اسم الله الأول

شرح ماما بيسان💚🌸

ايه والله :((

نسأل الله أن يدبر لنا 🌱

‏وَإنَّ مِن مُذهِبَاتِ الأحزَان
كَثرةُ الصَّلاةِ علَى النَّبيِّ ﷺ

تعالو نعمل تحدي لطيف💚

ألف صلاة على النبي صلى الله عليه وسلم 🔥

تقريبًا عشرة دقائق بتكفيك تصلي على النبي صلى الله عليه وسلم ٢٠٠ مرة بصيغة (اللهم صلِّ وسلم على نبينا محمد )

ف نعمل ٥ جلسات من هنا لبكرة قبل ساعة الاستجابة..

كل جلسة ١٠ دقائق ما بتاخد شيء والله

ننطلق!
بسم الله💚

يجماعه جربو تصلو علي النبي الفين مره | حازم شومان

حرب السودان دي فيها مآسي كتيرة ما ندري عنها بسبب التعتيم الاعلامي الحاصل.. بعدين حنتفاجأ شديد

فرج الله عن العباد وأصلح البلاد

قبل شوية كنا بنحضر برنامج عبيط كدا ف التلفزيون..

اختي قامت غيرت القناة.. ف بقول ليها رجعي وكدا..

اتلفت لأختي التانية قلت ليها ليه الواحد بحضر حاجة عبيطة وتافهة وهو عارف انها عبيطة وتافهة..

المهم فتحت الواتسب لقيت صديقة مرسلة لي انها بقت تضيع الوقت شديد في حاجات هي عارفة انها ما بتستاهل وعايزاني اساعدها ^^

-
‏يتوارد في أذكار الصباح الدعاء بالمغفرة وسؤال الله تكفير الخطايا، وكأنها إشارة إلى أن البداية الصحيحة ليومك تبدأ من التطهر الكامل من ذنبك، وهكذا في كل يوم جديد، حتى تعتاد النفس على التوبة والرجوع، وييأس الشيطان من إيقاعنا في الغفلة والقنوط.

عبيد الظاهري

قاعدة افكر..
لقيت إنه الحُزُن عنده لذة خفية غير مُدركة
بسببها الواحد لما يحزن بفضل إنه يقعد في مود الحزن دا فترة طويلة..

وعقله بحب كدا عشان ما حيكون مضطر يبذل جهد وطاقة كتير كن ممكن يبذلهم لو الإنسان طلع من زون الحزن ومشى شاف اللي عليه..

وكمان اخفاقاته في واجباته اللي قصر فيها في الفترة دي حيقدر يبررها لنفسه وما حيحاسب نفسه عليها


دا غير إنه الشيطان بحب شديد إنه الإنسان يحزن..

عشان يقصر في عبادته وأخلاقه وتعاملاته تسوء

ودي بالنسبة ليو بيئة خصبة عشان يجره لمزيد من السوء والذنوب وسوء الأخلاق

ثم بعدين اول ما يطلع من الحالة دي يذكره بحجم الذنوب وبالسيئات العملها ويجره لزون ألطف.. زون جلد الذات ويسوحه ويلعب بيه كدا لمن يغطس حجره

فso يا إنسان..
حاول بعد كل موقف سيئ تاخد زعلتك وتتنفض سريع سريع عشان تلحق اللي وراك لأنه الزمن ما مستنيك بتاتًا يعني

ااي في حاجات بتستاهل يبكوا ويدردقوا ليها وفي مرات بحصل كدا غصب عنك

لكن أهدافك في الحياة وراحة بالك اهم وأولى من العك دا كله

وحاول قصِّر اوقات الحزن لأقل شي ممكن عشان لسة راجياك حزونات كتارات ويما ح تتلطش وتتمردق ^-^

وحاول أنه تعمل ليك روتين ثابت يكون مرتبط في ذهنك بالخروج من مود الحزن..

زي مثلا.. صلاة ركعتين وقراءة قران، شوار وعطر لطيف وقلوس، مشروب بروق مزاجك
وهكذا احناك يعني

وبس كدا :')

لمثل هذا فأعدوا | موعظة عن الدار الآخرة | أحمد السيد

- أعِدني لنفسي
كم تغرَّبتُ حائرًا..

- النَّقشبندي

محاولة جديدة.. علّها تفلح ")

إذا انفض الناس عن غزة وملوا من أخبارها، فلا تتخلى عنها حتى لو بقيت وحدك !!

{ وَرَفَعَ أَبَوَیۡهِ عَلَى ٱلۡعَرۡشِ وَخَرُّوا۟ لَهُۥ سُجَّدࣰاۖ وَقَالَ یَـٰۤأَبَتِ هَـٰذَا تَأۡوِیلُ رُءۡیَـٰیَ مِن قَبۡلُ قَدۡ جَعَلَهَا رَبِّی حَقࣰّاۖ وَقَدۡ أَحۡسَنَ بِیۤ إِذۡ أَخۡرَجَنِی مِنَ ٱلسِّجۡنِ وَجَاۤءَ بِكُم مِّنَ ٱلۡبَدۡوِ مِنۢ بَعۡدِ أَن نَّزَغَ ٱلشَّیۡطَـٰنُ بَیۡنِی وَبَیۡنَ إِخۡوَتِیۤۚ إِنَّ رَبِّی لَطِیفࣱ لِّمَا یَشَاۤءُۚ إِنَّهُۥ هُوَ ٱلۡعَلِیمُ ٱلۡحَكِیمُ ۞ رَبِّ قَدۡ ءَاتَیۡتَنِی مِنَ ٱلۡمُلۡكِ وَعَلَّمۡتَنِی مِن تَأۡوِیلِ ٱلۡأَحَادِیثِۚ فَاطِرَ ٱلسَّمَـٰوَ ٰ⁠تِ وَٱلۡأَرۡضِ أَنتَ وَلِیِّۦ فِی ٱلدُّنۡیَا وَٱلۡـَٔاخِرَةِۖ تَوَفَّنِی مُسۡلِمࣰا وَأَلۡحِقۡنِی بِٱلصَّـٰلِحِینَ }
[سُورَةُ يُوسُفَ:١٠٠- ١٠١]

بحب سورة يوسف، وبحب الآيات دي تحديدًا 💚

كل ما أقرأ الآيات دي بحسها بتضبط عندي حتة معينة..

سيدنا يوسف تعرض لابتلاءات كتيرة في حياته..

منها بغض أخوانه ليه، ورميه في البير وبعدين بقى رقيق عند الملك..

تعرض لفتنة النساء ومراودة زوجة الملك له والضغوط اللي كانت بتمارسها عليه عشان يستجيب ليها
زي المراودة وافتراء الكذب عليه وتهديده بالسجن وأنها جمعت له النساء وغيرها لدرجة وصل به الحال لإنه يدعو "رب السجن أحب إلي"

وإنه مكث في السجن بالسنين.. غير إنه مكث في السجن كان متهم من قبل إمرأة العزيز طيل السنوات دي

يخيل إليّ أنه أكيد دا كان أشق عليه من مشقة السجن والحبس بدليل إنه لما جاءه الرسول يقول ليه إنه الملك عايزك تجيه أول شيء قال ليه..
(ٱرۡجِعۡ إِلَىٰ رَبِّكَ فَسۡـَٔلۡهُ مَا بَالُ ٱلنِّسۡوَةِ ٱلَّـٰتِی قَطَّعۡنَ أَیۡدِیَهُنَّۚ)

بعد كل الإبتلاءات دي سيدنا يوسف في النهاية قال قد أحسن بي ربي

لُب عجبي وحبي للآيات دي في نظرة سيدنا يوسف لابتلاءته وللنظرته الكلية لقصته

قال قد أحسن بي ربي إذ أخرجني من السجن..

وجاء بكم من البدو بعد أن نزغ الشيطان بيني وبين أخوتي..

وقال رب قد ءاتيتني الملك وعلمتني تأويل الأحاديث..

أنه كيف كان بينظر لألطاف الله في البلايا..

وأنه كيف بينسب الفضل لله، وبينسب الشر للشيطان " بعد أن نزغ الشيطان بيني وبين إخوتي"

مع أنه معروف أخوانه غلطانين.. وقبل شوية قالو إن يسرق فقد سرق أخ له من قبل

كان ممكن يقعد يندب حظة ويقول حصل لي وحصل لي وسوّا لي وفعلوا لي

لكنه برحمة ربنا عليه اختار أنه يحسن الظن بالله ويخت عينه على ألطاف الله فجاءه الفرج والفتح العظيم..

في كل بلاء لطف ولكل بلاء حكمة، فاختار تتعامل مع البلاءات زي ما تعامل معاها سيدنا يوسف..

وما تخلي عينك على الجوانب السيئة وتقفل عليها.. رحمة ربنا واسعة..

وسع مداركك والتقط الألطاف واستعد للفرص القادمة وخلي حسن الظن بالله مصاحبك 💚

#الأبرار

-
لملم شعث قلبي واسقِه بنور القرآن.. يارب

اخافُ منِّي عليّ..

قال الشيخ حسين عبد الرازق:
أريد منك ألا تنسى الفضل لمن علمك شيئا من الخير، ألا تكون غافلا عن شكر من ييسر لك العلم، من دلك وعلمك بل حتى من شجعك، ادع لهم واشكرهم فهذا من شكر الله تعالى.