امامي .. جيت الك مشايه
ـــــــــــــ
هيجي من الله خلقنه انحب الحسين
حسين لجل اسمه ومصابه تهمل العين
هاي نعمه اوين احصّل منهه جا وين
للزياره سهله اقدّم فده الجفّين
هيامي... كَلبي يصبح رايه
ـــــــــــــــــ
اجدامي لو ما تمشي لجلك شلّي بيهه
بالحشر تشهدلي والله ارتجيهه
اجدامي فدوه الزينب ومحنة مشيهه
غيرة الله شلون مجتوفات اديهه
غرامي ... روحي الك عنّايه
ـــــــــــــــــــ
العاشكّ شما جن تلومه الوادي ادري
حسين جّنني وغرامه يملي صدري
اخ لوبيدي احزّن لجله نحري
وطول درب المشي يبقى دمّي يجري
سلامي ... تسمعه كل اولايه
ـــــــــــــــــــــــــ
تفتخر كل الملائك تعتنيله
شلون ما افتخر مشّاي أمن اجيله
بالمشي والله ارد اواسيهه العقيله
زينب الركبت على انياكَ الهزيله

بمنامي ... اشعر ابمبجايه
ـــــــــــــــــــ
كربله قبلة غرامي وحجتي هناك
وآنه كاتب فوكَ كَلبي حسين اهواك
يا حبيبي بطول عمري عايش وياك
والله ما يسوى العمر لحضه بلياك
كلامي .. ليك هو الغايه
ــــــــــــــــــ
الشاعر محمد حسن ضيغم


امامي .. جيت الك مشايه
ـــــــــــــ
هيجي من الله خلقنه انحب الحسين
حسين لجل اسمه ومصابه تهمل العين
هاي نعمه اوين احصّل منهه جا وين
للزياره سهله اقدّم فده الجفّين
هيامي... كَلبي يصبح رايه
ـــــــــــــــــ
اجدامي لو ما تمشي لجلك شلّي بيهه
بالحشر تشهدلي والله ارتجيهه
اجدامي فدوه الزينب ومحنة مشيهه
غيرة الله شلون مجتوفات اديهه
غرامي ... روحي الك عنّايه
ـــــــــــــــــــ
العاشكّ شما جن تلومه الوادي ادري
حسين جّنني وغرامه يملي صدري
اخ لوبيدي احزّن لجله نحري
وطول درب المشي يبقى دمّي يجري
سلامي ... تسمعه كل اولايه
ـــــــــــــــــــــــــ
تفتخر كل الملائك تعتنيله
شلون ما افتخر مشّاي أمن اجيله
بالمشي والله ارد اواسيهه العقيله
زينب الركبت على انياكَ الهزيله

بمنامي ... اشعر ابمبجايه
ـــــــــــــــــــ
كربله قبلة غرامي وحجتي هناك
وآنه كاتب فوكَ كَلبي حسين اهواك
يا حبيبي بطول عمري عايش وياك
والله ما يسوى العمر لحضه بلياك
كلامي .. ليك هو الغايه
ــــــــــــــــــ
الشاعر محمد حسن ضيغم
https://t.me/AlaaAlFahad313

من اشيل الرايه
واعتني المشايه
انت انت الغايه
يا ابا عبد الله

•••••••••••••••••


سولفت دمعاتي عن حچي البعيوني
و حلم من زوارك احلم ايســـجلوني
معتنـــيك اعنايه ورايتي على امتوني
عبد عدكم رايد سيـــدني اتقــبلوني

اعتنيلك حافي
رايتي عله اجتافي
اسمك عله اشفافي

ايا ابا عبد الله


•••••••••••••••••••


اسمع الـ زوارك التلبيه ايگولوها ( لبيك ياحسين)
سيدي احنه انصارك هاي اليقصدوها
و ثورة ضد الباطل بالمشي ايثبتوها
لكربلا افواجاً ابكل كتر دخلوها


دخلو ابحنيتك
قدروا تضحيتك
شكرا لقديستك

يا ابا عبد الله
•••••••••••••••••

بدمعتي المحتامه وچم جرح امشيلك
و حجتي اهاتي ومسعه دمعه اسعيلك
ثوب الـ اسود لابس والـــطم وابجيلك
خطوه خطوه جروحي سيدي التحجيلك

اسرع ابخطواتي
من دمع كلماتي
بحاضري و الاتي

يا ابا عبد الله

•••••••••••••••


ادعي كون الباري ابكل سنه يدليني
كون بس بدوربك سيدي ايمشـــيني
وبربعينـك اوصل والدموع ابعينــي
وباب صحنك اصرخ فاطمه اتسجليني



عبد كون ابابك
اشم عطر اترابك
واخدم ابحبابك

يا ابا عبد الله


خالد عبد الساده البديري

قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313

لطمية بشان زيارة الاربعين


من اليسر يحسين ردينا
يابن امي نشرح لك مآسينا
——————————-
يحسين جينا محملين اهموم
ماتدري ويش الصار ياجيدوم
حرقوا خيمنا وشهرونا القوم
ودخلّونا المجلس الميشوم
مكتفين بحبل طبينا
—————————-
اقعد يوالي وشوف حالتنا
كل الخطر شفنا برحلتنا
الناقة بس تعثر العدو يضربنا
والله الدهر يحسين مرمرنا
من اليسر عادت ظعينتنا
————————
عفناك يابن امي على الرمضا
وانت يخوية امقطع الاعضاء
للشام ودوني ترى الاعداء
ادري حميتك علي ماترضى
نروي لك اخبار اليسر جينا
———————-
جينا وجبنا الراس ويانا
سامحنا مكسورة ترى اسنانه
وبنتك رقية ماهي ويانا
مظلومة قتلوها ترى اعدانا
نبث ألم وهموم ردينا
————————-
افتح الينا يالولي قبرك
اخبارنا يحسين ماتسرك
رقية ماردت مع ايتامك
ماتت بحسرتها على راسك
اقعد ينور العين حاجينا
————————-
جينا ونحمل وشكثر آلام
بلسياط كلسا يضربوا الايتام
واعظم مصايبنا علينا الشام
هناك بيها بس عداء وظلام
بباب ابو الساعات وقفونا ايتشمتوا اعلينا
————————-
جينا يوالي من اليسر جينا
جينا حرم وايتام ردينا
جينا على قبرك وطبينا
فجْ القبر من دمك اعطينا نودي لاهالينا
————————-
تمت بحمد الله تعالى
✍️صديقة سويف
ام سيد برير
قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313

كوم زيد النوح عشرين بصفر
روس اهل البيت ردت للحفر

ردوا بهلروس كصدوا كربله
بالشماته الكوم اجت متجحفله
هذا راس حسين ياهو استقبله
ماكو من هاشم ولاواحد حظر

كوم ونحب نوح علصار وجره
على الروس البلتراب امعفره
يبستها الشمس حيل امسومره
ذبل وجه الدين وي نور الكمر

جابر استقبل الروس ابلوعته
كام يتعثر تدمت جبهته
شاف راس حسين هاذي حالته
مطبر ومهشوم مرضوض بحجر

لطم وجهه وصاح ياحامي الحمه
هاي روس اعزازك المتهشمه
شلون ماتنطبك علكاع السمه
شلون روح المصطفى مكطع وذر

هاي زينب صدك دمعتها تهل
الابد مابين خيال الها وشكل
تنسبي وتركب على عجوف الهزل
وين اهلها احيود عدنان ومضر

لطم صدره وصاح يازين العباد
طحن روحي الهظم سواها رماد
ابيضن اعيونك ولابيهن سواد
كلب يعكوب على محبوبه انكسر

صاح جابر يابواليمه ياغريب
ياحبيب المايرد على الحبيب
علتي حد الموت بعدك ماتطيب
شلي بروحي بعدك ونور البصر

الشاعر حسن لعيبي الحريشاوي


قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313

لـلاربـعـيـن

اليوم زيـنـب بت عـلـي   مـحزمه بصـبـر الـحسـيـن
تصـيـح والمـدمع يـهـل    جـيـت يــوم الاربـعـــيـن

◾◾◾◾◾◾◾◾◾◾◾◾◾◾
1
الـيـوم اجـيـت الكـربـلـه   من بـعـد ذيـج الـمـحـن
بــعــد لاتـنـده يـزيـنــب   انـي اسـمـي ام الـحـزن
مـن بـعـد ذيـج الـمـأسي   الـبـيـهـا انـواع الـفـتـن

قـدر الـرب الـمــعــيـن    جــيـت يــوم الاربـعــيـن

➖➖➖➖➖➖➖➖➖➖➖➖➖➖
2
شـحجي عن ذيـج المأسي   وعل مصايب شردگول
بـيـتـونــــه بـالــخـــرابــه    بـهـاي عباس اشـتـگول
ومجلس الـطـاغـي دخلنه   بحيـدر يـسـب والبتول

يـصـيـح ذولـه خـارجـين   جــيـت يـوم الاربـعـيـن

➖➖➖➖➖➖➖➖➖➖➖➖➖➖
3
خـلـه راس حـسين يمه   وگـام يـضـرب بالـعـصـه
گـتـلـه شـنـهوالعذر منه   لــورســــول الله اجــــه
والله مـاعـنـدك رجـوله   لاوحـگ رب الـــســـمــه

كـون عـد عـبـاس اديـن   جــيـت يـوم الاربـعـيـن

➖➖➖➖➖➖➖➖➖➖➖➖➖➖
4
يـضرب بـراس ابو الـيـمـه   بـيـنـه يـتـشـمـت يزيد
يـگول ثاري الـيـوم اخذته   ثــار عــتـبـه والـولـيـد
لـشـانـهـم قـدمـتـه قـربـه   ذبـح اخـوج مـن الوريد

جـان انـي بـذمـتـي ديـن   جــيـت يـوم الاربـعـيـن

➖➖➖➖➖➖➖➖➖➖➖➖➖➖
5
جـيـتـك وبگـليبي حسره   من مـصـايـب هـالـدهـر
ومن بـعـد عـبـاس اخـويه  هـسـه يـحـديـنـي شمر
شـلون تقـبـل يبو الغـيره   مـخـدرتـكـم وانـسـطـر

ادري بـي گـلـبـك حـنين   جــيـت يـوم الاربـعـيـن

➖➖➖➖➖➖➖➖➖➖➖➖➖➖
6
والله يـاعـبـاس صـعـبه   ويـالـغـرب رحت واجيت
عـفـتـك اعلـنـهـر مرمي   وبـربـعــيـنـك هـالـفـيـت
جيـتـك اني وكلي لهفه   مـوتي يم گبرك نـخـيـت

اشـكـي جـور الضـالمين   جــيـت يـوم الاربـعـيـن

➖➖➖➖بيت الدعـاء➖➖➖➖➖➖
7
واني مـن شفت المواكب   كـلهـاتـضـرب بالسـيوف
تـعـزي بـالـحـوراء زينب   تـمـشـي الاف الـصـفـوف
تصورت ضعن العقيله   طب على الحضره ويطوف

وي زحــام الـزائـريـن    جــيـت يـوم الاربـعــيـن

◾◾◾◾◾◾◾◾◾◾◾◾◾◾
                   تـمـت بـعـون الله
                         2014  م
        كـلمـات الشاعر و الرادود الحسيني
             عـقـيـل حـسـيـن الـگـرعـاوي


قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313

نعي + ابوذيات في رجوع زينب والسبايا عليهم السلام


تسيل دموعي عالردت سبيه
شبعت ضيم من جور ال اميه
زينب هاي بت حامي الحميه
رجعت بالظعن للغاضريه
جابت كل يتاماها الوفيه
لكن طفله ما رجعت رقيه
برض الشام وافتها المنيه

تنشد عالسبط زينب حزينه
وصلت كربله بيوم اربعينه
گبر حسين ابو الروح الحنينه
صاحت عمه يالسجاد وينه

گلها حسين ذاك وذاك گبره
روحي هناك وتشمين عطره
مدفون بلحد مگطوع نحره
جسمه مگطع بالفين طبره

ركضت زينب وكل النساوين
مهضومه وتون لگبر لحسين
طاحت عالگبر بدموع وونين
تشكيله العقيله بدمعة العين
جيتك خويه من الشام هالحين
ريت تشوف حالي ياضوه العين


علية الدهر بغيابك تراها
اجتّك زينب وريتك تراها
اذا ما جاوبت خويه تراها
اموت من القهر هاي المسيه



انوحـن عالگبر وشتـم تراباك
جروحي البية يبن امي تراباك
يخويه حسين اخبرنك تراباك
مصاب امي وعلي وطه سويه

سيد زيد الفحام

قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313

شوط كربلائي زنجيل
&&&&&&&
رديت وجبت وياي راسك يابعد عينــاي
رديت ابگلب مالوم واطفال وحرم وياي
&&&&&&
رديت وجبت راســــك عساني لاشفت يومـــــك
يبن امي وعمت عيني ولاشوفن وضع نومـــك
موسد باللحد دامـــــي وسلــبوا منك اهدومـــك
وبراسك حجر صابك ريته بگلبي نشابك دموعي صارت خضابك
ومن دمك يبعد الروح صارت كحلتي وحنـــاي
&&&&&&&
امشي ونفسس تسألني ماصدگ ذبيح حســــين
من اوصل كربله الگـاه وابو فاضل سوه لاثنين
واشزفن لكبر وجســـام وچفوف الوفه محنيــن
لچن وسفه شفت غبره تغطي جسمه ونحره مخنوگه بألف عبره
بحلم چني وعشت وياك اشوفك يابعه عيـــــــناي
&&&&&&
يم گبرك يبو اليمـــــــه حطينه ودمع لعيــــــون
صبن والنسه تنحـــــب واطفال بألم يبچـــــــون
يحاچونك يبو اليمــــــه يتامه اخلافك يظلـــــون
وسكينه يبن حيدر يم الگبر تتعثر يبويه وريحة العنبر
عايفني يبويه حســـين وانت سلوتي بدنيــــــأي
&&&&&&
اسألنك يبو الاحـــــــرار من ارجــع لعـــــد دارك
ولوز سالوا عليك الناس اجاوب شنهـي اخبــارك
والطفله العليله هنـــــاك وعگلهه بطلعتك شارك
دگلي ياشريچ الروح شجاوب والدمه مسفوح وانت نايم ومطروح
لوسألتني أم عبــــــاس شگلهه ياعجيد الـــراي
&&&&&&&
بگليبي ألف حسبـــــــه يبن امي وحرت بأمـــري
واخلافك جمر يسعــــــر وضاگ بفرگتك صــــدري
اوراسك ينور العــــــين رديته وهٍدًم صـــــــــبري
ويم جسمك يبو اليمه وگليبي نزل يمه عطرك يظل يشتمه
ومن راسك وصل جسمك لعد امي شبحت عيناي


نسالكم الدعاء

خادم الحسين ع
الحاج ابو اياد البيجاوي


قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313

كلمات الشاعر
ميرزا علي ابوسما الديواني


كوم ياعباس واتلگيني
خويه وين اگبوركم دليني
خويه يابوالغيره      خويه يابوالغيرة
           خويه يابوالغيرة
               يبوفاضل
................................
جيت واتعثر لچن الله المعين
جبت ضعني خويه يوم الاربعين
يوجع امصابي يبن ام البنين
گلي يازينب هلا وحاچيني
خويه يابوالغيرة
...........................
 تسعه واتلاثين يوم امن اليسر
جيت وابكلبي لهب مثل الجمر
راح ازورن خويه چم گبر وگبر
سكنه تنعه وانه تدمع عيني
خويه يابوالغيره
.....................
وين گبرك خويه ياراعي اللوه
شتاگت اعيوني يمن شوفك ضوه
حتى اداوي اجروحي يل كلك دوه
وانته تدري ابچفك ايداويني
خويه يابوالغيره
......................
 اهواي يابوالغيره گلبي اشتاگ الك
احسب ايام واعد حتى اوصلك
بس سؤال العندي بيه ردت اسألك
شگال گلبك من شمر يحديني
خويه يابوالغيره
......................
شگال گلبك من خذوني اميسره
والضعن بس بيه زلم وانه مره
خويه من بعدك بگيت امحيره
ونوح الاطفال الغده يبچيني
خويه يابوالغيره
....................
روس فوگ ارماح تتگاطر دمه
وانظر اعداك اعله ضعني امحزمه
هذا اليسب علي ويشتم فاطمه
ضرب واحبال العده امچتفيني
خويه يابوالغيره
..................
تسعه واتلاثين زين ومامتت
ظيم والام ومحن خويه شفت
نامت اعيون الحرم بس مانمت
شلون انام ولا اخو يباريني
خويه يابوالغيره
.....................
اليوم وي زوار اخوك الكربله
جبت ضعني وجبت نوح العايله
يمكم اشكي اشعمل بينه حرمله
هالمصايب خويه شينسيني
خويه يابوالغيره
.......................
وين گبر المنذبح چاوينه
خل يگوم اليوم وايلاگينه
خويه من ابعيد تبچي اسكينه
چنك تگلها ابعجل حضنيني
خويه يابوالغيره
...................
ويه زوارك نطب الحضرتك
اهواي رايات الترف ابگبتك
تلگه ضعن العايله وكل شيعتك
بربعينك گصدت اتعزيني
خويه يابوالغيره     خويه يابوالغيره
             خويه يابوالغيره
                يبوفاضل


كلمات الشاعر الرادود
الميرزا علي ابوسما الديواني


قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313

ولله الوكت خويه. مرمراني
وعله كل باب شامه. مرمراني
جنت ابصيتكم خويه. مرمراني
هسه الشمر گام يگود بيه


الزمن رضرض اضلوعي. وشتني
الشمر وصحابه حاطوني. وشتني
عگب عباس اتانيمن. وشتني
مشيت لشامهم غصبا عليه


لا تعتب عله اجدامي. يدربي
الشمر بروس خواني. يدربي
عليله وگمت ما اندل. يدربي
من يم المشرعه يگودون بيه


اضم وجهي اعله كلمن مرئاني
مره يطك. بناتي. مرئاني
كله الناس. تدي. مره اني
بس ولله اعادل عشره اميه


وحگ الحره وكت الضيج. لاجت
رقيه بيوم طكها الشمر. لاجت
عسا اليله بهذاك اليوم. لاجت
ولا اشوف الشمر يضرب رقيه


كل الناس تعرعرف. ياهي اني
الشمر وصحابه عاش. بياهي اني
يمن تنشد عليه. ياهي اني
انه زينب الحره السبيه



#الشاعر_حسين_الدليمي



قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313

قصيدة ( جمر الرزيه ))

خــويه رديـت .... للغاضــريه
يلهب الروح .... جمر الرزيه
يلهب الروح .... جمر الرزيه
*
خويه أجيت من اليسّر شايله أبروحي عذاب مــن الجره أوصار
عمري بعدك مـو عمر عمـري لــوعّـه ونايبه وأهمــوم وإخــطار
مــن يمر بيــه الظهـر وامشي بالشــام وتصدني أعيون الأشرار
كون ميته مــن الزغر ولا تشاهــد ضعنـي وأتصدْ ليّه الأنظــار
الوادم أتصيح .... يالخــارجيـه
يلهب الـروح .... جمر الرزيه
*
خويه ششرح يا جـرح حگــه جفني لــو دمّــه مّن الجفن سال
مــا اســولف عـالذبـح بعــده راواني الــزمان أهمــوم وأهوال
خويه لا ناصـر يصــح وينظــر أطفــال أونسـه شــدوهـا بحبال
أيطول يبن أمي الشرح الشامت الشــاهدني خـويه تدري شگال
زينب أيصيح .... ويـن السبيه
يلهب الروح .... جمر الرزيه
*
آه يــــا درب السبــي خويه نــاره تختلط وي مجــره الأنفـاس
خيمه ماكو بس عبي بيها استـر وجهي عـلّ لا تنظــر النـاس
يبـّـره ضعنـي ألاجنبي يا حسافه مـن وگــع عالشاطـي عبـاس
چنــه مــو ال النبــي وعالرمح يا خويه عيني تشاهد الـراس
خويه يحسين .... ينظر عليه
يلهب الروح .... جمر الرزيه

*
راح اسولف عالجره واسمــع اشسـوت يخــويــه بيّه الأيــام
من مشيت أميســـره ومن وصل ضعني يخويه لخربت الشام
بس نسّه وانـه مره وفــزّت أبــدمعــه رقـيــه مـــن الأحـلام
وين أبوي اشأخره ناحــت ابلــوعــه يخــويه كـــل الأيتـام
ريتك اتشوف .... حالــة رقيــه
يلهب الروح .... جمر الرزيه

*


خــويـه اكبـــر نايبـه منين أبــديها واسـولف قصـتّي منيـن
أيزيد مجلس ناصبـه وانه أطب ياوسفه وأوگف بالدواوين
الخله أناري أمـلهبه يضرب شفافك وعاين خويه يحسين
صحت وانه امسلبه وين ابو فاضل يشــاهد حالــتي ويـن
وينظر شلون .... للهــاشميـه
يلهب الروح .... جمر الرزيه
*
أرد أروح لكــافلي يسوه لو ردت آنه أعاتب كل الأعتــاب
انه زينب بــت علي خويه راسي من النوايب والسبي شـاب
يلّـي تبّـره لمحملـي وسفه بعدك خويه ظـل تبرالي الأجنـاب
العدهه مثلك تنولي لا يبو فاضــل لچن معــروفــه الأسبـاب
وسفه الچفوف .... ظلت رميه
يلهب الروح .... جمر الرزيه
*
الشاعر
موسى البديري
16 صفر 1440 هجريه

قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313

من اليسر ردينه.. يخوتي اتلگوني

…………………………
من اليسر يخواني
جبت ضعن احزاني
والبُعد اذاني
منهو يتلگاني

جيت ياولياني.. ودمعتي بعيوني
…………………………
شحچي عن احوالي
والسبي چتالي
حرمه وبلا والي
وبس دمع يبرالي

جيت يم الغالي.. ارد اراوي امتوني
…………………………
جيت انه ابدمعاتي
افرك ابراحاتي
واعتلت وناتي
بخربه گالوا باتي

ياهضم مأساتي.. بخربه من نيموني
…………………………
خويه وحشه الخربه
ولا اخو ولا گربه
عالغريبه صعبه
دمع ليل اتسچبه

صعبه خويه الغُربه.. بدمعتي ايشوفوني
…………………………
بياوضع من جيتك
بگبرك اني الگيتك
من الهضم ناديتك
گوم ردني البيتك

خويه انه اتمنيتك.. تذبح الشتموني
…………………………
ادري ماترضاها
تنشتم بت طه
شچم نذل طگاها
بسوطه اوبچاها

وعگبك اتولاها.. چم نذل چم دوني
…………………………
بلايه رئفه ورحمه
اني انطگ زحمه
ومتني سايل دمه
ينلچم لو لزمه

ولوصحت يايمه.. بسوط يتولوني
…………………………
ولوصحت ياحيدر
انسحل وتجرجر
ترضه خويه الخدر
تنولي من اهل الشر

حرمه اني شأگدر.. لورادوا ايطيحوني



الشاعرعقيل الحسناوي

https://t.me/AlaaAlFahad313

كربله ويوم الأربعين»
«بحرالطويل»
جينه يحسين بعد لوعة يسرنــه
اگعداوشوف علامات ابظهرنـــه
يبواليمه يخونــــــه عگب عينك ولونه

♡♡♡♡♡♡♡♡♡♡♡
ردينه يبوالسجــــــاد لرض العبره ولوعه
كل واحد يبواليمــــه عالخد يذرف ادموعه
اجتك هالحرم يحسين من الشام مفجوعـه
گوم اتلگـــــه اطفالك منها اگلوب مگطوعه
جينه ابدموع نزور الغاظريـــــــــه
نشچي الهموم لخونه ابهالمسيـــــه
اهل كوفه اسلبونــه عگب عينك ولونه

♡♡♡♡♡♡♡♡♡♡♡
اجينه الگبرك انزوره اونقبله اونشتم اترابه
بالچن من نشم عطرك ننسه اليسروامصابه
من رحنـــه لم جيناك ادموع النظرسچابه
الگلب يحسين شيهوده من ايفارگ احبابه
طال الفراگ نفذمنـــه صبرنه
ريت وياك گضه بالطف عمرنــه
ولاعنك خذونــه عگب عينك ولونه

♡♡♡♡♡♡♡♡♡♡♡♡
وصلنه الطفك ابياحال وحدتنه تگع اوتگوم
اگعد خل نســــولفلك اونعددلك هظم واهموم
من العاشـرابعاشـور واليوم اربعين اليــــــوم
يخونه ماگطعنه النوح اولامرابجفنه النوم
ابديرت الشام اشد كل المصا يب
ترضه يحسين يسمونـــه اجا نب
جدنه انسب وابونه عگب عينك ولونه

♡♡♡♡♡♡♡♡♡♡♡♡
عله گبرگ گعدنه انوح اوراسك يبچي ويانه
انشده اوخل يسولفلك شاهد هوه بلوانه
طول الدرب چان الراس فوگ الرمح يبرانه
الحالتنه دموعه اتسيل راسك حاله بچانه
انشد الراس علــــــه حالت حرمكم
اشجرعت الام يبواليمـــــــه بعدكم
ابحقدهم يضربونه عگب عينك ولونه

♡♡♡♡♡♡♡♡♡♡♡♡
اجينه نعتذر منـّك يبن الطاهـره الزهـره
عفنه ابلادفن جسمك عاري اومرمي عالغبره
خذتنه عنك العدوان ونته بالجره ادره
ايام اليسـركلـها الحالك نسچب العبره
مثــل نحـــرك تصب دم النـــواظـــر
عله گبرك تلگينه اويــــــه جــا بر
لأرض غربه سبونه عگب عينك ولونه

♡♡♡♡♡♡♡♡♡♡
نطوف اعله الگبريحسين اوبينـه هاجت الذكره
من هاي الأرض رحنه . اوعفناكـم عله الغبره
ذكرنه من نحشمكم ابخيمنه النار مستعره
ذكرنه صدرك المهشوم اوكل اضلوعه متكسره
اذكرنه من طاح علمنه اعله الشريعه
اويمه چفين عله الغبره گطيعــــــــــه
ابسهم عينه رمونه عگب عينك ولونه

♡♡♡♡♡♡♡♡♡♡
تمّت
الشاعرفالح العامري

قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313

الاربعين.

عندي طفل مدفون گد حضني عمره
نايم حبيبي شلـون دلــونـي گـبـره
++++++++++
چبيره وصعبه لبعمره العطش والفركه مجتمعه
هله بحضن امي ناداني الحنينه وصوته ماضيعه
ضعيفه نبرته الظامي.. دليلي الگاعد ايسمعه
يمه الحضنج شتاگيت حضن الرمل ما جرعه

عالفطره من امشيت دلاني عطره
وكلما الـه اتدنيـت اخذلي عثره
+++++++++
كل خطوه اعثر بصوتي دللول الولد وينه
لخوها بلهفه سبگتني وعليه صاحت اسكينه
وره الخيمه اعتقد گبره قبل ماتحترگ بينه
الجمر بس لا وصل يَمّه واخاف بنحره چاوينه

ناده السجاد الوين رحتي يحره
نام بحصيره حسين وابنه اعله صدره
++++++++++++
صدگ مدفون عبد الله بيش اوصاله اندفنت
اچذب عيني لو روحي ضنوني هيچ الاتصورت
طريه عظامك وجلدك عليك الخيل من هجمت
يالازغر من حوافرها ييمه ابجسمك اشخلت

حاچيني يالمحروم الحيرني امره
جسمك عليه اهدوم لو هم تعرّه
+++++++++
ارجع يبني لو ساعه. اناغيك بحچي الدافي
مثل كل يوم اشيلنّك. واحط خدك عله چتافي
واسئلك عينك شبيها. گاعد يمه لو غافي
الف ثوبي عله جدامك. طلعت امن المهد حافي

عنك بطيت وجيت. امن السبي وامره
لهفانه الك رديـت . بعيوني جـمـره
+++++++++++
احضن بالگبر واحتار. بيمن تشبگ ايديه
مجتمعه بگبر واحد جروحي وكل الم بيه
احير ابنية ادموعي. بكل دمعه التهل نيه
حسين وآ يجرح حسين والعبد الله مچويه

واشيحتمل الام. گلبي ويصبره
زادت دخلتي الشام للدلالي حسره

ثائر الربيعي

قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313

نعي وابوذيه للأربعين الامام الحسين ع

----------------------
اجينه اعلى الگبر لاچن ابياحال
مگطوع الرجه منه والامال
بیتي صفه خالي من الرجال
ومالي بعد للحمل شيّال
-------------------------
على اگبوركم جينه وگعدنه
صحنه یهلنه وياسعدنه
عگبکم یاهلي طايح عمدنه
چنه ابیسر عنکم بعدنه
-----------------------
گوموا تلگوني يولياي
شوفو اليسر واشعمل وياي
مکلوفه بیتامة ورفجت اعداي
جبت روسكم يخوتي وياي
-----------------
جبت روس ولياني واخوتي
وعلى اگبورهم علّيت صوتي
يحسين ريت اليوم موتي
بعدكم اشلون ارجع ابيوتي
-------------------
الکل منهن مشت دورت ابنها
تبچي اعلى الگبر زايدحزنها
تگله يلولد گطعیت ظنها
وتریدك ذخر عد کُبُر سنها
--------------------
اجت لیله للاکبر هدت الحیل
نوم الگبر مو للمدالیل
من فارگیتك مانمت لیل
الفكدك ييمه صحت بلويل

------------------------
اجت رمله وتصیح اگعد یجاسم
یمحروم الهوا البلگبر نایم
من فارگيتك گلبي هايم
ابچي على حلوه الجهايم
------------------
ربابه مشت تعثر بلگبور
وينك يلزغيّر يمنحور
اريد ابني ييمه اعله الگبر سور
ابفگدك ييمه الگلب مکسور
-------------
زینب بگت تومي بديها
شجيّه ومنهو يگوم ليها
اعيوني الك مابطل بچّيها
يمحروم الميّه يواليها
-----------------------
صاحت یسجاد وینه الي كفلني
اريده يشوف اليوم متني
واگل لکافلي الظالم ضربني
كلساعه ياخويه وشتمني
---------------------
اجت يم الگبر تندب بخوها
تشچي الحال عنده الیسروها
رضيتوا اشلون زينب يضربوها
كلساعه وتنادي الدللوها
--------------------
یخال الولد جیت وعتبتك
گوم وتلگه ضعون اخيتك
من الیسر جت ونختك
گعدت على گبرك بچتك
--------------------------
سكنه خطت لگبور كلهه
ادور ابوها والكفلهه
تشچي هظم رقيه الاهلهه
على راسك يبويه اختي چتلهه
------------------------
لاچن حمیده ضلت ادور
مالي گبر مابین الگبور
تبچي الغريب بدمع منثور
یابویه ضل الگلب مکسور
-----------------------
ابوذيه

عفت علنهر مرهونات ....چفين
راعيهن وسام الوفه........چفين
مثل ماي وتبده بأرض ...جفين
ومن عگبه بگیت انه سبیّه
---------------------------
✍الشاعره صدیقة الهلالي(كربلائيه وافتخر)
------------------------غير مبرئ الذمة اليحذف او يغير

قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313

نعي لوصول زينب عليه سلام الى قبر الحسين عليه السلام


دلوني الكبر ياناس وين

تره بجي الحنين اليعمي العين

وانه مفاركه ولله عزيزين

............................

انه مفاركه اعزاز كلبي

عليهم بعد ماشفت دربي

اخذني وياهم ياربي
......................
اجيتك ياخويه وكلبي مهضوم

ويم كبرك كعدنه ونشكي الهموم

من بعيد اجيتك يالولي اكوم
........................

شلون لاخو يتفارك شلوني

يعزاز كلبي وين تردون

عميانه عليهم ولله العيون
.......................



جيت ليهم شو ماتلكوني

لا كالو اختنه ونشدوني

مايدرون بيه من ولوني

..............................

كومو وردوها العيله

وياهضمتي ولله ثجيله

وخلافكم خويه ذليله
........................


مكسوره الخاطر اجيتك

من ديره الديره عتنيتك

حسبالي تكعد من شكيتك
..........................

انه جاي وعدي شكاوي

جارت عليه شكد بلاوي

اريدن ولي الجرحي يداوي

..........................
جرحي جبير وضايع ادواه

يريد اليطيبه ويكعد وياه


بسك ياجرح ضل بعد لااه
...........................

يم الكبر ونيت ونات

بلكلي العد ل يواجه المات

يكلي كومي بعد هيهات
..........................
ايسنه من شفناها الكبور

و ارجع ياخويه وكلبي مكسور

ومنكم ياهلنه خاليه الدور

..............................
بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف

قصائد حسينية نسائية 🧕
قناة خاصة بالقصائد الحسينية
وتعلم الاطوار
ودروس المقامات
https://t.me/AlaaAlFahad313