መካ ቀይ መስመር ነው-ሳውዲ‼️
ሳዑዲ አረቢያ የሁቲ ታጣቂዎች ወደ መካ የተኮሱትን ድሮን ማክሸፏን ገለጸች❗
ሳዑዲ አረቢያ ማክሰኞ ሌሊት በኢራን የሚደገፉት የሁቲ ታጣቂዎች መካን ለማጥቃት መሞከራቸውን በመግለጽ ድርጊቱን አወገዘች።
ሳዑዲ አረቢያ በመግለጫዋ መካ ላይ የሚፈጸም ጥቃት “ቀይ መስመር” መሆኑን በመግለጽ አስጠንቅቃለች።
የሁቲ ባለሥልጣናት ወደ መካ ድሮኖች አለመተኮሳቸውን በመግለጽ በድርጊቱ እጃችን የለበትም ብለዋል።
መካ ከየመን ድንበር 1 ሺህ 100 ኪሎ ሜትር ርቀት ላይ የምትገኝ ከተማ ነች።
መካ የነብዩ ሙሐመድ የትውልድ ቦታ እና ቅዱስ ቁርዓን የተቀበሉበት ሥፍራም ነው።
በሳዑዲ የሚመራው ጥምረት የአገሪቱ አየር ኃይል በሁቲዎች ወደ መካ የተተኮሰን ድሮን ማክሸፋቸውን እና ማውደማቸውን ያስታወቀው ረበዕ ዕለት ማለዳ ነበር።
የጥምረቱ ቃል አቀባይ ቱርኪ አል ማልኪ ድሮኑ የተተኮሰው ሌሊት መሆኑን አስታውቀው ወደ ተከለከለ ክልል ከመግባቱ በፊት ተመትቶ ስብርባሪው በአገሪቱ ደቡባዊ ክፍል ወድቋል ብለዋል።
አል ማልኪ ሁቲዎች መካን ዒላማ ያደረጉት ለሁለተኛ ጊዜ መሆኑን ጠቅሰው በሐምሌ ወር መጨረሻ ላይ ባሌስቲክ ሚሳዔል መተኮሳቸውን አስታውሰዋል።
ታሪካዊ እና ሃይማኖታዊ ከተማ በሆነችው መካ ላይ የሚፈጸም ጥቃት “ቀይ መስመር” ነው በማለት ጥምረቱ ተጨማሪ ጥቃት እንዳይፈጸም እርምጃ ይወስዳል ብለዋል።
ሁቲዎች በበኩላቸው ሳዑዲ ድሮን ተኩሰዋል ስትል ያቀረበችውን ውንጀላ ውድቅ አድርገዋል።

@Addis_Reporter
@Addis_Reporter

የራያ ወታደራዊ እንቅስቃሴ‼️
መነሻቸውን ከኤርትራ ያደረጉ 24 ኦራል፣ 3 መድፍ፣ 3 ዙ-23 የታጠቁ ተሽከርካሪዎች፣ትጥቅ እና ስንቅን ጨምሮ በዓዲ-ዃላ አድርጎ ራማን፣ ዓድዋን እና ሓውዜንን አቋርጠው መቐለ ከገቡ በኋላ በዛሬው ዕለት ከቀኑ 6:00 አካባቢ በቀጥታ ወደ ራያ መግባቱ ታውቋል።
የፌደራል መንግስቱም ወደ ራያ አካባቢ ከባባድ መሳሪያዎችን ጨምሮ ከፍተኛ ወታደራዊ እንቅስቃሴ እያደረገ ይገኛል።
በአካባቢው ውጊያ ሊጀመር እንደሚችል የአካባቢው ነዋሪዎች ስጋታቸውን ገልፀዋል።

@Addis_Reporter
@Addis_Reporter

የትምህርት ሚኒስቴር የ2018 ዓ.ም የ12ኛ ክፍል ብሔራዊ ፈተና የዩኒቨርሲቲ መግቢያ ውጤት ያስመዘገቡ ተማሪዎችን የዩኒቨርሲቲ ምደባ ማጠናቀቁን አስታወቀ‼️

ምደባው የተማሪዎችን ውጤትና ምርጫ፣ የዩኒቨርሲቲዎችን የቅበላ አቅም፣ የክልል፣ የወረዳ፣ የዞን እና የትምህርት ቤት ስርጭት እንዲሁም የፆታ ሚዛን ታሳቢ በማድረግ መከናወኑን ሚኒስቴሩ ገልጿል።

በተጨማሪም ከ600 ነጥብ 500 እና ከዚያ በላይ ያስመዘገቡ ተማሪዎች በመጀመሪያ ምርጫቸው መመደባቸውን አስታውቋል።

ተማሪዎች የምደባ ውጤታቸውን በተዘጋጀው የኦንላይን ሥርዓት https://student.ethernet.edu.et/view-placement ማየት ይችላሉ ብሏል።

ቅሬታ ያላቸው ምደባው ይፋ ከሆነበት ቀን ጀምሮ በ5 ቀናት ውስጥ በኦንላይን  ፦ https://student.ethernet.edu.et/complaints ብቻ ቅሬታ ማቅረብ እንደሚችሉ ተገልጿል።

@Addis_Reporter
@Addis_Reporter

ከ46 ነጥብ 4 ሚሊየን ብር በላይ የማታለል ወንጀል ፈጽሞ ከሀገር የተሰወረው ተጠርጣሪ በኢንተርፖል ትብብር በቁጥጥር ሥር ዋለ

ከ46 ነጥብ 4 ሚሊየን ብር በላይ ግምት ያላቸውን 12 የBYD Seagull ኤሌክትሪክ ተሽከርካሪዎች በውክልና ለመሸጥ ከተረከበ በኋላ ገንዘቡን ለተበዳይ ሳያስረክብ ከባድ የማታለል ወንጀል ፈጽሞ ከሀገር የተሰወረው ተጠርጣሪ በቁጥጥር ሥር መዋሉን የኢትዮጵያ ፌደራል ፖሊስ አስታውቋል።

ተጠርጣሪው ከግል ተበዳይ አቶ ዮናስ ገብረመስቀል ጋር በነበረው የውክልና ስምምነት ተሽከርካሪዎቹን ከተረከበ በኋላ፣ የተገኘውን ገንዘብ ይዞ ከሀገር በመውጣት በታይላንድ፣ በሲንጋፖር፣ በፊሊፒንስ እና በኢንዶኔዥያ ሀገራት ሲዘዋወር ቆይቷል።

የኢትዮጵያ ፌደራል ፖሊስ ከዓለም አቀፉ የፖሊስ ኅብረት ድርጅት (ኢንተርፖል) ጋር ባደረገው የቅርብ ትብብር በግለሰቡ ላይ ዓለም አቀፍ የቀይ ማስታወቂያ (Red Notice) እንዲወጣበት አድርጓል።

በዚህም መሠረት ተጠርጣሪው መስከረም 3 ቀን 2019 ዓ.ም በኢንዶኔዥያ ኢንተርፖል በቁጥጥር ሥር የዋለ ሲሆን፤ መስከረም 5 ቀን 2019 ዓ.ም ለኢትዮጵያ ፌደራል ፖሊስ ተላልፎ መሰጠቱ ነው የተገለጸው።

ፖሊስ በተጠርጣሪው ላይ የምርመራ መዝገብ አደራጅቶ ያጠናቀቀ ሲሆን፤ ከዚህ በተጨማሪም በሌሎች ሁለት ከባድ የማታለል ወንጀሎች ተጠርጥሮ ተጨማሪ ምርመራ እየተጣራበት እንደሚገኝ ገልጿል።

@Addis_Reporter
@Addis_Reporter

ኡጋንዳ ለኢትዮጵያ ኦርቶዶክስ ቤተክርስቲያን ድጋፏን እንደምትቀጥል  አረጋገጠች

የኡጋንዳዋ ምክትል ፕሬዝዳንት ጄሲካ አሉፖ የኢትዮጵያ ኦርቶዶክስ ተዋሕዶ ቤተክርስቲያን በሀገሪቱ በምታደርገው የማስፋፋት ሥራ መንግሥታቸው አስፈላጊውን ድጋፍ እንደሚያደርግ አረጋግጠዋል።

ድጋፉ የተገለጸው የቤተክርስቲያኗ የምሥራቅ አፍሪካ ሀገረ ስብከት ዋና ሥራ አስኪያጅ እና በኡጋንዳ የኢትዮጵያ አምባሳደር ከምክትል ፕሬዝዳንቷ ጋር ባደረጉት ውይይት ወቅት ነው። በስብሰባው ወቅት የቤተክርስቲያኗ ተወካዮች የኡጋንዳ መንግሥት ለስደተኞች፣ ለሃይማኖት ነፃነትና ለቤተክርስቲያኗ እድገት ላደረገው እገዛ ምስጋና በማቅረብ የተጀመረው አጋርነት ተጠናክሮ እንዲቀጥል ጠይቀዋል።

ምክትል ፕሬዝዳንቷ በበኩላቸው፤ የሃይማኖት ተቋማት ለሀገርና ለሕዝብ ሰላም ያላቸውን ሚና አጉልተው አሳይተዋል። የጸሎት ሥነ ሥርዓቶች ምንም ዓይነት እንቅፋት ሳይገጥማቸው እንዲከናወኑና የቤተክርስቲያኗ የማስፋፋት ሥራዎች እንዲሳኩ መንግሥታቸው አስፈላጊውን እገዛ እንደሚያደርግ አረጋግጠዋል።

@Addis_Reporter
@Addis_Reporter

በኢትዮጵያ በቀን 600 ሰዎች ተላላፊ ባልሆኑ በሽታዎች ህይወታቸው ያልፋል ተባለ።

በአለምአቀፍ ደረጃም ሆነ በኢትዮጵያ ተላላፊ ያልሆኑ በሽታዎች በከፍተኛ ሁኔታ እየተስፋፏ መምጣታቸው ተጠቁሟል።

ይህ የተባለው በዛሬው እለት በኢትዮጵያ ለ8ኛ ጊዜ የሚከበረውን የዓለም አቀፍ  የሕሙማን ደህንነት ቀንን ምክንያት በማድረግ በተዘጋጀው መድረክ ላይ ነው።የጤና ሚኒስቴር ከአለም ጤና ድርጅት ጋር በመተባበር አለም አቀፍ የሕሙማንን ደህንነት ቀንን አስመልክቶ መድረኩን ያዘጋጀ ሲሆን እለቱም‹‹ ደህንነቱ የተጠበቀ ክብካቤ ለጤናማ ህይወት በሚል መሪ ቃል ›› በዘውዲቱ መታሰቢያ ሆስፒታል በተለያዩ መርሃ-ግብሮች እየተከበረ ይገኛል።
የሪዞልቭ ቱ ሴቭ ላይቭ በኢትዮጵያ ዳይሬክተር የሆኑት ዶክተር ግርማ አሰፋ ለብስራት ሬድዮ እንደተናገሩት በአለም አቀፍ ደረጃ አራት ህይወታቸው ከሚያልፉ ሰዎች ሶስቱ ተላላፊ ባልሆኑ በሽታዎች የተነሳ ህይወታቸውን ያጣሉ። ይህ ሁኔታ በኢትዮጵያም ጎልቶ እንደሚታይ ተናግረው በቀን 600 የሚሆኑ ሰዎች በዚህ በሽታ ህይወታቸው ያልፋል ነው ያሉት።ከጉዳዮ ጋር በተያያዘ የህክምና አገልግሎት ማዕቀፉ ተደራሽነትን ለማሳደግ ብዙ ስራ መስራት እንደሚያስፈልግ ጠቁመዋል።

ዶክተር ግርማ መረጃዎችን ጠቅሰው እንደተናገሩት በኢትዮጵያ በደማቸው ውስጥ የደም ግፊት አለባቸው ተብለው የሚጠበቁ አዋቂዎች ከ11 እስከ 12 ሚሊዮን ይገመታሉ።እንደ የደም ግፊት፣ የስኳር፣ የልብ፣ የደም ቧምባ በሽታ እና የካንሰር ህመም ተላላፊ ካልሆኑ በሽታዎች መካከል በዋነኛነት ተጠቃሽ ሲሆኑ የሚፈለገውን የጤና ግብ ለማሳካት የታካሚ ደህንነት እና እንክብካቤ ትኩረት የሚሻ ጉዳይ መሆኑ ተመላክቷል።
በመሆኑም በዘንድሮው የህሙማን ደህንነት ቀን ለጉዳዮ ትልቅ ትኩረት በመስጠት ውጤታማ ስራ ለመስራት ያግዛል ተብሏል።

@Addis_Reporter

«የተለያዩ የጦር መሳሪያዎች ከኤርትራ የተገኙ ናቸው» እጅ የሰጡ ታጣቂዎች‼️
👉ምሽቱን ተጨማሪ 43 ታጣቂዎች እጅ ሰጥተዋል።
ዛሬ በወልቃይት እጃቸውን የሰጡት የህወሓት ታጣቂዎች ለፀጥታ ኃይሎች መረጃ እየሰጡ ነው።

«ጠመንጃን ጨምሮ የተለያዩ የጦር መሳሪያዎች ከኤርትራ የተገኙ ናቸው» ሲሉ ዛሬ እጃቸውን የሰጡት የህወሓት ታጣቂዎች ተናግረዋል።

ታጣቂዎቹ በውጊያ የተያዙ ወይም የተማረኩ ሳይሆን፣ በራሳቸው ፈቃድ ለመከላከያ ሰራዊት እጅ እንደሰጡ ተረጋግጧል።

@Addis_Reporter
@Addis_Reporter

በትግራይ ክልል ለተመደባችሁ በሙሉ‼️
በትግራይ ክልል በሚገኙ የመንግሥት ዩኒቨርሲቲዎች አዲስ ለተመደባችሁ ተማሪዎች ና ነባር ተማሪዎች በሙሉ፤

በትግራይ ክልል ካለው ወቅታዊ ሁኔታ አንጻር፣ የትምህርት ሂደታችሁ እንዳይስተጓጎልና ደህንነታችሁ ተጠብቆ ትምህርታችሁን በመደበኛነት እንድትቀጥሉ ለማስቻል፣ በጠየቃችሁት መሰርት ሁኔታዎች እስኪስተካከሉ ድረስ በጊዜያዊነት ከትግራይ ክልል ውጪ ወደሚገኙ ሌሎች የመንግሥት ዩኒቨርሲቲዎች እንድትመደቡ የሚደረግ ሲሆን በዚህ ጉዳይ ቅሬታ ያላችሁ ተማሪዎች ወደ ትምህርት ሚኒስቴር በአካል መምጣት የማይጠበቅባችሁ መሆኑን እየገለጽን በጊዚያዊነት የምትመደቡበትን ዩኒቨርስቲ በቅርቡ የሚገለፅላቹህ ሲሆን ያለው ነባራዊ ሁኔታ ሲስተካከል፣ መጀመሪያ በተመደባችሁባቸው ዩኒቨርሲቲዎች ተመልሳችሁ ትምህርታችሁን የምትቀጥሉ መሆኑን ከወዲሁ እናሳውቃለን።

በተለያየ ምክንያት ትግራይ ባሉት ዩኒቨርስቲዎች መቀጠል የምትፈልጉ ነባርና አዲስ ተማሪዎች በሚመለከት ከዩኒቨርስቲዎቹ ጋር እየተነጋገርን ስለሆነ በትእግስት እንድትጠባበቁ ትምህርት ሚኒስቴር አስታውቋል።

@Addis_Reporter
@Addis_Reporter

ፀሊሞይ‼️
ዛሬ መስከረም 7/2019 ዓ.ም ከጠዋቱ 1:00 አከባቢ ጀምሮ በወልቃይት በኩል በተከዜ ዋናው ድልድይ፣ከደደቢት-በፀሊሞይ አቅጣጫ ከህወሓት ታጣቂዎች ጋር ለተወሰነ ደቂቃ በከባድ መሳሪያ የታገዘ የተኩስ ልውውጥ የተደረገ ሲሆን ለጊዜው ቁጥራቸው ያልታወቀ የህወሓት አርሚ 17 ተዋጊዎች ለመከላከያ ሰራዊት እጃቸውን ሰጥተዋል።

@Addis_Reporter
@Addis_Reporter

ሱዳን ከኢትዮጵያ ጋር ወደ ጦርነት መግባት አትፈልግም❗️
ሲሉ የሉዓላዊ ምክር ቤቱ ምክትል ኃላፊ ጄነራል ማሊክ አጋር አስታወቁ

🇸🇩የሱዳን የሉዓላዊነት ምክር ቤት ምክትል ኃላፊ ጄነራል ማሊክ አጋር ከኢትዮጵያ ጋር ውጥረት ቢኖርም ሀገራቸው ከጎረቤት ኢትዮጵያ ጋር ወደ ወታደራዊ ግጭት የመግባት ፍላጎት እንደሌላት ገለጹ።

🇸🇩ጄነራል ማሊክ አጋር በካርቱም በተካሄደ የጋዜጠኞች ፎረም ላይ እንደተናገሩት “ከኢትዮጵያ ጋር ወደ ጦርነት መግባት አንፈልግም” ብለዋል።

🇸🇩የምክር ቤቱ ምክትል ኃላፊ ይህንን ያሉት በሱዳንና ኢትዮጵያ አዋሳኝ ድንበር ላይ ውጥረት እየጨመረ በመጣበት እና የሱዳን ጦር ባለሥልጣናት ኢትዮጵያ ፈጥኖ ደራሽ ድጋፍ ሰጪ ኃይል  እና አጋሮቹ ከግዛቷ ድሮኖችን እንዲያሰማሩ ፈቅዳለች ሲሉ በከሰሱበት ወቅት ነው።

🇪🇹ኢትዮጵያ በበኩሏ በድሮን ጥቃቶች ላይ እጄ አለበት በሚል ከሱዳን የሚሰነዘሩብኝን ክሶች “መሰረተ ቢስ” ስትል ቀደም ሲል ውድቅ ማድረጓን ሬዲዮ ታማዙዥ በዘገባው አስታውሷል።

@Addis_Reporter
@Addis_Reporter

«የተለያዩ የጦር መሳሪያዎች ከኤርትራ የተገኙ ናቸው» እጅ የሰጡ ታጣቂዎች‼️
👉ምሽቱን ተጨማሪ 43 ታጣቂዎች እጅ ሰጥተዋል።
ዛሬ በወልቃይት እጃቸውን የሰጡት የህወሓት ታጣቂዎች ለፀጥታ ኃይሎች መረጃ እየሰጡ ነው።

«ጠመንጃን ጨምሮ የተለያዩ የጦር መሳሪያዎች ከኤርትራ የተገኙ ናቸው» ሲሉ ዛሬ እጃቸውን የሰጡት የህወሓት ታጣቂዎች ተናግረዋል።

ታጣቂዎቹ በውጊያ የተያዙ ወይም የተማረኩ ሳይሆን፣ በራሳቸው ፈቃድ ለመከላከያ ሰራዊት እጅ እንደሰጡ ተረጋግጧል።

@Addis_Reporter
@Addis_Reporter

በአዲስ አበባ የመንግሥት ሠራተኞች የማኅበር ቤት ግንባታ መነሻ ዋጋ በካሬ ሜትር ወደ 50 ሺህ ብር ከፍ አለ❗❗

የአዲስ አበባ ከተማ አስተዳደር በመንግሥት ሠራተኞች ማኅበራት የሚገነቡ መኖሪያ ቤቶች መነሻ የግንባታ ዋጋ በካሬ ሜትር ከነበረበት 35 ሺህ ብር ወደ 50 ሺህ ብር ከፍ እንዲል አድርጓል። የዋጋ ጭማሪውን መሸከም ባለመቻላቸው ከማኅበሩ ለመውጣትና የተከፈለውን ገንዘብ ለመመለስ የጠየቁ መምህራን ደግሞ "ገንዘቡ አይመለስላችሁም" መባላቸው ቅሬታን ፈጥሯል።

የከተማ አስተዳደሩ ቤቶች ልማትና አስተዳደር ቢሮ ምክትል ሀላፊ ዶ/ር መኮንን ጥበቡ ቸኮል ለኅብረት ሥራ ኮሚሽን በጻፉት ደብዳቤ መሠረት፣ በታህሳስ ወር 2017 ዓ.ም በካሬ ሜትር 35 ሺህ ብር የነበረው የመነሻ ግንባታ ዋጋ በመስከረም ወር 2018 ዓ.ም በተደረገ ክለሳ ወደ 50 ሺህ ብር ከፍ እንዲል ተወሰኗል። በአዲስ አበባ ሳይንስና ቴክኖሎጂ ዩኒቨርሲቲ በተጠናው ወቅታዊ ጥናት መሠረት ደግሞ አንዳንዶቹ የግንባታ ተመኖች በካሬ ሜትር እስከ 82 ሺህ ብር ይደርሳሉ።

አስተዳደሩ ለመምህራን እና ለጤና ባለሙያዎች መሬት በነፃ በማቅረብ 25 በመቶ ቅድመ ክፍያ በሠራተኞች እንዲሸፈን እና ቀሪው 75 በመቶ በባንክ ብድር እንዲመቻች ባደረገው መርሃ-ግብር፣ 6 ሺህ 194 መምህራን በ57 ማኅበራት ተደራጅተው መሬት ተረክበው ነበር።

ሆኖም መምህራኑ የመጀመሪያውን የ25 በመቶ ቅድመ ክፍያ የከፈሉት ከወርሃዊ ደመወዛቸው በተጨማሪ በብድር እና በቤተሰብ ድጋፍ እንደነበር ገልጸው፣ አዲሱ ጭማሪ ከገቢያቸው አንጻር ሊሸከሙት የማይችሉት መሆኑን አስረድተዋል። በዚህም ምክንያት ጭማሪውን መክፈል ባለመቻላቸው "ገንዘባችን ተመልሶልን ከማኅበሩ እንውጣ" ብለው የጠየቁ አባላት "ገንዘቡ አይመለስላችሁም" የሚል ምላሽ ስለተሰጣቸው ለከፍተኛ ስጋትና ቅሬታ ተዳርገዋል።

@Addis_Reporter
@Addis_Reporter

ሁለት ተበዳዮችን በአንድ ለሊት አስገድዶ የደፈረው ግለሰብ በ17 ዓመት ጽኑ እስራት ተቀጣ!

የ39 ዓመት ዕድሜ ያለው ተከሳሽ ሰጣርጌ ግሩም በምስራቅ ጎጃም ዞን እነማይ ወረዳ ወይራ ጉሬዛም ቀበሌ ነዋሪ ሲሆን፣ በወቅቱ ለሥራ ከተመደበበት ዲማ ቀበሌ ከሥራ ቦታ በመሰወር እተበዳይ ቤት መሄዱን ፖሊስ ገልጿል።

ተከሳሹ የሕግ አካል እንደሆነ በመግለጽ በቤቱ ውስጥ ሌባ ተደብቋል በማለት በሩን አስከፍቶ ወደ ቤቱ እንደገባ ተመላክቷል።

ተከሳሹ ነሐሴ 18 ቀን 2018 ዓ.ም ከምሽቱ 2፡00 ሰዓት ላይ የቤቱን በር በመዝጋትና በጦር መሣሪያ በማስፈራራት በቤቱ የነበሩ ሦስት ሰዎች እንዲተኙ ካስገደደ በኋላ_የተባለች የ18 ዓመት ወጣት እና_ የተባለች  የ20 ዓመት እድሜ ያላት (የመጀመርያዋ ተደፋሪ አክስትን)  ሁለቱን ግለሠቦች እስከ ንጋቱ 11፡00 ሰዓት ድረስ አስገድዶ መድፈሩን የፖሊስ የምርመራ መዝገብ ያስረዳል።

የእነማይ ወረዳ ፖሊስ ጽ/ቤት የወንጀል ምርመራ ክፍል ኃላፊ ኢንስፔክተር ሹሜ ላቀው እንደገለጹት በማግስቱ መርማሪ ፖሊሶች በቦታው በመድረስ አስፈላጊውን የማጣራት ሥራ ካከናወኑ በኋላ ተጠርጣሪውንና ተጎጂዎችን ወደ ሆስፒታል በመውሰድ የሕክምና ምርመራ ማድረግ ተችሏል ብለዋል።

በምርመራውም በተጎጂዎቹ ላይ የአስገድዶ መድፈር ወንጀል መፈጸሙ መረጋገጡን ኃላፊው ገልጸዋል።

ተከሳሹ ከዚህ በፊት በግድያ ወንጀል የ16 ዓመት እስራት ተፈርዶበት የነበረ ሲሆን፣ ከዚያ ውስጥ አምስት ዓመት ከታሰረ በኋላ በ2015 ዓ.ም በክልሉ በተከሰተው የጸጥታ መደፍረስ ከማረሚያ ቤት አምልጦ ሕገ-ወጥ ታጣቂ ቡድንን ተቀላቅሎ ሲዋጋ ቆይቷል ተብሏል።

በኋላም መንግሥት ያቀረበውን የሰላም አማራጭ ተቀብሎ በመግባት በወረዳው የሰላም ማስከበር ሥራ ላይ ተሰማርቶ ሲሠራ እንደነበር ተመላክቷል።

ፖሊስ የምርመራ መዝገቡን በፍጥነት በማጣራት ለእነማይ ወረዳ አቃቤ ሕግ ከላከ በኋላ በተከሳሹ ላይ ክስ ተመስርቶ ጉዳዩ ሲታይ ቆይቷል።

የእነማይ ወረዳ ፍርድ ቤትም መስከረም 5 ቀን 2019 ዓ.ም በዋለው ችሎት የቀረቡለትን ማስረጃዎችና የቅጣት ማክበጃና ማቅለያ ሁኔታዎችን መርምሮ ተከሳሹ ሰጣርጌ ግሩም በ17 ዓመት ጽኑ እስራት እንዲቀጣ ወስኗል።

የእነማይ ወረዳ ፍትሕ ጽሕፈት ቤት እንደገለጸው፣ የፍርድ ውሳኔው በተመሳሳይ ወንጀል ሊሳተፉ ለሚችሉ ግለሰቦች ትምህርት የሚሰጥና የወንጀል ተጠያቂነትን የሚያሳይ ነው።

የምስራቅ ጎጃም ፖሊስ ፅህፈት ቤት ነው!

@Addis_Reporter
@Addis_Reporter

በሚቀጥሉት ወራት "ወቅቱን ያልጠበቀ" ዝናብ ሊኖር እንደሚችል ተገለጸ፡፡

የኢትዮጵያ ሜትሮሎጂ ኢንስቲትዩት የ 2019 የበጋ ወቅት የአየር ጠባይ ትንበያውን ይፋ ያደረገ ሲሆን፤ ከጥቅምት ወር ጀምሮ ጠንካራ የኤልኒኖ ክስተት ወይም የውቅያኖስ ሙቀት እንደሚኖር አስታውቋል።

በተለይም በደቡብ ምዕራብ፣ በደቡብ እና በደቡብ ምስራቅ የሀገሪቱ ክፍሎች ከመደበኛ በላይ የሆነ የዝናብ መጠን እንደሚኖር የተተነበየ ሲሆን፤ በሰሜን፣ በሰሜን ምስራቅ፣ በምስራቅ እና በመካከለኛው የሀገሪቱ ክፍሎች ላይ ደግሞ ወቅቱን ያልጠበቀ ዝናብ ሊኖር እንደሚችል ብስራት ሬድዮ ሰምቷል ።

በተጨማሪም በአብዛኛው የሀገሪቱ ክፍሎች የቀን የሙቀት መጠን ከመደበኛ በላይ እንደሚሆንና ከህዳር አጋማሽ ጀምሮ በአንዳንድ ስፍራዎች የሌሊት የሙቀት መጠን ከ 5 ዲግሪ ሴልሺየስ በታች ሊወርድ እንደሚችል ተነግሯል።

በሌላ በኩል በደቡብ፣ በደቡብ ምዕራብ እና በደቡብ ምስራቅ አካባቢዎች ተከታታይነት ባለው ከባድ ዝናብ ምክንያት የቅፅበታዊ ጎርፍ፣ የወንዞች መሙላት እና የመሬት መንሸራተት አደጋ ሊያጋጥም እንደሚችል ተገልጿል።

በተለይም በሰሜን፣ በሰሜን ምስራቅ እና በምስራቅ አካባቢዎች በሚጥለው ወቅቱን ያልጠበቀ ዝናብ ምክንያት በደረሱ ሰብሎች ላይ ጉዳት ሊያደርስ ስለሚችል፣ አርሶ አደሮች ሰብላቸውን በፍጥነት እንዲሰበስቡ፤ እንዲሁም የሚመለከታቸው አካላት የጎርፍ መውረጃ ቦዮችን በማጽዳት እና ማህበረሰቡን በማንቃት አስፈላጊውን ቅድመ ጥንቃቄ እንዲያደርጉ ተቋሙ አሳስቧል።

@Addis_Reporter
@Addis_Reporter