የዚምባብዌው ፕሬዚዳንት ኤመርሰን ምናንጋግዋ የልደት ቀናቸውን ብሔራዊ የሕዝብ በዓል አድርገው ሰየሙ

የዚምባብዌ መንግሥት የፕሬዚዳንት ኤመርሰን ምናንጋግዋ የልደት ቀን የሆነውን መስከረም 15 (ሴፕቴምበር 15) በየዓመቱ የሚከበር ብሔራዊ የሕዝብ በዓል አድርጎ ማወጁ ከፍተኛ ትችትና ተቃውሞ አስነሳ። “ሙንሁሙታፓ ቀን” በሚል የተሰየመው ይህ በዓል በሕግ ማዕቀፍ የወጣ ቢሆንም፣ ተቃዋሚዎች ግን እርምጃውን የፕሬዚዳንቱን ግላዊ ስልጣንና ዝና ለማገንነን የተደረገ ውሳኔ ነው ብለውታል።

@Addis_Reporter
@Addis_Reporter

የድሮን ጥቃት‼️
በዛሬው ዕለት መስከረም 2/2019 ዓ.ም ከረፋዱ 5፡10 በራያ_ኮረም ከተማ ዝናቡ ማልዴይ በሚባል ትምህርት ቤት ላይ የድሮን ጥቃት ተፈፅሟል።
ጥቃቱ በትምህርት ቤቱ ቅጥር ግቢ ባህርዛፍ ውስጥ ተደብቀው በነበሩ መድፎች እና ዙ-23 መሳሪያዎች ላይ ያነጣጠረ ነው ተብሏል።

@Addis_Reporter
@Addis_Reporter

እየተዘጋጀን ነው-የህወሓት ጄኔራል‼️
የፌዴራል መንግሥቱ እያደረገ ያለውን የጦርነት ትንኮሳና የድሮን ድብደባ በትግስት ይዘን ስራችን እያከናውን የምንገኘው ሲሉ የህወሓት ወታደራዊ መሪ የሆኑት ጄ/ ፍስሃ ማንጁስ ተናግረዋል።
ቴክኖሎጂ/ድሮን/ጦርነት አያስቆምም ብለዋል።
ለህልውናችን ብለን የምናካሄደውን ትግል ደግሞ አሸንፈን ለመውጣት ሁሉንም ነገር በማስተካከል እየተዘጋጀን ነው ያለነው ብለዋል።

ሁሉም ነገር አንዳለቀ ደግሞ ያኔ የሚሆነው ይሆናል።
አንደምናሸንፍም ኧርግጠኞች ነን ሲሉ ተደምጠዋል።

@Addis_Reporter
@Addis_Reporter

ሚስት የባለቤቷን ብልት በጥርሷ
ነክሳ ከባድ ጉዳት አደረሰች!

በዚምባብዌ ሃራሬ ከተማ ከባለቤቷ ጋር በተፈጠረ አለመግባባት የተናደደችው የ29 ዓመቷ ሻርሊን ሩቴንዶ ሙኔንጋ፣ የ33 ዓመቱን ባለቤቷን ብልት በመንከስ ከባድ ጉዳት ማድረሷን የዚምባብዌው "The Herald" ጋዜጣ ዘገበ።

የጋዜጣው መረጃ እንደሚያሳየው፣ ይህ አሰቃቂ ድርጊት የተፈጸመው ባለቤቷ ከጋብቻ ውጭ ግንኙነት አለው በሚል ጥርጣሬ በተነሳ ከፍተኛ ጭቅጭቅና ግብግብ ወቅት ነው።

በደረሰበት ከባድ ጉዳት ምክንያት ወዲያውኑ ወደ ሆስፒታል የተወሰደው ባለቤቱ አሁን ላይ በአስጊ ሁኔታ ላይ እንደሚገኝ ዘገባው አመልክቷል። ጥፋተኛዋ ባለቤት በሃራሬ ማጂስትሬት ፍርድ ቤት ቀርባ በከባድ የአካል ጉዳት ወንጀል ክስ የተመሰረተባት ሲሆን፣ ፍርድ ቤቱም ጉዳዩ እስኪጣራ ድረስ  በእስር እንድትቆይ ትዕዛዝ አስተላልፏል።

@Addis_Reporter
@Addis_Reporter

ኢትዮጵያ የምስራቅ አፍሪካ ቀጠናን እያተራመሰች ነው ስትል ኤርትራ ከሰሰች።

የኤርትራ የማስታወቂያ ሚኒስቴር ያወጣውን መግለጫ ጠቅሶ የፈረንሳይ ዜና አገልግሎት እንደዘገበው «የኢትዮጵያው ገዢ የብልጽግና ፓርቲ የአፍሪካ ቀንድን አለመረጋጋት ውስጥ ለመዝፈቅ በንቃት እየሰራ ነው» ሲል ከሷል።

«ኢትዮጵያ በማያቋርጥ ሁኔታ በኤርትራ ላይ የጦርነት ነጋሪት እየጎሰመች ነው» ያለው መግለጫው ኤርትራ ግን በስትራተጂያዊ ትዕግስቷ ጸንታለች» ብሏል።በተጨማሪም ኢትዮጵያ «ዓለም አቀፍ ስምምነቶችን በመጣስ በኤርትራ ላይ ግልጽ የሆነ የሥርዓት ለውጥ አጀንዳ የያዙ ቅጥረኛ ቡድኖችን በማስተናገድ፣ በማሰልጠንና የገንዘብ ድጋፍ በማድረግ ተጠምዳለች» ሲልም አክሏል መግለጫው።

የፈረንሳይ ዜና አገልግሎት ስለኤርትራው ክስ ከኢትዮጵያ ጠቅላይ ሚኒስቴር ፅሕፈት ቤት ምላሽ ለማግኘት ያደረገው ጥረት እንዳልተሳካለት ገልጿል።

@Addis_Reporter
@Addis_Reporter

በፍኖተ ሰላም በ80 ሺህ ብር በተገዛ በሬ ውስጥ 13.7 ግራም ወርቅ ተገኘ!

በምዕራብ ጎጃም ዞን ፍኖተ ሰላም ከተማ 03 ቀበሌ ለአዲስ ዓመት በዓል ማጠቃለያ በተደረገ የከብት እርድ ወቅት፡ በበሬው ሆድ ውስጥ የወርቅ ቁራጭ መገኘቱ ተገለጸ።

አቶ አንዱአምላክ , አቶ ውለታው እና አቶ በፍትህ ከተባሉ አባላት ጋር በመሆን ለበዓል በ80,000 ብር የተገዛው በሬ ታርዶ በውስጡ የተገኘው ወርቅ በመጀመሪያው የወርቅ ሚዛን የመዘኑት ሰዎች 14 ግራም መሆኑን የገለጹ ሲሆን፡ ለሁለተኛ ጊዜ በሌላ ወርቅ ቤት ሲመዘን ደግሞ 13.7 ግራም ሆኖ ተገኝቷል።

ይህ ያልተጠበቀ ክስተት በከተማው ነዋሪዎችና ማህበራዊ ሚዲያ ተጠቃሚዎች ዘንድ ትልቅ መነጋገሪያ እና ትኩረት ሳቢ አጋጣሚ ሆኗል።

@Addis_Reporter
@Addis_Reporter

የአፍሪካ ሰማይን ያስደመመችው ኢትዮጵያ!

ኢትዮጵያ በአፍሪካ ትልቁን እና እጅግ ዘመናዊ የሆነውን "A350-1000" ሞዴል አውሮፕላን በማንቀሳቀስ ብቸኛዋ ሀገር በመሆን  ታሪክ ሰርታለች። የኢትዮጵያ አየር መንገድ የመጀመሪያውን ይህን ግዙፍ አውሮፕላን በህዳር 2024 የተረከበ ሲሆን፣ በአሁኑ ወቅት እያንዳንዳቸው እስከ 395 ተሳፋሪዎችን የመያዝ አቅም ያላቸው አራት A350-1000 አውሮፕላኖችን በስራ ላይ አውሏል።

እጅግ ለረጅም ርቀት በረራዎች የተነደፈው እና ወደ 15,557 ኪሎ ሜትር የመብረር አቅም ያለው ይህ አውሮፕላን፣ ከቀድሞዎቹ ሞዴሎች ጋር ሲነጻጸር የላቀ ነዳጅ ቆጣቢነት አለው። ለኢትዮጵያ፣ ይህ ስኬት ሀገሪቱ በአፍሪካ ለረጅም ርቀት የአየር ትራንስፖርት ዋና ማዕከል ያላትን ቦታ የሚያንፀባርቅ ሲሆን፣ የኢትዮጵያ አየር መንገድም አህጉሪቱን ከመላው ዓለም መዳረሻዎች ጋር በማገናኘት ላይ እንደሚገኝ አፍሪካ ግሎባል ኒውስ ዘግቧል፡፡

@Addis_Reporter
@Addis_Reporter

የማስታወስ ችሎታን የሚጨምረው የቲማቲም ድልህ

በየቀኑ 35 ግራም የቲማቲም ድልህ  መመገብ በትኩረት፣ በፍጥነት ማስተዋልና በማስታወስ ችሎታ ላይ ትልቅ መሻሻል እንደሚያመጣ ጥናቶች አረጋግጠዋል። የአንጎል ቅኝት ጥናቶችም ቲማቲም መመገብ አንጎል አላስፈላጊ ጫጫታዎችን በመቀነስ ስራውን በብቃትና በጥሩ ሁኔታ ማከናወን እንዲችል እንደሚረዳው አረጋግጠዋል።

ይህ አስደናቂ የቲማቲም ጥቅም ከማስታወስ እና ከነርቭ እድገት ጋር ተያያዥነት ባለው (BDNF) የተባለ ፕሮቲን ላይ አዎንታዊ ጭማሪ እንደሚያሳይ ተመራማሪዎቹ ገልጸዋል። ለዚህ ለውጥ ዋና ምክንያት በቲማቲም ውስጥ የሚገኘው እና «ላይኮፔን» የሚባለው ተፈጥሯዊ አንቲኦክሲደንት ነው።

ላይኮፔን የአንጎልን የደም መከላከያ አጥር ሰብሮ በመግባት በአንጎል ህዋሶች ላይ የሚፈጠር እብጠትን በቀጥታ መቀነስ ይችላል። «Nature Chemical Biology» እና ተያያዥ የህክምና መጽሔቶች ላይ የወጡ የክሊኒካዊ ሙከራ ጥናቶች እንደሚያሳዩት፣ ምንም እንኳን ጥናቱ በውስን ሰዎች ላይ የተደረገ ቢሆንም የቲማቲም መደበኛ አጠቃቀም ለአእምሮ ጤና ያለውን ከፍተኛ ፋይዳ በግልጽ ያሳያል።

@Addis_Reporter
@Addis_Reporter

የብሪክስ ጉባኤ የኢትዮጵያን የዓለም ንግድ ድርጅት አባልነት እና ዓለም አቀፍ መሪነት ደገፈ

​በኒው ዴልሂ በተካሄደው 18ኛው የብሪክስ ጉባኤ አባል ሀገራት ኢትዮጵያ የዓለም ንግድ ድርጅት (WTO) አባል ለመሆን የምታደርገውን ጥረት ሙሉ በሙሉ መደገፋቸውን ገለፁ።

በጉባኤው ማጠቃለያ መግለጫ ላይ ብራዚል፣ ሩሲያ፣ ህንድ፣ ቻይና፣ ደቡብ አፍሪካ እና ኢትዮጵያን ጨምሮ አዲሶቹ አባል ሀገራት ፍትሃዊና አሳታፊ የዓለም ንግድ ስርዓት እንዲኖር ጥሪ አቅርበዋል።

​ከንግድ በተጨማሪም አባል ሀገራቱ ኢትዮጵያ በዓለም አቀፍ ሲቪል አቪዬሽን ድርጅት (ICAO) ምክር ቤት አፍሪካን ወክላ እንድትወዳደር ብቸኛ ዕጩ አድርገው ደግፈዋታል።

በተመሳሳይ የዓለም አቀፉን COP32 የአየር ንብረት ጉባኤ እንድታዘጋጅና እንድትመራ የቀረበውን ጥያቄ በመደገፍ የአፍሪካን መሪነት አጎልብተዋል።

@Addis_Reporter
@Addis_Reporter

ከሰል እና እንጨት የሚጠቀሙ ሆቴል እና ሬስቶራንቶች ማብሰያቸውን በኤሌክትሪክ እንዲቀይሩ ሊደረግ እንደሆነ ተገለጸ

ከሰል እና እንጨት የሚጠቀሙ ሆቴል እና ሬስቶራንቶች ማብሰያቸውን በኤሌክትሪክ እንዲቀይሩ ሊደረግ እንደሆነ ተገለጸ መስከረም 2 ቀን 2019 ዓ.ም. (አሐዱ ሬዲዮ) የበካይ ጋዝ ልቀትን ለመቆጣጠር እና የሚያስከትለውን የጤና ጉዳት ለመቀነስ ለደንበኞቻቸው የሚያቀርቡትን ምግብ በእንጨት እና በከሰል በሚሰራ ማብሰያ የሚያዘጋጁ ሆቴል እና ሬስቶራንቶች ኩሽናቸውን በኤሌክትሪክ ማብሰያ እንዲቀይሩ ሊገደዱ እንደሆነ የአዲስ አበባ አካባቢ ጥበቃ ባለሥልጣን ገልጿል።

የባለሥልጣኑ የአየር ንብረት ለውጥ እና አማራጭ የኢነርጂ ቴክኖሎጂ ዳይሬክተር አቶ ሰይድ አብደላ ለአሐዱ ሬድዮ እንደተናገሩት፣ በቤት ውስጥ እና በንግድ ተቋማት የሚደረግ የከሰልና የእንጨት አጠቃቀም ለከፍተኛ የጤና ችግር የሚያጋልጥ በካይ ጋዝ ይፈጥራል።

@Addis_Reporter
@Addis_Reporter

የትምህርትና ስልጠና ባለስልጣን 24 ለሚጠጉ የግል ከፍተኛ ትምህርት ተቋማት የተቀመጡ መስፈርቶችን እንዲያሟሉ የሰጠው የ12 ወራት የዕፎይታ ጊዜ መጠናቀቁን አስታወቀ


​ከትምህርት ጥራት ማሻሻያ (ሪፎርም) በፊት ከነበሩት 375 የግል ተቋማት ውስጥ 290ዎቹ ለድጋሚ ምዝገባ ያመለከቱ ሲሆን፣ 85ቱ ራሳቸውን አግልለዋል። እስካሁንም ያሉትን መስፈርቶች አሟልተው ሙሉ እውቅና (Accreditation) ማግኘት የቻሉት ሦስት ተቋማት፣ ሦስት ካምፓሶች እና 17 የትምህርት ፕሮግራሞች ብቻ መሆናቸው ታውቋል።

​በአሁኑ ወቅት በመላው አገሪቱ በሚገኙ የግል ተቋማት ውስጥ 340,038 (አጠቃላይ የከፍተኛ ትምህርት ተማሪዎች 41 በመቶ) ተማሪዎች ትምህርታቸውን ይከታተላሉ።

የተቋማቱ ባለቤቶች በአንድ ዓመት ጊዜ ውስጥ ሆስፒታል መገንባትና የፒኤችዲ መምህራንን በበቂ ሁኔታ ማሟላት አዳጋች መሆኑን በማንሳት ቅሬታቸውን ቢያቀርቡም፤ የባለስልጣኑ ዋና ዳይሬክተር ዶ/ር አህመድ አቢተው በትምህርት ጥራት ላይ ምንም ዓይነት ድርድር እንደማይደረግ አቋማቸውን አንጸባርቀዋል።

@Addis_Reporter
@Addis_Reporter

AI የሰውን ልጅ ሊያጠፋ ይችላል‼️
ከፍተኛ አቅም ያለው ሰው ሰራሽ አስተውሎት (#AI) ከሰው ልጅ አቅም በላይ ከደረሰና በቂ ቁጥጥር ካልተደረገበት ለሰው ልጅ ህልውና ከባድ አደጋ ሊሆን እንደሚችል የAI ተመራማሪዎችና የቴክኖሎጂ ባለሙያዎች እያስጠነቀቁ ነው።

#በአሜሪካዊው የAI ኩባንያ Anthropic የሚሰሩ ተመራማሪዎች ኃይለኛ AI በዚህ አስር ዓመት ውስጥ ለሰው ልጅ ህልውና አደጋ ሊሆን እንደሚችል ገልጸዋል።

ከኩባንያው የለቀቀው ጃኮብ ኮክሰን የተባለ ተመራማሪ፣ AI እስከ 2030 መጨረሻ ድረስ የሰው ልጅን ሙሉ በሙሉ ሊያጠፋ/ሊገድል የሚችልበት #እድል እንዳለ ሲገልጽ፣ አንድ የአሁኑ የAnthropic ተመራማሪም የዚህ አደጋ ዕድል ከ10 በመቶ በላይ ሊሆን እንደሚችል ጠቅሷል።

እንደ የAI ተመራማሪዎቹ ገለጻ፣ እጅግ የላቀ AI ከሰው ልጅ ጥቅም ጋር ተጣጥሞ እንዲሰራ የሚያረጋግጥ በቂ #የደህንነት ዕቅድ አሁን የለም።

ይህ ስጋት #በብሪታንያ ፓርላማም ተነስቷል። የቀድሞ የመከላከያ ሚኒስትር ዴዝ ብራውን እና የኮምፒውተር ሳይንስ ተመራማሪው ፕሮፌሰር ስቱዋርት ራሰል፣ እጅግ የላቀ AI ከኑክሌር መሣሪያዎች ጋር ተመጣጣኝ ወይም ከዚያ የሚበልጥ ለሰው ልጅ ስጋት ሊሆን እንደሚችል አስጠንቅቀዋል።

ሆኖም ሁሉም ባለሙያዎች በዚህ ላይ አይስማሙም። የAI እና ማኅበረሰብ ባለሙያ ፕሮፌሰር ኬት ዴቭሊን እንደሚሉት፣ " AI የሰው ልጅን #ሊያጠፋ ይችላል " የሚለው ትንበያ የተረጋገጠ እውነታ ሳይሆን የአደጋ ግምት ነው።

በአሁኑ ወቅት እጅግ የላቀ " ሱፐር ኢንተሊጀንት " AI እንደሌለን እና መቼ እንደሚኖርም በትክክል መተንበይ እንደማይቻል ገልጸዋል።

ባለሙያዎች ግን AI የሚያስከትለው አደጋ የሰውን ልጅ ሙሉ በሙሉ መጥፋት #ብቻ እንዳልሆነ ያስረዳሉ።

#የAI ስርዓቶች ለጎጂ ዓላማዎች መጠቀም፣ ሳይበር ጥቃት ማድረስ ወይም በሰው ስህተት አደገኛ ስርዓቶችን መቆጣጠር ከሚጠቀሱት አደጋዎች መካከል ናቸው።

በተጨማሪም የሐሰት መረጃ መስፋፋት፣ ሰው የሚሰራባቸውን ቦታዎች መተካት ፣ የግል መረጃ ደህንነት ስጋት እና AI ለማስኬድ የሚያስፈልገው ከፍተኛ ኃይል አሁኑ ወቅት እየታዩ ያሉ ችግሮችና ስጋቶች መሆናቸው ተጠቁሟል።

አሁን ላይ " AI የሰው ልጅን ያጠፋል ወይ ? " ከሚለው ጥያቄ ባሻገር፣ እጅግ ኃይለኛ AI ከተፈጠረ በኋላ በሰው ልጅ ጥቅም ላይ እንዲውል ምን ዓይነት ቁጥጥር፣ ሕግና የደህንነት ሥርዓት መዘርጋት አለበት ? የሚለው አሳሳቢ ጉዳይ ነው።
ዘጋርዲያን

@Addis_Reporter
@Addis_Reporter

"ከእስር መፈታት ጋር ተያይዞ በማህበራዊ ሚዲያ የሚሰራጩ አሉባልታዎች መሠረተ-ቢስ ናቸው" - አቶ ክርስቲያን ታደለ

በአዲስ ዓመት ዋዜማ ከእስር የተፈቱት አቶ ክርስቲያን ታደሰ በእስር ቆይታቸው ከእሳቸውና ከቤተሰቦቻቸው ጎን ለቆሙ ግለሰቦችና ተቋማት ምስጋና አቀረቡ።

አቶ ክርስቲያን በይፋዊ የማህበራዊ ሚዲያ ገጻቸው ባሰራጩት የምስጋና መልዕክት፣ ባለፉት ሦስት ዓመታት ከእሳቸውና ከቤተሰቦቻቸው ጎን ለቆሙ ሁሉ ልባዊ ምስጋናቸውን ገልጸዋል።

በተጨማሪ አሁን ላይ የጤናቸውን ሁኔታ እየተከታተሉ መሆኑን ገልጸው " ከእስር መፈታት ጋር ተያይዞ በማኅበራዊ ሚዲያ የሚሰራጩ አሉባልታዎች መሠረተ-ቢስ " መሆናቸውን አስታውቀዋል።

የጤናቸው ሁኔታ ሲሻሻል በጉዳዩ ዙሪያ ያለውን እውነታ በዝርዝር ለሕዝብ እንደሚያሳውቁ አቶ ክርስቲያን ታደለ ገልጸዋል።

@Addis_Reporter
@Addis_Reporter

ቶጎ አፍሪካ የኢትዮጵያን የቀን መቆጠሪያ መጠቀም እንዳለባት አሳስባለች።

ቶጎ የአፍሪካ ሀገራት የአውሮፓውያንን የቀኝ ግዛት ዘመን የቀን መቆጠሪያ በማስወገድ የራሳቸውን አህጉራዊ ማንነት የሚያንፀባርቁበት አዲስ ዓመት እና በዓላት ሊኖሯቸው እንደሚገባ ጥሪ አቀረበች።

የምዕራባውያንን የቀኝ ግዛት ዘመን የቀን መቆጠሪያዎችን በማስወገድ አፍሪካውያን የራሳቸውን አህጉራዊ ማንነትና ታሪክ የሚያንፀባርቅ የጊዜ አቆጣጠር ሊኖራቸው እንደሚገባ ቶጎ ጥሪ አቅርባለች። ቶጎ ከአፍሪካ ህብረት ጋር በመተባበር አህጉራዊ አንድነትን የሚያጎለብት አዲስ ዓመት እንዲታወጅ የጠየቀች ሲሆን፣ ለዚህም መፍትሔው መላው አፍሪካውያን የራሳቸውን ማንነት ለመመለስ የኢትዮጵያን የቀን መቆጠሪያ (ካላንደር) መጠቀም እንደሆነ አሳስባለች።

በዓለም አቀፍ ደረጃ የኢትዮጵያ ካላንደር የነፃነት፣ የራሷን የቻለች ሀገር እና የጥንታዊ ሥልጣኔ ምልክት ተደርጎ ትልቅ አድናቆትና ክብር እየተቸረው ይገኛል። ሆኖም ግን ይህ የአፍሪካ ሀገራት የኢትዮጵያን የጊዜ አቆጣጠር እንደ አህጉራዊ ኩራትና መፍትሔ አድርገው በሚመለከቱበት በአሁኑ ወቅት፣ በሀገር ውስጥ የካላንደር ለውጥ እንዲደረግ የሚደረጉ እንቅስቃሴዎችና ፍላጎቶች በብዙዎች ዘንድ አላስፈላጊና የሀገርን ታሪካዊ ቅርስ የሚሸረሽር ተደርጎ በመወሰዱ ከፍተኛ ቅሬታን ፈጥሯል።

@Addis_Reporter
@Addis_Reporter

የዳኞች ኮሚቴ ዩናይትድን ይቅርታ ጠየቀ !

የእንግሊዝ ፕሪሚየር ሊግ ዳኞች ኮሚቴ ኤርሊንግ ሀላንድ ያስቆጠረው ግብ ከጨዋታ ውጪ እንደነበር ገለፀ።

ኮሚቴው ቫር ስህተት መስራቱን እና ጎሉ መሻር እንደነበረበት በይፋ አስታውቋል።

የዳኞች ኮሚቴው ለተፈጠረው ስህተት ማንችስተር ዩናይትድ የይቅርታ ደብዳቤ መላኩን አያይዞ ገልጿል።

የኤርሊንግ ሀላንድ ግብ ከጨዋታ ውጪ መሆኑን የሜዳ ላይ ዳኞች ቢገልፁም ቫር ውሳኔውን ሽሮ ማፅደቁ አይዘነጋም።

@Addis_Reporter
@Addis_Reporter

ታላቁ የኢትዮጵያ ሕዳሴ ግድብ በታዋቂው "ታይም" መጽሔት የፊት ገጽ ላይ ሽፋን አገኘ

የዓለማችን ግዙፍና ተፅዕኖ ፈጣሪ ከሆኑ የሕትመት ውጤቶች አንዱ የሆነው «ታይም» መጽሔት፣ የመስከረም 2026 ዕትሙን የፊት ገጽ ሙሉ በሙሉ ለታላቁ የኢትዮጵያ ሕዳሴ ግድብ ሰጥቷል። 

መጽሔቱ በሽፋን ገጹ ላይ «አፍሪካን የማስተሳሰር ኃይል» (The Power to Unite Africa) የሚል ታላቅ ዋና ርዕስ በመስጠት፣ ግድቡ በአህጉሪቱ ላይ እያሳደረ ያለውን መልካም ተፅዕኖ በስፋት ዳስሷል።

«ታይም» መጽሔት ባወጣው ሰፊ ዘገባ፣ የሕዳሴው ግድብ ለአህጉራዊ ትስስርና ለምስራቅ አፍሪካ አዲሱ የኢኮኖሚ ውህደት ምዕራፍ እየተጫወተ ያለውን ከፍተኛ ሚና በምሳሌነት ጠቅሷል።

ግድቡ የኢትዮጵያን የኃይል ፍላጎት ከማሟላት ባለፈ፣ ለአጠቃላይ የአፍሪካ አህጉር የቀጣናው ትስስርና የኤሌክትሪክ ኃይል አቅርቦት ዋነኛ መሠረት መሆኑን ዘገባው አመልክቷል።

በተጨማሪም፣ ታላቁ የሕዳሴ ግድብ በምስራቅ አፍሪካ አገራት መካከል ያለውን የኃይልና የኢኮኖሚ ትስስር ይበልጥ በማጠናከር፣ በአህጉሪቱ አዲስ የትብብር፣ የልማትና የእድገት ምዕራፍ መክፈቱን መጽሔቱ በዕትሙ በዝርዝር አስፍሯል።

ግድቡ በአፍሪካውያን የራሳቸው ካፒታልና ጽናት የተገነባ መሆኑ አህጉሪቱ የራሷን ዕድል በራሷ የመወሰን አቅም እንዳላት ያሳየበት ትልቅ ማሳያ መሆኑም ተገልጿል።

@Addis_Reporter
@Addis_Reporter