لأمير المؤمنين صلوات الله وسلامه عليه:

كون يلزمنا حروف امن الجنان
اجديدة غير هاي حروف الباللغة
و كون بالروح القدس متأيدين
حتى سبك البيت بينا نصوّغه
كون نصبح انبياء امقربين
و الوحي اعلينا الإله ايفرغه
حتى بس بيتين نكتب بالشعر
الأول نحاول وصف ليث الوغى
و نعتذر بالثاني عن المستحيل
نگله وصفك يا علي ما نبلغه

لحگی یم احسین یا مظلومه
طبرو الکرار وتجری ادمومه


گومی من گبرچ یایمه فاطمه
شوفی حیدر یمه فایض بلدمه
حتی لمصابه تون اهل السمه
صار عندچ یمه هل معلومه


راس حیدر علی بل سیف انطبر
و دمه بل محراب یا وسفه انهدر
اشلون.یمه ینصرع فارس مضر
وانتی بمصاب الولی مصدومه


امصاب حیدر علی کسرلی الظلع
و عله امصابه گمت ابچی دم دمع
ونتی السابع سمه ضلت ترتفع
روحی یمه الحیدره مهمومه


یمه من اسمعت اشگال الطبیب
گال حیدر علی جرحه ما یطیب
گال خل ندعیله نقره امن یجیب
عله وجه الحزن شو مرسومه


یمه اصرخ یاعلی و امصابه
و عله ابویه دمعتی سچابه
اشلون انسه امصیبته و صوابه
انتی هم مثلی تره ملچومه


*الشاعر علی فلاح الواسطی*

ليلة الجرح الحزينة 😰 :

منبر حزن بأعلى سما انّصب هالمسيــــــة

يرتفع منّه صوت اهتزّ ، وينادي بعزيـــــة

الليلة انطبر بو الحسنين زوج الزكيــــــــة

بأبونا علي شسوّى الظالم ابن الشقيّـــــــة

گتْل عَلِينا(ع) ما گدر الّا غدر وخفيّــــــــة

هالليلة المنتظر حزين ودمعته سجيـــــــة

الله يعينه ، غريب ، وينتظر ثار امّه الزكية

وينتظر ثار حيدر وجدّه ل مازال عالوطية

آه .. آه.. لقلب المنتظر المجروح هالمسية

ربّنا ساعد گلبه ، وعجِّل فـْكاك الوصيـّـــــة

وصيّة من فاطم بأخذ الثار ، بعد الرزيّــــة

رزيّتها رزيّة اهل الكسا وزينب وكل البرية


#عبد_الحسين_ص
#العبرات_الحسينية

https://ⓣelegram.me/AlAbaratAlHosainiya

*★حديث اليتامى★*

گعدوا الايتام هالليله بوفاته 
واحد يسولف لواحد ذكرياته
كل حچيهم ..عن عليهم 
… 
واحد حضّن واحد مثل عين وجفن 
ما حسبوا يوم وضواهم يندفن 
يابا الحسن ما صاحوا بوكت الحزن
صاحوا وداعا سيدي يابا الحضن

چان ضنهم من تمر مخلوقه شفته
لان چانت تمّرته ترافگ ضحكته 
عن تمرته ..عن ضحكته
واحد يسولف لواحد ذكرياته
… 
واحد وگف اصبع وره اصبع يعد
يحسب عِشرته اويه الوصي چان القصد
گال التقيته بشارع وصادف برد 
ما ادري غطاني بشمس مدري بزند

حتى اذكر انه رقمي چان عشره
لان تسع ايتام گدامي اعله صدره
چان دافي… حضنه كافي 
واحد يسولف لو احد ذكرياته 
… 
ثالث طفل صاح بحزن مدري اشذكر 
گالوله ها يا ذكرى تركت بيك اثر 
گال انه جيت احضن علي انطاني الظهر
حسبته زعلان الوصي وگلبي انكسر

طلع حيدر بالحجر بطنه يشده 
خايف اعليه انجرح بالحجر حده
بهالشهامه ..اليتامه 
واحد يسولف لواحد ذكرياته 
… 
رابع طفل اعمى النظر صابه العجز 
گال انه ذكرى الظالت ابالي تحز 
نخله گبل اگصدها وابلا ما اهز 
يوگع تمر بس التمر وياه خبز

تالي بعدين اعرفت مو نخله هيه 
هذا ياناس الوگف حامي الحميه 
اليحچي قصه… وياها غصه 
واحد يسولف لواحد ذكرياته 
… 
حرمه اجت بس الدمع بيها يحد 
گالت علي معقوله راح ومايرد
جنت انه طفله ويستحي اعليه يصد 
جابالي ام بعمري بس عدها ولد

امي طفله وانه هم طفله مثلهه
حتى حيدر يمه يازينب يگلهه
الهواهم ..والحماهم 
واحد يسولف لواحد ذكرياته
… 
رادو يگومون ولچن واحد صفن 
گال انتبهتوا لو ولا واحد فطن
الجرح الوصي هالليله من جبنه لبن 
شو هو اجانه بدون ما ندفع ثمن

اظن حيدر گام والطبره اعله هامه 
وگال اساعدهم لان ذوله ايتامه 
الدامي راسه ..خله ناسه 
واحد يسولف لواحد ذكرياته

*الشاعر المبدع حسين طالب السماوي*

https://youtu.be/YtxuB-1bKTk

خاص وحصرياً مجموعة
العبرات الحسينية / واتس اب وتلغرام:
القصيدة الليلة للحاج ملا باسم الكربلائي في حسينية المرحوم داوود العاشور:

*في الأمسِ أُمِرَ إبليس أَنْ يسجد لنور عليٍّ (ع) المشرقِ في جبينِ آدم...أبى الشيطانُ ذلك..فطُردَ رجيما!*
*اليوم جاء يثأرُ من عليٍّ (ع) في سجودِه..*

*★إبليسُ يثأرْ★*


يَا لَلْقَضَا إبليسُ يثأرْ
فالمُرتضَى بالسَّيْفِ يُطْبَرْ

مُلْجَمِياً شاهِراً سَيفَ الجُحُودِ
قَالَ كلاَّ ثمَّ كلاَّ للسُّجودِ

١/شُعَاعُ المُرتضى فِي ذَلِكَ العالَمْ
زَهَا في آدَمٍ كالدُّرِّ في الخاتَمْ
له اسْجُدْ أَيْ : فَكُنْ سِلْماً لِمَنْ سَالَمْ
وكنْ خَصْماً لِمنْ في حبِّهِ خاصَمْ
أيَا إبليسُ دِينِي دونَهُ مَا تمْ
ولَولا حيْدرٌ لا لمْ يَكُنْ آدَمْ!!

نورُ الوَلِي ما بَيْنَ عينيْهْ
هَذا عَلِي فَانزِلْ لِرِجْلَيْهْ

مَارجُ النارِ عصَى رَبَّ الوجودِ
قَالَ كلا ثمَّ كلاَّ للسجودِ

٢/هَوَى إبليسُ مِنْ دَارِ العلى يُرجمْ
ليسْعَى باحَثَاً عَنْ ثأْرِهُ الأقْدمْ
إلى أن جَاءَ بَابَ المسْجدِ الأعْظَمْ
ونَادى خُذْ بذاكَ الثَّأرِ يَا مُلْجَمْ
مِنَ الجِبْتينِ هَذا السَّيْفُ..فلتعلمْ
وإنِّي مِنهُما أحضَرْتُ هَذا السَّمْ

مُذْ وسْوساا في أُذْنِ إبليسْ
قدْ أسّساا مكْرَ الأباليسْ

عَاهَدَاهُ وَهْوَ وَفَّى بِالعُهُودِ
قَالَ كلا ثمَّ كلاَّ للسجودِ

٣/دَنا الشَّيطانُ منْهُ عِندما كبَّرْ
فقطْ! حالَ الصَّلاةِ المُرتضى يُطْبَرْ!
وقالَ السَّيْفُ لمَّا شَاهَدَ القسْوَرْ:
"أنا أخشى برأْسِ اللَّيــثِ أن أُشْطَرْ"
أعَانَتْهُ شياطينٌ بِهَا استَنْصرْ
وتَدْري قدْ يَفرُّ الَموْتُ مِنْ حيْدَرْ..

في الزَّمٍْجَرهْ ألسَّيفُ يُعْلِــنْ
ذا حَيْـــدَرَهْ قدْ جَنَّنَ الجِنْ*

قَبْلَ ثَأْرِ الجِــنِّ ثـــأْرٌ لِلْيهودِ
قَالَ كَلَّا ثُمَّ كلاَّ لِلسُّجودِ

*ورد أنَّهُ عليه السلام قتل الجنَّ عدة مرات أشهرها في طريقه الى غزوة بني المصطلق.

٤/هُوَ الصدِّيقُ والتصديقُ والصَّادقْ
كذا الفاروقُ تَلْقَى حُبَّهُ الفارِقْ
فحَقٌّ إِنْ بكاهُ دمعُنا الدَّافِقْ
كعَيْنِ "القدرِ" تُجْري جَمْرَها الحَارِقْ
تُواسِيها بِشُهْبٍ سُورَةُ "الطارقْ":
كتابُ اللهِ ينْعَى نَفْسَهُ الناطِقْ!!

لمَّا انفلقْ سَالتْ مِنَ الرَّاسْ
آيُ "الفَلقْ" مَعْ "سورةِ الناسْ"

يستعيذُ الذِّكْرُ مِنْ شَرِّ الحَسُودِ
قَالَ كلا ثمَّ كلاَّ للسجودِ

٥/لهُ الزَّهراءُ أضْحتْ تجذبُ الأنَّهْ
ولِلْأملاكِ في عَلْيائِها رنَّهْ
ترَى صُبْحاً كأنَّ اللَّيلَ قدْ جَنَّهْ
نعَى لِلْكونِ نجْمَ الإنْسِ والجِنَّهْ
عليٌّ جوْشَنُ الإسْلامِ والجُنَّهْ(الدرع)
بكتْ حُزناً عليْهِ النَّارُ والجَنَّهْ

نَوْحٌ علا مِنْ "قُلْ هُوَ اللهْ"
يَبْكي عَلَى "مَنْ كنتُ مولاهْ"

قابَلتْهُ صرخةُ الرِّجسِ الحَقودِ
قَالَ كـًلاَّ ثمَّ كلاَّ للسجودِ

٦/ومَا قدْ زادَ في شَيْطَانِهم بِشْرا :
عَوِيلُ الأنبيا للآيةِ الكبرى
وجاءَ "الخِضْرُ" يَهْمي أدْمُعاً حُمْرا
عَلى مَنْ لمْ يُحِط في فضْلِهِ عُشْرااا
يُنادي أيْنَ مُوسَى كيْ يرَى الكَسْرا
أَنَا "الخِضْرُ" الذي لمْ يسْتطِعْ صَبْرا!!

هذا الخِضِرْ...يُبدي انكسارهْ
كالمُحتَضِرْ...يتلو الزِّيارهْ

شامِتَاً إبْلِيسُ نَادى بالحشودِ
قَالَ كلاَّ ثمَّ كلاَّ للسجودِ

٧/عَدُوُّ(السُّنْبُلاتِ السَّبْعِ) لمْ يَأْبَهْ
بِأَمْرِ اللهِ بُغْضَاً مِنْهُ للْـ(حَبَّهْ)*! (الزَّهراء ع)
وأمْلاكُ السَّمَا كَمْ أحْرقَتْ قَلْبَهْ
رآها سُجّداً تهوي على (تُرْبَهْ)!
أيَا إبليسُ قُمْ وانظرْ إلى القُبَّهْ
فهذي كربلاءٌ كعبَةُ الكعْبَهْ!!

بيْتُ السَّما يَسْعى إلى الطَّفْ
كيْ يَلْثِما لَوْ (مَرْقَدَ الكَفْ)!!

عَلِمَ الطاغوتُ ذي أرْضَ الخلودِ
قَالَ كلاَّ ثُمَّ كلاَّ للسجودِ

٨/وظلَّتْ نارُ إبْليسٍ بهِ جمْرا
لِيومٍ جاءَ فيهِ يُشْــبِهُ الشِّــمرا
بِكَعْبِ الرُّمحِ أدمى جبْهَةَ الحورا!!
وباتَتْ عيْنُها من سَوْطِهِ حَمْرَا
دعَاهُمْ أحرِقُوها..أحْرِقُوا الخِدْرا
لأَشْفِي مِنْ عليِّ المُرتَضَى صَدْرا

ذاكَ الأسدْ كمْ فَلَّ كـفّارْ؟!
نَفْسَ العَدَدْ في مَتْنِها صارْ

ويَزيدٌ مُذْ رآهَا بالقُيُودِ
قَالَ كلاَّ ثُمَّ كلاَّ للسجودِ

*الشاعر علي عسيلي العاملي*
------------
*العبرات الحسينية: التلغرام*
أشعار ـ رثاء ـ مدائح ـ عزاء ـ قصائد في النبي ص واهل بيته ع المكتوبة فقط لا غير
https://ⓣelegram.me/AlAbaratAlHosainiya
-----------
https://telegram.me/AliOsailyAmily

بيها واسيت...جسمك الينزف باراضي الغاضرية
بوية يا ريت...بجسمي كانت ذيك الألف و تسِعْمية

الحمد لله و أشكره لطبرتي

1/ما ردت يبني تهل اقبالي عين
من طبرتي دمعك اصعب يا حسين
هية وحدة و جسمي سالم و الجبين
و انته بارض الطف ذبيح من الوتين

ريتني اوياك...ابذل المهجة و اقاتل آل امية
تسلم دماك...و دم رقبتي دونك اتصيرن جرية

ما نصرتك هذي زادت لوعتي
الحمد لله و أشكره لطبرتي

2/انته لا تبكي أنا ابكيك بألم
ظهري سالم ما وقع يبني العلم
ماني يوليدي امتحن باهل و حرم
و ماكو نار خلافي تلهب بالخيم

ماكو اي تل...تصعده اختي اتنادي يردوني سبية
جسمي ما ظل...تلفعه الشمس و توسد عالوطية

وية جثتك ريت لفعت جثّتي
الحمد لله و أشكره لطبرتي

3/بالي ماهو بطبرتي و دم الجرى
بالي بس ابجسمك الفوق الثرى
تدير عينك و المخيم تنظره
خايف امن الخيمة لو تطلع مرة

تدير العيون...تفكر بنسوانك و جثتك رمية
تفكر اشلون...راح تركض بالفلا سكنة و رقية

ركضة ابناتك تمزق مهجتي
الحمد لله و أشكره لطبرتي

4/جرحي لو آلمني عن جرحك شگول
خله دمك عالترب مثل السيول
جروح البجسمك تقلبها الخيول
عشرة اخيول اعلى صدرك جت تجول

بس تمنيت...جسمي وي جسمك تركله الأعوجية
يبني و ادعيت...حافر الخيل انتقاسمهم سوية

هم مثل طحنة ضلوعك طحنتي
الحمد لله و أشكره لطبرتي

خاص وحصرياً مجموعة
العبرات الحسينية / واتس اب وتلغرام:
قصيدة هذه الليلة للملا الحاج باسم الكربلائي في حسينية المرحوم الحاج داوود العاشور:

*★لَـتِـتـأخّر عـليّـه★*

يِعود الله ليالينه إذا باچر تِلاگينه
الوعد يوم المنيّه
لَـتِـتـأخّر عـليّـه
................

١
بالسلام اِعليك أبدي اْو رحمة الله ياعلي
اِشتاگِتك فاطمه اْو تِسأل إنته مو مشتاگ اِلي؟
ماأعاتِب وَادري إنته اِبجرح راسك مِبتِلي
لچن كافي الفرگه طالت لا تِگلّي اِتحَمِّلي
يوم لو تتأخّر اَكثر أَطلُب الرب العلي
آنه ارد للدنيا لجلك علي ياجَنّة هَلي

صعُب شوگي وَلا اْتحمّل كسُر ضلعي عَلَيّ أسهل
واذا مِشتاگ اِليّـه
لَـتِـتـأخّر عـليّـه
................

٢
أنا الـمُضطره ابمُصابك وَاندعي اِبأمّن يُجيب
جرحك اشلونه يحيدر گِلّي واشگال الطبيب
بين نارين اجعلتني اْو مَدري بالأكثر لهيب
هم اريدك لَيّه ترجع هم اريدنّك تطيب
عندي حَلْ وَادري يعجبك يالصرت عگبي غريب
ابشوفة الأحباب يشفه اْو يلتِئِم جرح الحبيب

فقط بَسمه مِن الزهره اْو بعد ماكو أثَر طبره
دواك اَصبح بديّه
لَـتِـتـأخّر عـليّـه
................

٣
عفتك اْو لا شَعره بيضه اِفراگي شنهو اِمسَوّي بيك
إرجع اْو يرجَع شبابك وِانفُض اهمومك بِديك
مثِل ضلعي الطبره تِشفه اْو بالدَليل آنه أجيك
خدّي ذاكه الچنت اَسِترَه بعد ماسِترَه عليك
ابعين وحده چنت اَشوفك من أصد بعيوني ليك
باچر اِبثنتين اَشوفك خَل تِگُر مِن ألتِگيك

أتانيها مِن الفرگه تِجي اللّحظه اليِصِح مَلگه
اْو علي اْو فاطم سويّه
لَـتِـتـأخّر عـليّـه
................

٤
أَمِـس ماتدري اِشوَضِعنه وانته ساجد للجليل
مو علىٰ بَعضه مُحمّد والسمه اِصياح اْو عَويل
اِنهدمت اركان الهدايه ابحين ناده جبرَئيل
الينظُر الهادي يِظنّه هُوّه مو إنته القتيل
اْو ألله لَيراويك حالي مِن شفِت دمّك يِسيل
لا أموتن موت ثاني اِدخيل ياحامي الدِخيل

وَانا لو ما إلي خاطِر نَبيّـك لا يِظَل حاير
يِگلّك رحمه بيّه
لَـتِـتـأخّر عـليّـه
................

٥
آنه أَسأل وانته إِسأل نِحچي وِانرِد الجواب
حسن واحسين اِشخَبرهُم عگبي بِسنين الغياب
اِنچان تِسألني اعله مِحسن كُبَر مِحسن صار شاب
اِيگلّي ياريت الـمُرادي ابسيفي راويته العذاب
اِسمَعته يدعي ياإلاهي لو دُعائي مُستجاب
إلعَن اللي طُبَر حيدر والدِفَع عالزهره باب

يَبوالـمِحسِن ترا اوليدك مِن العَصره واهو ايريدك
حِچه ابدمعه جريّه
لَـتِـتـأخّر عـليّـه
................

٦
گبُل مَـتـوَدِّع بنينـك مِنهُم اُطلُب يالأمير
ينصرون احسين بالطف يوم مايلگه نصير
ذوله مَن چَنهم كواكب أربع اقمار اْو تِنير
ياعلي صح اختيارك أُمهُم اِبلايه نَظير
بُقه آخر طلب عندي إخِذ چف ذاكه الچِببر
ابچفّه خل چف العقيله اْو كافل اِلزينب يصير

أَنا اِلزينب رِدِت كافِل اْو يلوگ اِلها أبو فاضِل
اْو عگُب هاي الوصيّه
لَـتِـتـأخّر عـليّـه
................

٧
ابرَجعتك يبدأ شَمِلنه يلتَمْ اْو هذا وعد
باچر انته الحسن تالي اِيجينه لو چبده اِنمُرد
نجتمع بيت الرساله أربعه اْو ناقص عدد
اِنروح يم احسين كلنا ابكربلا انشوفه انفُرَد
دامي والشمر اِعتناله اْو عالصدُر ثنّه اْو گِعَد
وَاغمُض اعيوني وَالاگي الراس مو يم الجَسَد

الشمِر يضحك عگُب ذَبحه اِبوجه زينب يِهِز رُمحه
اْو تناديك السِبيّه
لَـتِـتـأخّر عـليّـه
................
*الشاعر علي السقاي*
------------
*العبرات الحسينية: التلغرام*
أشعار ـ رثاء ـ مدائح ـ عزاء ـ قصائد في النبي ص واهل بيته ع المكتوبة فقط لا غير
https://telegram.me/AlAbaratAlHosainiya
-----------

خاص وحصرياً مجموعة
العبرات الحسينية / واتس اب وتلغرام:
قصيدة المقدمة هذه الليلة للملا الحاج باسم الكربلائي:

*★إشرَبِ الماءَ يحيدر گبل لا دمّك يُباح!★*

في العتبات العاليات ، يرتفع صوت المؤذّن قبل الإمساك منادياً :
*إشرَبِ الماءَ و عجّل قبْـلَ أن يأتي الصبَّاحْ*
*إشرب الماءَ هنيئاً إنّه ماءٌ مباحْ*
لكن مؤذّن السماء ليلة الـ١٩ من شهر رمضان سنة ٤٠ هـ في مسجد الكوفة نادىٰ بنداءٍ مختلف فقال :

إشرَبِ الماءَ و عجّل قبْـلَ أن يأتي الصبَّاحْ
إشرَبِ الماءَ يحيدر گبل لا دمّك يُباح !
_
إشرب الماءَ يحيدر و ارتوي ابچاس الجَلَدْ
هذا يوم الواعدك بيهْ النّبي اْو حان الوعَد
إشربِ الماءَ اْو يجوز الماي مَـتْـشِـرْبـه بَعد
صوت من السمّه ناده و ارتفع منّه الصيّاحْ
___
إشرب الماءَ يحيدر و اخلط الماي ابدمِع
يبو احسين او بعد ساعه گلب زينب ينفجِع
بعد ساعه ايصيح جبريل او نداءه يرتفِع
ايعظّم الله اجْرِچ يزينب عودچ ابمحرابه طاحْ
___
إشرب الماءَ هنيئاً ألله للجنّه دَعاك
إشرب الماء او دخلّي السيف يشرب من دماك
الموت لو زلْـمه يگابل ما يجيلك من گفاك !
ابشهر ألله ابّيت ألله اوْ حُرمة الله تُستباحْ

____
إشرب الماء المباح ابعجَل يا عقْد الوله
گبل لا سيف إبن ملجم يطْبُرك بالنافلة
لو صحت الله أكبر يوگع اعلينه البَله
إحنه بالحسره نعيش اْو إنته باچر تستراحْ

_____
إشرب الماءَ و عجّل يا أمير المؤمنين
گبل لا كاس العذِب يتلطَّخ ابدمِّ الجبين
هذا أشقه الآخرين الـ يتبَع اشقىٰ الأوَّلين
عاقر الناقه تشوفه اِردود سيفه ابچفّه لاحْ

___
إشرب الماءَ او تذكّر من يظل إبنك وحيد
و اذرف ادموعك گبل موتك اعله امصاب الشّهيد
لو لزمت الماي بيدك إشرب اْو إلعن يزيد
الخلّه جسْم اِبنك صريع او راسه عالي اعله الرّماح

_____

*الشاعر ميرزا عادل أشكناني*
١٠ / ٦ / ٢٠١٨ م
النجف الأشرف
------------
*العبرات الحسينية: التلغرام*
أشعار ـ رثاء ـ مدائح ـ عزاء ـ قصائد في النبي ص واهل بيته ع المكتوبة فقط لا غير
https://telegram.me/AlAbaratAlHosainiya
-----------

الشاعر اسماعيل السماوي

يحيدر يابو اليمة انولينا
يحيدر فقدك يصعب علينا

1/دارك صارت يحيدر
وحشة وظلمة وخلية
وأمسوا بيها يتامى
الحسن وحسين أخية
وزينب وحيدة تنحب
دوم بدمعة جرية
"وعباس ابو-فاضل غدة- يلطم على- صدرة -ويبكي على ابية"
يحيدر ما تسمع هاليتامه
يحيدر الليل أبدا ماتنامه
يحيدر للكون إنت نظامه

2/ الكوفة مسجدها خالي
ما نسمع بيه دعاءك
ولمحرابك يوالي
رويته بدم إباءك
وهم ما نسمع أذانك
يالما ندرك وفاءك
"شلون الترب- ضمك يبو - تراب بكفن- وإنت للعالم حياتة"
يحيدر ياقبر إنت يضمك
يحيدر والدنيا ما تلمك
يحيدر ريت اوصلك واشمك

3/ساجد وانت بسجودك
سجدت كل العوالم
يا حارسنا بوجودك
راسك يا ليتة سالم
يابو الجود على جودك
تربينا وإنت عالم
"ياحيدر- وكفك غدت -كف الإله-وسفة -حرمونا منها"
يحيدر ننصب بهالليلة عزاك
يحيدر يالمخضوب بفيض دماك
يحيدر نبكي ومانمل بكاك

4/اسمح لي يا إمامي
أوصف حال اليتامة
زينب تعزي عباس
بو الغيرة والشهامة
وحسين بقلبة نارة
يهدي الوالد سلامة
"والمجتبى -يصيح بألم -لفقدك يبوية الكون جلجل ظلامة"
يحيدر سلم لينا على أمنا
يحيدر قلها راح اليلمنا
يحيدر لاجلك زايد ألمنا

5/زينب صاحت يبوية
عقبك من لليتامى
منهو اليعطف عليها
من يرحم هالأيامى
ولو ناشدوني عنك
يمتى يعود بسلامة
"شنهو أجاوبها يبوالغيرة وشقلها ما يرد قبل القيامة"
يحيدر وسفة حرمونا منك
يحيدر شقد ونينا على ونك
يحيدر تنهض سالم عسنك


#العبرات_الحسينية
https://ⓣelegram.me/AlAbaratAlHosainiya

ليش يازينب تغير هالوضــــــــــــــع

ليش دم ايسيل من عينچ دمــــــــع

گالت اتجدد علی کسر الظلـــــــــــع

من شفت والینه طبرو هامتــــــــــه

اه صاحت زينب وصرخت يبــــوي

اه هاي الدنيه لفراگک تمــــــــــــوي

اجت صاحت للحسن انهض يخوي

والدی امن الجرح یبست مهچتــه

أروي هالليله روايه و ادري جوهرها عجيب
عن ثلثميّة يتيم اجتمعوْا ابونّه او نحيب
سِمعوْا ابجْرح الأمير او شخّص الحاله الطبيب
بالحليب ايجوز يشفه او يمكن اصوابه يطيب
الهالسبب كلمن تعنّى او بيد چاس امن الحليب
و لعلي الآيه الشريفه تنقري { أمَّـنْ يُجِـيبْ }

يا حـيّ او يا قيّوم .. إشفي حيدر اليوم

لو عالأقـل
خلّه يظل
و ايتمّم صيامه !

_____

إفتح اعيونك علينا او خلّه يرتاح الضمير
و اجبر ابْطلّة جبينك بينا هالگلب الكسير
إطلع اتفگّد وضعنا يا مُـجيـر المُستـجـيـر
و ارجع او ضيّگ لثامك , و اترس اچفوف الفقير
يا أبو الأمّه او شهدلك بيها هادينا البشير
او لو تموت الليله يعني كلنا أيتامك نصير

عن هالدنيا راحل .. يا كهــف الأرامل

عگبك بعد
من بالشدد
ترجعله الأيامــه ؟
__________

و الحسن لمّن سمعهم صب مدامع عبرته
ينظر ابعين العقيله و العقيله نظرِته
اتحزّم ابثوب العزا او برْگبته لفّ اعمامته
او لليتامه گام يشرح عن أبوه او حالته
گال ما أخفي عليكم ... و اختنگ من چلمته
طبرة الطاغي أبأبوكم وصّلت نُص جبْهته


گال او صوته مبحوح .. باچر حيدر ايروح

اشينفـــع دوه
للــي نـــوه
يرحل للقيــامـــه ؟

__________



من شفت حال اليتامه او منها يتعالى الونين
هامت الروح ابفكرها او ذكْرَت ايتام الحُسين
هذه كوفه , او ذيچ كوفه , و الفرق بين الثنين
اهنانه تتلگه العطف و اهناك مچتوفه الإدين
اهنانه بس سِمعوْا خبر عن جرْج امير المؤمنين
او هناك شافوْا راس ابوهم و الحجر صكّ الجبين

او من صكّوْا جبينه .. التفتت له اسَـكينه

او صاحت وسف
دمّــك نزف
يا حلو الجهامه

_____


آهـ يالكوفه او خبرها الخلّه مدمعنا ذروف
او ما أبالغ لو أگول الكوفه أقسه امن الطفوف
ريتك اتظل يا ولينه او تحظر ابعينك تشوف
زينب اللي دلّلتها ابديرة الشامـت تطوف
دخْلت الكوفه يسيره واهيه عالناگه العَجوف
و الأعادي استقبلوها بالغنا او ضرْب الدُفـوف

و الشامت يجيها .. و ايأشّــر عليها

سبها او شتم
او مثل السهم
صار الها كلامه



#العبرات_الحسينية
https://ⓣelegram.me/AlAbaratAlHosainiya

طش الخبـر بالكوفـه يگـول الطبيـب
يشفي ضربت الْمرادي شُرب الحليب

ركضت ويه اليركضون وصُـوَر گبالي
هذا يصـيح يـا بويـه وهذا يـا الغالي
وهذا يا ضـيعتي آه وضـيعت عيالي
وهذا يصــرخ بالدعــاء أمَّــن يجيـب

طفل شــفته يگوم يطيح تايه إجالي
يگول متعود انام على حَدْيَت الوالي
آكل دلونـي شــلون واشــرب لحــالي
وشـلون من بعد الكـرار أبطل نحيب

مريت صدفه بعجوز والتعب بعيونه
يگول عسى مو صـدق اللي يگولونه
أنا أتعكـز عَكِتفــه وشــلون من دونه
اقدر امشي والســند شــيبه خضيب

حرمه عاينتها تمشي وايتامها صغار
تگول عسى بعيد البلى عنك يا كرار
منه يحني على ايتامي ويـوقد النار
ومنه يلعـب ويـاهم إذا انـت التغيب

بس هدنـي منظر بنَيَّه واگفـه حزينه
ما تدري تروح لو ترد وعليها سَـكينه
يمها طايـح اللبن ومكسـوره ورهينه
وتگول منين اجبلك دوا اه يالحبيب

آخِــر منظر شِــفْته تَرَك بگليبي ألــم
واحد ضــرير يمشــي ويــحمل علم
يگول كان لعيوني النظـر وكان بقلم
يرسـم الصور گبالي لخاطري يطيب


#يا_علي 💔
#عبد_الزهراء

#العبرات_الحسينية
https://%E2%93%A3elegram.me/AlAbaratAlHosainiya

منهو مثلي حرمه عاداها الدهر
وغيمت دنياها بالهم والقهر
*****
شلون بيه وزينب انه مدلله
براية العباس جنت مضلله
تالي اضل بلا ولي بطل كربله
والنشامه كله عالغبره وذر
*****
مانه جنت مخدرت كومي وهلي
وجان حيدر هو عودي وكافلي
وحته من طبروه كلي ادللي
عن يمينج شمس واليسره كمر
*****
وكله للعباس يا راعي الشيم
تدري بملاك السمه لختك خدم
هالك سيفي وانته شيال العلم
وزينب بيمناك يا راعي الفخر
*****
صار جافل خدري راعي الغانمه
وراسي بوجوده وصل سابع سمه
نشمي عباس وكلف بالموزمه
وسيفه كله تصيحله الموت الحمر
*****
تالي مدري شصار بالدنيه وجره
لن ابو فاضل طريح اعلى الثره
من وكع صرت انته موش مخدره
وخدري بالرايه نطوه يم النهر
*****
وبس وكع عباس يم المشرعه
لن ابو اليمه المواضي تكطعه
وفجع كلب امي الزجيه بمصرعه
اووالدي الكرار دلاله انفطر


*للشاعر الشيخ زمان الحسناوي*

خاص وحصرياً مجموعة
العبرات الحسينية / واتس اب وتلغرام:
قصيدة المقدمة لهذه الليلة للملا الحاج باسم الكربلائي في حسينية المرحوم الحاج داوود العاشور

*★أَبِي مَاتْ★*

أَبِي مَاتْ والسَّبْيُ شَاهِدْ
وَصَيْحَاتْ أَحْنَتْ مَسَاجِدْ
ـــــــــ
إِلَهِي وَحْدَهُ يَدْرِي
بِنَارٍ أَشْعَلَتْ صَدْرِي
أَنَا الحْوَرا ابْنَةُ الخِدْرِ
وَبِنْتُ الضِّلْعِ والكَسْرِ
أَبِي قَدْ مَاتَ أَمْ صَبْرِي ؟
بِغَدْرٍ لَيْلَةَ القَدْرِ

بِحَسْرَاتْ إذْ كَانْ سَاجِدْ
وَصَيْحَاتْ أَحْنَتْ مَسَاجِدْ
ـــــــــ

زَوَايَا الدَّارِ كَالشَّوْكِ
وَتُدْمِينِي إذَا أَبْكِي
كَأنَّ الدهْرَ لِي يَحْكِي:
أَنَا البَلْوَى انْظُرِي فَتْكِي
أُجَنِّدُ عُصْبةَ الشِّرْكِ
انْتِقَامًا أَسْوَدًا مِنْكِ

عَذَاباَتْ وَالدَّهْرُ قَاصِدْ
وَصَيْحَاتْ أَحْنَتْ مَسَاجِدْ
ـــــــــ
 
أَنَا يَا وَالِدِي زَيْنَبْ
غَرِيبٌ أَمْ أَنَا أَغْرَبْ
كِلَانَا بِالأَسَى نُصْلَبْ
بِسَيْفٍ وَاحِدٍ نُضْرَبْ
دَمًا تُجْرِي أَنَا أُسْلَبْ
وَلَكِنْ فَقْدُكَ الأَقْرَبْ

مُصِيبَاتْ وَالجُرْحُ وَاحِدْ
وَصَيْحَاتْ أَحْنَتْ مَسَاجِدْ
ـــــــــ
 
أنا الحوراءُ يا حَيْدَرْ
حَبِيبَتُكَ التي تُقْهَرْ
أُنا مُذْ عَصْرةِ الكَوْثَرْ
تُرَى كَمْ مَرَّةً أُعْصَرْ ؟
تَرَانِي لَيْلَةً أُكْسَرْ
وَأُخْرَى مَدْمَعِي أَحْمَرْ

وَدَاعَاتْ وَالصَّبْرُ بَائِدْ
وَصَيْحَاتْ أَحْنَتْ مَسَاجِدْ
ـــــــــ
 
أبٌ والبِنْتُ مَا الوَصْفُ ؟!
كَعَرْشٍ بِالسَّمَا يَطْفُو
إذا أحْلاَمُهَا صَفُّ
يُحَقِّقُهَا وَلاَ يَجْفُو
وَمَا أَرْجُوهُ أَن يَصْفُو
أَبٌ في حِجْرِهِ أَغْفُو

أَ وَرْدَاتْ مِنْ غَيْرِ وَالِدْ
وَصَيْحَاتْ أَحْنَتْ مَسَاجِدْ
ـــــــــ
 
سَمِعْتُ الصَّرْخَةَ العُظْمَى:
هَوَى رُكْنُ الهُدَى اليَوْمَا
رَكَضْتُ لِأَجْمَعَ الهَمَّا
فَأَهْوِي مِثْلَمَا أَعْمَى
أَبِي مِنْ فَرْضِهِ يُرْمَى
فَوَاحُزْنًا وَوَايُتْمَا

صَلَوَاتْ مِنْ دُونِ قَائِدْ
وَصَيْحَاتْ أَحْنَتْ مَسَاجِدْ
ـــــــــ
 
عَلَيْكَ دَمًا بَكَتْ عَيني
وَتَبْقَى دَمْعَتِي دَيْنِي
فَقَدْ دَارَتْ رَحَى البَيْنِ
بِقَلْبٍ مُتْخَمِ الرَّيْنِ
أتى فِي شَرِّ كَفَّيْنِ
وَشَقَّ الرَأْسَ نِصْفَيْنِ

وَطَعْنَاتْ مِنْ كَفِّ حَاقِدْ
وَصَيْحَاتْ أَحْنَتْ مَسَاجِدْ
ـــــــــ
 

مِنَ المِحْرَابِ لِلْبَيْتِ
وَرَأُسُكَ بالدما يُفْتِي
وَمَحْمُولًا لَنَا تَأْتِي
عَلَى الأكْتَافِ كَالمَيْتِ
تُكَلِّمُنِي بِلا صَوْتِ
أَلاَ صَبْرًا أَيَا بِنْتِي

إِشَارَاتْ تَحْكِي المَقَاصِدْ
وَصَيْحَاتْ أَحْنَتْ مَسَاجِدْ
ـــــــــ
*الشاعر الموفق لؤي حبيب الهلال*
------------
*العبرات الحسينية: التلغرام*
أشعار ـ رثاء ـ مدائح ـ عزاء ـ قصائد في النبي ص واهل بيته ع المكتوبة فقط لا غير
https://telegram.me/AlAbaratAlHosainiya
-----------

دخيلك لا تسافر يا علي



دخيلك لا تسافر يا علي

آنا لو عفتك تسافر من يظل بخيامي...كربله و دنياي ضدي حاربتني أيامي
يا علي بقاع المصايب تنذبح أحلامي...و الحرب دارات رحاها و انت جبدك ضامي
دخيلك يا أعز ناسي و هلي...دخيلك لا تسافر يا علي

انت كل اسنين عمري و تاج راسي العالي...يالأعز من روحي روحك يا حبيبي الغالي
من تموت اوياك يبني تندفن آمالي...و الله لو رحت و عفتني الصخر يبجي الحالي
دخيلك من يباري المحملي...دخيلك لا تسافر يا علي

ليلي بعدك ما أنامه لا تغمض عيني...للقلب هالليلة أضمك يا علي خليني
باجر ابيا عين أشوفك لو لطمت اجبيني...من أدورك بالضحايه محد ايدليني
دخيلك و آنا حرمة ابلا ولي...دخيلك لا تسافر يا علي

تدري بالطف و عذابه عندك انت اعلومه...أمك من العذب تبقه يا علي محرومة
باجر ابيا حال زينب من تفر للحومة...يلتف السوط ابمتنها بت علي المهضومه
دخيلك صوت زينب يعتلي...دخيلك لا تسافر يا علي

عمك العباس بالطف تنقطع جفينه...ما تظل بعيونه دمعة من اشوف اسكينه
اتصيح وينك يا بو فاضل ماي جودك وينه...و الخيام الفارقتها أحرقوها اعلينه
دخيلك يا حبيبي و كافلي...دخيلك لا تسافر يا علي


الشاعر علي الخفاجي

ما دريت الشوگ ثگله يالرضا بهذا الكثر
لحد ما طال فراگ گبرك و الزيارة انتظر

سيدي و كل شي يزاحم ماني احمل شي بعد
لا امملية عيوني فرحة لا مناصب لا ولد
و الحِضَن مرة ضريحك دونه ما يرضى ابد
عمري عالشباچ عندك گعدة وحدة لو يمر

سيدي العتبة بمقامك چنها عتبة للجنان
من اخلّي الخد عليها اشعر بحالة أمان
(هاذي عتبه لو يمينك) سيدي تطفح حنان
عتبتك كلّش انيسة، روحي اعليها تقرّ

سيدي ما ندري هذا ليك مرقد لو حضن
من نحضنه ما نميّز (نحضنه لو ننحضن)
و ايد تِطلع من ضريحك تمسح دموع الجفن
انته ما ترضاها ضيفك دمعه عالخدّ ينهمر

عندك اذراع الچبيرة التشبگ اكثر من فرد
اتضمّ التعنوك كلهم ما تميّز ما تعدّ
ضمّتك حنية بيها (ضمّة الأم للوِلد)
اشرايد الحصّله ضمّة من بعدها اشيفتقر !!

سيدي اتنفّس عليّه حتى عيشن بالولاء
يابو انفاس الحزينة عاللي صار بكربلاء
اكتسب منك مآسي و تصبح دموعي دماء
و بحزن قلبي اعيشن ثار أهلك و انتظر

📝 *احمد علي الدر* 📝

*العبرات الحسينية*

https://ⓣelegram.me/AlAbaratAlHosainiya

خاص وحصرياً مجموعة
العبرات الحسينية / واتس اب وتلغرام:
القصيدة اﻷخيرة النزلة للملا الحاج باسم الكربلائي هذه الليلة في حسينية المرحوم الحاج داوود العاشور:

*★يمهيوب بلحروب★*

يمهيوب .. بِلحِروب .. حِچٓت اَمجادك
ولشهود .. إلك زود .. فِعِل اُولادك
****

من يمُر طاري الحرُب .. غيركم لا ما يطُب .. يكرار
بني هاشم تِنْغُلُب .. هذا لا كلّش صعُب .. يكرار
لو وگفتو بأي درُب .. عيب ينبض كل گلُب .. يكرار

اليصد ليك .. من ايجيك .. تقاتل رادك
يِصب خوف .. لَوَ ايشوف .. فِعِل اُولادك
****

يا علي هِنّه شكثر .. والله يحتار الفكر .. على الصار
تمشي دومك منتصر .. اُحد خل تسأل بدر .. على الصار
انته بس دگ الصدر .. كل الگبالك تفر .. على الصار

يمولاي .. يَلِهواي .. چثيره اَعدادك
صناديد .. اذا اتريد .. فِعِل اُولادك
****

خل نمُر يم الجمل .. والحسن بيها اشعمل .. غٓضٓب ثار
برُمْحه عالعسكر نِزٓل .. سوّه بالحومه خلل .. غٓضٓب ثار
ذيچه صاحت بالوجل .. شردو هذا ابن الفحل .. غٓضٓب ثار

الحسن جاك .. ترى هناك .. يريد إسعادك
يناديك .. يراويك .. فِعِل اُولادك
****

حْسينك بصِفّين إله .. عَزِم لـمّن يشعله .. يشب نار
والرمح حين اعتله .. شاف مصحف شايله .. يشب نار
يذبح بلا بسمله .. گال امهّد كربله .. يشب نار

بلطفوف .. تجي اسيوف .. تريد احفادك
ترى اهنا .. صرخ لا .. فِعِل اُولادك
****

سوّه عباسك ترى .. نهروانك مجزره .. بالاشفار
واگف اعله الگنطره .. والزلم ما تعبره .. بالاشفار
هالشبل من حيدره .. حُفَر إلهم مگبره .. بالاشفار

على اعداه .. اللي سوّاه .. لشبابك عادك
يگر عين .. يبو حسين .. فِعِل اُولادك
****

يوم عِلْگت نينوى .. اتخيّلِت كِلْكم سوه .. والانصار
يختنگ حگه الهوه .. لهاشم ايرف اللوه .. والانصار
چان ما يِلْحگ دوه .. لَوَن عباس ارتوه .. والانصار

تمنيت .. شِفِت ريت .. عٓزِم سجّادك
اكتمل چان .. بالاكوان .. فِعِل اُولادك
****

*الشاعر مهدي بارون*
------------
*العبرات الحسينية: التلغرام*
أشعار ـ رثاء ـ مدائح ـ عزاء ـ قصائد في النبي ص واهل بيته ع المكتوبة فقط لا غير
https://telegram.me/AlAbaratAlHosainiya
-----------

تمنيت هذا تابوتك الي
ولا اعيش لحظه مابيها علي
يابو حسين يابو حسين
لا تگول اتحملي

ها يبويه الليل من هسه اضطهدني
يالچنت لازمني بيدك لا تهدني
روحك اتگلك انا انتظرتك بعدني
چفك الرد الشمس يگدر يردني
صحت وين چفك الرد الشمس
علّي ليش ما يرجعنه الأمس
انا رجاك انا رجاك
بويه گول تدللي

هذا ابويه الشايل الدنيا اعله چفه
تالي ما تالي الچفن يگدر يلفه
جنازة الوالي تره شيلتها كلفه
بيا علي شيلو علي بنته اعرفه
يجناز هذا نعش الابطحي
يحملوه لو محمد لو وحي
نعش نور نعش نور
مدري يا چف حامله

چفك براس اليتامه من يزيله
يا علي يترك اثر مده طويله
منهو يمسح راسي باچر واشتكيله
بس علي چفه كفو لراس العقيله
يويلاه من يشيلون النعش
والدموع ينزل وياها رمش
يرمضان يرمضان
لا هله بيك وهله

يا علي صح هذا تابوتك يلمك
وانه حسبالي الارض ما تكفي جسمك
اقسم اعله الله يبويه بهذا دمك
كون اموتن هسه ويدفنوني يمك
يالتراب هذا ابوك اشتاگ الك
ابو تراب خله بنته و رد الك
اجه العيد اجه العيد
وانه اسود منزلي

اتركوني وي علي لحظه اودعه
بگلبي كلمه ولازم احجيها وأسمعه
قالع الباب الذي محد يقلعه
هذا تابوت الخشب يگدر يمنعه
علي يموت يا زمن شوف العجب
قلع باب يمنعه تابوت الخشب
والايتام والايتام
عدها بس حيدر ولي

بويه اذكر مره حزنانه شفتني
صبرتني واشبگتني وقبلتني
هسه ليش الطم على راسي وعفتني
اتوسلت ارجع ولا چن اسمعتني
يبو البيت ارجع البيت انهدم
بلياك انتظر نار الخيم
والاقدار والاقدار
بيها زينب تبتلي

يا علي راح استعد للغاضريه
عالحبل من هسه تتعود ايديه
وحدي خلوني اذا تمسي المسيه
حتى اتعود على حال السبيه
يهل الناس ادري صعبه المسأله
من الان استعد لكربله
صحت آه صحت آه
حتى يسمع كافلي

استمع ونة يتاماك الاليمه
تراوه لي بالطف يتامه بلايه خيمه
تراوه لي چف الشمر شايل جريمه
تراوه لي سوط ويطر ظهر اليتيمه
يعباس الله يستر من شمر
يکولون ما يحب اسم الخدر
أسف كون أسف كون
الشمر حادي الي

بويه رايح ما كأن تسمع ونيني
يا علي وليل احدعش ما تعنيني
بداعتي جيب الزچيه من تجيني
والسطر عين امي هم يسطرلي عيني
تجي تشوف راس الحسين برمح
تناديه يمه ضامي وتنذبح
ولا أگول ولا أگول
يمه هذا قاتلي


*سيد عبد الخالق المحنه*