*[ وكت الغروب ]*

أداء: الملا #محمد_باقر_الخاقاني
كلمات: الشاعر #أحمد_الهلباوي

https://youtu.be/J-3sboTfLhQ

مجالس ليالي جمادى اﻷول لسنة 1443 هـ - 2021 م
ليالي شهادة موﻻتنا الصديقة الطاهرة الزهراء البتول فاطمة صلوات الله عليها وآلها (الرواية الثانية)
عزاء هيئة شباب علي الأصغر عليه السلام - العراق - كربلاء المقدسة

مونتاج: مصطفى العتابي
الهندسة الصوتية: ليث حازم
مخطوطة: علي الشاهين
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

يقارورة دمه الغالي
على احبابي انشغل بالي
أراقب وآني حذرة
الرسايل كلها خطرة

اول مراسيل الحزن
نسمة هوه جايبته لي
مخنوگ اجه بصدري النفس
شميته بي ريحة هلي
من والدي جايب عطر
مو ذاك عطره الاولي
بي ريحة الفاگد ولد
یمکن مشه الاکبر علي
يقارورة واخاف اني
تجرحيني بخبر ثاني
وأموتن قطرة قطرة
الرسائل كلها خطرة

ثاني رساله من السفر
مكتوبه لي بگطرة دمه
گالتلي عطشان الورد
مات النده ویشرب ظمه
عبدالله مو ذاکه الطفل
چن والدچ شایل سمه
اترب قرابین العشگ
راد الحبیبه یقدمه
رسمتي لي یقارورة
مهد خالي بحضن صورة
اثر دم اعلى صدره
الرسائل كلها خطره

ثالث مكاتيب البعد
هذا اصعب واكثر خطر
يحچیلی سالوفة سمه
مثلومه ویطیح الگمر
من یحضن‌ بروحه الجرف
یشبه نهر حاضن‌ نهر
مو ظهر ابویه المنحني
ظهر الزمن کله انکسر
لگاه کاتب علی جروحه
غلاة اخته مثل روحه
طلب زینب تعذره
الرسائل كلها خطره

اما الرساله الرابعة
لونچ یقاروره اختلف
لون الدمه اتحول إلی
حنة عريس بلایه چف
والدته ینزّف رادته
زفوه علی جروحه ونزف
صورة بدر ینزف ضوه
اتصورت الاحساس ورجف
وانه روحی بخناجرها
مثل رمله ومشاعرها
الحجر بالنوح أفطره
الرسايل كلها خطره

لحظه وصل من الهجر
اصعب مراسیل الالم
شکلچ یقارورة اختلف
صار أسود وگلبي انصدم
مستغربه و فکري انذهل
حزنچ علی رموشي انرسم
لیل الله بأحضانچ نزل
لو هذا دخان الخیم !
جمر غربه وحرگ خیمه
وانا بعیني الدمع غيمه
مطر وخدودي صحره
الرسايل كلها خطره

وآخر رساله من النحر
گلبت موازین الزمن
قارورة الدم امتلت
واتبدت وفاض الوطن
صدرك عليه حافر فرس
والخد من الرمال اندفن
وصفولي بجروحك شمس
وجروحي مايتوصفن
على جروحك گمر غافي
وانا بروحي نجم غافي
طفه العالم بأسره
الرسائل كلها خطره

*الشاعر أحمد الذهبي*

يبني يا علي لو وصل وعدي
إنت تحضرني بدال ولدي
أنا من كربلا ترابات عندي
خل هايه الترابة وسط لحدي
و بهايه الوصية تعرف كصدي
أريدن ريحة أبوك بذرى لحدي

عند وفاة اﻷم ع أوﻻدها يدفنونها

اﻹمام زين العابدين ع لما جاء عند إحتضار موﻻتنا أم البنين ع

يا يمه يا علي لو گرب وعدي
أدفني يا يمه بدال ولدي
يا يمه من كربلا ترابات عندي
حطهن يا يمه جوا خدي
أريدن عطر ابوك بوسط لحدي

مات بديار الغريبة الهادي جد المنتظر
والحسن عالي نحيبة وحنتة تفت الصخر

1 / عاش كل عمرة بهضيمة وبني العباس ظلموه
تالي من طيبة بحقدهم غصبن عليه طلعوه
نزِّلوه باشنع منازل والقصد يستحقروه
لكن الباري بقدرته واهبة عزة وفخر

2 / يا إمام العصر محنة شلون اسولف يا غيور
الطاغي جاب الهادي جدك وگّفه بمجلس خمور
يگله نوبه اشرب ونوبه يگله غنّيلي الكفور
عجبة صابر وشتتاني وهذا حلّ على الطهر

3 / الهادي دمعاتة جرية بمجلس
الطاغي العنيد
مو لاجل نفسه بُكاءة , آه لو تدري شيريد ( انت بس تدري شيريد )
ذكر عمتة الحرة زينب حين وگفها يزيد
يشتم بقسوة أبوها , وِبعصاه ينكث ثغر

4 / الك يالمهدي عزانا عالغريب نقدمة
من عگب ذاك العذاب البالسجون المظلمة
حكم ذاك الطاغي بامرة ويل گلبي سمّمة
حضر يمة الحسن ابنه ودمعة ينزف كالمطر

5 / جهزة وغسلة بإيدة ووسط گبره وسَّده
رجع للدار بهمومة وگعَد ينحب وحّدة
لا أبوه لا إنت يمة گام يصرخ والصدى
يا إلهي المهدي إبني بطلعته يَسْرِ الأمر

6 / وحدي يا ربي تراني بابني أوصل وِحدِتي
المهدي خليني أشوفة هو كل أمنيّتي
هو گومي وهو أهلي وهو يآنِسْ وحشتي
ونادى يوليدي إسمعني بيك بس يحلى العمر

7 / چني بالمهدي يجاوب والده بلوعة ويصيح
بغربتك يا بوية إذكر جدك حسين الذبيح
واذكر الحرة التحنت من دمة نحرة اليسيح
واذكر العباس عمنا الظل رمية على النهر
**

ن: لٱجل الهادي حسرتنا نِوِن بدمعة سچابة

الله يساعدك مولاي يالمهدي على مصابة


١ / گضّى العمر بالغربة وسطرات الدهر مُرّة

واصعبهن عليه ايام سجنة بأرض سامره

وحيد ويكوي دلاّلة شوگة لتربة الزهرة

مشتاگ لعطر أمه
وگبرها بلهفته يضمه
هاي الزيّدت همّه

عظيمة مصيبته خلوه گوّة يفارگ ٱحبابه

٢ / ساجد راكع بكل حين بحزنه يرتل القرآن

وتسبيح أمه الزهره يقراه بگلب لهفان

والسُبحة تزيده اوجاع لأن من تربة العطشان

ينظرها وتهل عينه
ويهز العرش بونينه
لرقية ينوح وسكينه

ويلطم وجهه عالمذبوح ويشم بلهفته ترابه

٣ / كل يوم بسطح داره يوجه وجهه صوب الطف

سلامي عليك يا جدي يرددها بگلب يلهف

مشتاگ أوصلَك وانعاك وبمرقدك أتشرف

أشم وْرِيدك الدامي
واروّي چبدك الظامي
ويمك تخلص ايامي

أموت بشهگه يم گبرك يا من حرگوا اطنابه

٤ / يجدي بالعراق آنا واشمن بيه عطر دمك

يعز عليّ أبقى بعيد ما أگدر أجي يمك

وازورك ليلة الجمعة واواسي الطاهرة أمك

لون أگدر أجي مشّاي
واسگي الدرب من عيناي
مشتاگك يبوية اهواي

يا من عالترب عريان ومنه سلبوا ثيابه

٥ / فرضوا عاليجيك يزور لازم تنگطع چفه

والحبك لون نحره يقدم بعده ما وفّه

يبو الاكبر دمه الشريان يرخص بس الك نزفه

ولو طلبوا گطع ايدي
أقدم لٱجلك وريدي
يظامي زيارتك عيدي

أجيك واوصل لگبرك غصبا على السلابة

٦ / أگلهم إخذوا چف واحد وخلوا واحد الطم بيه

وعيوني إتركوها لٱجل الظامي تبچي عليه

وگلبي لا تمسونه اريد مصيبته تچويه

كل شي إخذوا من عندي
وخلوني ٱوصل لجدي
واحطّ على الگبر خدي

واناجيه بحنين الروح وناره بگلبي لهّابه

{رثاء الخمسة القواسم}

إذا كُنتَ مِمَّنْ قد أقَامَ المَآتِما
لآلِ رَسُولِ اللهِ فَانْعَ القَوَاسِما

فَهُمْ خَمسةٌ ما بَينَ نَجمٍ وكَوكَبٍ
وكلُ فتىً مِنهمْ يُلقَّبُ عَالِما

فَمِنْهُمْ قَضَى طِفلاً فأفْجَعَ أُمَّهُ
ومِنْهُمْ قَضَى قَتلاً تَخَضَّبَ بالدِّمَا

فَعَظِّمْ لِطَهَ أجرَهُ وخَديجَةٍ
فقدْ فَقَدَا طِفلاً رَضيعاً ونَاعِما

وعَرِّجْ على قَبرِ الزَّكِيِّ بطَيبَةٍ
تَراهُ على العِرِّيسِ يَنحَبُ دَائِما

ولا تَنسَ ذَا النَّفسِ الزَّكِيَةِ نَاعِياً
لَهُ ابْنَهُ أعنِي المُجَاهدَ قَاسِما

ونُحْ لابْنِ مُوسَى إذْ قَضَى حَتْفَ أنْفِهِ
غَريباً صَبُوراً كانَ لِلغَيظِ كَاظِما

وَزُرْ قَبرَ (شُوشَى) إذْ بهِ خَيرُ نَازلٍ
وفِيهِ الَّذي حَازَ العُلَى والمَكَارِما

أعِدْ ذِكرَهُمْ وابْكِ لِعُظْمِ مُصَابِهمْ
وصُبَّ عَليهمْ دَمعَ عَينِكَ سَاجِما

وجَدِّدْ بهم أحزانَ آلِ مُحمدٍ
وعَزِّ رَسُولَ اللهِ والطُّهرَ فَاطِما

محمد أحمد المرهون
25 جمادى الأولى 1443هـ
=====::::=====
الخمسة القواسم هم:
1- القاسم بن رسول الله "ص"
2- القاسم بن الحسن "ع"
3- القاسم بن النفس الزكية "ع"
4- القاسم بن موسى الكاظم "ع"
5- القاسم بن العباس بن الكاظم "ع"
=====::::=====

___
🎙#محمد_أحمد_المرهون


📕 #وفاة_القاسم بن الإمام الكاظم عليه السلام
——

ياصاحب الزمان.. متى الفرج

هواي تعرض بالخيال اگبالنه
صـّور بيــــــها معلقه آمالنه

تضهر ابهيئة ملك...
بيدك ايدور الفلك...
وتمسح ابچفك جميع ألامنه
ـــــــــــــــــــــــــــــــــــــــــــــ
يمته يا أخر أملنه. تعبانه الأنتضار
گلب ماضل ابصدرنه.والفكر صابه انهيار
من هظم بعُدك علينه. بان بينه الانكسار
نحلفك بداعة رقيه. متى تعلن هالقرار

بطلعتك يالمهدي تسكن روحنه
تجبــر الخاطر تطيب اجروحنه

بيدك الرايه ترف
ياحبيب ويا ترف
وتمسح ابچفك جميع ألامنه
ــــــــــــــــــــــــــــــــــــــــــــــــــــــ
انته يا محي الشريعه.العمر خلص نايبات
يمته تضهر يا أملها. هــــايه كل الأمنيات
أمل كل هايه البرايا.. بيــك ياسر الحـيات
مـر جرعنه وماجزعنه. خوفنه يلفي الممات

خاف مانلحگ نصد بعــيونك
ولا نحضنك لا نگول اشلونك

يمته انوارك تشع
وتاخذ ابثار الضلع
وتمسح ابچفك جميع ألامنه
ــــــــــــــــــــــــــــــــــــــــــــــــــ
شاخت الدنيه علينه.گلوبنه انترست شجن
أل عدل بيها توفـــه. ومتلت جــور وفتن
من البواچي عليك تدري.. هالنواضر خلصن
يمته ونشوفك يغالي. تمشي گــدام الضعن

طالب ابدم الطفل ذاك الرضيع
وتنبني بيدك مراقده البـــــقيع

هيچي ونخلص العمر
جنودك وتـــحت الأمر
وتمسح ابچفك جمـــيع ألامنه
ــــــــــــــــــــــــــــــــــــــــ
كلشي بالدنيه خساره. وشوفتك هيه الربح
تروح جمعه وتلفي جمعه. والعمر بلش يشح
انتضارك حيل مؤلم. مثل راس ابنص رمح
عيون ما شافت نهار.. وانته بس انته الصبح

سنينه ليل بغيابك يالفجــــر
مو ورد ارواح ننـثر بس تمر

صوت بسمك ينسمــع
وخلفك انصـلي الجمع
وتمسح ابچفك جمـــيع ألامنه
ـــــــــــــــــــــــــــــــــــــــــــــــــــ
ذنوبنه حجبتنه عنك. والحيـــــه عدنه انعدم
بحقك امقصرين احنــه. وجاي نشـعر بالندم
من يمر طاريك صدگ. نبچي ابحــــرگه وألم
حلم عدنه انقبل ايدك. عدنه هذا اجمل حلم

ما تردنه وندري ابشخصك عطوف
التوبه يــــم بابك يمهدينه الرؤوف

نضره يالگلبك رحيم
شيعتك شافت جحيم
وتمسح ابچفك جمـــيع ألامنه
ــــــــــــــــــــــــــــــــــــــــــ
تمت بفضل ولي زماني عج
✍️خادم الزهراء ع
🎼ياسر الزيادي

•{يا أول حب}•

حبيناچ...يا أول حب ما صار وياه ثاني
حبيناچ...يا وجه الله الباقي و غيرچ فاني
شكرًا شكرًا يمنه الزهره
عشنه بخيرچ كل هالفتره

١/راس السطر بالأول..الله اعلى زعلچ يزعل
معناها بس اليرضيچ الله يگله اتفضل
الذبحوا جنين أحلامچ..ردوا ندم گدامچ
و ما سامحيتي الذباح الوقع ورق إعدامچ

معناها ربچ ما راد يا فاطمة اتقبليهم
يتوسلون اعلى الباب أهل الحطب عفتيهم

و احنا وياچ...عادينه الگصتهم عازة غيرة
و احنا وياچ...الأول حيدر لا ما نرضى بغيره
موقف ثابت لا منغيره
عشنه بخيرچ كل هالفتره

٢/صوت الأذان انسمعه..و مثل الصراط انتبعه
خير العمل ما معناه حيَّ اعلى حب البضعه
و اتوضحت هالصورة..ليش البعض مقهورة
چي عرفوا افضل أعمال دمعتنه عالمكسورة

شكرا يزهرة اعلى النوح و اعلى اللطم و الدمعه
لو ما مشينا ابممشاچ چا حتى الله انضيعه

نعمه و خير...متفضله اعلينا هوايه بهالخدمة
نعمه و خير...و ما ندري شلون نجازيها النعمه
خير المجلس أكبر سفرة
عشنه بخيرچ كل هالفتره

٣/نشعر وجودچ يمنه..كلما بده مأتمنه
نبچي و نحسّچ تبچين و انساعدچ عالونه
حبينا التحبينه..حتى الله يقبل بينه
و من گلتي اريد أنعى احسين مجلس عزه سوينه

نلتم ملايين بشوگ واحد هدف لمتنه
كون ابسجل الخدام أم الحسن سجلتنه

و الأعياد...مو عيد الفطر و لا عيد الأضحى
و الأعياد...حسينا ارضيتي و عشناها الفرحة
يا مرضاتچ أجمل بشرى
عشنه بخيرچ كل هالفتره

٤/بين الولاية و هيمه..الگلب طافح ضيمه
شركه ويه زينب بالنار باب الجذع و الخيمه
بين العصر و السطرة..حيلچ گضه يالزهرة
و الچتفوها اعلى النوگ بسوط الشمر منكسرة

انشكرچ اعلى التوفيق يا فاطمه يالبضعه
شكرا رزقتينه اعيون تبچي اعلى زينب دمعه

هاي أم عون...مو أي وحده و نسكت ما نبچيها
هاي أم عون...تسوى املاك الدنيا الدمعه اعليها
هنياله اليبچي اعلى الحره
عشنه بخيرچ كل هالفتره

٥/ثارچ إله طلّابه.. لا ما يهيد اصوابه
لمن يرد راعي الثار يصلبهم الحطابه
يمته النداء انسمعه..للمهدي يوم الجمعه
آنه ابن كسر البسمار جيت أرد ثار البضعه

يام الحسن للموعود إدعيله يرجع لينه
و النا ادعي لو رد اردود نصبح درع مهدينه

يمه انگول...يا فاطم مشكورة او وفقتينا
يمه انگول...الثار المحسن إبشر بس هد بينه
و حد ما تگضي الغيبه الكبرى
عشنه بخيرچ كل هالفتره


*الشاعر الموفق ياسر المطوري*


رابط قصيدة "يا أول حب" :
https://youtu.be/L8HpSqUrakE
___
قناة تعتني بنشر القصائد المكتوبة التي قرأها خادم الزهراء الموفق الملا مصطفى السوداني
https://t.me/MSudane
___
القناة الرسمية للملا مصطفى السوداني على telegram :
https://t.me/Mustafa_Sudane
___

(9) صرّح كثير من المحدّثين و المؤرخين في أن الإمام عليه السلام *مات مسموماً* – في رُمّان أو قيل في الماء - , راجع : نور الأبصار للمازندراني: 83 ، الفصول المهمة لابن صباغ المالكي: 279، دلائل الإمامة للطبري: 409 ، بحار الأنوار للمجلسي 50/117. تأريخ الخلفاء للسيوطي: 287، الكامل في التأريخ 7/172. تأريخ الخلفاء للسيوطي: 288. وفاة الإمام الهادي للعلّامة العصفور 386 , و غيرهم .

(10)واكتظ الناس في موكب توديع وتشييع الإمام (ع)، *ثم خرج بعده أبو محمد (ع) حاسراً مكشوف الرأس ، مشقوق الثياب* وعليه مبطنة بيضاء ، وكان وجهه وجه أبيه عليه ‏السلام لا يخطيء منه شيئا , الأنوار البهية للمحدّث القُمّي : 247

(11) ينقل المحدّث القمي في الأنوار البهيّة ( ص245) في مشهد تشييع الإمام أبي الحسن الهادي عليه السلام : *"...وسمع في جنازته جارية، تقول: ماذا لقينا في يوم الاثنين قديما وحديثا؟* , ثم يضيف معلّقًا فيقول : أشارت الجارية بهذه الكلمة إلى يوم وفاة النبي صلى الله عليه وآله، وجلافة المنافقين الطغام، والبيعة التي عم شؤمها الإسلام، وأخذت الجارية هذه عن عقيلة الهاشميين زينب بنت أمير المؤمنين عليهما السلام، في ندبتها على الحسين عليه السلام: *"بأبي من أضحى عسكره يوم الاثنين نهبا"*

__

ميرزا عادل أشكناني
قم المقدّسة
٢ / ٢٠٢٠

https://t.me/mirza_adel_ashkanani

( مجاريد )

—

عرّج برِض طيبه يحادي
و اطوي الدرُب وادي ابـ وادي
و اگصد لهَل بِيض الهنادي
و اوچب ابناديهم اْو نادي
وين الذي تِرگه العَوادي
يطلب ابثاره لـ علي الهادي
نَحبه انگظه ابسَمِّ الأعادي

*ميرزا عادل اشكناني*

*[ اخت الحسين ]*

أداء: الملا #محمد_باقر_الخاقاني
كلمات: الشاعر #السيد_مرتضى_الياسري
الذاكر: الميرزا محمد البديري

https://youtu.be/GweHl4_fs8E

مجالس شهر جمادى الآخر لسنة 1443 هـ - 2022 م
مجالس ليالي إستشهاد مولاتنا المعظمة أم كلثوم بنت أمير المؤمنين صلوات الله عليهما
عزاء هيئة السيدة رقية عليه السلام - العراق - الديوانية

مونتاج: الميرزا حسين الزيادي
مكساج: إحسان الصاكي
مخطوطة: زهراء الركابي
تنفيذ: شركة ازاد للإنتاج الحسيني
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

ينقل المحدّث القمي في الأنوار البهيّة في مشهد تشييع الإمام أبي الحسن الهادي عليه السلام : *«...وسمع في جنازته جارية، تقول: ماذا لقينا في يوم الاثنين قديما وحديثا؟ , ثم يضيف معلّقًا فيقول : أشارت الجارية بهذه الكلمة إلى يوم وفاة النبي صلى الله عليه وآله، وجلافة المنافقين الطغام، والبيعة التي عم شؤمها الإسلام، وأخذت الجارية هذه عن عقيلة الهاشميين زينب بنت أمير المؤمنين عليهما السلام، في ندبتها على الحسين عليه السلام: بأبي من أضحى عسكره يوم الاثنين نهبا»*

—-
( موشّح )

آه يا يوم الثنين اِشْحاله ..
صَب مُصابه اعْله الرسول اْو آله ..

بين سمّ اْو ذبح شتّـتهم البين
اْو كل مصاب الصار صار امنْ الاثنين(1)
اليوم يوم اْو يوم بالطفِّ الحسين
مرمي و اعْليه داست الخيّاله ..

لوِن أهل الغدر ما كتبوْا اِكتابْ(2)
ما يظل احسين جسمه اعله الترابْ !
بالشمس مطروح مسلوب الثيابْ
او عالهزيله نسْوِته و اِعياله ..

ــــــــــ

(1) أشير بهذا البيت – توْريةً – إلى يوم الإثنين كمّا مرَّ في خبر الجارية , وإن أردت أن تقصد بالإثنين أي الرجليْن اللّذيْن لولاهما «مَا أُهَرِيقَ مِحْجَمَةٌ مِنْ دَمٍ وَ لاَ أُخِذَ مَالٌ مِنْ غَيْرِ حِلِّهِ وَ لاَ قُلِبَ حَجَرٌ عَنْ حَجَرٍ إِلاَّ ذَاكَ فِي أَعْنَاقِهِمَا» , فلَك ذلك ! الكافي الشَّريف 8/102

(2) عن أبي عبدالله الصادق "ع" في قول اللّه - عزّ وجلّ-: {مٰا يَكُونُ مِنْ نَجْوىٰ ثَلاٰثَةٍ ...الآية} قال: نزلت هذه الآية في فلان و فلان، و أبي عبيدة الجرّاح، و عبد الرّحمن بن عوف، و سالم، مولى أبي حذيفة، و المغيرة بن شعبة، حيث كتبوا الكتاب بينهم و تعاهدوا و تواثقوا : لئن مضى محمّد (ص) لا تكون الخلافة في بني هاشم ولا النّبوّة أبدا. فأنزل اللّه - عزّ و جلّ - فيهم هذه الآية. ...إلى قوله "ع": لعلّك ترى أنّه كان يوم يشبه يوم كتب الكتاب إلاّ يوم قتل الحسين "ع" ؟! و هكذا كان في سابق علم اللّه، الّذي أعلمه رسول اللّه (ص) *أن إذا كتب الكتاب قتل الحسين * "ع" و خرج الملك من بني هاشم، فقد كان ذلك كلّه. الكافي الشريف 8/180

طرّيت الزلم والخيل والنار
ولا تانيت يسچِن عجِّ اِلغبار
إجيت اعليك اشوف اشصار ما صار
لگيتك نايم امعفّر بلوْعار
خدّك عالرمل وادري الرمل حار

*الشاعر ميرزا عادل اشكناني*

*[ صلاة الإستسقاء ]*

أداء والحان : الملا #علي_الوائلي_الكربلائي
كلمات: الشاعر السيد #علي_خزعل_الرضوي

https://youtu.be/bQ7QnJ2j5uE

مجالس شهر جمادى الآخر لسنة 1443 هـ - 2022 م
ليالي إستشهاد موﻻتنا الطاهرة الميمونة أم البنين فاطمة بنت حزام عليها وعلى أولادها السلام
عزاء هيئة أنصار الحسين عليه السلام - العراق - واسط

مونتاج: السيد كاظم الموسوي
مكساج: كرار الموالي
مخطوطة: علي الشاهين
تنفيذ: وارث للإنتاج الحسيني
النشر الشبكي: علاء بركات العاملي

مَا نِسِيتَكْ لَا وَحَگْ مُصَابَكْ
يُبْگَه عَايِشْ بِالْگَلُبْ عَذَابَكْ
مَسْمُومْ وِالْچَبِدْ بِالسَّمْ تِفَطَّرْ
بِتْرَابْ يَا وِسَفْ خَدَّكْ تِعَفَّرْ

نَاحَتِ اللِّيلَه السُّوَرْ وِالْكَوَاكِبْ دَامِعَه
يَا عَلِي الْهَادِي تَرَاهَه كِلْهَه تِبْچِي لْمَصْرَعَكْ
تِلْطُمَ اسْتَارِ الْعَرِشْ بِالسَّمَاءِ السَّابِعَه
هَالْمِسِيَّه وِلْجِوَارَه قَرَّرَ الله يُرْفَعَكْ
يِنْدِبَكْ حَرْفِ بْحَرُفْ بِالزِّيَارَه الْجَامِعَه
هَالدَّمِعْ نِيْتَه يِوَاسِي بِالْحِزِنْ صَبْ مَدْمَعَكْ
وَآنَه يَا نَبْضِ الْگَلُبْ زَلْزِلَتْنِي الْفَاجِعَه
إِنْتَه يَا سَاكِنْ دِلِيلِي عِنْدِي تِدْرِي بْمَوْقِعَكْ
يَا حَبِيبِي يِسْتِعِرْ فُؤادِي
كِلْ كَيَانِي بِالْجَرِحْ يِنَادِي
يَا رِيتْ فِدْوِتَكْ چَبْدِي تِوَذَّرْ
بِتْرَابْ يَا وِسَفْ خَدَّكْ تِعَفَّرْ

يَا جَمَالَ الله الْعَلِي مُعْجِزَاتَكْ شَاهِدَه
سِجْدَتِ أْسُودِ الْخَلِيفَه بِالسَّرَى تِطْلُبْ مَدَدْ
تِعْرُفَكْ يَا ابَا الْحَسَنْ مِنْ هِوَتْلَكْ سَاجِدَه
رَادَتِ تْگِلْهُمْ يَوَادِمْ مَاكُو مِثْلَه أَيْ أَحَدْ
وِالْلِّذِي جَابَه السِّحِرْ ظَالِمِ وْيَمَّكْ غِدَه
شَافِتَه كِلِّ الْأَعَادِي وِالدَّهَرْ لَجْلَكْ شِهَدْ
بِالْجِرَالَه بْمَحْضَرَكْ ذَلَّتِ خْشُومِ الْعِدَه
مِنْ رُفَعْ خَصْمَكْ رِغِيفَكْ مَزِّگَه ذَاكَه الْأَسَدْ
تِحْيِي مَيِّتْ مُو عَجَبْ إِمَامِي
عَنْ بَصِيرَه عَنْ عَقِلْ كَلَامِي
سَوَّاكْ خَالِقَكْ لِلْقُدْرَه جَوْهَرْ
بِتْرَابْ يَا وِسَفْ خَدَّكْ تِعَفَّرْ

رُوحِي مِشْتَاگَه إِلَكْ وِالْهَجُرْ كِلِّشْ صَعُبْ
يَمْتَه أَتْعَنَّه لْضَرِيحَكْ وَاسْجِدِ بْبَابَكْ أَوِنْ
يَا هَوَه لْأَتْنَفَّسَه عِينِي شِبْحَتْ عَالدَّرُبْ
غَمَّضِتْ جِفْنِي وْرَجَائي أَفْتَحِ گْبَالَكْ جِفِنْ
أَرْدَ اشِمَّنْ عَتْبِتَكْ وَامْشِي لِلرُّوضَه وْأَطُبْ
وَاتْرِسِ الدِّنْيَه بِوَاچِي وَاعْلِگِ شْمُوعِ الْحِزِنْ
وَانْعَى يَمْ بَابِ الْگَبُرْ وِالنَّعِي صُوتِ الْگَلُبْ
يِقْرَه دَلَّالِي الْمُصِيبَه وَآنَه وَآلَامِي نِحِنْ
گَلْبِي رَايِدْ يَا عَلِي زِيَارَه
عُمْرِي دُونَكْ يِنْحِسِبْ خَسَارَه
مَوْلَايْ بِالشِّدَايِدْ إِنْتَه تِحْضَرْ
بِتْرَابْ يَا وِسَفْ خَدَّكْ تِعَفَّرْ

مَا تِغِيبِ وْحَاضِرَه صُورَه تِكْسِرْ خَاطِرِي
مَاكُو گُبَّه وْلَا مَنَارَه مِنْ تِفَجَّرْ مَرْقَدَكْ
تْجَاوَزِ حْدُودَه الْخَصُمْ لِأَنْ إِسْمَكْ حَيْدَرِي
وِالْبُغُضْ نَفْسَه تِكَرَّرْ عَالْمَجِدْ هَمْ يِحْسِدَكْ
خَاطَبِتْ نَفْسِي بْأَلَمْ إِجْزَعِي لَا تِصْبِرِي
مِنْ شِفِتْ كُومَةْ حِجَارَه وِانْهِدَمْ كِلْ مَشْهَدَكْ
وِذْكَرِتْ طِيبَه وْهِمِتْ عَالْبَقِيعِ الْكَوْثَرِي
مَاكُو نُورِ وْلَا مَنَايِرْ عَانِدَاهَه لْعَانَدَكْ
مُو بِدَيَّه هَالصُّوَرْ تِجِينِي
عَالْأَمَاجِدْ يِرْتِفِعْ وِنِينِي
يَا يُومْ لِلْحَسَنْ يِتْعَالَه مَنْبَرْ
بِتْرَابْ يَا وِسَفْ خَدَّكْ تِعَفَّرْ

لَابُدِ الْمَهْدِي يِهِلْ يِكْشِفِ غْيُومِ الْكَدَرْ
شِبْلَكِ لْطَوَّلْ غِيَابَه وْيِنْتِظِرْ أَمْرِ السِّمَه
هَللَّه هَللَّه لُو ظَهَرْ وَجْهَه أَحْلَى مْنِ الْگُمَرْ
بِيدَه سِيفَه لْمَا يِثَنِّي هَاذَه ضَنْوَةْ فَاطِمَه
يِطْلُبِ بْثَارَكْ تَرَه وْثَارْ أُمَّكْ وِالنَّحَرْ
وْثَارْ زِينَبْ وِالسِّبَايَه مِنْ عِدَاكِ الظَّالِمَه
يِبْنِي دَوْلَة لِلْقِسِطْ وِالْعَدِلْ تَاجِ الْفَخَرْ
أَدْعِي يَا رَبِّ الْبَرِيَّه رَبِّي عَجِّلْ مَقْدَمَه
وِبْحُضُورَه يِعْلِنِ انْتِقَامَه
چَنْهَه قَامَتْ سَاعَةِ الْقِيَامَه
مَحْجُوبْ وِالْضِوَه بِاسْمَه تِنَوَّرْ
بِتْرَابْ يَا وِسَفْ خَدَّكْ تِعَفَّرْ

https://t.me/Hassankhanafer

أنساك..

جرّبت العشگ مره..وگلت أنساك

حسبالي و أعيشن عمريِ ابلياك..

أنساك..

ما حسّبت حبك يحفر الدلّال..

أگولن ردت ما احبّك..صحت أهواك..

أنساك..

شلون وتالي شايل صوره الك بالعين

واخاف اعليك ليليّه الرمش يرعاك..

چنت ابهيمه الحب ضايع ابلا راي..

وابكل درب گلت امشيه كهف ألگاك

الگلب مجروح..

وابجرحه غميج الشوگ..

وما صح للگلب مرهم أبد لولاك..

يا بلسم دوه احروفك ترد الروح..

يحيي المات حُبك لو عليه مشّاك..

انتكس كل علم يم بابك يعالي الشان

وعله اشراع العرش ربك علم علاك..

تنزل كل نهار ابقبّتك ترتاح..

الملايك تارسه الزرگه لطم فوگاك

يمن بس لو تكبِّر تهطل الغيمات..

وتخضرّ الأرض من تفرش امصلاك..

عجيبه ابكربله من طحت كلّك ليش..

الثره احمرّت و شح دم الذي جوّاك..

تضرب عالأرض واتگول انا عطشان

وانته الماي مهر حضن الذي ربّاك…

تعّبت اليحبك..

تالي حُبك موت..

حُبك مو سهل لا والذي سوّاك...

جمعت اضداد هالما تنجمع يحسين..

وصرت جرح ودوه الگلب الذي يهواك

أگولن ردت ما احبك..صحت أهواك..!

#ليلة_الجمعه💔
#لا_عشق_الا_حسين
#السلام_عليك_يااباعبدالله
@youssefsoufan
خادم الحسين ع يوسف صوفان
القناة المعنية بنشر اللطميات والمقاطع المصورة بالإضافة إلى القصائد المكتوبة
https://t.me/youssefsoufan

للتواصل:
https://t.me/youssef_soufan

⚔اللهم عجل لوليك المنتقم الفرج ⚔
https://t.me/youssefsoufan

شِبْلِ النِّبِي هَلْ دَمْعِتَه
يِذْكُرْ مُصَايِبْ عَمِّتَه
لِلْغَرِيبَه تِجْرِي عِينَه بْغُرْبِتَه..

مِنْ وِصَلْ سَامَرَّه مِنْ عَافِ الْمَدِينَه
لَنَّه بِالْخَانِ الْأَعَادِي مْنَزِّلِينَه
بْهَاذَه حَالَه تْذَكَّرَ احْوَالِ الظَّعِينَه
لِلْخَرَابَه عَمِّتَه طَبَّتْ حَزِينَه
بِيهَا شَبَه بَسْ تِخْتِلِفْ
زِينَبْ سِبِيَّه وْتِرْتِجِفْ
مَا مِثِلْ هَضْمِ السَّبِي وِمْصِيبِتَه..
لِلْغَرِيبَه تِجْرِي عِينَه بْغُرْبِتَه..

الْهَادِي خَلُّوهِ بْمَكَانِ لْمُو مَكَانَه
وِالدَّهَرْ نَفْسِ الدَّهَرْ تَالِيهَه خَانَه
وِالْأَمَانَه بِتْ عَلِي شْحَالِ الْأَمَانَه
مِنْ بَعَدْ چَفِّ الْگُمَرْ شِبْعَتْ مَهَانَه
شَافُوهَه تِعْثَرْ عَالتُّرُبْ
مِنِّ السِّيَاطِ مْنِ الضَّرُبْ
عَالْجِرَى عْلِيهَه تِعَالَتْ وَنِّتَه..
لِلْغَرِيبَه تِجْرِي عِينَه بْغُرْبِتَه..

صَحْ عَلِي الْهَادِي دِخَلْ خَانِ الرِّزِيَّه
لَاچِنِ بْهِيبَه وْكَرَامَه بْلَا أَذِيَّه
مَا سِمَعْ وَاحِدْ شِتَمْ أُمَّه الزِچِيَّه
وْلَا عُيُونَه لْعَايِنَتْ مُوتَةْ رُقَيَّه
يِصْعَبْ مُصَابِ الْعَايِلَه
عَافَتْ أَهَلْهَه بْكَرْبَلَه
عَالثَّرَى حَامِيهَه غَصْبَاً عَافِتَه..
لِلْغَرِيبَه تِجْرِي عِينَه بْغُرْبِتَه..

زِينَبِ وْيَاهَه الْأَرِامِلْ وِالْيِتَامَه
خَايِفَه وْلِيلِ الْخَرَابَه مَا تِنَامَه
عَالْمَتِنْ سُوطِ الشِّمِرْ تَارِكْ عَلَامَه
تِعْتِبِ عْلَه الْكَافِلِ لْطَوَّلْ مَنَامَه
صُوتِ الْبِوَاچِي مَا خُفَتْ
لَجْلَه السِّمَه حَتْمَاً بِچَتْ
سَاعَدَ الله بْهَالنِّوَايِبْ عِيلِتَه..
لِلْغَرِيبَه تِجْرِي عِينَه بْغُرْبِتَه..

بِالْخَرَابَه زِينَبِ وْبِاقِي النِّسَاوِينْ
عُرْضَه لِعْيُونِ الزِّلِمْ مَا تِرْحَمِ الْعِينْ
يَعْنِي سِتْرَ الله انْهِتَكْ مِنْ غَابِ لِحْسِينْ
وِالْكِفَلْ هَايِ الْحَرَمْ مَا عِنْدَه چَفِّينْ
مَعْقُولَه بِنْتِ الْمُصْطَفَى
بِينِ الْمَجَالِسْ وَاگُفَه
رَاسَ اخُوهَه بِالطَّشِتْ هَمْ شَافِتَه..
لِلْغَرِيبَه تِجْرِي عِينَه بْغُرْبِتَه..

هَالرِّزِيَّه هَوِّنَتْ بَاقِي الرَّزَايَه
مِنْ گِطَعْ سِيفِ الْكُفُرْ نَحْرِ الْهِدَايَه
يَا مُصِيبَه تْعَادِلَ احْزَانِ السَّبَايَه
الْهَادِي يِتْنَطَّرْ حَفِيدَه وْبِيدَه رَايَه
رَايَةْ حِزِنْ طُولِ الدَّهَرْ
يِدْعِي بْظُهُورِ الْمُنْتَظَرْ
يَمْتَه يَمْتَه الْمَهْدِي تِخْلَصْ غِيبِتَه..
لِلْغَرِيبَه تِجْرِي عِينَه بْغُرْبِتَه..

https://t.me/Hassankhanafer

#سبع_الدجيل

رَتَّلْتُكَ وِرْدًا قُرْآنِي يَا بِسْمِ اللهِ الرَّحْمَنِ
يا دُعَاءَ الأُمَّهَاتْ يَا قُنُوتًا فِي الصَّلاَةْ
ـــ
1/ يا مُناجاةَ وَلِيٍّ يَتَعَبَّدْ
أًنْتَ ذِكرٌ للطُّمَأْنِينَةِ يُقْصَدْ
يا سِرَاجًا كُلَّ لَيْلٍ يَتَوقَّدْ
يَا صَلَوَاتٍ عَلَى الهَادِي مُحَمَّدْ

وَأَتَيْتُ وَهَدَّتْنِي البَلْوَى لِتُعَمِّرَ قَلْبي بِالتَّقْوَى
لتَدُومَ البَرَكَاتْ يَا قُنُوتًا فِي الصَّلاَةْ
ـــ

2/ أَيُّهَا المَبْعُوثُ قُدْسًا نَبَوِيَّا
وَكَذَا صِرَتَ حُسَامًا حَيْدَرِيَّا
كَمْ وَجْدْنَاكَ فُؤَادًا فَاطِمِيَّا
كَمْ عَرْفَنْاكَ عَطاءً حَسَنِيَّا

وَحُسَيْنِيًّا لِهُدَى النَّاسِ يَا وَارِثَ كفِّ العَبَّاسِ
يا مُحِيطَ المُعْجِزَاتْ يَا قُنُوتًا فِي الصَّلاَةْ
ــ

3/ أيُّها الطَّيِبُ مِنْ نَسْلِ الأطَايِبْ
كم وَرِثْتَ الفَيْضَ مِنْهُمْ والعَجَائِبْ
عَنْكَ قَالُوا: أَسَدٌ يَحْمِي عَصَائِبْ
قُلْتُ بَلْ يَحْمي نُجُومًا وَكَواكِبْ

قَدْ صَارَ هَبًا أمَلُ العَاتِي يا فارسَ سَبْعِ سَمَاوَاتِ
بك تزدانُ الحياةْ يَا قُنُوتًا فِي الصَّلاَةْ
ـــ

4/ يَابْنَ بَيْتٍ هُم هُداةٌ نُجَبَاءُ
إنْ عَتَا لَيْلُ المُلِمَّاتِ أَضَاؤُوا
هَل ترانا إنَّ فِي القَلبِ بُكَاءُ
قَدْ أتَيْنَا إنَّمَا فِي الفَمِ مَاءُ

قَدْ أَشْغَلَنَا حُبُّ الدَّنيا حَتَّى فِيها نِلْنَا الخِزْيَا
وَغَزَتْنَا الظُّلُمَاتْ يَا قُنُوتًا فِي الصَّلاَةْ
ـــ

5/ ذا كِتَابِي بِخَطِيئَاتِي يَعُجُّ
أَيُّ ذَنْبٍ مِنْهُ أَبْكِي وَأَضِجُّ
كَيْفَ أَعْصِي مَنْ هُو اللهُ وَأَنْجُو
يَا أبَا جَعْفَرَ قَدْ جِئْتُكَ أَرْجُو

كُن شَافِعَ عَبْدٍ فِي غُرْبَة هَذي يَابْنَ الهَادِي تَوْبَة
أنت بابٌ للنجاةْ يَا قُنُوتًا فِي الصَّلاَةْ
ـــ

6/ كُلُّ فَرْدٍ قَدْ أَتَى يَحْمِلُ نَارَهْ
وَحَنِينُ الرُّوحِ قَدْ زَادَ انْكِسَارَه
سَيِّدِي وَالحُرُّ تَكْفِيهِ الإشَارَة
هُوَ قَلبٌ وَأَمَانِيهِ .. زِيَارَة

عَنْ بُعْدٍ قَدْ نادَى قلبي لِيَزُورَ حُسَيْنًا عَنْ قُرْبِ
بكَ تُطْوَى الطُّرُقُاتْ يَا قُنُوتًا فِي الصَّلاَةْ
ـــ

7/ يَا عَظِيمًا يَا جَلِيلًا يا مُهَابَا
قَدْ أَتَيْنَا وَسَأَلْنَاكَ جَوَابَا
عَنْ حَبِيبٍ قَدْ عَرِفْنَاهُ وَغَابَا
فَمَلأنْا الكَوْنَ نَدْبًا وَانْتِحَابَا

أينَ المَذْخُورُ لِيُنْجِينَا مِنْ كُلِّ بَلاءٍ يَكْفِينَا
هَلْ تَرَانَا فِي شَتَاتْ يَا قُنُوتًا فِي الصَّلاَةْ
ـــ
لؤي حبيب الهِلال
17/3/2018م
الأحساء
https://t.me/LoaiHelal

*((مولد باقر العلوم))*

الباقر اليوم نوره اعتلا
كلمن ايحبه يسوي هلهله
ـــــــ
ـــــــــــــــــــــ
واما الشمايل تشابه للرسول
والاسم اسمه وبعلمه يقول
وباهر الانوار اخذها من البتول
يستاهل يورث اصحاب العبا
ـــــــــــــــــ
وزين العباده فرح بولادته
ضمه بصدره وحبه بوجنته
وقال باقر اوليدي كنيته
وخامس اليمه انوارالهدى
ـــــــــــــــــ
مكحول مدهون مقطوعه سرته
بحريره بيضاء امه لفته
ودوه الىحسين وزادت بهجته
والنور منه وصل سابع سماء
ـــــــــــــــــــــ
ياللي تواليه اتبعي منهجه
منهج محمد واله وعترته
هم نور لسلام وعزه وسادته
ماخاب والله من بيهم اقتدى

في مولد الامام الباقر عليه السلام:

1. يرفرف هالمسا أصبح علمنا
2. بفرح في مولده باقر علمنا
3. وعلى هالعادة والدنا علّمنا
وأمنا نحتفل في هالمسية

4. بداية كل حفل يحلى ذكرهم
5. الف هنياله كل واحد ذكرهم
6. قرأنا بسيرة الباقر ذكرهم
رسول الله بعث ليه التحية



في مولد الإمام الهادي (ع) :

7. فرحنا والفرح واجب علينا
8. وعلى كل البشر بيهم علينا
9. يلايم مولد الهادي علينا
تلوم ابكيفك وانا اشعليّه
10. ياشيعة نعلن الفرحة تعالوا
11. إلى اللي عالبشر كلهم تعالوا
12. ونفخر بالسعد عاللي تعلّوا
جمعنا مولد الهادي سويه