1. اوليد العقيليّه يقلها اليوم زينه و ملبوسي المذخور للأعياد وينه 
2. اشعندك تقلّه يالولد تنده من ابعيد ياهو اليقلّك هالوكت يَبني وكت عيد
3. قلها خوارج ثايره و النّصر ليزيد للشّام جابوا روسهم ويّا الظّعينه 
4. قالت يَبويه درجع و عاين شكلهم واخْذْ الخبر يانور عيني من طفلهم 
5. وعن دينهم يَبني و مدينتهم اسألهم واعرف يَعقلي اسم الزّعيم الذابحينه 
6. رد اُو وقَف بالجادّه ولاحت له الرّوس فوق لَرماح اتلوح تخجل نور لشموس 
7. و الحرم مسلوبه و عليل ابقيد محبوس و اللي يسمعه ايذوب قلبه من ونينه 
8. وعاين يسيره اتلوذ بيها كل يتيمه و قال اظن هذي للظّعن كلّه زعيمه 
9. قلها يحرمه امصيبتج كلفه وعظيمه شنهي ديانتكم اُو وطنكم يا مدينه 
10. قالت اسلام احنا وارض طيبه وطنّا وكلمَن تريده مْن المدينه اسألني عنّه 
11. قلها يمسبيّه المدينه بلاد أهلنا بالله ارد انشدج جان خالي تعرفينه 
12. اتعرفين ابو السجّاد و اتعرفين عبّاس اتعرفين لَكبر و النّشامه الترفع الرّاس 
13. اتعرفين ابو الشّيمه محمَّد وافي الباس اتعرفين زينب بضعة الزّهرا المصونه 
14. شسْمك تقلّه ياعزيزي و امّك امنين قلها أنا امّي هاشميّه واسمي حسين 
15. وانا خوالي بيت ابو طالب الطّيبين بيت الإمامه الفخر كلّه حايزينه 
16. قالت انجان ابن العقيليّه جنابك فوق لَرماح العاليه يَبني جوابك 
17. شيخ العشيره واخوته وجملة أحبابك راحوا جتل بس هالعليل القايدينه 
18. يَالولد جدّام الظّعينه دير بالك هاللي اذكرتهم روسهم كلهم قبالك 
19. و اللي اقبالي ناصبينه راس خالك وهذي عيال حسين كلها هالظّعينه 
20. و انجان عن زينب تسايل والنّساوين يَبني أنا زينب و هاي عيال لحسين 
21. رد ينحب ويلطم على الهامه بليدين ينادي يَيُمّه بالعجل قومي اندهينا

القصيدة : ظليت ادورلك نعش
الرادود : محمد الجنامي
الشاعر : كرار حسين الكربلائي
~~~~
چانت صلاة الليل .. يم نحرك
وأمسح اثر للخيل .. عن صدرك

يوليدي وبليل اهدعش
ظليت ادورلك نعش

وأمسح اثر للخيل عن صدرك
~~~~
آه يبني
ابهدوة الليل اعتنيتك امشي گوّه
آه يبني
وابچي يم نحرك وأگولن بلكي يروه

أمّ واشوف أبني إنذبح يچوي الرمل خده
وابسهم المثلّث لگيت آثار من چبده

بعيني تصيح الدمعه لِتلالي
اسم الله عليك حسين يالغالي

خدك عله الرمله انفرش
امّك وادورلك نعش

وأمسح اثر للخيل عن صدرك
~~~~
حسين يُمه
ليش ماي النهر مابلّل اشفافك
حسين يُمه
وليش ذبّاحك سليب الجسد عافك

من حرگوا اخيامك خفت جمره چوت نحرك
فوگ العطش چم حافر الظل يهشم ابصدرك

محنيه شلت اعمامتك بيدي
وما أدري راسك وين يوليدي

أبنحرك الطبرات اثنعش
امك وادورلك نعش

وأمسح أثر للخيل عن صدرك
~~~~
ارد أشبگك
شلون اشبگك والسهام اعليك صوبين
ارد اشبگك
وخايفه الچم جروحك يبني يحسين

وشما ردت احفر گبر ضلعي يأذيني
يوليدي لو بيدي اخلي گبرك ابعيني

جسمك وذر لميته بچفوفي
الخنصر لگيته وإنعمه شوفي

ابخدي اشكثر چفي خمش
امك وادورلك نعش

وامسح اثر للخيل عن صدرك
~~~~
يا اوليدي
ليش يعيوني الحوافر دولبت بيك
يا اوليدي
يا جرح ياذيك گلي حتى اداويك

امسح بديه شيبتك يالشيبتك حمره
افراگ الولد يابوعلي ما ينجبر كسره

دم ابچي وآنه سطرتي ابعيني
شيبني وكتي ابذبحة حسيني

المنحره ياسيف انتهش
امك وادورلك نعش

وأمسح أثر للخيل عن صدرك
~~~~
وين زينب
لاتناشدني اعله حال الهاشميه
وين زينب
اختك ابلا خيمه باتتها المسيه

والليل مايرحم حرم مفگود واليها
باچر تروح ابيا وضع والشمر يسبيها

باچر سكينه اتروح للكوفه
هي ورقيه ابحبل مچتوفه

من السبي فكري اندهش
امك وادورلك نعش

وأمسح اثر للخيل عن صدرك

الحمد لله الذي أكرمنا بالحسين...ع

أنا ليسَ لي بعدَ المماةِ وسيلةً
إلا الحسينُ بظلّهِ أتنعّمُ

حُبُّ الحسينِ لِمَن أحبَّ كرامةٌ
والمرءُ يُخذلُ بالحبيبِ ويُكرمُ

فعلى النَّبيِّ وآلِهِ حُبَّاً لهُ
صلوا جميعًا يا كرامُ وسلِّموا

(جعفر رشيد العاملي )

جديد ايها الزائر

ايها الزائرُ المَشوقُ العاني
عُج لوادي السلام بالتَحنَانِ

لأخي المصطفى غِياثِ الحيَارى
لأميرِ الاسلامِ والايمانِ

فإذا لاحَ نورُ طُورُ التّجَلِّي
قدرةِ الله سابقِ الأزمان

فاخلعَن واخضَعَن وقف عند بابٍ
هو بابُ الرسولِ والرحمن

زُر وبلِّغه يا مُحِب عتاباً
بدموعٍ تفيضُ كالطوفانِ

يا ابا الغيث إنَ ولدَكَ قتلى
حولَ سبطِ النبوةِ العطشانِ

كالاضاحي مجزرِّين عرايا
دون غُسلٍ ودونَما اكفانِ

وكريماتُك الصفايا سبايا
سيرهُّنَ قاصدي كوفانِ

لم تُغسّل قتلاهُمُ لم تُخلّص
نادباتٌ سِيقت بقيد الهوانِ

ثاكلاتٍ نوادباً واحسيناه
وهوَ نصبَ العيون فوقَ سِنانِ

لو تراهُنَ والعليلُ بباب
القصرِ إذ أُدخلو على هامانِ

يتمنينَ ان يَمُتنَ جميعاً
قبلَ موتِ الإذلالِ والإذعانِ

شعبي:
يا علي الكرار گوم احميها
زينب بكوفان وميسرينها
گوم يبو حسين وتلگاها
محَد إلها بس حريم وياها
والعليل مگيدينه اعداها
والنجوم بكربلا معفرينها
يا علي
والسهم طرّ جبدة ابنك ياعلي
والشمر بالحومة حز نحر الولي
وزينب تناديك محّد ظل إلي
وراس اخوها عالرمح راعيها
عاري ظل ومسلبين هدومه
والعوادي داسته بالحومة
وظل ثلاث تيام تجري دمومه
والتُراب إله اجفان تاليها

گوم يا كرار فُك احبالها
جتفو زينب وياها اطفالها
حاسرة فوك الهزيلة اشحالها
الناس بالكوفة تصّد عليها
ومِن تندبك يا علي يضربونها
وتُبگه تنزف دِمه من متونها
على طول الدرب ويشتمونها
راح جافلها الذي يحميها

عگب ما دارو بضعن اليسارى
تعنو بيه لعِد قصر الإمارة
حشروهم حشر باول الايوان
وتانو يمتلي عليهم الديوان
ونزلو راس ابو اليمة من لاسنان
وزينب والنِسا ضلن حيارى
وابن زياد فوگ الكرسي مختال
على راس الوِلي بالمخصرة مال
يضربه وبالشتايم نال ما نال
يفرّگ اشفافه ودمه يتجاره
عِلا صوت البجي شافن وليهن
راسه بالطشت ويصد عليهن
وهن نسوان ما بحصل بديهن
يردّن هالصلف عن هاجسا
ما كفاه شماته براس لعميد
وگف يتنشّد زينب يريد
وهي بعزة ابوها عنّه تحيد
وكلبها من الهظم تستعر ناره

جنها تصيح عباس الشفيّه
تعال وشوفني بهاي الدِهية
ترضي ابن الدعي يعاين عليّه
وانا مخدرتكم يالغياره

ايابنَ ابي لمن تاوي اليتامى
لِمن تأوي سكينةُ او رقية

المستهل 
يازينب وين سويتي عزاء حسين 


القصيدة 
يازينب وين سويتي عزاء حسين 
بويه بهيدا ابجي ياحرة ولا تونين
يازينب وين سويتي عزاء حسين 
ها بهيدا ابجي ياحرة ولا تونين 
يازينب وين سويتي عزاء حسين 
ها ها اخاف تعثر الناقة وتطيحين
يازينب وين سويتي عزاء حسين 
بويه هاعلى العباس جم بيرق تشيلين
يازينب وين سويتي عزاء حسين 
بويه هاعلى العباس جم بيرق تشيلين
يازينب وين سويتي عزاء حسين
ها ها جم جادر على ابن امج تنصبين
يازينب وين سويتي عزاء حسين
ها ها جم جادر على ابن امج تنصبين
يازينب وين سويتي عزاء حسين 
ها ها نعاويج قيضن وشلون تنعين
يازينب وين سويتي عزاء حسين 
ها ها نعاويج قيضن وشلون تنعين
يازينب وين سويتي عزاء حسين 
ها ها راح الحيل من القعده تصلين
يازينب وين سويتي عزاء حسين 
ها ها راح الحيل من القعده تصلين
يازينب وين سويتي عزاء حسين 
ها ها قرآنج تشقق بيش تقرين 
يازينب وين سويتي عزاء حسين 
ها ها قرآنج تشقق بيش تقرين 
يازينب وين سويتي عزاء حسين 
ها ها فاتحت العزيز بنص ديواوين 
يازينب وين سويتي عزاء حسين 
ها ها فاتحت العزيز بنص ديواوين 
يازينب وين سويتي عزاء حسين 
بويه بثواب حسين بدمعاتج تمسحين
يازينب وين سويتي عزاء حسين 
بهيدا ابجي ياحرة ولا تلطمين
يازينب وين سويتي عزاء حسين 
بهيدا ابجي ياحرة ولا تلطمين
يازينب وين سويتي عزاء حسين 
أخافن تعثر الناقة وتطيحين 
يازينب وين سويتي عزاء حسين 
ها ها أخافن تعثر الناقة وتطيحين 
يازينب وين سويتي عزاء حسين 
بوية ها جم بيرق على ابن امج تنصبين
يازينب وين سويتي عزاء حسين 
ها ها على العباس يا وينة تردين 
يازينب وين سويتي عزاء حسين 
ها نعاويج قيضن وشلون تنعين
يازينب وين سويتي عزاء حسين 
ها نعاويج قيضن وشلون تنعين
يازينب وين سويتي عزاء حسين 
وزينب لو بجت يسطرها على العين 
يازينب وين سويتي عزاء حسين
ها وزينب لو نعت يسطرها على العين 
يازينب وين سويتي عزاء حسين 
خويه يازلمة يشيع من تشيعين
يازينب وين سويتي عزاء حسين 
ها ها يازينب وين سويتي عزاء حسين 
يازينب وين سويتي عزاء حسين 
يازينب وين سويتي عزاء حسين 

قصيدة اللهم عجل لوليك الفرج



قال مولانا الرضا وروى ابن شبيب
ان جدي الحسين مات عطشانا غريب

أوراقي من كثر الدعه ياربي ذبلن...خلصن أيام العمر و اسنيني ولن
و مثل دمعات الرباب ادوعي هلن...عالذي يملي الأرض قسطاً و عدلن
فِي حُكْمِ الْهُدَى لَا أمتٌ و لَا عِوَج

هذا عيسه للسمه مرفوعة جفه...و الخضر هذا بحزن مشبوح طرفه
ربي صارت غيبة الموعود كلفة...يمته أبو صالح يجي و انصلي خلفه
ذَا أَصْلُ الْبَرَايَا و خِتَامٌ لِلْحُجَج

يا إلهي او بلّغ المهدي سلامـي...بنْحـنـاءة راسي وصلّه احترامي
تدري يا ربي بدليلي و قلبي ضامي...لجن مو للماي عطشان الإمامي
فِيهِ الرّوحُ هَامَتْ و لَهُ تُفَدَّى الْمُهَج

فائدة غايبنه لو تم بغيابه...مثل فائدة الشمس خلف السحابة
لجن حقها اصدورنه اتحس بكآبة...حقنه ندعي و نسأل الله الإجابة
نُورُ اللَّهِ هَذَا و بِهِ الصُّبْحُ اِنْبَلَج

راح أظل أصبر و أكابر للنهاية...و أنتظر ابن القضوا بالطف ضمايه
راكب اعله اكحيله بيضه و بيده راية...هناك يصرخ يا لثارات السبايه
مِنهُ الدّمعُ يَجْرِي و دَمٌ فِيهِ اِمْتَزَج

جم مكسور و متاني اليشافيه...جم قبر مهدوم و يريد اللي يبنيه
يا إلهي و قلبي تدري اشبيه ما بيه...غير سيف المنتظر محد يداويه
حَنَّ الْقُلَّبُ شَوْقًا و لَهُ ضَجَّ و عَج

اللهم عجل لوليك الفرج

قال مولانا الرضا
وروى ابن شبيب
ان جدي الحسين مات عطشانا غريب
تركوه في العرا دامي الجسم سليب
ان يوم الحسين اقرح جفوننا
واسبل دموعنا واذل عزيزنافي ارض كربلاء

هني بالعيد إن أردت سِـواءِ أيُّ عيـدٍ لمستباحِ العـــزاءِ
إن في مأتمِ عـن العيدِ شغلَ فألهــو عنـي وخلِني بشجاءِ
فإذا الناس عيـدوا بســرورٍ كان عيــدِ بـزفـرةٍ وبكاءِ
وإذا أدمنـوا الشراب فشــربِ مــن دمـوعِ ممزوجةً بدماءِ
وقليلٌ لـو متُ همــاً ووجداً لمصاب الغريـب فـي كربلاءِ
األذُ الحياة بعد قتيـلِ الطـفِ ظلمـاً إذاً لقـلَّ حيــــــاءِ
كيف لا تسكُبُ الدموعَ جفوني بعـدَ تضريجِ شيبي بالدمـاءِ
حـرَّ قلبـي لزينبٍ مـذ رأتـه تـرب الجسـمِ مثخناً بالجراحِ
أخرس الخطبُ نطقها فدعته بـدموع بـما تجـــن فصاح
أخي كنت لي ، يــوم كنت ،كهفـا منيعــا ســجسج الظل خافــق الأرواح
يا منار الضلال والليل داجــىً وظلال الرميض واليوم ضاحي
إن يكن هينا عليك هوانـي واغترابي مع العدى وانتزاحي
فبرغمي أنـي أراك مقيمـــا بين سمر القنا وبيض الصفاح
لك جسم على الرمـال ورأس رفعـوه على رؤوس الرماح

حيرني الدهر بحسين و علية ثقل همه
لا أقدر أعوفنه و لا أقدر أظل يمه
*****
شلون أمشي و أعوف حسين جسمه موسّد الغبرة
و ابحَر الشَمِس عاري و دمه يسيل من نحره
ياهو يغسله خلافي و ياهو ينزله بگبره
و ياهو يوسده بلحده و يشلع سهم اللي بچبده خنصره لچفه يرده
جسمه العلثرى مطشّر ياهو اليظل و يلمه
****
شلون أگدر أظل وياه و هاي النوگ جابوها
يردوني حرم للشام عگب الخِدِر يسبوها
ياهو اللي يباريها لو رادوا يمشّوها
و هية بس جمع نسوان عدهن مابقت وليان بس واحد بقى وجعان
جسمه من المرض بالي و لا بيه عالرچب همة
****
شلون أمشي و يظل عباس مرمي على المسناية
يمه مقطگّعة زنوده و يمه الجود ويا الراية
شگله اللي يگلي وين حامي الظعن و الثاية
أگله على النهر نايم يمه العلم و الصارم مايرضى گمر هاشم
أروح ويا الغُرُب يَسره و يبگى عالنهر جسمه
****
چفلني و جابني وياه و عاهدني يرد وياي
شلون أمشي و يظل عباس مطورح على نهر الماي
ما و الله علية يهون أمشي بيسر ويا عداي
شگله لو يناديني يا زينب ليش عفتيني تمشين و تخليني
و آنة مگطعة چفوفي جسمي مخضّب بدمه
***
شلون أبگى و أشوف الروس شالوها العدى على رماح
و أسمع للحَرَم حَنة و گبّر لليتامى صياح
ياهو الينزل يرچبه من عدهم طفل لو طاح
و آنة اتچفلت بيهم أرچبهم و أباريهم شلون أبگى و أخليهم
هاي اتصيح يبن أمي ذيچ تصيح يا عمة
**
شلون أمشي و أخوية حسين عيني تشوف چتاله
و أشوف على الرمح راسه يعاين ذلة أطفاله
و الله تحيّرِت يا ناس بالمظلوم و عياله
لو أگدر أظل وياه و اعوف الحَرَم ويا عداه و لا أگدر على فرگاه
عساني لكربلا لا جيت و أتحير بأبو اليمة

شاعر أهل البيت عليهم السلام
جابر الكاظمي

حلفوا المشايه ما تطيح الراية خذها مني حچايه للحشر وفايه
يا بو فاضل يعباس يا بو فاضل يعباس
**
مو طبعنه انعوفك يالفديت اچفوفك
نعتني لطفوفك و المهم انشوفك
**
نمشي رغم اعدانا رايتك ويانه
لابسينه اچفانه أنتظر ملگانه
**
ناصب الإغلالِ دسنه خشمه العالي
احنه لجل الغالي بالنفس ما انبالي
*****
احنا أهل الشدة و الحچايه الوحده
و اليعيل انرده بالمشي نتحده
****
گبلك الضدونه عجزوا المنعونه
حتى لو ذبحونه بكربلا يلگونه
****
اول التكبيره تمشي ديره لديره
اسأل أهل السيره رافضيه الغيره
****
رغما اعلى الحاقد من طبعنا انعاند
لو يضل بس واحد بالمسير ايجاهد
***
نبذل اشما عدنا و المشي ايوحدنا
ينتحر حاسدنا بكربلا موعدنا
****




للشاعر : عبد الخالق المحنه .
**

١/أقصدْ حسيْناً وزرْهُ ليلةَ الجُمُعَهْ
فَتَحْتَ قُبَّتِهِ الأمْلاكُ مُجْتَمِعهْ
وعندهُ المُصْطَفى والأنبياءُ مَعَهْ
والمُرتضى حيْدَرٌ بالحُزْنِ وافاهُ

٢/أبْصِرْ بِقَلْبِكَ وانظُرْ فاطِمَ الزّهرا
تعدو وَقَدْ نسِيَتْ في ضِلْعِها الكسْرا
حتَّى إِلَيْهِ دنتْ لَمْ تَحْتَمِلْ صبرا
أهْوتْ عَلَيْهِ تنادي " واحُسيناهُ"

٣/لهفي عليها تنادي آهِ يا ولدي
مَنْ ذاكَ فرَّقَ بَيْنَ الرَّأسِ والجسدِ؟!
ها جِئتُ بالدَّمْعِ أَرْوي غُلَّةَ الكَبِدِ
لكنَّها انتثرتْ بالسَّهْمِ..ويْلاهُ!

٤/منْ ماتَ مِثْلَكَ بالأحجارِ والنَّبْلِ
وبالعِصِيِّ وطعْنِ الرُّمحِ والنَّصْلِ
ورضرضوا صدْرَهُ العطشانَ بالخَيْلِ
فما لرزْئِكَ في الأرزاءِ أشباهُ*

٥/بيْنا البتولةُ تبكي..إِذْ أتتْ زيْنَبْ
صاحتْ حبيبي وضجَّتْ بالأسى تَنْحَبْ
شاءَ الزَّمانُ بسَوطِ الشِّمرِ أنْ أضْربْ
وأنْ نُساقَ إلى الطاغي سباياهُ

٦/أنا الأميرةُ، هلْ أُسبى إلى القَصْرِ؟!
أنا العزيزةُ، هلْ أغدو بلا خِدْرِ؟!
أختُ الكفيلِ..وتَحْدوني يدُ الشِّمرِ!!
أُخيَّ بَعْدَكَ كمْ مُرٍّ جرَعناهُ؟!


*إشارة إلى رواية الإمام الباقر(ع): "لقد قتل بالسيف، والسنان، وبالحجارة، وبالخشب، وبالعصا, ولقد أوطأوه الخيل بعد ذلك".
البحار ج ٤٥ ص ٩١.

★الشاعر الموفق
علي عسيلي العاملي★

١/بكاكَ دعاءُ (نُدبتِكم) مَعَ (العهدِ)
وقَدْ ملاَّ نحيبي أيُّها المَهْدي!
متى تدعو لثارِ الضلْعِ والخدِّ؟
وتصلبُ منْ تعدّى يقتُلُ الزَّهْرا

٢/إمامي! إنَّ مَنْ يرضى لها الباري
هَوَتْ والأرْضُ شبَّتْ مِنْ لظى النَّار
شكَتْ في ضِلْعِها آلامَ مِسْمارِ
وفي أحشائها سقطٌ قضى عصْرَا

٣/لَقَدْ أدْمَوْا مقالةَ "بضعةٌ مني"!
فأمستْ سيِّدي محْنِيَّةَ المتْنِ
تنامُ وكفُّها تبقى على الأُذْنِ
ترى الدُّنيا ظلاماً عيْنُها الحمرا!

٤/إلى مَ الصبرُ يا بنَ المصطفى أحْمدْ؟!
وَذَا عضدُ البتولِ كدُملجٍ أسْوَدْ
بغصْبٍ سيدي أنفاسُها تصْعدْ
فتخفي الآهَ عَنْ كرارِها صبرا!

٥/خيالاً أصْبحتْ..جِلْداً على عظْمِ
تغيَّرَ لوْنُها مِنْ شدّةِ الهضْمِ
تُصَلِّي منْ جلوسٍ في دُجى الهمِّ
وتدعو اللَّهَ أنْ قصِّرْ لِيَ العُمْرا


*علي عسيلي العاملي*

حسين مات .. بعد ماتسوة الحياة
حسين مات .. ابو ما ظل للبنات
حسين مات .. عمت عينك يافرات

.. ١ ..
ان كنت حياً ادركهن خواتك
ان كنت ميت يضيعن بماتك
مافاتك بيوم فرض الله بحياتك
اذن يالحسين كوملها صلاتك
خويه علي وياك .. علي وياي شصيحن
من الخيل افرن .. على النار اطيحن
كونك رمق بيك .. احاجيك اريدن
حسين وين .. ارفع ايدك حتى اجيك
حسين وين .. زينب تدور عليك
حسين وين .. متت لو ظل نفس بيك
حسين مات .. حسين مات

.. ٢ ..
مايرجع حسين وموذر عرفنة
لمن شمر صاح خلي نهجم علة اخته
وتخوصر وگال ابن امج ذبحته
بعيني الدمع سال وبعينه فرحته
انه اخت الحسين شمر وين طليمة
اخر وكت هاي .. حجة وياي هظيمة
وبكيفة اسكتي .. واكعدي اليمة
كمت اصيح .. حسين اخوي اني انوليت
كمت اصيح .. الحكلي خويه او ماجيت
كمت اصيح .. وكلها ضحكت من بجيت
حسين مات .. حسين مات

.. ٣ ..
خويه بناتك كلهن جمعوهن
وجابو قميصك بي دم شوفوهن
كامن يصرخن وبدرعك رموهن
الما وصلن الباب بالبر طلعوهن
شبگن عليه .. رقية وسكينة
واللي يفرن .. يوگعن علينة
اسم الله لليطيح .. واليطيح علينة
وين اروح .. ذبحوا ابن امي الوحيد
وين اروح .. صارت الدنيا ليزيد
وين اروح .. استراح شويه اريد
حسين مات .. حسين مات

.. ٤ ..
الحك خواتك يبن امي ولوهن
رادن يجنك للحومة منعوهن
ردن للخيام والخيام احركوهن
وشما المهن ردوا ضيعوهن
شاهدنا ياويل .. على الخيل دمائك
وشفنا بالعون .. يسلبون ردائك
وكلها بسحكته .. وذبحته اتبارك
لا تموت .. تنهظم زينب وراك
لا تموت .. على صدرك شمر ذاك
لا تموت .. فوك تعبك تعباك
حسين مات .. حسين مات

.. ٥ ..
لو شايف ام عون من ركضوا وراهة
تفر من زجر هيج خولي منا اجاها
المالحك بصوط بحجاره رماها
وكلهم يلوحون ما واحد خطاها
وانه جدمي تعبان .. والدخان خنكني
الماطك الزغار .. شعل نار رعبني
احمي بالايتام .. للخيام سبگني
كلشي ضاع .. حسين والعز والدلال
كلشي ضاع.. وصار طك زينب حلال
كلشي ضاع .. تمشي حافي ام الدلال
حسين مات .. حسين مات

إجتّك فاجده اتدوّر عزاءك وين

هاي الليله أمك حايره يحسين..

اوگفَت يم باب صحنك دم دمعها ايسيل

تنوح امصابك وتلطم عله الخدين..

صاحت شلّه يوليدي الشمر ويّاي..

الشبر ابنذر ربّيت وذبحلي ارباي..

يالعافوك مرمي اعله الثره ابلا ماي

لكسّرلك صدر مو بس ضلع ضلعين..

هاي الليله أمك حايره يحسين

نوبه اعله الضريح اتنوح..

ويم مذبحك نوبه اتروح..

تصرخ والگلب مجروح..

أنا الوالده يحسين يبني..💔

يمن ياريت ذباحك ذبحني😭

#ليلة_الجمعه #يازهراء
#السلام_عليك_يااباعبدالله

القناة المعنية بنشر اللطميات والمقاطع المصورة بالإضافة إلى القصائد المكتوبة
https://t.me/youssefsoufan


⚔اللهم عجل لوليك المنتقم الفرج ⚔
https://t.me/youssefsoufan

حسين مات .. بعد ماتسوة الحياة
حسين مات .. ابو ما ظل للبنات
حسين مات .. عمت عينك يافرات

.. ١ ..
ان كنت حياً ادركهن خواتك
ان كنت ميت يضيعن بماتك
مافاتك بيوم فرض الله بحياتك
اذن يالحسين كوملها صلاتك
خويه علي وياك .. علي وياي شصيحن
من الخيل افرن .. على النار اطيحن
كونك رمق بيك .. احاجيك اريدن
حسين وين .. ارفع ايدك حتى اجيك
حسين وين .. زينب تدور عليك
حسين وين .. متت لو ظل نفس بيك
حسين مات .. حسين مات

.. ٢ ..
مايرجع حسين وموذر عرفنة
لمن شمر صاح خلي نهجم علة اخته
وتخوصر وگال ابن امج ذبحته
بعيني الدمع سال وبعينه فرحته
انه اخت الحسين شمر وين طليمة
اخر وكت هاي .. حجة وياي هظيمة
وبكيفة اسكتي .. واكعدي اليمة
كمت اصيح .. حسين اخوي اني انوليت
كمت اصيح .. الحكلي خويه او ماجيت
كمت اصيح .. وكلها ضحكت من بجيت
حسين مات .. حسين مات

.. ٣ ..
خويه بناتك كلهن جمعوهن
وجابو قميصك بي دم شوفوهن
كامن يصرخن وبدرعك رموهن
الما وصلن الباب بالبر طلعوهن
شبگن عليه .. رقية وسكينة
واللي يفرن .. يوگعن علينة
اسم الله لليطيح .. واليطيح علينة
وين اروح .. ذبحوا ابن امي الوحيد
وين اروح .. صارت الدنيا ليزيد
وين اروح .. استراح شويه اريد
حسين مات .. حسين مات

.. ٤ ..
الحك خواتك يبن امي ولوهن
رادن يجنك للحومة منعوهن
ردن للخيام والخيام احركوهن
وشما المهن ردوا ضيعوهن
شاهدنا ياويل .. على الخيل دمائك
وشفنا بالعون .. يسلبون ردائك
وكلها بسحكته .. وذبحته اتبارك
لا تموت .. تنهظم زينب وراك
لا تموت .. على صدرك شمر ذاك
لا تموت .. فوك تعبك تعباك
حسين مات .. حسين مات

.. ٥ ..
لو شايف ام عون من ركضوا وراهة
تفر من زجر هيج خولي منا اجاها
المالحك بصوط بحجاره رماها
وكلهم يلوحون ما واحد خطاها
وانه جدمي تعبان .. والدخان خنكني
الماطك الزغار .. شعل نار رعبني
احمي بالايتام .. للخيام سبگني
كلشي ضاع .. حسين والعز والدلال
كلشي ضاع.. وصار طك زينب حلال
كلشي ضاع .. تمشي حافي ام الدلال
حسين مات .. حسين مات

*قصيدة الليلة الرئيسية للرادود الحسيني الحاج باسم الكربلائي*

مِنَ الأضْلَاعِ يَا زَهْرَا وَرِثْنَا العَصْرَ وَالكَسْرَا
وَعِنْدَ الآهْ رَأَيْنَا الله
يا زهرا
ـــــــــ
1/
سَبَايَا نَحْمِلُ الذِّكْرَى عَلَى الأكْتَافْ نَرَى أسْيَافْ هَوَتْ كَيْ تَقْتُلَ الفَجْرَا
جُسُومًا تَحْضِنُ الغَبْرَا فَوَا جَسَّامْ سَعِيدًا نَامْ بِعُرْسِ الحَوْمَةِ الكُبْرَى
عَلَى نَهْرٍ نَرَى نَهْرَا فَوَا عَبَّاسْ وَوَاعَبَّاسْ فَمَنْ ذَا يُطْفِئُ الجَمْرَا
فَكَمْ تَبْكِينَ يَا زَهْرَا وَهَذَا الرَّاسْ بِهِ إحْسَاسْ وَعَينَاهُ عَلَى الأسْرَى
وَكَمْ فِي رُمْحِهِ كَبَّرْ وَكَمْ يَبْكِي عَلَى الأَكْبَرْ
وَمِنْ أَعْضَاهْ رَأَيْنَا الله
يا زهرا
ـــــــــــــــــــــــ 
2/
عَدَوُّ اللهِ مَا أَشْفَقْ رَأَى الأطْفَالْ بِلَا كَفَّالْ أَتَاهُم قَلْبَهَمْ مَزَّقْ
خِيَامَ المُصْطَفَى أَحْرَقْ بَكَى جِبْرِيلْ عَلَى التَّنْزِيلْ فَمَنْ لِلآيِ قَدْ فَرَّقْ
وَكَمْ قُرْطٍ لَنَا يُسْرَقْ وَكَمْ مَسْلُوبْ وَكَم مَضْروبْ وَكَمْ بِالخَيْلِ مَنْ يُسْحَقْ
وَكَمْ مِنْ صَرْخَةٍ تُطْلَقْ أيَا جَدَّاهْ أيَا عَمَّاهْ وَكَمْ مَتْنٍ لَنَا أَزْرَقْ

وكَمْ سَوْطٍ إلى العَظْمِ وَكَمْ شَتْمٍ عَلَى شَتْمِ
بِمَا نَلْقَاهْ رَأَيْنَا الله
يا زهرا
ـــــــــــــــــــــــ 
3/
عَطَاشى نَشْرَبُ الدَّمْعَا فَوَاغَوْثَاهْ أَيَا أُمَّاهْ تَعَالِي هَوِّنِي الرَّوْعَا
رأينَا اللهَ في الصَّرْعَى تَجَلَّى النُّورْ كَمِثْلِ الطُّورْ بِحَالٍ زَلْزَلَ السَّبْعَا
بأرْضِ الطَّفِ إذْ نَسْعَى عَلَيْنَا اللهْ سَعَتْ رُحَمَاهْ عَلَى السَّاعِينَ وَالمَسْعَى
أتَى المُخْتَارُ كَي يَنْعَى وَهُمْ جَاؤُوهْ فَمَا هَابُوهْ ورَضُّوا الضِلْعَ فَالضِلْعَا

تَعَالَيْ جَانِبَ التَّلِّ تَرَيْ كَيْفِيَّةَ القَتْلِ
فَفِي مَرْآهْ رَأَيْنَا الله
يا زهرا
ـــــــــــــــــــــــ  
4/
بَنَاتُ الطُّهْرِ واليَاسِ بِهُزْلِ النُّوقْ وَحتَّى السُّوقْ قَطَعْنَا دَرْبَنَا القَاسِي
سَبَايَا دُونَ أنْفَاسِ وَلَا أَلْوَانْ هُنَا كُوفَانْ وَهَذِي أعْيُنُ النَّاسِ
بِخَوْفٍ دُونَ مِقْيَاسِ يَجِيءُ اللَّيلْ يُرِينَا الوَيلْ وَنَبْقَى دُونَ حُرَّاسِ
فَنَتْلُو سُورَةَ النَّاسِ نُعِيذُ الرُّوحْ فيأتِي الرُّوحْ مُعِيدًا كَفَّ عَبَّاسِ

رَأَيْنَا غَايَةَ العُنْفِ كَأنَّ الطَفَّ لا تَكْفِي
عَلَتْ وَيْلاه رَأَيْنَا الله
يا زهرا
ـــــــــــــــــــــــ  
5/
مَعَ السَّجَّادِ يَا وَيْلِي نَراهُ عَادْ إلى الأجْسَادْ بِهِ الآلامُ إذْ تَغْلِي
يُسَائِلُ سَاحَةَ القَتْلِ عَنِ الأسْبَابْ يَرَى الأحَبَابْ عَلَى الرَّمْضَا بِلا غُسْلِ
مَشَى مَهْلًا عَلَى مَهْلِ رَأَى الكَفَّينْ وَسَهْمَ العَينْ وَنَادَى يَا أبَا الفَضْلِ
وألفَى مَلْعَبَ الخَيْلِ رَأَى الأضْلاَع عَلَى الأضْلاَع وضمت مَنْحَرَ الطِّفْلِ

فَمِنْ قَبْرٍ إلى قَبْرِ لِمَنْ يَبْكِي فَلَا يَدْرِي
بِمَا قَاسَاهْ رَأَيْنَا الله
يا زهرا
ـــــــــــــــــــــــ
 
6/
لِوَادِي الطَّفِّ مَا عَذَّبْ وأرضُ الشَّامْ هَوَاهَا سَامْ بحبل الشمر إذ تُسْحَبْ
بِقَلْبٍ لَمْ يَزَل يَلْهَبَ فيبدو الرَّاسْ وَلاَ عَبَّاسْ يُحَامِينا إذَا نُضْرَبْ
ولكنْ أَشْعَلَتْ زَيْنَبْ فَتِيلَ الثَّارْ عَلَى الفُجَّارْ وَمَا أَدْرَاكَ مَا زَيْنَبْ
فقد قَالتْ فَلا مَهْرَبْ هِيَ الحَوْرَاءْ بَلِ الزَّهْرَاءْ لِذَاتِ الضِّلْعِ إذْ تُنْسَبْ

أَرَتْهُمْ سَيْفَ كَرَّارِ فَعَاشوا عِيشَةَ العَارِ
مِنَ المَأسَاهْ رَأَيْنَا الله
يا زهرا
ـــــــــــــــــــــــ  
7/
رَزَايَانا تَأّمَّلْنَا فَمِنْ مَنْحُورْ وَمِنْ مَجْرُورْ بِهَا كُنَّا بِهَا صِرْنَا
مِنَ الحَوْرِا تَعَلَّمْنَا بِأنَّ الآهْ طَرِيقُ اللهْ وَبِالآلامِ آمَنَّا
أيا شِيعِيُّ فَانْدُبْنَا بِعَيْنَيْ نُوحْ وَفَيْضِ الرُّوحْ وباللَّطْمَاتِ فَانْصُرْنَا
مَدَى التَارِيخِ فَاذْكُرْنَا فَبِالصَّيْحَاتْ وبالدَّمْعَاتْ وإنْ تَنْحَبْ تَكُنْ مِنَّا

عَلَى الزَّهْرَا جَزَا الخَادِمْ فَصِحْ لَبَّيْكِ يَا فَاطِمْ
بِهَذَا الجَاهْ رَأَيْنَا الله
يا زهرا
ــــــــــــــــــــــ
*لؤي حبيب الهلال*

حسين خويه الليلة جمعة..
وين اسويلك ثواب
لا صحن لا سفره عندي..
بالخرايب عالتراب
//////////////////
حسين خوية الليلة جمعة..
وتنزل المغرب الروح
ادري تتألم عليه..
لو شفتني بس انوح
ناحلة وشفت الشماته..
صاعدة فوگ السطوح
الهضم مر وجرعته..
والقهر وي العذاب
////////////////////
الهضم مر وجرعته..
عالجدم گوه ادوس
ما اگوم اگيام اصلي..
انه اصليلك جلوس
راح من السوط متني..
راح راسي امن الشموس
اعداك خلوني بخرابة..
لا سقف لاعندي باب
////////////////////
لا سگف لا باب عندي..
لا ضوه وجن الظلام
خويه كفار السبونه..
ما يعرفون الحرام
تنتحب ضلت اطفالك..
بيش اغطيها وتنام
وانه املك بس عباتي..
وهيه ستري امن الاجناب
//////////////////////
لا فراش العندي افرشه..
هايه ضلت بس عباتي
ومن اهد يوم التركتك..
يابس الساني ولهاني
لو اجت روحك الليلة..
اتگول مالطمن خواتي
ليش ما نصبن الماتم..
تعتب وياذي الاعتاب
////////////////////
ليش مالطمن خواتي..
تعتب اعلينه وتگول
وانه منعوني المناحة..
مثل عدوان البتول
باچر اكشفلك رگبتي..
من ترد ليك الحمول
انعمت عيني وعماها..
امگابله روس الشباب
////////////////
هذا راسك راح ارده..
من ارد للغاضرية
حسين خوية لو اجيتك..
لا تناشد عن رقية
دولبوها وشتموها..
اوياي ودتلك وصية
اتگول بالبر شتتونه..
وتفتر اعلينه الذياب
///////////////////

من لگيتك ساد ايدك عالتراب
من حرگتك علي لو من الصواب
محبسك ماهو الماخذه ياهو
جاي اندهك وانته ما منك جواب
~~~~
ارد اسئلك عن جم جرح ما شفته بس حسيته
وجهك ترف شنهو السبب فوگ الرمل حطيته
من الخجل لو بي اثر وجهك علي ضميته
جفك الينطي ويندعي شنهي السبب سديته

احجي يلما عودتني اعله السكوت
جان جفك لليتامه وللقنوت
الوجع سد جفك لو قصد عندك
حجي الخنصر ما ردت تفتحلي باب
جاي اندهك وانته ما منك جواب
~~~~
ظلمه الدرب يابو علي وبلا ضوه اندليتك
عطر اللبن مال ام حسن دلاني بيك وجيتك
بين الجثث ما دورت ضاگ الهوه وشميتك
يدرون ماهوه عرف بريتي وانه بريتك

ساد عيونك شني معقوله ميت
انته ميت خويه لو مني استحيت
احجي يبن أمي ظل يصل عظمي
لا تحسسني نويت اعله الغياب
جاي اندهك وانته ما منك جواب
~~~~~~~
جيتك مثل ام الولد كل خطوه يعثر جدمي
اختك لجن لمن متت اجيتك بشوغت امي
ادنيت الك وشتم گمت دم بي عطر من دمي
بس گلي بسمي مروتك مشتاگه تلفض اسمي

گلي زينب گلي خويه اي كلام
حته اگدر أمشي اوصل للخيام
والمدللهن شراح اگللهن
بيه شيظل من تلاگيني الرباب
جاي اندهك وانته ما منك جواب
~~~~
هيبه الاخو يخلي الاخت طول العمر مهيوبه
جا شو رحت روحت نظر يالوگفتك مطلوبه
كعبه انته والعنده ذنب يمك يطيح ذنوبه
المثلك شلون اجرئوا باگوا محبسه وثوبه

يا عزيز أمي الزلم شمسويه بيك
مثل دورت معصبي داروا عليك
ترفه وجناتك مثل جلماتك
اوگف افراگك يكسر بسحاب
جاي اندهك وانته ما منك جواب
~~~~
من ارجعت جني ركض گالن شني جا وينه
وانه طحت ما سيطرت من عاينتني سكينه
وگتلهن وگوه گلت الكاشخ اجه مسلبينه
وگللي سد عينه الولي گتلهن اي سد عينه

التفرش مصلايتك گالتلي ها
وين ابوي اليوم ما فز لصلا
دنگت راسي وجاوب احساسي
عمه گتلهن استعدن للعذاب
جاي اندهك وانته ما منك جواب
°°°°°°°°°°°°°°°°°°°°°°°°°°°°°°°°°°

*مرتضى حرب*

تعجز ياماي .. تغريني
أنطيك العين .. ونطيني
گطره ابهالجود .. لحسيني

أنا گلبي جمره أو بارد ماي الجاري
وانا أدري قبلي وصلت ليك أخباري
قسما بالله العالي الحي الباري
إذا يشرب قطره إحسيني تخمد ناري
اذا ماتكفيك اليمنه إخذ إيساري
وذا ماتقنع بجفوفي هاك أنظاري
شاهد ياماي .. خليتك
من شلتك ليش .. بديتك
من تروي احسين .. ترويني

تره حيرة أم عبد الله إتهيج آلامي
سألتها إعليمن يبجي گالت ضامي
عله وعدي إسكينه إتظل إباب إخيامي
وانا كسرة خاطر ضامي إتكسر إعظامي
غرفت منك غرفه أو فز جرحي الدامي
تره صورة وجه إحسين إتهل گدامي
حسيته إيگول .. إتروه
گتله مولاي .. والخوه
هاي المتصير .. وعفيني

انا أريد تحس بالحاله أو هاي إبعيده
أكو والد ضامي أورايد يروي أوليده
أكو راوي ينتظرونه أو كلها إتريده
اذا يرجع كل اعياله إتباوع بيده
أكو أب إيصبر بنته إبإسم إعضيده
أكو شاب إتحلم بيك الگطع أوريده
خدر واطفال .. تتنطر
واني العباس .. وتعذر
صوت العطشان .. ياذيني

انا رايح أوگع وبقه إبنفس الجمره
يجي ركضه إحسين إيضمني الصدره
إذا شفته إتخوصر يمي أو حاير بمره
عله وضعي أو گطعة جفي الكسرت ظهره
يحي ينحب يمي أو حسره التحرگ حسره
اذا ينظر سهم العين إشيبقه إبصبره
ياخويه إيصيح .. ياعمري
زينب شتگول .. من تدري
إگعد عباس .. حاجيني

تره بعدي إيجيك إحسين أو شايل إبنه
يگول انتو إخذوه وسگوه أو رجعوه إلنه
ولاكن يرمونه إبنبله أو مايتهنه
يعين الله الإبنه ضامي إيموت إبحظنه
يجي بي لخيامه أو زينب تاخذ منه
تظن متروي أو متهني أو نام إتظنه
صاحت يحسين .. رويته
گلها مذبوح .. رديته
ياخويه إبهاي .. واسيني

أنا رايح عنك لاكن عندي إحجايه
أريد إتنفذها الخاطر نار إضمايه
اذا جن اليل إتشاهد حرمه أويايه
تره زينب هاي أو تسأل وين الرايه
وانا رايد روجك يغسل جسمي إهوايه
ولا ريدن بنت الزهره إتشوف إدمايه
ميت وأعذار .. بعيوني
وابجي امن اتگول .. سلبوني
ياخويه أوياك .. خليني

أكو باجر موقف حتما يعمي إعيوني
يمر منا ظعن الأسره ويودعوني
شگل للخدر والخدر تمشي إبدوني
أكو وحده إتگلي وينك من سلبوني
واكو وحده إتگلي إگعد شوف إمتوني
اكو وحده إتصيح الموت أو لا يسبوني
والحادي إيصيح .. متعمد
ميت عباس .. مايگعد
يخت الكفال .. طيعيني

*سيد عبد الخالق المحنه*

*قصيدة (يا بو الخيام الطايحة)*


حــسين يــاخــويه
**
يـابـو الـخيام الطــايحه ليـمته تـكوم
غربه وشماته على الضعن خويه تحوم
رد لـلخــيم ضــميتـلـك خـــوش ثـيـاب
مــوش الحســين يمـوت ماعنده هدوم

ودلــي اجــيـك ومــاتخليـني الـخــيل
صـلـفـات يــردن حيــل وانـا بـلا حيل
كلـت انـا يـلفـي اللـيل واتـمشى عليك
تـالي الـسحـك مـاخلـص بجيت الليل

يابو علي

بجفاك يالــغالي… .… مـحـتار دلالي
ومشدوهه عيوني
ياشمام اخـته…… مذبوح لـيش انته
خوب يذبـحوني
عريان ياستري.. ومسحوك ياخدري
ومبيوك يالوني



****
نــوك الجــبتــهن راحـن وجـابو نوك
مو عله جسمك ياخذني عله السوك
مــالايــگه الــهزلات مــو لــلنــسوان
جــا علــه زينــب ليش خلوهه تلوك

ســتين عمــري وضــاله بلايـه متون
والهــزله كلش عاليه اصعدهه شلون
شــوفولي حـل يخوان محتاره بهاي
خـاف أعــثر وشــماتهم كـلهه عـيون

يابو علي

هـودج بـي ميله…جـابولي الـليله
ومدري بتاليه
مــن اعثـر كـلفـه…. شماتهم صلفه
ماترحم بيه
فشله اصعد فشله… يخواني الهزله
مو لـلعلويه



***
دنگــت وانــا الــعــاليه گــبال النـاس
من صاحو اخت حسين هاي وعباس
أتـمـنه أشــيل الــراس مــن ترجعون
بــس للــرمح مــاودي أشيلنـه الراس

مـــاينـحـمل من كــربلـه لـــحد الشام
يـا ويلـي مـن هـذا الـدرب جنه سهام
الـعدهـه مثـلي اخوان وشلون اخوان
بـالـجنـه لازم مــوش بـالـهيـمـه تـنـام

يابو علي

كون يحل موتي وبلشام تابوتي
وانته تشيعني
محتازه عيونك… العيشه بدونك
ياخوي تلجمني
ناس بلا غيره… ..من ديره لديره
ضل وكتي يذبني



**
خـويـه البنات شلون بيهن يحسين
مـن الجـمر مـا ضلـت الـهن رجـلين
أمــخدرات و مــا ويــاهـن رجــال
عـن الـعيون الحـاره آخـذهن ويـن

شــدوهــن ومشــوهن بنص ديوان
قــرآن مشــدود بــحبـل وي قــران
والـكل فـجر جانن يشوفن جبريل
تـاليــهه طاحـن بيـن وادم عـميـان

يابو علي

جـانن وياكم….عاشن بحماكم
ياهو اليدناهن
تاليهه بهيمه.. …وبعازه خيمه
ومحـد وياهن
بديوان شكبره… بنيات الزهره
وشامت بجاهن


*
شيطيب يحسين الجرح جا شيطيب
والتـمو عــلى خـيامــنه لمـت شـيب
نسـمع بكـلمة عيـب مـن جـنه ويـاك
بس مـن رحت بعيونه شـفـنه العيب

يحدي الضعـن بخــلافـكم مو خــيال
وعــلـى الـخيم رجــال حـشم رجـال
ترفــة المتــون شلــون تتحـمل سوط
ترفــة الجـفـوف شـلون تنـجر بحـبال

يابو علي

مجبورة احجيلك --- يالبايد حيلك
واعذرني بهايه

تيهت الديرة ---- المامش بي غيرة
مشاني برايه

*ابو ضامن محمد الزيدي*