هل شهر الضمه .. يا ناعي السمه
باجر ذبيح حسينك يا ناعي السمه
******
نادي يالناعي ..وانحب الليله
دمعي والدخان ..باقي بالشيله
حسيني من العام .. مفارك العيله
والفكد خوان .. ينهدم حيله

من ذيج السنه .. وآنه مدوهنه
وطر الحجر بونينك يا ناعي السمه
******
الليله يمحرم .. هاجت احزاني
بيومك العاشر .. راحوا اخواني
وحدي بالخيمه .. حسيني عافاني
وآنه من يومه .. يابس الساني

يهلال الحزن ..شيبت الجفن
تصب المدامع عينك... يا ناعي السمه
*****
هاجت آلآمي .. والحزن خيم
للنهر ضامي .. راح المشيم
بروحة الكافل ..حيلي يتهدم
يختي اعذريني .. من النهر سلم

عباس الكمر .. طايح عالنهر
تصيح الحراير وينك .. يا ناعي السمه
*******
طالع العطشان .. منكسر ظهره
بصدره اشمنه .. وصت الزهره
يصهل بصوته .. خالي رد مهره
زينب حسينج ..منكطع نحره

طب لمخيمه .. سابح بالدمه
ياكلبي راح امعينك .. يا ناعي السمه
-*******
باجر بيا حال .. حال ابو اليمه
بليلة العاشر .. يسبح بدمه
وخيل ال اميه .. تطشره وتلمه
برضة الحافر .. ضلوعه متهشمه

ينظر للخيم .. وبصدره السهم
لهاي المصايب وينك .. يا ناعي السمه
*****
انه بت حيدر .. يالتسألوني
وحدي والعدوان .. مايرحموني
بدمعتي اعلى حسين ..راحت عيوني
حزني والايام .. غيرت لوني

وسلاني الدهر ..مكسورة ظهر
عشت الحزن بسنينك .. يا ناعي السمه
*****
تمت
احمد الخفاجي

يلا علكوا الرايه .. هل محرم قادم
للطم وقرايه .. هل محرم قادم
*******
هالمجالس بيها دارس عشك شيخ الساده
عشك فطره وعاده عدنه ومانبطل العاده
لابو فاضل كلبي ينبض عشگي امير القاده
واليطلبه بشده طايح منه نال مراده

وللمجالس هايه .. هل محرم قادم
للطم وقرايه .. هل محرم قادم
*******
حسين عدنه الخدمة جنه ونفتخر خدامه
بالخدامه نشد حزمنه ونلطم اعلى الهامه
ولمحرم جيته نهتم قربت النه ايامه
واليضدنه وبينه يشكل خل يضل بأوهامه

تضدنه ناس هوايه .. هل محرم قادم
للطم وقرايه .. هل محرم قادم
*******
هالشعيره تسري بينه تمشي وي دمانه
كلب واحد كلنه صرنه وخل يرف لوانه
الما يعجبه اللطم گله شجابك انت ويانه
احنه ناس نحب دمعنه ينزل لمولانه

وللدمع شرايه .. هل محرم قادم
للطم وقرايه .. هل محرم قادم
*******
بينه حسره وبينه جمره وياهو اليطفيها
يهل محرم والليالي بالدمع نحييها
هاي عيني وعلى حسيني اليوم اريد اعميها
ومايهمني حجي العالم بينه جا شعليها

وبالايام الجايه .. هل محرم قادم
للطم وقرايه .. هل محرم قادم
*******
هاي نعمه من ابو اليمه خادمه مخليني
وين الكه العنده اخدم وملك مسويني
ماوكفت ابابه حاير شماردت ينطيني
اله ترخص كل حياتي وما اوفي بديني

والخدم وفايه .. هل محرم قادم
للطم وقرايه .. هل محرم قادم
*******
نذر عمري سنيني كلها فدوه لابن الزهره
الماله دمعه بالمٱتم بعد شله بعمره
هذا عشكي وي المجالس وياها صارت عشره
عشك عذري من الولاده وهذا عشك الفطره

حسين نمشي برايه .. هل محرم قادم
للطم وقرايه .. هل محرم قادم
*******
تمت
احمد الخفاجي

يامالك احساسي .. عطرك هوى انفاسي
انت هلي وناسي .. حسين
-****
يالجنيت بكلبي بذره تخضر بحبك دمع
عشكك بدكات نبضه ومنه ابد ماينشبع
بسمك يرتل لساني وي النفس ماينكطع
ذكرك بكل المٱتم عرج كلبي ينشلع

يا اول وآخر .. وي دمعتي معاشر
يالغايب وحاضر .. حسين
****
انه ربتني المجالس اشهك بعشگي و اون
الدنيه كلها بعيني مأتم وكلها عاشور وحزن
يبس الساني من اندبك مفطر بدمع الجفن
كون اموت بهوى الحضره وبضريحك اندفن

واليدخل الحضره .. يتأمل بحسره
بموته تجي الكبره .. حسين
****
يا امير العشك انت وعشك غيرك مو صدك
هايم ودكات كلبي حسين باسمك من يدك
اشتم بشباج گبرك والله من غيره اختنك
عاشك حسين وخدمته وما اتوب من العشك

عشكك هوه بريتي .. غير انت عافيتي
عالفطره تربيتي .. حسين
****
دوريت الدنيه كلها ماكو مثلك بالارض
انت حبك يبو اليمه واجب اعلينه وفرض
بعالم الذر وعشكتك وابتده بدگ النبض
ركضة طويرج ملكه جفوفك الجايك ركض

اركضلك وحافي .. العاشك يوافي
حبك ذهب صافي .. حسين
****
ناذر سنيني بخدمتك وعني بس ترضه المهم
ولا اصير انسان ثاني واشبع جروحك لجم
حسين خليني اعلى دربك و اعلى حبك منفطم
والهوى بريتي الاشمك كون غيرك ما اشم

بالخدمه خليني .. ينزل دمع عيني
ناذرلك سنيني .. حسين
****
وهاي مفهوم الرساله بدمع عيني تنكتب
هو لو هيج اليحبك لو يبطل مايحب
ماي صافي بعيني اشوفك وشوك اشربنك عذب
وانت بس انت الاحبك ومال احب غير جذب

هذا العشك فطره .. يا عالم شكبره
ريحانة الزهره .. حسين
****
تمت
احمد الخفاجي

مسلم .. مسلم .. رفت راية مسلم
*****
مسلم صبح راسه يفور لسابع سمه بركانه
غص ويبس ريجه يزيد اهتز القصر بأركانه
لو ينهدم قصره اعليه لو تنقلع بيبانه
تمشي وي راگ الحيطان وجه الفجر فرسانه
يرهب.. يرعب .. وبين الشافه ويهزم
*****
طب شايل بجفه السيف وابن امه اليمد راسه
واليكرب لباب الدار. رد منكطع بانفاسه
والما تكض رجله الكاع عاش برعب وهواسه
بيده الركب مثل الماي يشمرها شمرة طاسه
يسطر ..يعبر .. وبيده السطرات اتعم
******
طشت خرز فوك الكاع روس الزلم خلاها
يتبخر بصوت الجيش مثل السحب سواها
غار وعليهم كرار نجوم الظهر راوها
للكوفه طب بصدرين ملكه الفحل لاكاها
وحده .. وبيده ..كام يطشر ويلم
******
نازل عليهم طوفان ويغرك السفانه
بقصر الاماره من غار تهتز جميع اركانه
والمنهم يصيح بصوت مسلم يكص لسانه
واحد واخذ كل الدور شحال و يجون اخوانه
بحيدر ..قرر .. من يهاجم يقسم
****
نار واجت لابراهيم. تشبع برد بجفوفه
بضحكة سماره المهيوب وجوه الزلم مخطوفه
من يلتفت صوب الجيش. تختل جميع صفوفه
مو سيفه جنه اسرافيل ينفخ بنص الكوفه
غصوا. فروا .. من اعليهم يهجم
****
كلمة علي بحلكه تلوك شهكت جميع القاده
كباله القصر ما مهيوب لا بجه حت اسياده
الهيبه بس لاهله تلوك حيوا سفير الساده
هوه اصل من داحي الباب ويزيد منهو اجداده
ساده .. وقاده.. كلهم بني هاشم
****
تمت
احمد الخفاجي

آه منج كربله ومن الذبح
ماشفت عريس راسه اعلى الرمح
******
جاسم العريس جن فلقة كمر
ليش بارض الحومه مكطوع النحر
اعليه عمه حسين مكسور الظهر
بحضن ابو السجاد جاسم منطرح
ماشفت عريس راسه اعلى الرمح
******
بخيمة المذبوح الحنه وشمع
وامه ويلي تصيح وتهل الدمع
صوت ياجسام بالطف ينسمع
الموت وي حسين هذا اكبر ربح
ماشفت عريس راسه اعلى الرمح
******
آه منج كربله ومن الضمه
حنة العريس صارت من دمه
بيج ضل حسين ظهره لازمه
مثل مشية طير مكسور الجنح
ماشفت عريس راسه اعلى الرمح
***
آه منج كربله ومن الجره
ماشفت عريس كطعوا منحره
شلون كلب امه التضل محيره
وفاض دمع العين ماظن ينمسح
ماشفت عريس راسه اعلى الرمح
******
آه منج والجرح بيج ابتده
ماشفت عطشان ويروي العده
وبيج اشوف حسين ضل لوحده
بطيحة الشبان كل ساعه انجرح
ماشفت عريس راسه اعلى الرمح
******
انه زينب والغرب هد حيلي
ومدري راح اشلون اخلص ليلي
بدمه راس ابن الحسن ياويلي
وفوك جرح الليل ينصب الملح
ماشفت عريس راسه عله الرمح
******
تمت
احمد الخفاجي

قصيد بحق ابو الفضل العباس عليه السلام

عظيدك وين    خوية لوحدك جاي

------------------------------------

واعدني يجيني بشربة المـــاي

اشوفنك تكفكف دمعك حــذاي

عليمن كاض خاصرتك يــوفاي

اشو ظهرك تكَوس وانحنى هواي

تحاچيني يخوية ونور عيـــناي

يبعد اختك تكلي شبــيه رجواي

مدري شبيه حالك مرد چـــلاي

تتانيه الطفال وجتك ويــــــاي

اشوفنك يخوية امتــيه الــراي

ابعيني ظلمت ياخــوية دنياي

عليه الطم واهل دمـوع عيناي

اخذني وياك اگلة انريد حـماي

لنوح عليه ماهود مـن بـــــچاي

انهدم حيلي يخوية بجيتك هاي

******************
أسالم الدعاء رائــد الاسدي

قصيدة بحق السيدة زينب عليها السلام تعاتب العباس عليه السلام جديد محرم ١٤٤٤ هـ


ما تگعد لفتنة الگوم يا عباس يا خوية
=====================
هجموا عالخيم هجمة ياعباس ياخوية
بالشر كلها متحزمة ياعباس ياخوية
يا هو اندبة ونحشمة ياعباس يا خوية
يالنايم جزاك اللوم ياعباس يا خوية
=========================
حرگوها الخيم بالنار يا عباس يا خوية
وصارت عيلتك طشار يا عباس يا خوية
والعسكر علينة اندار يا عباس يا خوية
گلبي يالاخَو مالوم يا عباس يا خوية
=========================
حاطتنة العدة الانذال يا عباس يا خوية
وشدوا عيلتك بحبال يا عباس يا خوية
وحادينا العدو الچتال يا عباس يا خوية
عدوانك علينة تحوم يا عباس يا خوية
========================
عزيزت گلبك ارقية يا عباس يا خوية
باگو منها ترچية يا عباس يا خوية
اشاگف عنها بيدية يا عباس يا خوية
يوم اسود صبح هاليوم يا عباس يا خوية
========================
النوكَ البالسبي هزلة يا عباس يا خوية
ومروا بيها عالقتلة يا عباس يا خوية
صعبة علينة مو سهلة يا عباس يا خوية
لاچن هالامر محتوم يا عباس يا خوية
========================
نودعكم يخوية شلون يا عباس يا خوية
وعدانة فلا يرضون يا عباس يا خوية
امشن للبسي ايصيحون يا عباس يا خوية
تمنيتك عدل وتگوم يا عباس يا خوية
========================
أسالكم الدعاء رائد الاسدي

قصيدة نزال بحق العباس عليه السلام من الأرشيف

النهر من تمتلك جرفينة
يابو فاضل ماي جيب اروينة
:::::::::::::::::::::::::::::::::::::::::::::
انريد منك ماي يا حامي الظعن
استمع صوت الحرم يتلاوعن
اتكفلتنة انتة وجبتنة من الوطن
فدوة ماي انريد يا والينة
=====================
للنهر من توصل وماية تشيل
اذكر سكينة وعطشنا ياكفيل
متانية الاطفال دمعتهة تسيل
شربة من الماي خوية اسكَينة
===============
ادللي ياخوية هالمطلب سهل
ادري بيه العطش لا ماينحمل
اليوم اشرب ماي كل طفلة وطفل
اليوم اخوي حسين اكَرن عينة
================
نزل للماي ورفع بيدة العذب
اتذكر حسين وچفة الماي ويذب
واعدت سكنة واخالفهم چذب
واجب اعلى الحر يوفي بدينة
====================
التمت العسكر تجي من كل كتر
ومثل حيدر كَام بيهم من يكر
احتارت الفرسان لاوين المفر
هذا سبع الكَنطرة امسمينة
=================
زلم فوكَ الزلم چومها الكلف
وداس روس ابطال والراية ترف
من يصيح بصوت كلها ترتجف
بالغدر كَطعوا يوسفة يمينة
==============
بالغدر كَطعوا يمينة ويسرتة
وبالعمود انوب طروا هامتة
من انطفت عينة ابد ما همتة
ايهمة يوصل ماي يم سكينة
==================
وكَف من صاب السهم جودة وفراه
ياحسين ادركني يا خوية نخاه
الحكَ العباس هالطايح لواه
طاح اخوك الحكَ ترة والينة
====================
أسالكم الدعاء رائد الاسدي

احـسـب لـيـالـي وانـتـظـر
يالأكــبــر وغـاب الـصـبــر

وينك يغالي           وينك يغالي


                           *---------------*---------------*

الـزمـن قاسي اعز ناسي وخذك مـنـي
وحگ عينك على اسنينك جرح چنـي
صـرت انـزف يـيمـه اهتف بـألـم ونـي
الفكـر سارح البُعد جارح ابعدك عـنـي

     ابـروحـي حسيت الـجـرح
     يـوميـه امـوتـن وانــذبـح

                           *---------------*---------------*

چنت شمعـه صـرت دمـعـه على خـدي
الحزن خيّم عشت بالهم اشبقه عـنـدي
هـدم حيلي سهـر ليلي وأنـه الـوحـدي
ألـم احمل الـبُـعـد يـكـتـل مـرد چـبـدي

     يـمـخـلـي امـك بـالـدمـع
     مجروحه وبأصعب وضع

                           *---------------*---------------*

أنـتـظـر تـكـبـر علي الاكبـرحـلـم روحـي
اشم عطرك واحس ذكـرك دوه اجروحي
أنحنه ظهري وصعب كسري وكثر نوحي
ييمه انـدب ويجي المغرب حـزن يوحي

      بعيوني ارسومك شمس
      بغيابك وبـيـهـن احـس

                           *---------------*---------------*

الـتـعـب كـلـه گـلـت سهله وكـبـر حلمـك
يضي دربـي خذت گلبي وعفت رسـمـك
ابـدمـع أنـحـب أنـه وزيـنـب نـرد بسمـك
الـعـلـي ادعـيتـه العمر ريته خلص يمـك

   مايگطع الـدمـعـه الجفـن
   يـوليدي يـاريـت انـدفـن

                           *---------------*---------------*

ولــو مـرّه حـچـي الـعَـبــره ألـي تـسـمــع
تمر سكته وتشـوّف أنـتـه دمـه الـمـدمــع
ابلهب صيفك انتظر طيفك يجي ويجمع
مـثـل نسمه مثـل نـجـمـه الـوجـه يـلـمـع

    ابحسرتي وحـيـلـي ذبـل
    والـرجـعـتـك ازرع أمــل

                           *---------------*---------------*

عـلـيـك اسـأل واريـد احـصـل ولـو كـلـمـه
الهجر چتال صعب هالحال جرحني اسمـه
العتب مسموح يـبعـد الروح اخـاف اعَـمـه
اعيش احزان مـثـل غرگان النفس حـلـمـه

    أتـمـنـه اشـوفـك يالولـد
    اشـعنـدي بـالـدنيـه بـعـد

                           *---------------*---------------*

✍خادم الحسين (ع)
الشاعر رعد الجريخي

الملحن علاء الفهد

مقام #البيات

الملحن علاء الفهد

مقام #الحجاز

#محرم1446



خـــالـي الـمهــد ـــــــــــــــــ مــن الــولـــد
مـــات الـدفـــو ـــــــــــــــــ وحــضني بــرد
ـــــــــــ ـــــــــــ ــــــــــــ ـــــــــــ ـــــــــــ
اركــض لــمــهــدك واعـــــثر واوصــــله 
خــالــي المــهد مــابي عــطر عـــبدالله
ضـلــمه النــهار ابعــينــي اريــد انــدله
للـمـــاي وديـــتـــه او تـــروه ابــنــبلـه
صــابه الســهم  ـــــــــــ بـچـه  الخـــيم
مـــات الدفـــو  ــــــــــــ وحضني برد
ـــــــــــــــــــــ ـــــــــــ ـــــــــــ
راح الخـــضار اوعــــــمري اصـبح هيـمه
لا وصلـــت الــــجربـــه الـه ولاغــــيمه
راح الهـــوه الاتنــفسه ويـــه الخيــــمه
مــر العطــش غفله وخذ اهل الشــــيمه
جـــرح العطـش ـــــــــــ جاب النعـــش
مــــات الـدفو ــــــــــــ وحضــني بــرد
ـــــــــــ ـــــــــــ ـــــــــــ ـــــــــــ
ليش الرمل للـــــغالي صايــــر مهـــــده
ادري النـــده من ايطيح نعـــــــشه الورده
بالــــروح مو بالكـــاع اريــــــدن لحـــده
من يبجي اســــكــته عالــــولد مــــتعوده
ليش بجفن ـــــــــــــــــــــ شمس الضعن
مات الدفو ــــــــــــــــــ وحضــني بـــرد
ـــــــــــــــــــــ ـــــــــــ ـــــــــــ ـــــــــــ
عبـد الله من اشثـــتاك اشـــم بهــــدومك
غيــــم الدهـــر ضيـــع يـيمه انــــجومك
حـــــر الشمس غيــر يـــغالي ارسومـك
جرح الـــكلب ينزف دمــه مــــن يومـــك
صواب النحــر ـــــــــــــ جاب السهر  
مات الدفـــو ـــــــــــــــ وحضنـي برد
ـــــــــــ ـــــــــــ ـــــــــــ ـــــــــــ ـــــــــــ
غصــــن التــــرافه السهم لاحــه ابنحــــره
مــــاتت احلامـــي وللـــكـــبر منتــــــظره
عبدالله بالـــــــــدلال تســـــعر جـــــمره
من لاحت اجفــــــوف الضـــــلام الگــــمره
ناري الحرب  ـــــــــــــــ تـــجوي الكلب
مــات الدفــو ـــــــــــــــ وحــضني بـرد
ـــــــــــ ـــــــــــ ـــــــــــ ـــــــــــ
الشاعر خالد جودي العارضي

قصيدة لبداية محرم

يا شهر الحزن ::::::::::::لا تجبل علينا.

::::::::::::::::::::::::::::::🥀::::::::::::::::::::::::::
بيك ابن الزچية من القفى مذبوح
وعباس البطل على النهر مطروح.
عبد لله يون ومن الضمة ينوح.
(يذبحونه ويشيله حسين ).
:::::::::::::::::::::::::::🥀:::::::::::::::::::::::::::
بيك ام الخدر تبچي ونعازيها.
نلطم عالوجه ودموع نجريها.
عالعباس تنعى تريد اهاليها.
(ومهضومه زينب هالليلة ).
:::::::::::::::::::::::::::::🥀::::::::::::::::::::::::::::
جسام العرس ما شافته عيونه
من دم منحرة گاموا يحنونه.
رملة شافته مطبرة متونه.
(نطفيها شمعة جسام ).
::::::::::::::::::::::::::::::🥀:::::::::::::::::::::::::::::
سكينه تنوح بيك وتجري الدمعة
طشوا كل اهلها وخربت الجمعة
صوت حسين بعد ما ضنها تسمعه.
(ويضروبها بالسوط اعداء ).
::::::::::::::::::::::::::::::::🥀::::::::::::::::::::::::::::
يا شهر الحزن شكثر غثاني.
بيك امشي سبية بين عدواني
شهرك يا محرم چتل اخواني
(يشبوها النار علينا ).
:::::::::::::::::::::::::::🥀:::::::::::::::::::::::::::::::::
خيام محرگة واطفال مذبوحة.
وعبدلله السهم ما حملته روحه.
عباس الكفيل مسطرة جروحه
(يطبروها هامة عباس)
::::::::::::::::::::::::::::::🥀::::::::::::::::::::::::::::::



تم بعون الله لخادمة الامام الحسين عليه السلام
أسمهان المالكي نسألكم الدعاء

قصيدة لبداية محرم
عن لسان السيدة زينب عليها السلام

محرم هالأجى الرايات رفعوها
انه ام الحزن زينب تعرفوها.
.................................. .

محرم هالأجى ودموعي سيالة
ابچي على الحسين وهم على اطفاله
ادگ على الصدر والعين همالة
واحضر هالمجالس من تنصبوها
⭐⭐⭐⭐⭐⭐⭐⭐⭐⭐
انه ام الحزن بروحي الف حسرة
من ذبحوا اخوتي صحت يالزهرة
خل تحضر الي الگلب شيصبرة
بنتج يالزجية عداج ذلوها
⭐⭐⭐⭐⭐⭐⭐⭐⭐⭐
محرم بس حزن وندگ على الراس
لا حسين البقى ولا بقى عباس
مهضومة وذليلة حيل يا ناس
وبشهر الحزن خيام شبوها.
⭐⭐⭐⭐⭐⭐⭐⭐⭐⭐
يالتنصب عزة وتبچى على حسين
اسمع هالنصيحة وانتبه زين.
احضر كل مجالس واهمل العين
الاطفال التجي لا تطردوها
⭐⭐⭐⭐⭐⭐⭐⭐⭐⭐
افتح مجلسك واللطم على العطشان
انوحن بالعزه وكل حيلي ذبلان
راحوا كل هلي وراحوا الخوان.
زينب يا هلي شلون عفتوها
⭐⭐⭐⭐⭐⭐⭐⭐⭐⭐⭐
هلالك يا حزن بس النوح والدمعة
وبس گلي محرم منهو اليجرعة
اضن هذا الشهر كلبي ناوي يشلعة
واشوفن اخوتي وشلون ذبحوها
⭐⭐⭐⭐⭐⭐⭐⭐⭐⭐⭐





.تمت بعون الله لخادمة الامام الحسين عليه السلام
أسمهان المالكي نسألكم الدعاء

نزلة عزاء

الخيل طاحت عالارض فرسانها
علي الاكبر من نزل ميدانها
==========
علي الاكبر بالحرب شد اللثام
الفارس من الخوف جن هد اللجام
طاحت الفرسان وتدور السلام
علي الاكبر بيده كص لسانها
==========
اشتدت وماجت ومالت ظل يدوس
عصفت ودخنت وضاكت عالنفوس
كرها كرار اليكر كر الرؤس
ياعبيد وبس علي سلطانها
==========
شَلّها شال اشلاء من شَلْ الزلم
صفها صف اصفوف صفه المنتقم
دمها دم ادموم فيضها بعزم
ال هاشم والفخر عنوانها
==========
دار در وجن علي بسيفه يدور
حار حر ونار بس وجه ينور
علي قمة وهم بالوادي صخور
وبدت عالعسكر لهب نيرانها
==========
شدها شد اشداد والطف انطوه
ظِلها ظَل اظلال والظالم هوه
سيراها وسار سارت نينوه
وين مايأمر تكف بردانها
==========
فخر يفخر بالفخر من يفتخر
جرها جرات المجره من يجر
شد زلمها وجرها بعنان المهر
الزلم جن لبست عبي نسوانها
==========
الشاعر علي النائلي

اويلاه
عالداستة الخيالة
.......................
عشرة الخيول الداستة
مطشرة عظامة وجثتة
زينب لخيها وصلتة
وشلون شافت حالة
.........................
جم حافر بصدرك رفس
هم تكدر تشم النفس
الحافر بصدرة كبس
وكامت تعيل انذالة
........................
زينب لخوها وصلتة
من ضهرة لمن كلبتة
والشمر ذابح ركبتة
وعالرمح راسة شالة
.........................
يا خوية ما تكعد الي
وينك يبوية يا علي
يبوية ذبحو كافلي
وحركو خيم اطفالة
.........................
فاضل فخرالدين

هوسات شجاعيه للعباس (ع)


چـنّـه اعـصـار بالميدان هـز الجيش بس أسـمـه
مـن سمعوا بـرز عباس واحـد مـا ثـبـت جـدمـه
اجـاهـم قـابـظ الارواح نـافـظ لـلـحـرب هـدمـه

             يگضيهم لـو جـرّد سـيـفــه

*-----------------------*-----------------------*

واحـد مـا گــدر يـگـرب عـدهـم خـبـر بـفـعـالـه
بـعيـد وگاموا ايشردون مدري اشـلـون خـيّـالـه
سبعين الـف والـعـبـاس أبـد ما حـاطـهـه ابـالـه

             مـا مهتم مـن طـب للحومه

*------------------------*-----------------*

ابكيفه أيلگط ويخـتـار والـحـل والـعـگـد بـيـده
يـگـلـبـهـم يـمـيـن ايـسـار حـيـد وسـوّه لـيـريـده
شنهي الخيل شنهي الجيش عباس الحرب عيده

              سـاكـت ويـسـولـف بـتـاره

*----------------------*------------------*

✍خادم العباس (ع)
الشاعر رعد الجريخي

قصيدة ( اغفه بحضانك ) إلى السيده فاطمه العليله عليها السلام


اغفه بحاضنك اشــوف العافيه
باﭽر بحضن المواجــع غافيـه
العله والفرگه ســوه   
لـو رحت راح الهوى

****

خلني بحضانك يبويه اغفه بس هذا المسه
مركب أحزاني تشوفه هسه يم شخصك رسه
طفله والدمعه أعلى خدي والزمن تدريه قسه
ريت روحي بحظن عطفك تطلع اليوم وعسى

كون يمك بويه اخلص اسنيني
ولا تظل بــس للمدامـع عيـني
يطفه بعيوني الضوه   
لو رحت راح الهــوى

****

باچر بحظن المواجـع بعــد عطفك يـا أِبـه
بنايبه مــن تغفه عيني وتَفــز بويـه بنائبه
الصاحب اللعلّه اونينه يــا فـرح اليصاحبه
عني لــو يبعــد ضعنكم خيّــم ابقى مسلّبه

النوح ينهش بويه تدري بروحي
ومو جرح ويطيب كثره جروحي
نوحي كلــه لنينوى    
لو رحت راح الهوى

****

بلا ابـو دار الحبـايب وحشـه حيــل ومظلمـه
يا عطش گلب اليفارگ بويه اش من الضمّه
خلّني بأحضانـك اشمن عطـر امــك فــاطمـه
باﭽــر أخيــول الاعــادي بالحوافــر تهَشمّه

حضنك الدافي يبويه شحاله
مــنْ تــرضه بكربله الخيّـالــه
بدمك الحافـــر روه     
لو رحت راح الهوى

****

بويــه اليفارگله واحد على الدرب يتأمله
وبيش يصبر بويه گلي من يفارگ عـايله
آنــه مــنْ علتــي انوحن لـو انوح لكربله
ريته گبل الطف ذبحني سهم نبلة حرمله

بيش اليفــارگ يصبـر روحـه
وحگه ما يبطل ونينه ونوحه
نــوح اليفـــارگ دوّهَ   
لو رحــت راح الهوى

****

العلّـه  والفــرگـه يبــويه باچــر يمّــرن علــيّ
تعمه بويه اعيوني بعدك يالـﭽنت لعيوني ضيّ
هسه اغفه بفَيّ حنـانك  بــاﭽـر انه بلايا فَــيّ
لا اخــت لا عمّـه يمي لا ابــو لا باقي خَـيّ

كربلــه تفرهدهم مــن اعيـوني
كون امـوت ولا اظــل لضنوني
نجتمع صعبه سوه     
لو رحت راح الهوى


الشاعر
موسى البديري