يوم اول فصل 1 + 9 + 10
يوم ثاني فصل 2+3
يوم ثالث فصل 4 + 5 + 6
يوم رابع فصل 7 + 8 + وزاريات

تتوقع اكو دور ثالث أو تحميل ؟

ابد ماتوقع و ماكو دور ثالث
بيساطة / العراق سنة بعد سنة ديدخل بالنظام مال تصنيف التعليم الدولي
و الوزارة من تسوي دور ثالث هذا ينزل من التصنيف ف هي تريد تحافظ عل تصنيف والرصانة ف غالبًا ماكو

ممكن اعتمد على الكلاميات مال فيزياء فقط وزاريات

عادي

شلون اخلص رياضيات ب 12 يوم واراجعه مره ثانيه قبل الامتحان علما واصله للقطع الناقص يعني مراجعة الاول والمكافئ

جماعة الدور الثاني اليوم ينزللكم هواي اشياء و جداول و ملاحظات خاف تجي بلدور الثاني
لان اسئلة الدور الثاني بلرياضيات تجي اصعب و مركزة اكثر كدور ثاني

اريد بلرياضيات 50 يا فصل ويا فصل اقره ؟

فصل اول و ثاني و ثالث يجيبن 80 درجة وانتِ مرتاحة
على مراجعتي الي سجلها التاريخ بالدور الاول 🤍

الخوووف استاذ اكلني اكل المواد بعدني ممكملتهن وخايفة لا ينعاد سيناريو الدور الأول وحرفيا بس اريد اطلع بس أنجح مااريد كل شي خايفة لا حتى نجاح ماانجح البارحة ماما من كدما شافت حالتي شلونها وابجي وميته خوف عصبت كوومه عليه عبالك بيدي والله اهطحاول اهدي روحي بس مااكدر اخاف مابيه اعيد تعبت هلكت والله حتى النفس مابيه اتنفس ومالي خلك شسوي حتى يروح هل خوف اريد مثل صديقاتي مااخاف يروحن ويضحكون وعادي الا اني ارجفف وصايره صفرة والدوخة موتتني ومابيه امشي للقاعة والله لو للاعدام يودوني مو هيج

للأسف هي هاي مشكلة الطالب الحريص
يكون عندة خوف وقلق وتوتر زايد
الافضل تسلمين امرج لرب العالمين لان هو الوحيد الي يعلم شنو بداخلج و شكد تعبتي
ف فقط اقري و سوي الي عليج ولتخافين هو امتحان عادي
و اتوقع انتِ وياي بالدورة مال دور ثاني ممتحنة ف على شنو تخافين ؟

شنو تتوقع يكون مستوى الاسئلة لعامة المواد بالدور الثاني

كل المواد متوسط ( وزاري ) ممكن مادة علمية تجي فوق المتسوط

ولكن رياضيات تجي مركزة اكثر..

أستاذ عادي ما أتطرّق للإثرائي من ناحية الرّياضياات؟

شباب اثرائيات الرياضيات هاي كلمة عوفوها
اي سؤال يكون قريب على فكرة المنهج + يكدر يحلة الطالب
ف لازم تحلة افضل الك حتى تتقوى وطبيعي ابو الوزاري يجيبة
بس انتبه من تحل هذني الاسئلة تشوف نفسك متعرف تحل , شوف الخلل وين لان مرات انت استاذك يكون يحفظك المادة و اي تغيير رقم او فكرة بسيطة متكدر تحل وهذا غلط..
ف حاولوا تفهمون المادة و تحلون اي سؤال قريب على فكرة منهج

اكدر اعتمد على مراجعتك مال الدور الاول ل الدور الثاني

اكيد ان شاء الله وانزللكم بعد محاضرات

يامبرهنه تتوقع تجي

اكللكم على الاشياء المهمة بعدين..
وكلهن برسالة وحدة وياهم ملاحظات خاصة منطيهم للدورة مال دور ثاني فقط 🌚

استاذي جماعه 24 دور الثاني يسالون المراجعه مالتك كم درجه تضمن تقريبا؟