የአምስቱ ጋዜጠኞች ውሳኔ እና የሲፒጄ ጥሪ‼

በእስር ላይ የሚገኙ አምስት ኢትዮጵያውያን ጋዜጠኞች ምንም አይነት ወንጀል ስላልፈጸሙ ይቅርታ ጠይቀው ከእስር እንዲፈቱ የቀረበላቸውን ሀሳብ አለመቀበላቸውን የጋዜጠኞች መብት ተሟጋች ድርጅት ወይም ሲፒጄ አስታውቋል።

ጋዜጠኞቹ ጎበዜ ሲሳይ፣ መስከረም አበራ፣ ገነት አስማማው፣ ዳዊት በጋሻው እና አባይ ዘውዱ ሲሆኑ በአማራ ክልል ከተቀሰቀሰው ግጭት ጋር በተያያዘ በፈረንጆች አቆጣጠር በ2023 የተያዙ ናቸው። ከዚያም በሽብርተኝነት ወንጀል ተከሰሰው የፍርድ ቤት ሂደታቸውን ሲከታተሉ ቆይተዋል።

የተከሳሾቹ ጠበቃ አቶ ሰሎሞን ገዛኸኝ እንደገለጹት የማረሚያ ቤት ኃላፊዎች ጋዜጠኞቹን ከሌሎች ታሳሪዎች በመለየትና በማስፈራራት መንግስት ያዘጋጀውን የይቅርታ ወረቀት ፈርመው ከእስር እንዲወጡ እንዲሁም የጋዜጠኝነት ስራቸውን እንዲተዉ ጫና ሲያደርጉባቸው ነበር። 

ነገር ግን ጋዜጠኞቹ ምንም ያጠፉት ጥፋት በሌለበት ሁኔታ ራሳቸውን እንደ ወንጀለኛ አድርገው መቁጠርና ማመንን ባለመቀበል የቀረበላቸውን ጥያቄ ፈፅመው ውድቅ አድርገውታል ብለዋል።

የሲፒጄ የአፍሪካ ፕሮግራም አስተባባሪ ሙቶኪ ሙሞ የኢትዮጵያ ባለስልጣናት ጋዜጠኞቹን ለረጅም ጊዜ ካሰሩ በኋላ በፍርድ ቤት ማረጋገጥ ያልቻሉትን ወንጀል በግዴታ አምነው እንዲቀበሉ ለማድረግ የሚያደርጉትን አካሄድ ኮንነዋል።

አስተባባሪዋ አክለውም በጋዜጠኞቹ ላይ የሚፈጸመው ያልተገባ ጫና በአስቸኳይ እንዲቆም፣ የተመሰረተባቸው ክስ ተነስቶ ያለ ምንም ቅድመ ሁኔታ እንዲፈቱ እንዲሁም ሙያቸውን በነጻነት ማከናወን እንዲችሉ ጥሪ አቅርበዋል።

@Addis_Reporter
@Addis_Reporter

የሁቲ ግስጋሴና ቀይ ባህር

ሁቲ የየመንን የቀይ ባህር ዳርቻ ሙሉ በሙሉ በእጁ አስገብቷል።

የመንግስት ኃይሎች ጋር እየተፋለመ የሚገኘው ሁቲ ወሳኝ ደሴቶችን በመያዝ የበብ ኤል-መንደብን መተላለፊያም ዘግቷል።

በሳውዲ ዐረቢያ የሚደገፈው የኤደኑ መንግስት፤ በኢራን መሳሪያ የሚቀርብለትን ኃይል ለመቋቋም ጥረት ላይ ነው ተብሏል።

ጥቃቱና የተፈጠረው ቀውስ ፤ በቀይ ባህር ዳርቻ የሚገኙ ሀገራት ሁቲዎችን መቆጣጠር ሊያዳግታቸው እንደሚችል ማሳያም ሆኗል።

የቀይ ባህር ፖለቲካ እና ወታደራዊ አሰላለፍ አዲስ ቅርፅ እየያዘ ካልመጣ ከህንድ ውቅያኖስ ኤደን ባህረ ሰላጤ -በብ ኤል -መንደብ ሰርጥ እስከ ሰሜናዊ ቀይ ባህር ጫፍ የግብፁ -ስዊዝ ቦይ ድረስ የኢኮኖሚ ደህንነት ስጋት ውስጥ ይገባል።

እንደ ሳውዲ ዐረቢያ ያሉ ሀገራት ችግሩ ከአሁኑ የጀመራቸው ሲሆን፤ ከያንቡ ወደብ በበብ ኤል-መንደብ በኩል ነዳጇን ማሳለፍ አልቻለችም።

በተለይም የሳውዲው ኢስት-ዌስት የነዳጅ ማስተላለፊያ መስመር ከኢራቅ በተነሳ ሰው አልባ አውሮፕላን መመታቱን ተከትሎ ለቅድመ ጥንቃቄ በሚል መዝጋቷ በዓለም የነዳጅ ፖለቲካና ዋጋ ላይ አደጋ ይዞ ይመጣል።

ሁቲዎች ፕሪም ደሴትን መያዛቸውን ተከትሎ በቀይ ባህር አካባቢ የራሳቸውን የደህንነት ኃይል ያቋቋሙ ሀገራት አቅምም እየተፈተነ ነው።

ይህም በራሳቸው ትዕዛዝ ስር ሆኖ መንቀሳቀስን ይጠይቃልና አካባቢው ላይ አዲስ አሰላለፍ ሊፈጠር እንደሚችል ጠቋሚ ነው ይላሉ የፖለቲካ ተንታኞች።

አልጀዚራ 

@Addis_Reporter
@Addis_Reporter