجـاد آنـه بدمعتـي
ابچي عله ابويه المنذبح. خلّصت عمري ودنّيتي
لاموني ليش اجري الدمع. صبح ومسه ما ينگطع
گلـتلـهـم بعيـنـي شـفـت راس الحسين المنگطع
يامـن تسمـعـــوني. لا لا تلـومــوني
عالشـافـتـه عيوني. ياحسين ياحسين
...............

منهو المثل گلبي حمل. آهــات وجـروح وعلل
السجاد آنه وشـاهـدت. زينب سبيّه عله الهزل
وانه العليـل بعـلّتـي. وشلون اساعد عمّتـي
شفت العقيله ميسّره. يامحنه توصل محنتي
لو ابچي ليل نهار. ما تطفي بيه النار
عالهاشمـيّـه شصار. ياحسين ياحسين
........................

ياويلي بالشام شّجَره. كل عمري ابقه تذكّره
لمجلس يزيد مچتّفه. زينب تطب اميسّره
يتشمّت عليـها النذل. وبچتل ابويه محتفل
هالمـوقـف منتذكّــره اتـعــذّب ودمعـي يهل
يسمع بواچيها. يتشمّت عليها
وتنادي واليـها. ياحسين ياحسين
...........................

السجاد أنه وعمري حزن. بين المصايب والمحن
مـن آل اميّــه تـعــذّبــت. ما انصف ويـاي الزمن
ابچي واون طول العمر. مل وجزع منّـي الصبر
اذكـر ابويه المنـذبـح. عالغبره مهشوم الصدر
بجروحي وآلامي. اگضيها أيامي
عالمنذبح ضامي. ياحسين ياحسين
........................

بمصاب ابويه اتعذّبت. غير المصايب ما شفت
بلاذنب ظلموني العده. سمّوني عدواني ومتت
گطّعوا بالسّم چبدتـي ياويلـي ذابت مهّجتـي
مظلوم مسموم بحزن. لمـن متت ياشيعـتـي
دفنوني باحزاني. والغربه عنواني
مكتـوبه بكفـاني ياحسين ياحسين
.........................

قصّة مصابي المؤلمه. ذكروها تحضر فاطمه
تسجّل اساميكم اذا. يومي نصبتوا مأتمه
لمصيبتي صبّوا الدمع. گلب الزچيه المنفجع
واسوها هاي أم الحسن ياذيها من تبچي الضلع
ذكروني بمصابي. ياناسي وحبابي
كتبوا عله ترابي. ياحسين ياحسين

خادم الامام السجاد عليه السلام
سيد زيد الفحام
__________________________ __
‏ ➖➖➖➖➖➖➖➖➖➖➖➖➖

موشح للامام زين العابدين عليه السلام( تنعه الطاهره)


اليوم عالوجعان تنعه الطاهره
شال عن داره ونزل بالمگبره


شال عن الدار لتراب البقيع
مانسه امصاب ابو اليمه والرضيع
اتگول سكنه اخلاف والينه نضيع
عاف كتبه والمباني ومنبره


عاف كتبه ومنبره وشال العليل
صبح الباقر دمع عينه يسيل
ايگله ريض ياضخرنه ولاتشيل
مو سهل فرگاك گلبي فطره


مو سهل فرگاك يوجعني وجع
حگي اون اعليك يالتسوه الدمع
باد گلبي وباد حيلي والضلع
غايب العطشان عنك مادره


والدك ماجاك يابويه بعيد
امس چنت اوياك والليله وحيد
بعده بمتونك اثر ذاك الحديد
والزنود امن الچتاف امعوره


هشم اعضامك حديد الجامعه
يومك اعلينه مصيبه وفاجعه
ميت وعينك تصد للمشرعه
وينك اتنادي يسبع الگنطره


وينك اتنادي وتحشم يالشجاع
الموت اجاك الموت ياحلو الطباع
ياوداعك مو سهل واصعب وداع
راحت ايام البنورك مزهره


راحت ايام الزهيه وماترد
مثل گلبك باد گلبي وانمرد
گوه وسدتك يبويه باللحد
روحي حزنانه وتضل امكدره


الشاعره المله
ام غصون العمارچيه
ديوان ايات الشهاده
الجزء التاسع

غير مبري الذمه من يمحي اسم الشاعره او ينسب الكلام لشخص اخر

#ام_هجران

اللهم صل على محمد وال بيت محمد وعجل فرجهم الشريف ياالله 🤲

🌺قصيدة فزاعية سريعة للامام السجاد ع🌺
————————————————-

لزين العابدين انوح
تستاهل يمولانة


تستاهل مدامعنة
اجينة ننتحب كلنة
مهمومة واندبنة
وبمجلسة حيرانة

ادك لمصيبتة وانحب
بجاهة عودة المخضب
يفرح كلمن اليطلب
ويشافيهة مرضانة

يلمعلول اريد انخاك
اجيتك سيدي وارجاك
الليلة شيعتك تنعاك
لترجعهة فشلانة

بعيدة دروبك اعليه
واني حيل مابية
عليك المشت ملوية
شافي الاجت وجعانة

ارثيلك يمولانة
بجاه المشت حزنانة
تحظر سيدي ويانة
بلمحشر وتحمانة


—————————————————

بقلم خادمة اهل البيت ع الشاعرة والملا رغد البهادلي
ذمة عدم حذف الاسم وغير مبرئ الذمة كل من ياخذ من الكلام وينسبه له

لطميه للسجاد عليه السلام
وتقرا بعدة اطوار منها الطور الموكبي ثلاث دكات

/////////////////////

زين العباد اليوم شال من الاديار

وظلت عياله تنوح وادير الافكار

/////////////////////

هضمه فلا مر يوم اعلى البريه

من شاف ابوه حسين بالغاضريه

لمن كضه عطشان سوده عليه

ولمن مشوا عافوه فوك الثرى الحار

✍🏻ام عبد الله العابدي

🥺🥺🥺🥺🥺

لمن مشو عافوه يجهر ونينه

فوك الرمال هناك وموذرينه

والله شكثر جتال يومك ولينه

منك روت هلكاع من دمك الفار

✍ام عون البهادلي
🥺🥺🥺🥺🥺

مابطليت النوح لاعفت الهموم

خلصت عمرك نوح والونه كل يوم

تبجي وتصيح بصوت بويه يمظلوم

وكلبك على الطيبين ظل مشتعل نار

✍ ام عبد الله العابدي
🥺🥺🥺🥺🥺

يذكر مصاب الصار بلغاضريه

وعمته المشت للشام وتون سبيه

شيبت راسه بساع هاي الرزيه

والدمع يجري دموم من عينه مدرار

✍ الحجيه ام علي البصره
🥺🥺🥺🥺🥺

يجري الدمع مدرار علوالد حسين

من شاف راسه انشال بيد الملاعين

والاصعب على الروح طبة الدواوين

ظيم الي شافه الزين بلخلك ماصار

✍ الحجيه ام علي البصره
🥺🥺🥺🥺🥺

عيونه تجري دموم من ييذكر اهله

كضه العمر مهموم والحزن سله

حيدر علي الكرار ياهو اليكله

ولعمه العباس ماوصلت اخبار

✍ام عبد الله العابدي
🥺🥺🥺🥺🥺

لاخبر منك راح يم الشريعه

وينهض يشيل الواه جفوه كطيعه

مايدري بالسجاد حلو الطبيعه

سموه كضه مظلوم ابنك يكرار

✍ام عبد الله العابدي
🥺🥺🥺🥺🥺

عمره خلص ياويل گلبه من الونين

مابطل دمع العين يتذكر احسين

اويتذكر الشبان بارض الميادين

اوعمته السبوها الگوم والدمع نثار

✍ ام منذر الحجار
/////////////////////
تمت بعون الله تعالى وبأقلام شاعرات الملتقى الحسيني

لانجيز حذف اسم الحجيه ام علي البصره من قصائدها او من ينسب الكلمات لنفسه غير مبرء للذمه امام الله والزهراء ع
قناة احزان العتره الطاهره
رابط قناة اليوتيوب
اضغط على رابط القناة
ليأتيكم كل جديد 👇
قناة احزان العتره الطاهره
رابط قناة التلجرام اضغط على رابط القناة يأتيك كل جديد 👇

نزله. على. طور شيعو نعش الطاهره المظلومه. ملا باسم
😭😭😭😭😭😭

الليله عالسجاد دموها الصدور
الليله واسو عمته بذبح النحور

///////////
ونو عالسجاد ونات ابعويل
انودعك هاليوم بدموع التسيل
شلون گظيت العمر يبن القتيل
وآه چلمات السبي ابالك تدور
///////

ياهضيمه علينه فگدك. سيدي
منين اعد اجروح گلبك وابتدي
يوم شفت احسين بيد المعتدي
فوگ صدره تربع يحز بالنحور
//////////
جم نحر حزاه وي نحر الحسين
حتى. ابن الحسن گطعاله الادين
طقل شاغت روحه ماهابه اللعين
خله دمه فوگ ابو اليمه يفور
////////////

وابو الباقر بالمرض حاير عليل
وزينب تحشم. بقت وين الكفيل
هجمت اعداء النبي وصالة الخيل
وعله اخيام العايله ضلت تدور
//////////

خل نودعه اليوم كلنه نون اله
ونبچي لجل ادماه السال ابكربله
نمضي للسجاد ابن عقد الوله
نطالب الثارات حد يوم النشور
//////////

انطالب الثارات وي المنتظر
مو خلص يبن الحسن منه العمر
طولت الغياب چا يمته تمر
والله حرا سيدي كلها الصدور
//////?

اعظم الله اجوركم خدام فاطمه 😭😭😭الشاعره ام انور الذبحاوي
4/10/2018الشكر لله. ‏ ‏

قصيدة في رثاء الإمام السجاد عليه السلام


ها يموتي        ما خذت روحي بمصاب الغاضريه
ها يموتي.       رتّك بيوم الخـذوا زينــب سبيــه
..............

آنه زين العابدين ودمعي يجري
تأخّرت ياموت ليش وطال عمري
تدري رتّك بالطفوف هواي تدري
من خذوا عمتي سبيه نكسر ظهري

وين اخوتي.      الأكبر وجسام ذبحوهم سويه
ها يموتي.         رتّك بيوم الخذوا زينــب سبيه   
   ....................

هسّه ياموت اعتنيت لروحي طلّاب
آنه كل يوميّه اموت بجرح الامصاب
بساعة حسين التوذّر فوگ الاتراب
شگد نخيتك مااجيت ودمعي سچاب

عالي صوتي.      شفت ابويه مگطع بخيل آل اميه
ها يموتي.          رتّك بيوم الخـذوا زينــب سبيــه
....................

خذت اغله احبابي مني وما خذتني
ليش ياموت ابعذاب وهم عفتني
چان وياهم خذتني وريّحتني
چم عزيز المنّي خذته وعذبتني

وبقنوتي.         ادعي ربي يقرّبك اكثر اليه
ها يموتي.       رتّك بيوم الخذوا زينب سبيه
..................

آنه زين العابدين وگلبي ذايب
والله ياموت بكثر ذيچ المصايب
شِلّه بالدنيه اليعوفونه الحبايب
وانه بغياب الأهل شفت العجايب

من سكوتي       روحي يكتلها الألم تهوه المنيه
ها يموتي.         رتّك بيوم الخذوا زينب سبيـه
..................

اصعب جروحي واشدهن جرحي بالشام
من شفت عمتي سبيه ابّين ظلام
بالحبل مچتوفه هيّه وكل الأيتام
آنه ذاك الوكت هدمت حيلي الآلام

لا يموتي.        هسّه جاي تريد روحي شباقي بيه
ها يموتي.         رتّك بيوم الخـذوا زينــب سبيــه
...................

ياعلي السجاد اسمع صوت اجاني
آنه ابوك انتظرك بفارغ حناني
يالله ياموت اخذ روحي ولا تتاني
والله مشتاگ ارد اشوف حسين آني

من بيوتي.          ترتفع اصواتــــهم اهلي عليه
ها يموتي.          رتّك بيوم الخذوا زينب سبيه

سيد زيد الفحام
__

🔮قصيده بحق الامام السجاد ع🔮

🩸((من وزن النصاري ))🩸

☆☆☆☆<<<<{{{●}}}>>>>☆☆☆☆

بيارغ سود علسجاد تنشال

وهوسات العراضه عليه تنكال

☆☆☆☆<<<<{{{●}}}>>>>☆☆☆☆
بيارغ وكون مشيولات وعلام

ومجالس علدرب تنصبهه خدام

وتنوح احبابه كلهه وتدك علهام

ياهم العليه بثكل الأجبال

✍العلويه ام نور الميسانيه

☆☆☆☆<<<<{{{●}}}>>>>☆☆☆☆

ياهذه الحير الناس بصموده

ثبات الكون ضل كله علموده

يوم الطاح على التربان عوده.

واخذوه العده مكيدينه بحبال

✍العلويه ام نور الميسانيه

☆☆☆☆<<<<{{{●}}}>>>>☆☆☆☆

بيارغ للعزه ونســـوي ميدان

ونلطم ع العليل بگلب حزنان

نصرخ وينكم ياال عــــــدنان

سموه العده ويريد شيال

ام عــــــ✍🏻ـــــــــلي البابلي

☆☆☆☆<<<<{{{●}}}>>>>☆☆☆☆

سموه العده وارتجــت الـكــون

صدك يومه كلف لا ابد ميهون

عليهم ليش بس اعداه يعيلون

تبجي عيونــه والدمــع هــمـال

أم صــــ✍️ـــادق المنصوري
☆☆☆☆<<<<{{{●}}}>>>>☆☆☆☆

على امصابه تصب عيونه ادموم

ابو الباقر اسف مو يومك . اليوم

عگب ضيم الطفوف اتروح مسموم

وسافه شلون عالو بيك الانذال

✍🏻ام زهراء الزيداويه البصراويه

☆☆☆☆<<<<{{{●}}}>>>>☆☆☆☆

وين الشيعة خليهم يحضرون

يدكون الصدر وعليه يلطمون

لبو الباقر عزاهم خل ينصبون

مسموم الولي والحال. ياحال


✍🏻 ام زهراء الزيداويه البصراويه


☆☆☆☆<<<<{{{●}}}>>>>☆☆☆☆

لطموا عالهامه وعـازوا امه

دكوا اعى الصدر ميت ابسمه

وكل شيعي خل دمعه يسجمه

وساگه منجرح من اثر سلسال

العلــ✍️ـــويه_ امامه ام علي

☆☆☆☆<<<<{{{●}}}>>>>☆☆☆☆

☆☆☆●☆☆☆●☆☆☆●☆☆●
❌تمت بااقلام خادمات الزهراء في رابطه دموع العقيله لانجيز شرعاً حذف الاسماء مشكول الذمه امام الزهراء ع ❌
https://t.me/Aleulawiuhamnuwr