اذا اقسم الهندسة كليوم شوية تكمل منا لشهرين؟

اي تكدرين
بس اهم شي الامتحانات
يعني اذا اكو احد يمتحنج ف هذا افضل
واذا تردون كنظام تسجيل ف دورتنا بدوا ب اساسيات الفصل السادس و راح يبلشون بالمبرهنات بعد ايام 🤍

ادللكم بالقلوب
لقطات من آخر محاضرة بهذا الفصل وكانت رائعة من ناحية الافكار
ملاحظة / المحاضرة غير منشورة في اليوتيوب فقط خاصة..

قريبًا جدًا..
- وزاريات الفصل الثاني بكل افكارها مع الحلول النموذجية

اعداد : أحمَد حيدَر وفريق العمل 🇮🇶

-طلاب الدورات

👈🏻مستعدين للامتحان ؟🫣
ربع ساعة ويبدي
راجعوا كلش زين و ركزوا من تحلون
اريد جوابكم نموذجي و مضبوط (هذا الفاينل وزاري ويقيس انت شكد ضابط المادة )
كل التوفيق ان شاء الله واثق بيكم اني 🤍🤍

اكو طلاب كلولي " هواي درجات ميات عندك و كومة يدرسون عليك ويمدحون بيك "
ف احب اكلك , مجرد دخولك للقناة و تفتح اي محاضرة تعجبك سواء مراجعة منهج كامل او محاضرات 2025 انت راح تشوف ليش الطلاب هلكد تمدح بلنظام والشرح..
بالتوفيق 🤍

ملاحظة / الكل اريدة يشترك بالقناة لان ممكن ما راح تلكة هيج نظام وشرح عند باقي مدرسين السادس والمعاهد
و شاااركوها لكل أصدقائكم🤍🫣

طلابي اليوم دخلوا ب اكتئاب من ورة فاينل الاوميكا و فاينل القطوع😂
بس مع ذلك كلش جواباتهم حلوة و راح تاخذون خوش درجات
و وعد من عندي بعد هذني الامتحانات ماراح يبقى اي شك عدكم ب اي موضوع ولا يبقى موضوع تستصعبوه عليكم 🤍

والله امتحان ثاني مثل مال اليوم واشخط😂😂😂

طبعًا كلش كلش هواي ثغرات طلعت عند الطلاب الي ديمتحنون
ف هاي كلها تتسجل نقاط قوة عليكم
والله كلش كلش حتستفادون راح انشرها الكم بعد ما المساعدين يكملون التصحيح الكامل حتى تشوفون هاي الهفوات و ماتوكعون بيها بالوزاري ( اريد الكل يحفظها عندة لان ما راح تلكة مدرس يكشفلك الاخطاء ويعالجها )

وطبعًا كلها اخطاء طلاب شاطرين ومستواهم زين

انتبهوا ترة كاعدنا بوينتات بالرياضيات مال سادس علمي
كلة نتعامل بالكسور بسط ومقام
ماكو بوينت ( حتى لو يطلعلك عدد غريب كسر بقيه )

من تقسم على اربعة
ال12 اختصرتها وي 4 بقت 3 مكانها فوك
من تنزل تصير مقام للمقام

العمليات الحسابية طلابي حبايبي
من تختصر ثنين وي جذر ثنين ترة تبقى جذر ثنين

اكبرررر غلط تسويه بالرياضيات
انه تاخذ طرف واحد مثل الطرف الايسر ب اسئلة اثبت ان
و تسويلة تربيع او جذر
انتببببببههههه ترة ما يصير ( لان من تاخذ جذر تكول جذر الطرفين او تربيع الطرفين وانت عندك طرف واحد بس شون تصير ؟)

شكد ما تجيك ارقام صعبة ب القطوع
لا تخليهن يشتتن افكارك
مثل هذا الطالب حل نسخة اسئلة كلها ارقام غريبة و من وصل لهذا السؤال السهل غلط بيه لان كال سهل هذا..
اي سؤال صعب او سهل ركز بيه ولا تستنقص منة لان ممكن يطير درجتك بالوزاري