تنويه بخصوص صلاة يوم الاحّد من شهر ذي القعدة

لمن طلب الشرح المخصتر :

🔹 وقتها : من وقت الفجر الى غروب الشمس.

🔸 الطريقة :
- الغسل.
- الوضوء.
- الصلاة أربع ركعات مثل صلاة الفجر ركعتين ركعتين.
- يقرأ في كل ركعة :
سورة الحمد مرة واحدة.
سورة التوحيد ( قل هو الله أحد ) ثلاث مرات.
- سورة الفلق مرة واحدة.
- سورة الناس مرة واحدة.

بعد الانتهاء من الاربع ركعات والتسليم

يكون الاستغفار سبعين مرة ومن ثم قول ( لا حول ولا قوة ألا بالله العلي العظيم )
ثم تقول ( يا عزيز يا غفار اغفر لي ذنوبي وذنوب جميع المؤمنين والمؤمنات فإنه لا يغفر الذنوب إلا أنت )

وتقبل الله أعمالكم .
ونسألكم الدعاء.

قصيده بحق عبد الله الرضيع
♠️وزن مجرشه ♠️

🏴🏴🏴🏴🏴🏴🏴🏴
آه يالولد يل بالمهد ضامي ييمه ايذبحوك
چبدي انمرد اشظل بعد يبني الي ماخلوك
حرمله صابك بالسهم
احسين جابك للخيم
آه يالولد آه يالولد
💧💧💧💧💧💧💧💧
ياوليدي من رديت الي ضامي اونحرك مگطوع
اتلگیتك ابحرگت گلب والچبد لمك مفجوع
ياريت ماي الماردت اسگیك يوليدي دموع
شفتك ييمه امن انرجعت ابحضن عودك مصروع
ياضنوتي يامهجتي عبد الله آه يغالي
ياحسرتي ابدنيتي اصوابك مرد دلالي
من العذب ابني انحرم
احسين جابك للخيم
آه يالولد آه يالولد
✍الشاعر فالح العامري

💧💧💧💧💧💧💧💧💧
باليل روحي فرفحت عبد الله یاريع اچلاي
فريت مذهوله ورحت واصرخ ييمه يضناي
العدوان من حل المسه اطوني يوليدي الماي
ومن اشربت در اللبن جيت ارضعك يرجواي
من لهفتي....ياسلوتي فريت يا دلالي
وبصرختي...بكل حرگتي اگعد یکل آمالي
ناغیلي لو حته بحلم
حسین جابك للخيم
آه يالولد آه يالولد
✍العلويه ام ضيغم المحنا

💧💧💧💧💧💧💧💧
عبد الله يبني اشحصلت من كربله يوليدي
يالفرد واحد وانذبح اتروح تالي من ايدي
ستة شهور امساهره تكبر گلت ياعيدي
امالي بيك اورجوتي راحت اوعله ويدي
ياسلوتي يامنوتي يازهرتي ابايامي
يادمعتي ياعبرتي اللي بدلت احلامي
الدنيه بعيوني عدم
حسين جابك للخيم
آه يالولد. آه يالولد
✍ الشاعره ام منذر الحجار

💧💧💧💧💧💧💧💧💧
عبدالله يمه يلود يابعد روحي الغالي
افراك صعب يمدلليلي يبني مردت دلالي
لوا ميته كبلك يلولد واهواي انه اشوالي
يصوبوك يبني بلنحر ماجان هاذا بالي
يافرحتي ياسلوتي ماتدري يمه بيه

يادمعتي ياحركتي يوليدي حن اعليه
بكلبي مايبرة الالم
احسين جابك للخيم
✍الشاعره ام عمار الصائغ

💧💧💧💧💧💧💧💧💧
اه ياعزيزي ومهجتي فكدك مرد مني الكلب
خلافك يايمه مانشف بعيوني دمعي وظل يصب
عفت الخيم يابني وكمت وكطعيت يمه اضلم درب
واتمنه اشوفك يالولد ماينحمل فكدك صعب
يايريع كلبي يالولد خابت يايمه امالي
تمنيت تحفرلي الكبر ماجان هذا بالي
ابني وردت اسمك علم
احسين جابك للخيم
آه يالولد آه يالولد
✍ الشاعره العلويه ام نور

💧💧💧💧💧💧💧💧
عبد الله من رديت الي وسهمك يكطع بجلاي
اسم اعله اسمك يالولد عطشان ردت انته الماي
ورووك من فيض الدمه يالولد يالب احشاي
ردتك ذخر ياسلوتي للكبر انت رجواي
انت العمر ماظل فكر يبني وثمر دلالي
دمعي جمر طول الدهر يمه يوليدي الغالي
تبجي الاطفال اويه الحرم
وحسين جابك للخيم
اه يالولد اه يالولد
✍الشاعره ام حسين الفريداوي

💧💧💧💧💧💧💧💧
يايمه من شفتك منصرع ودمك الك صار خضاب
ضميتك الصدري بعجل وعليه سديت الباب
ماريد احد ينظرك ويسالني ويريد اجواب
عبد الله يمه خايفه ابكربله ايصير اعتاب
ياغربتي وياهظمتي عبد الله بعدك يبني
ياوحشتي وياحيرتي الأمل خاب اوضني
ابقى بعدك بالهظم
حسين جابك للخيم
اه يالولد. اه يالولد
✍الشاعره ام محمد الساري

💧💧💧💧💧💧💧💧💧
عبد الله يبني بكربله تندبح اه يوليدى
اسهرت برباك شكثر تالى تروح من ايدي
ردتك ييمه الكبرتي هذي ييمه عيدى
بعدك يظل خالي المهد واني ييمه شبيدى
سهر وتعب راح الامل يبني وثمر دلالى
لمن رحت اتمرمرت ريتك تشاهد حالى
الحيل من عندي انهدم
حسين جابك للخيم
آه يالولد آ ه يالولد
✍الشاعره ام البنين

💧💧💧💧💧💧💧💧
من شفت يبني رگبتك دم النحر داميها
ينعاك گلب الوالده. وذيج المحن ماناسيها
يالذخر ردتك يالولد ولكبرتي اداريها
گلب امك عليك انفطر ماحسبت تاليها

يارجوتي ابدنيتي افراگك شده البالي
ياسلوتي ياشمعتي مهدك بگه يبرالي
صاحت عمته والحرم
احسين جابك للخيم
اه يالولد. اه يالولد
✍الشاعره ام كرار الطائي

💧💧💧💧💧💧💧💧
تمت
والحمد لله

《قصيده بحق زينب ع》
《 من وزن الدارمي 》
♡♡♡♡♡♡♡
عمت عين الگال زينب سبيه

راحت صدگ للشام تبره الرقيه

(العلويه ام علي موسوي)

🖤🖤🖤🖤🖤🖤
راحت صدك للشام ماعدها والي

تبجي وتون وتنوح آه يادلالي

من راح اخوي حسين غيراحوالي

عكبه الشمر ياناس يزمخ عليه

✍🏻الشاعره العلويه ام نور
🖤🖤🖤🖤🖤🖤

تبره الرقية هناك لمن سبوهه
من غمضت بالطيف شافت ابوهه
بحضن المنية اشلون من گلبوهه
صاحت علي السجاد الحك عليه

✍🏻الشاعره العلوية ام مهند الشوكي كربلاء
🖤🖤🖤🖤🖤🖤🖤‏

عگبه الشمرياناس ورم امتوني

ابچي وادير العين شوما اجوني
ابچي وصيح ابصوت خويه للحگوني
سبني الشمر ياخوي وسب الرقيه

✍🏻الشاعره(علويه ام علي موسوي)
🖤🖤🖤🖤🖤🖤🖤🖤

عمت عين الكال زينب اسيره
هدمت عرش يزيد ولماله غيره
بالحشر شيكول شنهو مصيره
من رفع صوطه وصاح يالخارجيه
✍🏻الشاعره ام محمد الساري
🖤🖤🖤🖤🖤🖤🖤
المكه ابد مااروح للطف احجن
الزوار ابو السجاد ابگلبي افجن
واسعي انه سبع اشواط بدموعي اضجن
اوعالتل البي ابصوت اودمعه جريه
✍الشاعر فالح العامري
♡♡♡♡♡♡♡♡♡♡♡
يبراها جبرائيل ويحف ظعنها
وعيون ابو النوماس ما فارگنها
چن هیکل من النور یتهاده منها
محروسه بالاملاك بت الزچیه
✍العلویه ام ضیغم المحنا
♡♡♡♡♡♡♡♡♡♡♡
زینب مشت للشام گطعت فیافی
وعافت اخوها حسین بلحومه غافی
فوگ الهزل وتصیح نوم العوافی
الراس فوگ اسنان وجثتک رمیه
.......،........
المیرزا ام لیلی الخاقانی
~~~~~~~~~~~~
تمت بحمد لله

《قصيده لطلب الحاجه》
《وزن دارمي》
♡♡♡♡♡♡♡♡♡♡♡
ماريده من دكتور ادوايه عدكم
اهل الكرم والجود انا بدخلكم
♡♡♡♡♡♡♡♡♡♡♡
ماريد طب دكتور انتم طبيبي
طبكم دوه للروح اه ياحبيبي
ياابو الرضا مولاي انته طبيبي

متخيب الينخاك لوطلب منكم
✍🏻الشاعره العلويه ام نور
♡♡♡♡♡♡♡♡♡♡♡
چم عله بیه وجیت لاهل العطایه
گاصد انه طلابه منکم دوایه
ارد احضن الشباك واعگد الرایه
یرجع بدیه امراد کلمن گصدکم
✍العلویه ام ضیغم المحنا
♡♡♡♡♡♡♡♡♡♡♡
اوگف وادگ بالباب واصرخ یالاکرام
السائل آیکرموه من شان الاسلام
طلاب ارید الیوم شافولي الآم

ماخاب ابد معروف كلمن ندبكم
✍العلويه ام ضيغم
♡♡♡♡♡♡♡♡♡♡♡
كلمن ندبكم جاي مولانه ماخاب

نطاكم الله الشان وسببهاالاسباب

ودكيت بابك جاي دفتحلي الباب

وتنطون للمحتاج ولطلب منكم

✍🏻الشاعره العلويه ام نور
♡♡♡♡♡♡♡
ملني الطبیب وگال خلصان امرها
عاثم مرضها وهاي آخر عمرها
اتوجهت لحسين باخته ويسرها
گتله الدوه مضمون عندي بتربكم
✍ العلويه ام ضيغم المحنا
♡♡♡♡♡♡♡♡♡♡♡
دكيت باب اهل الكرم وطلبت المراد
خلص برمشت عين من باب الجواد
عدهم مكانه اهناك يم رب العباد

متنومس ورديت من جف فضلكم

ام محمد الساري
♡♡♡♡♡♡
‏: عدكم طبيب الروح والوصفه قطرة
يعالج المالوم ويسهل امره
واليكصد العباس من علته يبره
حلفوه بچبد حسين ماضن يردكم

العلویة ام مهند الشوكي كربلاء
♡♡♡♡♡♡♡
اقصدت انه احسين كمت احجي وياه
ناشدني شنو اتريد بس احجي تلگاه
گتله يانور العين بس حبك ارجاه
عمري اريده اگضي ويه الخدمكم
✍الشاعر فالح العامري
♡♡♡♡♡♡♡♡♡♡♡
اليخدم اهل البيت يلكه امتيازه
وعلى الصراط يفوز ياخذ جوازه
اعماله تصفه هناك حيدر مفازه
يندب يداحي الباب لايذ بسدكم

العلوية ام مهند الشوكي كربلاء
♡♡♡♡♡♡♡♡♡♡♡
تمت بحمد لله

تم بعون لله اصدار ديوان العترة الطاهره الخاص بالمحاضرات الاخلاقيه والحسينيه وقصص والديوان الخاصه باهل البيت ع 🏴🏴🏴🏴🏴
بحق الرسول محمد ص والامام علي ع وفاطمه الزهراء والامام الحسن والامام الحسين وبحق زينب ومصائبها في كربلاء والسيده رقيه والامام السجاد وفاطمه العليله وحميده بنت مسلم وملاحظه ايضا المحاضرات ترهم لجميع المناسبات الدينيه والغرض منها تطور الثقافه الدينيه لدى خادمه الزهراء عليه السلام
🏴🏴🏴🏴🏴🏴

والكتاب متوفر في 👇👇👇👇
مكاتب التوزيع
1-الفرع الرئيسي مكتبه المرتضى البصره
2-مكتبه حسن الطريحي النجف سوق الحويش
3-مكتبه المنتظر ومكتبه حجي مهدي كربلاء المقدسه
4-مكتبه العين بغداد شارع المتنبي
5-مكتبه البقيع النجف الاشرف
6-مكتبه السيد ابو وسن ميسان

🏴خادمه المنبر الحسيني الخطيبه العلويه ام نور 🏴

@Aleulawiuhamnuwr

قصيده عطر الجنه بحق مولانا الإمام الرضا غريب الطوس تمت بحمد لله على يد مجموعه من خدام الزهراء ع وبأشراف الأستاذ الشاعر فلاح العامري
الوزن تجليبه


🏴🏴🏴🏴🏴🏴🏴
الليله ابجنتك ياثامن العتره
يمن ازيارتك تنعد بالف عمره

♡♡♡♡♡♡♡♡♡
حظ العامري اشكبره اجه زارك
وبعين البصيره ينظر النوارك
صدگ انته المعزب وانه خطارك
هاي احله ضيافه العامري ابعمره
✍الشاعر فالح العامري

♡♡♡♡♡♡♡♡♡♡♡
يبو محمد يغاتي اهتم بخطارك
ملهوف ابن عامر جايلك زارك
وصيته بوصيه يود اخبارك
اريد اجواب منك وانه منتظره
✍الشاعره ام محمد الساري

♡♡♡♡♡♡♡♡♡♡♡
الف عونك يزاير للرضا الليله
گاصد بالعقیده انوار تضویله
الضامن صك شفاعه اليوم يمضيله
بعد شيريد هنياله صفه امره
✍الشاعره العلويه ام ضيغم

♡♡♡♡♡♡♡♡♡♡
يبو محمد كصدتك والكلب لهفان
اشتهيت ازيارتك ما قصر الديان
طبيت الضريحك يبن عالي الشان
اريد اخذ امرادي بفاطمه الزهره
✍الشاعره ام حيدر

♡♡♡♡♡♡♡♡♡♡♡
دخيلك ياغريب الليله اخذ بيدي
اجيتك معتني للحضرة امر عندي
اريده منك اتسهله وتسر كلبي
والملهوف اجاك لكلبه اتجبره
✍الشاعره ام حسين الفريداوي

♡♡♡♡♡♡♡♡♡
اجیتک سیدی وهاذ الگلب لهفان
کتبتک بلظمیر وداخل الوجدان
یبومحمد تشافی کل گلب وجعان
المایگدر یزورک سیدی تعذره
✍الشاعره ام لیلی الخاقانی

♡◇♡◇♡♡♡♡♡♡♡
الف هنياله للي يحظه بزياره
يگعد بالصحن وايشوف المناره
هله بزوار ابو محمد اوخطاره
مو مره الزياره ايريد الف مره
✍ ااشاعره ام منذر الحجار

♡♡♡♡♡♡♡♡♡♡♡♡
كلمن كصد بابك مايرد محتار
اليوم انه بدخلكم يالولي خطار
انتو اهل الكرم والكم وسيع الدار
خدم الكم ردت مارايده شهره
✍🏻الشاعره العلويه أم نور

♡♡♡♡♡♡♡♡♡♡♡♡
تمت