الاذكار ، ورد القران ، وابدا يومك يا صديقى 🤍

أعتقد أكتر حاجه تستاهل أن الإنسان يسعى ليها و يبذل مجهوده عشان يوصلها هيا إنك تكون إنسان كويس .. شخص سَوىّ.. مُعترف بأخطائك و بتسعى دايماً إنك تصلحها..
إنجازك الأهم في الحياه هو إنك تبقي بني آدم كويس.

الجروب مفتوح 🔓

طيب بالنسبة للبوست اللي هو كرم ربنا في النتيجه اللي اتطلب مني اكتر من مره وفعلا حقيقه والله كنت مشغول جامد الفتره الل فاتت
ف بسم الله نبدأ
انا كنت بدأت اول كام شهر كويس ووقعت بسبب امتحان احياء على المنصه جيبت فيه مجموع قليل اوي وفي الاخر زعلت واللي حصل اني مكنش ليا نفس اذاكر لحد لما اخر شهر 1 اول 2
بدأت ارجع خطوة خطوة
نسيت اقولك اني كنت قاسم السنه يعني اخدت 3ث على سنتين
والكلام الل فوق ده كان السنه الاولى
ف المهم حاولت وذاكرت وعملت الل عليا في الفتره المتاحه
ودخلت 6 مواد
نحو وادب ونصوص
وبحته وحديث وتفسير وقران
انا من عادتي بطلع من الامتحان بقفل الماده نهائي لا براجع ولا بتاع اللي يجيبه ربنا كله خير وانا حاسن الظن في الله وهو هيجبر بخاطري
ف المهم في يوم النحو حسيت نفسي لغبطت كتيييير اوووووي وكنت هاجل الماده
بس دخلتها وانا وصاحبي بنراجع على الامتحان وكلمنا المستر اللي كنا ناخد عنده درس وراجعنا معاه قالنا انتو هتنقصوا حوالي 12 او 13 درجه ف الامتحان والله لو الشات بتاع المستر قاعد كان ورتهولكم
ف صحبي أُحْبَط جدًا وانا زعلت بصراحه
بس قولت لنفسي اللي حصل حصل خلاص احسن الظن في الله وهتعدي ان شاء الله
قولت لصحبي متقلقش خير والله ورب الخير لا ياتي الا بالخير وعسى ان تكرهوا شيئًا وهو خير لكم وبقوله الكلام ده مواسيًا ليه ولنفسي برضو
وطلعت النتيجه والحمد لله نقصت فيها 5 درجات فقط لا غير انا وهو نفس الموضوع 😅
وندخل بعدين الادب والنصوص
نطلع من الامتحان هم بيراجعو وانا اتمشيت شوية لقيت صحبي بيقولي هننقص 3 درجات فيها قلتله لا ان شاء الله خير ومش هننقص وان شاء الله هنقفل
فضلنا نتكلم ويقول ياريت اجلتها قولتله قال ﷺ " ما أصابك لم يكن ليخطئك وما أخطأك لم يكن ليصيبك .
مع ان احنا الاتنين لما راجعنا لقينا نفسنا كاتبين نفس الكلام
تتطلع النتيجه وانا بفضل الله أقفل الماده وهو ينقص درجتين.
نطلع السنه التانيه من الانجليزي خايفين ننقص 8 درجات وقولنا لو نقصنا كد حلو اوي
عشان تطلع النتيجه ناقصين 4 درجات فقط
واخر موقف يوم البلاغه ده والله العظيم حرفيا انا لحد دلوقتي مستغرب ومش عارف جات ازاي كد
السنه التانيه امتحنت البلاغه
ودخلت وبصراحه لغبطت كتير اوي ف الورقه طلعت من البلاغه وانا بعيط وشربت برشام عشان الاسعاف تيجي تاخدني وقولت ااجلها مع اني كنت مذاكر البلاغه كويس اوي
وعملت المستحيل وروحت المستشفس وعلقت محاليل
وتتطلع النتيجه ناقص درجه واحده بس والله
عملت تظلم ف اغلب المواد
لقيتني انا كاتب صح لكن من كتر التوتر والخوف حاسس تفسي لغبطت وكتبت غلط
وعلى فكره في حجات المصحيين بيرأفوا بينا اه هم مش كلهم لكن في مصحيين بيرافوا بينا وبيراعو جهدنا وجهد اهلنا
وفي مصحيين مش بيراعو ربنا في شغلهم زي المصححه اللي صححتلي التفسير
صحابي كلهم كاتبين زيي بالظبط لما راجعنا انا وهم
وانا كاتب الاجابه الصحيحه لكن بطريقتي انا نقصتني 4 درجات عملت تظلم وقضيه والحمد لله رجعولي
ف عايز اقولك والله ربنا كرييييم ااااووووي

أتقلق على غد وغد بيد الله وكل شيئٍ بيد الله ءآمن؟

"وعسى أن تكرهوا شيئًا وهو خيرٌ لكم
وعسى أن تحبوا شيئًا وهو شرٌ لكم
والله يعلم وأنتم لا تعلمون"

ركز كد على اخر الايه
والله يعلم وانتم لا تعلمون
انت متعرفش حاجه
انت ولا حاجة
سيبها على الله والمركب اللي فيها لله عمرها ما تغرق ♥

لا تنسوني من صالح دعاكم وعذرًا على التأخير ❤️❤️‍🩹

السلام عليكم ورحمة الله وبركاته
كنت عايزة اتكلم فى الأمر ده من بداية الأجازة بس بالنسبالي لسه مأخدتش الأجازة المهم

احنا عارفين إن نعمتان مغبون فيهما كثير من الناس الصحة والفراغ صح
طيب الحمدلله ونحمد الله إن ربنا أتم علينا الصحة والعافية
طيب الفراغ اللى ممكن يأدى بينا إلى إهدار الصحة
من مثلا سهر كتير، جلوس على الفون كتير، نوم كتير يؤدى إلى صداع كل الحاجات دى بتؤدى إلى إهدار الصحة

طيب نستغل الصحة والفراغ ازاى
أولاً: لازم يكون عندى معلمة أو شيخ أو معلم بقرأ عليه جو مع نفسى ده غلط ومش صح وعمرك ما هتحفظ أصلا

ثانيًا: أستغل الليل بدل ما كنت بصلى أربع ركعات بس قيام وأكمل مذاكرة لاء أنا أقيم الليل كامل

ثالثًا: أشوف اى الموهبة اللى كنت بحب اعملها بس المذاكره كانت بتمنعنى مثلا القراءة، الرسم، سماع بودكاست اى حاجه مفيدة تثقل من تفكيرى مش أخرج من الأجازة من كتر الفراغ بقيت تافه أو تافه
وبس كده أجازة سعيدة إن شاء الله
ولا تنسونى من دعائكم.

بالمناسبة علشان الجميلات اللى بعتت وأنا مردتش أنا لم انتهى بعد من الإمتحانات على يوم ٨/١٠ كده بإذن أكون خلصت وهرد على كله
لكن الفترة دى فعلا محتاجة منى مذاكرة ف دعواتكم بالتيسير 💗

هنفتح الجروب بعد صلاة العشاء
اتمنى نهري ف اي حاجة غير تالتة ثانوي👩‍🦯

الجروب مفتوح🔓

🔴 عاجل | جامعة الأزهر
أعلنت جامعة الأزهر فتح باب التسجيل لاختبارات القدرات بالكليات التي تشترط اجتيازها، بدءًا من 20 يوليو، على أن يتم التسجيل وفقًا للضوابط والإجراءات المعلنة من الجامعة.
https://t.me/AlAzharTl

خليها دايما ف بالك ♥️

سنة من سنن النبى صلى الله عليه وسلم

سنن وآداب دخول (الخلاء)
التعوذ بالله من الشياطين بـ "اللهم إني أعوذ بك من الخبث والخبائث"، وتقديم الرجل اليسرى، وتجنب حمل أشياء تحمل اسم الله.

خلى النبى ف حياتك هترتاح اوى ♥️

الاذكار ، ورد القران ، وابدا يومك يا صديقى 💗

"كل التأخيرات في حياتك ما هي إلا خير وربّ الخير لا يأتي إلا بالخير، تأكد تمامًا أن الله ما صرفَ عنك شيئًا ليحرمك، ولا أخّر عنك أمرًا ليُعذّبك، وإنما ليعطيك الخير، يعطيك أفضل من اختياراتك لنفسك ويرفعك بهذا البلاء درجات عنده.. والمؤمن يُدرك ذلك ببصيرته لا ببصرِه.

قال النبي محمد ﷺ: "من قرأ سورة الكهف في يوم الجمعة أضاء له من النور ما بين الجمعتين".

مننساش سورة الكهف يا صحبة ♥️