كلمات الميرزا عادل اشكناني


الكلمات:

سامحيني سامحيني .. ع النهر لو طاحت إيساري ويميني
سامحيني سامحيني .. وهـاذي آخــر كلمه ما بينج وبيـني

يــــــم الأحـــزان حــان الـــوداع .. هذا حكم الله وعليـنا أمره جاري
يختـــي واليـــوم أعتــذر جيـــت .. وارجو منج أن تقبليني إعتذاري
أقسم إعليج بكسر ضلع الزجيه .. خاف أكـون إمقصـر ابحقج عليا
حــللينـــي وعذريني .. خـــاف أروح ومــا أرد لا ترتجيني
سامحيني سامحيني .. ع النهر لو طاحت إيساري ويميني


وســــــط لخيـــام مـن تسمعين .. بالعطش تتعالى صرخات اليتامى
صبـــــري لطفــال لا ينــوحون .. ساعه والعبـاس يــرجع بالسلامه
واعدت عبدالله وسكينه ورقيه .. أجلــــب المـــاي وأشـربهم بـــديـا
تعرفيني أوفي ديني .. لكن إشبيــدي العمد صوب جبيني
سامحيني سامحيني .. وهاذي آخـر كلمه ما بينج وبيني

يا بو فاضل انا زينب يا بو فاضل

حامي الضعينة
هم يدري بينا
ما بين الأجناب
ولينا ولينا
..
انا مشيت درب الما مشيتة
وقتال اخيه رفقيته

من شاهدوني
ومهبطة الراس
صاحو يا زينب
شاوينه عباس

انا امنين ابو فاضل اجيبه
وراويه حال اخته الغريبة

عقبك ياذخري
لوعني دهري
زينب اسيرة
تدري بعذري

انا زينب اليحگون عني
سليت المصايب ماسلني

اسمي من اجينا
ام الخدر گان
عقبك يا عباس
صرت ام الأحزان

يا عباس منته اللي جبتني
وبيدك يخوي ركبتني

*{{غـريـبـة}}*

١/اميره انا ومن چف گمر..للسبي تالي
عشيره ولا ظل منها اثر..يحمي دلالي

يويلي وماكو غيري آنه
على وجه الدنيا عقيله
ظعني يدللي بيه خوله
أمس چان ابو فاضل دليله
وبعد ثمنطعش محامي
أسيره وعلى ناگه هزيله

وحيده وما فزعلي جار
ومنين ابو فاضل أجيبه
أركض وبخيامي نار
وهاي لوحدها مصيبه
واخت المذبوح اسمي صار
ومره يسموني غريبه

غريبه..غريبه..غريبه

واخو ما عندي اجيله
حنى ظهري برحيله

٢/بكربله من طاح العلم..چتفوا إيدينا
يخويه ومن باب الخيم..للسبي جينا

طلعنا بنص نهار اميه
وكربله يا وادم هيمه
سبيه تشد حبل سبيه
و خيمه تطيح ب صف خيمه
ومشي الليل أخذ عليه
اجت ايامه وإجه ظيمه

واخوي ال گلي آنه جاي
وحط ايدي ابن الوصي بايده
أصيح و ما سمع نداي
ما رد وايتامه تريده
مشيت ولا طلع وراي
واحد والـ كوفه بعيده

بعيده..بعيده..بعيده

٣/غريبة ومن عمري اششفت..وابقى غريبة
المصيبة شما گمت التفت..ألگه مصيبة

يهون بكربله الجرالي
لكن مآخوذة سبية
غريبة وماكو عندي والي
مهضومة وحبلي بٱيديه
أبچي الها وتبچي لدلالي
على ظهر الناگة رقية

رقية وكل خدرها شال
چانت بالخيمة أميرة
ما تتحمل الحبال
يا ويلي وايديها زغيرة
إسمها يلوگ إله الدلال
تالي يسموها أسيرة

أسيره.. أسيره.. اسيره

٤/مشينا وماكو چتف اخو..حملي يشيله
مناوب من عدو لعدو..وآنا عقيلة

حچي دموعي غاضرية
ورفگة غرب كلفة علينه
إجينا بهيبه هاشمية
وتالي بلا هيبه مشينا
واخوتي موسده الوطيه
ومن نار البينه گضينا

حسافة اهل الشيم تطيح
وما ظل بكربلا شيمه
يتيمه أحضنها من تصيح
وتوگع گدامي يتيمة
هضيمة وابن امي ذبيح
خيامه يسلبوها هضيمة

هضيمه..هضيمه..هضيمه

*{{جروح : احمد الهلباوي}}*
➖➖➖➖➖
رابط قصيدة ((غريبه)) :
https://t.me/MajalesAlKhaqani
https://youtu.be/ZMgS9NJz9zU

((القصائد المكتوبة للملا محمد باقر الخاقاني))

قناة تعتني بنشر اللطميات المكتوبة التي قرأها خادم الحسين الموفق الملا محمد باقر الخاقاني
https://t.me/latmiyyatalkhakani

لحظه ياخويه انتظر
محلئ جمالك يالبدر 
مقدر اشوفـه معتفر
هيد لزينب يـــا قمر
لحظه بقبل هالجفوف
قبل تقبلها هالسيوف
عباس إلى زينب تعوف
تبقى غريبه يالقمر
لحظه اباشم منحرك
بشبع منك وانظرك
بشتاق خويه لمنظرك
منهو بعد مثلك قمر
منهو بعد عينك إلي
منهو يعدل محملي
منهو بيكفل بنت علي
ترضى أجانب ياقمر
أسمح لي بعود زنودك
لاينفصل عن يدك
ليا عسى الله يردك
سالم ياعباس القمر
لحظه بشم خدودك
خويه وبعدل جودك
خلني بلف زنودك
لايقطعوهت يالقمر
لاتنسى خويه طاسك
ثقل بعد متراسك
لامتك تحفظ راسك
لايفضخوها يالقمر
ويمكن اللامه تفيدك
لاتكسر ظهر عضيدك
وهالنهر حين أدخله
إذكر حسين وطفله
وسكنه ورباب ورمله
كلها تنتظرك يالقمر
سلم علئ أمي الزهره
لاتنسئ بويه تخبره
بنتك بقت متستره
ليمن مضى وراح القمر
راح القمر راح القمر(

الكون أظلم ابعج الخيل و اغبر * و شع ابلمعة الأنصار و ازهر
احتوف هايجه أو ماتعرف الذل * اشلون اللي بعرينه او هاج مقبل
تلوى دون عزها لوية الصل * ابزاغوره او نفج علموت لحمر
كل لماع مدرع يشع للناس * وجهه و الدرع و السيف و الطاس
متبسم امشرعب ناشر الراس * كفو بالموت دون احسين مستر
اششم حران من رمحه ايتطاير * تقول الموت من سيفه ايتقاطر
ما و الله اتقرب ليه و تجاسر * عقوبتها او ظل بالكون يذكر
احلولك من لفت ذيش المشاهير * احلول الموت و احلول المغاوير
أظلم الكون بس لفع الغدادير * تشع أووجهاالكون تزهر
لو صاح الحريب و رجوا الزان * ما و الله ضل بالكون حران
تغدي اقرومها شي شفت غزلان * ابمرتعها اسباع الزور تفتر
قضو حق العليهم دون الخيام * او لا خلوا خوات احسين تنضام
لما طاحوا تفايض منهم الهام *** تهاووا مثل مهوى النجم من خر
على الأنصار با قلبي تفطر
تهاووا مثل مهوى النجم من خر

هذا الرمح بفاده تثنه او هذا بيه للنشاب رنه


او هذا الخيل صدره رضرضنه او هذا او ذاك بالهندي موذر


هووا ما بين من قطعوا وريده وقع راسه او بين الطارت ايده


او بين امشبح ابرميه شديده او بين الصار للنشاب مكور


او ويلي الروس شالوها على الزان او لعبت خيلهم علجثث ميدان


نجوم اتموج من دمها ابغدران نوب تطفح او نوب اتغور


ركب غوجه او تعنا احسين ليها لقاها بس جثث و امسلبيها


صب الدمع و اتلهف عليها او قال احتسب عند الله واصبر


و يا احسين ما ضل بلمخيم غير اولاد اخوه واولاد مسلم


و اولاده واخوته و اولاد العم او غير اولاد عبد الله ابن جعفر


اويلي من الأنصار الخيم تصفر


بس اولاد هاشم نجم تزهر

صـاح احـسـيـن يا عباس ياليصعب فرقاك
مـا يـرتـاح دلالـي ولا أهـجع بعد عيناك

حـرام العيش من بعدك يبو فاضل حرام العيش
يـا خـويـه مـن تظل اهنا للمخيم أردن بيش
شـقـل الحرم لو قالن لينه ارجعت وحدك ليش
قـلـنه اشعوگ العباس و ترجع وحدك خلاك

يـا خويه انكسر ظهري و تدري الينكسر ظهره
مـا يـقـدر عـله النهضه و تصبح عيشته مره
عـلـي مـا يهون أصد عنك متوسد عله الغبره
ويمك جودك و يسراك وايمينك عالثره و الواك

الـيـوم الـقـدر يـا عباس فرق بينك و بيني
وبـقـيت أتمنه سهم الصاب عينك واقع ابعيني
وسـيـف الـقطع يمناك قطع من قبلك يميني
وعـمود الصاب راسك ريت صوبني ولا آذاك

يـا راعـي الـوفه الما صار مثلك خوه بالخوان
يا العفت العذب لجلي وطلعت امن النهر عطشان
قـلـت حـيلتي وشمتت بيه اخلافك العدوان
مـا أدري أحمل اعله الجيم لو أرد للخيم وأنعاك

يـبـو فـاضـل زمـاني بيك دوهني وحيرني
مـا تـنـهـض تره فرقاك نحل جسمي وغيرني
جـنت لو هاجن اهمومي وشوفة وجهك اتسرني
وعـنـي اتزول كل شده زماني الفايت بملقاك

قـام ورجـع لـلخيمه و ظهره منجسم نصين
ومـن صـدن خواته ليه قالن موش هذا احسين
لـجـن حـيـن عرفنه صاحن جا عضيدك وين
قـلـهن عالنهر مطروح ومني طلب يبقه اهناك

وإجـيـت الـسا أودعجن ناصر ما بقه عندي
أبـو فـاضل مشه عني و هالظليت بس وحدي
وبـعـد ساعه تشوفيني اموسد عالترب خدي
دارن هـاي لـتـشمه وهاي اتصيح الله اوياك

نـادت زيـنـب الـحـره .... لاچن تـجذب الونه
شـلـون  اهـنـى بشراب الماي.. وحسين إنحرم منه

شلون أشرب وضوگ الماي.... وحسين إنچتل عطشان
حـسـيـن الـمـرد دلالـي.. من شفته على التربان
يـلـوج  يـنـازع  بـروحه... سلبوه وبگى عريان
شـلون  انسى الگظى ضامي ... بن أمي حسين المچنى
شـلـون انـسـاه.... الـمـاي شـلـون اشربنه

مـصـاب  حسين مثله مصاب ... لا صاير ولا يجرى
يـاهـو  الگبـل ابـو الـيمه... ظامي وانگطع نحره
وادي كـربـلا والـمـاي ..... مهر الزاچيه الزهره
وحـسـيـن إنـذبـح عطشان..... والماي إنمنع عنه
شـلـون انـسـاه.... الـمـاي شـلـون اشربنه

آنـه أم الـحـزن زيـنـب.... ونيران الحزن بحشاي
تـسـري  وعگب عـين حسين... ماريدن بعد دنياي
آنـه  الـفـارگت  جثته... ورحت ميسره ويا عداي
خـلـيـتـه  وردت جـسمه... بيدي الگبره أنزلنه
شـلـون انـسـاه... الـمـاي شـلـون اشـربنه

آنـه  الـلـي شفت نارين..... لاچن نار أشد من نار
نـار  الـحـرگت خيمنه.... ونار حرگت باب الدار
آنـه  الـلـي شفت صدرين... واحد صوبه البسمار
واحـد كـربـلا تـخـربك.... شلون الخيل رضنه
شـلـون  انـسـاه... الـمـاس شـلـون اشربنه

چم  مـصـاب دهري الصاب... گلبي وانجسم نصين
آنـه الـحـزن ذوبـنـي.... وآنه الشاهدت طشتين
چبـد الـحـسـن واحد بيه... واحد بيه راس حسين
وسـهـام الـدهـر گلـبـي... بفگد حسين صابنه

آنـه  الـلـي  وگفـت مـرتـين..... والمرتين أذني
وگفـه بـمـجـلـس إبن زياد... متشمت نشد عني
وگفـه  الـثـانـيـه بمجلس.... يزيد الكسرت وني
ومـاظـل مـن هـلي واحد... بذيچ الساعه يحشمنه
شـلـون انـسـاه ....الـمـاي شـلـون اشربنه

آنـه الـلـي فـجعني البين... بهلي وصرت مفجوعه
آنـه  الـشـاهـدت چفين ........للعباس مگطوعه
آنـه  الشفت  اخويه حسين..... كلها مكسره ضلوعه

آنـه الـمـانـسـيت حسين..... آنه زينب الكبرى
آنـه الـبـالـصـبر مثله..... وصبري نبع من صبره
آنـه الـدهـر دولـبـنـي.... وبحسين شعمل دهره
مـا  خـلانـي ويـا حـسـين.... لمن طاح اودعنه
شـلـون انـسـاه.... الـمـاي شـلـون اشربنه

إنـجـان الـسـهم فت گلبه... أنا مصيبتي بالسهمين
آنـه الـشـاركـت هـمه.... حسين الشارك بهمين
آنـه  الـرضـعـت  ويـاه..... وغذاني حليب أمي
شـبـيـدي لـو مـايطح بيد.... جرعة ماي أشربنه
شـلـون انـسـاه... الـمـاي شـلـون اشـربنه

*الشيخ جبار الكربلائي*

اجيتك للنهر اعثر بثوبي
يلي قضيت نوبك وصل نوبي
يا عباس دير العين صوبي

اجيتك يا بعد روحي وحياتي
واتعثر گمت من مستحاتي
اخافن من اگع توگع عباتي
يمدللني ومدلل خواتي

من طاح الگمر فوگ المسناية
صاح حسين خويا وهوى ويالراية

ما طاح الگمر من گطعة چفوفه
ولا من سهم عينه اللبيه مطروفة
ولا من هامته اللبلعمد مخسوفة
طاح ابسهم جوده من فرغ مايه

عادة اللي يريد يطيح عالغبرة
يتلگى الارض باليمنة واليسرة
وعباس الگمر بسهام اللبصدره
تلگاها الارض من دون تچاية

طاح وصاح خويا حسين يومن طاح
وطول العمر خويا احسين ابد ما صاح
وحين اللسمع صوته حسين شد ولاح
وينادي يا عمد صيواني وفيايا

يصبي النظر ياللبيك اجد شوفي
مثلك يا اخو يابو الوفى يوفي
انا تمنيت دون چفوفك چفوفي
وسهم العين صابه بعيني رمايه

يحزام الظهر يا عمد صيواني
يخويا اللچنت شوكة بعين عدواني
يخويا زينب اختك واجفة اتتاني
والاطفال من العطش شچاية

*عزيز الفيصلي*

 لزمت  ركابه سكينة      وعـمّته بحلقه تشمّه
ومن  الخيم مدهوشة      طـلعت تـنادي أمّه
يبني  يجاسم هلوقت      حـيلك  لعمّك ضمّه
لـهاليوم أنا ذاخرتك      ما لك تخيّب ظنوني
هـزّ  الرمح وناداها      يـا والـده دادعيلي
رايـح أنـا يا والده      مـن غير ما تگليلي
عـمّي وحيد بكربلا      الـمن  اضمّن حيلي
انـتِ وعمتي زينب      حين  لْأغِير إنخولي
اوصيك  يمّه وصيّه      تسمعين  لفظ جوابي
شـبّان  لو شوفتيهم      بالله  ذِكْـري شبابي
محروم من شم الهوا      من دون كلّ صحابي
عطشان  انا يا والده      حين الشرب ذكريني

إذا زينب لفت يم الشريعه
تشوف چفوف ابوفاضل گطيعه

تعثر من تشوفه ما تگدر تعوفه
وتصيح منين اجتني هالفجيعه

كربلا اليوم زينب تراها ميسره
تنظر اخوها على الثره وتشبگ ايديها

تحمل هموم من كثر ما شافت محن
زينب على طول الزمن تندب وليها

لكن ويا النهر عدها لوعه وقهر
من تشوف الگمر تصيح ويلاه

منته الها الگلت عندي وتكفلت
زينب وبهالوگت تصيح ويلاه

يبو فاضل ترى زينب غريبة
تعاين چم فجيعة وچم مصيبة

بعدك عذبوها للطاغي سبوها
وتصيح منين اجتني هالفجيعة

يوم الوداع لمن وگف حادي الظعن
كلهن فرد فزعة افزعن يحچن بالانفاس

والصبر ضاع بعدك يسبع الگنطره
ذبحوا اخوك عالثره عگبك يا عباس

بس يتامه وحرم بالحزن والألم
تبچي راعي العلم وا كفيلاه

ترضى يابا الفضل نركب عالهزل
هالوضع مو سهل وا كفيلاه

بگيت محيرة واصفچ بالايدين
لا عباس ظل عندي وﻻ حسين

هاي اختك يخوها ترضى يسلبوها
وتصيج منين اجتني هالفجيعة

شو متغير حيل * شسوّت بيك الخيل
جاوبني وريح دلالي * معقول انت حسين الغالي شو متغير حيل * شسوّت بيك الخيل -----------
چاوينه - صدرك لبالرقه انترس
چاوينه - شو عالصدر حافر فرس
چاوينه - ورد لـ بشفاك انغرس
چاوينه - عطر لتنثره من النفس

بس اسمع ونات - چا وين الچلمات
چا وين الچلمات - بس اسمع ونات

مو من طبعك ونّك عالي - معقول انت حسين الغالي
شو متغير حيل شسوّت بيك الخيل
-------------
معقولة - الچان بالممشى ترف
معقولة - عاف المشي ويزحف زحف
معقولة - وجهك ذبل من النزف
معقولة - من الظمه لشانك يجف

متيبسات شفاك - وين المبسم ذاك
وين المبسم ذاك - متيبسات شفاك

تسأل عالماي أول تالي معقول انت حسين الغالي
شو متغير حيل شسوّت بيك الخيل
-------------
حاچيني - شگد جسمك أحجار انشمر
حاچيني - شو مندفن من الحجر
حاچيني - بگلبك رمح عندي خبر
حاچيني - شلون وطلع من الظهر

خاف اسحب بهداي وانت تصيح چلاي وانت تصيح چلاي خاف اسحب بهداي

ما متعودة تلوج گبالي معقول انت حسين الغالي شو متغير حيل شسوّت بيك الخيل
-------------
محتاره - أگعد اضمدلك ضلع
محتاره - لو أمشي أدور عن صبع
محتاره - يا كتُر منك ينرفع
محتاره - گابلتك بونه ودمع

صبعك ما موجود - وبصفك عامود
وبصفك عامود - صبعك ما موجود

بس للهم خصمك خلالي معقول انت حسين
الغالي شو متغير حيل شسوّت بيك الخيل
-------------
يا حسيني - آنا العزيزة آنا الاخت
يا حسيني - شو ترجف عليمن خفت
يا حسيني - صوب المخيم تلتفت
يا حسيني - حچيك همس مدري شگلت

تزحف وين تريد - خويه الخيم بعيد
خويه الخيم بعيد - تزحف وين تريد

هالمنظر ما چان ببالي معقول انت حسين الغالي شو متغير حيل شسوّت بيك الخيل


للشاعر المبدع حسين طالب السماوي

ياكربله... رايد الم... يجرح دمعتي الي غفت
ياكربله.. عندج خيم.. وجت بهاليها وطفت
ياكربله.وهاي الحرم.. حدر الشمس وتعذبت
حار الهوا يمر بالظعن والديره هيمه
لا في علم لا في اخو لا ذاري خيمه
وين الحرم تنطي الوجه من خيل اجتها
ركضت على اخيام الستر بس مالگتها
بيج الظعن تاه ... راح اباثر راح
وماترحم الخيل... عاثر لون طاح..... ياكربله
........
ياكربله.... ماي النهر.. بايگ اماني امن الظعن
ياكربله....ويشبع قهر..الما عنده والي ولا وطن
ياكربله...وتكسر ظهر.. طيحة كفيل اخت الحسن
خياله اجت صوب الخيم ياهو اليصدها
وام الخدر بس الصبر بيمن تردها
تلزم حرم تفكد طفل حيرتها حيره
تلزم طفل من الظعن تفگد اميره
ما ظل بعد حيل... وتلم الايتام
حيل الگلب راح.. من راحت خيام
..........
ياكربله..وزينب علي.. مابيها حيل امن العطش
ياكربله..الفگد الولي . خلصت دمع ليل اهدعش
ياكربله. دموع تهلي.وبالحومه اخوها ابلا نعش
للتل مشت دمعه وجرح والحسره بيها
صعدت على التل وبدت تومي بديها
صاحت يهل هاشم وگع سيد العشيره
راح وبقينه ابعهدته الماعنده غيره
ونتها بسكوت... ام الخدر هاي
صاحت يعطشان.. وين الگه الك ماي
.........
ياكربله. يضيع الدرب. بعين الفگد ناسه وهله
ياكربله.. بگاع الحرب.. ركضت يتمه امدلله
ياكربله. وبيها الگلب.. ون وكسر ضهر الفله
ركضت لبوها وبالدرب خيل ومطاعين
مجبوره ترجع تنجوي بنار الصواوي
خيل الحرب افجع واشد من جوي الجفوف
ترضا بجمر بنت النبي ولا شامت يشوف
ستر الله ينشاف... عگب الصواوين
مايقبل ابهاي... سر الله الحسين
..........
ياكربله.. وحر نينوى. يبس لهات اشجم طفل
ياكربله .. يمر الهوا.. بظعن النبي وما ينحمل
ياكربله.. اوگفن سوه.. خدر علي وجابو هزل
حدر الشمس يابه الفضل گعدن غريبات
ينتظرن يركبن هزل ليش الاميرات
عالدنيا يحسين العفى من جابو احبال
اختك بعد ذاك الخدر بيها الوكت مال
درة علي هاي.. واخت الميامين
شافت عذابات .. بفراگ الحسين

*ابو محمد الزبيدي*

هِجموا عالخيم
يا خوية حِرگوها -- وفرهدوها
وزينب اختك ولوها
إنهض يا شهم
ثايتك داسوها -- وما رعوها
وسكنة بسوط جلِدوها
شتِنتِظُر يبو الغيرة تِرضى روحن أسيرة
يابو فاضل دخيلك -- زينب آنا اشتكيلك
وْديعتك - آنا وديعتك
دوم بحضرتك - اختك آنا

2 \
يبو المرحمة
محتاجة رَحِمتَك -- ولنَظِرتك
يبن أبوي يغالي
بيوم المظلمة
هواي آنا نِطرتك -- شو ما شفتك
وكِثَر عنك سؤالي
تالي عالنهر مذبوح بروحتك راحَتِ الروح
يبو فاضل عفتني -- يا وسف ضيعتني
يا گمُر - حاشاک الجِفة
يا راعي الوفة - إختك آنا

3 \
تدري من رِحِت
دلالي حِرَگتْه -- وياك أخذته
وتهمي ظلت عيوني
وسفه ما رْجَعِت
وِمخيمك عِفته -- ومِن تِرَكته
آل أمية إجوني
صاحوا طِلْعي أسيرة آه يا بدر العشيرة
يبو فاضل خذوني - وعالهزل ركّبوني
ويه الحرم - رِبْطوني بحبل
يا راعي الفَضِل - إختك آنا

4 \
حين اللي طْلَعِت
مروني على جسمك - صِحِت باسمك
وابد ما جاوبتني
ولمن شاهدت
فوگ الثرى دمك -- رِدِت يمك
أوصل وما خَلوني
على الناگة نعيتك وعن بُعُد وديعتك
يبو فاضل رزيه -- وحگَّك تْعِز عليه
بْلا دفن - عفتك عالثرى
تدري بالجرة - إختك آنا

5 \ منك أعتذر
ما خلوني اشيلك - واشتكيلك
واحچي هضمِتي وهمي
صرت بلا خِدِر
يا حامي دخيلك - اندعيلك
تِرجَع وعني تِحمي
بمحنة آنا وخواتك ** گوم استُرنا بعباتك
يبو فاضل نخيتك -- وبالخدر حلّفيتك
عالنهر - نايم لا تظل
انهض يا بطل - إختك آنا

راح اگصد يا عمي بزودي
موعد بين الشاطي وجودي
يالرايد بالحسره الماي
وانه الموصوف الوفّاي

/////////////////////////////////
عباس الحارس صيوانه
لن يسمع صرخة رضعانه
وهالصوره تلوح الأجفانه
چم طفله تلوب وعطشانه

قرر ماي ماي الشاطي يگصده
ولن شاهد عبد الله بمهده
گله آنه العم الروّاي
وانه الموصوف الوفاي
////////////////////////////
أنظر دمعاتك تتجاره
وماي تفايض أنهاره
راح اطلع للشاطئ بغاره
وما أهاب الموت وأخطاره

من الحومه اكشف جيش الباطل
وياجيش اللي اگبالي ينازل
والصارم طايع يمناي
وآنه الموصوف الوفاي
//////////////////////////////
يحاچي بطفله يشوفه بلهفه
وذبلانه من اظماها الشفه
جرّد سيف الزود بچفه
والرايه المهيوبه بچتفه

وشمّ عبد الله بوجهه ونحره
وسلّم طفله الأخته الحره
وگلها افدي نحري وعيناي
وآنه الموصوف الوفاي
////////////////////////
عبد الله اللي يجذب ونّه
لچف الكافل شابح جفنه
چنه يحس بهاي المحنه
لا يسره الكافل لا يمنه

يخاطب عباس ويتحسر
خاف يغدرك جيش المنكر
گلي ابذل لحسين ادماي
وآنه الموصوف الوفاي
///////////////////////////////
بمهدك من شفتك تتلوه
بگلبي تلاهب جمر الإخوه
ما تحصل گطره وتتروه
صمامي اعله أرگبهم أنوه

راح أجهل هالشاطي بأمري
واحتل أرض الحومه بمهري
وما أشرب ما اروي احشاي
وآنه الموصوف الوفاي
............................
لشاعر اهل البيت المخلص
(رسول العلياوي).

يكافل خدري وعـــــــيوني ولي روح
إلك جرح ابـــوسط راسك ولــي روح (ولي اجروح)
رحت خويه وبعد عـــــﮔبك ولي روح
ويحرﮔون الخيم خويه عليه
*
يزودي البشـــــدد حاضرولي عين (ولي ايعين)
الحرم بعدك بچن من دم ولي عين (ولاعَـــــــن)
الك عين انطفت خــــويه ولي عين
شافت فرحت الشمات بيّه
*
يمــــــــن وفيت يوم الطف وعد لاك (وعــد إلك)
اريد احسبلك اجــــــروحي وعدلاك (واعــــدلك)
وذا عـــنك سبــــيه امشي وعدلاك (وعودالك)
ارد بجروح ديوان ال اميه
****
تمت بفضل الله وتوفيقه والحمدلله رب العالمين وصلى الله على محمدٍوال محمدوعَجل فرجهم
اللهُمَّ صلِّ على محمدٍوالِ محمدوعَجل فرجهم
حيدركريم جارالله الكربلائي
بسم الله الرحمن الرحيم
ﮔلبي الحـــــزن يامــــــه قاسَمنّه (قاسَ منـه)
وحزن فـﮔــــده ضهـــدني قاسمنه (قـاسم نه)
تعالـــــــــن يالـــفـــواطم قاسمنه (قـاســـمني)
مصابي مابـﮔـه كل حيل بيّه
*
علامه للحــــسن جـــــاسم وريــده
يـــــــفزع هَــمــــه يفديني وريـده ( وردّه )
ينحـــــز ﮔـــلبي من ينزف وريـده
أشوفه الأكبر وراح امن اديه
*

*حيدركريم جارالله*

علماه
مر بينا يحادي الظعن علماه (عالماي)
يرفرف فوگ راسه بعد علماه (عَلَمَه)
گلي شلون أمشي بدون علماه (عِلْمه)
شگل عباس من يعتب عليّه

ابوذيات في حق ابي الفضل العباس(ع)

ملك للماي واعله الگوم وسّاد

وعله التربان روس أعداه وسّاد

گمر هاشم أهو الطوفان وسّاد

وهو سور الحمه للفاطميه
--
علينه ابيوم من منعوا وراده

انتخه العباس عالعسكر وراده

جاب الماي لطفاله وراده

يروي امن الظمه اسكينه ورقيه
--
بساله من علي ماخذ وجودي

ولي راية بدر ترهب وجودي

يزينب صارمي بيدي وجودي

اوصل للنهر وأمليه ابميه

--

--

اظل تالي العمر بالنوح منهد

عله العباس صبري اعيله منهد

الصوب النهر عالعدوان منهد

سهم عينه اليصوبه وگطع بيه

--

*سيد عدنان الحمامي*

من عباس ايس ما يوصل الماي
جعل ويه الفرات اعله النهر شوره

گله ارسم حسين وبالرسم عطشان
اقلن لو متت بس شرب الصوره

#سالم الساري

بعد شهادة إخوتها خرجت عقيلة الطالبيين شابكة عشرا على رأسها:


كل حياء الناس بكفة بالميزان
وانتِ حيائك مرجِّحلك الكَفَه
لجل هذا من شِبِكْتِي بالميدان
ظلل العَبَّاس فوق راسك بكَفّه

#يا_عباس