والله العظيم اني مو انسان اطلع و احجي عل عالم ولا اتبلى عليهم
بس اريد اسأل اي طالب يسمع حجي الي يحجون علية او يجيبوني بل طاري الموزين
حتشوفهم كلهم مطرودين من عندي لان همة ما ملتزمين و ما ممتحنين و يكرهون شي اسمة انذارات و طرد ( هاي كدامكم انذاراتنا و طلابنا الينطردون لان ما يلتزمون )

روحوا كلولهم شسوة الكم احمد وتحجون عليه حيكولون الك طردنا ( همة نفسهم الي ما يمتحنون و يسختون و يضيعون الوكت )
بس ارجع و اكولها تردون مدرس يمشي على مرامكم يمتحنكم بل يعجبكم و حتى لو ما تمتحن ماكو محاسبة ماكو ولي امر ماكو نظام

تردون اسئلة سهلة و تردون شرح عادي ميوصلنا لراس الشارع مو للوزاري هيج تكونون راضين علية
( ماعندي هيج اني و ادري الطريق الصح الكل تكرها , بس هو يبقى صح وتشوفوهم كلهم بقاعات الوزاري يبچون ويتندمون .. )

طلابنا و اصدقائنا شكرًا لكل المعايدات والكلام الحلو ماعرف شون اجازيكم بس الي اكولة ان شاء الله يحفظكم ل اهلكم وتحققون اعلى الطموحات 🤍🤍

كلامكم بالقلب💙

هذا السؤال نفسة حاطة بالنسخة مغير الزاوية الى " الزاوية بين السلم والحائط "
و نفس السؤال اجة اليوم بالوزاري ..

الي داريد اكولة الوزاري مايريد حفظ و نمطية الاسئلة تختلف عن النمط التقليدي
و يلوموني من احجي و اكول نمطية اسئلتي تجي بالوزاري ..

هذا رد ل اي شخص و اي مشكك بنظامنا و طلابنا و نمطية اسئلتنا الي تهيئ الطالب للوزاري و طريقة تدريسنا ( الرد يكون داخل القاعة الوزارية )

و كذلك هذا تنبيه ل اي طالب و ولي امر ( لازم لازم تمتحن كل الامتحانات و متفوتون ولا سؤال + لاتحفظ لان الحفظ يخليك تأجل والعباس لان بس الفاهم يحلها )