ቴምር ሪልእስቴት አዲስ ሳይት መገናኛ ቤል ቪው ሆቴል አጠገብ በ35%  ቅናሽ ይዘን መጥተናል።

🏘 ባለ 2 መኝታ ከ90 እስከ 105 ካሬ
🏘 ባለ 3 መኝታ ከ112 እስከ 145 ካሬ
🏘 ፒንት ሃውስ ከ209 ካሬ እስከ 351 ካሬ

የሳይቱ ልዩ መገለጫ
✅ Top veiw መሆኑ
✅ ፔንት ሃውስ ከ209 ካሬ እስከ 351 የካሬ አማራጭ
✅40% ከፍላችሁ 60% ቁልፍ ስትረከቡ የምትከፍሉበት
✅ ያለምንም ወለድ የሚከፈል
✅ የጫካ ፕሮጀክት አካል በመሆኑ ተመራጭ ያደርገዋል
✅20% ቅድመ ክፍያ
✅35% ቅናሽ

🌴ቴምር ሪል እስቴት የማይደገም ዕድል በአዲስ ሳይት በመሀል መገናኛ ዲያስፖራ አደባባይ ይዞላቹ መቷል።

ለበለጠ መረጃ
📞0942-16-42-62 ይደውሉ

የባሕር ኃይል አዛዡ፣ "ኢትዮጵያ ወደ ወደብ መመለሷ የማይቀር" ስለሆነ ከቀጠናው አገራት ጋር በቅርበትና በንግግር መሥራት አስፈላጊ መሆኑን  ጥሪ አቀረቡ‼️

አዲስ አበባ፣ ጥቅምት 20 ቀን 2019 ዓ.ም. ፦ የኢትዮጵያ ወደ ባሕር በር ባለቤትነት የመመለስ ጉዳይ አይቀሬ በመሆኑ ከጎረቤት አገራት ጋር በቅርበት መሥራት እና በውይይት መመራራት አስፈላጊ ነው ሲሉ የኢትዮጵያ ባሕር ኃይል አዛዥ ምክትል አድሚራል ክንዱ ገዙ ገለጹ። አዛዡ ጥሪውን ያቀረቡት በቀጣናዊ የባሕር ላይ ደኅንነት ዙሪያ ጠንካራ ትብብርና ውይይት እንዲደረግ ባሳሰቡበት ወቅት ነው።

እንደ አገሪቱ መከላከያ ሠራዊት መረጃ፤ ምክትል አድሚራል ክንዱ ይህን የተናገሩት የኢትዮጵያ ባሕር ኃይል ጠቅላይ መምሪያ ባዘጋጀው ቀጣናዊ የባሕር ደኅንነት የምክክር መድረክ ማጠቃለያ ላይ ነው።

@Addis_Reporter
@Addis_Reporter

አሜሪካ በአርሲ በንጹሃን ላይ የተፈጸመውን ግድያ አወገዘች❗❗

በኢትዮጵያ ኦሮሚያ ክልል አርሲ ዞን በንጹሃን ዜጎች ላይ እየተፈጸሙ ያሉ የታለሙ የግድያ ወንጀሎች ከፍተኛ ስጋት እንደፈጠሩበት የአሜሪካ ውጪ ጉዳይ መሥሪያ ቤት የአፍሪካ ጉዳዮች ቢሮ አስታወቀ። ቢሮው በሰጠው መግለጫ፣ በሃይማኖት፣ በብሔር ወይም በፖለቲካ ምክንያት የሚፈጸሙ ማናቸውም ዓይነት ጥቃቶች ፈጽሞ ተቀባይነት የሌላቸውና ወዲያውኑ ሊቆሙ የሚገባቸው አስነዋሪ ድርጊቶች መሆናቸውን ገልጿል።

የአፍሪካ ጉዳዮች ቢሮ አያይዞም፣ የተከሰተውን አሳዛኝ ሁኔታ ለመረዳት ጥረቶች እየተደረጉ ባለበት በዚህ ሰዓት፣ ማህበረሰቡን የበለጠ ሊያለያዩና ክፍፍል ሊፈጥሩ ከሚችሉ ነገሮች መቆጠብ እንደሚገባ አሳስቧል። በዜጎች ላይ የሚደርሱ እንዲህ ያሉ አስከፊ ጥቃቶች ዘግናኝ መሆናቸውን ጠቁሞ፣ በጉዳዩ ጥልቅ ሐዘን እንደተሰማውም አስታውቋል።

በመጨረሻም የአሜሪካ የአፍሪካ ጉዳዮች ቢሮ የኢትዮጵያ መንግሥት አፋጣኝ ማጣራት በማካሄድ፣ ወንጀሉን የፈጸሙ አካላትን ለሕግ እንዲያቀርብ ጥሪ አቅርቧል። የሰላምና የሕግ የበላይነት እንዲረጋገጥ እና ጥፋተኞች ተጠያቂ እንዲሆኑም አጽንኦት ሰጥቷል።

@Addis_Reporter
@Addis_Reporter

“ኢትዮጵያ ለሕልውናዋና ለሀገራዊ ጥቅሟ ስትል የኤርትራን የጥፋት እንቅስቃሴ ለመግታት እርምጃ መውሰድ አለባት ”-ዶ/ር ሙላቱ ተሾመ‼️
የቀድሞው የኢትዮጵያ ፕሬዚዳንት ዶ/ር ሙላቱ ተሾመ፣ ኤርትራ በኢትዮጵያ ላይ የምታደርገውን የጥፋት እንቅስቃሴ ካላቆመች ኢትዮጵያ ለሕልውናዋና ለሀገራዊ ጥቅሟ ስትል የችግሩን ሥረ መሠረት ለመንቀል ከመንቀሳቀስ ውጪ ሌላ አማራጭ እንደማይኖራት ተናገሩ። ሆኖም የኢትዮጵያ የባሕር በር ጥያቄ በሰላማዊና በዲፕሎማሲያዊ መንገድ መፈታት እንዳለበት አሳስበዋል።

ዶ/ር ሙላቱ በሰጡት መግለጫ፣ የኢትዮጵያ የባሕር በር የማግኘት ጥያቄ ታሪካዊ መብትን፣ የኢኮኖሚ ሕልውናንና የቀጣናውን ሰላም የሚመለከት መሠረታዊ አጀንዳ መሆኑን ገልጸዋል። ግብጽ ኢትዮጵያ በድህነትና በግጭት ውስጥ እንድትቆይ የማድረግ የቆየ ፖሊሲ እንዳላት የጠቀሱት ዶ/ር ሙላቱ፣ በ1960ዎቹ የኤርትራ ነፃነት ግንባርን በመደገፍ ኢትዮጵያ የባሕር በር አልባ እንድትሆን ዋነኛ ሚና ተጫውታለች ብለዋል።

@Addis_Reporter
@Addis_Reporter

14 ጊዜ ሎተሪ በማሸነፍ የሎተሪ ድርጅቶችን ግራ ያጋባው የሂሳብ ሊቅ

ስቴፋን ማንደል  የተባለ ሮማኒያዊ የሂሳብ  ባለሙያ  በአለም ላይ ሎተሪን 14 ጊዜ ያሸነፈ ብቸኛ ሰው ነው። ስቴፋን ሎተሪን ያሸነፈው በእድል ሳይሆን በሂሳብ ቀመር ነበር።

በዚያን ጊዜ የነበረውን የኑሮ ውድነት ለመቅረፍ የፈለገው ስቴፋን፣ የሎተሪ ጨዋታን እንደ አንድ የሂሳብ ችግር በመመልከት ጥናት ጀመረ። ከተወሰኑ ሙከራዎች በኋላም በመጀመሪያው ጥረቱ ሎተሪውን አሸንፎ ሕይወቱን የሚቀይር ትልቅ ሽልማት ወሰደ፤ ይህም ለቀጣዮቹ ትላልቅ ስኬቶቹ መሠረት ሆነለት።

ስቴፋን የተጠቀመበት ዘዴ ከቀላል ዕድል በጣም የራቀ ነበር። የሎተሪውን ሕግጋትና ሊወጡ የሚችሉትን ቁጥሮች በሰፊው ካጠና በኋላ፣ ሊወጡ የሚችሉትን ሁሉንም አማራጮች ሙሉ በሙሉ የሚሸፍኑ በሚሊዮን የሚቆጠሩ ቲኬቶችን በአንድ ጊዜ በመግዛት አሸናፊነቱን በሂሳብ አስልቶ ያረጋግጥ ነበር። ይህንን ሥራ ለብቻው አልነበረም የሚሰራው፤ በርካታ ሰዎችን በማስተባበር «ቡድን» በማቋቋም ቲኬቶቹን በጅምላ ይገዛ ነበር። ሎተሪው ሲወጣም የሚያሸንፈው ገንዘብ ለወጪውና ለባለአክሲዮኖቹ ከሚከፈለው ክፍያ በላይ በመሆኑ ሁልጊዜም አትራፊ ነበር፡፡ 

ይህ ዘዴው አውስትራሊያን እና አሜሪካን ጨምሮ በተለያዩ አገራት ተደጋግሞ በመሰራቱ  የሎተሪ ድርጅቶችንና መንግሥታትን ከፍተኛ ግራ መጋባት ውስጥ ከቷቸዋል። ድርጅቶቹ አንድ ሰው በሂሳብ ቀመር ብቻ ሁልጊዜ ማሸነፍ መቻሉን ሲረዱ፣ የጨዋታውን ሕግ በመቀየር በጅምላ ቲኬት መግዛትን በሕግ አገዱ። ዛሬ ላይ ስቴፋን የተጠቀመበት ዘዴ በዓለም ዙሪያ የተከለከለ ቢሆንም፣ የሰው ልጅ አእምሮ ከዕድል በላይ በስሌት ምን ያህል አስገራሚ ነገሮችን መሥራት እንደሚችል የሚያሳይ ታሪካዊ ማሳያ ሆኖ ቆይቷል።

@Addis_Reporter
@Addis_Reporter

የአዲስ አበባ አነጋጋሪ ውሳኔ❗❗
የአዲስ አበባ ከተማ አስተዳደር ካቢኔ እጅግ አነጋጋሪ የሆነ ውሳኔ አሳልፏል። የተፈቀደን መሬት ከፋፍሎ የማጽደቅ ሙሉ እና ብቸኛ ስልጣን በከንቲባ አዳነች አቤቤ ጠረጴዛ ላይ ብቻ እንዲወድቅ ካቢኔው መወሰኑን ዛሬ በአዲስ አበባ ታትሞ የወጣው አዲስ ፎርቹን ጋዜጣ ዘግቧል። የዚህ የስልጣን ማዕከላዊነት ዋነኛ ምክንያት "ፈጣን አገልግሎት ለመስጠት" የሚል ሽፋን ቢሰጠውም፣ የከተማዋን ውድ እና ስሱ ሀብት በአንድ ሹመኛ ብዕር ስር ማጠቃለሉ የፖለቲካ እና የኢኮኖሚ ታዛቢዎችን እያነጋገረ ይገኛል።
በቅርቡ በተደረገው የከተማ አስተዳደሩ የካቢኔ መዋቅራዊ ሹም ሽር፣ አቶ መኮንን ያይን በመተካት አዲሱ የመሬት አስተዳደር ቢሮ ኃላፊ በመሆን የተሾሙት አቶ መላኩ ታምሩ ይህንን ግዙፍ ገቢ የመሰብሰብ ኃላፊነት ተጥሎባቸዋል። ይሁን እንጂ የመጨረሻው የመሬት ክፍፍል ማጽደቂያ ማኅተም ከቢሮው ኃላፊዎች አልፎ የከንቲባዋን ፊርማ ብቻ የሚጠብቅ ይሆናል።

@Addis_Reporter
@Addis_Reporter

#UoK

ቀብሪደሃር ዩኒቨርሲቲ በሦስት የትምህርት መስኮች የኦንላይን ማስተርስ ፕሮግራም መስጠት ሊጀምር ነው።

የዩኒቨርሲቲው ሴኔት ባደረገው መደበኛ ስብሰባ የተለያዩ አካዳሚያዊ ውሳኔዎች አሳልፏል።

በዚህም ሦስት ሙሉ በሙሉ የኦንላይን ማስተርስ ፕሮግራሞች እንዲጀመሩ ወስኗል።

አዲስ የሚጀመሩ የኦንላይን ማስተርስ ፕሮግራሞች፦
● MBA in Energy
● MA in Energy Project Management
● MSc in Petroleum and Energy Economics

በሕክምናና ጤና ሳይንስ ኮሌጅ የሕክምና ዶክትሬት የመጀመሪያ ዲግሪ ፕሮግራም እንዲጀመርም ሴኔቱ ወስኗል።

የቀድሞው የቀብሪደሃር ሆስፒታል የዩኒቨርሲቲው የማስተማሪያ ሪፈራል ሆስፒታል ሆኖ እንዲያገለግል ተወስኗል።

ሴኔቱ በቅርቡ በዩኒቨርሲቲው በተቋቋመው የኢትዮጵያ ነዳጅና ኢነርጂ ኢንስቲትዩት (EIPE) ስር የተከፈቱ 19 የመጀመሪያ ዲግሪ እና 24 የማስተርስ ፕሮግራሞችን አጽድቋል።

@Addis_Reporter
@Addis_Reporter

የሱዳን የውጭ ጉዳይ ሚንስቴር፣ ከኢትዮጵያ ግዛት በሚነሱ ድሮኖች አማካኝነት በሱዳን ላይ ይፈጸማሉ ያላቸውን ጥቃቶች "ወረራ" እንደኾኑ መታወቅ አለበት ሲል ዛሬ ለውጭ ዲፕሎማቶች በሠጠው ማብራሪያ ከሠሠ። ሚንስቴሩ፤ ኢትዮጵያ በሱዳን ላይ የድሮን ጥቃቶችን የምትፈጽመው የተባበሩት ዓረብ ኢምሬቶችን ጨምሮ የውጭ አካላት ወኪል በመኾን ነው በማለት ወንጅሏል። በቅርቡ በሱዳን የተለያዩ ግዛቶች በተፈጸሙት የድሮን ጥቃቶች የተሰበሰቡ ስብርባሪዎች፣ የጂፒኤስ የበረራ መረጃዎች እና የሳተላይት ምስሎች ጥቃቶቹ ከኢትዮጵያ ግዛት የተሰነዘሩ መሆናቸውን ያረጋግጣሉ ብለዋል።
ሚንስቴሩ፣ ሱዳን ከኢትዮጵያ ጋር የገባችበትን ውጥረት ለማርገብ በዲፕሎማሲያዊ መስመሮች ጥረት እያደረገች መኾኗንም ገልጧል። ኢትዮጵያ ይህን ውንጀላ ካሁን ቀደም ማስተባበሏ አይዘነጋም።

@Addis_Reporter
@Addis_Reporter

የኤርትራው ፕሬዚዳንት ኢሳይያስ አፈወርቂ ዛሬ ጥቅምት 22/2019 ዓ.ም ከአምስት ቀናት በኋላ ከራሺያ ተመልሰዋል።
ኢሳይያስ የደርሶ መልስ በረራቸውን ያደረጉት በአረብ ኢምሬትስ በተመዘገበ እና በROTANA JET አማካኝነት ቁጥጥር በሚደረግበት AIRBUS 319 በተባለ አውሮፕላን ነው።

@Addis_Reporter
@Addis_Reporter

ኢራን «ወሰን የለሽ» ወታደራዊ ምላሽ ለመስጠት ማዘዟ ተሰማ

የኢራኑ ከፍተኛ መሪ ሞጅታባ ካሜኔይ ሀገራቸው ሊሰነዘርባት ለሚችል ለማንኛውም አዲስ ጥቃት «ያለ ምንም የጂኦግራፊያዊ ገደብ» እና በአፋጣኝ የሚሰጥ ከፍተኛ ወታደራዊ ምላሽ እንዲዘጋጅ ትዕዛዝ አስተላለፉ።

መሪው በይፋዊ የቴሌግራም ገጻቸው ባወጡት መግለጫ፦ ኃይሎቻቸው ሊሰነዘሩ የሚችሉ ጥቃቶችን ለማስቆም የምላሽ መስጫ ጊዜውን እና ሁኔታውን እራሳቸው እንደሚወስኑ አስታውቀዋል።

አሜሪካ እና እስራኤል በመካከለኛው ምስራቅ የሚገኙ የሚዳሰሱ እና የማይዳሰሱ ንብረቶቻቸው በኢራን የጦር ኃይሎች ኢላማ ስር እንዲገቡ፣ የወታደራዊ ጥቃት ስትራቴጂው በአስቸኳይ እንዲሻሻል አዝዘዋል።

ይህ የቴህራን ጠንካራ ማ ማስጠንቀቂያ የመጣው፣ የአሜሪካው ፕሬዚዳንት ዶናልድ ትራምፕ ከመካከለኛው ምስራቅ የአሜሪካ ማዕከላዊ ዕዝ ኃላፊ አድሚራል ብራድ ኩፐር ጋር ተገናኝተው በኢራን ላይ ሊወሰዱ ስለሚችሉ ወታደራዊ አማራጮች ካደረጉት ምስጢራዊ ስብሰባ በኋላ ነው።

‘ዘ ዎል ስትሪት ጆርናል’ እንደዘገበው ከሆነ፣ የዋሺንግተን ከፍተኛ አመራሮች ስብሰባ አዲስ እና መጠነ-ሰፊ የወታደራዊ ዘመቻ ዋዜማ ሊሆን እንደሚችል ተገምቷል።

@Addis_Reporter
@Addis_Reporter

ጥቆማ

ነገ የጥገና ሥራ ለማከናወን የኃይል አቅርቦት ይቋረጣል

ነገ ጥቅምት 23 ቀን 2019 ዓ.ም የጥገና ሥራ ለማከናወን የኃይል አቅርቦት የሚቋረጥባቸው አካባቢዎች፡-

ከጠዋቱ 2፡00-10፡30

👉🏾ጎፋ መከላከያ ካምፕ ፣ አሚጎ ፣ ጀሞ ሚካኤል ፣ መካኒሳ አረቄ ፋብሪካ ፣ አቦ አደባባይ ፣ መካኒሳ አቦ ቤ/ክ ፣ ከፍያለው ህንጻ ፣ ከነማ መድሀኒት ቤት ድረስ እና አካባቢው፣  

👉🏾ጎፋ ኮንዶሚየም ፣ ጎፋ መከላከያ ኮንዶሚንየም ፣ ጀርመን አደባባይ ፣ ቻይና ሪልእስቴት ፣ ሮያል ሴራሚክ ፣ ትግሬ ሰፈር፣ ባሌ ማህበር ፣ ዮቴክ ሪልእስቴት ፣ ፊውቸር ት/ቤት እና አካባቢው፣

👉🏾ፉሪ ፣ ኖክ ፣ ዋልያ ብረታ ብረት ፣ ካፒታል ሲሚንቶ ጀርባ፣ወለቴ ፣ ወለቴ ኢንዱስትሪ መንደር ፣ ኖክ ማደያ ፣ ባለወልድ እና  አካባቢው፣

👉🏾ካራቆ፣ ረጲ ት/ቤት ፣ወሌ ኮንዶሚኒየም፣ ወለቴ ማርያም መውጫ፣ ወለቴ ቶታል፣ ወለቴ ኖክ ፣ ወጨጫ ማሪያም ፣ ወጨጫ ጎርጊስ ፣ካራ በከፊል ፣ አጃንባ ኮንዶሚየም ፣ ጥላሁን ከብት እርባታ ፣  ደግነት ኮንዶሚየም ፣ ኬላ እና አካባቢው፣

👉🏾ጉሙሩክ ፣ ቅመማ ቅመም ፣ ነጋ ቦንገር ፣ አደይ አበባ በከፊል ፣ ሳሪስ አዲስ ሰፈር እና አካባቢው፣

ከረፋዱ 4፡00-6፡00

👉🏾ሀግቤስ አራት መንታ፣ ጎጃም በረንዳ ጫፍ ፣ ጅንአድ፣ አበበች ጎበና ፣ ቄጤማ ተራ፣ ፓስተር አደባባይ፣ ጳውሎስ ሆስፒታል፣ አቤት ሆስፒታል፣ ቅዱስ ዮሐንስ ቤ/ክ እና አካባቢው፣

👉🏾ዋሽንግተን ሆስፒታል ፣ ቦሌ ሚካኤል ኮንዶሚየም ፣ ቦሌ ሚካኤል ቤ/ ክ፣ 3ኛ በር ፣ 4ኛ በር ፣ 5ኛ በር ፣ 6ኛ በር ፣ ናቲ ሆቴል ፣ ጎርጎሪዎስ ቤ/ ክ ፣ መልካ ወከና ማህበር እና አካባቢው፣

👉🏾 ቡልቡላ ጊዮርጊስ ፣ ቡልቡላ ሰፈር በከፊል ፣ ሪሴንቲ ፣ሶማሌ ተፈናቃይ ሰፈር ፣ አየር መንገድ ራዳር  ፣ ክሬቸር እና አካባቢው፣

👉🏾 ወሎ ሰፈር ፣ ኡራኤል፣ አዋሬ ቤተ መንግስት እና አካባቢው፣

ከጠዋቱ 3፡00-11፡00

👉🏾አዘዞ፣ ጎርጎራ፣ጣና፣ጎርጎራ ሪዞርት፣ ጯሂት፣ አንገርባ፣ ሳንጃ፣ ቀበሌ6፣7፣8፣9፣4፣5፣ክራክር፣ማሰሮ እና አካባቢው የኃይል አቅርቦት ይቋጣል ፡፡

ስለሆነም በአካባቢው የምትገኙ ክቡራን ደንበኞቻችን ይህንኑ በመገንዘብ አስፈላጊውን ቅድመ ዝግጅት እንድታደርጉ በአክብሮት እናሳውቃለን ሲል የኢትዮጵያ ኤሌክትሪክ_አገልግሎት ገልፃል።

@Addis_Reporter
@Addis_Reporter

ኤርትራ ወታደሮቿን ታስወጣ-የፈረንሳይ አምባሳደር‼️
“በኢትዮጵያ ግዛት ውስጥ የቀሩ የኤርትራ ወታደሮች በአስቸኳይ ለቀው ይውጡ” ሲሉ በፈረንሳይ የኢትዮጵያ አምባሳደር ጥሪ አቀረቡ፡፡   በፓሪስ የኢትዮጵያ ኤምባሲ ቻርጅ ደ አፌይር የሆኑት አምባሳደር ሰብስቤ ባዴ አድቤብ በወቅታዊ ጉዳዮች ከ‹‹ዘ አፍሪካን ጋዜት›› ለቀረበላቸው ጥያቄ መልስ ሰጥተዋል፡፡ በዚህ ትላንት ለንባብ በበቃው ቃለ ምልልሳቸው ኤርትራ ወታደሮቿንና ከባድ መሳሪያዎችን ድንበር ጥሳ ማስገባቷን ገልፀው የጠቅላይ ሚኒስትር አብይ አህመድን መንግስት ለመጣል የሚጥሩ የትግራይ አማፅያንን እየደገፈች መሆኑን አስረድተዋል፡፡
አምባሳደር ሰብስቤ የኤርትራ ጦር በከባድ መሳሪያና በሜካናይዝድ ሀይል ታግዞ የኢትዮጵያን ድንበር በመጣስ ራማ፣ ሽራሮ፣ ባድመ፣ አዲግራትና ዛላምበሳ ኮሪደርን ጨምሮ በርካታ ቦታዎች ገብቶ እንደነበር ጠቅሰው በተጨማሪም ‹‹ወደድንበር ያፈገፈጉትን የህወሀት ታጣቂዎች እንደገና ለማደራጀት ጥረት አድርጓል›› ሲሉም ክስ አቅርበዋል፡፡ ምንም እንኳ ወታደራዊ ፍጥጫው እንዳለ ቢሆንም አምባሳደሩ በዚህ ቃለ ምልልሳቸው ኢትዮጵያ ዲፕሎማሲያዊ መፍትሄ እንደምትፈልግ ደጋግመው ገልፀዋል፡፡ የኢትዮጵያ መንግስት ኤርትራ ወደውይይት እንድትገባ ጥሪ ማቅረቡን ጠቅሰውም ምንም አይነት አዎንታዊ ምላሽ እንዳልተገኘ አስረድተዋል፡፡

ሲናገሩም ‹‹አሁንም ቢሆን የኤርትራ ሀይሎች በኢትዮጵያ ሉአላዊ ግዛት ውስጥ ይገኛሉ፡፡ ኢትዮጵያ እነዚህ ወታደሮች በፍጥነትና ሙሉ በሙሉ ከግዛቷ እንዲወጡና ኤርትራ በአገራችን ውስጣዊ ጉዳይ ጣልቃ መግባቷን እንድታቆም እንጠይቃለን›› ካሉ በኋላ አለም አቀፉ ማህበረሰብ ይህንን የጠብ ጫሪነት ድርጊት እንዲያወግዝ ጥሪ አቅርበዋል፡፡  ጋዜጣው እንደገለፀው ለዚህ የአምባሳደሩ አስተያየት የኤርትራን ምላሽ የጠየቀ ቢሆንም መልስ ለማግኘት አልቻለም፡፡

@Addis_Reporter
@Addis_Reporter

«የተቃዋሚዎች ሕብረት የፌዴራል መንግሥት የጋራ ጠላት መሆኑን አውጃለሁ በማለት ትግሉን ማጠናከሩን አስታወቀ»

​ከጠቅላይ ሚኒስትር ዐቢይ አሕመድ አስተዳደር ጋር ውጊያ ላይ የሚገኘው የ«ትብብር ለህልውና» ጥምረት፣ የኢትዮጵያ ሕዝቦች መብት ለማስጠበቅ በሚል የሚያደርገውን ሁለገብ ትግል አጠናክሮ እንደሚቀጥል በመግለጫው ማሳወቁ ተመላክቷል።

​ሕብረቱ አዲስ መሠረቱን ይፋ ካደረገ በኋላ ባካሄደው የመጀመሪያ መደበኛ ስብሰባ ሒደት፣ አሁን ያለው የብልጽግና መንግሥት ለብሔሮችና ብሔረሰቦች ሰላም ከልብ እንደማይቆረቆር በመጥቀስ የሁሉም የጋራ ጠላት እንደሆነ መወንጀሉ ታውቋል።

​በማኅበራዊ ሚዲያ በተሰራጨው እና ትብብሩ መግለጫ ባወጣበት የቪዲዮ መድረክ ላይ፤ የአማራ ፋኖ ብሔራዊ ንቅናቄ መሪ ዘመነ ካሴ መግለጫውን ያነበቡ ሲሆን፣ በጎናቸውም የኦሮሞ ነጻነት ሠራዊት ተወካይ እና የህወሓቱ ሊቀመንበር ደብረጽዮን ገብረሚካኤል መታየታቸው ተገልጿል።

​እንዲሁም በስብሰባው ላይ የደብረጽዮን ምክትል አቶ አማኑኤል አሰፋ በወታደራዊ ልብስ አሰናድተው መገኘታቸው እና የትግራይ ኃይሎች አዛዥ ሌተናል ጄኔራል ፍሰሐ ኪዳኑ መሳተፋቸው ተመላክቷል።

​ይህ ጥምረት መስከረም ወር አጋማሽ ላይ መመሥረቱ ከታወጀ ወዲህ፣ በሰሜኑ የሀገሪቱ ክፍል ከተቀሰቀሱ ግጭቶች በኋላ መሪዎቹ በአንድ መድረክ ላይ በአካል ተገናኝተው ሲታዩ የመጀመሪያው መሆኑ በዘገባው ተጠቅሷል።

@Addis_Reporter
@Addis_Reporter