ምነው ምነው መልአከ ሰላም ዳዊት ያሬድ:- በኢ/ኦ/ተ/ቤ ስብከተ ወንጌል እና ሐዋርያዊ ተልዕኮ መምሪያ ኃላፊ
===========
(ከ ቀሲስ ኤፍሬም እሸቴ )
ክቡር መልአከ ሰላም፣
** የክርስቲያኖችን ፍጅት "ተራ ሞት" አደረጋችሁት።
** የተጨፈጨፉ ክርስቲያኖች፣ ቁስላቸው ገና ያልጠገገ ቁስለኞች፣ የለፉበት ሰብላቸው አሁን በዚህ ሰዓት እየተዘረፈ ያሉ ገበሬዎች፣ ከሴቶችና ሕጻናት ጋራ ወደ ከተማ የተሰደዱ አማኞች ዕንባቸው አርሲን እያጠበ "በሃይማኖቱ ተለይቶ አደጋ የደረሰበት የለም" አላችሁት።
** በነዚህ ዓመታት እንኳን የፈረሰ መስኪድ፣ ጫፉ የተነካ የሙስሊም ንብረት አለ?
** በየቦታው የሚገነቡት የእምነት ቤቶች የነማን ናቸው? የተዘጋውና ጽላቱ ወደ ከተማ የተሰበሰበው የማን ቤተ እምነት ነው?
** በዚህ ወቅት ከቤቱ የተፈናቀለ የሌላ እምነት ተከታይ አግኝታችኋል?
** ከተማ ከተማውን ከመጓዝ ባሻገር፣ አባ ገዳዎችን፣ ሃዸ ሲንቄዎችን ከማናገር ባሻገር የራሳችንን ካህናትና ምዕመናን ለብቻ አግኝታችኋል? ሰይፍ አንገታቸው ላይ የተሳለ ወገኖች ያለ ፍርሃት እንዲናገሩ ሁኔታዎች ተመቻችተዋል?
** በዚህ የጥድፊያ "ምርመራ" ኦርቶዶክሱን በሃይማኖትህ ምክንያት አልምትህም ብለን ደሙን ደመ ከንቱ ፣ ሞቱን ሞተ ከለባት ማድረጋችን ሳያንስ ለወደፈቱም ጩኸቱ እንዳይሰማ አፉን ዘግተን አልተመለስንም?
** ምነው ምነው መልአከ ሰላም? የሰማዕታቱ ደም እንደ አቤል ደም ይጣራል፣ ይጮኻል።
=====
** "በታላቅ ድምፅም እየጮኹ፦ ቅዱስና እውነተኛ ጌታ ሆይ፥ እስከ መቼ ድረስ አትፈርድም ደማችንንስ በምድር በሚኖሩት ላይ እስከ መቼ አትበቀልም? አሉ።" (ራእይ 6፥10)

የኦሮራ (ኮሎራዶ ግዛት) የሕዝብ ተመራጭ ስለ አርሲ ተናገሩ፣ ለፕ/ት ትራምፕ መልዕክት ላኩ
======
( ከቀሲስ ኤፍሬም እሸቴ )
"በኢትዮጵያ በተለይም በአርሲ ዞን ያሉ ኦርቶዶክስ ክርስቲያኖች ላይ ያጋጠመውና የጅምላ ግድያ እና መፈናቀል አሳዛኝ ዘገባዎች በጣም አሳሳቢ ሆኗል። ሰዎችን በእምነታቸው እና በብሄራቸው ምክንያት ዒላማ ማድረግ ተቀባይነት የለውም።" (የሕዝብ ተመራጩ አምሳሉ ካሣው በደብዳቤአቸው)
++++++
የመልእክቱ ሙሉ ቃል ይህ ነው።

++++
AMSALU KASSAW
Aurora City Council Member
At-Large

PUBLIC STATEMENT

As a community member and elected official, I am deeply concerned by the heartbreaking reports coming out of Ethiopia, where Orthodox Christians in the Arsi Zone are facing mass killings and displacement. Targeting people because of their faith and ethnicity is unacceptable. Humanity must come before hate. Respect, tolerance, and the protection of human rights should never be compromised.

I have contacted President Trump’s Special Advisor directly to bring attention to this crisis, including the increasing tension between Ethiopia and Eritrea. Diplomacy must lead — not war.

Silence is not an option when lives are at risk. The international community must act now to prevent further tragedy and protect innocent civilians. We must stand for peace, justice, and the dignity of every human life.

Amsalu Kassaw
Aurora City Council Member At-Large

https://www.amsaluforaurora.com/
X (Twitter): @ams_kas

ከ2ቱ ግንባር ቀደም ተግባራት አንዱ:- ክርስቲያኖቹን በአካል መጎብኘት
======
(ከ ቀሲስ ኤፍሬም እሸቴ )
ከ6 ቀናት በፊት የምሥ/አርሲን ጉዳይ በተመለከተ 2 ዋና ተግባራት ላይ ነው መሥራት ያለብን ብዬ ነበር።
፩/ ጭፍጨፋውን ማስቆም፣
፪/ ክርስቲያኖቹን በአካል ሄዶ መጎብኘት፣ ማጽናናት፣ ማጽናት።
++++++
** ቤተ ክህነቱ ምዕመናኑን ለመጎብኘት ሐዋርያዊ ጉዞ ያደርጋል ብለን ነበር፤ የሚሆን አይመስልም።
** ሌሎች መንፈሳዊ ማኅበራትና ሰባክያነ ወንጌል እንዲሁም የክርስቲያኖች ወቅታዊ ሁኔታ የሚገዳቸው በሙሉ በጋራ ሐዋርያዊ ጉዞ ሊያዘጋጁ ይችላሉ ወይ ብለን ጠይቀን ነበር። ያውም ከ6 ቀናት በፊት።

https://www.facebook.com/share/p/1G1JzfFVL7/

** ለዚህ ጥያቄ በጎ ምላሽ የሚሆን ግሩም መልዕክት ከሊቀ ሊቃውንት ቀለመ ወርቅ ቢራራ ቲክቶክ ላይ በማግኘቴ ደስ አለኝ።
** ስለዚህ በሀገር ቤት የምትገኙ ወገኖቻችን፣ በራሳችሁ አነሣሽነት እና አስተባባሪነት፣ ይህንን ሐዋርያዊ ጉዞ ማዘጋጀት ትችላላችሁ? ምን ይመስላችኋል?
=====

ከስድስት ቀናት በፊት ያቀረብሁት ተማጽኖ የሚከተለው ነበር፦
+++++
2 ነገር ላይ ብንረባረብ (ምሥራቅ አርሲ)
=======
( ቀሲስ ኤፍሬም እሸቴ )
1. ግድያው እንዲቆም ማድረግ (ግንባር ቀደም ዓላማ 1)
+++--
** ከክልሉ መንግሥት እና ከዞኑ ጋራ ፊት ለፊት መነጋገር የሚችለው ቤተ ክህነቱ ነበር፣
** ብፁዕ አባታችን አቡነ ናትናኤል "ምን እናድርግ?" ላሉት መልስ ይሆናል፣
( Cc የሚኒሶታና አካባቢው ሀገረ ስብከት )
** በዚህ ጊዜ ቅ/ሲኖዶስ በየቀኑ ነበር መሰብሰብ የነበረበት፣
** ብፁዕ አቡነ ያሬድ "ቅ/ሲኖዶሱ በሀገረ ስብከቴ እየደረሰ ባለው የክርስቲያኖች ፍጅት ምክንያት አስቸኳይ ጉባዔ ይቀመጥልኝ" ይበሉ አባታችን፣
** በውጪ ሀገራት የምንገኝ ሁላችን የክርስቲያኖች ግድያ እንዲያቆም ለዓለም ተቋማት ሳናሰልስ እንጩህ፣

2. የነፍስ አድን ጉዞ ወደ ምሥራቅ አርሲ (ግንባር ቀደም ዓላማ 2)
++++++++
** ምዕመናንም ካህናትም ጳጳሳትም በጋራ፣ በሕብረት ወደ ቦታው እንዲሄዱ፣ የወደቀውን እንዲያነሡ፣ የሞተውን እንዲቀብሩ፣ የቆሰለውን እንዲጠግኑ፣ የተሰደደውን እንዲመልሱ፣ ያዘነውን እንዲያጽናኑ፤
** የጉዞ ማኅበራት የእናንተ ሙያ በዚህ ይለካ፣
** የሰንበት ት/ቤት አንድነቶች ለዚህ ጊዜ ልትሆኑን ይገባል፤
የአዲስ አበባ ሰንበት ት/ቤቶች አንድነት
** ለአርሲ ቅርብ የሆኑ ከተሞች አጥቢያዎችና ከተሞች ወገኖቻችሁን ሄዳችሁ ጎብኙ ፤
++++
** ለዚህ ሁሉ ግን የክልሉ መንግሥት በሩን መክፈት፣ ጥበቃ ማድረግ ሲችል ነው።
** "ክልላችን ሰላም ነው አትምጡብን" በሚለው የሰሞኑ ፕሮፓጋንዳ መቀጠል አያዋጣውም፣
** ወንጀልን መደበቅ ትልቅ ወንጀል ነው::
=====

@highlight Adebabay
Mahibere Kidusan Broadcast Service - ማኅበረ ቅዱሳን ብሮድካስት አገልግሎት
የኢኦተቤ መገናኛ ብዙኀን አገልግሎት ሥርጭት ድርጅት/ EOTC Broadcasting Service Agency/
የብፁዕ ወቅዱስ ፓትርያርክ ልዩ ጽሕፈት ቤት / EOTC His Holiness Secretariat Office
Mahibere Kidusan - ማኅበረ ቅዱሳን ዋናው ማእከል
ማኅበረ ካህናት ዘሰሜን አሜሪካ - Mahibere Kahinat
Inter Religious Council of Ethiopia
Kesis Melaku Terefe
@highlight