✍️عرفت صفحتي إزاي ؟🤔

#الرجال_لا_يقرأون_الفنجان 🙋‍♀🎙
✍️بعد زواجك أختي المسلمة ستمر عليكِ مرحلة تسمى بمرحلة (صراع التفاهمات)
قد تستغرق هذه المرحلة ما يقرب من الـ 7 سنوات [تقل أو تزيد]
تقل المدة بالتعاون وتزداد بالبُعد والجفاء والاستسلام للأمر الواقع
حالة صراع التفاهمات سببها الأساسي أن كليكُما لا يفهم طباع الآخَر
الأمر لا يتوقف فحسب على الطباع ، بل سيزداد الأمر عند الرجال
الرجل كائن عقلاني والمرأة لا تفكر إلا من خلال مشاعرها وعواطفها
هذا الصراع بين العقل والعاطفة يستغرف زمانًا طويلًا تسمع فيه هذه العبارات من المرأة 👇
(مش بيهتم بيا خالص _ يفكر في أي حد إلا فيا _ بطلب منه حاجات مش بيهتم بيها) وهكذا دواليك
وعندما تسمع من الزوج تجده يحكي لك أنه لا يفهم كل هذا وأحيانًا يتهمها بالكذب!
يقول لك: (بسألها على شئ لقيتها بتقوللي لو مهتم كنت عرفت لوحدك)🙈
تتصل به في العمل تحكي له عن تعبها وإرهاقها في هذا اليوم فيعرض عليها الذهاب للطبيب ولما رفضت رجع بيته فلم يجد طعامًا..(مكنش يعرف إنها لما تقول له تعبانة يعني هات أكل وإنت جاي)🤣
النساء كائن غير مفهوم تمامًا بالنسبة للرجال ، في الوقت الذي تمكث فيه أختي المتزوجة سنوات تتحسس هذا الزوج الخائن الكذاب الذي يداري عنها أشياءًا ويخفي غالب أمور حياته عنها تكتشف في النهاية أنه يتصرف بطبيعته وهذه طبيعة الرجال (واضحين ومفيش شئ بيخبوه)
👈المرأة التي تريد اختصار حياتها لتعيش السعادة هي المرأة التي ستفهم في الرجال هذه الطبيعة [العقل]
ومتى ما فهمت هذا الأمر فإن وساوس الشيطان ستخرج من ذهنها وستفهم أن زوجها شخصًا طبيعيًا يتصرف بطبيعته
⬅️بعض النساء بيعملوا مقارنة بين (حياتها مع إخوتها الذكور) وبين (حياتها مع زوجها)
وهذه مقارنة ظالمة ، فالأخ لا يُنتَظَر منه ما تنتظرينه من الزوج...(من هنا تكون المشكلة في بدايتها)
تطلعاتك مع زوجك عالية ، بالرغم من كونه ذَكرًا طبيعيًا كإخوتك الذكور
⬅️لو عاوزه فعلًا تتعايشي مع عفريت الرجال لا بد أن تفهمي طبيعتهم وتحترميها
#اشرحي_له_الكتالوج_ياأختاه 🤷‍♂
بعض الرجال بيكون تعبان جدًا في فهم اللغة الجديدة التي تحدثينه بها
يصل الأمر بالبعض لمرحلة تسمى بـ( الخرس الزوجي ) خايف يتكلم علشان مش عارفها هتحور الكلام فين لما يعدي على فلاتر مشاعرها ومصافي عواطفها 🤦‍♂
👈ممكن تقولي لزوجك (لما أقولك كذا بكون عاوزه كذا ، ولما أعمل كذا مش معناها إني بتهمك لاااا أبدًا أنا بس بكون عاوزه كذا)
⬅️التعامل مع الرجال سهل جدًا وبسيط ولكن يحتاج وضوح في التعامل...افصحي له عن رغباتك المُلِحَّة
👈نقاش بين زوجين والمشكلة الرئيسية أن الزوج لا يأتيها متى طَلَبَته...(المشكلة دي قعدت سنوات بينهما)
عنفت الزوج وحدثته عن حق المرأة في الإعفاف وهو يقول: (يامولانا مطلبتش حاجة أقسم بالله)
غشيم...مكنش يعرف أنها لما تتزين في أوقات معينة أكيد لها رغبة فيه وأن حياء المرأة يمنعها من الطلب
لما وقفت مع غباء الرجل قلت لنفسي: (الزوجة دي لو في مرة قالتله ياراجل لما أتزين لك أبقى عاوزاك كانت اختصرت على نفسها سنوات وسنوات)
👈لو وقفت الزوجة مع نفسها أمام الزوج الكريم الذي يلبي احتياجاتهم وقالت له: (لما اتصل بيك في الشغل وأقولك تعبانة ابقى هات أكل معاك)
الراجل هيفهم وهتختصري حياتك بدلًا من اتهامه بالبخل وانتي نفسك مش مصدقه إتهامك
👈الزوج الذي لا يمنعك عن أهلك ميعرفش إنك لما تقعدي تفكري بصوت عالي وتقولي نفسي أفضفض مع حد وأحكيله مشكلة ميفهمهاش غير ست زيي ، هو ميعرفش إنك كدا عاوزه تروحي لأمك
متعتبريش سكوته دليل مَنع وتقعدي في وَهم إنه بيمنعك عن أهلك وتندبي حظك إنه مبقاش زي حظ جارتك اللي زوجها راميها عند أمها من 3 سنين
(اطلبي.... اطلبي بلسانك فالرجال لا يقرأون الفنجان)🤣
#كيف_تتعايشين_مع_العفريت (4)

✍️رسالة جميلة جدًا من أخت من أخواتنا ربنا يحفظها ويبارك فيها
أختنا شايفه إني متحامل على النساء لما بطلب منهن يوضحوا للأزواج اللي هما عاوزينه ، وإن النبي ﷺ مع كثرة إنشغاله كان بيلاقي وقت يجلس مع عائشة ويسمع منها وهكذا
الحقيقة رسالة جميلة جدًا ولكن كنت حابب أوضح للأخت بعض الأمور 👇

1/ السلسلة اللي حضرتك بتقرأيها دلوقتي دي معمولة لكم مش للرجال (كيف تتعايشـ[ين] مع العفريت)
يعني الكلام لكم علشان تقدروا تحافظوا عالبيوت..لو هترجعي لسلسلة (كيف تتعايش مع العفريت) اللي هي كانت للرجال هتلاقيني فيها بقول نفس الكلام اللي حضرتك بتحكي فيه ده بالضبط في أكثر من حلقة هناك..دي للنساء واللي فاتت كانت للرجال
فأكيد الخطاب هيكون مختلف 🤷‍♂

2/ مشكلات النساء زمان كانت بسيطة غير دلوقتي ، علشان اديكي نموذج من اللي بتدينا مثال عليه بين النبي ﷺ وعائشة حابب أفكرك 👇
⬅️النبي ﷺ لما قدر يعرف جزئية في كتالوج عائشة رضي الله عنها كان عبارة عن إيه؟🤔
#شوفي_الرواية_دي 👇
يقول النبي ﷺ لها: (إنِّي لَأَعْرِفُ غَضَبَكِ ورِضَاكِ قالَتْ: قُلتُ: وكيفَ تَعْرِفُ ذَاكَ يا رَسولَ اللَّهِ؟ قالَ: إنَّكِ إذَا كُنْتِ رَاضِيَةً قُلْتِ: بَلَى ورَبِّ مُحَمَّدٍ، وإذَا كُنْتِ سَاخِطَةً قُلْتِ: لا ورَبِّ إبْرَاهِيمَ قالَتْ: قُلتُ: أجَلْ، لَسْتُ أُهَاجِرُ إلَّا اسْمَكَ)
الغضب والرضا عند أمنا عائشة كان له لغة تانيه خالص...مكنتش بتقولها باللسان...(تمام جدًا لحد هنا)
بس هو دا آخرها رضي الله عنها
هو دا اللي كان الرجالة بيتعبوا فيه معاهم
فين دا من الحاصل دلوقتي ؟
كل حاجة عاوزه تحوير ولف ودوران
ياأختي دا أنا ساعات بستعين بواحدة من محارمي علشان تشرحلي اللي الست اللي بنصلحها على زوجها عاوزاه
وساعات والله بلاقيهم وهما ستات مع بعض مش عارفين يفهموها 🤣
كثرة الخروج والإختلاط والزحمة واستلام مَهام مش من مهامها جعل عقلها المحدود مُشتت مفيش تركيز
⬅️الله يكون في عون فطرتكم 🤲
ومع ذلك..بنوصي الرجال يأتسوا بنبيهم ﷺ علشان يفهموكوا
#ساعدونا_أثابكم_الله 🤣
#تصحيح_مفاهيم_الزواج

✍️والله ياأختي اللي زيك للأسف بتكمل حياتها مطلقة
👈اللي بتتزوج علشان الناس عاوزينها تتزوج مش علشان ترضي ربنا وتكون مستعدة ترضي ربنا وتدخل الجنة عن طريق زوجها بحسن التبعل وتفهم إننا بنساعدها لفتح الباب ده تبقى عملت حسبتها غلط
ارحموا الشباب من البداية وفهموهم إنكم مش مستعدين تتعلموا ، والشاب اللي مش مستعد يفهم ويتعلم ميضحكش برضو على بنات الناس
دا ميثاق غليظ مش لعبة
👈إيه الكلام الفارغ ده ؟..فيه أنثى عاوزه تقابل ربنا بحسن تبعلها لزوجها تقول مش هعرف أعمل حاجة تقرب بيني وبين زوجي ؟
أمال لزمتكوا إيه ؟

✍️البوست دا انتشر النهارده وللأسف معرفتش أعلق عليه لإغلاق التعليقات عند الأخت اللي كتبته وهي أخت فاضلة نحسبها على خير ، بس كان لازم ننبه على الأمر علشان صوتي يوصل للزوجين أصحاب المشكلة

👈دي مشكلة بين زوجين ، الزوجين صوتهم عالي على بعض والزوجة بدل ما تتصل بأهلها اتصلت بأهله اللي جه منهم [الأب + العم + الخال + الخالة]
(حصل فزعة للعيلة كلها تقريبًا)🤔
مسكوا الزوج بهدلوه وحرموه من زوجته لمدة أسبوع ، وتم فرض غرامة للزوج نظيرا لرجوعه عبارة عن خاتم ذهب
⬅️أم الزوج كمان طلعت تجري على سرير ابنها وقالتلها: (هنام أنا جنبك مكانه يومين علشان يتربى)
تقريبًا الوليه كان نفسها تنام عالمرتبه الجديدة 🙄
⬅️الحكاية من الوهلة الأولى هتحسها مُفرحة كدا وفيها انتصار للزوجة ، ولكن دي مصيبة ورب الكعبة محدش هيحس بيها دلوقتي

#ركزوا_في_اللي_هقوله 👇
1/ بعض الشباب فكرتهم عن الزواج الشرعي إننا مبنكتبش قايمه والموضوع بيتم شرعي لحد ما بندخل بيتنا..الموضوع أكبر من كدا ياجماعة
دا مثال لزوجين عندهم جهل...اهتموا بتفصيلات الزواج ونسيوا لما يختلفوا يدخلوا مين بينهما
مع أول مشكلة الزوجة واقفة في حيرة (أهلي وللا أهله)
لو كان الزوج فاهم كان شرحلها إن ساعة الخلاف لابد يكون هناك (حَگم)..حد عنده علم شرعي يحكم بالشرع
دا ساعة الشقاق ربنا بيقول(فابعثوا حكما من أهله وحكما من أهلها) ...مش أي حد من الأهل
وعلشان الموضوع ماشي بالعواطف كل القبيلة جت...دا مش كدا وبس.. دول فرضوا على الزوج عقوبات مش موجودة غير في الأمم المتحدة 🤣

2/ تعالوا كدا نشوف موقف الأب اللي مبيعرفش يربي عياله بسبب أمه اللي كل شويه تتدخل في ولايته عالعيال...بيطلعوا عيال مايعين...كل ما ييجي يربي تطلع الأم وتقول: (والله لو جيت ناحية الواد لا هتعرفني ولا هعرفك وممكن أحرمك من الميراث)
يطلع عيل فسدان متدلع ملوش لزمة
اللي يتدخل في أي علاقة فوقية بيفسدها تمامًا
الزوج هيتعامل إزاي مع زوجته بعد كدا ؟
ما هي نفس العلاقة الفوقية اللي إنت مبتسمحش لحد يتدخل فيها بينك وبين ابنك هي نفسها العلاقة بينك وبين زوجتك..ما الجديد ؟

3/ الطلاق لو حدث الشرع بيخليها قاعده معاه في البيت علشان التوافق يحصل ويرجعوا تاني ، ودول من جهلهم بيبعدوهم علشان يتربوا....(ناخد بشرع الله وللا بالعواطف بتاعتكوا ؟)

4/ ودي الأهم....أنا شفت حالات كتير جدًا لزوجات اتعمل معاهم كدا في الأول وبعدين ساقوا فيها (لإن الحياة لا تسير على وتيرة واحدة) وأول ما الكلام مبقاش على هواها علشان الأهل زهقوا الزوجات راحوا المحاكم علشان وجدوا إن القاضي هو الوحيد اللي هينصفهم في الجولة الجديدة
أزواجهم دلوقتي بيلوموا الأب والأم اللي أفسدوهم من البداية
⬅️ياجماعة....مش متخيل إن أختي تدخلني في مشكلة وأروح أشوف المشكلة فيكون الحل إني أطلع زوجها من البيت وأفرض عليه غرامة وأقعد معاها في الأوضه مكانه 🤣
#المجتمع_جراله_إيه ؟
#تصحيح_مفاهيم_الزواج

طب ما سهلة أهيه 🤣
الله يفتح عليكي

✍️سلاسل الزواج الشرعي والعلاقات الأسرية 🤵👰
👈علشان تعرف حقوقَك لازم تفهَم.وعلشان تفهم لازم تتعلم..وانتي كمان ياست الكل..اتعلمي يعني إيه زواج 👨‍❤️‍👨👇

1/ إزاي تدرس خطيبتَك؟🤦‍♂
https://m.facebook.com/story.php?story_fbid=3597427230486484&id=100006577268085&mibextid=Nif5oz
2/ إزاي تدرسي خَطيبِك؟🤦‍♀
https://m.facebook.com/story.php?story_fbid=3611132869115920&id=100006577268085&mibextid=Nif5oz

3/سلسلة كيف تتعايَش مع العفريت؟ 👻
https://m.facebook.com/story.php?story_fbid=3261797027382841&id=100006577268085
4/سلسلة كَبَّر مُخَّك🧠🤵
https://m.facebook.com/story.php?story_fbid=3393158460913363&id=100006577268085
5/سلسلة گبَّري مُخِّك 🧠👰
https://m.facebook.com/story.php?story_fbid=3393875354175007&id=100006577268085
6/سلسلة قَطمُه أَحسَن مِن نَحتُه💝
https://m.facebook.com/story.php?story_fbid=3461151797447362&id=100006577268085
7/سلسلة الزواج الشرعي بين النظرية والتطبيق🧐
https://m.facebook.com/story.php?story_fbid=3473723746190167&id=100006577268085
8/التعدد قد يكون حلًا👰👰🤵👰👰
https://m.facebook.com/story.php?story_fbid=3574769249418949&id=100006577268085
9/سلسلة مناقشة فتاوى قائمة المنقولات 📚
https://m.facebook.com/story.php?story_fbid=3486165511612657&id=100006577268085
10/سلسلة يعني إيه فيمينِست ؟ 🤔👊
https://m.facebook.com/story.php?story_fbid=2561582807404270&id=100006577268085
11/ عيلة عجة 👴
https://m.facebook.com/story.php?story_fbid=3854183871477484&id=100006577268085&mibextid=Nif5oz
12/ طرق الشياطين لخراب بيوت المسلمين 🤔😈
https://www.facebook.com/share/p/FH9BRcJkXWLWds8J/?mibextid=oFDknk

13/ اتقوا الله في النساء 🧕❤
https://www.facebook.com/share/p/e3Y6ybpC7sk4ix73/?mibextid=oFDknk

14/ سلسلة تصحيح مفاهيم الزواج🤵👰
https://m.facebook.com/story.php?story_fbid=3799259083636630&id=100006577268085&mibextid=Nif5oz
15/ متفرقات لقضايا متعلقة بالزواج 💕
https://m.facebook.com/story.php?story_fbid=3915502008679003&id=100006577268085&mibextid=Nif5oz
👈حقوق النسخ والنقل والمشاركة والإقتباس مكفولة لكل مسلم ومسلمة ، انقل كيفما شئ وإن لم تذكر اسمي على ما نقلت (لا عليك)
#اللهم_اجعل_عملنا_خالصًا_لوجهك 🤲
#اقرأوا_حتى_لا_تُخدَعوا 🤷‍♂🤷‍♀

✍️مشهد حصري لأهالي النواشز في دار الندوة وهما بيخططوا يعملوا إيه في الزوج 🤣

#وَقَرۡنَ_فِی_بُیُوتِكُنَّ 🧕🏡
✍️مع تغير الزمان وأوضاع الناس ضاعت الكثير من ثوابت وأصول الشرع وسط ركام من الضلالات والبدع ، كان من بينها ضياع أحكام خروج المرأة المسلمة من بيتها ، فصرنا نرى ما نراه في شوارعنا ليل نهار ولا حول ولا قوة إلا بالله ، ولتأصيل هذا الأمر كان لا بد لنا من هذا الحوار 👇

-السلام عليكم ورحمة الله وبركاته ، إزيك ياشيخ أحمد ، كنت عاوز اسألك في حاجة كدا عملالي قلق شوية

=وعليكم السلام ورحمة الله وبركاته ، الله يسلمك يامصطفى ، اتفضل ياحبيبي تحت أمرك

-كل ما بقرأ لحضرتك ياشيخ وأشوف تشديدك في خروج النساء من البيوت وأقارن ده بالمجتمع المحيط والفتاوى المنتشرة أتلخبط ، مش عارف فين الصح وفين الغلط ، وليه المرأة ممنوع تخرج من بيتها ياشيخ ؟..ليه متقدرش تخرج مشوار مهم مثلًا أو تعمل أي مصلحة ؟

=مين قال إن المرأة مينفعش تخرج يامصطفى ؟..أنا قلت كدا ؟

-مش بالضبط يعني ، بس اللي بنفهمه من كلامك يعني لو طبقناه مش هنخرجهم خالص

=شوف يامصطفى ، أي حاجة لما تلاقي فيها خلاف لازم ترجع وتشوف الشرع بيقول فيها إيه ، الأصل للمرأة هو [القرار] في بيتها كما أمرها الله تعالى وقال: (وَقَرۡنَ فِی بُیُوتِكُنَّ وَلَا تَبَرَّجۡنَ تَبَرُّجَ ٱلۡجَـٰهِلِیَّةِ ٱلۡأُولَىٰۖ) [سُورَةُ الأَحۡزَابِ: ٣٣]
يعني الله تعالى أمرهن بالقرار في البيوت

-ولكن ياشيخ دا كان لأمهات المؤمنين مش لكل النساء ، أنا كدا فاهم الآية صح ؟

=لأ مش صح يامصطفى ، وعلشان علماء الإسلام كانوا عارفين إن هييجي ناس يفصلوا خطاب أمهات المؤمنين عن خطاب المؤمنات من أتباع الدين [من غير تخصيص] لتضييع الشرع لقينا واحد زي الإمام ابن كثير رحمه الله بيقول في الآية: (هَذِهِ آدَابٌ أَمَرَ اللَّهُ تَعَالَى بِهَا نِسَاءَ النَّبِيِّ ﷺ ، وَنِسَاءُ الْأُمَّةِ تَبَعٌ لَهُنَّ فِي ذَلِكَ)

-طب والتخصيص دا في إيه ياشيخ مثلًا ؟

=في الآية اللي بعدها مثلًا: (وَٱذۡكُرۡنَ مَا یُتۡلَىٰ فِی بُیُوتِكُنَّ مِنۡ ءَایَـٰتِ ٱللَّهِ وَٱلۡحِكۡمَةِۚ إِنَّ ٱللَّهَ كَانَ لَطِیفًا خَبِیرًا }[سُورَةُ الأَحۡزَابِ: ٣٤]
مش كل مسلمة مأمورة تنقل الشرع اللي في بيتها زي أمهات المؤمنين اللي كُن مأمورات بنقل الكتاب والسنة للأمة بعد موت النبي ﷺ علشان معاهم النبي
وعلشان كدا نلاقي واحد زي الإمام القرطبي (رحمه الله) في الجامع لأحكام القرآن يقول في آية [القرار]: (معنى هذه الآيةِ الأمرُ بلزومِ البيتِ، والخِطابُ وإن كان لنِساءِ النَّبيِّ ﷺ فقد دخَل غيرُهنَّ فيه بالمعنى ، هذا لو لم يَرِدْ دليلٌ يخصُّ جميعَ النِّساءِ، كيف والشَّريعةُ طافحةٌ بلزومِ النساءِ بيوتَهنَّ، والانكفافِ عن الخروجِ منها إلا لحاجةٍ)

-دا بيقول الشريعة طافحة بلزوم النساء بيوتهن ياشيخ 🙄

=طبعًا يامصطفى ، شوف الواقعة دي 👇
كان النبي ﷺ في بيت أم المؤمنين عائشة (رضي الله عنها) ، وفي هذه الليلة خَرَجَتْ سَوْدَةُ بَعْدَما ضُرِبَ الحِجَابُ لِحَاجَتِهَا [يعني أم المؤمنين سَودَة خرجت لقضاء الحاجة في الصحراء لإن العرب زمان مكنش في بيوتهم حمامات ، لما حد بيقضي حاجته كان بيطلع الصحراء ، والنساء بالذات كُنَّ يخرجن ليلًا كي لا يراهم الرجال ، والكلام دا كان بعد فرض الحجاب بالكامل]
وكَانَتِ سَودَة امْرَأَةً جَسِيمَةً لا تَخْفَى علَى مَن يَعْرِفُهَا ، فَرَآهَا عُمَرُ بنُ الخَطَّابِ فَقالَ: يا سَوْدَةُ، أما واللَّهِ ما تَخْفَيْنَ عَلَيْنَا، فَانْظُرِي كيفَ تَخْرُجِينَ [يعني عُمَر شافها وعرفها وهي منتقبة ومش باين منها حاجة بسبب إنها سمينة]
فَانْكَفَأَتْ رَاجِعَةً [يعني رجعت من غير قضاء الحاجة وراحت تشتكي للنبي ﷺ من اللي حصل من عُمَر رضي الله عنه]
تقول عائشة اللي شافت الواقعة علشان سَودَة راحت بيتها: (ورَسولُ الله ﷺ في بَيْتِي، وإنَّه لَيَتَعَشَّى وفي يَدِهِ عَرْقٌ [قطعة عَظم عليها بعض اللحم] ، فَدَخَلَتْ فَقالَتْ: يا رَسولَ اللَّهِ، إنِّي خَرَجْتُ لِبَعْضِ حَاجَتِي، فَقالَ لي عُمَرُ كَذَا وكَذَا، قالَتْ: فأوْحَى اللَّهُ إلَيْهِ ثُمَّ رُفِعَ عنْه، وإنَّ العَرْقَ في يَدِهِ ما وضَعَهُ، فَقالَ: إنَّه قدْ أُذِنَ لَكُنَّ أنْ تَخْرُجْنَ لِحَاجَتِكُنَّ)
[يعني الوحي نزل على النبي ﷺ بإن ربنا أذن للنساء الخروج لقضاء الحاجة]

-ياشيخ ، هو الموضوع للدرجادي كان محتاج وحي ؟🙄

=يامصطفى ، الشريعة شددت جدًا في خروج النساء مش زي ما بنشوف كدا
سَودَة نفسها مقدرتش ترد على عُمر اللي بينكر عليها الخروج والناس يعرفوها ، والنبي ﷺ نفسه منتظر الوحي في قضية زي دي

-ولكن ياشيخ النساء مباح لهن الخروج في نصوص تانيه كتير ، أنا سمعت إن النبي ﷺ قال: (لا تمنعوا إماءَ اللهِ مساجدَ اللهِ ، وبيوتهنَّ خيرٌ لهنَّ)
يعني الخروج مباح أهوه
يتبع....👇👇👇👇👇👇

=دا كمان فيه خروج مُستَحَب يامصطفى ، زي صلاة العيد ، شايف أُمِّ عَطِيَّةَ رَضِيَ اللَّهُ عَنْها بتقول إيه : (أَمَرَنَا رَسُولُ اللَّهِ ﷺ أَنْ نُخْرِجَهُنَّ فِي الْفِطْرِ وَالأَضْحَى الْعَوَاتِقَ [وَهِيَ مَنْ بَلَغَتْ الْحُلُم أَوْ قَارَبَتْ , أَوْ اِسْتَحَقَّتْ التَّزْوِيج] وَالْحُيَّضَ [اللي عندها الحيض] وَذَوَاتِ الْخُدُورِ [الأبكار] ، فَأَمَّا الْحُيَّضُ فَيَعْتَزِلْنَ الصَّلاةَ وَيَشْهَدْنَ الْخَيْرَ وَدَعْوَةَ الْمُسْلِمِينَ . قُلْتُ : يَا رَسُولَ اللَّهِ ، إِحْدَانَا لا يَكُونُ لَهَا جِلْبَابٌ . قَالَ : لِتُلْبِسْهَا أُخْتُهَا مِنْ جِلْبَابِهَا )
شايف التواصي بالخروج رايح فين ؟ (لِتُلْبِسْهَا أُخْتُهَا مِنْ جِلْبَابِهَا)

-طيب ياشيخ ما هو الخروج عادي أهوه برضو 😀

=الخروج لو عادي يامصطفى مكنش جه فيه نصوص تحددلك أمور معينة وتشرحه بالتفصيلات دي

-مش فاهم 😏

=يعني الخروج لو عادي ليه النبي ﷺ هينهى الرجال عن منع النساء من (الخروج للمسجد) وهيحث النساء على الخروج لصلاة العيد طالما كدا كدا بيخرجوا ؟..فكرت في دي؟

-اممم . فعلًا ، هو لو عادي مكنش قعد يشرح ويوضح أماكن وأزمنة وحالات معينة للخروج

=دا حتى لما تخرج مأمورة تمشي على حواف الطريق متمشيش في وسط الطريق ، إنت سمعت النبي ﷺ لما وجد الرجال اختلطوا بالنساء في الخروج من المسجد قال للنساء إيه ؟

-قال إيه ؟

=قالَ ﷺ للنِّساءِ: (استأخِرنَ فإنَّهُ ليسَ لَكنَّ أن تَحقُقنَ الطَّريقَ [يعني مينفعش تمشوا في وسط الطريق] عليكنَّ بحافَّاتِ الطَّريقِ فَكانتِ المرأةُ تلصَقُ بالجدارِ حتَّى إنَّ ثوبَها ليَعلَقُ بالجدارِ)
يعني ملابسها تتعلق بالجدار

-يعني حتى وهما في الصلاة المسموح بيها كان فيه ضوابط ؟

=دا مش كدا وبس ، دا الشريعة اللي رغبت في خروجهن للصلاة هي نفسها اللي حَدَّت من الخروج ده وبينت إن الخير في خلافه

-إزاي الخير في خلافه يعني ؟🙄

=أُمِّ حُميدٍ امرأةِ أبي حُميدٍ السَّاعديّ جاءتِ للنَّبيَّ ﷺ : فقالت: يا رسولَ اللهِ إنِّي أُحِبُّ الصَّلاةَ معك قال: ( قد علِمْتُ أنَّك تُحِبِّينَ الصَّلاةَ معي وصلاتُك في بيتِك [حجرة المعيشة] خيرٌ مِن صلاتِك في حجرتِك [الصالة] وصلاتُك في حجرتِك خيرٌ مِن صلاتِك في دارِك [فناء البيت مما يدخل في حدود مساحته في الخارج] وصلاتُك في دارِك خيرٌ مِن صلاتِك في مسجدِ قومِك وصلاتُك في مسجدِ قومِك خيرٌ مِن صلاتِك في مسجدي) قال: فأمَرَت فبُني لها مسجدٌ في أقصى شيءٍ مِن بيتِها وأظلَمِه وكانت تُصلِّي فيه حتَّى لقيَتِ اللهَ جلَّ وعلا
واخد بالك يادرش..يعني صلاتها في غرفة معيشتها أفضل 4 مرات من صلاتها خلف النبي ﷺ في مسجده

-يااااه ، للدرجادي ؟

=دا أم المؤمنين عائشة رضي الله عنها تقول بعد موت النبي ﷺ بسنوات قليلة: (لَوْ أنَّ رَسولَ اللهِ ﷺ وسلَّمَ رَأَى ما أحْدَثَ النِّساءُ لَمَنَعَهُنَّ المَسْجِدَ)...فين إحنا دلوقتي من فقه عائشة رضي الله عنها اللي هي أعلم مننا بالشريعة علشان نخالف لأي سبب..وفين نسائنا من نساء هذا الجيل؟
واخد بالك من فَهم الخروج للصلاة المأذون فيه كمان عندهم كان واصل فين؟

-بس يعني إيه اللي يضر امرأة تخرج ياشيخ بكامل حجابها الشرعي ؟..إيه المشكلة يعني ؟

=يقول النبي ﷺ: (المرأةُ عورةٌ فإذا خرجتْ اسْتَشْرَفَها الشيطانُ وأقربُ ما تكونُ مِن وَجْهِ ربِّها وهي في قَعْرِ بيتها)...شايف النبي ﷺ بيقول إيه؟
الشيطان بيعمل كدا مع المرأة حال خروجها لكونها عورة و"استشرَفَها الشَّيطانُ"، أي: تَطلَّعَ إليها الشَّيطانُ، فزيَّنَها للنَّاسِ، ورفَعَ البصرَ إليها، ووكَلَ النَّظرَ عليها؛ ليَغْوِيَها أو يغوِيَ بها غيرَها، فيُوقِع أحدَهما، أو كليْهما في الفتنةِ...وهو ده أكبر مفتاح شر تم فتحه على الأمة يامصطفى ، الناس اللي معتقدين إن الحجاب الشرعي مُبيح للخروج مش فاهمين إن فيه مشكلة في الخروج نفسه

-يعني خروج المرأة من بيتها أصلًا حرام ؟

=لأ مش حرام يامصطفى ، النبي ﷺ قال: (إنَّه قدْ أُذِنَ لَكُنَّ أنْ تَخْرُجْنَ لِحَاجَتِكُنَّ)

-يعني لازم الخروج يكون لحاجة أو لضرورة ؟

=الخروج في الأصل مباح بضوابط شرعية حتى في العبادات المشروعة ، ممكن المرأة تخرج لقضاء حاجياتها أو تخرج للتَنَزُه أو للصلوات ، ولكن ينبغي عليها ترك الخروج إذا وُجِدَ ما يُفسِده

-ما يُفسِده زي إيه ياشيخنا ؟

=زي المشهد اللي بنشوفه في صلاة العيد يادرش مثلًا ، والمشاهد اللي بنشوفها في المواصلات ، والمشاهد اللي بتتعرض ليها الأخوات في الشوارع

-بس صلاة العيد دي الخروج فيها مستحب زي ما كنت بتقوللي ؟

=صحيح ، ولكن لو المستحب هيجر علينا حرام يبقى مفيش مستحب يامصطفى
قال ابن مسعود رضي الله عنه: (ما تعبّدت الله امرأة بمثل تقوى الله وجلوسها في بيتها)
يعني غاية عبادة المسلمة بعد تقوى الله هي جلوسها وقرارها في بيتها

-يعني مش ممكن لما أتزوج أخرج بزوجتي ياشيخ ؟
يتبع....👇👇👇👇👇👇

=اخرج بيها وفسحها واعمل اللي إنت عاوزه ، ولو زوجتك محتاجه تروح تغير جو عند أهلها مفيش مشكلة تأذن لها بكده ، لكن لو لقيت في خروجها خطر عليها أو إيذاء وفتنة ليها اخرج معاها متسيبهاش لوحدها

-طب واللي كل يوم في الشارع على أي حاجة دي ياشيخ حكمها إيه ؟

=دي خالفت كل الأصول اللي فاتت يامصطفى ، وملهاش حجة عند ربها لو سألها عن ترك البيت باستمرار لغير حاجة في ظل مجتمع ملئ بكل ما تراه ، اللي بتشوفه من خروج امرأة لسنوات علشان تدرس علوم مش هتنفعها لأجل تحصيل شهادة واختلاطها ليس من الشرع في شئ يامصطفى ، والواجب على كل ولي أمر يتق الله فيمن هو تحت ولايته ، قال تعالى: (یَـٰۤأَیُّهَا ٱلَّذِینَ ءَامَنُوا۟ قُوۤا۟ أَنفُسَكُمۡ وَأَهۡلِیكُمۡ نَارࣰا وَقُودُهَا ٱلنَّاسُ وَٱلۡحِجَارَة)
وقال النبي ﷺ: (كُلُّكُمْ رَاعٍ ومَسْؤُولٌ عن رَعِيَّتِهِ ، فَالإِمَامُ رَاعٍ وهو مَسْؤُولٌ عن رَعِيَّتِهِ ، والرَّجُلُ في أهْلِهِ رَاعٍ وهو مَسْؤُولٌ عن رَعِيَّتِهِ)

-والله عندك حق يامولانا فعلًا الموضوع زاد عن الحد جدًا ، دا إحنا اللي بقينا نمشي على حافات الطريق منهم 🤣
شكرًا جدًا ياشيخ
#اللهم_احفظ_نسائنا 🤲
#اللهم_ارزقهن_العفاف 💓

#الحياة_لازم_تستمر 🤷‍♀
✍️واحدة من الأمور الدخيلة على النساء في زماننا جعلت من الحياة الزوجية في نظر البعض عبارة عن علاقة على المَحَك
في كل وقت ستطوف بخيالك فكرة الإنفصال وهدم البيت لأي شئ ولأتفه الأسباب
تسمع منها جُملَة من المشكلات التي تطرحها في حق الزوج ، وعندما تسألها سؤالًا واحدًا وتقول: (هو الزوج دا معندوش حسنات خالص؟)
تقولك: (لا والله الحق يتقال.. دا فيه وفيه وفيه) وَتُعَدد لك مناقبه !
إذن....من أين طُرحت فكرة هدم البيت وكل هذه المقومات في الزوج ؟🙄

#تعالوا_نشوف_المثال_ده 👇
أسماء بنت أبي بكر (رضي الله عنها) كانت متزوجة من الزبير بن العوام (رضي الله عنه)
الزبير بن العوام كان شديد جدًا معاها ، مكنش بس بيعنفها لو عملت حاجة غلط...لا أبدًا...دا كمان كان بيضربها ضرب شديد
أسماء نفسها بتقول: (كُنت رابع أربع نسوة تحت الزبير ، فكان إذا عَتِبَ على إحدانا ، فكَّ عودا من عيدان المِشْجَب، فضربها به حتى يكسره عليها)
أعواد المشجب دي اللي هي الشماعة الخشب اللي بيعلقوا عليها الملابس😱
كان بيكسرهم على زوجاته لما بس يعتب عليهم 🤦‍♂
طبعًا أسماء في يوم اشتكت لوالدها...(اللي هو أبو بكر الصديق رضي الله عنه)
تفتكروا أبو بكر قال لها إيه ؟
أبو بكر قال لها: (يَا بُنَيَّةُ اصْبِرِي فَإِنَّ الْمَرْأَةَ إِذَا كَانَ لَهَا زَوْجٌ صَالِحٌ ثُمَّ مَاتَ عَنْهَا فَلَمْ تَزَوَّجْ بَعْدَهُ ، جُمِعَ بَيْنَهُمَا فِي الْجَنَّةِ)
أبوها بيوصيها بالصبر علشان الزبير رجل صالح
عِلة صلاح الزوج (وهو بيضرب) كانت مُقنعة جدًا للأب اللي هو (أبو بكر) يُبقي على علاقة وبيت بنته !
(بالرغم إن دي بنت ثاني رجل في الأمة كلها)

⬅️فيه فكرة كدا غايبه عن كثير من النساء..أن هدم البيت دا مش حاجة سهلة ولا الطلاق خيار إستراتيچي مُتاح
لازم المرأة تتخيل إن الخيار دا كمان مش متاح لدى الرجال بهذه السهولة التي تفكر بها النساء في زماننا

#شايفه-ياأختي_مثلًا_الحديث_ده 👇
قال النبي ﷺ: (لَا يَفْرَكْ مُؤْمِنٌ مُؤْمِنَةً، إنْ كَرِهَ منها خُلُقًا رَضِيَ منها آخَرَ)

لا يفرك: أي لا يبغض ويكره
يعني النبي ﷺ بيقول للأزواج متبغضوش زوجاتكم وتكرهوهم فلو لقيت منها خُلق مش عاجبك هتلاقي منها خُلق تاني أكيد هيعجبك
⬅️فكرة انتظار الگمال في زوجِك فكرة عبثية مش ممكن تتواجَد في بشر مطلقًا
النماذج اللي بعض النساء بيشوفوها لتعويض بعض العيوب في الزوج نماذج لم تَر منها المرأة كل الجوانب
مشكلة العلاقة الزوجية إنها بتكون علاقة مفتوحة..هيشوفك وهتشوفيه على كل الأوضاع
علشان كدا الواحد بيتعجب من سذاجة امرأة تقولك: (فلان بيعامل فلانة كويس)
وتلاقي واحدة تانيه بتقول: (كان نفسي يكون معايا راجل زي فلان)🤦‍♂
انتي بس اللي مش عايشه معاهم وشايفه كل جوانب المعاملة ، ولما تسألي زوجته نفسها هتلاقي عندها الجواب
#الخلاصة_ياأختي: لو عاوزه تتعايشي مع زوجك حاولي تبحثي عن النقاط اللي هترضيكي فيه وتنميها بالثناء عليه فيها وتتغاضي عن السلبيات الموجودة عنده وعند كل البشر علشان كدا كدا الصنف كله عيوب 😀
#كيف_تتعايشين_مع_العفريت (5)