​​Kelinglar silar bilan yaqindan tanishib olamiz!

Mening ismim Akmaljon, yoshim 21 da. O'zbekistonning poytaxti Toshkent shahrida istiqomat qilaman.

Ushbu kanal sevuvchilari uchun va buyerda men foydali, sifatli ma'lumotlar bilan bo'lishaman hamda o'zim haqimda ham yozib turaman.

...

Hayotimdan bunday o'zgarishlar 7 uxlab tushimga kirmagan...

O'qishim chalkash-chulkash davom etardi. Boshida o'zbek so'ngra, rus maktabida tahsil oldim. Yana qo'shimchasiga bizda Ingliz tili o'rniga fransuz tili o'tilardi. Shu maromda 4-yil ham o'tibdi va mana qarabsizki, 9-sinfimda ingliz tili hayotimga birinchi qadamlarini bosib kirib keldi va unga menda muhhabat paydo bo'ldi. Bunga qarimdoshim Rustam sabab bo'ldi.

O'sha paytlar ularning uyiga tez-tez qatnab turardim va har borganimda Rustam ingliz tilini o'rganish bilan band bo'lardi. Men uni kuzatib turib, shu tilga qiziqib qoldim va birgalashib o'rganishni boshladik. El qatori, biz ham grammatikadan boshladik. Shug'ullangan sarim yuqori natijalarga erishishni boshladim. 36-talik testdan 30-32 ta to'g'ri javob berardim va o'zimni huddi bu sohani mutaxassis deb hisoblardim va bundan bag'oyatda xursand edim. Tangani orqa tarafi bo'lganidek, qarimdoshim Rustamni ishlari ko'payib ketgandan so'ng, u bilan kamdan-kam korishadigan bo'ldik va o'sha payt men, o'zimga boshqa ustoz qidirishga tushdim va Temur akaga duch keldim. Ular bilan 0 dan hamma mavzularni ya'na bir bor o'rganib chiqdim va Temur aka menga Ingliz tili faqat grammatikadan iborat emas, unda huddi o'zbek tiliga o'xshab gapirish (Speaking); eshitib tushunish (Listening) va o'qib tushunish (Reading) turlari borligi haqida batafsil ma'lumot ulashdilar va har birini tekshirish uchun IELTS borligi hamda agar IELTS dan kamida 5.5 band score olsa, Xalqaro Universtitetlarga kirish mumkinligini aytib o'tdilar va shularni ichida Angliyada o'qishga qiziqib qoldim. (lekin moddiy tarafdan qoplashga mablag' bo'lmaganligi tufayli, fikrimni o'zgartirdim)

Oradan 1-1.5 yil o'tgach bilimimni tekshirish uchun IELTS imtihonidan o'tdim va natija 5.5 ni tashkil qildi. (To'g'risini aytsam shu 7-8 larni "urib" qo'ysam kerak deb faraz qilgan edim). Bu "проходной" ball bo'lgani sabab men Westga tahsil olgani kirdim.

Xulosa qilib aytganda, hozir ingliz tilini o'rganish uchun imkoniyatlar talaygina. Ammo "Tepangizda" kimdir turib o'qi demasa, yoki qayerda xato qilayotganligingizni ko'rsatib o'tmasa ancha qiyin hamda natijalaringizga salbiy ta'sir ko'rsatishi mumkin.

...

​​Bu yilgi eng yirik maqsadlarim...

Assalomu alaykum! Mana ko'z ochib yumguncha 2020 yil kirib kelishiga ham 3-4 kun vaqt qolibdi va men uchun bu yil ancha omadli o'tdi deb hisoblayman.

2019 yildagi maqsadlarim quyidagicha edi:

1. O'zbekistonda oyiga kamida $300 topish - Bilmadim, buni biznes desa bo'ladimi yoki yo'q. Lekin men buni oldin ham qilganman va shu yilning yanvar oyida birinchi bora dars berib $300 ishlab topdim. Mart oyida esa, ko'zim bir qiziq kitobga tushib qoldi va u yerda shunday yozilgan edi: "Maqsadingizni 10 ga ko'paytirsangiz, siz o'zgacha fikirlashni boshlaysiz". Hop, mening maqsadim oyiga $300 topish bo'lsa, 10ga ko'paytirsak $3000. Juda katta summani tashkil qilmoqda, shunday emasmi? Bunga ishonish qiyin, lekin men buni uddaladim Aprel oyida $3000 ni IELTS dan dars berib maqsadimni 10 baravarga oshira oldim.

2. Kamida 10 ta shaxsiy rivojlanish va biznes kitoblarini o'qish - Tahminan 2019 yil 27 iyunda, 10 ta kitob o'qib tugatdim, bular quyidagirlar:
1)Drabbllar - 100 dan ortiq yozuvchilarning 170 dan ortiq qisqa hikoyalari
2) F.U Pul - Dan Lok
3) Bobilonning eng boy odami - Jorj Samuel Kleyson
4) SPIN sotuvi - Neil Raxxam
5) Boy ota, kambag'al ota - Robert Kiyosaki
6) Men va Pul - Saidmurod Davlatov
7) Transformator - Dmitriy Portnyagin
8-) 10X Qoida - Grant Kardon
9) O'yla va Boy Bo’l - Napoleon Xill
10) Million Dollarlik Odatlar - Brayan Trasi
Shu kitoblarni sizlarga ham o'qib chiqishingizni maslahat beraman.

3. O'yinlarni dasturlash tizimini o'rganib chiqish (Game development) - Bu mavzuda gapiradigan bo'lsam, aslida bu sohaga men yoshligimdan beri turli xil o'yinla o'ynashni yoqtiraman. Ayniqsa “Dota” juda ko'p o'ynar edim. Eng qiziqgan joyim: o'yinni grafikasi qanday tuzilgan va qanday qilib o'yinchilarni harakatga keltiradi? Programistlikni o'rganishni boshlaganimdan so'ng, website hamda telefonga dasturlar yaratiganman va o'yinlarda ham huddi shunday tarzda yaratilishin tushinib yetganman. 2019 yilda, o'ylashimcha boshlang'ich level uchun yetarlicha ma'lumot olib o'z komandam bilan o'yinlar tuzib ko'rdik. Hozirda yaratgan o'yinlarim: “Tower Defense” (clash yoki dotaga o'xshash) va “Cubic Surfes” (Subway surfni sodda varianti)

4. Amerikaga “Work and Travel” asosida borish - bu sayohatimni ikkinchi qismi bo'lganligi sabab, menda ancha ko'nikma bor edi. Xo'sh, men u yerda Minnesota shtatining Dulut shahriga bordim va "The Inn On Super Lake" mehmonxonasi xodimi sifatida ish olib bordim. Men mehmonxonada 9ta turli xil davlatlardan kelgan 30 nafar talabalar bilan turardim. Bo'sh vaqtlarimizda esa, ular bilan bazm o'tkazardik. Bayramlar tashkil qilganimizda, har bir mamlakatdan kelgan bollar o’zlarining milliy taomlarini tayyorlab, urf-odatlarini namoyish etib, raqsga tushib, musiqa va qo'shiq kuylardilar. Bo'sh vaqtlarimizda esa, shahar bo'ylab sayohat uyishtirardik.

P.s: Rasimda meni topdingizmi?)

...

Yangi yilingiz bilan! 🥳🥳🥳

​​Maqsadsiz yashash, qanotsiz uchish demakdir!

Biz bilamizki, har birimizning tabiiy istaklarimiz, o'z hayotimizda doimo baxt-u saodat, muvaffaqiyat va farovonlikka intilishimizdir. Agar siz hayotda muvaffaqiyat qozonishni va eng yashirin orzularni ro'yobga chiqarishni istasangiz, maqolani o'qishda davom eting. Keling oldin, muvaffaqiyatga erishish nimaga bog'liqligini ko'rib chiqaylik. Men Brayn Treysining - "Million dollarlik odatlar" kitobini o'qidim. Ushbu kitob menga maqsadlarimni aniqlashimda yordam berib hamda "hayotdagi maqsadim o'zi bormi, men nimaga intilmoqdaman va hayotda nimaga erishmoqchiman?" degan savollarga chuqurroq o'ylashimga majbur qildi.

Bestsellerlarning ko'plab mualliflari ta'kidlashicha, faqatgina 5-10% odamlar muvaffaqiyatga erishish uchun aniq maqsadlarni qo'yishadi va aynan shu odamlar hayotda muvaffaqiyat qozonishadi. Aslida men bu yerda hisoblashda xatolikka yo'l qo'yilgan deb o'yladim va o'zim ishonch hosil qilish uchun do'stlarim, tanishlarim va o'quvchilarimga shu savol bilan yuzlandim. Ularning javoblari meni hayratga soldi. Hech biridan men kutgan javobni olmadim chunki ularda maqsad emas, faqat orzu-havas edi. Ammo maqsadlar va orzular umuman boshqa-boshqa tushunchalardir. Yaxshilab firklab ko'rsak, orzu - bu passiv harakat huddi tushga o'xshab va odatda hech qanday harakatni amalga oshirmaydi. Maqsad esa, sizni siljitadiga va hatti-harakatlaringizni muvaffaqiyatga erishish uchun ko'maklashadigan faol pozitsiya hisoblanadi.

Ohiri oqibat, bu 5-10% "achchiq" faktni rostligiga amin bo'ldim va afsuski bu protsentlar ichiga men ham kirmasdim.

Birinchi qadamni hayotda nimaga erishishni xoxlayotganingizni tushunishingiz kerak va uni amalga oshirish uchun plan tuzib chiqish talab etiladi.

Qo'lingingizga ruchka hamda daftar olib yozishni hoziroq boshlang, orzuni maqsadga aylantirish vaqti keldi!

"Yorug'lik tezligi bilan bahona topgangandan ko'ra, maqsadga toshbaqa tezligi bilan oldinga intilgan yaxshiroq!"

...

​​Amekadagi hayotimdan lavha...

Biz samolyotdamiz! Toshkentdan to Amerikagacham parvoz vaqti 16 soatni tashkil etdi. Lekin bizni hech uyqimiz kelmasdi. Biz manzilga yetib keldik va birinchi bora o'z ko'zlarimiz bilan New Yorkni ko'rdik. O'zimizni huddi o'zga olamga tushib qolgandek his qila boshladik. O'sha kunni o'zidayoq o'z ona yurtimizga qaytgimiz keldi. Ammo ortga yo'l yo'q, biz o'z tanlovimizni qilganmiz. Ko'rinish aldamchi bo'ladi deb bejizga aytishmas ekan, u yerning odamlari hushchaqchaq, muomilali ekan. Birinchi kunni sayohat bilan o'tkazdik. Manhattan, TimeSquare shaharlarida bo'lib, estalik uchun fotosuratlarga tushdik. Qarasak soat 3:00, yaxshiyamki u yerda do'stim Ravshanni tanishi bor ekan. Ularnikiga bir kun tunashga taklif etishdi. Uyquga ketishimdan oldin, o'zimga-o'zim: bu tushummi yoki o'ngimmi? Men rostan ham Amerikadamanmi? deb savollar berib yotdim😂. Ertasi kuni, o'zimizni Minnesota shtatining Dulut shahriga qaytdik va aeroportda biz ish beruvchi menedjer bilan ko'rishdik. Aeroportdan toki Mehmonxonaga borgunimizga qadar menedjerimiz shahar haqida juda qiziqarli ma'lumotlar bilan bo'lishdi. Biz Amerikani katta ya'ni Superior ko'li yonida joylashgan Edgewater mehmonhonasiga joylashdik, ish joyimiz esa The Inn On Lake Superior deb tayinlandi. 1-kun qayerda nima olishimizni batafsil ko'rsatib berdi. 1-hafta moslashib olishga qiynaldim. Oldingi postda aytganimdek u yerda 9 ta davlatdan ish bo'yicha kelgan qiz va bollar bor edi. Har biri bilan do'stona munosabat bilan suhbatslashar edik. Eng qizig'i esa har millatni o'zgacha tili urf-odatlari, milliy taomlaridir. Bo'sh paytlarimizada bazm, sayohatlar kosert, kino va taniqli joylarni aylanish bilan o'tkazardik. Bizni o'zbek tilimizni jojalarni "chip-chip" ovoziga qiyoslashdi😂.

1-oy xona xizmatchisi bo'lib ishladim. Kengi oy, maoshimni ko'paytirish maqsadida yana qoshimcha ishga kirdim

Amerikani sistemasiga keladigan bo'lsak, u yerda biznikidan anchagina farq qiladi, misol qilib social securytini olishimiz mumkin. Bu sizni ishlashingizga ruxsat beradigan guvohnoma hisoblanadi. Agar sizda ushbu hujjat bo'lmasa, sizga oylik berilmaydi. Birinchi marorataba kelganingizda ko'proq shunga ahamiyat berishingizni maslahat beraman, bo'lmasa ikkinchi ishga kirishingiz muammo bo'ladi. Tahminan 80% ishlar onlayn holda amalga oshiriladi. Bunga online maktablar, banklar va hokazolarni misol qilib olishimiz mumkin.

Psixologik tomondan qaraydigan bo'lsak, buni tan olishim lozimki, men bu sayohatdan oldin uyatchanlik fe'l atvori mavjud edi, lekin bu odatimni yoqotishda, juda katta yordam berdi deya olaman. Endilikga, hohlagan insonimga o'z fikrimni qo'rqmasdan yetkaza oladigan darajaga yetdim.

Moddiy tarafdan esa, 2 yil davomida umumiy foydam $20.000 ni tashkil etdi.

...

Biz bir oilamiz!

2018-yil. Amerikaga sayohatim chog'ida tayyorlangan video.

#Arxivdan

...

​​'KAYZEN" dangasalikka qarshi yaponcha usul yoki 1 minut printsipi.

"Dushanba kunidan boshlab men yangi hayotni boshlayman, sport bilan shug'ullanaman, kitob o'qiman, yangi tillarni o'rganaman..." Har birimiz vaqti-vaqti bilan oldimizga maqsad qo'yamiz va ularga erishmaymiz, uni kengi oyga, bir necha oyga, yillarga suraveramiz.
Buning sababi shundaki, biz ko'p narsani darhol va birdaniga xohlaymiz, maqsadlar qo'yamiz. Lekin ularning bizga o'girligi tushib ozginasiga erishishimizga ham imkon bermaydi.

Ba'zan biz g'ayrat bilan rejamizni amalga oshirishni boshlaymiz-u masalan, haftasiga 3 marta sport zalida bir necha soat davomida shug'ullanamiz va darslarga qatnamay qo'yamiz. Nega bunday bo'ladi? Chunki "нагрузка" katta, tez jonga teyadi va u odat tusiga kirmagan.

Kayzen metodikasi yoki bir daqiqalik printsip.

Yaponiyada "kayzen" usuli mavjud, unda "bir daqiqa" tamoyili yotadi. Ushbu uslubning printsipi shundan iboratki, odam aniq bir ish bilan bir daqiqada shug'ullanadi, ammo har kuni va bir vaqtning o'zida. Vaqtning bir daqiqasi juda oz, bu har qanday odam uchun osonlikcha bajarilishi mumkinligini anglatadi. Dangasalik yo'lingizda pog'ona bo'lmaydi. Uzr va bahonalar sabab yarim soat davomida bajarishni istamagan ishlaringizni, siz bir daqiqada osongina bajarishingiz mumkin.

Arqonda sakrash, ko'z mashqlarini bajarish, yoga bilan shug'ullanish, ingliz tilida yoki boshqa xorij tillarda kitob o'qish - Agar mashqlarning davomiyligi bir daqiqa bo'lsa, sizga qiyin ko'rinmaydi, aksincha quvonch va mamnuniyat keltiradi. Siz kichkina qadamlar qo'yib rivojlanasiz va yuqori natijalarga erishasiz.

O'zingizga bo'lgan shuba va ishonchsizliki yengishingiz, o'zingizni aybdorlik hissi va nochorlikdan xalos qilishingiz, faqat va faqat g'alaba tomon intilishingiz juda muhimdir! Muvaffaqiyat hissidan ilhomlanib, siz asta-sekin bir daqiqali darslarni besh daqiqaga, ularni esa soatlarga ko'paytirasiz va hokazo.

Kutilgan natijalaringizga siz o'ylaganingizdan ham tez va oson erishasiz!

P.s: @Akmaljonsupportbot ga juda ko'p savollar kelib tushmoqda, agar kimgadur yordamim teygan bo'lsa, men bundan juda ham xursandman.😊

...

​​Readingni oshirish uchun qaysi kitoblarni tavsiya etasiz?

Nafaqat Readingni yaxshilash uchun, balki dunyo qarashingizni kengaytirish maqsadida 2 ta kitobni o'qib chiqishni maslahat beraman.

1⃣. 7 habits of highly effective people by Steven Covey.

"Yuqori samarali odamlarning 7 ta ko'nikmasi" kitobi o'z-o'zini rivojlantirish va shaxsiy o'sishga bag'ishlangan ajoyib kitobdir. Ammo unda siz nafaqat, yuqori samarali odamlarning yettita qobiliyatlari tavsifi haqida, balki bizning qadriyatlar tizimini tashkil etuvchi abadiy tamoyillar mavzusiga bog'liq ma'lumotlar va sizning fe'l-atvoringizni rivojlantirish qanchalik zarur va muhimligini bilib olasiz. Binoning barqarorligi uning poydevorining yaxlitligi va mustahkamligiga bog'liq bo'lgani kabi, insonning fe'l-atvori to'liq va yuqori sifatli hayotga asoslangan poydevor bo'lib xizmat qiladi.

2⃣. Find your why by Simon Sinek

O'zini anglash - bu imtiyoz emas, balki huquqdir. Har birimiz bajarayotgan ishimizdan rohatlanishni orzu qilamiz. Baxt - lotoreya emas. Baxt - bu har kuni o'zingizdan ko'ra, qandaydir kattaroq narsaga o'z hissangizni qo'shib va nima uchun qilganizngizni bilishdadir. "Nima uchun"ni biladigan odamlar va tashkilotlar, ishchilar va mijozlar orasida katta ishonch va sodiqlikka ega bo'lishadi. Ular raqobatchilardan ko'ra istiqbolli va innovatsiondir hamda uzoq muddatli va ko'p jihatdan muvaffaqiyatli sanaladi. Kitobni boshidanoq, sizning mazmuningizni topish sifatida "Nima uchun?" so'rovnoma bilan yuzlanadi. "O'zingni nima uchun savolingni top" sizni shaxsingizni kashf qilish uchun aniq qadamlarni ko'rsatib beradi. Bu kitobni poygadan oldin startga otiladiga o'q deb faraz qiling va bu sizni musobaqaga tayyorgarlik paytida qanchalik hayajon va energiya bilan to'ldirishini bir o'ylab ko'ring. "Nima uchun" savoliga muvofiq yashashni boshlaganingizda, ilhom sizni harakatga keltiradi va u nimaga qodir ekanligingizni ko'rsatadi.

...

❗️Diqqat

Yuqorida 2 ta kitobni yoritib berganimdan so'ng, menga juda ham ko'p obunachilar: "Ushbu kitoblarni sizda pdf formati yo'qmi?" - deb yozishganligi sabab @Akmaljonblogcom ga original versiyasini joyladim, bemalol yuklab o'qishingiz mumkin😊

P.s: Hozircha ushbu kitoblar o'zbek tiliga tarjima qilinmagan. O'ylamanki yaqin fursatda, buni amalga oshiradiganlar ham bo'ladi.

E'tiboringiz uchun rahmat, hayrli tun azizlar😊

​​"Jamiyatni o'zgartirishning eng tezkor usuli bu dunyo ayollarini safarbar qilishdir."

Har 8 mart kuni biz Xalqaro xotin-qizlar kunini nishonlaymiz. Ushbu bayram birinchi marta
1911 yilda ba'zi Evropa mamlakatlarida, masalan Avstriya, Daniya, Germaniya va Shveytsariyada bo'lib o'tdi. Bir milliondan ortiq ayollar va erkaklar ayollarning mehnat qilish, ovoz berish, ta'lim olish huquqi, tenglik va kamsitishni tugatish huquqlarini himoya qilish uchun kampaniyalariga chiqishdi. 1975 yilga kelib, u Birlashgan Millatlar Tashkiloti tomonidan rasman tan olingan va xalqaro miqyosda tan olinishda davom etmoqda. Xitoy, Afg'oniston, Rossiya va Ukraina kabi ba'zi joylarda Xalqaro xotin-qizlar kuni milliy bayramdir.

Xalqaro xotin-qizlar kuni logotipi binafsha va oq rangda bo'lib, u Venera timsolini, ya'ni ayol timsolini aks ettiradi. Turli xil, yosh va millatdagi ayollarning yuzlari shuningdek, Xalqaro Ayollar kunida turli xil reklama tadbirlarida, masalan, plakatlar, otkritkalar va ma'lumot risolalarida uchraydi.

Maktablarda va boshqa ta'lim muassasalarida ko'plab o'quvchilar ayollarning jamiyatdagi ahamiyati, ularning ta'siri va ularga ta'sir qiladigan muammolar haqida maxsus darslarda, munozaralarda yoki taqdimotlarda qatnashadilar. Ba'zi mamlakatlarda bolalar maktablardagi ayol o'qituvchilariga gullar yoki sovg'alar olib kelishadi, ayollar esa do'stlari yoki oila a'zolaridan kichik sovg'alar olishadi.

Sovg'a qilish uchun yaxshi fursat. Mening oilam ham ushbu bahor bayramini nishonlashadi. Ertalab erkaklar gul sotib olish uchun do'konlarga yoki bozorlarga boradilar. Ular kvartirani tozalashga va bizga bayramona kechki ovqat tayyorlashda yordam berishadi. Kechqurun biz teatrga, kontsertga boramiz yoki shunchaki mehmonlarni uyimizga taklif qilamiz.

...

Kuniga atigi bir soat "hech narsa qilmasangiz", o'zingizning o'sishingizga qoyil qolasiz.

Uorren Baffet kuniga 5-6 soatni besh gazeta va 500 sahifali korporativ hisobotlarni o'qishga sarflaydi. Bill Geyts oyiga 50 ta kitob o'qiydi. Mark Tsukerberg ikki hafta ichida kamida bitta kitob o'qiydi. Akasini gaplariga ishonadigan bo'lsak, Elon Musk kuniga ikkita kitob o'qib ulg'aygan. Ularning barchasi har kuni ma'lum vaqtni mustaqil ravishda o'qishga sarflashadi. Biz ham ushbu qoidani hayotimizga kirita olamizmi?

Maqolani o'qish👈

Hayot qonunlaridan birida aytilishicha, baxtning bir eshigi yopilganda, boshqasi ochiladi.

Ammo muammo shundaki, biz yopiq eshikka tikilib, ochiqlarga e'tibor bermaymiz.

Assalomu alaykum azizlar, bugun biz qiziq bir xulq-atvor uslubi to'g'risida gaplashamiz. Uni ishlatishda siz doimo maqsadlaringizga erishasiz. Shuningdek, sizning ijodiy salohiyatingiz bir necha bor ortadi va shu bilan birga bilim va ko'nikmalaringiz yangi ma'lumotlar bilan yangilanadi. Agar siz yaxshilanishga tayyor bo'lsangiz, unda ushbu maqolani o'qishni davom ettiring, agar o'zgarishni xohlamasangiz va hozirgi holatingizdan qoniqsangiz, u holda ushbu sahifani yoping va hozir qilayotgan ishingizni davom ettiring.

Maqolani o'qish👈

​​Agar hozir bo'lmasa, unda qachon?

AQSHdagi Garvard Universitetida o'qish narxi $200,000 tashkil etadi. Ta'kidlash joizki, 55% talabalar bu pulni qisman to'lashadi, bunday tashqari 25% esa umuman bepul ta'lim olishadi. Agar karantin vaqtida uyda qolib, pul ishlash yo'lini topish qiyin bo'lsa, keling o'sha $200,000 o'qish xarajatini tejashning taraddudini qilaylik. Buning uchun farzandingizni rivojlantirishga kuniga atiga 1 soat ajratsangiz yetadi hamda yaxshiroq qo'shimcha online o'quv kurslariga yozilib tahsil olishini tafsiya etaman. Bu ishingiz nafaqat Universitet pulini tejashga, balki farzandingizni har qanday sohada muvaffaqiyatli bo'lishiga imkoniyat yaratib beradi. Axir farzandlarimiz bu bizning kelajagimizdir!

@Akmaljonblog

...

​​Summer Work and Travel ya’ni Yozgi Ishlash va Sayohat qilish dasturi.

Ushbu postda Summer Work and Travel dasturi haqida o’zim bilgan ma’lumotlarni sizlar bilan o’rtoqlashaman.

Qisqacha Summer Work and Travel dasturi o’zi nima?
Bu dastur asosan universitetda o’qiyotgan talabalar uchun, sirtqa, masofaviy shaklda talim oladigan talabalar hamda kasb-hunar kollejlari talabalari qatnashish huquqiga ega bo'lmaydilar. Dastur talabalarga chet-elda, misol uchun Amerika, Avstraliya, Buyuk Britaniya davlatlarida ishlash va sayohat qilish imkonini beradi. Bu dastur butun dunyo bo’yicha mavjud, ammo har xil davlatda bu dasturni o’ziga yarasha cheklovlari ham bor.

Nomidan malumki bu dasturga faqatgina yozgi tatilda ishtirok etishingiz mumkin, boshqa xollarda esa albatta siz o’qishda bo’lishingiz shart. O’zbekistonda men bilishimcha hozir Summer Work and Travel dasturi faqatgina Amerikada ishlashga va sayohat qilishga imkon beradi, boshqa davlatlarga bu dastur orqali borish mumkinmi yoki yo’qmi unisidan hozircha xabarim yo’q.

Yosh buyicha chegarasi bormi?
Amerika Elchixonasining rasmiy saytiga kura yosh buyicha chegara yo’q, muhimi universitet talabasi bo’lishi kerak.
👉Amerika Elchixonasining Rasmiy Sayti

Kelingizlar asosiy qismga utamiz.
Dastur narxi?! Turli xil davlatlarda bu narx turli xil. Men birinchi marotaba ketganimda taxminan $2800 dastur uchun to’laganman. Ikkinchi bor ketayotganimda esa $3300. Kimga deysizmi? Homiyga! Ya’ni J-1 (VISA turi) dasturidagi homiyingiz bilan bog’lanishingiz lozim. Homiyingiz sizga barcha J-1 almashuv tashrif dasturingizga oid masalalar buyicha sizga yordam va maslahat berish vazifasi yuklatilgan.

Ana endi homiy bo’lishi shartmi va uni qayerdan topsa bo’ladi?
Ha albatta bo’lishi shart va uni Amerika elchixonasining rasmiy saytidan yoki quyidagi havola orqali topishingiz mumkin.
👉https://j1visa.state.gov/participants/how-to-apply/sponsor-search/?program=Summer%20Work%20Travel


Men o’zim qaysi homiy orqali ketganman?
InterExchange: iec.uz

Qachon va qanday ro’yxatdan o’tish kerak?
O’zbekistonda talab juda ham ko’p bo’lganligi sababli buni ertaroq amalga oshirganingiz maqul. Bilishimcha Sentabrda ro’yxatdan o’tish ochiladi va bu adashmasam Dekabr oyigacha davom etadi. Homiy orqali ro’yxatdan o’tishingiz kerak, ya’ni bu yerda eng asosiysi bu homiy topish.

Bu dasturda ishtirok etish arzidimi shuncha pulga?
Kimlardir uchun ha, kimlardir uchun yo’q. Lekin o’zimni shaxsiy tajribamdan kelib chiqib aytadigan bo’lsam bu dastur puliga arzidi!

Dastur davomida nima ishlar qilsa bo’ladi?
Asosan yengil ishlar, ya’ni restaranda ofitsiant yoki oshpaz yordamchilari bo’lib ishlasangiz bo’ladi. Sotuvchi, mehmonxonada xona xizmatchisi, parkda kassir, yetkazib beruvchi va hakozo.

Savollaringiz bo’lsa albatta @AkmaljonSupportBot orqali yuborishingiz mumkin!

👉Qo’shimcha ma’lumotlar


P.s: Rasmdan meni topa olasizmi?😅😉

Uzoq va uzoq vaqtdan beri men ushbu kanalni yoki blogni nafaqat Ingliz tili yoki IELTS bilan bog'liq bo'lgan narsalarga balki , har kuni qiladigan narsalarimni qo'shishni ham o'ylayman. Misol uchun qiziqarli narsalarni yaratish, Internetga oid narsalar, dasturlash va shunga o'xshash narsalar haqida yozsammi deb o'ylab qolamani.

Umid qilamanki, sizga hali ham mening xabarlarimni yoqadi va foydali deb topasiz. Keling, bu qanday ishlashini ko'rib chiqaylik, kelishdikmi!

Birinchidan aytmoqchimanki, deyarli bir oy davomida men YouTube kabi video-xosting platformasini yaratishga harakat qilmoqdaman, bu yerda videolaringizni yuklay olmaysizku, lekin onlayn kurslarni tomosha qilishingiz mumkin. Bu yerda maqsad nafaqat video platformani yaratish, balki men video playerga o'xshash narsani yaratmoqchiman, u tomoshabinlarga faqatgina ushbu platformada videolarni ko'rishga imkon beradi. Ya'ni, siz ushbu videolarni yuklay olmaysiz (havsizlik tomonidan qulay bo'lgan platforma), chunki ularni yuklab olishning oldini olish uchun ular shifrlangan yoki kodlangan bo'ladi.

Masalan, YouTube videolari, siz ularni to'g'ridan-to'g'ri YouTube-dan yuklab ololmaysiz, ammo videofayllarni YouTube Video Yuklagich veb-saytlari kabi uchinchi tomon (3rd party) veb-saytlari yordamida yuklab olishingiz mumkin.

Yaqinda YouTube videolarni haqiqatan ham qanday yuklashini va shiftlashini bilib oldim, bilsangiz, YouTubeda sahifani tekshirib, keyin video havolasini topib uni boshqa bir sahifaga quysangiz odatda siz videoni yuklab olishingiz mumkin bo'ladi, lekin YouTube videolarida nima bo'ladi xatolik beradi ya'ni "Sahifa yoki manba topilmadi" yoki shunga xabar beradi sizga (agar sinab ko'rgan bo'lsangiz)?!

Aslida bu usul ko'plab veb-saytlarda ishlaydi, siz video havolasini olib, videoni osongina yuklab olishingiz mumkin!

Agar biron , foydalanuvchilarga videolarni yuklab olishga ruxsat berish yaxshi albatta agarda mualliflik huquqi yoki litsenziyali narsa bo'lmasa chunki bu birovning mashaqqatli ishini o'g'irlash hisoblanadi.

Shunday qilib, o'ylaymanki men nimani yaratishga harakat qilayotganimni tushungingiz degan umiddaman!
Men YouTube ga o'xshash platformani yaratishga harakat qilyapman, albatta, ha, nafaqat YouTube-da bunday yaxshi video platforma mavjud, albatta, boshqa ko'p vebsaytlar ham bor YouTubega o'xshagan!

Agar siz kodlash, dasturlash va shu kabi barcha IT-narsalarni qilishni xohlasangiz, menga qo'shilishingiz mumkin va biz buni barchasini qilamiz!
O'qiganingiz uchun rahmat va ha, kuningiz ajoyib o'tsin!